جريمة لا يسكت عليها..!! - الصفحة 3

رًوَحًيَ بًدَوًيهَ · 01-20-2010, 04:58 PM

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

وعليكم السلام رحمه الله وبركاته

في البدايه أشكرج على طرحج لموضوع جدا حساس واللي يتغاضى عنه بعض الناس

بصرااااحه القضيه جدا مؤلمه واللي دايما نسمع عن قضايا تحصل وما نلقى أي رادع لهالأمور

رايي

السبب الرئيسي في حصول مثل هذه الجرائم وهي غفله الأهل عن أبناءها المفروض لما يوصلونهم المدارس يتأكدون إنهم داخل المدرسه واييبونهم من المدرسه بنفسهم وإذا يسيرون ويرجعون عن طريق الباص لابد يكون لكل باص مشرفه تتأكد من وصول الأبناء للمنزل لأن هي مسؤوليه كبيره ولازم تحافضون على الأبناء وعشان ما تتأثر نفسيتهم لوحصل إلهم أي مكروه ولكن للأسف الشديد ما نقدر نقدر نقول شي لأن رقابه الأهل قامت تقل وأتمنى من الأهالي إنهم ما يستهينون بهذي القضيه

كلمه للأهالي

لا تنجبوا الأبناء دام ما عندكم مسؤوليه تربيتهم والمحافظه عليهم

أتمنى أكون وصلت لسبب من أسباب القضيه

والسموحه عالقصور ^^

سعدت يتواصلج يالغالية ..
وكلامج في قمة الرووعة لابد من الأهاالي يزيدون من دور الرقابة والأهتمام بأبنائهم وخااصة صغاار السن لأنهم أضعف شريحة في المجتمع ولأن الأطفال لا يستطيعون مواجهة الواقع بقوة لأنهم لا يعون بما يدور حولهم ..
ولابد على الأهالي ان يوصون أبنائهم الصغاار بضرورة الحذر من الغرباء وحتى لو اغرائه بلعبة او قطعة حلوى..
وبتوجيهات ونصائح الأهالي راح نخفف من وقوع مثل هذه النوعية من الجرائم..
التوعية ياأهاالي وتعليم أبناائكم بعدم الوثوق بالغرباء حتى ولو تم إغرائهم بالأشياء المحببة لقلوبهم ..
إذاً هذه اول خطوة لابد من القيام بها حالياً ..

أشكرج جزيل الشكر يالغلا على المرور..
ودمتي بود.. __DEFINE_LIKE_SHARE__

رًوَحًيَ بًدَوًيهَ · 01-20-2010, 05:21 PM

المشاركة الأصلية كتبت بواسطة *نظره مني تسدك*

"

السلام عليكم ورحمة الله وبركاته

قضيه جدآ مهمه الصرآحه

طويلة العمر زمآن كآنوآ يخآفووون ع البنآت تظهررن ولا حد يخطفهن ولا من هالامور اللي تستوي احيآنآ في الزمن الاولي هذآ اذا مآكآن هالشي مستمر

الحين الوآحد غدى يخآف على عيآله.على بيته على كل شي

لعنبووهم مآ يستحوون يآهل يسوون فيه جيه
اعتقد هالانسآن اللي يسوي بطفل لا ذنب له في شي

هو مجررد ضعيف دين واخلاق وان مآ كآن فيه مرررض نفسي

وصلت الموآصيييل لبعض النآس..قتل اطفآل واغتصآبهم..استغفر الله العظيم..في ابشع من جيه مآ اعتقد

بعد الاهل الله يهدييهم..يحملوون ذنب..المفروض يرآقبون عيآلهم وين يسيرون ويآ منو..

شوي يحملون مسؤووليتهم..هب هآيتين ف الشوآررع وعقب يقولون مآ ندري ومآ شفنآ..؟؟!!!!

ختيه روحي بدويه
كل الشكر لج ع الطررح الطيب

نحن محتآيين لمثل هالموآضييع ننآقشهآ..بس هل تعتقديين انه بايدينآ شي نسويه

لأن اذا الجهآت المسؤووله مآ يسوون شي نحن شو بنقول..؟

والسموحه ان كني طولت عليكم.~

خآلفتكم العافيهـ..~

اسعدني مرورج مشرفتنا الغاالية نظوووره..

وأبدعتي يالغلا ومثل ما قلتي قبل كانوا يخاافون علينا أحنا البنات وعيب تظهرين وماشي تأخير وردي وما فيه طلعه حق البنات بس للأسف الشديد صارت الأمور في أيامنا ووقتنا المرير غير إذا أصبح ممارسة الجنس تلعب مع أطفال بعمر الورود واصبحنا نقتل طفولتهم البرئية بشيء اسمه الجنس من قبل أنااس أنعدمت فيهم ذرة الإنسانية والرحمة ..
نعم السبب الرئيسي هو ضعف الوازع الديني وعدم إستشعارنا بمراقبة الله هذا اللي ترك فجوة كبيرة لإنتشار مثل هذه النوعية من الجرائم أقولها وقلبي يعتصر ألم وحزن على ما يحصل في أرضنا..
وحسبي الله ونعم الوكيل ..

ويالغالية ليش التشاؤم بإيدنا نسووي الكثير والكثير لكن لابد من التكاتف والتعاون مع الجهات المسؤولة فهم يبذلون جهود جبارة فالشكر لهم وأحنا لابد من أن نلعب دور معهم ولو بالكلمة الطيبة فجهاز الحااسوب يلعب دوور عظيم في حياتنا فلماذا لا نستخدمه في خدمة البشرية فالكلمة تلعب دور كبير والأعلام يلعب دور كبير في حياتنا لماذا لا تضع برامج للأطفال تحذرهم من التحدث مع الغرباء بطريقة فكااهيه ومحببه للأطفال ولماذا بعض الأهاالي يتسترون على مثل هذه النوعية من القضايا لأن بسكوتهم يعني موت ضحية أخرى يعني بس شويه جهد منا يغير البشرية كلها..

خيتو نظورة النااس الطيبين بعدهم موجوون والخير مستمر وشمعة الأمل ما زالت تبث نورها والحقيقة مستحيل تمحو من أرض الواقع لكن لابد من الرجوع لكتاب الله وسنته والمحاولة بتنظيف البيئة التي نحن عاايشينها إذا كل واحد فينا نظف محيطة أكيد راح نقضي على جميع الجرائم الأخلاقية..

نورتي المووضوع مشرفتنا المميزة..
وأشكرج جزيل الشكر على المرور ..
ودمتي بود.. __DEFINE_LIKE_SHARE__

الحر ما كل المخاليق تقواه · 01-20-2010, 05:26 PM

المشاركة الأصلية كتبت بواسطة رًوَحًيَ بًدَوًيهَ

الله يعطيج 1000 عاافية خيتو مزروعية مسلحة على المرور الرآآآآآآآآآآآآئع..
وأتفق معااج بكل نفطة قلتيها وأحلى شيء طرحتيه هو ضعف الوازع الديني السبب الرئيس لمثل هذه النوعية من الجرائم..
وعجبتني الجملة اللي قلتيها إن التقدم يكون له أثار جانبيه صدقتي يالغلا..
ولأن التطوير أساس الحضارة ومن طلب الحضارة يتحمل تغيراتها..
يعني لازم نتحمل أعباء وكوارث التتطور بس لابد من الوقوف بجدية لمثل هذه النوعية من الجرائم ولا نضع اللوم على التطور والتقدم بل السبب ضعف ابن آدم وفقدان ملامح الرجولة بيننا للأسف الشديد هذا ما يحدث في أرض الواقع اصبحت الرجولة بالجنس والتعدي على حقوق الطفل والمرأة..!!
بس حاابه أعلق على العمااله الوافدة والآسييوين لإني ما أتفق معااج بهااي النقطة أبدًا والمادة (2) من قانون العقوبات بدولة الإمارات العربية المتحدة تقول (( لا يؤاخذ إنسان بجريمة غيره والمتهم بريء حتى تثبت إدانته ..))
يعني ما راح نضع اللوم على هذه العمالة لإن أيضاً العرب والخليجين يلعبون دور كبير في مثل هذه الجرائم والدليل أخر قضية راح ضحيتها طفل باكستاني في أحد المصليات بدبي وأول أيام عيد الآضحى والجاني كان من الجنسية الخليجية..

أشكرج جزيل الشكر على المرور ..
ودمتي بود..

بغيت اصحح معلوماتج الطفل الباكستاني اللي اعتدى عليه عامل نوخذه اماراتي وليس خليجي يعني من عيال بلادنا هذا للعلم فقط موضوعج حساس وشي ثاني ما في شي اسمه اثار جانبيه للتطور نحن بهاي الطريقه نعطي المبرر للجرايم دايما مثلا ينقال لا عذر للمجرم مهما كانت جريمته واذا على العماله الوافده ترى نحن بس فبلادنا نتكلم من هاي النظره صارت العماله هي الشماعه اللي نعلق عليها مصايبنا مب نحن بس اللي عندنا عماله وافده ولا نحن اول واخر دوله فيها عماله وافده وبكثره كثير من الدول فيها نسبة العماله الوافده اكبر من نسبة المواطنين لكن نحن عطيناهم المبرر وسهلنا لهم الجريمه ولا لو كان تنفيذ القانون صارم كان اتعظ من سمع ووعي خاف من العقاب مثلا لو اللي اغتصب الطفل الباكستاني رميناه من مكان عالي وهو حي خليناه يحس ويذوق الموت مرتين يمكن يكون هذا العقاب غير انساني بوجه نظر البعض لكن والله بيكون منصف ورادع لاي شخص يفكر انه يسوي سواته مشكوره على الطرح ولا عدمنا جديدج اختي

تحياتي اخوج بو ميثاء
__DEFINE_LIKE_SHARE__

رًوَحًيَ بًدَوًيهَ · 01-20-2010, 05:39 PM

المشاركة الأصلية كتبت بواسطة هـيـبـة مــلك

السلام عليكم

في الفتره الاخيره زاادة عندنا هالاحداث المؤساويه اللي تيي بحق الطفل والآباء والاوهل وبحق الانساانيه .. الجرائم الشنيعه اللتي تحدث يجب انا الجهات المسؤووله تتدخل وتضع حد لها

لانه مش معقوله كلنا عندنا اهل وعيال واكيد نخااف عليهم لنا نشووف هالجرائم

اتمنى معااقبة هالاشخااص الي يرتكبون نفس هالجرائم وليس الاكتفااء بالسجن او عقااب سكوتي نفس ما يقولون

اتمنى انه يكون ظاهر للناس ويكون في غاية الشده ليكون عبره لمن يعتبر

تحياتي لج يا روحي بدويه

هيبة ملك

تشرفت بمرورك أخوي هيبة ملك..
وفعلاً مثل هذه النوعية من الجرائم فيها تعدي لحقوق الإنسانية وبحق الطفولة البريئة..
ولابد من تشديد العقوبة في حال كان المعتدين من الأوصياء أو ذوي سلطة معنوية أو قانونية على الطفل حيث تزداد العقوبة من الثلث إلى النصف وأيضاً عند تكرار الفعل وفي حال القتل المتعمد للطفل بعد اغتصابه فإن عقوبته الإعدام..
بإختصار يامسؤولين لابد من تغيير بعض القوانين لردع المجرمين..

سعدت بمرورك أخووي هيبة ملك..
وأشكرك جزيل الشكر على المرور..
ودمت بود.. __DEFINE_LIKE_SHARE__

رًوَحًيَ بًدَوًيهَ · 01-20-2010, 05:49 PM

أبدعت أخوي بوميثاء وصح لسانك ياطويل العمر..

وعن موضوع الباكستاني أنا اعرف يا طويل العمر أنه من الجنسية الإماراتية بس هب حاابه أسلط الضوء على جنسية الجاني لأنه ما راح يفيدني في القضية وما راح يفيد أخواني ويمكن أسبب لنفسي المشاكل من قبل الأعضاء وأنا حابه أطرح الموضوع بكل شفافية وصراحة وبعيد عن التهجم والعصبية للقبائل والدول مع إحترامي لجميع الدول العربية والخليجية ..

ومثل ما تقول يااخووي أحنا دائماً نلوم الزمن والتتطور ونقول أن الزمن سبب مشاكلنا نااسين أننا ابتعدنا عن ديننا أميال وأميال بس فاالحين نشتكي ونقول مظلومين ..
هذا النموذج من الناس أحنا ياأخووي نعيب زمااننا والعيب فينا ..
أسعدني مرورك يااخووي ( الحر ما كل المخاليق تقواه )..
وراح أسعد اكثر ان دخلت اكثر في طاولة النقاش ووضعت بعض لمساتك الجميلة والمفيدة لمجتمعنا العرب والخليجي..
وبعض الحلول لمثل هذه الجرائم..

تحياتي لك ياأخوي بو ميثاء..

ودمت بود.. __DEFINE_LIKE_SHARE__