இஇ يـــــــــــــــــــــــــــا عذابــــــــــــــــــــــــــــــــــــي இஇ - الصفحة 51

{,.בرايّـر.,» · #1 09-10-2008, 02:39 AM

سلموووو على المرور
البارت الياي باجر..
كونو في انتظاري... __DEFINE_LIKE_SHARE__

فروشة الملاك · 09-10-2008, 08:07 PM

اوجيج نترياااااااااااااج باااااجر __DEFINE_LIKE_SHARE__

{,.בرايّـر.,» · 09-11-2008, 12:33 AM

ثواني والبارت عندكم....ز __DEFINE_LIKE_SHARE__

{,.בرايّـر.,» · 09-11-2008, 01:00 AM

حارب: إنتي ليش تكرهيني؟
سارة: وأنت ممكن تقولي شو اللي حادني أحبك؟
حارب: يمكن لأنج الحينة صرتي حرمتيه..
سارة: عادي.. بالاسم بس.. بس قلبي وهي تأشر حق قلبها.. هذا هب ملكك
فول حارب من رمستها وما قدر أنه يتحمل.. وعطاها طراق حرق ويهها
حارب: عسب مرة ثانية تعرفين كيف ترمسين عدل ويا ريلج
من قوة الصفعة سارة ما استحملتها وطاحت ع الأرض
سارة وعيونها ممتزرات دموع: أكرهــــــــــــــــــــــك
حارب وهو يبتسم باستهزاء: ادري انزين.. هب شي يديد عليه
سارة وتوقف ع ريلها بصعوبة: انت لو ريال جان ما خليت وحدة ما تحبك على ذمتك.. أنت ما تستاهلني.. أنت تستاهل وحدة من هالخايسات مالتك

حارب وهو واصلة عنده: ساروه... اسكتي أحسن لج.. تراني ما أضمن عمري
سارة: وشو بتسوي يعني؟ بطقني..؟؟ عــــــــــــــــــادي... ما يهمني.. وأخيرا ظهرت على حقيقتك..
‘،."خلك بعيد وخل الوله في قلبي يزيد ..دامك اخترت البعاد لا تنتظر مني الوصال".,
حارب وهو يجرب منها قعدت سارة ترتجف وهب عارفة شو تسوي..
حارب: بلاج سكتي.. ارمسي.. كملي خريطج
سارة وما رامت تتحمل وهو قاعد يستهزأ بها.. كل اللي قدرت تسويه أنها تدفره بعيد وربعت صوب حجرتها وعيونها ممتزرات
دمــــــــــــــــــــــــ يا حليلها ـــــــــــــــــــــوع
وخلت حارب وهو قاعد يتحلف لها: ما علي يا ساروه.. أنا وراج والزمن طويل.. ارقدي الحينة بروحج..!؟
"فديتك ريح اعصابك انا مازلت متماهل..انا عنك اشيل الشوك وارمي الورد بدروبك
احبك وانت ماادري علي اليوم تتجاهل..ضنونك خلها عنك ابيك تغير اسلوبك..حلفت وقلت لك غيرك مااحد بالحب يستاهل"
.................................................. ....
في اليوم الثاني..
الساعة 5 العصر..
حارب راقد في الصالة.. أما سارة فتوها تنش بعد سهرة الأمس الكئيبة..
بعد ما تيددت وصلت الصلاة اللي فاتتها.. سارت ودقت حق أمها..
أم سهيل: ألــو..
سارة وما قدرت تتحمل .. أول ما سمعت صوت أمها كان ودها تصيح بس يودت نفسها..
سار وبصوت مخنوق: شحالج أمي؟
أم سهيل وهي طايرة من الوناسة يوم سمعت صوت بنتها: ســـــــــــــــــــــارة؟ شحالج يما وشحال حارب؟ وينج يما ما تدقين ولا تسألين؟
سارة: وإذا أنا ما دقيت خلاص يعني.. أنتوا ما تدقون؟
أم سهيل: لا يما فشيلة أدق أنا.. وبعدين ما نبي نزعجكن وأنتوا بعدكم معاريس يدد.. ما نبي نخرب عليكم وناستكم
سارة وهي تقول في خاطرها.. وناستنا؟ والله حياتي صارت جحيم من عقبكم..أي وناسة بشوفها ويا هذا الخام؟؟؟؟
أم سهيل: سارة؟ وينج يما؟
سارة وتوها تنتبه: هلا يما.. معاج معاج.. المهم يما.. شحالكم أنتوا بعد وشحال أبويا وأخواني..
أم سهيل: كلنا بخير والحمد الله..لا تحاتين
سارة: الحمد الله.. والله إني تولهت عليكم
أم سهيل: وأنا أكثر يا سارة.. البيت من عقبج بليا روح يا بنتي..
وقعدت تصيح وصاحت سارة معاها..
سارة: خلاص يما.. لا تصيحين ترى أزعل..وبعدين كلها يومين ونرد إن شاء الله
أم سهيل: لا يما.. شو يومين؟ قعدوا واستانسوا.. ولا تحاتين شي..
وعقب ما رمست سارة أمها وخلصت.. سكرت عنها..
ظهرت من الحجرة..
يا ربي الصالة ثللللللللللج
وتوها تنتبه حق حارب... عنلاته.. للحين منخمد.. وحضرته ما صلى..
يا ربي لازم أوعيه.. حرام الصلاة تفوته..
سارة وهي تجرب منه..: حارب..حارب
حارب: اممممممم
سارة: نش.. الصلاة فاتتك.. هب زين حرام
حارب ويفتح عيونه بصعوبة: كم الساعة؟؟؟؟
سارة: 5,30 العصر..
ربع حارب صوب الحمام.." تكرمون" وتيدد وصل..
وعقب ما خلص صلاة..
قعد يدور سارة في الصالة بس ما لقاها..
وسار صوب حجرتها..
في هالوقت سارة كانت توها ظاهرة من الحمام " تكرمون " بعد ما خذت شور عالسريع... فجت الفودة اللي كانت لافتها على شعرها القصير وقعدت تسحي شعرها..
كانت آيه من الجمال.. وخاصة أن ويهها في هالوقت كان خالي من أي مساحيق المكياج..
كل هذا قاعد يصير وسارة هب منتبه حق حارب اللي كان واقف عند الباب مبهت وهو يطالعها..
سارة وتوها تنتبه أن حارب قاعد يطالعها وهي على الحالة.... احمرن خدودها ونزلت راسها...
." وانا عيوني في عيونك تلتهي ..يا غايتي يا كل شي انت في حياتي ودنيتي..لو قلت احبك ما تسد لا ما تسد عن حاجتي..عندي كلام وايد كل العواطف فيه...لا جيت اقول القا الظروف تمنعني لا احكي"

حارب توه ينتبه.. وتحولت ملامحه وصارت جديه..
وبنبرة حادة: زهبي أغراضج.. بنرجع اليوم
وظهر..
من زود الوناسة ما عرفت سارة شو تسوي؟
تحس أن الأرض هب واسعتنها من الفرحة..
وأخيرا بنرد... على الأقل هناك أكون جريبة من أهلي .. هب مجابلتنه..
الحمد الله..
وعلى طول ربعت ترتب أغراضها..
وبعد ما خلصت وتأكدت أنها ما نست شي..
لبست العباة وقعدت تنطر حارب في الصالة..
بعد ربع ساعة ظهر حارب..
كان كاشخ عالآخر..
كندورة سودة على شماغ أحمر..
وريحة الدهن عود شقت الصالة..
حارب: ها ...جاهزة؟
سارة وللحين مبهته فيه وبكشخته ووسامته اللي بهتت أول ما شافته..
حارب: ســـــــــــــــارة؟ ارمسج أنا؟
سارة: هلأ..
حارب: بلاج؟
سارة: معاك معاك..
حارب: وايد مستانسة انج بتردين؟
سارة: وفوق ما تتصور
حارب: كل هذا كره؟
نزلت سارة راسها..
حارب وهو يجرب منها..ويرفع راسها ويخلي عينه في عينها..
حارب وبكل جديه: شوفي سارة.. أنا ما رح أغصبج على شي إنتي ما تبينه.. بس طلبتج.. خلينا نمثل جدام أهلنا أن نحن مستانسين بحياتنا.. على الأقل... حاليا..
وأنا أوعدج أني أحط حد لحياتنا... وإن شاء الله ما رح ينظلم أحد.. لا نحن ولا حتى أهلنا..
سارة وهي متشققة هب مصدقة رمسة حارب.. يعني أخيرا تفهم شعورها ناحيته..
سارة: انزين ممكن دقيقة؟
حارب وهو عاقد حياته:؟؟؟؟؟؟؟؟
سارة: هب متأخرة..
ودخلت الحجرة وقفلت عليها..
قعد حارب متحرقص .. يموت ويعرف سارة شو قاعدة تسوي داخل...
بعد نص ساعة..
حارب وهو يدق على سارة الباب: حــــــــــــــــــــــــــــــوه.. وينج؟
سارة: ثواني.. وظاهرة..
مل حارب من كثر الانتظار وقعد في الصالة يطالع التلفزيون..
وفجأة..
فتحت سارة الباب وعلى طول رفع حارب عيونه...
كانت آيه من الجمـــــــــــــــــــــــــــــــــــــــــــال
في قمـــــــــــــــــــــة الأنوثــــــــــــــــة
ثوب من الحرير بلون البيج الترابي... رقيق بكورساج طويل من الدانتيل، وتنورة واسعة بذيل طويل مع ربطة أنيقة على الرقبة وحول المعصم..
سارة: هـــــــــــــــــا.. شو رايك فيني؟
حارب مبهت..
ضـــــــــــــــــ في أنوثتها ـــــــــــــــــــاع...
بسحرها وعيونها ورقتها وحلاوتها..
سارة: شـــو؟ هب عايبنك؟
حارب: هـــــا؟؟ ليش بدلتي؟
سارة: يا سلام وتونا شو قايلين؟ مو توك قلت أن نحن لازم نبين حق أهلنا أن نحن مستانسين ويا بعض.. وعسب جذه.. هب حلوة يشوفوني وأنا توني عروس يديدة وهب كاشخة... والا شو تقول؟؟
حارب قد ما سحرته سارة بجمالها قد ما طعنته بسيوف كبرياءها.. قد ما جرحته برمستها ووموقفها..
يعني معقولة كل هذي الكشخة بس عسب استانست أني ما رح ...........؟؟؟
"....مادريت انك بتنخدعني وتتسلف فؤادي..و ابتديت اكشف هواك...بعد ما قلبي هواك.."آااااااااااااااااه يا سارة...آه
................................................

كـــــــــــــــــــــــــــــــــــــــأأأأأأأأأت

سوووري اذا البارت قصير
__DEFINE_LIKE_SHARE__

فروشة الملاك · 09-11-2008, 07:54 PM

اوجيج نترياااااااااااااج باااااجر
سلموووو __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-23-2010 08:30 PM
இ♥♥♥இ بكل الحب مبروووووووووك .. متعني و متصرف இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-21-2010 04:30 AM
இ☜♥☞இ مجموعة الحمام المغربي لتببيض البشرة இ☜♥☞இ	محروم.كوم	منتدى أخبار المواقع والمنتديات العربية والأجنبية	0	06-29-2010 12:20 AM
mahmoud இ☜♥☞இ بكل الحب مبرووك இ☜♥☞இ ‏	محروم.كوم	منتدى أخبار المواقع والمنتديات العربية والأجنبية	0	06-03-2010 03:00 AM
இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ	Дјறàl Диsǎήһ	الإسلام والشريعة	10	07-07-2009 02:45 AM