إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية

         :: مواصفات سيارة تويوتا كامري 2023 (آخر رد :saddkn)       :: طرق عزل الاسطح بالخبر (آخر رد :رودى طه)       :: كيف تحمي منزلك من هجوم الحشرات (آخر رد :رودى طه)       :: برامج الرشاقة السعيدة (آخر رد :دارين الدوسري)       :: تبي متابعين تيك توك مجاناً؟ (آخر رد :ريم جاسم)       :: قهوجي جدة صبابين قهوه مباشرات ضيافه 0539307706 (آخر رد :ksa ads)       :: وانيت نقل عفش بالرياض 0539735360 ونيت توصيل اثاث مشاوير (آخر رد :ksa ads)       :: متجر Google Play: (آخر رد :محمد العوضي)       :: فوائد تحميل التطبيقات: (آخر رد :محمد العوضي)       :: تحميل التطبيقات ومصادرها: دليل شامل (آخر رد :محمد العوضي)      

إضافة رد
 
LinkBack أدوات الموضوع انواع عرض الموضوع
  #1  
قديم 02-11-2010, 02:10 AM
عضو ماسي
بيانات محروم.كوم
 رقم العضوية : 503
 تاريخ التسجيل : Dec 2007
الجنس : female
علم الدوله :
 المشاركات : 2,100,610
عدد الـنقاط :3341
 تقييم المستوى : 2139

بعدغيبه طويله أصافحكم بهذه القصيده ولولم تكن مكشاتيه وأعدكم بقصيده مكشاتيه متى ماسمحت الظروف إنشاءالله

الجرح في قلبي من العام ماطاب=أرجي شفاه وزايد اليوم بجروح
جرحي تزايد بالمرض زاد بأعصاب=وأثرعليْ إبخافقي وأتلف الروح
جرح إمْديم بالحشا ماله أطباب=طب المدينه مانفع وين أبا أروح

هفيت لأمريكا وللصين ماثاب=وين الطبيب اللي منه مت مذبوح
خل إيجريني على الود بعجاب=منا الرجا ومنه العطا لي مسموح
إلياعطاني صاحبي زين الأسلاب=منحة عطا من قلب للحب مفتوح
يرضي هوى روح تدانت بالأسباب=لحبيب صدره للأشواق مشروح
أبرى وأطيب إليا عطاني إبلا إحساب=عشروثمان من العطا سبل ممنوح
أنا العليل وعلتي حب الأحباب=وهذا قدرليه إمدون على اللوح
لوح القدرعند الولي رب الأرباب=مذري سفينه فوقها راكب نوح
في ساعة مافاد منفوع الأصحاب=وأقرب قريب مابقا فيه مصلوح
أنا صفقني بالنبا كل هباب=في مرقبي جاني من الريح لافوح
من لوعتي عديت في راس مرقاب=رجم طويل وبالمشاريف لاموح
ناديت من غبني وأنا منك منصاب=ياللي من أمثاله حلاياه مملوح
ناديت أناد يلك من الحزن مرتاب=ياسلوتي صدري تجرح من النوح
مثل الحمام آنوح مثله إلياجاب=صوت النحيب اللي شدابه على الدوح
ردد نحيبه وأطربه طق هباب=دوبه نسيم من الصبا جاب ساموح
ساموح خلا الورق بالصوت نداب=يندب على فرقا المواليف بصدوح
يصدح إبصوته بالندا صاح بعتاب=وأنا ذرفت الدمع بالخد مسفوح
مثل الغشين اللي من المزن سكاب=وبرقه تشالع واشتعل فيه ويلوح
ياشبه وضحا مرتعه شعبة إنصاب=ولا مشاليل البنانه وأبا الروْح
ياشوق ياللي كل مافيه جذاب=تجذب غرامي للغلا فيك مايْروح
لوراح يرجعلك ولا عنك مجناب=ياللي شذى عطرك ملا الجوويْفوح
ياقحويان في مساييل واشعاب=عليه من وبل المطررش ناضوح
ينضح على خد تزاهى بالأعشاب=يرعاه من ذود المصاليح شرشوح
سهم الغلا ياصاحبي بالحشا صاب=إجرح وأنا لك ياشقا البال مجروح
بس الوعد بدباحة النجم لغاب=بأيمن مكان العام في ردة الصوح
راع الهوى لويصقعه راس مشعاب=مايستمع لوينصحه كل ناصوح
ماشي طريقه عن هوى البيض ماتاب=والنقد عنده بأيسرالدرب مسنوح
كم واحد شيب سواده ولاشاب=ماشاب حبه في مشاهيه مشفوح
قلب الهوى لوهوعلى نارمشهاب=شيد إبخافي مهجته برج واصروح
كنه على حب النقا ويش لوذاب=في مصهراللوعات يشويه مملوح
يصبرعلى ماجاه مادام طلاب=لمعانق الحسرات مع زايد الفوح
على سنا لاهب ويصلاه لهاب=مادام له قدره وطولات وإشبوح
حب النقامافيه مازح ونصاب=لوكان به فرقا وهجران وانزوح
الحب يحصل فيه صادق وكذاب=ويمكن يجي بالود تلعيب وإمزوح
هذاحسب رأيي وأنا الجرح ماطاب=وكل على رايه وأنا شخص مجروح
__DEFINE_LIKE_SHARE__
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:52 PM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML