~» .. غريبه وســط أوطــاني .. «~ - الصفحة 27

كسر الخواطر · 03-25-2010, 04:13 PM

الله يوفقج وينجحج يالغاليه

ويخلي لج ميووه ^^

خخخخخخخخخ __DEFINE_LIKE_SHARE__

ﻣفـﻨﯚدہ · 03-26-2010, 04:32 AM

فانتضارج اختيهـ __DEFINE_LIKE_SHARE__

راعي استاندر · 03-27-2010, 10:14 PM

نتريااااااااااااج __DEFINE_LIKE_SHARE__

معزمهــ بالرحيل · 03-28-2010, 12:11 AM

السلااااااااااااااااام عليكم والرحمه الله وبركااااااااااته
شحاالج خيتوو ^^

تسلم ييد من كتب القصه في ذمتي انها كسر تيماات ..^^

ونترقب الباارتاات .. كلهاا ..

تسلم يمنااج خيتووو ع النـقــل ,,
تحياتي لج ^^ __DEFINE_LIKE_SHARE__

بنوتة من العين · 03-28-2010, 01:20 PM

اتمنا انكم ما تزعلون

قطعت وقت امتحاناتي عشانكم

قولولي رايكم

تراه مب بارت كامل

والسمووحة مكم

فج عنيه وقلت بارتباك: يوم كنت في أمريكا تـ عـرفت عـليـه (كانت وايد صعبه عليّه اني اقولها جدام خالد ) كان فيايه في الجامعه وكنا نسير نفس المحاظرات تقريباً .. (سكت خلاف قلت) بس صدقني ما اعتبرته اكثـر عن اخـووويـه لأنه ماكان لي حد غيره في أمريكـا ..

خالد: متأكده انه هذا كل شي ؟

حموده: واايد اشياء استوت بس كانت طيش شباب ..

خالد: مثلاً ..

ياربـي شو اسويـله هـذا ؟ شو اقولـه ؟ هذا عايش فالعصر الحجري ومستحيل يفهمنيه ! بس انا ماروم اجذب !

قلت بجديه وحطيت عينيه فـ عينه : اسمع يا خالد .. اللي صار فالماضي تراه خلاص انتهى .. وانته مايستوي تحاسبنيه ع شي انته ماكنت في وقته موجود في حياتيه .. مثل ما انا مالي حق احاسبك ع ماضيـك انته بعد مالك حق تحاسبنيه ع ماضيّه .. لو كان هالشي يهمك كنت سألت عنه من قبل هب الحين عقب ماكملنا سنه !

خالد: بس هذا ولد خاليه تعرفين شو يعني ولد خاليه ؟ والحين هو خطب فطوم ومايندرا جانه خاطبنها عشانها ولا انتوا متفقين عشان ماتفترقون عن بعـض !

ماحسيت بعمريه الا وأنا أصفعه .. صفعته بأقوى ماعنديه وركبت سيارته بما انها كانت شغّاله وفيها السويـج وركبتها وروّحت عنه .. عاد خليـه يرد العين الحين !

طول الدرب كنت أصيـح .. معقوله خالد يفكر فيّه جذيـه ؟ معقوله ماعنده ثقه فيّه ؟

آآآآآآخ يا دنيـا خلا منها الامــان .. لو صفـت لحظـات مســرع ماتشيــن !!!

كنت ماعرف في أي شارع انا أمشي .. بس تبعت السيايير ووصلت لين السوق من عقبها عرفت دربيه .. ورديت عشان اشل بنتيه طبعاً .. أنـا مب ناويه أسامح خالد ع اللي سواه .. ضربنيه واهاننيه وشك فيّه .. شو بعد اكثر عن هذا ؟

نزلت فالبيت لميت شوي من قشاريه في شنطه ومارمت الم الباقي بما اني كنت مستعيله وخفت من ردة خالد على غفلـه .. شليت شنطتيه وبنتيه وظهـرت .. الله رحمنيه انه محد كان فالبيـت .. ركبت سيارتيه اللي كانت موقفه فالقراج وحطيت مي ع السيت وفريت الشنطه ورا مادري من وين يتني القوه الصراحه !

توجهت صوب زاخر .. وقفت عند بيتنا و شليت مي ونزلت .. زقرت الخدامه تنزل شنطتيه .. ع فكره الحين الوقت ليل تراه .. خلي خالد يبات الليله فالبر يمكن تلدغه عقرب .. لالالالا بسم الله عليه ! هو صدق جرحنيه اليوم .. بس مع ذلك مايهووووون أبـداً مايهون !

دخلت البيت .. الكل كان موجود ماشالله .. زين عشان افر القنبله مره وحده .. استقبلوني بابتسامات وترحيب .. سلمت عليهم وشلوا عنيه مي عشان يودونها فوق لنها راقده .. بس فاجأتهم شنطتيه ..

عموه عليا : وابويه حموده اشوف شنطتج شو مستوي ؟

يدوه: فديـــتج يا بنتيه أكيد خلّود الــهــرم مسوّبج شي ..

هزيت راسيه بـ هيه وربعت ولويت على يدوه وصحت فـ ثبانها ..

يدوه: واايه غربله الله شو سوابـــج ؟؟

حموده: يدووه ضربنــــيه ..

وراويتها خديه اللي كان وارم شوي ..

يدوه : وااااا لقعتيـــه .. ماعليـه خلينيه أشووفـه والله لا أغســل لج شـراعه ..

حموده: صدق بتضربيــنه يدوه ؟

يدوه: هيه عيل اجذب عليـج انا ؟ وااابويه عليــج .. انزين انتوا شعنه تضاربتوا ؟

حموده: يدوه خلاف بخبـــرج الحيـن بسير عند بنتيـه ..

عوشه: شو مستحيه منا ؟

حموده: انا ماودي أكبـر السالفه خلاص برد عندهم جان ........

قاطعتنيه يدوه: لا والله مارديتي .. ضاربنج وبترديـله ؟ بتيلسين هنيه معززه مكرمه .. شو يتحسب ماوراج والي ؟

ابتسمت حق يدوه وحبيتها على راسها وقمت ورقيت فوق صوب حجرتيـه .. أول مادخلت وسكرت الباب .. اطلقت العنان لدموعيه .. خليتهن يهلّن بدون أي اعتراض مني !

احترق تيلفونيه من كثر الاتصالات ماكلفت عمريه ارد او حتى اطالع الرقم .. غلقته وتلحفت ورقدت بعباتيه !

احترمتك حيل لكنك خطيت والخطا ان زاد قل الاحترام !

وعيت على صوت صياح مي .. رضعتها وردت رقدت .. حبيتها بين عيونــها .. هالمفعوصه الصغيرونه هي أحلى شي فـ حياتيه .. !

فتحت تيلفونيه اللي كان مغلق تمت المسجات توصل واحد ورا الثاني وكلها من خالد .. صاح التيلفون وهو في ايديه .. ماكان لي بارض بندت فويهه وغلقت التيلفون مره ثانيه ..

طالعت الساعه كانت 12:30 فلّيل .. رديت رقـدت ..

بالبــاجر ..

حسيت في شي على راسيه وحسيت جنه حد حبنيه على يبهتيـه .. فتحت عيونيه وشفت خالد كنت ببتسم له بس تذكرت كل اللي استوا البارحه .. خوزت ايده عن راسيه وقمت وابتعدت عنه .. هذا شو مهبطنه حجرتيه .. ؟

خالد: زعلانه ؟

حموده: لاوالله ؟ شو رايك انته ؟

خالد: والله أنـــا آسـف مـ .....

حموده: لاتتأسف وانته ماتعرف أصلاً شو غلطتك .. أول شي حس بغلطتك خلاف اعتذر .. وانا فالحالتيـن صعب اني اسامحك ! لهالدرجه اتحسبنيه رخيصه وذليله عشان تغلط عليّه غلطه مثل هاي واسامحك بكلمتيـن ؟ لا يا خالد .. "كبر الخطا ماكل عذر يغطيه مثل التعازي ماترد المصيـبه" !

خالد: انزين شو اسوي ..

حموده: انته أبــخص .. وتتحسب اللي سويــته شويه يعني ؟

خالد: انزيـن انا ندمان طالعي حالتيـه ..

دققت في شكله عدل .. كان ويهه تعبان وعيونه حمر وكندورته كلها تراب .. عورنيه قلبيه عليـه بس استقويت على عمريه وقلت ..

حموده: شفيـها حالتك جنك البخت !

خالد: برايــج معذووره أدري اني انا الغلطـان بــس .......

قاطعته: لا بس ولا شي ممكن تظهر من حجرتيه ؟

طالعنيه بيأس وظهر من الحجره ..

رديت أصيـح مره ثانيـه .. بس عقب شوي سمعت دق ع الباب .. فجيـت الباب .. شفت يدوه زاخــه خالد من كندورته ..

يدوه: ترخصينيه أدبــغه ؟

حموده: افــا عليـج يدوه مرخووصـــه ..

خالد: شو مرخوصـه ؟؟ ريال طول بعرض انا جدامكــم .. حشــموا !!

يدوه: لو انته ريال جان ماسويت اللي سويته ..

وضــربته بالعـصا .. كان بيشرد بس يدوه طلعت قويه ومارام يتفجج منها .. غســلت شــرااااعه كل شوي تضربه في مكان وهو يبا يتفجج منها بس هب رايـم .. وانا كنت ناقـعه ضحـــك .. آخر شي عقب مارحمت حال خالد قلت ..

حموده: يدوه خلاص هههههههههه بَسّه بَسّه ..

يدوه: لالا مب بَسّه خليه يتأدب شعنه يضربـج ؟

حموده: يدوه خلاص سـاااامحته ..

يدوه: صدق ؟ (فجته وقالت: هيه عيل برايكم تفاهموا على راحتكـم ..

خالد: صدق سامحتينيه ؟

سحبته من ايده داخل الحجره ..

حموده: أعتـــذر أول ..

خالد : آآســــف والله آآآســف مابعيــدها مــره ثانيه .. دخيــلج رحمينيه عاااد .. البــارحه والله اني مارمت أرقـــد من كثر ما أهويــس ..

حموده: انزيـن انا شقايل هنت عليـك تقوليّه جذيـه ؟ انته أهنتنيه وجرحتنيه وفوق هذا ضربتنيه ! شو يضمن ليه ماتعيدها مره ثانيه ؟

خالد: اوعـــدج ما أعيـدها .. أنــا كنـت معصــب .. عادي كنت أذبحج .. مجرد خيال انج كنتي فيا حد غيريه تذبـحنيه ..

حموده: عيل نسيت حمد ؟

خالد: حمد غير .. حمد مااات .. بس سيف حي وبياخذ فطوم !

حموده: انزين خلاص شسوي انا يعني ؟

خالد: أبـاج ترضيـن عليّه ..

ابتسمت وقلت: رضيت عليك .. أوامر ثانيه ؟

خالد: هيه أبا أرقـد ..

وانسدح ع شبريتيه وتلحف .. غمض عيونه .. حبيته ع يبهته ..

قال وهو مغمض عيونه : ع فكره بعدنيه مارقدت ..

حموده: هههههههه أدري .. خــالد ..

فتح عيونه وقال : عيــونه وروحــه وقلبـه ..

حموده: لا تظـن اني حبيـت حد غيـرك .. ومستحيل أحب حد كثر ماحبيــتك ..

خالد: أدري مايحتاااي تقوليــن ..

حموده: يالـــخقاااااااااااااق ..

خالد: فديــتني والله ..

حموده: امــحق يالشيـبه يالمتخلــف ..

خالد: يالعيوز يالمخــرفه ..

حموده: هههههههههه .. ماعليـه يالشيبه دواك خلاف يوم بتوعي ارقد انته الحيـن بـس !

ضحك وغمض عيونه .. بندت الستاره وقصرت ع درجة حرارة المكيف عشان يغدي أبرد .. شليت مي ووديتها حجرة سلامه عشان ماتوعيــه .. بس سلامه كانت واقفه عند البلكونه ومتسانده ع اليدار وحاطه التيلفون ع ذنها و أظني انها ترمس ريّال .. طالعت لبعيد شوي وشفت سهيل واقف ع بلكونتـه وقابض تيلفونه هو بعد .. مطيت سلامه من ايدها وهبطتها داخــل وبندت الدريـشه والستاره .. قبضـت تيلفون سلامه وقلت ..

حموده: اللي يبا بنات الناس يهبط من الباب مب من البلكووونـــه !!!!!

ورقعت في ويهه !

سلامه : شو سويتي حسبي الله عليـج ! جيه ترقعين في ويه الريال ؟!

حموده: وايد ماخذه راحتج الاخت ؟ شوفي مره ثانيه ان شفتج عتبتي ع البلكونه ولا ظهرتي راسج من الدريـشه لا تلوميـن الا نفسـج ..! فاهـــمه !!!

سلامه: انزين شسوي ؟ هو قال "ني بغي شوفش " شو أقوله لا مثلاً ؟

حموده: هيه هاللي مفروض يستوي .. هب تستعرضين جدامه فالبلكونه .. !!!!!! انتن تغلطن وآخر شي اطّيـح في راسيه انا ! شوفي من الحين أقولــج .. طبي عنج هالسوالــف جانه يباج بيخطبج وجانه مايباج يلتعـــــن !

سلامه: مب انتي اللي أول مره خليتيه يشوفنيـه ؟ شقايل تقوليـن هالرمسـه .؟

حموده: يوووووه بــس عاد والله خبلتوبــي ..

وظهرت عنها وانا معصـبه .. سرت ويلست فالصاله وشغلت التلفزون وتميت اطالـع .. يت عنديه سلامه ويلست عداليه وتلصقت فيّه ..

سلامـه: أيـه والله انا آســفه .. ماكنــت أقصــد ..

حموده: هيـه هذا انتوا أول شي تغلطـون خلاف تون تتأسفون .. ماترومون تفكرون بعقل قبل ماتنطقون بـ شي ؟

سلامه: والله العظيـم زلــة لســان بس انا مب قصديه شي شين من هالرمسه !

حموده: انزيـن بس خلاص أصلاً انا اروحيه متضايـقه .. !

سلامه: سلامـتج من الضيـق فديت روحـج ..

ولوت عليّه وحبتنيه على غزيـه ..

فهاللحـظه صـاح تيـلفون البيـت .. رديت أنـا ..

علي: ألو السلام عليكم ..

حموده: عليكم السلام هلا علـي ..

علي: تعالـوا المستشفى بســرعه الريم تعبانـه وأظنـي بتربـي ..

حموده: صــدق ؟؟ انزيـن انزيـن الحين يايينـــك .. يالله مع السلامه ..

علي: مع السـلامه ..

بنجت عنه وقلت حق سلامه: يالله سيري زقريـــــهم اختج بتربي ..

سلامه: حـــــلفي !

حموده: مب وقت حلااايف يالله انقفضي ..

سلامه: انزين انزين ..

وقامت وربعت صوب حجرة يدوه وانا ربعت فـوق .. بطلت باب حجرتيه شوي شوي .. يلست ع الشبريه عدال خالد وهزيته ع الخفيف ..

حموده: حبيبي ..

خالد: همممممممممممممم ..

حموده: قوم شـوي بقولـك شي ..

فتح عيونه وطالعنيه ..

حموده: ريموه فالمستشفى يقولون بتربي بتوصلنيه انته ولا اسير فيا قوم يدوه ؟

فـز خالد من رقدتـه ويلس وفرك عيونه ..

خالد: أنــا بوصلـج .. يالله تزهبـي ..

حموده: انزيــن ..

فجيت الكبت وظهرت عباتيه وشيلتيه ولبستـهن ..

طالعت خالد كان يالس يتسفر ..

حموده: بتسيـر بهالكندوره الحلـطا ؟

خالد: عندج غيـرها ؟

حموده: هيـه !

فجيت الكبت وظهرت وحده من كنادير خالد كانت عنديه ..

خالد: شو ياب كندورتيه هنيـه ؟

حموده: ماتحيد مره يوم بتنـا هنيـه ؟

خالد: هيـه صح هاتيـها عيـل ..

عطيته اياها .. بدل ثيابه وشليت مي وظهــرنا .. حصلـناهم كلهم تحت وقدهم بيظهرون ..

ظهرنا وراهم وركبنا سيارتـنا ..

فالسيـاره ..

حموده: الا فطـوم ماحد تخبر عنهـا ؟

خالد: اميه تخبـرت عنهـا وسارت لهــا .. ومادري جان حد درا بعد ..

شفيـه يرمـس من دون نفـس ؟ هالكثـر عايف طاري فطوم .. ؟!

تميـنا ساكتين طول الدرب لين وصلنا المستشفى .. نزلنا وهبطنا داخـل وسرنا صوب الولاّده .. حصلـناهم كلهم يتريـون .. خالد كان مبين ع ويهه التعب فـ يلس ع الكـرسي ويلست عدالـه .. حط راسه ع جتفيه وغمض عيـونـه ..

حموده: أحجز لك حجره ترقد فيهـا ؟

خالد: شو أبا فالحجر جتفتج أحسن مخــده .. لو انه عظـام شوي بس ماعليـه عسل على قلبيه !

استحيت أنا بما انه علي كان واقف عدالـنا ..

علي: ياحـافظ عليـكم هيه تغزلوا في بعض انتوا وانا حرمتيـه داخل مايندرا شو حالتـها !

خالد وهو بعده على جتفيه ومغمض عيونه: أرد لك الديـن بو حسـن .. ماتحيد يوم حرمتيه انا كانت داخـل شو كنتوا تسوون انته وحرمـتك ؟ مسويـن فلم رومانسـي ع الهواء مباشـرة ! عـاد ذوق الحين وحس بأحساسيه .. وبعدين انا من البارحه مارقدت خل عيونيـه تغمـض طشونه !

علي: نوم العوافـي انشاااالله ..

وروّح بعيـد عنــا وانا تميت أضحك ..

خالد: فديت هالضحكه الحين برقد وانا مرتـاح ..

حموده: الحين بنتك راقده فـ ثبانيه وانته راقد ع جتفيه كم بشل انا ؟

خالد: انا أولى من بنتج يالله فريها على أي حد ..

حموده: أبــا أعـرف انته ليـش ما ادّاني بنتـك ؟

خالد: منو قال ما ادانيـها ؟ بس أبــا أرقـد وانا من ايينيه الرقـاد أغيّب الذهـن ومايفرق عنديه بنتيه ولا بنت اليران !

ضحكت عليه .. وهو عدل عمره على جتفيه ورقـد ..

بعـد حــوالـي ساعتيـن ونـص من الانتـظـار .. ظهـرت الدكتـوره من داخـل وشكلـها يايبـه أخبـار شيـنه .. وعّيت خالد وسرنا صوبهم ..

الدكتوره: انتوا أهـل ريـم سيـف ؟

يدوه: هيه نحــن أهلــها هاه بشري يا دختوره ..

الدكتـوره: ريـم محتـاجه عمليـه بأقصى سـرعه ومحتاجيـن ريلـها يوقع .. منو هنيه ريلها ؟

علي : أنـا ريــلها .. بس حق شو العمليـه ؟

الدكتوره: هي حامـل بتوأم وحجمهم كبيـر شويـه لأنهم تعدّوا شهرهم ولازم نسويلها عمليـه .. ولا هالشي بيكون خطر على حياتها قبل مايكون خطر على حياة التوأم ..

يدوه: يا خيبتيه جانكم بتشقون بطنهـا .. ياويلي عليـج يابنتيـه ..

طلعت حرمة عميه اللي كانت داخل عند بنتها وويهها معتفــس ..

عوشـه : ياحـوف حاليـه عليـج يابنتيـه جانهـم بيسوولـج عمليـه لابركتـن فيـهم ! ماعندهم شي غير العمليـه ..

عموه عليـا: استهدوا بالله مايستوي هاللي تسوونـه .. صلـوا ع النبي ..

عوشه: اللهم صلي عليه وسلم .. شو تبينيه أقول يا عليا وانا شفت بنتيه شقايل متلعوزه داخـل .. ؟ الله يعـينها ويعينّا كلـنا ..

الدكتوره: يالله ياخويـه لازم توقع ع العمليه بسـرعه ..

تنهد علي وقال : انشــالله .. بس وين عاد ؟

الدكتوره: اتبـع النيرس وهي بدّليك بالمكـان ..

خطفت النيرس وخطف علي وراها ..

عورنيـه قلبيه على ريمـووه .. كنت ابا ادش عندها بس أكيد ماخلـونيه .. ياب خالد ايده من ورا جتفيه وقال ..

خالد: الحمدلله انج مب انتي اللي مكـانهـا .. كنـــت برتكـب جريـمه في كل اللي فالمستشفى ..

حموده: الحمدلله .. أصلاً انا ربيت وبعدها ميّوتـي ماكملت التـاسـع .. كانت صغيرونه مفعوصه مايبالها عمليات ..

خالد: فديـــت روووحهـــا .. ويـنها هي الحيـن ؟

حموده: خليـتها عند سـلّووم ..

خالد: منو هذا سلّووم ؟؟

حموده: ياخي انته ليش دوم تفكيرك خايس جذيـه ؟ سلّوم يعني سلااااامـووه العنز ..

سلامه: انا عنز يالبقـرهـ ؟

خالد: أفـــا أنـا ثور يعني ؟

سلامه: انته منو رمسك انا اقول هي بقره ..

خالد: أقول هاتي البنـت وجلبـي ويــهج يالعنـز ..

سكتت سلامه وعطتنا بنتنا وروحت ..

حموده: شوف هي وحده من الثنتين .. يا انها زعلت يا انها خافــت ..!

خالد: أكيـد خـافت .. بالله عليج انا هالكثر أخوّف ؟

حموده: للي مايعرفـك هيـه .. ملامـح ويـهك شريــره .. !

خالد: أحســن عشان ماحد يستهـون فيّه شرات ما سويتي انتـي فيّه البـارحه .. !!

ضحكت عليــه بصوت واطي عشان مايسمعونـا ..

كانت ميّووه مفتحه عيونها ومبحلـقه فيـنا ..

خالد: فديـت هالعيـون الزرق ياربــي ..

حموده: عيوني ولا عيونها ؟

خالد: بهنتيـناكـن ..

شل خالد ميّوه عنـي .. ويلس ع الكرسـي وتم يلاعبـها ويحببها وطنشنيه .. وخلاف يا علـي من عقب ماوقع ع العمليـه .. ودخلت الدكتوره عند ريموه والكـل زايـغ ..

عقب نـص سـاعـه تقريبـــاً طلعـت الدكتوره وهي مبتسـمه ..

الدكتوره: مبـروك عليـكم الولد والبنووتـه ..

الكـــل تموا يضحـكون ويباركـون حق بــعض .. ويدوه وحرمة عميه سوّن منــاحه وام خالد فياهن بعـد ..

نقلـوا ريموه صوب العنـايه وعيالها صوب الحضـانه ..

ماخلـوا حـد يهبـط عليـها بما انها كانت مبنجـه .. بس عقب ثلاث ساعات الكل راموا يهبطون .. وتوالـــت الزيــــارات .. وطلــعت ريمـووه من المستشفى عقب اسبــوووع ..

سمّوا التوأم "سالم وسـاره" ..

العصـر في البيت .. عند قوم خالد مب عند قوم يدوه .. كان سعيـد منسـدح فالصـاله .. وشكلـه تعبــان ومبهـدل .. يلست على كرسي جريب منه .. اما هو يلـس واعتدل فـ يلسـته ..

حموده: سعيد شو بلاك ؟

تنهد وقال : مــاشـي يســر يا حمـده ..

حموده: أفــا شو مستوي ؟

سعيد: مـب مهـم ..

حموده: شي له علاقه فالبيـت ولا بــرع البيـت ؟

سعيد: قلتلج مب مهم ..!! انتي ليش مهتمه هالكثـر ؟

حموده: سعيـد انا من عرفتك وانته دوم سوالــف وضحـك وانته اللي عاطـي هالبيـت حياه .. وأكيد اذا شفتـك مهموم وتعبان جذيـه بهتـم .. انا أعتبـرك خويه يا سعيـد !

سعيد: والله مـادري شقــولـج .. انا مبتلي بـ بليّه وأكبر بليّــه ..

حموده: كـل شي لـه حـل بس انتـه قـول ..

سعيـد:تبين الرمـسه من الآخــر .. أنـــا معرّس بالســر ومـاخذ أجنبيــه !

حموده: شووووووووووووووه ؟؟؟؟؟؟؟؟؟

سعيد: شسوي حبيـتها .. لكـنهــا سـافــرت وشلـت عيالـي فيـاها ..

حموده: السـالفه فيـها عيـال بـعد ؟ جيه انته من متى ماخـذنها ؟

سعيد: من ثلاث سنيـن ..

انصــدمــت .. معقـــوله سعيــد يسوي جذيــه ؟ شو هالكثـر متأثر من أبـويه الله يرحمه؟ بس عيالـه .. لازم اييبـهم .. لازم مايستوي فيـهم شـراتيه !

حموده: عيــالـــك .. من بــاجـر تسـافـر صوبــها وين ملتعـنه وتيـب عيـالـك ..

سعيد: ويـن بحـطهم ؟

حموده: ماعليـك انا بدبــر الســالفـه .. بس لازم عيـالك مايتمـون بعيديــن عنـك .. لازم مايستوي فيـهم شراتيـه .. من متى هي شالتـنهم ؟

سعيد: من شهريـن الحيـن ..

حموده: خيــــــــبه عيل لازم تلحـقها بســـرعه .. من وين هي ؟

سعيد: ألمـانيـه ..

حموده: أشوا يوم هي مب امريكيه .. ع الاقل تروم توصل لهــا .. يالله من بــاجر لازم تســافـر ..

سعيد : انزين وشو أقــولـــهم هاللي هنيـه ؟

حموده: قولـهم مسـافر حق الشغـل عندك دوره .. ولا واحد من ربعـك مرقـد برا .. ولا أي شـي ..

تنهد وقال : انزيـــن ..

حموده: يالله انقفض قوم زهب قشـارك ..

سعيـد: يعنــي أعتــمد عليـج عشـان العيـال ؟ ..

حموده: أفــا عليــك .. خـلاص لا تشـل هـم بس انته قوم زهب قشـارك ..

وقام ورقــا صوب حجــرته .. وانا احتــرت شسوي .. أخبــر خــالد ؟ هـذا روحــه يبـا سبب عشـان يعصــب .. بــس لام أخبــره ماعنــدي غيـره .. وخـلاف بنخـبر باقـي العايـله بـهدوووووء ..

بعــد ســاعه وشـوي .. نزل سعيـد بشنطتـه .. وقف جداميـه ووطّا شنطته فالدعنه ..

سعيد: مشكووره مشكووره وايد مادري لـولاج شو كنت بسـوي ..

حموده: افـا مابيـنّا مشكووره ومعفووفـه ترانيـه بزعــل .. نحنـا اخواااان !!

سعيد: أكيــد .. شي في خـاطرج عيل انــا مروّح ..

حموده: ســلامتـك الله يردك انتـه وعيـالك بالسـلامــه ...

سعيد: ادعيلـي اني أحصــلهم انشـالله ...

حموده: انشالله بتحصلــهم انته توكل على ربك اللي يتوكل على ربه مايخيب ..

سعيد: والنـعم بالله ..

شل شنطته وقال: فداعة الله ..

حموده: الله يحفــظـــك ..

شـل شنطـته وظهـر من البيـت ..

فلّيـــل انتشـــر خبـر عند كـل العايــله انـه سعيـد ســافــر .. والعـذر كـان انه واحـد من ربـعه كان تعبـان ومرقـد برا .. في حجرتنـا انا وخـالد استجمعت شجـاعتيه وقررت أخبـر خـالد .. كان منسدح على ريـوليـه وكنا نطـالع التلــفزوون ..

حمـوده: حبيــبي ..

خالد: عيــونـه ..

حموده: تسلــم عيـوونــك .. الا بغيت اسألـك .. انتـه شو رايـك في ابويـه الله يرحمـه .؟

طالعنيه خالد وجنه مستغرب من سؤاليـه : الله يرحمه .. بس شو قصـدج يعني ؟

حموده: يعني في تصـرفاته .. يوم خذ اميـه وهي اجنبيه واهله مايدرون .. يعني شو رايـك فيه في تصرفه وفي موقفــه ..

خالد: أكيـــد حبــها كثـر ما أنـا حبيـتج عشـان جذيـه خــذهـا من ورا هلـه ..

حموده: يعني انته ماحقدت عليه ولا طاح من عيـنك ؟

خالد: يوم جـربت الحـب عذرتـه ..

حموده: واذا سعيـد سوا نفـس الشي بعد بتعـذره .. ؟؟

قام عن ريليه ووقف ..

خالد: سعّوود شو خصه ؟

حموده: أول شي لاتعــصـب ..

وربعت صوب باب الحجره وقفلتـه وخشيت المفتـاح عنديـه ..

خالد :قولـي شو مسوي سعّوود ؟

حموده: تراه هو مسـافر اليـوم عشان اييب عيالـه ..

خالد: عيـاله !!!!!!!!!

حموده: هو معـرس من ثلاث سنيـن بـ ألمـانيـه بس هي سافرت عنه وشلت عيـاله ..

خالد: وانتي شدراااج ؟

حموده: هو اليوم خبرنيـه وانا اللي قلت له يسافر واييب عيالـه ..

خالد: وشقــايـل نحــن مانــدري ؟ ليـش ماخبــرنا ؟

حموده: اكيد خــاف منكــم !!

خالد: الحين انتـي صدق ترمسيـن ؟

حموده: هيه عيل اجذب عليــك ..

يلـــس ع الكـرسي وهـو منصــدم وجنه سمـع أكــبر صدمـه في حياتـه ..

خالد: مــاصـدّق ! أخويـه أنــا يسـوي جذيـه ؟

حمـوده: استهدي بالله و صـل ع النبـي .. هــد اعصــابك ..

خالد: اللهم صلي عليه وسلـم .. بس سعّود عاد ..!! ماتوقعتـها منـه !! متى خذهـا ؟ وشقايل خشها ؟ ومتى ياب منهـا عيـال ؟

حموده: خـالد اذا رد سعيـد لا تتضـارب وياه ولا تطـرده حاول تتفهم موقفه .. لا تسوي في عياله شـرات ما سوى عمي سيف فيّه ! ما سأل فيّه وخلا اميه تشلنيه أمريكا .. دخيـلك حكّم عقلـك قبل لاتسـوي أي شي ..

خالد: انزيـن باقي العايله شالصـرفه فياهم ؟

حموده: تتوقـع يعنـي بيعصبـوون ؟

خالد: شـي أكيــــد خاصةً أبـوويـه ..

حموده: يعنـي شو بنسـوي الحيـن ؟

خالد : مـادري .. انا اروحيـه مب متقبـل السـالفه ..

حموده: انــا بظهـر وانتـه فكـر ع راحــتك ..

خالد: انزيـن ..

شليت مي وظهـرت .. كانــت السـاعه 11:30 فلّيـل .. سـرت صوب حجـرة فطوم اللي ظهرت من كمن يوم من المستشفى وخالد حابسـنها فالحجره وحارمـنها من الجامعه و النت واللابتوب والتيلفون وأكيد الطلعه من البيت بعد ..

هبطـت عليـها حصلتـها منسدحه ويالسه اطّالـع مسلسل تـركي ..

حموده: زيـن يوم انـج مب راقــده بيلـس عندج شـوي ..

فطوم: حيّــاج .. زين يوم حد افتـكر فيّه ! هــاتي هالمفعوووصه تولــهت عليـها ..

عطيتها اياها .. ألتهت بهـا وانا تميـت أجلب القنوات فالتلفزون بما انه المسلسل خلص ..

خلاف قلت فجأه وانا اطالع التلفزون : تدرين انه سعيد ماخذ أجنبيه عشان جذيه هو مسـافـر ..

فطووم: شووووووووووووووووووووووووووووووووووووووه ؟؟؟؟؟؟؟؟؟؟؟؟؟ لـحظه شسالفه شو اللي سمعته توني .. ؟؟؟

خبــرتهـا بكـل السـالفه ..

فطوم: الله يعني بتزيـد نسبـة الشقــــر فالعـايلـه !

حموده: يــــــــــــــــــــــالله هذا اللي هامـنج انتي الحيــن ؟

فطوم: انزيـن ليـش سعّوود ماخبــرنيـه ؟؟؟ ليش يعني بالذات خبرج انتي ؟

حموده: لأني انا اللي تخبـرته يوم شفته تعبــااان .. امـا انتوا ما اهتميـتوا .. أصلاً منو يهتم بـ حد في هالبيـت .. انتوا كل واحد فيكم اللهم نفسي .. الحمدلله والشكـر !

فطوم: مب متفيجين نهتـم فـ بعـض .. وأظـني شفتي نتيـجة هالشـي فينا انا وسعّود والله يستر من الياي !

حموده: الله يستــــر بــس أخــاف خويـلد بعد تظهـر فيـه علّـه !

فطوم: علتـه انه شيــبه وتفكيـره تفكيـر شوّاااااب ..

حموده: فديــت رووحه انا والله ..

فطوم: هيه تـراج هب انتي اللي دابغـنج لين قلتي بـس .. !

حموده: بسم الله عليّه .. بعدين هذا اخووج عيــب !

فطوم: مالــت عليــه !

هبــطت علينا ريموه بعيـالها فجأه ..

الريم: منو هـذا اللي مالت عليـه ؟

فطوم: بسم الله انتي شو مهضلـنج هنيه ؟

الريم: علاوي متوذي من اليـهال وصيـاحهم قلت ايي احشركم انتوا هنيه !

فطوم: منـو عــــلاوي ؟؟

الريم: علّووووووووووه أخوووج ..

حموده: الحين علّوه استوا علاوي ؟؟ يالله بالســتر .. ريال طول بعرض تسمينه علاوي ؟ لو بعده ياهــل !

الريم: فديــته ريلي وادلعه كيـفي !

فطوم: مالـت عليـج ! ( وسوت لها مـالت ) ..

و كمــلنـا ســوااالــفـنا (وأكيد مانسينا نخبرها بسالفة سعيد) وأذن الفيـر وكـل وحده سـارت صـوب حجـرتها ..

أول ماهبطـت الحجره حصلت خالد توه ظـاهر متوضـي ..

خالد: أنـا بسيـر أصلــي ..

حموده: الله يحفظك ..

وظهر عنيـه .. وانا رقـّدت مي وحطيـتها فالمـنز .. وصليت ورقـدت ..

بالبــاجـر وعيـت على حد يهزنيه .. فتحت عيونيه شفت فطوم وهي توعينيه بدفااشـه ..

حموده: يــووووه شعــندج انتـي من صبـاح الله خيـر ..؟؟

فطوم: بنـتج تصيـح تعالـي لهـا ..

قمت وفركت عيونـيه .. مابتصـدقون فـ منو حلــمت .. حلمـت المــاضـي المــر .. حمد واميـه !

طالعت الساعه ع اليـدار شفتها 8:30 .. قمت من ع الشبـريه ووقفـت صـوب منـز مي .. شفتهـا راقـده ..

طالعت فطوم وقلـت : يالجذوووووووووووووووووووب ..

فطوم: شسوي .. بس مب ملاحظه شـي غريـب ؟

حموده: شو ؟ هيـــه صــح خلّووود أفـرج عنــج ..

فطوم: هيــه .. باركيـلي ..

حموده: مبرووووك ..

فطوم: بــس شـرط عليّه شـرط ..

حموده: شو ؟

فطوم: اني اوافق آخذ سيف ولد خالـيه ..

حموده: وافقتـي ؟

فطوم: هيه .. أبــا الفكـه يبـوج .. لو تميـت هنيه بتخبـل من الحكـره لأنه أكيد خالد مابيفرج عنيه بسهوولـه ..

حموده: بس بعـدج صغيـره وخريــش مب مال عرس ..

فطوم: عادي بخترش أكثــر .. ع قولة يدوه .. امبونه خريش وقرقعوا له شنّه !

حموده: أمــا يدوه عليـها أمثـال !

فطوم: انزين انتي شو رايج فـ سيف ؟

حموده: من أي ناحيه ؟

فطوم: من كل النواحـي .. انا ماعـرفه عـدل .. ماعرف اطباعه ..

حموده: شوفي هو مـب عصــبي وما فيـه هالعقـد اللي فهالعايــله .. وخريــش وخبــله أكثــر عنــج اذا هو بعده مثل ما أحيده .. و اذا حبج مستحيــل انه يـزعلــج .. و ع فكره اذا ماتدريـن هو صوتـه حلـو يوم يغنـي ..

فطوم: أوكيـــه زيــن عيل .. الحمدلله بفــتك من هالبــيت !!

حموده: واايد فـرحانه الاخـت !

فطوم: واااااااااااااايــد !

حموده: الله يهنــيج ..

فطوم: آميــن ..

حموده: انزيـن شو تبيـن انـتي موعيتنيـه من صباح الله خيـر ؟

فطـوم: أبــا تيلـفوونـج ..

حموده: شو تبيـنه ؟

فطوم: أبــا أرمـس فهـد وأخبـره باللي استـوا ..

حموده: شوووووووووه ؟؟

فطوم: دخيـــلج ..

حموده: لا لا لا لا .. بيذبحنيـه خالد ..

فطوم: انزيـن وهو شـدراه ؟

حموده: تراه هو اللي يدفع فاتورة تيلفونيـه وأكيــد بيشوف فالكشف كـل الارقـام الصـادره !

فطوم: يووووه انزين قولي انها وحده من ربايعـج ..

حموده: لا فديـتج اخوج هب هيّن ما اطّوف عليـه هالسـوااالــف .. هـذا أكثـر انسـان شكّــاك فالـدنيـا .. وأصلاً هو أروحـه يدوّر عليّه الزلــه !

فطوم: انزيـن أنـا شو اسـوي الحيـن ؟

حموده: ماشـي .. صكي الدعنه ويلـسي !

فطوم: يوووووووووووووووووووووووووووووووه منــج !

وظهـرت من الحجـره .. وانا قفلت الباب وراها .. هاللي قاصـر بعد أخرب بيتيه عشـان خبالـها ! عقيت بعمريه ع الشبريه ورقـدت ..

وعيــت ع صيـاح مي .. الظـاهر اليوم ماليه نصيـب أرقد عــدل .. رقـدتها وطالعت السـاعه .. كانت 10:30 الضـحى .. تسبـحت وبدلت ثيابيـه وظهـرت من الحجره .. ويلست فالصاله رويحاتيه .. ام خالد سياره صوب عزبتها .. وعلي وريموه عند قوم يدوه .. وفطوم أكيد في حجرتها وانا مالي بارض عليها الصراحه .. وخالد فالدوام طبعاً .. دقيت له استأذنه عشان اطلـع ..

حموده: ألوووه ..

قال بنبره جامده : هلا ..

حموده: حــد عدالـك ؟

خالد: المديـر عندنا فالمكتب ..

حموده: أهــا ... الا بغيـت أقولـك ترانيه بظهـر اتحوّط شوي مليت من اليلسه رويحاتيه

خالد: بـرايج بس لا اتأخريـن ..

استغربت موافقته المباشره بس قلت: انشالله من عيوونـــي .. شي فخاطرك ؟

خالد: سلامتج يالله مع السلامه ..

حموده: مع السلامه ..

بندت عنه وربعت صوب حجرتيه .. لبست عباتيـه وشليت بنتيه .. زقرت خدامتيه "كاستي" عشان تي عنديه .. ركبنا السياره وروحنا ..

كاستي : ماما انته وين في روه ؟

حموده: مــادري يمكـن أسير السووق ..

كاستي: انا في يريد ودي فلوس مشان بلاد مشان ماما مال أنا .. انته يقدر ودي ؟

حموده: عنبووج يالرمسه المخبقه ! حتى سليـنووه العنز ماترمس جذيـه .. أسميـكم خربتوا العـربي ..

تمت كاستي اطالعنيه جنها بقره شايفه حريجه .. ضحكت عليها وقلت ..

حموده: بوديــج اطّرشيـن فلووس لا تخــافيـن ..

ابتسمت كاستي وقالت : مشكوور ماما ..

كملت انا على نفس النغمه : معفوف كـاستي ..

وضحكـنا على بــعض ..

وسـرنا صوب واحـد من الصرّافات .. ونزلت كاسـتي عشان اطرش فلووس .. وعقـب ماخلصـت سـرنا صوب العيـن مووول .. ماخليـت محل يهال ماهبطته ولمّيت لمة لبووس حق مي .. تصدقون نسيت أشري حق عمريه شي !

تعبـنا ويلـسنا عند ستار بكس بما انه كان المكان فاضي .. أنا طبعاً ماكنت متغشيه .. خالد رام يغصبنيه ع كل شي الا هالشي .. لأنـي أقنعتـه انه هالشـي مب حراام .. وأنا ما أحط أصبااغ ومكيااج في ويهيه عشان يكون فتنه !

قمت وطلبت هوت جوكلت .. من ايام امريكا ماشربته .. وقف واحد عداليه وطلب نفس الشي .. وعقب ماخذت الهوت جوكلت ورديت أيلس يلس هو ع الطاوله اللي مجابلتنيه .. وتم يطالعنيه بكـل قواة عين مع انه يشوف انه عنديه بنت ! والله لو يدريبه خالد جان حصلتوه الحين مدفون فقبره !

شليت كوبيه وقمـت وورايه كاستي وهي ادّز عربانة مي .. وجان يلحقنا .. بس طنشتـه .. صاح تيلفونيه ورديت ..

حموده: ألووه ..

خالد: يـــاحــــي ذا الصــووووووت يعنّـــي مــاخـــلا ...

حموده: لا خليــت منـك الغــالي .. شحالك حبيـبي ..

خالد: فــرحـــااان ..

حموده: دوووم انشــالله بس شالطاري عليـك ؟

خالد: اليوم حصلـت ترقيـه .. وزادوا معاشيه 10 آلاف زياده ..

حموده: صـدق ؟ مبروووووووووووووووووووووووووووووك حبيبي .. يالله مابغوا يزيدون معاشك اللي مادري من كم سنه وهو ثــابت لا زاد و لا نقـص ..

خالد: الله يبارك فيـج غناتي .. الا وين انتي الحين ؟

حموده: انا فالعين مول شاله فيايه ميّوه وكاسـتي ..

خالد: حاطه شي فويـهج ؟

حموده: لا والله العظـيم .. حتى جحال هب حاطـه ..

خالد: هيه زيـن والله لو دريـت انج حاطه شي من هالاصبــاغ في ويهج لا اييج الحيـن واغسـل ويـهج ..

حموده: ياخي والله ذكرتنيه بالاخصائيات فالمدرسه يوم يقولن ان شفناكن متجحلات بنغسل عيونكن ! غادي الا جنك أبله رويه !

خالد: انا أشــد .. أنا ريــلج ..

حموده: فديـتك والله ..

خالد: فديت رووحج .. أقووولــج المديــر هبـط مكـتبـنا يالله مع السـلامه ..

حموده: مع السـلامه الغالي الله يحفظك ..

بندت عنه وهبـطت مكياجـي .. وهذا "المزعج" بعده يتبعنيه .. طنشـته ووقفت عند مال البودره .. وتميت أجـرب أنواع البودره على ايديه .. بس الظـاهر بودرتهم ماتـنفع .. سرت عند مال الشـدو والجحال .. وتميت أجرب على ايديه ..

قال ذاك المـزعـج : ما زهت بأثمـد ولا سايل في نواعسـها مذابـحهـا ..

طـالعتـه بنظــره حـاده وانا ماودي اغلـط عليه واكدر مزاجيــه ..

.....: آآخ لو بس ماكنتي معرسه .. ياحظه وياحظ امن يابـته اللي خــذج أسميـها أمه داعيتله ..

طنشـته وقلت حق كاسـتي : كاستي أي واحد أحلى ؟ هذا ولا هذا ؟ (وأشرت على قوارير الشـدو ) ..

.....: صدقيـني التركوازي أحلى عليـج .. قريب على لون عيـووونـج ..

حموده: انته صدق واحـد ماتستحي على ويـهك ولا فيك مذهب تلاحق وحده معرسه !

......: عســـل عســل على قلبـي يالله مابغيـتي ترمسينيه !

أنـا غلـطت يوم خليـته يستفزنيه المفروض أحقـره .. بس لازم أكمل اللي بديـته وخلاف يزقر له السكيوريتي ..

حموده: يعـل قلـبك السـم قول آميـن ..

....: جـانه الا منـج راضــبه ..!

لا هـذا شكـله يبا يطولـها .. أحس شي اتكافا الشـر وازقـر له السكيوريتي ..

ظهرت من المحل .. وخليت كاستي تسير تزقر السكيوريتي .. يو السكيوريتي صوبيه وأشرت عليه وقلت ..

حموده: هذا يلاحقـنيه من نص ساعه تقريباً ويعق رمسه مــاصخـه ..

ساروا صوبه السكيوريتي وشلوه .. طالعته بنظرة انتـصار .. عقب ما افتكيت منه نزلت تحت صوب ميغامارت لأنـه الصـراحه خاطريه فـ جلـكســــي ..

تشريت كل اللي خاطريـه فيـه وظهرت من المول بكبره .. بس فالباركـنات ضـعت ! خاصةً اني موقفه فالباركنات الداخليه بما انه اللي برا كانن متروسـات .. تميت أحوط وأحوط بس ما قدرت أعرف مكان سيارتيه ..

شفـت ذاك المـزعج مره ثانيـه ..

....: اهليــن الشيــخه ..

حموده: أبــا أعـرف شو تبا فيّه انته ؟

.....: ويـاج زايـــد الــ .....

حموده: فذمتيه انك ماتستاهل تشل اسـم هالجبيـله ..

.....: أوب أوب لايكون جبــيلتج !

حموده: وانته شخـاصـنك اذلــف ذلفـك الله ..

وخطفت عنه بس ماكنت عارفه وين أسـير ..

زايد: ضايـعه الشيـخه ؟ انزين شو سيارتـج ؟

طنشته وتميت أمـشي ..

زايد: انزين بس بسـاعدج مع انج بهدليتينيه و خليـتيهم يوقعونيه تعهد بس ماعليه ..

زايد: بحصل لج سيارتج وخلاف بذلف ذلفني الله مابتشوفين رقعة ويهيه ..

حموده: يووووه .. سيارتيه بورش ذهبيه انزيـن ..

ع فكره ترانيه بدلت سيارتيه ..

تم يحاوط بين المواقف وانا يلست على الرصيف بما انه ريوليه كانن يعورنيه .. خلاف أشر ليه من بعيد على انه حصـل السيـاره .. سـرت صوبه ووقفت جدام السيـاره وتأكدت انها هي .. فجيت الباب وركبت

بس قبل لا أسكر الباب قال : ســلام يا راعية البووورش ..

رقعت بالباب وحركت سيارتيه وروحت عنه ..

كاستي: ماما مين هادا ؟

حموده: هذا واحد مافي تمام .. > حافظ ع الرمسه المكسره !

كاستي: هادا زياده مافي تمام هو يقول مشان انتي كلام مافي جين !

حموده: هيه والله ..

وكملـنا دربنا صوب البيت .. بس قبل لا ألف صوب لفة البيت .. وصلنيه مسج من خالد ..

" لا تردين البيت اليوم كلــنا بنتغـدا عند يدوووه وبنتـم ليـن فلّيـل لني بخبرهم بسالفة سعيد .. أوكي غناتي ؟ "

غيرت دربيه صوب زاخـر .. أول ما وصلـت البيـت شفـت سيايير العايـله كلـها عنـد البيـت .. الله يسـتر من اللي بيستوي اليوم ..

نزلت من السياره وهبطت البيت .. حصلت الكل دون استثناء حتى مريم وعيالـها .. ماعدا خالد اللي أظني بيوصـل عقب شوي .. سلمت عليهم كلهم .. وخليت كاستي تشل ميّوه فوق بما انها راقده .. فديتها بنتيه مب مغثـه .. يلسـت عدال يدووه .. أصلاً المكان اللي عدالها دوم محجوز حقيه ..

سولـفنا شوي وخلاف هبـط علينا خالد .. سلم ع الكل ويلس عداليه ..

خالد: يدووه متى بتحطون الغـدا تراني ميت يوووع ..

يدوه: أفــا عليك الحين بزقر البشكارات بخلـيهن يحطنه .. عاااايـده .. يا عااايــده .. عاايده وصمخ يداااتــج ..

عايده: نأم ماما ..

يدوه: حطي الغدا .. غدا الرياييل حطيه فالمبرز (الميلس) ونحن الحريم حطي غدانا هنيه فالصاله ..

عايده: جين ماما ..

يدوه: مره ثانيه ان ماتوايبتي بسـرعه بتــيج هالعصـا على مقفاج ..

عايده: جين ماما ..

يدوه: شفيـها جين ماما وجين ماما .. شو تطنّز عليّه .. ؟ انا بنت أبوويـه !! (ورفعت عصاها بتضرب عايده ) ..

عايده: لا ماما مافي سوي تنّز (اطّنز ) انتي جياده جين (زياده زين ) ..

يدوه: أدري بعمريه الزين الا من عقبيه يالله ذلفي ..

وظهرت عنا عايده ونحن نضحك ع يدوووه .. أسميها واليتنهن ولاه هالبشكارات !

عقب عشر دقايق انحط الغدا بـ سرعه خوفاً من العيوز وعصاها اللي ماترحم حد .. ظهروا الرياييل عنا ونحن يلسنا فالدعنه حول الصوانـي .. وتغديــنا ..

عقب سـاعه وشوي تقريباً .. كنا مخلصين الغدا ويالسين نسولف .. وانا قلبي يرقع خايفه من اللي بيستوي ..

فجأه هبط علينا عميه قصدي ابويه .. وويهه معتفـس .. اكيد خالد خبـره .. زقر حرمته وعموه ويدوه .. اكيد بيخبرهن .. الحين لازم نستعد لجميع انواع المصايب !

بعد شوي سمعنا يدوه تهازب .. ووايقنا عليهم هي وابويه كانوا وقفين فالليوان اللي بين الحجر اللي تحت ..

يدوه: خلـه برايه على كيـفه أهم شي انه اييب عياله من عند هالجافره (الكافره) .. وانته هب ابوه عشان تحاسبـه شعليـك منه ؟

ابويه قال وهو يصارخ فويه يدوه : اميه انتي ما تفهميـن ؟..

يدوه: انا ما افهم يالعايب يالقاصر يا مضيّع الطبـع يا خسارة التربيـه فيـك يا خساره .. !

ابويه: أنا العايب ولا ولد ولدج اللي سار وخذ لـه وحـ .....

قاطعته يدوه: صـــه قطعـها الرمــسه مابا أسمع صوتـك ..

وروحت يدوه عنه صوب حجرتـها ..

هذا بالضبط اللي أنا كنت خايفه منه !

وايقت من الدريـشه شفت خالد وعميه اللي هو ابوه .. وشكلهم هاديين .. يعني عميه متقبل السالفه .. الحمدلله .. دقيت حق خالد ..

حموده: ألووه ..

خالد: هاه شو مستوي عندكم داخل ؟

حموده: يدوه وابويه تهادّوا ..

خالد: ييييه ابا افهم انا عميه شخاصنه يوم ابويه راضي ؟ احتشر علـينا فالميـلس .. ابويه متقبل السالفه .. بس عميه مادري شو مشكلته ..

حموده: حتى يدوه تضاربت فياه عسبة هالشي .. هي تقول انته مالك خص فيه وهو يقولها انتي ماتفهميـن .. وعاد بدت الشتايم يالعايب يالقاصر وابويه عاد ماقصر قالها انا العايب ولا ولد ولدج .. __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري