•..{ يا عاشقين اسمعو قصة غرام احكمو}..• - الصفحة 101

ياعمري · 05-02-2010, 11:59 PM

تسلمين على البارت حلوو

رغم انه قصير بس مب مشكله

ولا تنسين تكملينه هااع
__DEFINE_LIKE_SHARE__

F.B.I · 05-03-2010, 12:41 AM

تستاهل اسوووم

مشكووووووووووووووووووووووووووره الغاليه ع البارت __DEFINE_LIKE_SHARE__

ţЋề ĀИģĔŀ · 05-03-2010, 07:02 PM

ام سيف:جب هذي تربيتي وانا ادرى بها
سيف يته صعقه امه جي تكلمه امه الي بعمرها ماضربته ولا سبته نهاايته تقووله جب
سيف: مشكووره يا امايه ماتقصرين بس انتي يوم بتعرفين ان الحقيره وصلت كرامتها لللأرض بعد ماكانت تناطح السما وسار صووب اووم وعطاها طرااق
سيف : انتي ماتستاهلين ثقة امايه
ام سيف ((اول مره تدعي على ولدها )): يعل ايدينك الكسح قول آآمين
سيف :الله يسامحج يا امايه الله يسامحج
((راح عنهم سيف لغرفته ماقدر ايتم ولا دقيقه لانه يخاف يغلط على امه
اما خالد الي منصعق لهدرجه الي مسويتنه اسما كبير

ام سيف : حسبن الله ونعمل الوكين من ولد صدق ماربيته يضربها وبعد جدامي الله يعيني
خالد: يدوه سيري ارتاحي
ام سيف : والله مارتحت لين ما اخبر ابووه عليه
اسووم: لا لا يدووه دخيلج لا
ام سيف : ليش
اسووم: دخيلج يدوه هو مظاايج شوي دخيلج لا تخبرين يدي
ام سيف : آآآه امري لله مابخبره
خالد: يلا يدووه تعالي بوديج ترتاحين

وصل خالد يدته ورجع طيراااااان على الصاله وتم يطالع اسووم

مهره: اسووم شو صااير
اسووم:آآه ((الدمووع بدت تنزل )) ماصاار شي بس الدكتور باسني على راسي وبس
خالد يته صعقه لا اكيد اسووم تستهبل لامستحيل الا اسووم لا
مهره: شووووووووووو وكل هذا وتقوولين بس
اسووم: مهره هو ماسوالي شي بس باسني
مهره: بس ليش تتحسبين انه حد يبوسج شي عادي انتي تعرفين لو خالوه تعرف جان ماتت حرام عليج
((قام خالد من مكانه وهو هب حاس بعمره وعطى اسووم ذااج الكف الي طرحها على الكرسي وظرب حد الكرسي ظهرها بقوووو))
الكل بدون استثناء استغربو من تصرف خالد اما اسووم ماكان بإيدها الا انها تصييييييييح
خالد: انتي شو من البشر حراام عليج انتي عديمة احسااااس
سحب خالد اسووم من ايدينها وطلعا برع الصاله دخلو الممرات الي امبين الحجر
خالد: اسماا انااا ((ماقدر يكمل لانه قلبه هب مطاوعنه يقوول الها اكرهج ))
خالد:اناا خلااص بطلت احبج
اسماا: لا لا خالد لاتقوول جي لاااااااا
خالد: امبلا مب من حقي اني اقوول جي مب من حقي اني انساج انتي دمرتي قلبي ماصار عندي قلب خلللللاص
ما ابغي اشووفج بحيااتي
اسما: بس خالد انا احبك
خالد:بس انا العكس
اسما: لا خالد هالكلام مب من قلبك
خالد: اي قلب ياحسره انا خلاص ماعندي قلب
مسكت اسما ايدين خالد : دخييلك خلوود لا تقوول فرااق
خالد: لا تمسكيني انتي لو عندج كرامه ماخليتي الدكتور يسوي الي سواه

دزها خالد على اليدار بقووووووووو ((كان هب حاس بعمره )) زااد عوزاار ظهر اسماا
تمت اسما على الارض تصيييييييح خلاص منفجره من الصيااااااح كان متألمه من قلبها وظهرها

صووب غرفة الشبااااب سيف كان متسدح على السرير وحذاله عبيد وراشد مستغربين من حالته وفجأه دخل خالد وكانت حالته اسوا من سيف كان جسد بلا رووح مايحس بالي حوليه
راشد: بلاك خالد
خالد: ...............
عبيد: خالد
خاف سيف على ولد اخته وسار لعنده
سيف : خلاص خالد كل شي بيتعوض
خالد: الا القلب يا سيف
عبيد: اي عاد بلاكم
اهني انفجر خالد
خالد: ليش انا بالذات من بين الكل يستويلي جي ليش والله ان جفت الدكتور لقتله
راشد: استغفر خلوود
خالد: والله ماستغفرت والله ان جفته لقتله والله
سيف : خالد هب زين لا تقوول جي
خالد: يعله الموت كرهني بحيياااااااااااتي الله يكره بحياته الله لايوفقه

صوب اسووم الي طايحه بالممر
اسووم: مستحيييل كيف بعيش معقوله هالشي الصغير يسوي هالشي الكبير يليتني ماعرفت الدكتور يليتني ماعرفتك ياجاسم

صووب الصاله عن البنااات
شمآآآ حااسه بالذنب لانها خبرت سيف بس بعد تحس انه الي سوته صح
اما باجي البنات ماعارفاات شو يسووووون

صووب غرفة ام سيف الي كانت تدعي بصلاها الله يبعد المشااكل عن الجمييييييع ((آآمين ))

صوب غرفة الشباااب خالد من بعد الصيااح رقد اما سيف متسدح ويسمع اغاني عبيد يطالع تلفزيوون
اما راشد مايعرف شو يسوي فطلع من الغرفه

مشى شوي ووصل بين الممرات وشاف اسوم تصيييح
رشوود: بلاج اسووم
اسووم:.......
رشوود: اسووم ردي علي
اسووم قامت من مكانها بدوون ماتتكلم اي كلمه بس ماقدرت توقف عشان ظهرها
اسووم: آآآه ((طاحت على رااشد))
راشد: بلاج
اسووم: مافيني شي انا زينه
راشد: متأكده
اسووم: هيه متأكده

راحت اسووم وبالصعووووووووووووووووبه وصلت لغرفة البناات اول مادخلت ماقدرت تحطي عينها بعين اي حد
مهره:اسووم حبيبتي بلاج
اسووم ((بدت الدموع تتجمع ))
مهره: خلاص حبيبتي الي فات مات بس لا تعيدينها
اسووم: بس فاات وشل معااه اشياء حلوه استحاله ترجع شل عني خالد منو بيرجعلي خالد
مهره: خالد يحبج ومستحيل يستغنى عنج
ميره : انتي تحبين خالدد؟؟((صدق متفيجه ))
مهره: ميييره عن العبط
ميره : سووووري
اسووم:آه هالمره غير يامهره خالد كرهني خلاص
((سارت اسووم صووب شمآآ ))
اسووم: خلاص شمآآ: ارتاحي مب انتي تبينا نفترق اظحكي احين وخلاص خالد لج احين

ستووووووووب احك هل شمآآ وخالد بيكوون امبينهم شي في البارتات اليايه او انه خلوود واسووم ممكن يرجعووووووون لبعض __DEFINE_LIKE_SHARE__

بنــ اليتيم ــت .. · 05-03-2010, 08:27 PM

يسلمووووو ع البارت

مسكيـــــــــن خالد .. << الله يعينه

ما اعتقد بيكون شي بين خالد وشموووووووووه!!!

ويمكن خالد ينسى اللي صار ويرجع للحب أسما << أحلـــى شي ، احسمهم يليقو بعض هع

الدكتـــور يمكن يحب اسوووووووووم ، وبيسوي المستحيــــــل عسب يوصل لها ..

بس المهم .. شو اللي بيربط خلود بـ شمووووووه ؟؟؟

اممممممممممممممم .. ما احس فيه شي ..

نتريى البارتات اليايه..

الله اعلــــم .. __DEFINE_LIKE_SHARE__

7jairia · 05-03-2010, 09:10 PM

nice waiting for the new part __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جديدي حكاية عاشقين	محروم.كوم	منتدى أخبار المواقع والمنتديات العربية والأجنبية	0	03-18-2010 08:11 AM
حوار بين عاشقين	وريثــة القلــب	شعر و خواطر	5	10-15-2009 09:45 PM
الامير الفارس محمد السديــري رحمه الله اسمعو نخب القصيد	محروم.كوم	منتدى أخبار المواقع والمنتديات العربية والأجنبية	0	07-10-2009 02:20 PM
نعيمي وليا الفخر {}{}{}{ رجال إذا اسمعو نداه اجمعوا لبيه	كنترول النعيم	تصاميم الاعضاء	24	06-30-2008 12:36 AM