| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
07-28-2008, 09:26 PM
| رقم المشاركة : [ 101 ] |
| عضو ماسي |  تخوني يا اعز انسان وتترك في قلبي اهات واحزان ماهقيت انه القدر طبعك ولا حتي الخيانه الود وهي تطالع الرقم وهي منصدمه وهند اطالعها وتبتسم ابتسامه خبث هند : شو فيج الود الود وهي تبا تبين عمرها طبيعيه : لا مافيه شي ويرن تيلفون هند في هل الوقت الود تعطي هند تيلفونها ورمست هند في التيلفون وعقبها هند : اسمحولي بنات بروح بنت عمي تترياني الود ردت اول وحده : بالحل وسلمت عليهم هند وراحت وهي في السياره : هههههههه احسن الحمدالله نجحت خطتيه يس هذا هو المطلوب واحين الود بتفترق وراحت بيتهم وعند الود تمت مصدومه من الرقم الي جافته ومها وريم يسولفون والود سرحانه الريم : ودوووووووووه الود وهي تنتبه الهم : هممم شو الريم : وين رحتي الود : معاكم معاكم انزين انا بروح البيت تعبانه مها : اييه عاد اتريي مش احين بنروح بعده وقت طالعي الساعه 8 ونص ليش انروح من احين الود : تبين اتمين تمي بس انا هب تامه بروح البيت الريم : ودووه حرام عليج الود وهي خلاص بتموت من القصه : ماريد ماريد خلاص اريد اروح وراحت تقول حق الدريول يوديها البيت وحمدان كان وراها : ليش بتروحين الود صدت تطالعه بحتقار وراحت وحمدان انصدم من هاي الحركه الود تزقر بشكارت قوم عمها : ميرلي يلااا بسرعه وراحت الود مع الخدامه البيت واول ما وصلت سيده راحت غرفتها وتمت تصيح من الخاطر الود وهي تصيح : ليش جيه يصيرلي ليش عقب ماحبيته يظهر يخوني ولا وبعد الحقير يقول مايدانيها وهي تمش دموعها : خلاص من اليوم بنساه ومابعطيه سالفه ويلحلم اني بزوجه خل ياخذ هندوه احسن في بيت هند هند وهي تكلم نوره بنت عمها : ياااااااي يانوروه باركيلي احين انا بضمن حمدان نوره : كيف انشاء الله هند : امم بنت عمج ذكيه مع خططها العبقريه نوره وهي حاسه انها ناويه علي شي :ليش شو سويتي هند : امم بكل اختصار احين الود وماتبغي حمدان نوره وهي تبغم على هند : ليش شو سويتي هند وهي تبتسم : امم رحت غرفتة حمدان وجفت تليفونه وطرشت من تيلفونه مسجات علي تيلفوني وكتبت بعد مسجات وطرشتهن ومسحتهن والود المسكينه شلت تيلفوني وجافت المسجات وانصدمت ههههههههه عجيبه صح نوره وهي تدمع اعيونها : حرااااااااام عليج ليش جيه سويتي احين فرقتي من بينهم وشو ضمنج انه حمدان بيحبج هااا ماتخافين ربج انتي عنبو ليش جيه قلبج اسود عمري ماتوقعتج جيه يا هندوه خساره بس انج بنت عمي واحلمي مره ثانيه اني اييج دامج جيه بهل النذاله مايشرفني انه تكون عندي بنت عم بهل الصوره هند : ايييه اييه ماما شو فيج انا ماسويت شي نوره : لا وااضح ماسويتي شي علي العموم انا رايحه هند : تعالي وين نوره : بس مالي قعده معاج وراحت نوره بيتهم وهند مستغربه من بنت عمها عند حمدان حمدان وهو قاعد في السياره ويفكر ليش الود تطالعه جيه وعقب فتره حمدان : اووه عقب بطالعها شو فيها وراح عند الشباب حمد : حمدان وينك ياخي اتاخرت حمدان : شو اسوي قبضوني الشيبه والعيوز مايد : ماسمعوك خليفه : لا حرام عاد ما ارضي عليهم حمدان : اونه مايد : يلا قومو بنروح المول نطالع الاجواء هناك وراحو المول والود حليلها تفكر ليش حمدان خانها امم نهايه البارت نوره هل بتسوي شي ؟؟ حمدان بيعرف انه وراء السالفه هند ؟؟؟ والود هل بتم علي رايها ومابتاخذ حمدان __DEFINE_LIKE_SHARE__ |
|
| |
 |
|
07-28-2008, 09:26 PM
| رقم المشاركة : [ 102 ] |
| عضو ماسي | لا تتتظر ارجع اليك لا تفتكر ببكي عليك بعت المحبه ياشريك لي بعتني ماني شريك في اليوم الثاني الساعه 5 العصر في بيت قوم حمدان حمدان قاعد مع الريم يتخبرها عن الود حمدان : انزين هيه ماقالتلج شي ؟؟ الريم : لا ماقالت ليش انت شو امسوي حمدان : هب مسوي شي هندوه مانغزتها في الكلام الريم بافف: لا لا حمدان : انزين اتخبريها ودوه اول مره جيه اطالعني الريم : امم امبونها هيه البارحه كانت مضايقه عسب جيه راحت حمدان : انزين دقيلها الريم : انزين عطني تيلفوني عدالك حمدان عطاها التيلفون ودقت الريم حق الود وعقب فتره ردت الود الود : هلا ريمو حمدان ويرمس بصوت واطي: حطي سبيكر الريم وهي تقوله لا حمدان : حطي بسرعه وحطن ريم سبيكر الود : ريموه وينج ؟؟ الريم : موجوه شحالج الغاليه الود : يسرج الحال عايشين في هل الدنيا نتريا متى الله ياخذنا ونفتك الريم : ودووووووه بلا هل الكلام الفاضي شوفيج ؟؟ الود : ماشي الريم : جذوب والله فيج شي الود : امممم بقولج شي الريم : قولي الود : ابغيج تقولين حق حمدان اني ماريده خلاص وخل ينساني لاني اكتشفت اني ما اناسبه ولا هو يناسبني واحنا هب لايقين لبعض حمدان وهو منصدم من كلام الود والريم بعد الريم وهي بصدمه : ليش ودوه الود وهي تدمع : بس احسن لاهو ينفعلي ولا انا وخل يعتبرني بس بنت عمه لا اكثر وحمدان هب قادر يتكلم الريم : بس انتو تحبون بعض ليش ؟؟ الود وهي تضحك بالم : ههههههه انحب بعض اونه الريم : ودوه شو فيج ؟؟ الود : اصلن يكون في علمج لا هو يحبني ولا انا يعني هو يلعب عليه وانا عرفت هل الشي وماهو انا الي ينلعب بي بالشطرنج حمدان نش من مكانه وراح غرفته الريم : ودوه شو السالفه ؟؟ الود : هب لازم تعرفين الريم باصرار : لا لازم اعرف شو قولي ولا اقول انا بي بيتكم احين الود : امم اوكي اترياج سكرت الريم عن الود وراحت اطالع حمدان الريم وهي ادق الباب : طاخ طاخ طاخ <<<احدث دقه عند جميع شركات شيخة البنات لوووووووول حمدان : دخلي الريم حدرت الريم غرفه حمدان وقعت عداااااله الريم : امم حمدان فديتك لاتزعل انا بروح عند الود وبتخبرها عن السالفه حمدان وهو يطالع ريم ويحس كل الاحزان الي في الدنيا عنده : كيفج سوي الي بتسوينه الريم باسته علي خده وراحت تتلبس عند الود كانت قاعده تكتب في دفترها الي تكتب فيه يومياتها الخيانه تخوني يا اعز انسان وتترك في قلبي اهات واهزان ماهقيت انه القدر طبعك ولا حتي الخيانه وعرفت انك تملك في دنيا القدر سيف وسلاح وين الوفاء ياعمري وين الامانه وين العهد الي كنت انتظره بعد ماهدمه قوه الرياح خلاص ياقلبي انا وانت هذا منتهانا بعد مابانت نواياك حسافه بعد ماحسيت انا وقلبي حققنا منانا وبعد ليل طويل جاني انا نور الصباح ولكن الاسف سم الخيانه جرى بعروقك وصار انا ليلي هم ونواح0000 وتمت تشخبط في الدفتر وترسم اشياء مالها معنى وبعدها سكرت الدفتر وحطته في الكمدينا وراحت تلم شعرها وتعطرت ونزلت تحت الود : السلام عليكم الكل : عليكم السلام << وراحت قعدت عدال حمد حمد : ودوه شو فيج شكلج تعبان الود وهي تبتسم : لا بس لني هب راقده عدل بوحمد : ليش عناتي الود : ماشي بس ماياني رقاد في هل الوقت حدرت الريم الريم : السلااام عليكم الكل : وعليكم السلام وارحت الريم توايه مرت عمها وعمها والود وسلمت علي حمد وبعد فتره يات مها وتمن قاعدات البنات وحمد راح عند الشباب وام حمد وبو حمد راحو عند ظبيه الي كانت تبا تشاورهم في موضوع وهو تبا تخطب غلا لخليفه ووافقو وباجي الدور علي خليفه والريم حاولت تعرف شو السالفة الود بس ماخبرتها بس الي قالتلها انه حمدان مايحبها ومها وامل انصدمن يوم عرفن انه الود وحمدان بيفترقون بعد شهر من الاحداث وفي هل الشهر استوت تطورات وايده خليفه اول شي رفض يزوج غلا لاكن عقب اصرار وافق وقرو العرس يكون عقب شهرين والود وحمدان بعدهم علي حالهم وما جافو بعض من شهر واشوي ومها شاده حيلها في المدسه لانها ثنويه عامه وامل تدرس في الجامعه وخطبها سلطان ولد خالتها اخو غلا وميره والريم ومايد عايشين قصه حب في بيت اليده كانو الكل مجتمعين هناك حمدان قاعد يطالع الود الي مسوتله اكبر طاف وصدت الود اطالعهم واتلاقت عينها بعين حمدان وطالعت باحتقرا وحمدان مات من حركتها ويبا يعرف سبب واحد انه الود ليش جيه تغيرت مايد : اممم اريد اقول شي الكل التفت لعند مايد يطالعونه __DEFINE_LIKE_SHARE__ |
|
| |
| |
|
07-28-2008, 09:27 PM
| رقم المشاركة : [ 103 ] |
| عضو ماسي | مايد : اريد املج علي الريم الريم انصدمت وغدا ويها احمر بوحمدان : امره فالك الطيب متى مايد :اممم علي الاسبوع الياي الريم : لا والله مش كيفك اليده : اقطعي يامسوده الويه خلاص ابويه علي الاسبوع الياي مايد وهو متشقق : هيه اقطعي خلاص يدوه قالت الاسبوع الياي يعني الاسبوع الياي يدوه شيخة : عيل بالمره حمدان الود معاكم الود بسرعه : لا الكل صد يطالعها والود تكمل كلامها : قصدي مش احين يدوه شيخة : اشعنه لا وراج اعيال ولا شياته الود باصرار : يدووه ماريد احين عقب حمدان : خلاص يدوه عقب مش لازم احين يدوه شيخة : مشكلتكم هاي لاكن عقب ملجه مايد امره بتملجون حمدان وهو يطالع الود : انشاء الله من اعيوني الود وهي تنش من مكانها رايحه خاري نش حمدان وراها الود وهي تقعد علي الدرفانه حمدان : الود الود من دون ما اطالعه : هممم حمدان : ممكن تفسريلي ليش ماتبيني الود : امم خل ربيعتك تفسرلك حمدان : ربيعتيه اي ربيعه واصلن انا ماعندي ربع الود وهي تطالعه بنظهر وااضح وقامت بتروح ومسكها حمدان من اديها الود وهي تطالع ايده الي ماسكبها ايدها الود : هدني حمدان : هب هادنج الين ماتقوليلي الود : ماريد قول حق ربيعتك حمدان عصب وزاد من المسكه : قلتلج ماعندي يعني لازم يكون عندي الود وهي دمعت عينها : جذاب بسك جذب ونفاق بسك مامليت وانت تجذب عليه حمدان: والله ياغناتي ماجذبت عليج بشي الود : واضح حمدان : انزين قولي شو السالفه يمكن انتي فاهمه غلط الود : لا صح فامتنها لو انا ماجفت الشي كنت مابصدق لاكن انا جفت بعيوني حمدان : انزين شوو الود : ماريد اقول لاني اذا قلتلك بكرهك ازياده حمدان : لهدرجه انا صرت جيه بالنسبالج الود : هيه بهديك شي حمدان : شو ؟؟ الود وهي تغني لا تنتظر أرجع إليك .. لا تفتكر ببكي عليك بعت المحبة يا شريك .. ولي بعتني ماني شاريك إنت وصلك أصبح محال .. خليتني والبعد طال أكثرت هـمّي بك وسال .. والدمع من عيني يبيك وين الوفا ياأهل الضمير .. وإحنا الذي كنّا نغير في دربِ موحش لك أسير .. أسرتني من بين إيديك لأول اراضي لو خطيت .. أنوح لو إنك جفيت واليوم من غدرك بكيت .. في الصد والهجر اكتفيت هذي النهاية ما أبيك .. والله والله ما أبيك لا تفتكر بأبكي عليك .. ولا تنتظر أرجع إليك لا تنتظر أرجع إليك ولا تفتكر ببكي عليك بعت المحبة يا شريك ولي بعتني ماني شاريك لا تنتظر أرجع إليك ولا تفتكر ببكي عليك بعت المحبة يا شريك ولي بعتني ماني شاريك لا تنتظر أرجع إليك ولا تفتكر ببكي عليك بعت المحبة يا شريك ولي بعتني ماني شاريك حمدان : الود انا ما بعتج ولا خنتج الود : واضح وراحت عنه وتمت قاعده عند الشواب وعقب سبوع الود كانت قاعده في الصاله وكانت ا طالع تيلفزون وتتريا بنات عمها عسب بيروحن المول ويحدر حمدان الصاله والود كانت تطالع فلم وماكانت منتبهه انه حد حدر وكانت لابسه كندوره ورديه وومتجحله ومحطيه غلوس وردي ومخليه شعرها مفتوح ويايبتنه علي يم حمدان وهو يطالع والود بانبهار : هود هود والود تنتبه وتلبس الشيله بسرعه وحدر حمدان حمدان : السلام عليكم الود بعدم اهتمام : وعليكم السلام حياك اقرب حمدان حمدان وهو يقعد ويطالع الود حمدان : امم الود الود : هلا حمدان وهويطالع الارض ويحرك اريوله والود تطالعه حمدان : امم أ ويحدرن البنات في نفس الوقت الي حمدان كان يبا يرمس الود في سالفتهم والود كانت تبا تعرف شو السالفه الريم : اوه حمدان انت اهنيه حمدان : هيه ليش عندج مانع الريم : عنبو كلتني مها : يلا خل نروح احين الساعه 6 امل : هيه عسب يمديلنا حمدان: ليش وين بتروحن الريم : بنروح بوظبي مول نشري حق الملجه ونريد ناخذلنا اغراض حمدان : منو بيوديكن ؟؟ امل : الدريول حمدان : ماشي سيره مع الدريول الود وهي تحط ايدها علي خصرها : لا والله عيل منو بيودينا نبا نروح ماباقي وقت عن الملجه غير كم يوم حمدان وهو يعطي الود نظهر والود سكتت حمدان : انا بوديكن اليوم الخميس والمول زحمه شباب الريم : انزين حمدان : جاهزات الود وهي تقول في خاطرها اف لازم يعني هو يودينا مالت شو مالت وانا الي كنت احبه واحين اوووه لا انا احبه بس شي يخليني ما احبه حمدان وهو يزقر الود : الوووود الود وهي تنتبه : هاا حمدان : يلا بتروحين في هاي الثياب الود : لا حمدان : عيل روحي غيري بسرعه الود : انزين انزين وراحت الود غيرت ملابسها وشلت عباتها وشيلتها وراحن يشرن البنات وبعدها راحن المارينا قسم الماركات ياخذن نعول من dior والود خذتلها لبسه بعد من dior وراحت شانل تاخذلها بعد من هناك وعقبها راحن يتعشن وعلي الساعه 11 ردن البيت ورحو حمدان والريم بيتهم ومرن الكم يوم بسرعه نوره وهي قاعده تكلم نهيان امم نوره ملجه علي نهيان ولد خالتها وخذت الي كانت تحبه نوره : حبيبي نهيان: لبيه نوره : لبيه حاي اممم في شي مضايقني واريد اخذ رايك نهيان : شو فديتج نوره : امم هندوه بنت عمي نهيان : وشو مسويه بعد هاي ام المصايب نوره : امم الله يسلمك هيه تدرس في لندن صح نهيان : هيه نوره: فحبت واحد من الي كان يدرس معاها وهو رد الامارات مع اهله واحين هو يدرس اهنيه ويوم سافرنا ايطاليا جفناهم اهناك معانا في نفس الطياره ومنغير اتجاوفنا وهو كان مع اهله وهندوه الله يسلمك تحبه ويوم عرفت انه هو يحب بنت عمه وبنت عمه تحبه تبا تفرق من بينهم نهيان : صدق انها حقيره وامضيعه المذهب نوره : انزين اسمع نهيان : كملي حبيبتي نوره : ويوم ردينا راحت بيتهم لانها تعرف اخته وحاضرتها شلت تللفونه وطرشت مسجات حب ومن غير كلام يعني شرات هندو وينج حبيـبـتي ولا ولهت عليج وجيه والمهم شلت تلفونها هاي الي تحبه وجافت المسجات وانصدمت يوم جافت الرقم واحين اكيد بيضاربون ومن غير هم محيرين حق بعض نهيان وهو منقهر من هندوه : عنببو شو من الناس هاي ما تستحي علي ويها فقتها وفقت التربيه الي تربتها طبعن عايشه برع كل عمرها وين تبينها تكون شرات بنات الناس نوره : حبيبي احين شو اسوي اريد اقول حق الي يحبها انه هاي خطه من هندوه نهيان : امم خذي رقم بنت عمها الي هندوه تعرفها ومن طريق بنت عمها بتوصليلها نوره : هيه والله فكره حلوه انزين بس انا مضاربه مع هندوه كيف اييب الرقم نهيان : اممم هم من قومه نوره وهي تذكر : هيه قوم احمد بن حمد ال00 نهيان : قولي والله انا اعرف الشباب حمد وحمدان ومايد نوره : امم انزين ثره حمدان هو هاذا الي تحبه هندوه نهيان : امم باخذ رقمه لاني انا هب وايد معاه نوره : امم لا شورايك انا اروح عند الود واخبرها نهيان : هيه فكره حلوه اليوم ملجه مايد والريم الريم قاعده تتعدل : امم خيفانه الود وهي تبا تلعوز الريم : ريموه اونه احين خلاص بتعرسين وبتكونين تحت سيطره ميود ويووووووو تعالي ميود مشطت يبا يحدر امل وهي قادين يسوون شعرها : ايه ودوه ميود حبيبي مابياكل ريموه الود : انا ما بخليكم ابروحكم بقعد معاااااااكم اجوووفكم شو تقولون الريم وهي مستحيه : ودوه بس جب خليهم يعدلوني مها : هههههههه اونه اونه تستحي عند الشباب حمدان وهو ياينهم : هلا والله بمعرسنا شحااااااااالك وشو النفسيه اليوم مايد وهو شاق الحلج : يااي واخيرن بعرس وباخذ ريموه حمد :هههههه شكلك متخشع من الحب وتمو يسولفون مايد ماذنهم يبا يحدر بسرعه امم الملجه كانت في بيت قوم الريم وهي مخلينها ملجه عائليه يعني عازمين العايله والقرايب واصدقاء ريم وكانو معدين الحوي ومخلين علي حوض السباحه كله وردو ومحطين بوفيه عداله ويعني المكان ظاهر جنان عند البنات ريم خلصت وظهرت ملاك ماشاء الله عليها والبنات بعد خلصن وكل وحده احلي من الثانيه وعلي الساعه 9 نزلت ريم وكانو الحريم يطالعونها بانبهار يطالعون القمر الي يمشي وريم تطالعهم وهي تمشي بكل رزانه وكانت تبتسم ولين وصلت لكوشه وقعدت00 بس قبل لا تنزل ريم كانو يايبيلها الكتاب توقع عليه وهي كانت ترتجف امم بدات الحشره عند البنات وقامن يرقصن وعلي الساعه عشر قالو مايد بيحدر الريم وهي تقول حق امل : اييييييه الله يخليج ماريده يحدر مش لازم يشوفني هو جايفني الين مالاعت جبه مها : اول مره اجوف وحده غبيه شراتج انا لو مكانج بقول دخلوه خل يجوف كشختيه ولا حق شو انا متعدله الود وهي يايه مع فطامي وغلا : هلو وغلا وفطامي باركن حق الريم وحدر مايدوابوه وحمدان وابو ه وبو حمد سلمو علي ريم اتصورو معاها وظهرو مايد وهو قاعد عدال الريم ويطالعها : اول مره ادري انه حرمتيه حلوه والريم بتموت من المستحى مايد وهو يمسك ايديها : اووه معقوله هاي ريموه ام لسان غدت بهل الهداوه اكيد غاشيني فيها والريم ساكته وبعدها راحو الميلس وقعدو يسولفون وراحو المعزيم مابقا غير الاهل الود وهي تحدر عليهم : احم احم نحن هنا مايد : انزين شو اسويلج الود وتروح تقعد عدال الريم : شحاااااااالك ميود مايد يطالع الود بقهر : اف انتي ليش ترزين ويهج خلينا علي راحتنا الود : نو نو نو اسمحلي انا قاعده معاكم وهب متحركه وين العصير عطشانه ريموه شورايج نروح عند البنات داخل كشخة مايد وهو مفول : اوووووو ه ودوه انقلعي احسلج ويحدر حمدان بهل الوقت عليهم حمدان اول ماجاف الود انصدم كانت ظاهره حلوه بدرجه فضيعه واحلي بعد من الريم امبونها الود احلي وحده في العايله مايد : زين ييت ياحمدان حمدان : ليش ؟؟ مايد : ظهر هاي العله من اهنه من اول ماحدرت الميلس وهي داشه عرض ياخي فكني منها ابا اسولف ويا حرمتيه الريم كانت ساكته طول الوقت حمدان وهو يطالع الود الي مسويه عمرها بريئه حمدان وهو يقعد وكان ماجابل الود : اممم انا مع الود بسك هب لازم اتسولف معاها طالع الساعه 12احين اختي تعبانه تبا ترقد ناشه من الصبح صح ريموه ريم وهي مفتشله الود الي رمست : هيه صح مايد خلاص عصب : اف منكم والله لااردلكم هاي الحركه اصبرو انا احين ملجت يدوه قالت عقب ما املج انتو ورايه علي طوول حمدان: هههه ماروم تسوي شي اصلن انا الملجه والعرس في نفس اليوم مايد : ودوه شو رايج الود تمت ساكته وحمدان فهم انه خلاص الود عايفتنه ومستحيل ترجعله الود : امم انا بروح بيتنا تعبت باااي ريموه نشوفج باجر مبرووووووك صح ووايهتها وظهرت مايد حس شي صايربين الود وحمدان حمدان وهو مضايق: انا بروح فوق ارتاح مبروك وراح يسلم علي ريم وباسها وسلم علي مايد وسولفت ريم مع مايد وبعدها راح بيتهم وقبل لا ينام دق علي الريم وتمت تسولف معاه الين الساعه 3 ورقدو بعد يومين من الملجه نهيان كلم حمد انه حرمته تبا اتي حق الود وحمد خبر الود والود مستغربه ماتعرف شو السالفه العصر في بيت محمد بن حمد الكل كان قاعد يسولف بو حمد : يلا انا بروح العزبه حد بيخاويني ام حمد : انا بروح معاك بجوف الحلال حمد :انا بروح مع ميود وخلوف الود : مابروح معاكم بتيني صديقتيه خلاف والكل راح وبعد دقايق يا حمدان وحدر وكانت الود قاعده حمدان : السلام عليكم الود : وعليكم السلام حمدان : شحالج الود : اممم بخير حمدان : دووم وين عمي الود : ماحد رايح العزبه مع امايه وحمد راح مع ميود وخلوف مادري وين حمدان وهو يطالع الود : امم الود انا اليوم بسافر الود وقلبها انقبض عليها بس بينت عمرها عاديه : ليش حمدان : بكمل دراستيه برع الود في خاطرها اكيد مايقدر علي فراق الحبيبه اكرهك حمدان : خلاص عيل بسلم عليم قبل لا اروح الود : اوكي حمدان : بس بقولج شي قبل لا اروح يمكن شي يصير فيني وانتي لين احين شاله في خاطرج والود قلبها انغبص عليها من قال جيه هيه تحبه بس عزت نفسها تمنعها وغنالها أسمحلي أشوفيك قبل ماروح أسمحلي أداوي الجرح وأرتاح تدري بعادك يقتل الروح مثل الخريف و الورق طاح هاك عمري خذ منه وتوح عذب فوادي كان ترتاح بحفظ الذكرا ووعدك مابوح لو هل دمعي وكان فضاح رسمتك غلا فرح وصروح رسم من الجواهر طير وجناح ما لشقا فايظ ومربوح غير الألم آهات ونواحوراح عنها والود دمعت عينها وعلي الساعه 7 ياتها نوره نوره وهي تسلم علي الود نوره : اممم انتي الود صح الود وهي مستغربه : هيه انا نوره : اممم انا نوره مرت نهيان ربيع اخوج واعيال عمج الود : يامرحبا فيج نوره : اعرف انج مستقربه من زيارتيه بس انا اعرفج وانتي ماتعرفيني الود : هيه نوره : اممم الصراحه الود انا يايتنج بموضوع مهم الود : شو هو امري نوره : امم الله يسلمج انا نوره بنت عم هند اعرف الي صار بينج وبن حمدان الود باستغراب : كيف نوره : يا حبيبتي هند بنت عمي عمري ماتوقعتها بهاي الحقاره الصراحه انا مفتشله منج الود : لا عادي فديتج بس شو الموضوع نوره : امم الصراحه هند تبا تفرق بينج ومن بين حمدان الود : ههه اصلت هم الاثنين يحبون بعض نوره : لا الود : بس انا شايفه المسجات وهذا اكبر دليل نوره : الود يوم كنا مسافرين ويوم جافتج هند انج احلى منها ويوم درت انه حمدان محيرنج انقهرت وكانت دايمن تقول بتجوف ان ما راويتها فيوم يت بيت عمج هيه قالت تبا ماي وهي ماراحت تشرب ماي راحت غرفت حمدان وشافت تيلفونه وطرشت مسجات عسب بس تفرق من بينج ومن بين حمد ان الود منصدمه نوره تكمل : اعرف يمكن ماتصدقيني بس انا اضاربت معاها واحين بدقلها عسب تتاكدين ودقت نوره علي هند وحطت سبيكر هند : اوه غربيه نوره داقه نوره : بس بعدني زعلانه منج هند : ماعندج سالفه نوره : امم اتخبرج هندوه هند : هلا نوره : امم ماعرفتي اذا حمدان والود افترقو هند بكره : لاااا شكلها المسجات مايابت فايده وتغمز نوره حق الود والود دمعت عينها لانها حست بتانيب الضمير نوره : انزين خلاص خليه يولي وانتي بتحصيلن الاحسن هند : ماريد انا اريد حمدان نوره : اممم هندوه بسكر عنج نهيان علي الخط هند : سيري سيري عند حبيب القلب سكرت نوره من هند نوره : جفتي انه السالفه كلها لعب هندوه الود وهي تدمع عينها : حراااااام ليش جيه تسوي لازم الحق علي حمدان نوره : ليش الود : بيسافر اليوم يكمل دراسته نوره : روحي اعتذري منه الود وهي تبوس نوره : تسلمين فديتج لو لاج جان احين افترقنا انا وحمدان __DEFINE_LIKE_SHARE__ |
|
| |
| |
|
07-28-2008, 09:30 PM
| رقم المشاركة : [ 104 ] |
| عضو ماسي |  البارت راحت نوره بيتهم والود راحت ادق حق ريم تتخبرها عن حمدان وقالتلها انه حمدان يجهز وخلاف بيمر عليهم مره ثانيه عسب عمه ومرت عمه الود تمت قاعده في الصاله تتريا حمدان بفارق الصبر علي الساعه 9 يا حمدان وسلم علي مرت عمه وعمه حمدان وهو يطالع الود وكان مضايق منها : تامرون بحايه ؟؟ ام حمد : ماوصيك فديتك اذكر الله واقرا المعوذات اول ماتركب الطياره وطمنا عليك يوم بتوصل حمدان : انشاء الله الغاليه بوحمد : اتحمل علي عمرك حمدان : انشاء الله من اعيوني وهو كان في خاطره الود تقوله هاي التوصيات حمدان : يلا فداعت الله راح يبوس عمه علي راسه ومرت عمه وبعدها ظهر الود : باروح المطبخ راحت المطبخ وظهرت من الباب الثاني وجافت حمدان بيركب سيارت وزقرته : حمداااااااااان حمدان وهو ينزل من السياره : لبيه الود : سامحني ياولد عمي حمدان : بالحل الود وهي مستحيه : الله وياك ولا تنسي اني احــبــك حمدان انصدم الود تقوله احبك نو وي وكانت ياي بتروح الود بس حمدان مسكها حمدان : صدق الي تقولينه الود وهي مستحيه : امم هيه حمدان : عيل كلامج انه لازم نفترق الود : انسى مش لازم اقولك حمدان باصرار: لا لازم اعرف الود وهي تطالع ساعتها : امم وسفرك حمدان : عادي الساعه 10 احين وانا الساعه 11ونص سفري الود : كل ما افي السالفه هندوه حمدان : كنت حاس شو سوت الحقيره الود : يوم كانت في بيتكم قالتلنا بتروح تشرب ماي وهي ماراحت وحدرت غرفتك وجافت تيلفونك وطرشت مسجات حمدان وهو يذكر : امم انا كنت وين الود : اضاهر كنت تحت وانا شليت تيلفونها مادري ليش ويوم جفت رقمك انصدمت ويوم قريت المسجات انصدمت اكثر حمدان وهو مستانس انه الود تغار عليه : فديييييتج والله الود : يلا روح حمدان : لهدرجه عايفتني وتبيني اروح ثرج مابتجوفيني لمده 3 شهور الود دمعت عينها حمدان : الغاليه لا تصيحين بيطوفن هذيل ثلاث شهور بسرعه الود وهي تمش دموعها : اممم بتوله عليك حمدان وهو مستانس انه الود رجعتله : انا بعد حدري المسن كل يوم واذا ماجفتيني اون طرشيلي رساله قوليلي انج بخير وانا بعد الود : من اعيوني يلا تحمل علي عمرك ماوصيك ادرس عدل حمدان : وانتي جهزي عمرج عقب ثلاث شهور من ارد بعرس مالي خص الود : اممم بفكر حمدان يكفخها علي راسها الود : ايييي خلاص ماريدك دام احين تظربني حمدان وهو يركب سيارت ويفتح الجامه : ماتعرفين الي يضربك يحبك الود : اوكي يلا رووح حمدان : ياربي كيف تبا الفكه الود وهي ترمس شرات اليهال : حلااام عليك كله تقول ثيه انت الي تبا لفكه مو انا حمدان : ياويلي بموت ياناس الود : نساك الموت يالغالي حمدان : اممم شورايج اخطفج واتروحين معايه الود وهي تشرد عنه : لا اريد عمري واشرتله وسوتله باي وهي تدعي ربها انه الله يحفظه وراحت غرفتها وقعدت تكتب في الدايري مالها انه هيه وحمدان تراضو وحمدان راح المطار وخلص تجهيزاته وقبل لايركب الطياره طرش حق الود مسج يقولها انه يحبها ويموت فيها وكلم امه وابوه وبعدها سااااافر حمدان نهايه البارت السموحة كملت القصة بس عشان اللي يتابعونها .... وبس واايد دلعتكم خخخخ ^^ لالا تستااهلون .. ويالله ابا اشووف الردود عشاان احطلكم البااقي ^^ __DEFINE_LIKE_SHARE__ |
|
| |
| |
|
07-29-2008, 03:16 PM
| رقم المشاركة : [ 105 ] |
| عضو جديد  | §¤°~®~°¤§يعطيك العافيه اخوي...§¤°~®~°¤§
__DEFINE_LIKE_SHARE__
|
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| آصغر ميكــآنيكي بالع ــآلم..!! | همس العشق | عجائب و غرائب | 17 | 11-23-2010 11:00 AM |
| موضوع بالغ الأهمية ارجو من الجميع الدخول | محروم.كوم | منتدى أخبار المواقع والمنتديات العربية والأجنبية | 0 | 06-19-2010 11:00 PM |
| مسمار بعين أسترالي دون ضرر بالغ | ♥القلب الحنون♥ | اخبار محلية و عالمية | 4 | 09-25-2009 08:56 AM |
| طـــولـت بالغ ـــيبـه .. [سلطان الشحي] | • ™ мαяỉαмч «| | كلمات الاغاني | 42 | 10-22-2008 02:07 AM |
| > - - { فنـدق مآإآدونـآآ ـآلشهير .. أغ ـرب فندق بالع ـآإآلمـ .. | » [ ™S a s a ] ~ | عجائب و غرائب | 26 | 09-25-2008 01:39 AM |
الساعة الآن 08:50 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227