| ||||||
 |
| | LinkBack | أدوات الموضوع | انواع عرض الموضوع |
11-23-2008, 10:52 PM
| رقم المشاركة : [ 631 ] | |
| عضو ذهبي  |  اخوووي متى بتنزل البااااااارت
__DEFINE_LIKE_SHARE__
| |
| ||
 |
|
11-24-2008, 01:07 PM
| رقم المشاركة : [ 632 ] | |
| عضو ماسي  | وسارن حصة وشهد وركبوا السيارة عقب شوي ظهرت سارة بس ما لقت أحد.. قعدت تتلفت يمين ويسار سارة: أفففففففف وين ساروا؟؟؟ حتى حارب ماكان موجود.. قعدت سارة ادور عليهم بس ما لقتهم سارة انهد حيلها وهي خلاص تحس أن راسها بينفجر وخاصة أنهم طول اليوم قاعدين يتحوطون في المول فجأة حست أن الدنيا تدور فيها وما حست بعمرها ألا وهي طايحة .. بس حارب كان أسرع وجرب منها عسب يسندها..............حارب: سارة شفيج؟ سارة ارتاحت يوم شافت حارب وقعدت تصيح بس ما تعرف ليش؟ حارب وهو زايغ عليها وقعدها ع الكرسي.. حارب: ردي عليه.. بلاج؟ سارة وعيونها ممتزرات دموع: ما ادري مسك حارب ايدها حارب: حرارتج مرتفعة..نشي نشي سندها حارب وساعدها عسب يظهرون من المطعم حارب فتح لسارة الباب..أول ما شافتهم حصة زاغت حصة: سارة حبيبتي بلاج؟ حارب: حرارتها مرتفعة شوي حصة: أصلا هي من الصبح وأنا أحس أنها تعبانة عقبها حرك حارب السيارة وكان قاعد يسوق بسرعة جنونية ما يعرف ليش كان قلبه يدق بقو.. وساروا حق أقرب مستشفى.. و عقب ما وصلوا.. حصة: حارب.. أنا ما أروم أنزل.. شهد راقدة وما يصير نتركها لحالها حارب: ما علي... خليج أنتي هني ونزل من السيارة وسار صوب سارة عسب يفتح لها الباب وساعدها عسب تنزل في غرفة الطبيب.. حارب: ها دكتور.. طمني؟ د. حسن: أنت ريلها؟ حارب: هي نعم د. حسن: لا تطمن.. بس شوية إرهاق وضغطها نازل شويه حارب: الحمد الله د. حسن كتب لها على شوية أدوية وبعدها قال لحارب: قبل لا تظهر مروا غرفة رقم 12 عسب الابرة اللي وصيت عليها حارب: إن شاء الله.. ظهر حارب من عند الدكتور وسار صوب غرفة العلاج اللي كانت سارة مرقدة فيها.. دخل حارب وأول ما شاف سارة ابتسم: الحمد الله على السلامة سارة وبدون نفس: الله يسلمك حارب سندها عسب توقف وعقبها مروا الغرفة اللي وصى الدكتور فيها حارب عسب الإبرة سارة: ليش يينا هني؟ حارب: الدكتور قال لازم يعطونج ابره سارة تيبست من يوم وهي صغيرة تزيغ من الابر.. سارة: ما بي ابره حارب: شو؟ سارة: قلت لك ما بي ابره حارب: لا والله.. تستهبلين؟ سارة وامتزرن عيونها دموع: ما استهبل شوي وتدخل النيرس وحاملة الابرة أول ما شافتها سارة لصقت بحارب ومن دون وعي قعدت تصيح جنها ياهل حارب وهو هب مستوعب شي: سارة.. من صدقج؟!!!!!!! سارة: قلت لك ما بي ابره.. خل تظهر مابي ابرتها النيرس ياحليلها هب فاهمة شي حارب غمضته سارة وما حب أنه يضغط عليها زيادة.. وحل الموضوع وقال حق النيرس خلاص هب لازم الابره وبعد ما ظهرت النيرس.. حارب قعد يهدي سارة اللي قامت تتنافض من زود الخوف حارب: سارة خلاص.. هب ماعطينج ابره.. سارة مغمضة عيونها ولاصقة في حارب حتى أن حارب لأول مرة يحس أن سارة جريبة منه هالكثر اوعدني عني ماتغيب تبقى هنا جنبي قريب محتاج انا مثلك حبيب يفهم عيوني وضحكتي فيك انته حلمي من زمان وانته الهواء وانته الحنان تلقى معاك روحي الأمان يا احلى بشر في دنيتي وحدك ابيك والله ابيك بس تكفى طمني عليك مابي احد يشغل عينيك لو اموت انا من غيرتي فيك انته حلمي من زمان وانته الهواء وانته الحنان تلقى معاك روحي الامان يا احلى بشر في دنيتي خذني معاك يا احلى ملاك خلني انا احيا بغلاك حياتي من دونك هلاك وحدك حبيبي وجنتي فيك انته حلمي من زمان وانته الهواء وانته الحنان تلقى معاك روحي الامان يا احلى بشر في دنيتي حارب وهو يبتسم: صج ياهل.. والله لو شهد مكانج هب مسوية اللي سويتيه.. خلاص سارة.. النيرس ظهرت لا تصيحين عاد.. رفعت سارة عيونها عسب تتأكد .. عقبها صدت صوب حارب اللي كانت ميودة ايده حتى أنه حس بحرارتها المرتفعة.. وعلى طول سحبت ايدها حارب ابتسم.. يا ربي حتى وهي ميهودة بعد تكابر.. عقبها ظهروا من المستشفى عقب ما مر حارب الصيدلية وروحوا.. .................................................. .................................... في السيارة.. حصة: ها حارب شو قال الدكتور؟ حارب: لا ما عليج.. بس شوية دلع سارة وهي تطالعه بنص عين ضحك حارب: هههههههههههههه امبيه عصبوا حصة: امبلى صج كلام حارب.. ادري بها سارة.. كله تدلع.. الخايسة زيغتنا حارب: لو سمحتي أخت حصة... ترى ما أرضى تقولين هالرمسة عن حرمتيه؟ حصة: ومنو تكون يعني ؟ حارب وهو يأشر على قلبه: يعني هذا تيبست سارة.. هذا الشي اللي ما تطيقهه من حارب.. ويهه لوح ما يستحي ضحكت حصة.. أما سارة فمن القفطة ما رامت ترد شوي ويرن موبايل حصة حصة: هلا أحمد.. أحمد: هلا حصة.. شحالج؟ حصة: بخير.. أنت شحالك؟ أحمد: بخير وسهالة.. وينكم؟ حصة: مسافة الطريج .. أحمد: زايد شحاله؟ ولهت عليه.. حصة: عند أماية.. أكيد راقد الحينة أحمد: فديته.. حصة: متى بتخلص مناوبتك؟ أحمد: احتمال الأحد حصة: على خير إن شاء الله أحمد: خلاص عيل..أخليج الحينة حبيبتي.. وسلمي على حارب وسارة حصة: يبلغ ..إن شاء الله...مع السلامة وسكرت عنه حصة: أحمد يسلم عليكم حارب: الله يسلمه .................................................. ..... الساعة 30’11 وصلوا العين.. وأول شي مر حارب بيت عمه أبو علي عسب يوصل حصة.. حصة: مشكورين ما قصرتوا حارب: العفو.. بس شهد؟ حصة: ما عليه.. بنزلها ويايه حارب: خلاص عيل حصة: سلم على سارة ( طبعا سارة كانت راقدة من زود التعب) عقبها سار حارب صوب الفيلا وأول ما وصلوا.. كانت سارة راقدة فما حب حارب أنه يزعجها.. نزل من السيارة وعقبها فتح باب سارة وجرب منها عسب يشيلها.. وبعد ما وصل الجناح دخل الحجرة ورقد سارة ع السرير.. بعد ما تطمن على حرارتها .. كل هذا وسارة في عالم ثاني من زود ما كانت ميهودة .................................................. ............ في اليوم الثاني فتحت عيونها شوي شوي.. تحس أن جسمها متكسر أو بالأحرى متخدر تلفتت حواليها.. حطت ايدها على راسها بعد ما اعتدلت في يلستها .. يا ربي شو فيني؟ أحس أن راسي بينفجر.. آاااااااااااه وتوها تنتبه أنها للحينة في عباتها.. انزين أنا كيف وصلت هني؟؟ وفجأة.. تدخل الخدامة الجناح ميري وهي شايلة صينية الأكل دخلت الحجرة وحطت الصينية ع الطاولة.. ميري: مدم.. بابا هارب كلم ماما في قوم لازم أكل سارة: ليش هو وينه؟ ميري: بابا سير سغل سارة: الشغل؟ جيه كم الساعة الحينة؟ ميري: 1,3 زهر<<<< قصدها الظهر..خخخخخخخ سارة: يا ربي.. وايد رقدت.. المهم خلاص سيري انتي الحينة.. وبعد ما ظهرت ميري من الجناح وقفت سارة على حيلها وهي تحاول تستجمع طاقتها وقفت بعد ما تساندت ع اليدار ربعت صوب الحمام ( تكرمون) خذت لها شور وعقبها بدلت ثيابها وأول ما ظهرت من الحمام( تكرمون) وصلها مسج.. ربعت صوب موبايلها عسب تشوفه وكان.. صباح الشوق ودهن العود وورده فيه يقطر نود صباح الكلمه الحلوه صباح الغلا بليا حدود اعزك ياترا تسمع اعزك وانته المقصود صباح ريحته قهوة وطعمه بالحلى معقود صباح نغمته تغريد وصوته ينعش الميهود ...... من حارب...... ابتسمت سارة وعقبها حطت الموبايل وسارت عسب تنشف شعرها وشوي يوصلها مسج ثاني.. أتعبت قلبي من جفاك وتغليك وتاهت بي الشرهة ولاأحد ذكرها المشكله قلبي حلف مايخليك ومدري متى ظروفك توقف ضررها قلبي وعقلي والمشاعر تباريك روحي هوت وروحك وحبك سحرها الذنب ذنب الحب ماهو خطا فيك هذا خطا نفسي وقدرها قعدت سارة تقرى المسج وهي قاعدة تسحي شعرها وتبتسم..وتحاول تذكر شو اللي صار البارحة.. عقبها سارت صوت الطاولة وقعدت تطالع الأكل.. مع أنها ما كانت مشتهية بس شربت لها شوية عصير.. وشوي جان يرن موبايلها.. وكان المتصل حارب.. ارتبكت سارة.. أرد والا ما أرد.. يا ربي عقب هالمسجات استحت أنها ترد.. وفي النهاية قررت أنها ترد بعد ما حشرها حارب.. سارة وبصوت واطي: أ...لـــ...ـــو.. حارب وهو متشقق: هلا وغلا سارة: أهلين حارب: الحمد الله ع السلامة سارة: الله يسلمك حارب: متى نشيتي؟ سارة: قبل شوي حارب: كليتي شي؟ سارة: هب مشتهية حارب: شو يعني هب مشتهية؟ أنتي لازم تاكلين.. ودواج؟ سارة: الحين باخذه حارب: سارة.. أنتي ياهل شو؟ للحين ماخذتي دواج؟ سارة: ............... حارب: ليش ساكته؟ سارة: شقول؟ حارب: شو تحسين الحينة؟ سارة: الحمد الله.. أحسن الحينة حارب: الحمد الله سارة: حارب.... حارب: لبيه.. سارة: شو استوى البارحة؟ حارب: هههههههههههههههههه سارة: وليش تضحك؟ حارب: كيفي سارة: لا والله حارب: سارة... سارة: هـــــــــا حارب: أحبج سارة:....................... الله يرحمها ........................ حارب وهو يبتسم: الحينة بخليج أوكي.. سارة ما تعرف ليش كانت ما تبي تسكر.. حارب: سارووه؟ سارة: هــــــــــا حارب: أخليج الحينة. عندي شوية شغل.. ديري بالج على نفسج.. مع السلامة وسكر من عندها... سارة للحينة ميودة الموبايل وجنها تتخيل أن حارب بيرجع ويرمسها.. كانت هب مستوعبة اللي استوى ..... وبين ما كانت سرحانة نقزت يوم سمعت موبايلها .. وصلها مسج ... والله أحبـــك مـــوت لـــو يمــوت الصــــدق فأحضـــان السكــــــوت والزعــــل يسكـــن بيــوت والفراق يصيــر عادي والكــذب فــــي كــــل وادي ويصبــح الابيــض رمـــادي والفرح يلبـــس ســـواد ويعلـــن الحـــب حـــداد مـــا يغيـــر فـــــــي فـــؤادي قلتهــــا بمليــــون صــــوت أحبـــــــــــــــــــــــــــــــــــــــــــــــ ــــــــــــــــك لا لا .. هب مصدقة.. حارب بلاه اليوم..؟؟؟؟ يا ربي هذا بينني معاه... .................................................. ............................... أففففففففففففففف وينـــــــــــــــــــــــــــــــــــــــــها؟؟؟؟ ليش ما ترد..؟؟؟؟؟ دق مرة ومرتين بس ما ترد عليه.... وبعد أكثر من عشر مسجات حنت عليه وقامت وردت على مكالماته.. بصوت دافي : هــــــــــلأ.. أول ما سمع صوتها تشقق وفي نفس الوقت كان مقهور منها ع الآخر لأنها ما كانت ترد عليه: أنتي وينج؟ وأخيرا رديتي؟ ميسون: ثاني شفيك؟ بلاك معصب؟ ثاني : لا والله... أنا كم مرة داق عليج؟ شوفي تليفونج عدل عقب ارمسي ميسون: ادري أنك كنت داق وأنا ما رديت عليك.. شوفيها يعني؟ ثاني: شو فيها؟؟؟؟؟؟؟؟ ميسون: لحظة لحظة.. أنا شو قلت لك آخر مرة رمستك فيها؟ ثاني: شوفي ميسون أنا هالخرابيط ما أحبها ميسون وبدلع: مشكلتك.. ثاني: شو هالمنطق ... أونه ما برمسك ألا بعد العرس ميسون: عسب نوله حق بعض ثاني: والله أنا ما أروم اصبر ميسون: ثاني عن المصاخة عاد.. كلها يومين وأصير حليلتك ثاني: بس حبيبتي والله ما أروم اصبر ميسون: اللي صبرك كل هالمدة بصبرك اليومين ثاني: آاااااااااااااه أحس هالأسبوع أطول أسبوع مر بحياتي ميسون: ههههههه ثـــــــــــاني؟؟ ثاني: عيونه.. ميسون: يلا بخليك الحينة.. ثاني: شــــــــــــــو؟؟؟ لا حبيبتي أنا للحينة ما قلت شي ميسون: بس أنا قلت اللي أبيه.. ولا تحاول تدق مرة ثانية لأني هب رادة عليك.. باي.. وسكرت في ويهه. ثاني فول منها... ومن زود ما كان معصب فر موبايله ع الارض شوي ويوصله مسج من ميسون... غالــــي بقلبـــي مثــل ذاك القمــر فـــوق ..! وأسقيـــك مـــن عــذب المشــاعـــر وأزيــدك ..! هــذا قليــل مــن الغــلأا جــاك منطـــــــوق..! وإلا بقلبــــي يعلــم الله رصيـــدك ..! إن جيـــت وإن مـــا جيـت باقي لـك الشـوق..! وقلبــي مثــل مـــا هـــــو علــى حطـــة ايــدك...! عاد ثاني تخبل وقام وطرش حق ميسون مسج.. سافرت عنك وخافقي معك ياسيدي عندك امـانة ماطاع يالغالي يودعك يرحل معي ويترك مكــانة خله معك يسهر ويسمع خله يسامرك بحنانـــة و اذا الوله والشوق لوعك بتشوف طيفي في عيانة لو شفت عني البعد يمنعك لو طول غيابي زمانة لالالالاتبكي بيوم مدمعك ماهو عشاني عشــانة بـــكره الليالي بي تجمع يانبض قلبي ياكيـانة راجع لدنيا فرحتي معك راجع وعند لك امانة .................................................. ............ قبل العرس بيومين .. في شقة حصة وأحمد.. حصة في الصالة قاعدة ترمس سارة.. حصة: سارة.. اليوم بسير الصالون الساعة 5.. خليج زاهبة سارة: أنا بس بصبغ شعري حصة: شو؟ والحنة؟ سارة: ما بي أتحنى حصة: عن الاستهبال.. أنتي للحينة ما تحبين الحنة؟ سارة: وعععع لا تذكريني بريحتها حصة: ساروه عن المصاخة.. حرام عليج سارة: حصوه والله ما أروم.. حصة: لا حبيبتي بتتحنين يعني بتتحنين سارة: غصب شو؟ حصة: هي نعم غصب سارة ابتسمت حصة: أنا ما قلت شي يضحك سارة: انزين يصير خير.. زايد وينه؟ حصة: راقد.. توني سبحته وردقد سارة: ولهت عليه.. صار لي فترة ما شفته حصة: خلاص بعد ما نرد من الصالون إن شاء الله بنمر بيتنا سارة: يصير خير وسكرت عنها .................................................. ..................... قاعدة في الصالة ملانة أففففففففف شوي وتلمح بطاقة فوق المكتبة ربعت صوبها... كانت بطاقة وايد غاوية... شوي وتدخل أمها.. : بطاقة قوم منو هذي أمي؟ أم سلطان: قوم ******* و****** سعاد: من البطاقة يبين أن عرسهم بكون غاوي أم سلطان: الله يفرحهم سعاد: خلاص أنا بسير وياج هالعرس أم سلطان: على خير .. طبعا سعاد ما كانت تعرف أن المعرس ( ثاني ) يصير ولد خالة سارة اللي هي زوجة حارب... .................................................. ........................... قبل العرس بيوم.. بالثلاثاء ... في بيت ميسون وعلياء بنت خالتها عندها اللي للحينة ما تحنت ميسون وهي يالسه و اتشوف الحنى في اديها .. يوم و بتكون حرمت ثاني صدج .. ميسون واللي كانت تكلم عليا و بتموت من الفرحة :ياويل حالي يا عليوه ماني مصدجة أني يوم و راح أكون حرمت ثاني تصدقين بمووووت من الوناسة ...وفي نفس الوقت بموت من الزيغة عليا:والله أنج رايقة ...أقول حتى الحين ما يت الحناية ؟؟؟؟شو أسوي ميسون:اتصلي عليها الحين .... عليا:ظنج ... ميسون:هيه حشريها بالاتصالات ..... عيا :أوكيه ... ميسون: عليووووه عليا: هـــــا؟؟ ميسون: شفيج؟ أحسج هب وايد مستعدة حق باجر؟ عليا: جي حبيبتي أنا العروس وما ادري؟ ميسون: لا والله .. جان أذبحج عليا: هههههههههه ميسون: عليا فديتج أحس فيج شي؟ بلاج؟ عليا: والله ما فيني شي.. عادي ميسون: انزين باجر من الصبح بمر عليج عسب نسير الصالون سوا.. لاتنسين عليا: يصير خير .................................................. ....................... في اليوم الثاني اليوم المنتظر بالنسبة لثاني وميسون يوم الأربعاء في هاليوم .. انترس بيت قوم ثاني وبيت قوم ميسون .. و الصبح كانوا مسوين المقصاب في خيمة كبيرة كانت جدام بيتهم و تغدوا الحرمات .. و ما شاء الله ياراتهن ما قصرن من الصبح عندهم .. و من عقب ما تغدن الحرمات .. روحن .. و وايد الي يوهم من هلهم في دبي والعين .. والشباب ظاربنهم حفوز مب طبيعي .. كل شوي يروحون من خيمة الحريم لخيمة الرياييل ....يعابلون.... كان الجو ربشه من الخاطر .. و ما شالله ما تم حد ما ياهم .. و من الساعه 4 العصر و الحوربيه ادق..واليويله ما تم حد منهم ما ياهم ...وتم الجو واااايد حلو ....والكل مستانس في هذا العرس ....والشباب المعاريس مرتبشين بشكل مش طبيعي ... عند الرياييل الجو ربشة من الخاطر يوله وأغاني وشلات .. ثاني واقف كأنه شيخ وما يتحرك .... سهيل:ثاني شوي شوي على عمرك ترى بعدين ظهرك بيعورك ... ثاني ويلتفت لأحمد بشوي شوي:هاه ولد الخالة شو تقول ....؟ سهيل:أقول لا ترتكز وايد ظهرك بيعورك بعدين ... ثاني:ايوه ...أقول علي ...سفرتيه عدله؟؟؟؟ علي وهو يطالع ثاني:هيه .....وأنا ؟؟؟ ثاني وهو يضحك:غرام .... وهو يغمز..راح تذبح اللي خبري خبرك اليوم .... علي ابتسم ابتسامة باهته لاحظها هزاع ربيعه فربع صوبه.. هزاع: اقول علوي.. علي: هلأ هزاع: أنا بصراحة ما أعرف ليش كل هالكشخة... الحين منو المعرس ثاني والا أنت؟ علي ابتسم يعرف أن هذي حركات من هزاع عسب ينسيه همه.. فما حب أنه يبين لهم علي:والله أنه فيني حفوز مش طبيعي ...هزاع قم نيول هزاع:لا تخبر...أنا أحس قلبي ينتفض من داخل ....من الفرحة ... ثاني وهو يفتر صوب راعي الكيمرة ويكلمه:قرب .... قرب .... صورني.... سهيل:بسم الله فضحتنا ....خلك رزين ...والله أنهم راح يصورونك لأنك المعرس يا الغبي ... ثاني وهو يبتسم للكيمره:ألف مبروك الغالية..أااااااه يا قلبي ...وتم يحرك شفا يفه ويقول أحبج .....(كأنه يكلم ميسون( وهو يفتر صوب سهيل:والله يا طويل العمر أنا اليوم معرس وترى طلباتي أوامر ... سهيل:صدجك .... ثاني: حارب وأحمد للحين ما وصلوا؟ سهيل: أحمد توني مرمسه يقول في الطريج.. وحارب عنده شوية شغل ويا الأهل وعقبها بيي بعد شوي وصل أحمد.. وربع صوب ثاني عسب يبارك له أحمد: مبرووووووووك ألف مبروك ثاني وهو متشقق: الله يبارك فيك يا بو زايد أحمد: منك المال ومنها العيال ثاني:أففففففف وأخيرا صرت معرس ... أحمد وهو يضحك:ليش امبونك قاطع الأمل أخوي؟؟؟..... ثاني:لا والله ....بس كنت خايف أني ما أختار حرمة سبشل... أحمد:ياويل حالي .....الريال صار متخشع ... .................................................. ..................... من صوب البنات ميسون وعليا في صالون مورا في دبي من الصبح وللحين ما خلصن حصة وسارة وشيما يتعدلن في صالون في الشارجة.. كل وحدة ما شاء الله عليها ظاهرة أحلى عن الثانية وكل وحدة تقول الحلا عندي وبعد ما خلصن دقت سارة على حارب على الساعة 30’7 المغرب وصلوا العين حصة: نسير سيدة الصالة؟ سارة: لا أنتن سيرن وأنا بسير البيت بلبس فستاني وبييكن شيما: خلاص عيل وبعد ما وصلوا حصة وشيما الصالة ظلت سارة في السيارة لوحدها عند حارب حارب كان طول الطريج صاخ ما رمس ولا كلمة وطبعا سارة كانت متغشية وللحينة ما شافها حارب أول ما وصلوا الفيلا نزلت سارة بسرعة عسب تبدل دخلت الجناح.. وبعد ما فجت العباة ربعت سيدة صوب الخزانة وظهرت فستانها ولبسته عقبها وقفت جدام المنظرة عسب تتأكد من شكلها كانت آيــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــة من الجمــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــال وفجأة.... دخل حارب ومن دون ما تنتبه له سارة.. حارب اللي انبهر من جمالها وقعد يطالعها وهو مبهت... وأول ما صدت سارة انتبهت له وحارب صعق يوم شاف موديل فستانها القصير سارة بهتت وما رامت ترمس.. كانت حاطة في بالها أنها بتلبس الفستان بسرعة وعقبها بتلبس العباة بس حارب كان أسرع منها حارب: مــــــــــــــــــــــــــــــــــا شـــــــــــــــــــــــــــــــــــــــــــــــــ ــاء اللـــــــــــــــــــــــــــــــــــــــــــه سارة تنتفض من زود الزيغة حارب: شو لابسة؟ سارة وتحاول أنها تستجمع قوتها: فستان بعد شو؟ حارب ويأشر عليها من وفوق لتحت: في ذمتج يعني تسمين هذا فستان؟ سارة انقهرت من حركته وفي نفس الوقت كانت زايغة من ردة فعله حارب جرب منها وسارة خلاص تتمنى الأرض تنشق وتبلعها في هاللحظة حارب: ردي عليه سارة: شو تبغبيني أقولك؟ حارب: غيري هذا الـــــ... خليني ساكت أحسن سارة خلاص ما رامت تتحمل زيادة تحس أنها بتموت من زود ما قهر بها حارب: ما تسمعين؟ سارة: ماني مبدلة حارب: لا والله سارة وامتزرن عيونها بالدموع بس تحاول أنها تمنع نفسها حارب: جيه حصة وشيما جذه لبسهن؟ سارة: أنا ما يخصني فيهن حارب: لازم .. ما ادري منو تتحرين نفسج؟.. أقولج غيريه سارة: شو أغيره..تستهبل؟ حارب: لا والله أستخف دمي تصدقين سارة: وأنا ليش أعور راسي.. خلاص هب رايحة.. وكانت ناوية تظهر من الحجرة عسب تبدل بس حارب مسكها.. كان برمس بس موبايله رن... سهيل يتصل بك حارب رد عليه وهو للحين ماسك سارة وهب راضي يخليها حارب: هلا سهيل.. سهيل: هلا حارب.. وينك يا ريال.. تأخرت وايد؟ حارب وعيونه على سارة: دقايق ونكون عندكم سهيل: يلا بسرعة.. وسكر عنه سارة: هد ايدي حارب: وإذا ما هديتها؟ سارة: هدها اقولك حارب: ماما زيغتيني الصراحة سارة: سخيف وربي وشوي وكانت دمعة سارة بتنزل بس حارب كان أسرع ومد صبعه عسب يمسحها حارب: آسف سارة: قلت لك هب رايحة حارب وهو يبتسم: انزين قلنا لج آسف قلنا لك آسف ما كفاك حبينا راسك مارضاك مدري متى ترضى علي ذليتني الله يهــــــــــــداك سارة:................................ حارب جرب منها وهمس: ترى ما أرضى يشوفج أحد غيري سارة ماتت من المستحى وما عرفت شو تقول؟؟؟؟؟؟؟؟؟ حارب وبصوت دافي: تبين تذبحيني إنتي؟ سارة: شو؟ حارب: يا ويل حالي أنا.... أحبج سارة خلاااااااااااص طماطة من زود المستحى... شوي ويرن موبايل سارة أم زايد يتصل بك حارب: ردي سارة وهي ترد: ألو.. حصة: ساروه وينج؟ سارة وهي تطالع حارب اللي غمز لها فما رامت تتحمل ونزلت راسها حصة: ساروه وياي؟ سارة: يايه يايه.. حصة: يلا بسرعة حارب وهو يبتسم: يلا حبيبتي البسي عباتج.. وأنا بسير ألبس دقايق وأكون عندج وظهر من الحجرة .................................................. .......................................... بعد ما لبست سارة العباة وتأكدت من مكياجها قعدت في الصالة تنطر حارب سارة: أففففففف هذا وينه.. ساعة يلبس؟ مرت ربع ساعة تقريبا وحارب للحينة ما يا عسب جذه قررت سارة أنها تسير له وتشوفه ربعت صوب حجرته وأول ما دخلتها جافت حارب قاعد يلبس عقاله.. أول ما انتبه لها حارب صد صوبها وابتسم حارب: شو؟ سارة: تأخرنا حارب: خلاص أنا جاهز عقبها قعد يحط له من دهن العود.. وسارة مبهته في حارب وكشخته حارب: سارة... سارة اللي توها تنتبه: هلأ.. حارب: شفيج؟ سارة: لا ولا شي حارب: يلا .. روحنا وعقبها ظهروا .................................................. ......................... في الصالة ميسون وعليا توهن يوصلن حصة: ميسون فديتج.. طالعة غرااااااااااااام.. الله يعين ثاني الليلة ميسون ماتت من المستحى: تسلمين فديتج عليا: حصة.. ألا سارة وينها؟ شوي وتدخل عليهن سارة سارة: أنا هني عليا: بنت حلال .. توني كنت أسأل عنج سارة: ميسون ألف ألف ألف ألف مبرووووووووووووووووووك ميسون: الله يبارك فيج حبيبتي سارة: ياااااااااااااااي طالعة قمررررررررر ميسون تبتسم سارة: وينك يا ثاني تعال وشوف؟ ميسون: بس عاد ترى والله استحي سارة: ياي فستانج وايد عجيب .. حتى الباقة بصراحة مسكته ميسون وخدودها غاديات جمر من المستحى: ساروه بس عاد سارة: الحين تستحين؟ تذكرين شو كنت تقولين لي؟ الكل: هههههههههههههههههههههههههههه عليا: ساروه بسرعة فجي العباة أبي أشوف فستانج؟ حصة: هي صح تعالي.. شو قالج حارب؟ سارة وهي تفج العباة: عادي شو بقول يعني؟ وأول ما شافن الفستان عليا: يلعن كيف حلوووووووووو سارة: صج؟ حصة: معقولة حارب ما قال شي؟ سارة: يعني شو بقول؟ حصة: علينا سارة تضحك عليا: المهم بنات أنا بنزل تحت الحينة وايد تأخرنا وبعد ما ظهرت عليا سارة: عقبال عليوه إن شاء الله.. حصة: لو علي بس يسمع الرمسة جان من باجر.. سارة: الله يهديه وعقب نزلن البنات وقعدت ميسون تتصور .................................................. ............ صوب الرياييل كان وقت عشا الرياييل ... وعقب تقريبا نص ساعه حطوا عشا الحريم وتعشن الحريم وعينن خير وتقريبا حوالي الساعه احدى عشر الا ربع بالتمام والكمال في البدايه انطفن الليتات وما شي غير الليتات الخفيفه منوره وكان ضوء واحد وبس كان مركز على العروس اللي طلتها كانت مبهره الكل طبعا وبلا أي شك ...الصراحه العروس كانت غرشوب سولعيه وما عليها كلام .. وكانت اغنية حاتم العراقي (( يا احلى غزاله شلون صادوج..بفستان الورد هاليوم زفووج ... ويا احلى غزاله)) والزغاريد ماليه صالة الحريم والدنيا ربشه والا ريحة العود كانت شاله ريحة الصالة... وكانت العروس ميسون بروحها تتهادى في مشيتها لين ما وصلت على الستيج وكانت صدق فرحانه وكانت من اجمل ما يكون كان فستانها رهيب من تصميم اروشي وكانت مسويه مكياجها في صالون مورا ...وكانت طرحتها خبال..كل شي في ميسون كان يخبل وهيه اللي محليتنه... بس ما كانت فاتحه شعرها الطويل كانت لامتنه فوق في تسريحه معا خصلات تنزل على جتوفها... وكانت ميسون في ايدها مسكه كلها من ورود الاقحوان الابيض...وكانت بغاية الجمال وهيه تمشي وتخط خطواته والكل يمدح ومتخبل عليها... وكان حناها لين جتوفها طبعا وكان ترتيب ثاني في الصالة فضيع وماشالله عليه كفى ووفى كان ترتيبها ولا اروع....حتى الاضااءه هوه طلبها على دخلة العروس وكل شي من ترتيبه وتصميمه...وكانت الكوشه حلوه وعلى ذوقه.. والورود اللي طلبهن ورود طبيعيه وكلههن بثلاث الوان ابيض ووردي واصفر ...وبعدين ينها امها وخالاتها وعلاية يساعدنها علشان ترقى الدرج ووصلنها لين الكوشه اللي كانت كلها ورد طبيعي بحسب طلب ثاني وكانت فيه كيكه عدال الكوشه من خمس طوابق ... ولما راحت العروس فوق عند الكوشه اشتغلت الشاشه وكانوا يعرضون المعرس ثاني يوم كان صغير وعلى مراحل نموه واخر صوره كانت صورته وهو متخرج من كلية شرطة دبي وعقب بالتدريج بعد حطوا صور العروس ميسون نفس الشي من يوم كانت صغيره لين ما كبرت واخر شي حطوا صورهم يميع ... وعقب سارن سارة وحصة وشيما وعليا والبنات كلهن يسلمن على العروس ويتصورن وياهن وطبعا كانن مب لابسات عبايا ولا شيل وقايلات حق المصوره تطفي كيمرة الفيديو وانهن بيتصورن بالكيمرا العاديه...وعقب ما باركن للعروس وعليا قرصتها في ريولها الثنتين علشان على قولتها تلحقها في جمعتها نزلن تحت علشان المعرس بيحدر عقب شوي ... وعلى طول يوم كانن واصلات اخر الدرج سمعن صوت الزغاريد وعلى طول لبسن عبيهن وشيلهن واتغشن وعقب شوي ألا ثاني حادر في الصالة ووياه عم العروس وخوالها وعمومتها وماشالله القافله كلها ...وقاموا الشبيبه ايولون على الستيج. وكان ثاني هوه اللي تنقا اغنية على دخلتها وعلى صوت نبيل شعيل"" مولاي يا مولاي مولاي تحت امرك عطشان وانته الماي واسقيني من جمرك"" وكان مرتبش وما عرف شو يسوي يوم شافها كان صدق متخبل وحالته حاله حتى انه انبهر بجاملها كانت متغيره وايد وايد... صح قبل كانت بغاية الجمال والروعه بس كانت حازمه والحين حس بها ردت مثل قبل رقيقه وعيونها كلها حب في حب حتى انه يوم مدت ايدها تسلم عليه مسك ايدها وحطها على شفايفه وحبها وعقب اتقرب منها وباسها على خدودها وعلى راسها وكانت هيه مستحيه.. .كانت ميسون طايره من الفرح...وثاني بالمثل كان ميود ايدها بالقو وكانت المصوره تصورهم فكان يبان الحب في عيونهم.. شوي يت أم ثاني ومعاها شهد وشمة عسب يسلمون ع المعاريس ويباركن لهم ثاني وهو يبوس راس أمه أم ثاني: ألف ألف مبروك يا ثاني ثاني وهو متشقق: الله يبارك فيج يا أمي أم ثاني : ألف مبروك يا بنتي ميسون وهي مستحية: الله يبارك فيج عموه ثاني: شهودة شميم تعالن سلموا شهد وشمة أونهن مستحيات وبعد ما سلموا وتصورن مع ثاني وميسون عقب يت سارة ومعاه حصة اللي شايلة زايد حصة: ألف مبررووووووك ثاني ويشيل من عندها زايد: الله يبارك فيج..ويبوس زايد على خده سارة: مبروك ثاني.. ثاني: هلا سارة.. الله يبارك فيج حصة: ميسون مبروك حبيبتي ميسون وبصوت واطي: الله يبارك فيج سارة وهي تقرب من ميسون عسب تبارك لها وعقب ما باركوا نزلوا تحت. وبعد ما ساروا ثاني وميسون فوق عسب يتصورون سارة وحصة وباجي البنات فجوا عبيهن وفي هالوقت سعاد توها تنتبه حق سارة..حست أنها تعرفها.. بس وين شايفتنها..؟؟؟ وين ؟ وين؟؟ هي صح الحين تذكرتها... هذي.............. حست سعاد وشوي بتموت من القهر.. توها تعرف أن هذي سارة.. قعدت تطالعها وتراقب حركاتها وسارة هب منتبهة لها ........................................ كــــــأأأت شو تتوقعون نيه سعاد لسارة..؟؟ و ثاني و مييسون كيف بتكون حياتهم..؟؟ وشو رايكم في البارت..؟؟ __DEFINE_LIKE_SHARE__ | |
| ||
| |
|
11-24-2008, 02:14 PM
| رقم المشاركة : [ 633 ] | |
| عضو ماسي  | شو تتوقعون نيه سعاد لسارة..؟؟ أعتقد شر ررر .. و ثاني و مييسون كيف بتكون حياتهم..؟؟ بتكون كلها شهر عسل في شهر عسل ..خخخ وشو رايكم في البارت..؟؟ رووووووووووووووووووعه .. ومشكووره على البارت الروووعه .. ونتريا التكمله بفارغ الصبر .. __DEFINE_LIKE_SHARE__ | |
| ||
| |
|
11-24-2008, 03:37 PM
| رقم المشاركة : [ 634 ] |
| عضو جديد  | نـــآآآيس البــآرت .,"
تسلمين الغ ــلآ .," يعطيج الع ــآفيه ,." في آنتظآر اللي بعده .," __DEFINE_LIKE_SHARE__ |
|
| |
| |
|
11-24-2008, 03:39 PM
| رقم المشاركة : [ 635 ] |
| عضو ذهبي  | شو تتوقعون نيه سعاد لسارة..؟؟
بتقول حقا ان حارب يكلمها و ثاني و مييسون كيف بتكون حياتهم..؟؟ حب × حب وشو رايكم في البارت..؟؟ البااااارت طرررررررررررررررررررررررررررررررررررر وما عليه كلام __DEFINE_LIKE_SHARE__ |
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ | محروم.كوم | منتدى أخبار المواقع والمنتديات العربية والأجنبية | 0 | 07-23-2010 08:30 PM |
| இ♥♥♥இ بكل الحب مبروووووووووك .. متعني و متصرف இ♥♥♥இ | محروم.كوم | منتدى أخبار المواقع والمنتديات العربية والأجنبية | 0 | 07-21-2010 04:30 AM |
| இ☜♥☞இ مجموعة الحمام المغربي لتببيض البشرة இ☜♥☞இ | محروم.كوم | منتدى أخبار المواقع والمنتديات العربية والأجنبية | 0 | 06-29-2010 12:20 AM |
| mahmoud இ☜♥☞இ بكل الحب مبرووك இ☜♥☞இ | محروم.كوم | منتدى أخبار المواقع والمنتديات العربية والأجنبية | 0 | 06-03-2010 03:00 AM |
| இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ | Дјறàl Диsǎήһ | الإسلام والشريعة | 10 | 07-07-2009 02:45 AM |
الساعة الآن 04:47 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227