الســــــــلام عليـــــــــكم


شحالكم كلن بحاله
والسموحه على الغيبه ،،

للشاعر ذكريات طيبه ومره في نفس الوقت ، وانا الكم الله
حلت ركابي دون المبتغى لاكن تلاحقنا باللي فيه ملحوق
واللي راح ، التاح وروح ..
ومابقى غير ذكره وانمني النفس دايم ودوووم ..
وهذي القصيده تعبر عن مايحمله خاطريه ..

تقبلوها مني واعذورني ياجماعة الخير ، واتمنى اني اكون
قدمت مايرضيكم ..

تحياتي لكم





عقب الزمان الفرح والفن ع الفـــــن
قرتني الدنيا فراق اكتابهــــــــــــــــا

مكتوب في بادي صفحته بهـــــــا أن
درب التعذب قد سلكت أشعابهــــــا

وأن مست الدنيا وليل الملا جـــــــن
يطري على نفسي عزيز احبابهـــــا

النايفه ياللي لها خافقي حـــــــــــن
عن غيرها نفسي تصك ابوابهـــــــا

قفت بها الجفوى وريح الجفى بـــن
في دنيتي ي الله ترد اركابهـــــــــــا

والضيق ياللي في وسط خاطري دن
الشاهد الله من طويل اغيابهـــــــــا

غابت ولا خيبت فيها رجاء وظـــــــن
عسن باكر لي تبين اهدبهــــــــــــا

ياموق كن الدمع عن مقرحي كــــن
واتصبر بذكرى طياح احجابهـــــــــــا

ذاك النهار اللي به الوقت قد مـــــن
يوم الغلا لمعانق الود يابهـــــــــــــا

ياريف ياللي من جدا دارهـــــــــا ذن
ب الله ترجع صوب دار اطنابهــــــــــا

وانقل لها شوق وغرامن صدر مـــن
صبن عشق حتى مواطي اترابهــــا

وانقل لها مني عبارة ترى يــــــــــن
ذيك الهموم اللي دمى مخلابهــــــا

ب الله ياريفن وصل عود وثــــــــــــن
واكتب على كفن زهى بخضابهـــــا

الجمله اللي ( من يسد غيابها من )
ببطي ولا بلقى صدوق اعرابهــــــا

وارضف عليها كلمتن توجــــــز ب أن
راحت وخلت في حشاي ازهابهـــــا


والسمووحه منكم

واتمنى اني اكون قدمت لكم وفي هذا الصرح مايليق به وبكم

تحياتي لكم
ذايع الصيت