இஇ يـــــــــــــــــــــــــــا عذابــــــــــــــــــــــــــــــــــــي இஇ - الصفحة 44

{,.בرايّـر.,» · 09-06-2008, 01:23 AM

ثواني و البارت عندكم......

المهم انكم ما تزعلوون __DEFINE_LIKE_SHARE__

{,.בرايّـر.,» · 09-06-2008, 01:28 AM

سارة وقفت ومن غير ما ترد عليه..
ابتسم حارب.. وكمل طريجه... وسارة ياحليلها ماتت ما تروم تمشي الفستان ثجيل.. ومحد يساعدها..
ألين ما يت حصة ..
سارة: حصوه يالدبة وينج؟
حصة: سوري سارة بس كنت أرمس أحمد برع
سارة: هذا وقته الحينه
حارب أونه ما كان منتبه بس كان يسمع كل كلمة وهو ناقع من الضحك..
وبعد ما وصلوا غرفة التصوير..
حصة: يلا الحينه بخليكم وعقبها بييج عسب أساعدج وتبدلين الفستان...

سارة: تعالي.. وين سايرة؟
وقبل لا ترد عليها حصة وقف حارب في الوسط وير سارة بقو صوبه حتى أن سارة حست بمسكة ايده القوية شوي وايدها بتتكسر..
حارب: مشكورة حصة..
حصة: العفو.. وسارت عنهم..
حارب وللحين ماسك سارة بقو..
سارة وهي راصة على أسنانها: هد.. ايدي
حارب وهو يهدها بقو: يعني لازم حركات اليهال هذي
ما ردت عليه سارة وطنشتة.. ودخلت الحجرة... __DEFINE_LIKE_SHARE__

{,.בرايّـر.,» · 09-06-2008, 01:32 AM

سارة: ما أريد أتصور
حارب وهو يرمس المصورة: ما في مشكلة.. مدام تعبانة شوي... أنا الحين بسوي صورة
وقعد حارب يتصور وسارة ميته قهر.. تحس كل ما تبي تقهره يرد لها ويقهرها زيادة..
حارب وشكله مل: خلاص؟
المصورة: كلاس.. بس لازم أروسة سوي سورة مأ أنت
حارب: سارة..
سارة ما ترد..
حارب وقعد حذالها: اسمعيني عدل.. لا تتحرين انج بحركات اليهال هذي بتقهريني.. يكون بعلمج من اليوم وساير أنا ريلج ولي حق عليج.. والحين قومي بسرعة خلينا نتصور جم صورة وعقبها سوي اللي بتسويه

سارة: قلت ما أبي أتصور
حارب: شو بقولون عنا.. كل واحد متصور لحاله؟
سارة وتبتسم باستهزاء: هذا اللي هامنك يعني؟
حارب: سارة.. قومي
سارة: قلت.. لأ
المصورة وهي داشة عرض: هرام مدام أنتي في هلو.. لازم سوي سورة سوا سوا بأدين في زكرى.. بأدين في سوف بجا مال انته
حارب نقع من الضحك... __DEFINE_LIKE_SHARE__

{,.בرايّـر.,» · 09-06-2008, 01:34 AM

سارة انقهرت من ضحكة حارب وشافت المصورة بنص عين: وإنتي شلج؟ داشة عرض ليش؟
حارب وعيونه امتزرن دموع من الضحك: سارة عيب.. الحرمة ما قالت شي غلط
سارة: وأنا قلت ما أبي أتصور.. خل تنجلع برع
حارب وبنبرة جادة: سارة.. لا تخليني أسوي شي ما يعيبج
سارة وهي تبتسم باستهزاء: وشو بتسوي يعني؟

ما كملت رمستها ألا وحارب شايلنها..
صح أن الفستان ثجيل بس ما حس حارب بثقل.. وخاصة أن سارة ضعيفة وايد..
سارة وهي تصارخ : أنت مينون؟ نزلني..
حارب وهو يرمس المصورة: يلا بسرعة سوي صورة..
ابتسمت المصورة .. أول مرة تشوف معاريس جذه.. صورتهم كذا صورة .. وسارة ولا صورة فيها تطالع حارب..
وعقب ما خلصت.. ظهرت من عندهم..
سارة بدت ترتجف.. الحين هي بروحها مع حارب..
يا ربي وينج يا حصــــــــوه؟؟؟؟
حارب وهو يجرب منها.. همس: مبـــروك
سارة حست بحرارة أنفاسه من زود ما هو جريب منها.. ما عرفت شو تسوي.. ترد ولا شو؟؟؟؟؟؟؟
حارب: انزين ردي عالأقل
سارة: الله لا يبارك فيك.. ارتحت الحينة
حارب وهو يبتسم: سبحان الله ما في حد في هالدنيا كامل..أنتي مثلا.. قمر.. بس ملسونة وشريرة بعد __DEFINE_LIKE_SHARE__

{,.בرايّـر.,» · 09-06-2008, 01:38 AM

احمرن خدود سارة وما عرفت بشو ترد..
حارب: يلا قومي بدلي بسرعة.. بنظهر
سارة وبسرعة ردت : وين بنسير؟
حارب وهو يغمز: surprise
سارة: يلا عاد... قول
حارب: ما ني قايل..
وظهر... عسب يخليها تبدل ثيابها..
وعقب شوي دخلت حصة على سارة..
حصة وهي تبتسم: ها بشري؟ شو قالج؟
سارة وتفر الباقة: شو بقول يعني.. كلام فاضي
حصة: ساروه.. ارمس جد.. شو قالج؟
سارة: ما قالي شي.. أنا اللي قلت له ..
حصة: وشو قلتي له؟
سارة: الله لا يبارك فيك.. ارتحتي الحينه
حصة: الله وأكبر عليج يا ساروه.. قولي والله قلتيله جذه؟
سارة: والله.. وأصلا بعده ما شاف شي

حصة: ساروه.. عن الاستهبال.. خلاص حارب الحينه ريلج.. عن شغل اليهال
سارة: وفري نصايحج وساعدني الحينه ..
حصة وهي تساعدها: الله يهديج بس...
عقب ما فصخت سارة الفستان ومسحت المكياج..لبست العباة على أساس أن حارب ينطرها تحت..
سارة: وين أمي؟
حصة: تحت..
ونزلوا تحت وأول ما شافت سارة أمها قعدت تصيح وارتمت في حضنها..
أم سهيل وعيونها تدمع: خلاص يا سارة.. تراج الحينة هب ياهل
ظبية: يما سارة.. بلاج تبجين؟
حصة: دلع بعد شو؟
ظبية: هههههههه.. لا تخافين يما.. هذا شي طبيعي.. وأنا وصيت حارب أن يحطج في عيونه
ابتسمت سارة وهي خاشة في قلبها حرقة عميــــــــــــــــــــــقة ما يدري بها إلا رب العالمين..
وعقب ما سلمت سارة على أهلها وربيعاتها.. ظهرت.. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-23-2010 08:30 PM
இ♥♥♥இ بكل الحب مبروووووووووك .. متعني و متصرف இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-21-2010 04:30 AM
இ☜♥☞இ مجموعة الحمام المغربي لتببيض البشرة இ☜♥☞இ	محروم.كوم	منتدى أخبار المواقع والمنتديات العربية والأجنبية	0	06-29-2010 12:20 AM
mahmoud இ☜♥☞இ بكل الحب مبرووك இ☜♥☞இ ‏	محروم.كوم	منتدى أخبار المواقع والمنتديات العربية والأجنبية	0	06-03-2010 03:00 AM
இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ	Дјறàl Диsǎήһ	الإسلام والشريعة	10	07-07-2009 02:45 AM