قصيدة ماتغير شي لكن صار فاضي المكان..!!

محروم · #1 02-08-2010, 05:30 AM

السلام عليكم ورحمة الله وبركاته

صباحكم . . مساءكم . . شوق لمكان فاضي

ما تغيَّر شي . . . لكن ! صار مافي " فاضي " المكان .
يعني إنتَ شفت قلبي ؟ طحت مِنْ عيني و / عينه

[ كان ] لك قلبي مدينه ولاحظ إني قلت : كان !
يعني إنتَ الحين واحد :: خارج حدود [ المدينه ] ::

ليه مستغرب كلامي ؟؟ وليه أعطيك الأمان ؟؟
وليه تَكْذِب في كلامك ! العذر وينك و وينه ؟

ما ألومك .. كان " قلبك " ثارت أمواجه و / خان
الخطا منَّي , لأني . . . : صرت في بحرك ( سفينه )

والسؤال اللَّي كتمته ..؟ وما نِطَق فيه اللسان
{ كيف إيدك إطعنتني وآنا أحْسِبْهَا أمينه ..؟ }

جرحي .. ما يرضيه قلبك .. لو يجي كلِّه حنان !
لو - تبوس الجرح فيني . ولو - تقبّلْهَا إيدينه .

يُوم أحبك ؟, قلت كلمه : ( يكرَم المرء أو يُهان )
وإنتَ قلبي ما كرمته ! وما قدرت إنِّك [ تهينه ]

عزِّتي .. ما هي جديده آنا " شامخ " من زمان
إغسِل إيدك من رجوعي .. وروح , يا إبن اللذينه

طاب خاطر قلبي منِّك . . . وهذي الفرقى رهان
حتَّى لو قلبي يحبك . / - ربِّي . . بفراقك يعينه !

تدري لما قلت أحبك ؟ قلت .. وما عندي ضمان .
وإختياري كان ( خاطىء ) تجربه بالحييييل شينه

كنت تخطي .. وكنت أسامح .. مرَّه : مرتين : وثمان !
أدمَح الزلّه - عشانك .. وأكتِم أنفاس .. الغبينه

كنت أحبك ’ كنت أعزّك ’ والغلا فيني جبان
خاف تزعل لو , ألومك , ضعت ما بينك وبينه

في عيون الناس " عادي " بس في عيني ؟ / جنان
وكان قلبي من يشوفك تفضحه . . نظرة حنينه . .

ماني أوَّل من يحب ..... . ومنتَ آخر شخص . ..... خان !
المحبه في زمانك ؟ بحرها ^ من غير مينه ^

الفشل .. كان النتيجه وأعتقد آن الأوان ,
أبني - مستقبل حياتي . و - أنسى قصتنا الحزينه .

خطوتي الأولى ( غيابك ) راح أطبّقها عشان :
" يبكي قلبك لا فقدني والندم .. يملي سنينه "

جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينه .

قلت لك قلبي [ مدينه ] فيها لك :: حشمه وشان ::
لكن إنتَ الحين – أغرب .. شخص ! في هذي المدينه

القصيدة منقولة ولا أعرف من كاتبها تم نقلها لأنها أعجبتني سلم قلب كاتبها من الفراغ

همسه: أجعل ردك مميز وامسح الردود السطحيه من حياتك..!

تحياتي لكم وتقديري/
محروم

__DEFINE_LIKE_SHARE__

Дјறàl Диsǎήһ · 02-08-2010, 05:38 AM

السلام عليكم ورحمة الله وبركاته

صح لسان قايلها وسلمت يمين ناقلها

يعطيك العافيه
لاخلا ولاعدم __DEFINE_LIKE_SHARE__

яέтάи ®™ · 02-08-2010, 06:52 AM

جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينه .

قلت لك قلبي [ مدينه ] فيها لك :: حشمه وشان ::
لكن إنتَ الحين – أغرب .. شخص ! في هذي المدينه

صح الله لسآن شآعرهاا
ولآهانت يمينك

أختيار جم ـيل جداً
كُل الودِ

ريتآن __DEFINE_LIKE_SHARE__

أسلوبي شيوخي · 02-09-2010, 05:18 PM

السلاام عليكم ورحمه الله وبركاته

صح لساان قاايلهاا

تسلم اخوويه ع الطرح ابدعت في نقلهاا

يعطيك العاافيه __DEFINE_LIKE_SHARE__

غلاك في خاطري · 02-09-2010, 06:02 PM

عزِّتي .. ما هي جديده آنا " شامخ " من زمان
إغسِل إيدك من رجوعي .. وروح , يا إبن اللذينه

طاب خاطر قلبي منِّك . . . وهذي الفرقى رهان
حتَّى لو قلبي يحبك . / - ربِّي . . بفراقك يعينه

صح لسان من قايلها تسلم ايدك مديرنا ع الطرح الطيب
لاهنت ياربي يعطيك الف عافية^_^ __DEFINE_LIKE_SHARE__