ردّام طير الكر والفر ردام=ما كنه الا طايرات الهجومي
اليا لقى في عالي الجو حوام=تلقاه من بد الجوارح جزومي
يروج حوله بالمقافي وقدام=لينه يجيه سواة صلف السهومي
يلوح بالكف العطب فيه صمام=لما تبين بكاتفيه الدمومي
طاح العقاب بكف ردام الاجرام=واتشوف ريشه بين الاغصان يومي
عليك يا ردام تنفيذ الاعدام=ما هي غريبه ما ثنته الخصومي
خطير وابعرف الصقاقير عزام=لطام هزام الطيور الرخومي
طير السعد يالذيب ما قيل ينسام=حذاري ما ينباع باغلا الرقومي
ما شاله الا الذيب عريف الافهام=نسل الهزابير الزحول القرومي
اليا درج خرب السهل دونه ثمام=يستقبله ردام فوق الحزومي
ما يرتخي حيله ولو حوله حزام=يهفي عليه من الطوال الرجومي
هذا طبع ردام ساطي وجزام=ما فيه من طبع ابيض الليل بومي
رفيق راعيه بمقابيل الايام=وان راح يبقى رب الاحيا يدومي
رزقه عليه الرازق الحي ما نام=مروي ظما العطشان وقت السمومي
راح الرسول وراحت اجيال من سام=واجسام صارت بالمقابر جثومي