இஇ يـــــــــــــــــــــــــــا عذابــــــــــــــــــــــــــــــــــــي இஇ - الصفحة 141

{,.בرايّـر.,» · 12-05-2008, 01:12 AM

سارة وهي تصيح: يالحيواااااااااااااااااااان.. هد ايدي
بس حارب كان شرات المينون.. كان يضغط زيادة على ايدها.... هو يحس أنه مقهور منها.. بس في نفس الوقت يموت عليها.. كانت أحاسيسه متلخبطة.. وهب عارف شو يسوي؟؟؟
عسب جذه سارة ما رامت تتحمل زيادة واستجمعت قوتها وقدرت أنها ادز حارب بعيد عنها وتفج عنه..
سارة: يالنذل.. يالحقييييييييييير..يالـــ.....
حارب: ليش سكتي.. كملي...
سارة وعيونها ممتزرات دموع: أكرهـــــــــــــــــــــك.. والله العظيييييييم أكرهك.. وقعدت تصيح
ربع حارب صوبها.. بس سارة من زود قهرها ما خلته يجرب زيادة وأول ما وقف حذالها صفعته بكل قوتها...
فج حارب عيونه ع الآخر.. وحط ايده على خده وقعد يطالع سارة.. كان واضح أنه مفوووووووول.. حتى أن سارة ما عرفت كيف صفعته؟؟
قام حارب صوبها.. بس سارة ما سوت له سالفة وربعت صوب الباب وكان ودها تظهر.. بس حارب كان أسرع منها وربع صوب الباب وقفله وشل المفتاح..
سارة وهي تنتفض: أنت مينون؟
حارب: والله جايز..
سارة: خلني أظهر
حارب: لأ..
سارة: يالحثالة..
حارب: تعرفين.. لسانج هذا يباله قصصصصصصصصص
سارة: تخسي ألا أنت
حارب: لا تغيرين السالفة..
سارة وهي عاقدة حياتها: سالفة شو؟
حارب: انج صفعتيني..
سارة وهي تبلع ريجها..: وشو بتسوي يعني؟
حارب وهو يبتسم: كل شي بوقته حلو...
وجرب منها.. وكل ما يقرب خطوة سارة ترجع عشر خطوات.. والحمد الله المفتاح طاح من حارب ومن دون ما يدري.. ربعت سارة بسرعة وشلته وبسرعة فتحت الباب وظهرت..
..............................................
بعد ما ظهرت سارة.. كانن دوعها شلال على خدها
معقولة هذا حارب؟
انزين ؟ أنا شو سويت؟
إذا كان قصده يذلني فأنا خلاص نويت أتغير..
بس هو شكله مل وهب ناوي يرجع شرات قبل
آاااااااااااااااااااااه يا حارب
والله حرام عليك الي قاعد تسويه فيني..
.............................................
بـالبحر لاقني بين المرجان .. لولو اصيل مزهر اللــــــــون
رعبــوب حساس ملكني .. وضيعني ما بين زوايا الكـــــون
شبيه الغزال بطلعه محياه.. والعين بالسحر الاسود مسنون
يجافيني ومعذبني بحلاه.. بس دخلك علي سره مكنون
لا يعلم به القاصي والداني .. نسل اشراف واصل من البون

بعيد عن هذي الاجواء المتكهربة..
كان في اثنين ولا أحلى..
شابكين بأيادي بعض
وكانوا يتمشون عند كاسر الأمواج.. بوظبي
وفي مكان بعيد عن الناس شوي..
ميسون: ثاني.. شفيك تطالعني جذي؟؟
ثاني:.. مو مصدق؟
نورة: شو اللي مو مصدقه؟؟
قرب ثاني ويهه الها:... مو مصدقج انتي..
نورة واهي ميتة من تقربه الها بهالشكل: .. ليِش؟
ثاني يبتسم واهو يبعد الشعر اللي كان على جبينها: موو مصدق.. ان ميسون اللي قلبي نبض أول ما شافها.. ميسون اللي حبيتها.. تكون هي نفسها اللي واقفة حذالي الحينة
ميسون ابتسمت بحيا ونزلت راسها.. ثاني رفع راسها بيده الحنونه
ثاني: طالعيني في عيوني يوم ارمسج.. ابي احسج معاي صج..
ميسون: لك عيوني ولك احساسي ولك قلبي وعمري كله..
ثاني: ميسون.. أحبججججججج..
ميسون تصنمت يوم سمعت هالكلمة من ثاني..... يحبها.. يحبها ياناس يحبها..
ميسون نزلت راسها وحطته على حظن ثاني... وهو نزل راسه لها
ثاني : شفيج؟
ميسون وهي تضغط على ايده بقووووو: لا تخليني ابد.. خلك دوم معي.. مابيك تروح عني.. ابد ابد..
ثاني يلوي عليها واهو حاط راسه على راسها ويحبه..
ميسون في قلبها كانت تصرخ كلمه احبك.. لكن.. في هذيج اللحظه حست.. ان الكلااام.. ماله أي قيمة.. بينما الافعال.. اهي االلي تصنع المعجزات..

^^^^^^^^^^^^^^
الساعة 7,6 المغرب
في شقة سهيل وشيما..
سهيل راقد.. وشيما ملانة قاعدة تجلب في هالمجلات..
وبعد ما طفرت.. نشت شوي شوي.. وربعت صوب سهيل..
شيما: سهيل.. نش.. سهييييييييل
سهيل:.................................
شيما قعدت على طرف الشبرية وقعدت تلعب بشعر سهيل..
شيها: أففففففففف سهييييييييييل يلا عاد.. ما صارت.. من خمس ساعات وأنت راقد..
سهيل: امممممممممممممممم
شيما: يلااااااااا قووووووووم والله ملانه.. قاعدة مثل المينونة أرمس روحي.. يلا سهيل
سهيل وهو يفتح عيونه شوي شوي: مساااااااااااااااء الخيييييييييير
شيما: ألا قول صباح الخير.. بندش اليوم الثاني وأنت للحينة راقد
سهيل وهو يبتسم: كم الساعة؟
شيما: ربع ساعة وتصير 8
سهيل: قفعة.. هالكثر رقدت
شيما: لا والله.. انزين عفيه.. قوم صحصح.. وخلنا نظهر.. أحس اني زهقانة
سهيل: أوكي يا قلبي.. دقايق وأكون جاهز
بعد نص ساعة ظهر سهيل وهو كاشخ وزاهب.. ظهر الصالة بس ما لقى شيما وقعد يزقرها..
سهيل: شيماااااااااااااا.. شمووووووووه..
بس لا حياة لمن تنادي..
عقب شوي قام ودخل الحجرة وتفاجأ من اللي شافه..

كانت شيما للحينة في ثيابها ما بدلت والمصيبة أنها قاعدة تصيييييييييح
انصدم سهيل وربع صوبها..
سهيل: شيما.. شفيج؟؟؟؟؟؟؟؟؟؟
شيما ما ردت واكتفت بالصياح
قام سهيل ولمها..
سهيل: يا قلبي ليش تصيحين؟
شيما وصوتها متقطع من زود البجي: مـــــــ...ــــا...ا...د..ر..ي.. أ..حــــــــ..ـــس... ا..نـــــــ...ـــي... مـــ...ـــخـــ...ـــنـــ...ـــو..قـ...ــة..
سهيل: حبيبتي.. في أحد ضايقج؟ علميني شفيج؟
شيما صاخة ودموعها على خدها
سهيل: وليش ما بدلتي؟ مب على أساس متفقين أنا بنظهر؟
شيما: غيرت رايي.. مالي نفس
سهيل: أفـــــــــــــــــــــــــــــــــــأ.. حبيبتي.. شفيج؟
شيما: ما ادري والله ما ادري..
سهيل: بشو حاسة؟ شي يعورج؟
شيما: ولهت عليه...
سهيل وهو عاقد حياته: ومنو هذا اللي ولهت عليه؟
شيما وامتزرن عيونها دموع : حـــــــــامـــــــــــــــــد وما رامت تتحمل زيادة ودفنت ويهها في حضن سهيل اللي استهم عليها..
الحيل محتاجك تعال وقدر ظروفي
فيني هموم او مالقيت الي معي يوفي
وينك تعال ابعد همومي وظني وخوفي
وصوتك يا اجمل حب يا عمري يكفيني
عودتني كل يوم اسمع انا صوتك
وعودتني لي ضاق صدري ماتخليني
سهيل: لا حول ولا قوة إلا بالله.. غناتي.. ترى صج بزعل منج.. هذا بدال ما تترحمين عليه..
شيما: الله يرحمه..
سهيل: الله يرحمه.. اسمعيني شيما.. الحين ابيج تمسحين دموعج.. مابي أشوف ولا دمعة.. سمعتي.. ثواني وابيج تكونين زاهبة..
شيما: ســــ...
قاطعها سهيل: اصصصص.. مابي اسمع ولا كلمة.. بسرعة.. وظهر قبل لا يسمع ردها..
.........................................
في السيارة..
كان سهيل يسولف ويضحك عسب يلهي شيما..
شوي جان يرن موبايل سهيل..
سهيل:ألووووووووو
حارب:أهليين .......سهيل
سهيل:مرحبا مليون ....
حارب: اشحالك .......
سهيل:بخير الحمد لله ....
حارب:علومك ...
سهيل:العلوم و الأخبار عندك ..
حارب:والله ما عندي أخبار ..
سهيل:متى الوصول؟
حارب: اليوم الصبح..
سهيل: يعني خلصت الشغل..
حارب: الحمد الله..
وتموا يسولفون ربع ساعة وبعدين كلم حارب شيما شويه عقب سكر عنهم ........
سهيل: شيما..
شيما: هلأ..
سهيل: حبيبتي وين تبين نسير؟
شيما: ما ادري.. أي مكان
سهيل: انزين شو رايج نسير البحر؟
شيما: أوكي
سهيل: انزين اضحكي..
شيما: سهيييييييل
سهيل: قلب سهيل.
شيما وهي تبتسم:فديت قلبك
سهيل: آااااااااه يا قلبي
وقعدت شيما تضحك على سوالف سهيل..
راحوا صوب البحر كان الجو رهيب
يلسوا عند البحر وقدر سهيل بسوالفه أنه ينسي شيما حزنها على فراق أخوها.. حامد..
............................
بعد أسبوع
علي وأهله ساروا بيت أم نادر عسب يخطبون رسمي
وتمت الخطوبة
والكل استانس
ومرت الأيام بسرعة ووصل يوم عرس علي وعليا
اليوم المنتظر
.................................................. .................................................. ............... ...............

في يـــــــوم العــــرس :
المغــرب الساعة 7:30 :
كانوا كل البنات اليوم في بيت عليوه
سارة وحصة وميسون وشيما وبنات خالة عليا وبنات عمومتها
الكل كان موجود عسب يتمكيجون وطبعا هذا طلب عليا اللي قالتلهم كلكم بتتمكيجون عندي أونه مابا عدولكم يطلع أحسن من عدولي
أونها بس الحبيبه خايفه وتبا الكل عندها وهم كانوا يعرفون هالشي بس ما رمسوا وكانوا كل شوي يغايظونها وأصلا هاي حالهم من البارحه
لأنهم تيمعوا بعد البارحه عسب يتحنون وكانوا كل شوي يتطنزون على عليا وشكلها ويغايظون فيها وهي تطنشهم مره ومره تهد عليهم ..
ميسون : أوووووهو علايه بسسسسج ياااخي كم بتعيد الميكب الحرمة حرااام رحمي حالها هاي رابع مره ترد وتعيـد الميكب ..
ساره: ياااااااااااويلج عليوه اليوووم هو يووم عرسج أمبييييييييه على اللي بيصيرلج اليوووووم أخيييييييييييييييه والله حراااااااااااام ..
حصة وهي تضرب سارة على جتفها : هههههههههههه حراااام عليييج صدق إنج طفسه عليوه حياتي لا تهتمين فيييييييها أصلاً هااااي ماصخه وتحب تتناذل فطنشيها حيااااتي ..
عليا كانت يالسه تتمكيج في غرفتها وهي ميته من الخووووف
كانت كل شوي تصيح
وساره طبعا يالسه تخوفها يعني هب مقصرة الحبيبه
وشيما تضحك عليهم
أما ميسون فكانت مرتبشة وكانت لازم تنزل الخيمة وتتأكد من كل شي قبل ما يوون الحريم وهي يا حليلها الضغط عليها كله بما إنها بنت خالة العروس
يعني لازم تعابل كل شي وتشوف الترتيب
ومن جهة ثانيه ما تبا تهد عليا به الحاله
ميسون بتأفف : أفففففف حصه دخيلج شوفي حل في هالإنســانة والله بتخبل بسبة هالدموووع ... حتى عيونه صارن مثل الساحرات ..
حصه وهي تبتسم بحنان وتقرب من عليا وتضمها من ورا : عليوه حبيبتي ليش هالدمووع كلها خلاص حياتي ( وهمست في أذونها ) لا تنسين إنج بتاخذين علي حبيبج اللي تحبينه وتموتييييييين فييييه... وإنتي تعرفين إنه بيراعيييييييج وبيهتم فييج وبيحطج في عيونه فليش هالصيااح كله يا عليوه؟ هب حلوه الريال يشوفج جييي وعيوونج حمـر خلاص حياتي ترى ماشي وقت للعب خلي الحرمة تعرف تمكيج بعدين المصورة تحت صارلها ساعة وتبا تلحق تصورج قبل ما تستوي الحشرة ...وترى علوي موصيني عليييييج
عليا وصوتها راييح من الصيااح : حصه دخييييلج لا تخليني برووحي والله خايفـــة ..
.................................................. ............
بعد ما خلصن البنات مكياجهن نزلن تحت الخيمة..
طلعت سارة هي وشيما بعد ما لبسوا عبيهم ( سارة كانت لابسـة فستان فستقي مخصر ونص ظهرها بررره ومن دون أكمام بس كانت فاجه شعـرها أما شيما كانت لابسة فستان غريب هب معروف شو هو بالضبط لأنه كان أكثر من قطعـه وكان واحد كم صغير وإيدها الثانيه كانت ملفوفـة بشرايط وظهرها مفتووح كان لون فستانها جامع اللون البرتقالي والأسوود ورافعة شعرها وفي حركة من الفستان موصول بشعرها طبعا غير أكسسوارات الفستان كان صدق يخبل ، وحتى حصة كانت لابسة نفس موديل الفستان بس اللون يختلف لأنه لون فستان حصة بني وأزرق وكانت في قمة الروووعه هي بعد (
.................................................. ............
شوي وتدخل أم ثاني
وبعد ما سلمت على البنات وباركت حق عليا صدت صوب سارة ..
أ م ثاني: ....سارة حبيبي .. حارب برع يبغيج..ولو ما عليج أمر..سيري البيت فديتج شوفي شهودة وشميم أمبوني معدلتنهم وخليتهم هناك لأنهم لو تموا هنيه بيخسون الدنيا وبيتخيسون ارواحهم مخلتنهم عند نيتا بليز هاتيهم خلاص الحريم بدوا ييون حرام يتمون ارواحهم هناك ..
سارة وهي توقف : ما عليج فديتج الحين بسير بس انتي ريحي عمرج شوي حرام من أصبحتي وإنتي رايحه راده
أم ثاني: وين ارتاح؟ وبعدين هذي عليا الغالية..لازم نتردد في فرحها..
عليا تبتسم برقه
أم ثاني: أممم لا تحاتين حبوبه بس إنتي سيري هاتي البنات ولا تنسين هذا عرس علي وعليا أغلى إثنين في العايلة ..
ظهرت سارة بعد ما لبست العباة وتغشت
في السيارة
حارب كان ساكت وما رمس ولا كلمة
سارة كانت متحرقصة وتبا تعرف شو اللي يباه منها.. بس سكتت وما رامت ترمسه
وخاصه أن حارب صاير جبريت هالأيام ووايد متغير عليها
سارة: مر بيت خالوه أم ثاني عسب نشل شموه وشهوده ويانا
حارب صد صوبها يطالعها.. سارة ارتبكت وصدت عنه الصوب الثاني
حارب: خوزي الغشوة
تيبست سارة.. هذا من صجه؟؟
حارب: ما سمعتي؟
نبرة حارب خلت سارة تغص منه.. ونفذت كلامه بدون أي نقاشات.. ما تبي اليوم تنقهر على شي وما يسوى
أول ما خوزت الغشوة انبهر حارب بجمالها.. طبعا هب أول مرة
ابتسم حارب وصد عنها وهو يقول في خاطره: والله إنج عـــذااب رفقي بحالي يالغلا.

سارة وفي خاطرها: أففففففففففففف والله يقهرررررررررررررر
شوي جان تلبس الغشوة مرة ثانية
في بيـــت أم نادر
الساعه السابــعه ..
حدرت سارة البيت عسب تاخذ البنات..
سارة : نيــــــتا نيـــتا ..
نيتا : yes mum
ساره : where is the girls ??
شموه وهي تربع برع المطبخ : ساره وين لحتي ؟؟
سارة: حبيبي.. أنا ييت الحينة عسب آخذكن انتي وشهد.. وينها شهوده؟
شوي وتظهر شهد: أنا هنيييي
سارة: هههههههههه يلا حبايبي... عمي حارب برع
.................................................. ............

كـــاأأأت شو تتوقعون يصير في عرس عليا و علي..؟؟

و ساره و حارب وين نهايتهم..؟؟

وشو يبى منها..؟؟

و عليا و علي هل بيقدرون يتفاهمون عن موضوع العال ولا لاء..؟؟

و ميسون وثاني في شي بيخرب عليهم..؟؟

وشو رايكم في البارت..؟؟ __DEFINE_LIKE_SHARE__

إحساس طفلة · 12-05-2008, 02:15 AM

ثــآنكس بنت فندي ع البــآآآرت .,"

اللحين بقرآآه .."

يعطيــج العآفيــه غلآيه .," __DEFINE_LIKE_SHARE__

إحساس طفلة · 12-05-2008, 02:25 AM

البـآآآرت قصيــــــر .,"

بس بعد تسلميــن .."

ولآتطوليــن علينآ .," __DEFINE_LIKE_SHARE__

~ { شرشبيلهـ } ~ · 12-05-2008, 09:45 AM

حسييت إنه حآآرب ما بيرد لهآآ الطرآآق ..

بس لله يعين ..

إن شآآء الله العرس بيعدي ع خيير .. بس أحس بيصيير شيء .. هع

والبآآرت كشخه .. بس وآآيد قصيير ..

حبووبه البآآرت اليآآي خلييه طوييل اوكي .. خخخ

يلآآ بنتظآآرج ..

وتسلم إيدج ع هالبآآرت ..

وعسآآج ع القوة .. __DEFINE_LIKE_SHARE__

‏جرؤح آنسآنـِہَ · 12-05-2008, 12:00 PM

كـــاأأأت شو تتوقعون يصير في عرس عليا و علي..؟؟

ما ظنتي بيصير شي .. وبتمر الامور مثل ما اهيه .. ظنتيه جذي ..

و ساره و حارب وين نهايتهم..؟؟

اكيد نهياتهم سعيده

وشو يبى منها..؟؟

ما اعرف بس اظن انه بيقول لها احبج شي جي ..

و عليا و علي هل بيقدرون يتفاهمون عن موضوع العال ولا لاء..؟؟

اكيد بيقدرون علي بيتعالج وان شاء الله يقدر اييب عيال ..

و ميسون وثاني في شي بيخرب عليهم..؟؟

ماعرف احس ميسون فيها شي .. بس مادري ...

اهى اهى البارت صغيرر وااااااااااايد ..

ع العموم تسلمين ..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-23-2010 08:30 PM
இ♥♥♥இ بكل الحب مبروووووووووك .. متعني و متصرف இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-21-2010 04:30 AM
இ☜♥☞இ مجموعة الحمام المغربي لتببيض البشرة இ☜♥☞இ	محروم.كوم	منتدى أخبار المواقع والمنتديات العربية والأجنبية	0	06-29-2010 12:20 AM
mahmoud இ☜♥☞இ بكل الحب مبرووك இ☜♥☞இ ‏	محروم.كوم	منتدى أخبار المواقع والمنتديات العربية والأجنبية	0	06-03-2010 03:00 AM
இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ	Дјறàl Диsǎήһ	الإسلام والشريعة	10	07-07-2009 02:45 AM