இஇ يـــــــــــــــــــــــــــا عذابــــــــــــــــــــــــــــــــــــي இஇ - الصفحة 79

{,.בرايّـر.,» · 10-02-2008, 12:31 AM

سارة: ما بي .. تعبانة أبي أرقد
حارب: شفيج انتي صاحية. ارمسي عدل..
سارة: والله هذي طريقتي بالرمسة هب عايبتنك
حارب فول من حركاتها وجرب منها وخوز اللحاف من فوقها..
حارب: ليش كنتي تصيحين؟
سارة: هب شغلك
حارب وهو يصارخ: ردي عليه..
سارة زاغت من صراخه وامتزرن عيونها بالدموع

حارب: أففففففففف
سارة: قلت لك .. تعبانة __DEFINE_LIKE_SHARE__

{,.בرايّـر.,» · 10-02-2008, 12:33 AM

حارب: شفيج؟ شو يعورج؟
سارة: ما ادري شكلي ميهودة.. فيني حمى
حارب جرب منها وحط ايده على يبهتها عسب يطمن على حرارتها..

أول ما لامست ايده يبهتها ارتبكت زيادة
حارب: حرارتج هب وايد مرتفعة.. أحسها طبيعية
سارة: ها.. وأنت شدراك؟ يمكن حمى داخلية؟
نقع حارب من الضحك: هههههههه شو؟ داخلية؟ يصير بعد كل شي جايز
انقهرت سارة.. أحر ما عندي.. أبرد ما عنده.. لا وحضرته قاعد يضحك
شوي وتحولت ملامح حارب وصارت جديه..
وطلع موبايله وقعد يضرب ع الأرقام وسارة هب فاهمة شي.. وحطه عالسبيكر
حارب: ألو.. سوسن
سوسن: أهلين استاز حارب __DEFINE_LIKE_SHARE__

{,.בرايّـر.,» · 10-02-2008, 12:33 AM

حارب: هلا سوسن.. أقول.. شخبار المعاملة؟
سوسن: كل شي تمام.. وهلأ أنا عم برتب بعض الأمور مع الأستاز سهيل
حارب: خلاص ما علي.. أدق لكم بعدين عسب أطمن

وسكر عنها
سارة وللحين هب فاهمة شي..
حارب: ارتحي الحينه؟
سارة صج ارتاحت من الخاطر.. بس للحين تكابر
سارة: ارتاح؟ ليش يعني؟ ومنو هذي؟ وأنا شلي؟
جرب منها حارب وهمس: كل هالأسئلة أنتي لحالج تعرفين تجاوبين عليها على ما أعتقد __DEFINE_LIKE_SHARE__

{,.בرايّـر.,» · 10-02-2008, 12:35 AM

احمرن خدود سارة ونزلت راسها
سارة: ومنو قالك إني أغار عليك؟
حارب: اللـــــــــــــــــــــــــــه وأكبــــــــــــــــــــر... منو قالي؟ ليش أنا قلت لج انج غرتي عليه؟ سبحان الله منو ياب طاري الغيرة الحينه؟؟؟؟؟؟؟؟
قفطت سارة ما عرفت بشو ترد على طول سحبت اللحاف من ايد حارب وتغطت بالكامل من زود الفشيلة..
حارب وهو ظاهر: اقول تغطي عدل.. تراني أخاف عليج من حمى الغيرة.. أقصد من الحمى الداخلية على قولتج..

وظهر بعد ما فول دم سارة من زود ما قهر بها..
......................................... __DEFINE_LIKE_SHARE__

{,.בرايّـر.,» · 10-02-2008, 12:35 AM

... بعد اسبوع...
الكل قرر أنهم يسيرون القرية العالميه
قوم أبو سهيل وأبو علي وحارب والربع
ظهروا 4سيايير تقريبا
السيارة الأولى: سيارة حارب وسارة وطبعا ظبية ما تروم تسير هالأماكن
السيارة الثانية: سهيل وخطيبته شيما وكانت أم حامد ظاهرة وياهم
السيارة الثالثة: أحمد ويا حصة طبعا وأم علي وأم سهيل
السيارة الرابعة: ثاني ويا أمه وأكيد شهد + شمة ...( شنغل ومنغل)
السيارة الخامسة: نادر ويا أخته عليا وبنت عمه ميسون
السيارة السادسة: علي ومعاه سيف أخو سارة
.. في سيارة حارب... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-23-2010 08:30 PM
இ♥♥♥இ بكل الحب مبروووووووووك .. متعني و متصرف இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-21-2010 04:30 AM
இ☜♥☞இ مجموعة الحمام المغربي لتببيض البشرة இ☜♥☞இ	محروم.كوم	منتدى أخبار المواقع والمنتديات العربية والأجنبية	0	06-29-2010 12:20 AM
mahmoud இ☜♥☞இ بكل الحب مبرووك இ☜♥☞இ ‏	محروم.كوم	منتدى أخبار المواقع والمنتديات العربية والأجنبية	0	06-03-2010 03:00 AM
இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ	Дјறàl Диsǎήһ	الإسلام والشريعة	10	07-07-2009 02:45 AM