இஇ يـــــــــــــــــــــــــــا عذابــــــــــــــــــــــــــــــــــــي இஇ - الصفحة 40

{,.בرايّـر.,» · 09-03-2008, 02:13 AM

.. بعد ساعة تقريبا ..
وصل حارب والكل كان قاعد ينطره..
كانوا علي وثاني وأحمد وسهيل وسيف كلهم قاعدين ينطرونه عسب يباركون له..
حارب وقف يخاشمهم وباركوا له..
سهيل: وأخيرا شرفت؟
حارب مطنش قاعد يعدل عقاله
أحمد: يلا يا حارب.. حصة تقول وينكم تأخرتوا..
حارب: يلا الحين يايين.. .
وصد صوب الشباب: ها البس البشت والا أشيله أحسن؟
ثاني: لا لا شيله بس.. وبعدين الحفلة في البيت أحس أنه ما في داعي
حارب كان كاشخ من الخاطر
لابس كندورة بيضه على شماغ أبيض
وشايل بشته الأسود المطرز بالذهبي على ايده..
علي: أقول حروب؟
حارب: قول..
علي: مو جنك متسبح بدهن العود.. حشى الريحة أشمها من بعد ميل
ابتسم حارب..
أحمد: يالله يا بوك حصة حشرتنا.. حتى أن نص المعازيم روحوا..
سهيل: يلا يلا..
حارب: يلا شباب بالإذن
ثاني : يالله.. وبالمبارك مرة ثانية __DEFINE_LIKE_SHARE__

{,.בرايّـر.,» · 09-03-2008, 02:14 AM

...........................................
وقفت سارة وقلبها يدق طبول ...

اشتغلت الأغنية ودخل المعرس على أغنية .. حمد العامري.. ليتني عرفتك..

(ليتني عرفتك بأول العمر بدري.....
و شبعت عيني بنظر من محياك ....
نادم على اللي راح من وقت عمري ....
اللي قضيته دون صوتك ونجواك.......
أشقيتني بمعانقة حب عذري ......
ليت الخيال اللي يلمك معي جاءك .......
الوقت يتحكم بعذرك وعذري ........
والشوق لي خذني بعشقتك وداك ..........
أمسي وتفكيري مع الشوق يسري ........
يسري إلى جده متيم بروياك ..................
أشغلتني و أشغلت قلبي وفكري...............
ولا أشوف فوق الكون غيرك ولا ألقاك .......
أحيا وأعيش العمر.. والعمر يجري ...........
وأن كان فوقه عمر عشته برجواك...........
زاد الغرام وفاض في الحب نهري .........
أضما الضماير وأمدح الزين وأسقاك ..........
تدري ولو ما تنظر الحال تدري .............
أن الهوى وأن طوال البعد هلاك ...........
ليتني عرفتك بأول العمر بدري ......
وشبعت عيني بنظر من محياك ......
نادم على اللي راح من وقت عمري ....
اللي قضيته دون صوتك ونجواك}........ __DEFINE_LIKE_SHARE__

{,.בرايّـر.,» · 09-03-2008, 02:16 AM

دخل حارب ومعاه سهيل وأحمد وسيف...
حارب كان نظره مركز على سارة بس ما قدر أنه يميز ملامحها وخاصة أن صار له فترة ما شافوا بعض...
حارب وبعد ما وصل..
تيبس ما عرف شو يسوي.. صح أنه دايما كان يشوف سارة بس اليوم غير.. كانت آية من الجمال.. زين أن سهيل انتبه له ودزه عسب يتحرك
جرب منها وباسها على يبهتها...
سارة في هالوقت ما كانت في الدنيا كانت في عالم ثاني.. كانت تتقطع ... كان ودها تصرخ.. ودها تقول ما أبيــــــــه .. بس خلاص.

سهيل تجدم بعد ما وقف حارب بجانب سارة: ألف مبرك... يا سارة
سارة وما قدرت تتحمل: سهـ..يـ..ل
سهيل:أصصصصص.. ما أبي أشوف ولا دمعة
ابتسمت سارة..
سهيل: أقول..
سارة: هلأ
سهيل: بصراحة قمر.. وهو يغمز حقها.. الله يعين حارب بس
احمرن خدود سارة من المستحى ونزلت راسها
أحمد: مبروك...ألف مبروك
سارة: الله يبارك فيك
سيف: ساروه.. ألف ألف مبروك
ابتسمت سارة لسيف لأنها أول مرة تشوفه وهو متسفر: الله يبارك فيك __DEFINE_LIKE_SHARE__

{,.בرايّـر.,» · 09-03-2008, 02:17 AM

عقبها وقفوا كلهم عسب يتصورون.. وكل شوي سهيل يساسر حارب وحارب يضحك وسارة بتموت وتعرف شو يقوله

وعقبها غيرت حصة الشريط وحطت أغنية لحمد وحربي.. يا علي..
وعاد سهيل ما صدق وقعدوا هو وأحمد ايبسون من الخاطر.. بس عسب البنات
عليا: يـــــــــــــــــــــاي.. هذا اللي لابس بيج.. يذبح
ميسون: أي واحد.. ما أشوفه عدل
عليا: هذا يالدبة.. الحين قاعد يضحك..ياربي عليه.. غرشــــــــوب
طبعا عليا كانت تقصد سهيل..
من صوب ثاني...
شلة بنات يتساسرون..
نورة: ما شاء الله عليهم المعاريس..
فاطمة: صدقج والله.. إذا المعاريس جذه جمالهم.. عيل عيالهم كيف؟
مريم: بصـــــــــــــــــــــــراحة.. المعرس قطعة
فاطمة: حتى العروس ما شاء الله عليها.. يا ليت يكون جمالي بنص جمالها على الأقل
.. نرجع لمعاريسنا ..
سارة طول الوقت وما صدت صوب حارب.. اللي يشوفها يقول عندها كسر في الرقبه.. هب رايمة تحركها..بس حارب ما قدر أنه يمنع نفسه ويطالع القمر اللي جدامه.. ما يدري بشو حس أول ما شافها..
سهيل وهو يجرب منهم: يلا الحين بنظهر.. وألف مبروك مرة ثانية.. وأنت يا حارب ما أوصيك على سارونتي.. ترى كل شي ولا سارة..
حارب: لا توصي حد على روحه..
حارب ما عرف كيف طلعت منه هالرمسة..
أما سارة فقلبها كل دقيقة تمر وهو يتقطع زيادة..
وبعد ما ظهروا ..
أشرت لهم المصورة عسب يقعدون..
وبعدها لمحوا أم سهيل والخالة ظبية يايين صوبهم عسب يسلمون عليهم ويباركون
أم سهيل جدمت الخالة ظبية بحكم أنها الكبيرة..
وقف حارب أول ما لمحها..
ظبية: ألف مبــــــــروك يا ولدي.. منك المال ومنها العيال إن شاء الله
حارب وهو يبتسم: الله يبارك فيج..
أم سهيل: مبـروك يا ولدي.. ألف مبروك
حارب: الله يبارك فيج عموه
ظبية: مبروك يا بنتي..
سارة: الله يبارك فيج عموه __DEFINE_LIKE_SHARE__

{,.בرايّـر.,» · 09-03-2008, 02:19 AM

صد حارب أول ما سمع صوت سارة.. حس وكأنه أول مرة يسمعه.. طالعها وابتسم.. بس ياحليله قفطوه.. صدت سارة ويهها الصوب الثاني..
بس حارب ولا هامنه قعد يضحك ويسولف.. وهو يقول في خاطره.." خلاص يا سارة رضيتي والا انرضيتي.. من اليوم وساير أنتي الحينه مرت حارب.."
وبعد ما سلموا وتصوروا وياهم.. صعدوا المعاريس فوق عسب يتصورون.. في هاللحظة زاد ارتباك سارة..
حارب وهو يمد ايده عسب يساعدها: يلا قومي
تيبست سارة.. الحين شو أسوي.. ما أبي أجيسه... غصب شو؟؟
حارب وللحين ماد ايده: ســـــارة؟ ارمسج أنا؟
سارة وقفت ومن غير ما ترد عليه..
ابتسم حارب.. وكمل طريجه... وسارة ياحليلها ماتت ما تروم تمشي الفستان ثجيل.. ومحد يساعدها..

.................................

شو رايــــــــكم..؟؟

هذا البارت ما كان فيه اايـــــد اكشنات
بس البارت الياي فيه وااايــــد __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-23-2010 08:30 PM
இ♥♥♥இ بكل الحب مبروووووووووك .. متعني و متصرف இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-21-2010 04:30 AM
இ☜♥☞இ مجموعة الحمام المغربي لتببيض البشرة இ☜♥☞இ	محروم.كوم	منتدى أخبار المواقع والمنتديات العربية والأجنبية	0	06-29-2010 12:20 AM
mahmoud இ☜♥☞இ بكل الحب مبرووك இ☜♥☞இ ‏	محروم.كوم	منتدى أخبار المواقع والمنتديات العربية والأجنبية	0	06-03-2010 03:00 AM
இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ	Дјறàl Диsǎήһ	الإسلام والشريعة	10	07-07-2009 02:45 AM