இஇ يـــــــــــــــــــــــــــا عذابــــــــــــــــــــــــــــــــــــي இஇ - الصفحة 118

{,.בرايّـر.,» · 11-14-2008, 03:36 PM

المشاركة الأصلية كتبت بواسطة فروشة الملاك

وااااااااااااااااااااااااااااااااااو
حلووووووووووووو الباااااااااارت
وتسلمييييين خبوبه

ثانكيـو على المرور __DEFINE_LIKE_SHARE__

‏جرؤح آنسآنـِہَ · 11-14-2008, 04:58 PM

الغلا وينج ..؟

نترياج لا تبطين علينا ..{ __DEFINE_LIKE_SHARE__

جروح قلب · 11-14-2008, 06:08 PM

ووووووينج ..

؟؟؟؟؟؟؟؟؟؟؟؟؟ __DEFINE_LIKE_SHARE__

مجنني بحبه · 11-14-2008, 09:09 PM

وين البارت حبوبه ؟؟؟؟ __DEFINE_LIKE_SHARE__

{,.בرايّـر.,» · 11-15-2008, 12:30 PM

علي رفع عيونه وطاحت في عيون هزاع اللي قدر يقرا فيهن الخوف والقلق عليه..
هزاع: ودام أنك تحبها.. ليش ما تخطبها؟ شو المانع؟
علي: عسب ما أظلمها
هزاع: شــــــــــو؟؟ تظلمها؟
علي نزل راسه.....
هزاع: وليش تظلمها؟؟
علي رفع راسه وعيونه غاديات جمر: لأني....أنا.....
هزاع خلاص نفذ صبره وقعد يصارخ : أنت شو؟ تكلم؟

.................................................. .............

علي وبنبره أعلى وأحد من صراخ هزاع: لأني عقــــــــــــــــــــــــــــــــــيم
هزاع جنه أحد جب ماي بارد عليه.. ما عرف بشو يرد؟ ربيعه عقيم؟ خنقته العبرة وما قدر يتحمل وامتزرن عيونه بالدموع
هزاع: شو؟ عقيم !!!!!!!!
علي نزل راسه: هي نعم.. عقيم...كيف تباني أحرمها من نعمة اليهال.. كيف تباني أحرمها من الأمومة..كيف؟ ما تقولي؟
هزاع ضـــــــــــــاع.. ما عرف شو يقوله؟ كان يتحرى أن مشكلة علي بسيطة وبإمكانه أنه يحلها ...و تمنى لو أنه ما أنحط في مثل هالموقف.. يعني المشكلة هب في البنت نفسها المشكلة في علي.. يعني حتى بغير عليا ما يروم يتزوج
علي: هزاع...
هزاع:..........................
علي: شفيك؟ بلاك ما ترد عليه؟
هزاع: شقول لك؟
علي وهو يبتسم: وأنت شو ذنبك؟ ليش تحسسني جن لك دخل بالموضوع
هزاع قعد يطالع علي بنظرات ألم .. ياللـــــــــه حتى وهو اللي عنده المشكلة يحاول يكون طبيعي..
علي: هزاع.. ارمسك أنا
شوي وتدمع عيون هزاع
علي : هزاعوه.. عن المصاخة توك تهديني والحينة أنت لحالك تبجي
هزاع ربع صوب علي ولمه بقووو
علي كان وده يصيح بصوت بس عسب ما يبين لهزاع أنه ضعيف اكتفى بدموع صاخة على خده..
هزاع: انزين شو السبب؟
علي: تذكر أيام ما كنا نتدرب حديد.. كنت آخذ مقويات وهذا اللي أثر عليه وبعد أيام كنت احس بآلام ويوم سرت الطبيب وسويت فحوصات قالولي إني خلاص ما أروم اييب عيال
هزاع: شو؟
علي: اللي سمعته.. عسب جذه أنا بطلت اتدرب حديد
هزاع: كل منك.. أنت اللي ما رضيت تسمعني.. كنت دايما أنصحك واقولك أنها بتأثر عليك..
قاطعه علي: هزاع.. خلاص اللي صار صار..
هزاع: لأ.. أنت لازم تتعالج..
علي نزل راسه: وإذا قلت لك إني سألت وقالولي ماشي علاج أو بالأصح الأمل ضعيف وايد
هزاع: و.. والبنت اللي تحبها؟
علي: إن شاء الله بتلاقي ولد الحلال اللي بيسعدها
هزاع دمعت عيونه: أنت تقص عليه والا على روحك؟
هزاع كان يعرف أن علي يحاول يخبي مشاعره لأنه فعلا علي كان بكل كلمة يقولها قلبه يتقطع لأنه عمره ما يتخيل أن عليا تكون لغيره...

كيف تحرمني مواصـــــيلك
وأنت عارف ماأقدر أوصلك
هوب خوف من عوا ذيـــلك
لا ولا خايف اهـــــالـــــــــك
أنت تدري ما قدر أجـــــيلك
فاهمن من قبل لا شرحــلك "

أكذب عليك ان قلت لك أقدر أنساك
وأكذب على روحي ليا قلت أبنهيك
علم يجيك ؟؟ويوصــــلك؟؟ويتعداك
انك سكنت القلب ما فيه تشــــــكيك
وانك خذيت العقل والروح ويـــــاك
واقفيت بي يجعل ربي يـهنـــــــــيك

.................................................. ....................
في مكان بعيد عن حشرة الناس
مكان هادىء ورومانسي
كانوا قاعدين يتعشون سوا لحالهم..
.. سهيل وشيما..
سهيل: شيوم.. شفيج؟
شيما: ما ادري أحس ببرد
سهيل مسك ايدها عسب يدفيها..
سهيل: والحينة؟
شيما وهي راصة على ايده: ايدك دافية
سهيل: شيوم؟
شيما: هلأ..
سهيل: لا تطالعيني جذه
شيما: ليش؟ بلاك؟
سهيل وهو يبتسم: ترى ما أروم أقاوم سحر عيونج الخضر
شيما قفطت: سهــــــــــــــــول عن المصاخة..
سهيل: قلب سهيل أنتي
شيما: والله؟؟
سهيل: وربي
شيما وبدلع: ادري انزين
مات سهيل على دلع شيما
سهيل: شيوم يوزي.. ترانا قاعدين في مطعم وأنا بصراحة ما أضمن روحي..
شيما ابتسمت ونزلت راسها..
سهيل وهو يبتسم: شو بتطلبين؟
شيما: امممم والله اليوم خاطري بمحشي
سهيل: هذي الأكلة الوحيدة اللي ما أحبها بصراحة.. أنا ما أعرف أنتوا كيف تحبونها؟
شيما وهي تبتسم: وليش ما تحبها؟
سهيل: كليتها مرة وكانت آخر مرة طبعا... حسيت جني آكل حنة استغفر الله
ضحكت شيما: سهول لوعت بجبدي خلاص ما بطلبها..
ابتسم سهيل: خليني أطلب لج على ذوقي
شيما: خلاص كيفك
وبعد ما طلب سهيل العشى..
شيما: سهول شو طلبت؟
سهيل: لحظة الحين بتشوفين..
شوي ويابوا لهم العشى وكان..أم الربيان.. عاد هالأكلة يموت عليها سهيل
ومعاها أكلات بحرية ثانية..
سهيل: ها شرايج بالأكل السنع؟
شيما: بصراحة ريحته تشهي
سهيل: يلا سمي
شيما وايد عيبها العشى وبعد ما خلصوا قعدوا يتمشون في السيارة.. وعقبها ردوا البيت
.................................................. .........
اليوم الثاني
.. في الشركة..
حارب قاعد في مكتبه يراجع بعض المعاملات.. شوي ويدخل عليه سلطان
سلطان: السلام عليكم..
حارب وهو يفصخ نظارته الطبية لأنه متعود يلبسها يوم يقرا عسب قصر النظر اللي كان يعاني منه
حارب: عليكم السلام.. حياك سلطان
سلطان: كنت ساير صوب مكتب سهيل بس ما لقيته
حارب: شكله للحين ما داوم.. ولا بداوم بعد ...خير في شي؟
سلطان: شوية أوراق يبالها توقيع
حارب: أيوا..
سلطان اللي لاحظ شي على حارب: حارب.. بلاك؟
حارب: بلاني؟
سلطان: أحس ويهك مصفر.. موجنك ضعفان شوي؟
حارب وهو يبتسم: ما ادري والله..
حارب كان فعلا متغير.. كان مثل ما قال سلطان ضعفان ومصفر.. أكيد دام مشاكله ويا سارة للحين ما انحلت..
حارب: يا ريال..إرهاق الشغل
سلطان: بس جذه هب زين.. أنا أقول لو تاخذ لك إجازة وترتاح فيها شوي
حارب وهو يقوله في خاطره.. الشغل أرحم بمليون مرة من مجابل سارة اللي ما تحبه.
حارب: يصير خير
بعدها قعدوا يسولفون في أمور تخص الشغل .. ومثل ما قال حارب سهيل ما داوم أكيد دام أنه طول الليل سهران ويا شيما..
الساعة 1,30.. ظهر حارب من الشركة.. وهو في طريجه صوب سيارته وصله مسج..
>>>>>>>>>>>>>>>طبعا عرفتوا من منو<<<<<<<<<<<<<<
*** ساكن بعيني خيالك وانت ما تدري .. اني بحـبك اســابق فـيك امالك .. ليت اقدر اوضّح لك بعض امـري .. وأرسل حروفي باسـم الحب تهجالك .. يا ليت عينك بصدفه تنظر بشعري .. والا خـيالي يمر في يوم ٍعلى بالك***
من:
...سعــــــــــــــــــــــــــــــــــــــــــــا د...
حارب: استغفر الله.. وبعدين معاها هذي؟
وأتمنى أن سارة تكون هي اللي مطرشتنه بس.... هيهـــــــــــــــــــــــــــــــــــــات.... هيهـــــــــــــــــــــــــــــــــــــات
ركب سيارته... كان يحس أنه مصدع
يمكن هو ما كان ملاحظ على عمره .. والدليل أن سلطان لاحظ عليه التعب
وصل الفيلا.. وبعد ما دخل الصالة لقى خالته ظبية وسارة قاعدات
حارب : السلام عليكم..
الكل: وعليكم السلام..
ظبية: خير يما.. راد مبجر اليوم؟ رب ما شر يا ولدي؟

سارة اللي لاحظت على حارب الإرهاق حتى أن فصم كندورته كلهن مفتحة وعاق سفرته على جتفه.. يعني أي واحد يشوفه يعرف أنه تعبان
حارب وهو يقعد: لا أمي ما فيني شي بس مصدع شويه..
ظبية وهي متروعة على حارب لأن شكله كان يزيغ..: يما سارة.. نشي هاتي بندول حق ريلج
ربعت سارة على طول عسب تييب البندول.. ما تعرف ليش تحس أنها زايغة على حارب..؟؟
أول ما دخلت الصالة لقت حارب منسدح على ريول خالته ظبية اللي كانت تقرا عليه.. وقفت سارة تتأمل حارب.. هذا هو ما يتغير.. أول ما يمرض يصير شرات الياهل.. اللي يشوفه ما يقول أنه عصبي
ظبية: يبتيه يما؟
سارة وتوها تنتبه: ها؟ هي خالوه.. اندوج.. (حبة بندول مع كوب ماي)
ظبية: نش يما عسب تاخذ لك بندول وقم ريح في حجرتك..
اعتدل حارب في يلسته وهو خلاص يحس أن الدنيا قاعدة تدور فيه.. شرب البندول وصعد حجرته.. ومعاه خالته وسارة
أول ما دخلوا الجناح.. على أساس حارب يرقد في الصالة بس الحينة خالته موجودة ما يروم يرقد ع القنفة.. عسب جذه كمل طريجه صوب سرير سارة..
وبعد ما انسدح ع الشبرية..
ظبية: يما سارة خليج عنده.. وأنا بوصي ميري تييب لكم الغدا هني
سارة وعيونها على حارب: إن شاء الله خالوه
وعقب ما ظهرت ظبية.. التفتت سارة صوب حارب اللي كان مغمض عيونه.. كان تعبان بشكل فظــــــــــــــــــــيع
جربت منه سارة وهي هب عارفة شو اللي لازم تسويه..
" ضماي انت ومن يعشق ضماه غيري..جروحي انت ومن يكرهه دواه غيري..اسقني لو ماارتويت ...داوني لو ماشكيت..ماهقيت اني اعطش في حياتي لغيرك انت..وما دريت ان ما به اغلى منك الا انت
ياضماي.... ياضماي انت"
شوي وتييب لهم ميري الغدا.. رتبت سارة السفرة وسارت صوب حارب عسب توعيه للغدا..
جربت منه وهمست: حارب..
حارب وهو هب قادر يفج عينه: مابي اتغدا
سارة: بس أنت مريض والأكل مفيد لك عسب تقدر تقاوم
حارب وبصوت تعبان ع الآخر: ما لي نفس
سارة: شو يعني.. تبي أزقر لك خالوه؟
حارب فج عيونه شوي شوي: قلت لج ما لي نفس.. ورد غمض عيونه
صخت سارة هب عارفة شلون تقنعه عسب يتغدا.. جربت منه وحطت ايدها على يبهته.. حست بحرارة فظــــــــــــــــــيعة.. كانت حرارته مرتفعة وايــــــــــــــــد
سارة: حـــــــــــــــارب...
حارب:........................
زاغت سارة.. ما عرفت شو تسوي؟؟؟ قعدت تزقره بس حارب ما يرد عليها..
ربعت بسرعة صوب خالتها ظبية اللي تروعت عليه وعلى طول دقت سارة على أخوها سهيل عسب يودونه المستشفى..
.................................................. ........
.. في المستشفى..
حارب مرقد ع السرير
ومركبين له مغذي
وخالته ظبية ما وقفت صياح مولية
سارة وهي تجرب منها: خلاص خالوه.. إن شاء الله ما عليه شر.. بس انتي لا تحاتين
ظبية وهي ميته من الصياح: شلون يما ما تبغيني أحاتي وحارب كل شي بالنسبة لي.. هو الوحيد اللي ظل لي من ريحة الغاليين

سارة غمضتها حالة خالتها.. وقعدت تهديها..
شوي ويظهر سهيل من عند الدكتور..
سارة: ها بشر؟ شو قالك؟
سهيل:.....

...............................................شو تتوقعون يكون في حارب..؟؟

وهل حارب فيه شي و خاشنه..؟؟

و اعاقه علي بتكون عائق عليه ..؟؟

و عليا وين مصيرها..؟

وشو رايكم في البارت..؟؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-23-2010 08:30 PM
இ♥♥♥இ بكل الحب مبروووووووووك .. متعني و متصرف இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-21-2010 04:30 AM
இ☜♥☞இ مجموعة الحمام المغربي لتببيض البشرة இ☜♥☞இ	محروم.كوم	منتدى أخبار المواقع والمنتديات العربية والأجنبية	0	06-29-2010 12:20 AM
mahmoud இ☜♥☞இ بكل الحب مبرووك இ☜♥☞இ ‏	محروم.كوم	منتدى أخبار المواقع والمنتديات العربية والأجنبية	0	06-03-2010 03:00 AM
இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ	Дјறàl Диsǎήһ	الإسلام والشريعة	10	07-07-2009 02:45 AM