•..{ يا عاشقين اسمعو قصة غرام احكمو}..• - الصفحة 29

غلاك فـ قلبي · 01-25-2010, 07:09 PM

شو تتوقعوون عبيد ردت فعله مع مريم بعد الي استوى وكيف رشوود بيخلي فطووم تفرح بعيد ميلادها ؟؟

اكيييد بينساااها وبياخذ عواش..

امممممممممم مااادري..

تسلمين حبوبة على البااارت
ونتريااا التكملة؟؟؟ __DEFINE_LIKE_SHARE__

nasoma · 01-28-2010, 12:53 PM

[align=center]تسلمين اختي عالبارت

نترقب البارت الياي[/align] __DEFINE_LIKE_SHARE__

QặlB MηђặЯ · 01-29-2010, 02:02 AM

نتريييييييييييييييييييييييييييييييااا البااارت ع احر من الجمررررررررر __DEFINE_LIKE_SHARE__

ţЋề ĀИģĔŀ · 01-29-2010, 11:59 AM

سيف: عبيد خنرووح عالبحر
عبيد:........................
سيف: أوكي

وصلو عند البحر وعبيد حالته حاله
سيف: عبيد بلاك توك تبغي تدورها
عبيد: خلاص سيف لا تكلمني عن السالفه
سيف:
عبيد: هيه هيه أنا الغلطان أنتو صح أنا الغبي
سيف: يعني شفتها
عبيد: هيه شفتها
سيف: صدقني رااح تلاقي أحسن منها
عبيد: بس أنا ما أبغي عوااش
سيف:خلها تولي هب لازم تتزوجها ألف وحده تتماناك بس تصبر أنت تتمناها
عبيد:والله ماهقيت هالحركه منها
سيف: عبيد أنت كيف عرفتها
عبيد: سالفه طويله
سيف: أنزين قولها باختصاار
عبيد: أول مره شفتها يوم فاتحني أبوي بالعرس
ترى غرفتي دريشة حجرتي مجابله دريشتها كنت معصب وهي كانت اطالعني

ومن ذاك اليوم ونحن كل أنطاالع بعض في نفس الوقت واستوت قصة الحب
عمري مافكرت أسأل عنها بس الي أعرفه أن أخوها رياال والنعم فيه
سيف: أخوها رياال وله الحشيمه لاكن هي أبداا
عبيد: بس أنا ما أقدر أطلعها من بالي
سيف: مثل مادشت بتطلع
عبيد: أتمنى
سيف: يا اللله يا اخي خلنا نرووح البيت تأخرنا على خلوود
عبيد: هه يلا
سيف: أظحك الدنيا كم تسوى

ركبو السيااره والكل ساكت شوي ويرن فوون عبيد
عبيد: هلا مهره
مهره: أهلين
عبيد: أحين نحن بنوصل
مهره: اهاا أنزين منو فااز
عبيد: يسوي عمره مايعرف شي : منو فاز في شو
مهره:في التحدي
عبيد: مهره بعدين هب أحين أوكي
مهره: أوكي باي
عبيد: باي

شوي ويرن فوون سيف
عبيد: شو التلفونات ترن بالتنااوب
سيف: خخخخ يمكن

سيف: ألو
.....: ألو
سيف: هلا
.....: أهلين أقووول سيف ممكن أجووفك
سيف: أكيد
.....: أوكي أصبرك
سيف: أوكي مع السلامه
...: مع السلامه
عبيد: وين
سيف: المستشفى
عبيد: مستشفى ليش
سيف: ماعرف
عبيد: من الي متصل
سيف: رشوود
عبيد: الله يستر
سيف:هههه

عند خلوود ومهره
خالد: أبغي أرووح
مهره: هههه ليش مليت منا
خالد: هيه
مهره: حماار كااش في الويه
خالد: شو تبيني أسوي من الصبح اهني والله مليت
شوي وينفتح الباب بقوو
أسما : مهررررررره
مهره: أسووم بلاج
خالد كاان منصدم أسوووم
مهره: بلاج
أسووم: أبويه يبغيني أسير معااه والله ما أسير رحنا بيت يدي بس ماجفته أنا ما أبغي أرووح معاهم أبغي أتم اهني
خالد: خسي حد يشلج غصبن عنج
أسووم: دخيلك خالد قووله بتم اهني ما أبغي أرووح معاه كرهتني حرمته الحيااه

خالد: افااا عليج ما أكوون خالد لو ماخليتج اهني
أسووم: مشكوووور
خالد: العفو

نزل خالد تحت عند أبو أسووم الي كان يصبرها
خالد: السلام عليكم
أبو أسووم: وعليكم السلام
خالد: ترى أسووم بتم اهني عند يدها ماتبغي ترووح معاك
أبو أسووم:شقاايل ماترووح معاي
خالد:تبغي اتم عند يدها ويدها يبغيها
أبو أسووم:أسبووع وااحد بس
خالد: عالعمووم يدي بيكلمك لأن يبغيها اتم عنده على طوول
أبو أسووم: لا شو على طوول
خالد: أنا مايخصني كلم يدي

ورااح عنه خالد وهو بيتخبل أسووم عندنا اهني لا اكيد هذي معجزه

وصل سيف وعبيد المستشفى وشافو رشوود وراحو عنده
سيف: هلا
عبيد: أهلين
سيف: شو بغيت
رشوود: سيف أنت تعرف أن فطووم يعني تقدر تقوول معجبه فيك
سيف: الطلوب
رشوود: سيف فطووم طاحت وتعورت وهي أحين اهني
سيف: تعورت واايد
رشوود: لا واليوم عيد ميلادها وأبغي أخليها تستاانس ف...
سيف: هيه فهمت
رشوود: عيل أنا أصبركم
سيف: كم رقم الحجره
رشوود: 5
سيف: أوكي برووح شوي وبرجع
عبيد: وينج يامهره
سيف: عبيد دخيلك لا تقوول الها شي
عبيد: خخخ لا تخااف سرك في بير
رااحو عبيد وسيف واشترولها هديه وكيكة

عند أسووم وخالد
أسووم:ها بشر
خالد: بتمين
أسووم: ثانكس
خالد: ولكم
مهره: تساسر خالد خف عالبنيه من النظراات
خالد: شو اسوي الشوق يظبحني ويقوولي شوفها
مهره: ويا ويهك
أسوم: شبااالاكم تتساسروون
مهره: ها لاماشي
دخلت عليهم شما الي كانت بتقوول لخلوود خيبه لأنت ماروحت
بس ماقدرت تقوول لأنها شاافت أسووم
شما : أسووووووووووووووووووووم
أسما: شمااااااااا
شما: أنتي من متى اهني
أسووم: أنا كل يوم بتم اهني
شما : حلفي
اسووم: والله
شما: تعالي بنرووح حجرتي
اسووم: أوكي
مهره: تساسر خالد: ألحق شلو الحب
خالد: أنجبي
مهره: لا لا اسووم لا تسيرين نخااف نزعل واطاالع خالد
خالد: لا لا عادي سيري
شما: يلا يلا نرووح
أسووم:هههه يلا

عند عبيد وسيف
سيف: عبيد برووح بيبلي شي اشربه وبرجع
عبيد: أوكي أنابسير قبلك أكيد رشوود هنااك
راااح عبيد ودخل الغرفه 5 وماشاف حد غير بنيه حلوه وظاول ماشافت عبيد نزلت عينه
عبيد يرمس عمرهوالله هذي البنت هب مريووم يووم اشووفها اتم اطالعني لا وبحقااره بعد
عبيد: أقوول أنتي فطووم
فطووم: ها هيه
عبيد: وين رشوود
فطووم: برع
عبيد: هيه عيل اسمحيلي

أول مره بحياات فطووم حست بإحسااس غريب رعشه أول مره تحس فيها
فطووم: والله أحلى هديه يا رشوود بس ليش جسمي جي يرتجف
صووب عبيد
سيف: ها عبيد وين رشوود
عبيد: ماعرف
سيف: يمكن عند فطووم داخل
عبيد: لا ما أظن
سيف: خلنا ندش انزين
عبيد: لا أنا شيخصني انت دش
سيف: تعاال
رشوود: سيييف
سيف: أنت وينك
رشوود: رحت هنااك شوي
سيف: اهاا
رشوود: يلا دش

دخلو عند فطووم الي استاانست يوم افت سيف
بس كبرت فرحتها يوم شاافت عبيد
سيف: حمد الله على السلامه
فطووم: الله يسلمك
سيف:وكل عام وأنتي بخير عقباال 100 سنه
فطووم: ههه وأنت بخير
عبيد: ياربي شبلاني كل ما أسمع صوتها أحس برعشه : أقوول سيف
سيف: هلا
عبيد: أنا بطلع أصبرك برع
سيف: لا لا قر نحن أحين بنرووح
فطووم: ترمس عمرها افاا ليش بيرووح
سيف: يلا عيل نحن نستأذن عبيد تعباان شوي
رشوود: افا عبيد بلاك
عبيد: لا ماشي بس راسي يعورني شوي
رشوود: الله يحفظكم
راحو بس يوم وصلو السيااره تذكر عبيد أنه نسى مباايله
عبيد: الله يخسني
سيف: ليش
عبيد: نسيت المبايل
سيف: أرووح ايبه
عبيد: لا انا بررح ايبه

رااح عبيد وفي طريجه انصعق من الي عطته الفون
.....: نسيت فونك
عبيد: أنتي ليشت حركتي
....: لأنك نسيت فونك
عبيد:وليش ماتعطيه أخوج
...: سار يشرب كوفي
عبيد: يلا ارجعي مكاانج عشاان ماتتعورين
...:احمرت أوكي
عبيد راح عند السيااره وككل فكره بالي استوى
عبيد: معقوول اعجبت لا لا بعدي وفي لمريم بسس مريم ماتستاهل
تم يكلم عنره لين ماوصل السيااره
سيف: بلاك تأخرت
عبيد: ها

عند شما وأسووم
راحت شما نزلت تحت عشان تجهز العشى وأسووم كانت تتكلم بالفوون
أسووم: نحن اليوم رجعنا من السفر
...: والله ولهاان عليج واايد
أسووم: أعرف
...: أسووم أنتي كل كااش في الويه على الاقل قووليلي كلام حلو
هني كان خالد عند الباب
أسووم: يعني تبغيني اقوولك احبك
....: هيه
أسووم: أوكي أحبك
ستوووووووووووووووووووووووووووووووووووووووووووووووو وووووووووب شو بيكوون حاال خالد بعد الي سمعه وشو بيستوي مع عبيد وفطووم بيحبوون بعض ولا لا

نبذه عن الشخصيااات الرئيسيه

سيف : بطل القصه أبيضااني شعره طوييل ونعييم فيه غماازه كل من شافه يتنمااه
ويحب مهره

مهره: عيونها تذبح الي ماينظبح حلوه طوييله بس اقصر عن سيف بشوي يعني زين طوولهاا شعرها طويل
وتحب سيف

عبيد: أخو مهره أبيض شعره هب طوييل ولا قصير زين يحب مريم بنت جاارهم
بس يمكن تتغير الاحواال

فطووم: بيضه وظعيفه شعرها هب واايد طويل تحب سيف بس كل شي يتغير

خالد: أسمراني حلو طوييل وظعيف شعره طوييل ويحب أسووم مايندرا بيتم حبهم ولا لا

أسووم: سمره أمها توفت وتعيش مع أبوها الي متزوج تحب اثنين ومب قاادره تسيطر على قلبها __DEFINE_LIKE_SHARE__

غلاك فـ قلبي · 01-29-2010, 03:30 PM

ناااااااااايس البااارت

مشكورةخيتووو على البااارت
ونتريااا باارت اليااااااي؟؟؟؟؟؟؟؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جديدي حكاية عاشقين	محروم.كوم	منتدى أخبار المواقع والمنتديات العربية والأجنبية	0	03-18-2010 08:11 AM
حوار بين عاشقين	وريثــة القلــب	شعر و خواطر	5	10-15-2009 09:45 PM
الامير الفارس محمد السديــري رحمه الله اسمعو نخب القصيد	محروم.كوم	منتدى أخبار المواقع والمنتديات العربية والأجنبية	0	07-10-2009 02:20 PM
نعيمي وليا الفخر {}{}{}{ رجال إذا اسمعو نداه اجمعوا لبيه	كنترول النعيم	تصاميم الاعضاء	24	06-30-2008 12:36 AM