قصيده مؤثره لشاعر مجهول !! - الصفحة 2

( همس الليالي ) · #1 06-17-2008, 05:08 PM

الســـلام عليكــــم ورحمة الله وبركــاتهـ

،.::.،

قصيده لشاعر مجهول

وهو الحبيب الذي تعرف على حبيبته من مشيتها في مكان عام ومع ذلك لم تعرفه ..!!

ويقول فيها :

شفتها يا سعود صدفه بعد ما غابت سنين *** عند قسم المختبـر وسط مشفى الجامعـه

جيتها ثم قلت ممكن في سؤالي تسمحين *** ناظـرت فينـي بدهشه نظره متواضعـه

قالت انته تـحسبني من بنات صايعين *** تـحسبني في زماني عن طريقي ضايعـه

قلت انا ماراح اطـول كلبوها كلمتين *** وابعـدت عني شويه ثم جتنـي راجعـه

قالت اسال واضح انك من رجال طيبين *** بس هرجك يالسنـافي كان وشهو دافعـه

قلت انا حبيت وحده يـوم كنا صغيرين *** ومن ثمان سنيـن راحت للمواصل قاطعـه

عقبهـا ماذقـت نـوم يهتنيـه النايمين *** ساهر في طول ليلي لين شـمسي طالعـه

اذكر انه فيه حبه فـوق ثغـره من يمين *** واذكر انه لاجـرينا كـن شعـره تابعـه

واذكر انـه عاشـق الورد والياسمين *** وصار قلبي بالـورود اللي عشقهـا زارعـه

طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طابعه

>> اسمها سعاد

قاطعتنـي بقولها سبحـان رب العالمين *** كـررتـها مـره .. ومرتين .. ورابعه

قلت وشفيك وشبـلاك يابنيه ترجفين *** ليش عينك يابنيـه من كلامـي دامعـه

قالت الموقف وقلبـي والمحبـه والحنين *** كيف اشوفك بعد ماكنـت عنك قانعـه

قلت انا بسألك ان كانك انتـي تذكرين *** عن مواثيـق ثـمنها من حياتـي دافعـه

قالت ظروف الزمان ماتطيـع العاشقين *** بيعونـي غصب حبك لو هو ماني بايعـه

انا في دنياي حالي كنهـا حال السجين *** حتـى لو فكـوا سراحه فيه شي ٍ مانعـه

زوجوني غصب واحد وحرموني حاجتين *** السعاده فـي زمانـي والحيـاه الرائعـه

والحين انا ام لثلاثه ريـم وياسمين *** والولد اسمه على اسمك والمشاعـر جايعـه ...!!

وأن شاءالله تعجبكــم

[overline]أختكـم / همس الليالي [/overline] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيده لشاعر عبد الله بن زويبن يسندها لشاعر المدمر عضيب هليل الحربي	محروم.كوم	منتدى أخبار المواقع والمنتديات العربية والأجنبية	0	07-17-2010 02:30 AM
قصيده لشاعر عبد الله بن زويبن يسندها لشاعر المدمر عضيب هليل الحربي	محروم.كوم	منتدى أخبار المواقع والمنتديات العربية والأجنبية	0	07-17-2010 02:20 AM
عدل على عدل (قصيده لشاعر سليمان العويس)	محروم.كوم	منتدى أخبار المواقع والمنتديات العربية والأجنبية	0	02-14-2010 09:50 AM
قصيده اخوكم خبير نيسان في موتره (اتمنى ان تنال اعجابكم)	محروم.كوم	منتدى أخبار المواقع والمنتديات العربية والأجنبية	0	06-24-2009 05:10 PM
قصيده مؤثره عن الأم	ولد الاوغاني	الشعر المنقول	6	02-07-2008 05:08 PM