هل الخـــدم مثلنااا بشــر ؟؟ - الصفحة 8

زهور 2007 · 08-11-2008, 05:07 PM

المشاركة الأصلية كتبت بواسطة :*'*:·.بدg يه كشيخه :*'*:

عليج السلام ورحمه الله وبركاته

لو نحن بنتكلم عن هالموضوع مابنسكت لان كل منا عندهم هالشي ويشوفونه وان ما كان في البيت نفسه بيكون في بيت آخر

انا وبصرآحه خدامتنا صدمت امي تخيلي لو تبا تاكل تقول حق امي ماما انا يوعان ابا آكل امي تقول لها كلي نامي سوي لي تبينه انتي شرات بنتي لان الناس لي ساكنه عندهم قبل يمنعونها تاكل شرات اكلهم يعني لو كانو ياكلون لحم يعقونه ويخلونها تاكل عيش بلا شي وان تبا تنام اتم سهرانه لين يرقدون وتنش قبلهم بس امي قالت لها لو ياج الرقاد ماعليج من حد الشغل مابيخصل لو تبين تخلصينه وتمت تصيح تقول انا اتحرى كل الناس شراتهم وكنت خايفه وانا يايه عندكم عقب قالت اطمنت احس انيه عند هلي ولو شو اقولج عن الخدم لي يدام بيتنا دوم عندنا بليز ودي مكتب مايريد هذا بيت ماما يظرب ... يعني نحن عندنا دين عندنا الاسلام نور دربنا علمنا فهمنا فن التعامل مع الناس شوفو الرسول شو كان يسوي حق خادمه عمره ماسمع الرسول يقول اووووووف وشوفو نحن كم مره في الساعه نقول هالكلمه
تراهم ناس عندهم قلوب يحبون يكرهون يحسون ويقهروني يوم يقولون خدامتنا ماتشتغل عدل خدامتنا مادري شو

الله عليم بكل بيت وشو داخله وسمحيليه طولت ترانيه ان رمست في موضوع مهم احب اظهر لي في خاطريه

تسلمين حبوبه ع المرور الطيب __DEFINE_LIKE_SHARE__

زهور 2007 · 08-12-2008, 01:38 AM

المشاركة الأصلية كتبت بواسطة 0oبركان الغلاo0

طبعا هم بشر مثلنا ويحسون ويشعرون ..
لكن في ناس تكرفهم مساكين وتعاملهم باسلوب ما اعرف كيف ويقولون يشتغلون بفلوس يعني عادي ..

الحمدلله انا معاملتي زينه ويا خداماتنا .. بس ما انكر اني اذا ضيعت شي والا كنت بطلع ومستعيلها ومالقيت عباتي جاهزه (ها اللي دوم يصير ) اني اواجع بس يوم ارجع او عقب يوم اكلمها واقولها ليش صارخت عشان ما تعيد اللي سوته مره ثانيه يعني تقريبا تقريبا اعتذر ..
واذا زودتها بالأماره وكثر الطلبات امي تعصب .. تقول هاذيل شراتكن بنات ليش ما انتن بروحكن تقومن تسون اللي انتن تبنه وهن بيساعدن مب كله عليهن ..
وطبعا ما نقول انهن ملااك ومره ما يسون شي .. بس الصراحه انا استرب من معاملات امي وياهن .. حتى لو غلطن في شلهن تطوف .. تقول هن لو مب محتاجات ما ين يشتغلن عند الناس ..
اول 6 وحده من خداماتنا سافرت .. وتمت ساعه حاضنه امايه وتصيح (هي عندنا من 4 سنوات) والحين بترجع قريب قبل ما تبدا الدوامات ..
اما عاد طباخنا هاا سالفه ثانيه .. هو يسبني ويواجعني يوم اسير المطبخ عنده وانا ما اقوله شي واصلا محد يرضى فيه لا امي ولا ابويه ( عندنا من قبل لا انولد انا يعني اكثر من 18 سنه .. بس اللحين بيسافر )
وعندنا طباخ ثاني بس من زمان ودرنا واشتغل في شركه .. لكن والله لين اليوم يزورنا في الاجازات والاعياد ومسمي بنته على اسم امايه بعد ..
وعاد الدريول حليله .. ها شيبه وانا الصراحه احشم منه ..
ما اخليه يشل الاكياس ولا شي .. واستحي اخليه يترياني وايد >> حليله ريال كبير
ها دريول العايله عاد .. من زماااااااااااااااااااااااااان عندنا ..

>>>>> وايد سولفت .. عبرت عدل .. آآه تعبت

يلا سي يوو مره ثانيه ..
والسموحه ع الهذربه الزايده ..

تسلمين حبوبه ع المرور الطيب __DEFINE_LIKE_SHARE__

دلوعة باباتي · 08-14-2008, 12:49 AM

أكيد انهم بشر ويحسون مثلنا واكثر كفايه انهم مغتربين من بلادهم __DEFINE_LIKE_SHARE__

ورد القصيد · 08-14-2008, 08:59 PM

اول الشي احب اقووله ان الناس سواسيه .. مافي واحد غني واحد فقير و واحد قوي وواحد ضعييف كلهم بعين الله سوااسيه

ويجب معالمت الخدم بأحسن معامله أبسط مثاال هو الرسوول صلى الله عليه وسلم لم يظرب خادما قط
فعلينا الاقتدااء بالرسوول صلى الله عليه وسلم .. __DEFINE_LIKE_SHARE__

...فيمتو... · 08-15-2008, 12:41 AM

تسلمين اختي عالموضوع الحلو مشكورة وايد عليه

بصراحة كل الكلام اللي انقال في

هالموضوع حلو ويستاهل الواحد يرد عليه

صحيح ،، هم ناس حالنا حالهم

والله ما اعرف ليش البعض يعاملهم بهالطريقة

السيئة ،،،،،،،،، مادري اذا كانوا عديمين احساس

ترى حتى اليهال قاموا يصارخون عليهم

بالطبع اكتسبوا هالسلوك السيء واللي فيه قلة ادب واحترام

من اهاليهم وللأسف

والله العظيم اني استحي يوم اطلب من خدامتنا شي

واكره شي عندي يوم حد يهازب وينازع الخدامه

ليش يعني مستقوي عليها مثلا ولا شو

وعلى فكره في ناس ينازعون الخدم جدام ضيوفهم اللي يزورونهم في البيت

تعرفون ليش ؟!!!!!

لانه وللأسف مثل ما يعتقدون انه نوع من الكبرياء

مشكورة اختي مرة ثانية على الموضوع الشيق

والله يعطيج الف الصحة والعافية

تقبلي مروري اختج
...فيمتو... __DEFINE_LIKE_SHARE__