•..{ يا عاشقين اسمعو قصة غرام احكمو}..• - الصفحة 70

&المحروحة& · 03-17-2010, 11:29 PM

ربي يسهل لج امتحاناتج

ولاتستعجلون ما بطير القصة

الصبر واايد حلووو __DEFINE_LIKE_SHARE__

عيناوية العرج · 03-18-2010, 04:01 PM

يلـآ غنآتـي..,

نتريــآ البـآرت اليـآي..

بفآرغ الصبـر..^_-..! __DEFINE_LIKE_SHARE__

تابوت الحرب · 03-18-2010, 04:16 PM

يلا الحين عندج اجازه الخميس والجمعه

نباا الباارت يكوون طوويل __DEFINE_LIKE_SHARE__

ţЋề ĀИģĔŀ · 03-18-2010, 07:59 PM

سيف: مابغيج تقربين منه
مهره: أوكي
سيف: ولا يقرب منج
مهره: أوكي مابسير صوبه
سيف : واذا هو موجود اتمين عندي
مهره: لهدرجة تغار
سيف: هيه
مهره: أوكي مابقرب منه

صوووب عبيد وفطووم
عبيد : فطووم
فطووم: هلا
عبيد: حلو الكوفي
فطووم: هيه
عبيد:غاد يوم بتصيرين لي ماشي مطاعم كله من ايدج الحلوه
فطوووم:..........
عبيد: عطيني ايدج
فطووم: ترمس عمرها وااي فشله كيف اعطيك ايديني

صووب بيت قوم فطووم رن تلفوون البيت
أم فطووم: ألو السلام عليكم منو معاي
المتصل : أنا ربيغت فطووم أقوول خالوه ترى انا عرفت انب نتج راايحه المانيا وانا هناك بس حبيتا سير صوبهم ممكن تخبريني وين هم
أم فطووم: رايحين الثلج
((عطتها أم فطووم العنوان ))
صووب أم سيف وبو سيف
أم سيف : أبويه بو سيف خلنا ندخ داخل ترانا تيمدنا
بو سيف : يلا عيل بو عبيد
بو عبيد : هلا
ب
نرجع صووب عبيد وفطووم
عبيد: يلا عطيني ايدج
فطووم:........
.......: ما أظن تقدر تعطيك ايدها واصلا انت ماتمسك غير ايدي انا
عبيد: أنتي شو تسوين هني
...: ليش حبيبي ماشتقتلي
عبيد مسكها من ايدها وسار شوي بعيد عن فطووم
وخلى فطووم بمكاانها مصدوومه هذا الي يبغي يخطبني ياربي لي شانا حظي عاثر جي ليش
عبيد: شوفي مريم كفينا من شرج وفارجي
مريم: احين تقارني انا بهذي الي حذالك
عبيد:هذي الي تتكلمين عنها احسن عنج بمليووون مره
مريم:عبود حبيبي أنا تعباانه الحياه مالها طعم بدونك
عبيد: احين حبيبج وينج عني من زماان
مريم : والله تندمت يا عبيد والله أحبك
عبيد: بس أنا
قاطعته فطووم قبل لا يقوول مااحبج
فطووم: وهو بعد يحبج ومافي شي بيفرقكم ولا شي
عبيد وهو مصدووم : أنتي شو تقولين

فطووم: مب أنت تحبها وهي تحبك خلاص أقوول أسمج بالخير
مريم : مريم
فطووم : مريم انتبهي على عبيد ولا تزعليه
مريم : عبيد بعيوني
عطتهم فطووم ظهرها وكانت بتمشي بس عبيد مسك جتفها
عبيد: أنتي اكيد ينيتي تعرفين انتي تبين اخذ منو تبين اخذ وحده منحطه كرامتها بالارض
فطووم وهي تمش دموعها : لا ياعبيد هذي حبيبتك لا تقول عنها جي
عبيد: تخسي هذي تكون حبيبتي أنا ماعندي حبيبه غيرج
مريم: ليش تخسي وين الي كان يبوس التراب الي امشي عليه
عبيد: تراج قلتيها كاان
مريم: يا عبيد والله أني تعباانه بدوونك
فطووم: أنا أستأذن
عبيد: وين
فطووم:عند الاهل
عبيد: يلا انا بعد
فطووم: لا أنت تم عندها تفاهمو
عبيد: على شو نتفاهم الموضوع خالص من زماان ماشي تفاهم امبينا
حطت فطووم ايدينها على شفاة عبيد حس عبيد بحنان ورقه ونعومة ايدين فطووم يوم لامست شفاته
فطووم: لا زم تتفاهمون
مريم : مشكووره مابنسالج وقفتج معاي
فطووم: العفو
((راحت عنهم فطووم ))
مريم: عبيد تعال ايلس بنتكلم
عبيد: على شو نتكلم انتي بانسبالي خلاص شي وانتها من حياتي
مريم : بس
عبيد: جب ولا كلمه واذا استوى شي بفطووم مابخليج حيه تفهمين
مريم ترمس عمرها بعد ماراح عنها عبيد : ان ماكرهتطووم فيك ما اكوون انا مريم

صووب فطووم الي كانت راجعه صوب العايله شافها سيف ومهره
ودموعه أربع اربع
سيف : فطوووم !! بلاج
فطووم من كثر الصياح حظنة سيف
فطووم: سيف أنا تعبانه أحس اني هب قادره اتنفس احس اني بمووت
مهره : وعبيد وينه
فطووم من سمعة اسم عبيد زاد صيااحها
مهره: سيف خلنا نحن بنات نفهم بعض
سيف : أوكي بس فطووم وين عبيد
فطووم: ماعرف
مهره: ليش هو ماكان معاج
فطووم: امبلا بس لا تسؤلوني عنه
مهره استغربت : خلاص سيف سير انت دوره
فطووم: ليش تدوره
سيف: ها بكلمه شوي
مهره : تعالي بنيلس هنااك

فطووم: مهره أنا تعباانه
مهره: قولي لي حبيبتي بلاج
فطووم: وعديني ماتقولين لحد
مهره : مابقوول قولي
فطووم: انا أحبه بس حسيت ان مريم تحبه وتستاهله أكثر
مهره : مرييييييييم
فطووم: هيه
مهره: ومن متى هالسالفه
فطووم: اليوم شفناها وووحسيت انها تحبه صدق وهو كان يحبها يعني انا خربت امبينهم
مهره: آآآآه يافطووم أصلا هو ميطيق مريم بعيشة الله يكرها
فطووم:بس
مهره:أنتي ماتعرفين مريم كيف جرحته جرحته جرح كبير صح هو ماقالي بس اخوي واعرفه والحب الي ماشافه عند مريم شافه عندج انتي
فطووم:....................

صووب سيف الي ساار يدور عبيد لقاه مع وحده مب غريبه
سيف: منو هذي اعرفها .........م مريم

مريم : عبيد أنا متاكده انك تحبني وماتبغي غيري انا أنت مارحت لفطووم الا لانك محتاج
((مسكت مريم ويه عبيد بكل رقه ))
مريم : عبيد حبيبي تذكر لما كنا نظحك ونزعل ونرضى الله محلى هالايام تذكر لما كنت تزعل يوم ماتسمع صوتي
رد عبيد بالذكريات لورى ابتسم تذكر حياته قبل
مريم : ماتبغي نرجع لحياتنا قبل
عبيد: كان بيقول هي بس لحظه ليش تذكرت كل شي ونسيت الغدر والخيانه لا لا يامريم لا الانسان مايغلط مرتين

سيف يوم شااف انه مريم مصختها سار الهم
سيف : عبيييييييد
عبيد: ..........
سيف: ماشا الله ردينا للحب الاولي على الاقل قوول فيني احترام بوصل بنت الناس لاهلها
((للمعلومات مهره قالت لسف أن عبيد يب فطووم وفطووم تحبه))
عبيد:ليش فطووم شو استوالها
سيف: قوول شو ماستوالها
اهني عبيد خااف على فطووم وطالع مريم بحتقااار اذا صاار الها شي مابتمين حيه
ساار عبيد بس مريم مسكت سيف
مريم : أنتو ليش واقفين جداام سعادتنا
سيف: ههه لانه نحن مانزوج عيال ببنات كرامتهم والارضوااحد
مريم : صدق قليل ادب
سيف هيه خليت الادب لج

نرجع صووب مهره وفطووم
مهره: يلا فطووم تعالي مسحي دموعج عشان محد يحس
فطووم: أوكي
مسحت فطووم دموعها ورجعو عند اهلهم
أم غبيد: عيل وين سيف وعبيد
مهره: أحين بيرجعوون
أسووم: فطوووووووم
فطووم: هلا حبيبتي
أسووم: بلاهم عيونج
فطووم: مابلاهم شي
أسووم: ماعرف بس احس عيونج منتفخه
شما : هههههههههه ليش بالونه عشان تنتفخ خخخ
خالد: أسووم
أسووم:بدوون حاسيه : عيوووونها
خالد يكمل : فديت عيونها
شما: لحقو انتو
مهره: حلفو انتو بس أحين لو سمعتكم خالوه ولا ماما
أسووم: والله هب قصدي بالغلط
شما : يا الخرط جاان من ساعه طايحين لي كلام حب وغراام
خالد: ياربي من الي يغاارون
شما : على شو اغار
خالد: مالت عليج بس اقوول
أسووم: خلوود
خالد: هلا
أسووم: شو كنت بتقوول
خالد: نسيت
شما : حخخخخخخخخخخخخ أحسن
أم سيف : يلا عاد يا عيال يلا بنرووح
أم عبيد: هيه والله يلا
بو سيف : باجي عبيد وسيف بنصبرهم
مهره : يلا بابا نبغي نرووح
بوعبيد: و أخوج صبري شوي
حموود كان يطالع مهره من بعيد وحب يكلمها داام سيف محد
حموود: هلا والله
مهره: أهلين
حموود:مهره شرايج تروحين معانا أحين برووح أنا
مهره تذكرت كلام سيف :هاا لا لا بنصبرهم رووح أنت
حموود : توج تبين تروحين لهدرجه لاعب بعقلج
مهره: حموود أبغي اروح مع اهلي
حموود : كييفج

وصل سيف وعبيد لعند أهلهم وكانت عيوون عبيد على فطووم بس فطووم ماتطالع صووبه خير شر
وصل الباصين الي بيوصلوهم للبيت باص ركب فيه الاهل وباص الشباب والبنات
يلس عبيد حذال فطووم
عبيد: فطووم
فطووم: ................
عبيد: سمعي فطووم ماشي بيني وبين مريم أنتي فاهمه السالفه غلط
فطووم: ...........
عبيد: تكلمي عااد
فطووم: .............
عبيد: أعرف انج تبيني
فطووم: منو قال
عبيد: أتحداج أنج تبيني
فطووم: لا ماابغيك
عبيد: تتحدين
فطووم: هيه أتحدى
عبيد: عمري ماتحديت حد وخصرت جدامه والي ابغيه يوصلني باي طريقه
فطووم:............................................ ......

((صووب سيف ومهره ))
مهره: سيفو ماشي مشكله لو سار معانا خلاص هدى
سيف : كيف تبغيني أهدي وهو كله لاصق فيج لعنبو حرمته شو
مهره: ياربي خلاص خلنا نغير مكانا
سيف:هههه عبالج مابيلحقنا
مهره: آآآآآآآآه
سيف بصووت عالي ومسمووع: افاا حبيبتي ليش تتنهدين مب من شي من الي ورااج مايخلي حد بحاله
محمد:شقصدك
سيف: أنت فاهم قصدي زين
محمد: أحترم نفسك واعرف مع منو يالس تتكلم
سيف: ليشم نو انت الشيخ وانا مادري
محمد: هيه شيخ وغصبن من عيونك
مهره : بس خلاص ماله داعي هذا كله خلاص
سيف: شوفي ولد عمج الصرااحه مصخها كل مارحنا مكان ورانا ورانا اخااف الحرص الاميري وانا ماعرف
مهره: بس سيف خلاص هو ماقال شي خلاص
سيف : هيه دافعي عنه

((ساار سيف عنهم عداال عبيد))
سيف : بلا ك عبيد لا يكةةن ست الحسن والدلال بعد مظايجه فيك
عبيد: أحين ما اقدر اقوول اي شي اصبرو كلكم وبتشوفوون
((صووب حموود الي استغل بعد سيف ورااح صووب مهره ))
حموود: مهره أنتي مظاايجبج وجوودي
مهره: لا بس يليت ماتظاربون انت وسيف
حموود : بس هو الي يبدى يسب وجي عكيفه
مهره ادمعة عينها : ياليت يقرب اليوم الي ماتظاربون فيه
مسح حموود دمووع مهره
حموود: ماعاش الي يخليج تصيحين دمووعج غاليه لاتنزليلهم على اي شي
سيف : يضحك ظحكة استهزاء والله عشنا احظنو بعض بعد
stooooooooooooooooooooooooooooooop __DEFINE_LIKE_SHARE__

عيناوية العرج · 03-18-2010, 08:34 PM

البآآآآآآآآرتـ طرطوورييشن بصرآحه

و هذآ حمود يقهههر رآز فيييسهـ

..يلـآ نيريآ تكملهـ ^_- __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جديدي حكاية عاشقين	محروم.كوم	منتدى أخبار المواقع والمنتديات العربية والأجنبية	0	03-18-2010 08:11 AM
حوار بين عاشقين	وريثــة القلــب	شعر و خواطر	5	10-15-2009 09:45 PM
الامير الفارس محمد السديــري رحمه الله اسمعو نخب القصيد	محروم.كوم	منتدى أخبار المواقع والمنتديات العربية والأجنبية	0	07-10-2009 02:20 PM
نعيمي وليا الفخر {}{}{}{ رجال إذا اسمعو نداه اجمعوا لبيه	كنترول النعيم	تصاميم الاعضاء	24	06-30-2008 12:36 AM