(لو خيروووكــــ رضـــــآآ آهـــ ل ـــــك وشريـــــكه عــ م ـــركــ)

الخيل السبوق · 01-11-2009, 08:44 AM

يالسه اقرا ردودكم ونقاشكم وقلبيه يعورنيه

هيه نعم الاهل هم العزوه والدم ما يصير ماي

الاهل ربونا وعلمونا وتعبوا علينا واكيد ما يبون الا مصلحتنا

لكن..

حرام

والله حرام يتدحلون في هالموضوع اللي هو عباره عن حياة كاملة متكاملة

انتوا تتكلمون عن الحرمه جنها شي بسيط اول هين

ليش منو الحرمه؟؟!!

الحرمه ترا هي الاهل بعد!!

هي اللي بتشل اسم الريال وبتصون بيته وبتعينه في حياته

في وايد اشيا قلتوها والله انا اعتبرها مثاليات وهتافات عالفاضي

واحس ان الاغلبيه بس يرمسون من غير فهم ولا تفكير .. مجرد كلمات يغنونها

الاهل والاهل والاهل

على فكره

اللي ما تعرفونه

ان الاهل مرات يكونون نقمه عالانسان

لكن للاسف لا مفر منها

حرام لانهم اهل يفرضون عالانسان نمط حياته وقراراته

حرااااااااااااام تعرفون شو يعني حرام!!!

في اهل ما يفكرون في عيالهم صح

ما يدرون انهم يدمرونهم بهالطريقه

كل شي على حسب اختيارهم

الدراسه الشغل الزواج

مب حرام جيه؟؟!!

ونحن شو؟؟؟

نحن نموت عشان هم يعيشون عمرين؟!

عمرهم وعمرنا؟؟!!!

ما في حد ما يحب هله ويبا رضاهم

وانا عن نفسي من استويت وانا ماشيه على شور هليه

في كل صغيره وكبيره

طبعا انا وضعي مختلف

انا بنيه ومالي شور ولا لي قدره اني اعارض هليه

طبعا يبين اني متضايقه وحالتيه صعبه

لكن عى قولة الانجليز who cares??!!

يعني بالطقاق .. ما بيهمهم رايي المهم اللي يبونه يمشي

بس بالنسبه للريال بصراحه انا اعتبر هالشي مسألة رجوله

الريال اذا ما قدر يتمسك باللي يباه في هالموضوع اللي هو طبعا الزواج وشريكه العمر

واذا ما قدر ياخذ موقف ويتخذ قرار

اسمحوليه يعني ما يستاهل انه ينقال عنه ريال

يكون اي شي غير انه يكون ريال والسموحه منكم

ولا تقولون اللي ما فيه خير في هله ما في خير في الناس

انا ضد هالشي

اللي في خير فيه خير لكل الناس مش بس هله

عيب ان الريال يخسر نفسه واحترامه ورجولته في هذا الموقف

هذا رايي واعتقد انه هذا هو الصح

وبالنسبه للاهل بصراحه

المفروض يفكرون في عيالهم يوتنازلون عن الشعارات والعادات والخرابيط اللي ممكن اتدمر عيالهم

لانه مثل ما العيال محاسبين عند ربهم اذا قصروا في حق اهلهم

الاهل بعد محاسبين اذا ظلموا عيالهم

بس للاسف هم ما يعرفون هالشي وغافلين عنه

عشان جيه يلعبون في حياة عيالهم بكل جبروت ومتجاهلين انسانيتهم وحقوقهم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أهـــ العين ـــل ظروري : استفسار عن أفضل أماكن البوفيه للحفلات	محروم.كوم	منتدى أخبار المواقع والمنتديات العربية والأجنبية	0	04-14-2010 03:20 PM
(( مـــنوعـــــــــــات فتــــــ vtc ـــــك ))	@راعي الفتك الابيض@	سيارات و دراجات	24	06-20-2009 02:10 PM
+ اضف لمعلومـــــــــــــــتــــــــــــــــــ ـــــك	محروم.كوم	منتدى أخبار المواقع والمنتديات العربية والأجنبية	0	04-26-2009 03:20 AM
يحــــ لــــ {تـــبتـــسم} ـــــك ــــــق ..!	محروم.كوم	منتدى أخبار المواقع والمنتديات العربية والأجنبية	0	04-10-2009 10:30 AM
غـــــ ..~.. ــيــــا بـــــ..~.. ـــــك	قـلب دبـي	الشعر المنقول	10	11-02-2008 08:13 PM