تدريب الصقر (بالصور)

محروم.كوم · #1 01-06-2010, 09:50 AM

السلام عليكم
اخواني شدني سؤال لخونا هاوي طير وحبيت اني اعمل منه موضوع مدعووم بصووور للفايده
وهو كيف تصقر الطير من البدايه للانهايه
طبعن كل واحد وصقارته للطير وانا بتكلم عن صقارتي انا
طبعن الموضوع بنخلي في فكاها وضحك عشان ما يملل القراء

رحت للسوق الطيور وجلس تغلب بطيوور هذا زين وهذا مو زين
امهم شي انك تشتري الطير من نفسك يعني الطير داخل مزاجك عشان تصقره صح
مو عشان فلان قال اوو فلان يمدحه وفلان وفلان
الحين طب وتخير بطيووور هذي للعلم الصووره هذي موو لي مدري منين ماخذه كانت مخزنه علي جهازي
1-

رحت البيت وجلس في المجلس برووحك وطير مبرقع علي ايدك تقوول للطير يا انا يا انت يا طير (((( صدق يا الربع والله اني اسولف مع الطير ))) الي في راسك منطحن منطحن بس خلك عاقل ولا طوله ترا انت الي راح تتعب وانا مرتاح
طبعن الحين احط الطير علي وكره ورح اجهز عدت التعذيب تعرف طير جديد العبوور قريب
اغراض التعذيب
1- غرفه شغال فيها مكيف بدون فرش (( مافي مشكله اذا المجلس )))
2- مسجل = راديوووو (((( مافي مشكله تلفزيوون )))
3- مرش الماء ويستحسن انك تمر علي البراده ماء بارد (( ثلج))

اخلي الطير علي ايدي عشان يتعود علي الكف راح تعين الطير راص عمره افك برقعه بشويش وخليه يشوف الي حووله ورجع ابرقعه لان تفكيره في الحظه هذي مشوش وخايف انت تطمنه انك تخليه يشووف الي حوووله
وكل نص ساعه نفس الطريقه تفك برقعه وتخليه يشووف اكثر يعني كل مره تزيد المده بعدين تفك برقعه وتخليه واذا كفخ تبرقعه بركاد وترشه بالماء (((( طبعن الي يطيح الي في راسه كثرت النقل )))
2-

طبعن يمسي اليووم بدوون اكل
الحين بنام بس مابي الطير ينام وابيه يسمع صووت الناس ويتعود عليه
اوديه غرفت التعذيب
ورشه رشتين ماء والمكيف شغال وحط المسجل ودور القناة ما تسكر شغاله علي طوول
وحطه ورووح نام و الطير الحين يسمع صووت الناس ومراح ينام وشوي شوي راح يتعوود عليه وهذا الي انا ابيه
3-

الحين شيل الطير ونقله في المجلس واذا سيرة علي احد اخذه معاك عشان يتعوود علي السياره ويتعوود علي صووت الناس وفرع الطير وبرقعه علي هطريقه اي يشباب نسيت شغله وهي لما تنقل الطير لا تخلي ايدك مثل الوكر يابسه لا كل شوي حركه وكل ما فرعته امسح عليه بشويش
ونصيحه مهم جدا جدا جدا

اذا مسحت علي الطير لا تمسحه بسرعه كنك خايف منه لا يقرطك في منسره اوو يمشخ ايدك كذا تخرب الطير
امسحه شوي شوي حتي لوو فتح حلقه ما عليك منه مراح يقطع ايدك واذا قربت ايدك خل ايدك عاديه وهي رايح للوجه اطير البعض كنه يتختل للراس الطير يبي يغفطه لا هذا خطاء
بعد يومين عش الطير علي ايدك عشاء فخذ طبعن وانت تعشيه اخذ قلبه بصياح ذله فيه الفخذ هذا كل نص ساعه عطه خله ينتشه مرتين ويصح في اذن الطير خل راسك عن راسه واسحبه منه وبرقع الطير 4او 5 مرات علي هطريقه لين كل ما تعطيه حاول انك تقرب الطير منك تحطه قريب منك وتخلي راسك فووق ومره تحطه بحضنك ((طبعن وهو علي ايدك)) لين يخلص النسوور هذا
ثاني يووم ندخل في تنقيز الطير

تجيب الوكر وتحط الطير وتلبس ثووب المهمات الصعبه وتكوون برووحك
الحين تشووف من الطير هل راح ينقز اوو لا

اذاما نقز تقرب ايدك له شوي

واذ ما نقز بعد تحط ايدك تحته وتخليه يذوك الحم

وترفع مع الحمه من فوق الوكر عشان تجريه وتطمعه بلحم ان علي كفك

الحين ترده علي الوكره وتطلع الحمه من جديد له راح تشووفه اشلوون مركز علي الحمه وعلي الكف

والحين نقز الطير راح تعطيها ضحكه خبيثه مع ذكر الله مشاء الله

طبعن مع التكرار هطريقه راح تشووف الطير طاح الي في راسه

بعدين توووصل للمرحله السعيده وهي تسبيل الطير من سبووق جديده ووكر جديد ودس جديد كل شي جديد في جديد
شوفو الصوره هذي بعد التعب هذا نفس الطير هذيك بدايته وهذي النهايه

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مقناص 2010 و الحرار الشقر و الرنج الاسود بالصور	محروم.كوم	منتدى أخبار المواقع والمنتديات العربية والأجنبية	0	04-14-2010 10:50 AM
شاهد بالصور اول تدريب للحضرى والحارس الدولى يقود مران الحراس وحضور خالد بيبو	محروم.كوم	منتدى أخبار المواقع والمنتديات العربية والأجنبية	0	07-24-2009 02:30 PM
توضيح اجزاء جسم الصقر بالصور...	محروم.كوم	منتدى أخبار المواقع والمنتديات العربية والأجنبية	0	07-10-2009 07:20 PM
عش ام سالم ..((بالصور))من الصقر الاشقر	محروم.كوم	منتدى أخبار المواقع والمنتديات العربية والأجنبية	0	06-25-2009 04:10 AM
$$ تسميات انحاء جسم الصقر بالصور $$	محروم.كوم	منتدى أخبار المواقع والمنتديات العربية والأجنبية	0	04-22-2009 12:30 PM