| ||||||
 |
| | LinkBack | أدوات الموضوع | انواع عرض الموضوع |
10-30-2008, 11:13 PM
| رقم المشاركة : [ 531 ] | |
| عضو جديد  |  دبوووووووووووووووه وين الباارت نتريه بفارغ الصبرر حناام نبااا تعوويض بارت طويل ^^ تحيااتي اختكم فرخوو^^ __DEFINE_LIKE_SHARE__ | |
| ||
 |
|
10-30-2008, 11:43 PM
| رقم المشاركة : [ 532 ] |
| عضو فعال  | الغلا عسى ما شر ..{ بطيتي علينا وايد ..> __DEFINE_LIKE_SHARE__ |
|
| |
| |
|
10-31-2008, 03:18 AM
| رقم المشاركة : [ 533 ] |
| عضو جديد  | يلا نتريا البارت
__DEFINE_LIKE_SHARE__
|
|
| |
| |
|
10-31-2008, 02:12 PM
| رقم المشاركة : [ 534 ] | |
| عضو ماسي  | ..في جناح حارب وسارة ... دشت سارة حجرتها وهي حدها مقهورة.. بدلت عالسريع.. لبست بيجامة رقيقة عقبها ربعت صوب السرير وتغطت بالكامل كالعادة ومن زود ما كانت معصبة رقدت وما حست بالوقت أما حارب فظل في المزرعة وماله خاطر يرد الفيلا.. .................................................. ................ ودي أبكي لين ما يبقى دموع ودي أشكي لين ما يبقى كلام من جروح صارت في قلبي تلوع من هموم حرمت عيني المنام انطفت في دنيتي كل الشموع والهنا ما يوم في دنياي دام غربتي طالت متى وقت الرجوع كل عام أمني أحلامي بعام إن شكيت الحال ماحد لي سموع وان سكت الناس زاد وني ملام طال صبري والزمن عيا يطوع والرجا بالي عيونه ما تنامهذي رنة موبايل سارة.. حصة قاعدة تدق عليها بس سارة ما ترد في سابع نومه.. وقفت حصة شوي وردت تدق عليها مرة ثانية.. : ألـــو حصة: هلا .. هلا حارب حارب: أهلين حصة شحالج؟ وشحال أحمد؟ وشحال البيبي؟ حصة وهي تبتسم: هههههه الحمد الله كلنا بخير حارب: يلا عاد متى بيي زايد ؟ نبي نشوفه حصة: جريب جريب إن شاء الله حارب: ههههه الله يقومج بالسلامة.. تبين سارة؟ حصة: هي صح وينها ما ترد..من ساعة قاعدة أدق حارب: سارة راقدة.. لحظة بشوفها إذا بتنش والا... حصة: ما علي إذا راقدة خلها أدق بعدين حارب: لا ما عليج.. من خمس ساعات راقدة.. بقومها عسب تصلي بعد حارب وهو يجرب من سارة: سارة.. سارة.. سارة كانت تسمعه بس ما تبي ترد عليه.. حارب: سارة.. حصة تبيج عالخط.. بترمسينها والا؟؟ سارة كان ودها تنش بس في نفس الوقت ما تبي تحط عينها في عيونه.. حارب: أقول حصة.. حصة: هلأ حارب: شكلها ما بتنش.. حصة: خلاص ما علي أدق بعدين.. سلم عليها حارب: يبلغ إن شاء الله.. سلمي سلمي وسكر عنها.. حارب رد موبايل سارة لمكانه.. بس ما ظهروتم واقف في محله.. سارة اتحرت أنه ظهر من الحجرة.. على طول رفعت اللحاف من فوقها.. بس انصدمت يوم شافت حارب للحينه واقف على راسها... كان قلبها بيوقف على طول تغطت باللحاف مرة ثانية حارب وهو محرج: يعني كنت تسمعيني يوم ازقرج؟ سارة:..................... حارب: ردي عليه سارة:..................... حارب عصب وسحب اللحاف بقوة.. حتى أن سارة زاغت وهي تشوف الشرار يظهر من عيونه.. وامتزرن عيونها بالدموع حارب: أنا ما أدري متى بتبطلين حركات اليهال هذي؟ سارة: ............دموعها على خدها................ حارب جرب منها وقعد على طرف السرير ومد ايده صوب ويهها البريء وقعد يمسح دموعها سارة في هاللحظة تيبست ما عرفت شو تسوي.. حست بكل جسمها قاعد ينتفض حتى حارب حس فيها حارب وهو يبتسم: لا تصيحين.. تراني ما أحب أصيح أحد ارتاحت سارة يوم شافت ابتسامته وهدأت شويه.. حارب: أنا آسف...عقبها نش عسب يظهر من الحجرة قعدت سارة تطالعه الين ما اختفى... وقالت في خاطرها... وأنا بعد آسفة... ................................................. بعد أسبوع من الأحداث السابقة.. في العين مول علي قاعد ويا ربيعه هزاع في الكوفي شب.. وهزاع هذا واحد مغازلجي رقم واحد.. ما يخلي بنت في حالها.. طبعا مش أي بنت.. المحترمة ما يروم يقولها شي.. عكس علي اللي ما عنده هالسوالف علي: أنت وبعدين معاك؟ استح يا أخي فشلتني... خل بنات الناس في حالهن.. هزاع: في ذمتك يعني.. هذولا بنات ناس؟؟ علي: وأنت شتبي فيهن.؟؟؟ يولن هزاع: والله دام أنهن فاسخات الحيا أنا شلي؟ علي: انزين قم بس قم.. خلنا نتمشى هزاع وهو واقف ويشل موبايله ونظارته: أحسن بعد.. يمكن أشوف وحدة مني والا مني علي وهو يشوفه بنص عين: صج ما عندك سالفة هزاع وهو يبتسم: يا ريال خلنا نستانس شوي وهم قاعدين يمشون مرت شلة بنات شالين البقعة من ريحة عطرهن والمكياج فل على ويوهن هزاع وهو يعلي صوته: كح كح..كح ..كح.. أقول علي.. شو هالريحة.. اختنقت تقول غرشة العطر بكبرها مرشوشة.. كح كح..كح علي ضحك على حركات هزاع وحدة من الشلة قد ما تخبلت على وسامة علي وهزاع قد ما قهرتها رمسة هزاع عنهن ميثة وبصوت لا يخلو من الدلع والرقة: جب انزين هزاع: فديــــــــــــــــــــــــت هالجب أنا ميثة خلاص ذابت: أنت قد هالكلمة؟ منى وهي داشة عرض: خلاص ميثة.. شرات هالأشكال ما ينعطون ويه هزاع: الشيخة اسها ميثاني؟ آااااااااه ويل حالي أنا ميثة ما رامت تتحمل.. لا ويدلعها بعد.. ابتسمت له ابتسامه رقيقة.. عقبها سحبتها منى وكملوا طريجهم.. وميثة الود ودها ما تتحرك هزاع وهو يساسر علي: قم نلاحقهم علي: والله أنك فاضي.. سير لاه هزاع: والله ما هديتهن.. علي: هزاعوه.. عن المصاخة.. بسك.. توك مرقم أربع.. هزاع وبترجي: دخيلك بكمل الخامسة وبنظهر.. ورفجة علي: أنت ما تقولي متى بترمس كل وحدة؟؟ هزاع وهو يسحب علي: بعدين أقولك.. دخيلك خلنا نلحقهم عسب ما نضيعهم وقعدوا يلاحقوهم.. وميثة متخبلة على هزاع.. أي محل يدخلنه... هزاع وعلي يدخلونه هزاع وهو يمشي وراهم: فديت أرواحكم والله علي: قصر حسك.. فشلتنا هزاع: ما عليك أنته.. ما في أحد هني هزاع: 244.... ميثة: يا ويلي.. قاعد يرقم.. منى: اسمعه انزين ميثة: باخذه منى: شو؟ تخبلتي شو؟ ميثة: ما أروم .. حبيته.. فديته والله.. شوفي محلاه منى: الحينه هذا حلو..؟ وع والله ما عندج ذوق.. شوفي اللي وياه بس يخبل.. أحلى عنه ميثة: خلاص أنتي اخذي اللي وياه واتركيلي هذا ميثة سجلت رقم هزاع عندها.. وعلى طول طرشت له مسج.. " أنا ميثاني.. وأنت منو؟؟؟ " هزاع بعد ما وصله المسج نقع من الضحك.. علي: عدال عدال.. شفيك عن تفطس.. هزاع وهو ناقع من الضحك: والله أنهن لــــــــــــــــــــــوث علي: ويوم أنهن لوث بلاك تلاحقهن وتخسر بيزاتك عشانهن.. هزاع: نتسلى.. وقام وطرش لها مسج.. " أنا هزاع فديتج" ميثة بعد ما قرت المسج.. تخبلت عليه ميثه: فديــــــــــــــــــــــــــــته حتى اسمه غاوي شراته منى: شو اسمه؟؟ ميثه وبكل دلع: هـــــــــــــــــــــــــــزاع منى: وع ما أحب هالاسم ميثه: مشكلتج.. وصدت وراها لقت هزاع وعلي للحينة يلاحقونهن ميثه تجرب من منى وتساسرها: واااااااااااااي كيف غرشوب.. ما أروم ما أروم أبي أرمسه.. خلاص حبيته وظلوا هزاع وعلي يلاحقونهم من محل لمحل منى: أففففف هذا صج ما يستحي.. شفيه قاعد يلاحقنا؟؟ ميثه: وأنتي شفيج؟ مول أبوج؟؟ منى: اللـــــــه يا الدنيا.. الحين صار مول أبويه؟ صدق اللي قال.. من لقى أحبابه.. نسى أصحابه ميثه: أوهوووو مناتي لا تكبرين السالفة وهي ما تسوى.. وبعدين يمكن الريال قاعد يتمشى لحاله منى: تعالي معاي ندخل محل العبايات والوقي.. بنشوفه بيدخل والا؟؟ وبعد ما دخلوا.. هزاع كان بدش بس مسكه علي علي: حـــــوه.. تخبلت شو؟ محل حريم هذا هزاع: وأنا شلي.. بدخله.. أونه ياي عسب اشتري حق الأهل علي: لا والله هزاع: هي والله.. طوف طوف ودخلوا المحل.. ميثة وهي تساسر منى: فديــــــــــــــــــــــــته دخل منى: وربيعه وينه؟ ميثة: وياه وياه.. منى وهي ترمس راعي المحل: خلاص حطه في الكيس .. وكملت رسمتها وهي تأشر صوب علي وهزاع: وهذاك ريلي هو بدفع طبعا راعي المحل ما كان يعرف شو السالفة كمل الحساب وزقر هزاع وعلي اللي استغربوا منه.. وشو يبي؟؟؟ هزاع: نعم..؟؟ راعي المحل وهو يعطيه الفاتورة: فاتورة.. هزاع: انزين.. شسوي؟؟ راعي المحل: هازا مدام قول انت زوج مال هو.. سوي ادفع بيزات هزاع وهو فاج عيونه: شــــــــــــــــــــو؟؟؟؟؟؟ علي: شو السالفة؟ بلاك؟ هزاع: لا بركة فيهن.. شوف شو سون؟؟ وبعد ما خبر هزاع علي بالسالفة.. عصب علي: هذولا يستهبلن شو؟؟ وشل الفاتورة وفرها بويه راعي المحل: هذولا الخايسات ما نعرفهن.. راعي المحل: بابا انت شو سوي.. جيب بيزات مال أنا.. علي وهو يصارخ: أقولك ما نعرفهن.. أنت ما تفهم شو؟؟ هزاع: علي بلاك تصارخ فضحتنا.. اهدى شوي علي: هذي آخرة مغازلتك.. شوف الحينة شو سويت؟ هزاع وهو يحاول يكتم ضحكته: كم الفاتورة هي؟ علي: لا والله.. وإن شاء الله ناوي تدفع لهن؟ هزاع: يخسون والله ما دفعت.. علي: وجيه تسأل؟ هزاع وهو يحك خشمه: شكلهن شردوا والفاتورة طاحت على راسنا.. علي وهو يرمس راعي المحل: شوف بابا.. أنا ما أعرف هذولا البنات.. هذولا قصوا عليك راعي المحل: انت شو قول؟ بابا هو قول أنت زوج مال هو علي تجدم من الهندي وزغته من رقبته: لا تقول زوجتي.. هذي ما تشرفني أنها تكون زوجتي.. الله يغربلك ويغربلها هزاع ربع لهم عسب يخلص الهندي من علي.. هزاع: علوي شفيك .. الله يهديك.. هذا هندي شو عرفه منو هذي؟ علي: أنت ما تسمعه شو يقول؟ زوجتي أونه.. تخسي هذي تكون حرمتيه هزاع: بس هو ما يخصه.. لا تقعد تصارخ عليه الهندي وشكله زايغ من علي: أنا لازم خبر شرطة علي وبنبرة حادة: خبــــــــــــــــــــر.. زيغتنا يعني هزاع وهو يرمس الهندي: لحظة بابا.. ويصد صوب علي: علي بلاك .. شو يخبر الشرطة..؟؟ نحن اللي بنفتضح عقب.. علي: خلاص دام ما تبي تفتضح ادفع هزاع: أوكي.. خل المسألة عليه أنا بحلها.. عطني موبايلك علي وهو عاقد حياته: شتبي فيه؟ لا يكون بترمس وحدة من خايساتك.. ترى أنا ما أبي أوصخ خطي هزاع وهو يضحك: لا لا أفا عليك.. بس أنت هاته هزاع وهو يرمس الهندي بعد ما عطاه موبايل علي: شوف بابا أنا بخلي موبايل مال أنا هني عندك.. بسير أييب لك البنات وايي علي: شوشوشو؟ موبايلي شله؟ وجيه ما تعطيه موبايلك؟؟ هزاع: تأمين يا غبي... وبعدين رقم هاللوث مخزن عندي " هزاع قرر أنه يظهر عسب يدور ع البنات واييبهن" علي: والله أنك أهبل.. في ذمتك يعني.. وحدة توها سارقة بتقعد في المول ليش؟؟ هزاع: أفا عليك أنت بس.. أطلعها يعني أطلعها.. إذا هي ميثه أنا هــــــــــــــــــزاع طال عمرك وبعد ما ظهروا.. قام هزاع ودق لميثه.. ميثة ومنى في هالوقت كانن عند الباركنات.. ميثه: مناتي.. الحقي.. هزاع داق منى: لا يكون تردين عليه ميثه: حرام عليج.. والله خاطري أسمع صوته منى: لا والله.. أكيد الحينة داق عسب يعرف وين نحن؟؟ ميثه: أففففففففف ميثه ما ردت على اتصال هزاع.. بس هو ما يأس وقعد يدق مرة ومرتين وعشر.. علي: شو.. ما ترد؟ هزاع: الحيوانة.. علي: طرش لها مسج قام هزاع وطرش لها مسج.. " حبيبي.. شحالج؟ أول شي مبروك عليج الوقي.. إن شاء الله عيبتج بس.. ثاني شي.. أبي أشوفج الحينة.. عسب أعطيج هدية بسيطة.. اترياج صوب المطاعم .. فديتني.. هزاع.." ميثه بعد ما قرت المسج..: مناتي الحقي.. أونه مشتريلي هدية.. منى: جذاب لا تصدقينه.. ميثه: حرام عليج.. ليش تقولين عنه جذه؟؟ منى: لا والله يعني شو تبغيني أقول عنه؟ ميثه: أصلا هزاع مستحيل يقص عليه وأكبر دليل أنه بارك لي ع الوقي.. يعني دفع المبلغ منى: والزبدة؟ ميثه: بسير له منى: كيفج.. أنا هب سايرة وياج.. بترياج هني ميثه: شـــــو؟ لا لا بتيين ويايه يعني بتيين منى: ميثــــــــــوه.. ميثه وبترجي: دخيلج مناتي.. ورفجة تيين ويايه.. الله يخليج.. عشاني.. بليييييييز وبعد محاولات اقناع من ميثه رضت منى من صوب علي وهزاع.. علي ساير وراد قاعد يترقب وصولهن هزاع: علي اهدى شوي.. ما نبي نسوي حشرة علي: والله أني بموت من القهر.. آخ بس متى بتوصل هزاع: أصصصص كاهن وصلن.. صخ ميثه وهي تتمايل بخجل بعد ما سارت الحمام " تكرمون " وعدلت مكياجها وظهرت قصتها زيادة.. ومنى وراها ميثه وبصوت أرق من الرقة نفسها: السلام عليكم هزاع وهو يتصنع الابتسامة: عليكم السلاااااام حيا الله ميثاني.. وصد صوب منى وغمز لها.. وربيعتها بعد حتى منى طاحت من حركات هزاع اللي لا يمل ولا يكل منها علي وهو يساسره: هزاعوه اصطلب .. أحسن لا أبط جبدي فيهن الحينة هزاع: اسكت فضحتنا.. خلني أعرف اتفاهم معاهن ميثه: خير بلاكم؟ في شي؟ هزاع: سلامتج الغلا.. بس أخويه قاعد يقولي شرايك نتغدى سوا يعني؟ ميثه: هذا أخوك؟ هزاع ويحاول يكتم ضحكته وهو يطالع منظر علي اللي اعتفس بعد ما طرى هزاع سالفة الغدى.. هزاع: هي يا قلبي.. أخويه ميثه: ما شاء الله عليكم.. غراشيب هزاع وأونه محرج: لو سمحتي.. أغار ميثه وهي تبتسم: فديتك والله علي وهو يساسر هزاع: صج لوث.. الله يخسها.. ما تحشم.. شوف ألفاظها بالأول هزاع: أصصصصص لا تخرب خطتي وبعد ما دخلوا المطعم.. قعدوا صوب العوايل.. صحيح ان علي كان هب مرتاح لكنه فهم شو اللي يقصده هزاع وكملوا تمثيل وطبعا علي وهزاع ما خلوا شي ما طلبوه.. أما ميثه ومنى أونهن ما حبوا أنهم يخسرونهم وايد عسب جذه اكتفوا بالوجبة الرئيسية.. وبعد ما خلصوا عشا.. هزاع: أقول حبيبتي.. ميثه وهي مستحية: ها حبيبي.. قول؟ هزاع: أنا وعلي بنسير عسب ندفع الفاتورة.. خلكن هني..وإذا تبون تطلبون أي شي بعد نحن حاضرين وبالشوفة.. لا تستحن ميثه وهي متشققه: تسلم حبيبي وبعد ما ساروا عنهن.. منى: واي باين عليهم راهيين ميثه: هي والله.. والله ما هديته هزاع سار صوب صاحب المطعم.. وخبره أن البنتين اللي قاعدات على الطاولة رقم (4) هن اللي بدفعن.. و شردة خخخخخخخخخخخخخخخخخ ميثه: منوه.. وينهم؟ تأخروا؟ منى: ما ادري والله شوي واييهم وايي الجرسون ويعطيهم الفاتورة.. تيبسن ميثة ومنى أول ما شافوا الفاتورة.. ميثة : شو ها؟؟ الجرسون: الفاتورة منى وهي تاخذ منه الفاتورة: خلاص سير أنته الحينه ميثه وهي فاجة عيونها: منى؟؟ شو مستوي؟ منى: كنت حاسة.. الجلاب سووها فينا ميثة: شـــــــو؟ يعني شردوا؟ منى: يلا الحين هذا حبيبج هزاع.. ميثة: والله ما رح أسامحه منى: سيري لا.. ترمس وجنه ريلها.. خلاص يا ماما هزاع شرد وطاحت الفاتورة على روسنا.. الله يخسهم.. وأنا أشوفهم ما خلوا شي ما طلبوه.. ونحن ياحليلنا ما طلبنا شي ميثة: خلاص الحين كل هذي الرمسة ما تفيد.. كم الفاتورة؟ منى وهي تطنز:أفا عليج انتي بس.. ليش مزعلة روحج.. خليج ايزي وبعدين المبلغ هب وايد ميثة: كم انزين؟ منى رفعت الفاتورة بويه ميثة عسب تشوفها عدل ميثة وهي فجت عيونها وصرخت: 345 درهم؟؟؟؟؟؟؟؟؟؟؟ منى: شويه لا.. حرام هم دفعوا لنا حق الوقي والحينة لازم نرد لهم ميثة: بس الوقي ما تكلف 150 درهم.. منى: خليج من هالرمسة الحينة وطلعي كل اللي عندج ميثة: اللي عندي؟ ما ادري ما أعتقد أن عندي هالمبلغ وتعرفين توني مشترية بدل وخلصت كل بيزاتي تقريبا منى: أنا عندي 230 درهم.. هاتي 115 بعد.. ميثة قاعدة تدور في البوك وقاعدة تتحرطم: الله يخسهم إن شاء الله.. يعلهم السم منى: ها حصلتي؟ ميثة: اندوج يودي وبعد ما دفعوا ظهروا من المول سيدة وحرموا ما يطبون هالمطعم مرة ثانية ................................................. في محل الوقي والعبايات هزاع دفع المبلغ وظهروا من المول هزاع : صحيح إني دفعت حق الوقي... بس هالمبلغ اللي دفعته ما يساوي شي جدام اللي بدفعنه..خخخخخخخخ علي: عسب مرة ثانية يتأدبن هزاع: ههههههههههه آه يا ميثاني... بس حلوة ..صح؟؟؟ علي وهو يشوفه بنص عين: خلنا نظهر من المول لا ارتكب فيك جريمة الحينة وظهروا من المول وهزاع فاطس من الضحك .................................................. ........... هزاع وصل علي بيتهم لأنه كانوا ظاهرين بسيارة هزاع علي وهو داخل الصالة لقى أمه وسارة وحصة علي: السلام عليكم.. أم علي + حصة + سارة: وعليكم السلام علي بعد ما باس راس أمه سلم على سارة علي: أشوف البيت منور.. سارة عندنا سارة: احم احم حصة وهي محرجة: لا والله.. جيه الشيخ علي انا هب تارسة عينك والا شو؟ سارة: هههههههه لا يا حبيبتي أنا غير.. صح علوي؟ علي: علوي فعينج... حصة: خخخخخخخ هزبوها سارة: جب جب انزين علي: عيل وين حارب ما يا معاج؟ سارة: لا.. أنا ييت لحالي قعد علي وياهم لأنهم من فترة ما قعدوا مثل هالقعدة سوا أم علي: وين كنت؟ ما ييت تتغدى ويانا؟ علي تذكر السالفة اللي حصلت وياه اليوم وقعد يضحك حصة: اللهم سكنهم في مساكنهم.. علي: ههههههههه جب أنتي ما يخصج.. تعالي أنتي متى بتولدين؟ حصة: اسكت لا تذكرني.. والله الود ودي الحينة.. آه خلاص تعبت أم علي: الله يسهل عليج يما.. والفال لسارة إن شاء الله تيبست سارة.. الله لا يقول .. علي: وين حصوه الرشيقة.. زمان ها.. حصة انقهرت من رمسة علي: أمــــــــــــــــــــــــي شوفي علوي علي + سارة: ناقعين من الضحك أم علي: علوي.. يوز عن أختك بروحها تعبانة حصة: وأنتي بعد ساروه.. تضحكين وياه ها.. بس ما علي.. الله يسامحج سارة ربعت صوب حصة ولوت عليها: فديـــــــــــــــت حصوه أنا.. حياتي والله سوالف حصة: إذا جذي سوالفكم ما بيها علي: عادي انزين شفيها.. وبعدين أحمد هب هني.. خخخخخخخخخخ سارة: علي.. خلاص ترى ما ارضى.. وبعدين انا زعلانة منك علي: أفـــــــأ... وليش إن شاء الله؟ سارة: جيه مزعل عموه وهب راضي تعرس؟ علي انجلب 180 درجة.. حتى أمه وحصة لاحظوا عليه سارة: عيل وين رمستك يوم تقول بعرس وبييب درزن عيال؟ علي:............. سارة: علي.. ارمسك أنا؟ علي: اسمعج انزين.. بس أنا ما بي أعرس سارة: وليش انزين؟؟؟؟ شو السبب؟ علي: بس جذه.. مزاج أم علي: بس أنا ودي أفرح بولدي الوحيد.. والا هذا هب من حقي.. ونزلت دمعة حارة على خدها لاحظها علي وربع صوب أمه ولوى عليها.. علي: أفــــــــــــــــأ يا أم علي.. ترى دموعج غالية عليه سارة: خلاص.. إذا كنت صاج برمستك.. اثبت لنا هالشي وتزوج علي وبنبرة حادة: يا جماعة الخير.. والله أنتوا هب فاهمين شي حصة: وشو اللي هب فاهمينه؟؟ خبرنا عسب نفهم علي وقف: قلت لكم ما أروم.. وربع صوب حجرته الكل استغرب من تصرفات علي.. ومن مسألة رفضه الغير مقنع بالزواج أم علي وهي تمسح دموعها: الله يهديك يا ولدي سارة: ما علي عموه.. الله بيهديه إن شاء الله بس أنتي لا تكدرين خاطرج أم علي: الله يسمع منج يابنتي سارة: أفففف حارب تأخر.. قالي نص ساعة وبييج حصة: وليش مستعيلة.. خليج عندي سارة: تراني بمر بيتنا شوي.. صار لي فترة هب شايفة أمي.. حصة: انزين دقي له عاد سارة تموت ولا أنها ترمس حارب.. صحيح أنها عادي تدق له في الأوقات اللي تكون مرغمة فيها.. بس نادرا.. شافت أم علي قاعدة تطالعها فاستحت.. خافت أنها تحس بشيء.. فاضطرت أنها تدق عليه سارة قامت و دقت عليه.. حارب في هالوقت كان في طريجه صوب بيت عمه أبو علي.. أول ما شاف أن سارة داقة عليه.. ياحليله ما صدق بس ما رد عليها..نطر ألين ما سكرت وعقب رد ودق عليها هو بنفسه.. سوا هالحركة عسب يقهر بسارة.. لأنها ما تدق عليه ألا يوم تكون في حاجته.. حصة: شفيج؟؟ سارة: ما يرد شوي ويرن موبايلها.. سارة: هذا هو.. على طول سحبت حصة الموبايل من سارة سارة: شفيج؟ حصة: أبي أشوف شو مسمتنه في الموبايل؟ أول ما شافت حصة الشاشة نقعت من الضحك... حصة: هههههههههههههههه حبيبي يتصل بك ها.. ما علي يا ساروه.. وقاصة علينا سارة وهي تير الموبايل من حصة وشكلها قافط: والله هو اللي مسمي نفسه.. كل يوم يلعب فموبايلي أنا هب شغلي حصة: اقول.. ردي ردي عليه.. وهي تغمز أخاف يعصب حبيبي..خخخخخخخخ سارة عصبت وفرتها بعلبة الكلينكس اللي حذالها بس حصة شردت وظهرت من الحجرة عسب تخلي سارة ترمس على راحتها.. سارة وتوها ترد: ألــو.. حارب وهو محرج: ساعة تردين؟؟؟ سارة: كنت أرمس حصة.. حارب: لا والله.. ومخيستني أنا؟؟ سارة: شفيك تصارخ عليه.. توني كنت داقة عليك وما رديت عليه حارب وبكل برود: شفت رقمج انزين.. بس ما رديت سارة عصبت من طريقة كلامه وثانيا ليش ما رد عليها دام أنه شاف رقمها؟؟؟ حارب: ليش سكتي؟؟ سارة: وليش ما رديت عليه؟ حارب: والله كيفي.. وأنا يوم أبي ارمسج بدق عليج.. سارة: لا والله.. وإذا كنت أبيك بشي ضروري؟؟ حارب: أنتي؟ وضحك ضحكة استهزاء ماتت سارة من القهر يوم سمعتها.. ما عرفت شو تسوي..؟؟ ما حست بعمرها ألا وهي صاكة بويهه.. مات حارب من الغيظ.. في هالوقت كان واصل عند الباب وحس أن الوقت هب مناسب عسب يرمسها.. كان حاط في باله أنه ما ينزل بس الحركة اللي سوتها سارة فيه قهرته عسب جذه نزل من السيارة ودخل بيت عمه.. وهو هب عارف شو اللي بسويه.. دخل حارب الصالة حارب: هـــود هـــود أم علي: هدا هدا حياك يما دش اقرب اميه أول ما سمعت سارة صوته تيبست ما عرفت شو تسوي.. كان ودها تظهر بس حارب كان أسرع منها وفي هالحظة دخل الصالة وعيونه عليها.. وكان واضح عليه أنه متغير.. كان حده مقهور منها.. كان يطالعها بنظرات قهر وغيض حارب على طول سار صوب سارة وقعد حذالها.. كان قاصد هالحركة بس عسب يحرجها.. سارة ارتبكت زيادة وفي نفس الوقت كانت ميته من المستحى حارب: شحالج عموه؟ أم علي: بخير وسهالة.. شحالك أنته؟ عاش من شافك.. حشى جذه ما تنبان؟ حارب: ههههه والله تعرفين عموه الشغل ماخذ كل وقتيه أم علي: العمر يخلص والشغل ما يخلص يا ولدي شوي وتدخل عليهم حصة.. حصة: السلام عليكم حارب وهي يبتسم: عليكم السلام.. هلا حصحوصة.. شحالج؟ حصة: يسرك الحال.. أنت شحالك؟ حارب: والله الحمد الله.. ما نشكي باس.. ألا ما قلتي لي متى بتولدين إن شاء الله؟ حصة: الله يخليك لا تذكرني.. كل حد يشوفني يسألني هالسؤال..؟؟ حارب وهو يبتسم: ليش انزين؟؟ أم علي وهي تعدل برقعها: أونها تخاف من الولادة.. أقولها لا تحاتين وإن شاء الله بتوضعين بالسلامة حصة: هي صح صح.. أكي ليلى ربيعتي.. توها البارحة والدة تقولي الله يعينج شفت الموت بعيني أم علي: أنا كم مرة أقولج لا تسمعين كلامهن.. هذولا يقصن عليج.. بس يخوفونج حارب: لا إن شاء الله.. الله بسهل عليج حصة وهي ترفع ايدها: يـــــــــــــارب .. وابتسمت...والفال لسارة إن شاء الله أول ما قالت حصة هالرمسة تجمدت سارة.. تحس أن كل جسمها تخدر.. يا فشيلتها جدام حارب.. هذي اول مرة يطرون سالفة العيال وحارب قاعد.. وفي نفس الوقت كانت سارة متحرقصة تبي تعرف ردة فعل حارب بعد ما سمع هالرمسة.. حارب التفت يطالع سارة وابتسم.. ابتسامة ما عرفت سارة تفسرها..؟؟؟؟؟؟؟؟؟؟؟ أم علي: آمين يارب.. الله يرزق كل مسلم بالذرية الصالحة سارة استغربت أن حارب ما علق عالموضوع.. شكله الريال معصب.. عسب جذه ماله بارض يرمس... الله يعين بس حارب وقف: يلا .. اسمحولنا أم علي: وين يما؟ اقعد بعدك ما تقهويت حارب: لا ما علي عموه.. خليها مرة ثانية.. أحسني مصدع شويه وصد صوب سارة اللي ما كان ودها تقوم .. لا مصدع بعد.. عز الله .. أم علي: ما تشوف شر يا ولدي وقفت سارة وبعد ما سلمت على حصة وأم علي ظهروا .. .................................. شو تتوقعون حارب يسوي في ساره بعد الحركه الي سوتها ساره؟؟ شو رايكم بالبارت؟؟ وانا وااايـــد اسفه على التاخير.. __DEFINE_LIKE_SHARE__ | |
| ||
| |
|
10-31-2008, 02:21 PM
| رقم المشاركة : [ 535 ] | |
| عضو ماسي | الســــمووحه منكم يا متابعين قصتي
بس والله قبل يومين كنت بنزل البارت و المنتدى واايد يعلق عندي وفيه واايــد مشاكل ومايفتح واتمنى انكم ما تنزعجــوون مني فرخووو فاالج طيب وانا حطيت لكم بارت طويــل جرووح انسانه والله الشر ما يج بس مشكلتي ويا المنتدى ذبحهم غلاي تسلمين الغلا على المرور __DEFINE_LIKE_SHARE__ | |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ | محروم.كوم | منتدى أخبار المواقع والمنتديات العربية والأجنبية | 0 | 07-23-2010 08:30 PM |
| இ♥♥♥இ بكل الحب مبروووووووووك .. متعني و متصرف இ♥♥♥இ | محروم.كوم | منتدى أخبار المواقع والمنتديات العربية والأجنبية | 0 | 07-21-2010 04:30 AM |
| இ☜♥☞இ مجموعة الحمام المغربي لتببيض البشرة இ☜♥☞இ | محروم.كوم | منتدى أخبار المواقع والمنتديات العربية والأجنبية | 0 | 06-29-2010 12:20 AM |
| mahmoud இ☜♥☞இ بكل الحب مبرووك இ☜♥☞இ | محروم.كوم | منتدى أخبار المواقع والمنتديات العربية والأجنبية | 0 | 06-03-2010 03:00 AM |
| இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ | Дјறàl Диsǎήһ | الإسلام والشريعة | 10 | 07-07-2009 02:45 AM |
الساعة الآن 01:20 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227