| ||||||
 |
| | LinkBack | أدوات الموضوع | انواع عرض الموضوع |
10-24-2008, 12:14 AM
| رقم المشاركة : [ 516 ] | |
| عضو ماسي  |  في فلة قوم حارب حارب توه واصل البيت دخل الصاله وطبعا لقى فيها خالته ظبيه كالعاده في انتظاره جرب منها حارب وبعد ما باسها على راسها.. حارب: خبرتج سارة أن قوم سهيل وشيما بتغدون ويانا اليوم؟ ظبيه: هي يمه خبرتني.. حياهم الله حارب وهو يتلفت : عيل وينها ساره؟ ما أشوفها؟ ظبيه: سارت تودي المبخر فوق شوي وتدخل ساره.. على طول رفع حارب عيونه عسب يشوفها.. انبهر حارب من طلة سارة.. كانت مثل الأميرة.. بس سارة ما سوت له سالفه وتحاشت نظراته سارة: خالوه... كل شي زاهب.. وأنا وصيت الخدم عسب ينظفون الميلس بعد ظبيه: زين تسوين يما.. وتصد صوب حارب اللي للحينه قاعد يتأمل سارة ظبيه: ها يما.. متى بيون؟؟ حارب...<<<<<<< غرقان في بحر عيون سارة ظبيه: حـــــــــارب؟؟ حارب وتوه ينتبه: لبيه.. ظبيه: عسى ما شر يما..؟؟ حارب وهو يبتسم: لا لا بس كنت سرحان شويه.ههههههههه شو كنت تقولين يما؟؟ ظبيه: أقول بطوا.. دق عليهم شوفهم.. حارب: لا ما عليج على وصول إن شاء الله... أنا بسير داخل عسب أبدل ظبيه: زين يما.. وأنا بسير حجرتيه بشرب دواي وأول ما يوصلون خبروني سارة: إن شاء الله وسارت عنهم سارة توها بتظهر بس حارب زقرها.. حارب: سارة.. سارة: نعم؟؟؟ حارب: تعالي أبيج فوق وسار عنها قبل ما يسمع ردها .................................................. ..... سارة وهي تدخل شوي شوي.. سارة: خير؟ بغيت شي؟ حارب: شفيج واقفه بعيد جربي.. أعض شو؟؟ سارة: سخيف انزين وجربت منه حارب جرب منها سارة حست أنها مرتبكه وودها تظهر.. سارة: قول شتبي بسرعه.. حارب: شو شتبي؟ ياي أطر منج شو؟؟ سارة: أنا ما قلت جذه.. بس يمكن سهيل وشيما يوصلون ومحد يستقبلهم.. هب حلوة حارب: صدقتج انزين سارة: افففففف حارب بلا سخافات الحينه.. بتقول والا شو؟ حارب وهو يبتسم: مشكلة اللي يعصبون هالمرة صج عصبت سارة وكانت بتظهر بس مسكها حارب اللي كان ميت ضحك سارة: خوز عني.. ادري بك قاعد تتمصخر عليه.. حارب: لا فديتج.. ما عاش اللي يتمصخر عليج.. بس أنا بعد ما شفتج عيبتيني يعني عيبتني كشختج.. عسب جذه زقرتج عسب تختارين لي الكندورة اللي بلبسها عسب ما يقولون الحرمة تعرف تكشخ وريلها لأ.. أكيد انتي ما ترضينها عليه.. والا شو؟؟ سارة ما عرفت بشو ترد..؟؟؟؟؟؟ كانت غادية طماطة من زود مستحية من رمسة حارب حارب: شو الحينه بتختارين لي والا شو؟؟ سارة: انزين هد ايدي عسب أعرف اتنقى حارب: أوب.. سوري والله ما انتبهت وهد ايدها سارت سارة صوب خزنة ثيابه وقعدت تطالع كناديره وحارب واقف وراها آخر شي وقع اختيارها على كندورتين الأولى سودة والثانية سكريـــة سارة: اممممممممم... أنت شو تقول؟؟ حارب: أنا ما بقول شي.. انتي اختاري سارة: اممممممم أحس أن السكرية بتكون أحلى عليك حارب وهو يبتسم: واللــــــــــــه؟؟ سارة: وهذي السفرة وايد مناسبة... شرايك؟ حارب: رايي من رايج سارة: امممممممم لا لا وايد حلو حارب: أنا ما يخصني.. ترى إذا قالولي هب حلو بقول سارة هي اللي اختارت لي سارة: لا والله حارب جرب منها: هي والله استحت سارة وابتعدت عنه سارة: انزين أنا بنزل تحت..أخاف قوم سهيل وصلوا وربعت برع الجناح بسرعة بعدها دخل حارب الحمام " تكرمون" اخذ شور عالسريع.. عقبها لبس الكندورة السكرية وتسفر بالسفرة اللي اختارتها سارة عقبها حط من دهن العود.. ونزل تحت ........................................... تحت في الصالة قوم سهيل توهم واصلين سهيل: هـــود هــــــود.. درب درب سارة وهي تبتسم: حياك حياك.. ماكو حد غريب سهيل: ادري انزين خخخخخخخخ ربعت سارة صوب شيما وسلمت عليها: هلا والله بشيما.. شحالج؟ شيما: أنا الحمد الله بخير انتي شو مسويه؟ سارة: والله الحمد كل شي تمام.. حياكم تفضلوا وبعد ما قعدوا.. شوي ودخل حارب حارب: احم احم سهيل: حياك حياك حارب: السلام عليكم الكل: وعليكم السلام حارب: شحالج شيما؟ شيما: بخير يعلك الخير.. يعز مقدارك حارب: بلاكم بطيتوا؟ متنا يوع سهيل: لا يكون تغديتوا قبلنا؟؟؟ سارة: لا طبعا.. سهيل: ادري انزين خخخخخخخخخخ سارة وهي محرجة: سهيل وبعديـــــــــــــــن؟ سهيل دايما يحب يلعوز بسارة سارة وهي واقفة : أنا بسير أزقر خالوه شيما: لحظة.. خذيني وياج ظهروا سارة وشيما وظلوا سهيل وحارب لحالهم يسولفون ويضحكون ........................................ سارة وهي تدق الباب على ظبية: خالوه.. خالوه؟ ظبية: هلا يما.. حياج ادخلي شيما: السلام عليكم ظبية وتوها تنتبه حق شيما واستانست يوم شافتها ظبية: عليكم الســـــــــــــــلام.. هلا يما شحالج؟ وشحال أمج؟ شيما تجرب من ظبية وتبوسها على راسها: الحمد الله.. كلنا بخير وسهاله ظبية: عيل وين سهيل؟ شيما: قاعد ويا حارب في الصالة ظبية: فديته بسير أسلم عليه صار لي فترة ما ريته... وعقب بننجب الغدى ظبية وهي تدخل الصالة وسارة تساعدها..وشيما وراها أول ما شافها سهيل ربع صوبها سهيل وهو يبوس راسها: شحالج خالوه؟ شخبارج؟ إن شاء الله بخير؟ ظبية: الحمد الله يما.. أنت شخبارك؟ وينكم ما تنبانون؟؟ عاش من شافكم يعني لازم نعزمكم عسب نقدر نشوفكم؟ سهيل: والله أنا ودي.. بس حارب الله يسامحه.. كل ما اقوله بييكم يقولي لا لا مرة ثانية... مرة ثانية حارب وهو يشوفه بنص عين: لا واللـــــــــه.. ظبية وهي تبتسم: لا يما ما عليك منه.. حياكم الله باي وقت والبيت بيتكم حارب: اقول يما متى بتنجبون الغدى.. تراني ميت يوع ظبية: الغدى جاهز يما تفضلوا غرفة الطعام وبعد ما انحط الغدى.. وتغدوا .. سارت ظبية حجرتها عسب ترتاح .. حارب وسهيل ساروا صوب المزرعة سارة وشيما قعدوا في الحديقة يراقبونهم من بعيد لبعيد ........................................... ... في المزرعة ... حارب وسهيل يتمشون جريب من الاسطبلات سهيل: حارب..؟؟ حارب: لبـــــــــــــيه سهيل: شو سويت ويا سعاد؟ حارب: ولا شي سهيل: شوف حارب.. أنت قبل كل شي ربيعي وحبيبي وفوق كل هذا ولد عمي..والله العالم أن معزتك من معزة أحمد وسيف أخوانيه وزود.. بس في نفس الوقت لا تنسى أن سارة أختى وما أرضى عليها ... بصراحة أنا هب راضي عن اللي قاعد تسويه هالخايسة سعاد حارب تنهد تنهيدة قوية: آاااااااااااااااااااااه والله تعبت سهيل: حارب.. لا يكون زعلت من رمستي؟ حارب: لا أفا عليك.. وبعدين أنت ما قلت شي غلط.. بس صدقني سعاد مجرد أزمة وبتعدي إن شاء الله.. وإذا كانت سارة أختك فهي الحينة صارت حرمتيه وأم عيالي في المستقبل إن شاء الله.. واللي يمسها يمسني.. أفا عليك أنت بس.. لا تحاتي.. وأنا أوعدك إني أحط حد لهالمشكلة سهيل وهو يبتسم ابتسامة رضى واطمئنان على أخته سارة.. يحس أنها في يد أمينة حارب: اقول سهيل؟؟ سهيل: هلأ حارب: شرايك نتسابق؟ سهيل: لا تقولي بالخيول حارب: لا بالدراجات فديتك.. يعني بشو؟ أكيد بالخيول سهيل: لا لا وين تبى.. صار لي مدة وأنا تارك التدريبات.. أخاف أطيح والا شي حارب: يا ريال.. يعني شو بستوي لك؟ وإذا طحت.. شوية فكس وخلاص ترجع مثل قبل وأحسن سهيل وهو يشوفه بنص عين: شوية فكس ها... حارب وهو يبتسم: هي شوية فكس...ها شو قلت الحينة؟ سهيل: توكلت على الله.. بس تعال.. عندك لبس الفروسية؟ حارب: كل شي موجود.. تعال أنت بس وساروا داخل الاسطبل بدلوا و لبسوا لبس الفروسية وامتطوا الخيل وكالعادة حارب امتطى الكاسر.. أما سهيل فاختار له فرس بنية قواءمها بيضه حارب وهو يأشر: تشوف هذيج الشيرة؟ سهيل: هذيج اللي عاليمين؟ حارب: هي هذيج.. اللي يوصل هناك أول شي يكون هو الفايز.. ها مستعد؟ سهيل: لحظة حروب.. يا ربي أحس أني هب قاعد زين.. حارب وهو يضحك على منظر سهيل يحس انه زايغ.. سهيل وهو محرج: شو يضحكك؟ حارب ويحاول يكتم ضحكته يخاف سهيل يهون..: لا لا ما في شي سلامتك سهيل: يلا انا جاهز حارب: 1... 2....3 وانطلقــــــــــــــــــوا.... حارب وسهيل كل واحد فيهم مركز على طريجه شوي انتبهن سارة وشيما حقهم.. شيما: ساروه.. شوفي شوفي.. مو جنهم يتسابقون؟ سارة: اشوف؟ هي والله.. قومي قومي خلينا نجرب منهم عسب نطالع عدل وقامن سارة وشيما وجربوا منهم أكثر سهيل اللي انتبه حقهم.. وصد صوب حارب يرمسه.. سهيل وهو يعلي صوته عسب يسمعه حارب: اقول حروب؟ حارب: هلأ سهيل: ورفجة.. خلني أفوز عليك حارب: لا والله.. وليش إن شاء الله؟ سهيل: الله يخليك لا تفشلني.. شيما وسارة قاعدات يشوفونا ما بي أتقفط حارب: يعني تعرف إني بفوز عليك سهيل: اقولك صار لي فترة وأنا تارك التدريبات هب شراتك.. في هاللحظة صد حارب عسب يشوف سارة وشيما.. حارب ابتسم وهو قاعد يطالع سارة.. وقد يفكر.. لو ترك سهيل يفوز عليه ما بسلم من مطنزة سارة.. وفي نفس الوقت ما حب يقفط سهيل.. ما عرف كيف يتصرف؟؟؟ وشوي.. انتبه حارب ان سهيل تجدم عليه.. وما باقي وايد شوي ويوصل للنهاية حارب وهو يصارخ: سهـــــــــول .. ما علي.. سهيل سمع رمسة حارب ونقع من الضحك بس ما قدر أنه يرد عليه وركز نظره على الطريج .................................................. .... وأخيرا.. فاز سهيل.. تجدمن سارة وشيما صوبه شيما: مبـــــــــــروك سهيل سهيل وهو متشقق: الله يبارك فيج حبيبتي حارب توه واصل.. وباين عليه أنه منقهر سهيل وهو يضحك: هارد لك حروب حارب: يعني وايد مصدق عمرك.. اصلا أنا اللي خليتك تفوز عليه.. ما كان لي بارض سهيل: يا ربــــــــــــــــــــــي.. يا خي خل عندك شوية روح رياضية.. والا شرايج سارة؟ سارة:............... سرحانة .............. سهيل: حوووووووووووه لا شكلها الحبيبة زعلانة على ريلها ابتسم حارب سارة وتوها تنتبه : شو قلت؟ سهيل: لا سلامتج... سارة انقهرت من ابتسامة حارب وحست أن في شي: والله تقول شو قلت؟ سهيل: هههههههه شفيج ساروه؟ والله ما قلت شي سارة: شيما قولي شو قال؟ حارب وهو داش عرض: قال انج زعلانة لأني خسرت.. ارتحتي الحينة؟؟ سارة: أهـــــا لا لا عادي وليش أزعل.. وبعدين أخوي اللي فاز هب واحد غريب فول حارب من طريقة رد سارة.. وكان واضح عليه.. حتى سارة نفسها تلومت عالرمسة اللي قالتها..شو واحد غريب.. الحين حارب واحد غريب؟؟؟ حتى أن شيما وسهيل لاحظوا هالشي.. فحب سهيل أنه يغير السالفة.. سهيل: اقول.. شرايكم نظهر المول؟ سارة وهي متشققة: اللـــــه وناسة.. أنا موافقة يقاطعها حارب: لأ.. أنا ما لي نفس.. هب ساير سارة: اوكي لا تسير.. أنا وشيما بودينا سهيل حارب: لا حبيبتي.. دام اني هب ساير يعني أنتي بعد هب سايرة.. ومرة ثانية حسني ألفاظج .................................................. ..... وما عطاها فرصة ترد وسار عنهم عسب يبدل انقهرت سارة وتحس أنها قافطة سهيل وهو محرج: سارة شو هذا اللي سويته؟ و لحق حارب.. سهيل وهو يزقر حارب: حارب.. لحظة شوي.. حارب؟ بس حارب ما يرد عليه وكمل طريجه صوب الاسطبل وبعد ما دخل سكر الباب بكل قوته.. بعد شوي وصل سهيل ودخل الاسطبل.. سهيل: حارب؟ بلاك عصبت؟ حارب وبنبرة حادة : يعني ما سمعت رمسة أختك؟ سهيل: الله يهديك بس ....شو قالت الحينة؟ يمكن هب قاصدة حارب: لا والله.. كل هذا وما قالت شي سهيل: يا أخي اهدى شوي بلاك تصارخ؟ وبعدين كل شي بالتفاهم.. لا تقعد تعصب على شي ما يسوى حارب: أففففففففففففف بطت جبدي سهيل: تعوذ من ابليس.. ما صار الا الخير.. شوية سوء تفاهم وكل شي بنحل... وحتى أنت الله يهديك ما قصرت قعدت تصارخ عليها جدام شيما..عيب يا أخي والله عيب حارب: يعني لو كنت مكاني شو كنت بتسوي؟ سهيل: أنا ما ألومك.. بس يمكن ما كانت تقصد.. حارب: والله تعبت.. تعبت وأنا أداريها سهيل: ما علي ما علي.. دام أنك تحبها لازم تتحمل حارب: لين متى؟ قولي لين متى بصبر..؟ ترى والله لكل شي حدود.. سهيل: تعوذ من ابليس.. والله بيهديها إن شاء الله حارب: الله يسمع منك سهيل: يلا الحين قوم راضيها حارب: ................ سهيل: حارب.. قوم.. حارب: ما علي سهيل.. خلها بعدين سهيل: ما شي بعدين الحينة.. نش سهيل ومسك حارب من ايده: حارب.. وغلاتي عندك قوم... حارب: ما علي سهيل.. براضيها بعدين سهيل: انزين ما علي.. عسب غلاة سارة عندك قوم.... ابتسم حارب: سهيل....؟؟ سهيل: جوف جان ما قمت الحينة.. صدق صدق بزعل حارب بعد ما تنهد.. نش عسب يراضي سارة: بس عسب تعرف شكثر أختك غالية عندي سهيل وهو يبتسم: ما علي يالخام.. يوم قلت لك عسب غلاتي.. ما قمت ويوم قلت عسب غلاة سارة أشوفك قمت.. ما علي ما علي.. يزاك الله خير ابتسم حارب ولوى على سهيل: ليش إنك أخوها صارت غالية عندي يالدب سهيل: ادري انزين خخخخخخخخ ... من صوب سارة وشيما... سارة قاعدة تصيح وشيما تحاول تهديها.. شيما: سارونة حبيبتي.. بلاج تصيحين؟ ترى والله السالفة ما تسوى سارة: يعني ما سمعتيه كيف صارخ عليه.. لا وجدامكم بعد.. صج ما يستحي شيما: لا تنسين انج قطيتي عليه رمسه تغث سارة: احسن يستاهل شيما: ساروه.. عيب شو هالرمسة؟؟ شوي يا سهيل ومعاه حارب.. عسب يراضي سارة سهيل وهو يجرب من سارة: ساروه.. يلا عاد بلا دلع.. ما بي اشوف ولا دمعه.. وكاهوا حارب ياي بنفسه عسب يراضيج وجدامنا بعد سارة تمسح دموعها شيما: اصلا سارة هب زعلانة .. الله لا اييب الزعل إن شاء الله حارب جرب من سارة وباسها على راسها : حقج عليه سارة :.............................. سهيل: سارة..؟؟ سارة:................. سهيل وهو يغمز: ترى حارب اليوم بظهرج عسب تتعشون لحالكم سوا سارة: ما بي.. وربعت صوب الفيلا حارب: سمعت شو قالت؟ الحينة منو الغلطان؟ سهيل: ما عليه.. بس تلاقيها للحينه معصبة.. شوي وبتهدى.. الله يهديكم بس حارب: استغفر الله سهيل: يلا شيما..نروح؟ شيما: يلا حارب: وين توا الناس؟ سهيل: لا ما عليه.. لازم نخليكم الحينة حارب: اسمحولنا.. يقاطعه سهيل: لا أفا عليك.. ما صار الا الخير.. الله يصلحكم إن شاء الله .................................................. ..... كــــــــااات عليا اذا ما كانت من نصيب علي عيل بتكوون من نصيب منو؟ وحارب وساره هل بتكون نهايتهم الطلاق ولا لاء؟؟ شو رايكم في البارت؟ __DEFINE_LIKE_SHARE__ | |
| ||
 |
|
10-24-2008, 12:48 PM
| رقم المشاركة : [ 517 ] |
| موقوف | عليا اذا ما كانت من نصيب علي عيل بتكوون من نصيب منو؟ ما ادري وحارب وساره هل بتكون نهايتهم الطلاق ولا لاء؟؟ لا يمكن يصير شي يخليهم يقتربون من بعض شو رايكم في البارت؟ رووووووووعة نتريا الياي __DEFINE_LIKE_SHARE__ |
|
| |
| |
|
10-24-2008, 01:18 PM
| رقم المشاركة : [ 518 ] |
| عضو فعال  | عليا اذا ما كانت من نصيب علي عيل بتكوون من نصيب منو؟ هي بتكون من نصيبه .. وحارب وساره هل بتكون نهايتهم الطلاق ولا لاء؟؟ لا .. ساره اتحب حارب بس اتكابر ,, وان شاء الله ما توصل مشاكلهم للطلا ق.. شو رايكم في البارت؟ والله حلوو ,, بس قصير .. نتريا البارت الياي الغلا .. __DEFINE_LIKE_SHARE__ |
|
| |
| |
|
10-24-2008, 03:20 PM
| رقم المشاركة : [ 519 ] | |
| عضو جديد  | عليا اذا ما كانت من نصيب علي عيل بتكوون من نصيب منو؟ اممم انا اتوقع انها بتكوؤون من نصييب علي وحارب وساره هل بتكون نهايتهم الطلاق ولا لاء؟؟ لا لا بيحبوؤون بعض ع آخر شي شو رايكم في البارت؟ روؤوؤوؤوؤوعـة تسلميين الـ غ ـلاا وربي يحفظج ^^ ونحن فـ انتظاار الباارت اليااي ^_^ __DEFINE_LIKE_SHARE__ | |
| ||
| |
}|
10-24-2008, 03:49 PM
| رقم المشاركة : [ 520 ] | |
| عضو ماسي | تسلموووون على الردد وسعيده انم حطيتوا توقعاتكم جروح انسانه حراام عليج كل هذاو قصير..  وفي انتظار الباقين __DEFINE_LIKE_SHARE__ | |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ | محروم.كوم | منتدى أخبار المواقع والمنتديات العربية والأجنبية | 0 | 07-23-2010 08:30 PM |
| இ♥♥♥இ بكل الحب مبروووووووووك .. متعني و متصرف இ♥♥♥இ | محروم.كوم | منتدى أخبار المواقع والمنتديات العربية والأجنبية | 0 | 07-21-2010 04:30 AM |
| இ☜♥☞இ مجموعة الحمام المغربي لتببيض البشرة இ☜♥☞இ | محروم.كوم | منتدى أخبار المواقع والمنتديات العربية والأجنبية | 0 | 06-29-2010 12:20 AM |
| mahmoud இ☜♥☞இ بكل الحب مبرووك இ☜♥☞இ | محروم.كوم | منتدى أخبار المواقع والمنتديات العربية والأجنبية | 0 | 06-03-2010 03:00 AM |
| இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ | Дјறàl Диsǎήһ | الإسلام والشريعة | 10 | 07-07-2009 02:45 AM |
الساعة الآن 01:44 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227