مع غيري( إلـ ع ـب) وبين له( مهاراتك) - الصفحة 32

هيمـان يالمنصوري · 02-09-2009, 09:53 PM

.الجزء الســادس والـ ع ــشرين..

••.•°¯`•.•• كرهـت طاريـك ••.•°¯`•.••

عيّشتني قـصـــــــــــة غــــرام..مـره جفـــا مــره هــــــــيــــام

مــره تقــــول الحـــــــــــب لك..ومره تقـول الحـب حـــــــــرام

مــره تصــد ومــــره تجـيــــب..ومــره تـنــاديـنـــــي حـبـيـــب

يــروقــلك ذا الجـــو يـطـــــيب..وتكويني بنيـــــــــران السـهام

العـمــر مــن عنـدك بـــــــــدى..وقـلـبـي لحبــــــــك اهتـــــــدى

من بعــد عــدوان وعـــــــــدى..ابحـرنا في بحـــــر الغـــــــرام

أوهـبـتلك عمــري وعـنــــــاي..وأصبحت لي شــــربي وهواي

وأشتـــاق لك وانـتـه معــــــاي..وشوقي مـا اتشيــــــله الحمام

أنســى بـأنـــي كـنـــت انـــــــا ..عمــرك وروحــــــــك والهنــا

مطـــرود حبـــــــك يـالظـنـــــا..مـنـته جــديــــــر بـــــالأهتمـام

لا تـعـتــذر شــرحــك يطـــــول..غــروك نـاســــك والـــعـــذول

القـلــب مــــــالك هو ذلــــــول..ما يهــــزه قـــولك والكـــــــلام

انتفض قلبها وحست بخوووف .. يوم شافت سيف جدامهـا..ما عرفت شو تسوي..الا انها صدت بنظرها صوب سهيل اللي جامد في مكانه..وعلى طول ظهرت من عندهم..

بــس..؟؟

وين تروح وين اتيي..؟؟هي ما تدل الدرب في هالمستشفـى اللي في دبي..؟؟وقفت ع صوب..وهي تتريا اتشوف ويه مألوف بالنسبه لهـا..اتريت واايد..خطفت عشر دقايق وما شافت حد من هلها..حسـت بشعوور غرييب..كأنها وحيده ومب عارفه شو تسوي..لين شافت سيف ياي صوبهـا ورافع وحده من حياته..للمرة الثانيه..بعد..ياها شعور خووف وزييغه من وجود سيف وياااهااا..مب ظامنتنه..كلمه منها على طول بيصفعها ولا عليه من حد..سكتت وما قالت شي..

سيف:ليش يالسه اهنه..؟

لا جواب..

سيف:ارمسج انا ليش ما تردين..؟؟>> يابها بعصبيه بعد..

روضه"تحط عينها بعينه ":السكووت عن السفيه صدقـه..>>يعني هالبنيه يا تصخ وتبلع لسانها ولا ترمس بس ما تقول شي زين..!!

حس بنااااااااااار في قلبه وهو يسمع منها هالرمسه..يود يده عن يصفعها مرة ثانيه ..جدام العالم والنااااااس..تمالك اعصاااابه..حاول يخلي عمره ريلااكس واعصابه باارده..حاااول..حاااول..لين ما رام يضبط عمره..صد صوبها باتسااامه..

سيف:اوكي..عيل بتيلسين واايد هني..

فجت اعيونها ع وسعهن وهي تسمع هالرمسه منه..وشافته وهو راايح عنها.."شووووو..؟؟يعني بيخليني ارووحي اهنه..؟؟شووو هاذا قااعد يستهبل ..؟؟انا ما ادل الدرب.."..

ما سوا سالفه لنظراتها وسار عنهـا..ورد عند سهيل..ويلس وياه..ونفس الحاله مسوي عمره رااقد..مرت خمس دقايق..جان ينش سيف من مكانه بيروح بيشوووف رويض شو سوت في حياتها..وهو يالس يضحك عليها..

شافها من بعيد..بعدها واقفه وقفتها وما تحركـت..سار صوبها وهو شاااق الحلج وكأنه يقولها انا اللي فزت عليج..

سيف"من ورا خشمه":يلا يلا خليج وراي فاااهمـه..

رويض:بتذلني..؟

سيف:ما بثني الرمسه..يلا اشوووف..

مشى سيف ولا حتى يأ في باله يصد صوبهـا..بس عرف انها تمشي وراااه..صد صوبها لقاها موطيه راسها وتمشي بكل هدووء..ثواني مرت بس..طالع وراااه..مالقاااهاااا..!!

طااح قلبه في بطنه..؟؟"شوفوا التشبيه البليغ"هااي وين ساارت..؟؟شو هالبنيه قالها تمشي وراااه خلته وساارت.."مستقويه حضرتها وااايد..بروح بشوفها احسن لي عن اتضيع هالخبله.."

تم يدور عليهـا..ولقاها واقفه ع طرف .. بس انصدم يوم شافها يالسه اتصيييح بصوت وااطي ودموعها ع خدهـا .. وعاطيه ظهرها للناس اللي يمشون فالمستشفـى..سار صوبهـا..وهي حست بوجوده..بس ما صدت صوبه..ما تبغيه ايشوف دموعهـا ..

سيف:رويض..رويض..

روضه:..............................

سيف:وين سرتي؟؟ .. انا ما قلت لج تمشين ورااي..؟؟

روضه"تصد صوبه":هيه اكون وراك جني الا مطيرزيه .. ولا تصد صوبي ولا شي..دعمت هندي وطاحت شنطتيه من شليتها اصد مكانك ما لقيتك..شو تفسر هالشي..خليتني جيه وحدي وسرت للمرة الثانيه..انته تبغيني اتخبلبي ولا شو سالفتك..؟؟

سيف:انزين خلاص ما استوى شي..يلا تعالي..

روضه:لا انا ما ابغي اسير ويااك..لو تيلفوني ما انغلق ارووحه جني اللحينه هب مجابله شيفتك..

سيف:هههههههههههههههههه..اوكي اوكي يلا..

روضه:قلت لك ما ابغي اسير وياك..عسب تضيعني وتخليني اصيح..عاايبنك شكلي جيه..>>وتمسح دموعها..كان شكلها شكل ياااااااااااااااااااهــل..

سيف:رويض خلاص عاد يلا..

روضه:مااريد ماااريد مااااريد..>>وصدت عنه..

نسى انها عنيده وقوية رااس..وهي نست انه سيف اول شي يتبع اسلوب التفاهم واذا ما نفع اسلوب التفاهم عنده اسلوب ثااااني اسمه بالغصب..سحب يدها غصب عنهـا عسب تمشي عداااله..كانت منصدمه من حركته..كانت هب متوقعه ايسوي هالحركه..ما حست بالوقت ويااااااااااه..كان يمشي بسرعه..وهي بعد تمشي على حسب سرعته..وقف..وقفت..مشى..مشت..

كانت تبغي اتقوله يااخي شو بلاك فج يدي؟؟..بس ما رامت..لسانها انربط..بس اللي اتسويه انها اتصد صوبـــه..وتصخ..اول ما ظهروا من المستشفـى..فج ايدهـا..وصد صوبها..

سيف:لا تحسبيني بستسمح على هالحركه اللي سويتها من اشوي..بس هاللي ينفع وياج..الواحد اذا رمسح باسلوب زين سويتيله طاااف..

سكت يبغيها اتقول شي..بس هي كانت سااكته وعيونها ع الأرض..

سيف:شوفي اهناك مكان الشقه..؟؟"واشرلها على وحده من العماير"..ركبي السياره عسب اوديج هناااااك.."وصد صوبها ولحظتها اتذكر شيخاني وقال لرويض بكل وقااحه"..عسب ما اشوفج مرة ثااانيه..

من قال هالكلمه صدت صوبه وهي رافعه وحده من حياته..ولمح في عيونها نظرة الشموخ والكبريا..عيبته هالنظرة وااايد وساروا صوب السيارة وفجت الباب اللي جدام ويلست ومسويه اكبر طااف لسيف وكأن وجوده مثل عدمه..وصلوا للعماره اللي فيها الشقه ونزل ونزلت ويااه .. ومشت عداله ووصلها صوب الشقه وساار عنهـا...

ما يعرف شو هي طبيعة المشااعر اللي سكنت قلبه وهو يبتعد بكل خطوه عن رويض..يحس عمره ندم ع اللي سووووااااه..يعني ..بدل ما يعدل اللي سوااه أمس..أقصد الضربه المحترمه..نشوفه اليوم زااااد الطين بله..والموااقف اللي استوت موول ما تسر..ولا تخلي وااحد منهم يذكر الثااني بالخير..!!!

من صوب..انفـج باب الشقه وحدرت رويض وملامح الصياح خفت اشويه ..وكالعاده المستقبله الأولـى هي فطامي..بترااحيبها اللي تنسي المتضاايج همومه..

فطامي:يااااااااا مرحبااااااااا مليوووون وزوووووووووووود..وعدد رمل الصحااري وعدد نجوم الكووون ..و عدد ما رحبوا العرب بضييفهــم..

رويض"مبتسمه":المرحب لااااااااا هاااااااااان..ما عليج زود فطامي ماااااي بسرعه..

فطامي:شكلج توج ظاهره من حرب..

رويض:ليتها حرب وبس..الحرب ويا امها وابوها بعد..لوووول..

فطامي:هع هع هع..يلسي يلسي فديييتج ..

رويض:محد من الشبااب اهنه..؟؟

فطامي:يا ذكية بيتكم..لو حد من الشباب اهنه بتشوفين فطامي مظهره امممم..تقريبن نص شعرها..

رويض:اكيد لا..

فطامي:يعننننننننيييييييييي محد شباااااااااااااااااااااب..

رويض:حزْن..شليتي اذوووني يالسبااااله..

فطامي:السب حرااااااااااام..

رويض:اوووووووووونج عاااااااااد..يلا يلا بسرعه ييبلي ماااااااي..

فطامي:شووو بشكارتج على غفله..بتتريييييييين واااااااايد لين ما ايييبلج مااي..تقريبن 6..او 7.. سنوااات..بس اللحينه فكرت خلاص ما اريد اييب لج شي...

سارت فطامي وسوت أكبر طااااااااااف لرويييييييض اللي كانت فاجه اعيوناتها على وسعهن..مر الوقت بسرعه..رويض وغبوش وموزاني وشجون ووياهن ام خليفه وام سلطان هااييلا كلهم ردوا الرماح بسيااارتين..طبعاً الدريوليه لأن محد من الريااييل اللي في دبي متفيج حتى لشوفتهـن..

بالنسبه لسلامي وامها .. وام سيف وفطامي .. هاااييلا كلهن يلسن ..وخلاف سارن المطار ويا المسااافرين ومناك ودعووووهــم..؟؟؟؟!!!!!!!!!

وخلاف كلهم ردوا للرمــــــــــــــــــــــــــــااااااح..

×

×

×

...بعـد مرور اسبووعين...

×

×

×

تخطـــي علي دايم .. وتغيـــــطني وتـروح..

ثم(ن) تجـــي نادم .. واقولك لك مسمــوح..

بيت بوسهيل..

الساعه 10 ونــص..

الحـــووي..

سلامه:اووووووووووووووووه خلوف حدك عااااااد اشووفك وااايد تغلط..

خليفه:هههههههههههههههههههه..انزين انزين فديييييتج سلامي والله احبج..

سلامه:انزين انزين كمن مرة اتقولي..؟؟؟؟

خليفه:اووكيك انا اهوووووووووووااااااااج..

سلامي"اعيونها ع الكتااااب":جديييييييييييييييمه..كح كح ..عليك غبااار..

خليفه:ههههههههه..احم احم..ودييي اغير كلمة اهوااااااااك.. بكلمة توصف كم أنا اغليك..كلمة تفسر اني وياك..عايش وقلبي ميت فيك..>>> قالها وهو يسوي عمره شاااااعر محترف..

صخت سلامي وصوت انفااسها ينسمـــع..صح يتوااقعون..ويتزاعلون لمدة 10 ثواني..وصح كل واحد يرد ع الثاني..بس يحبون بعض..سلامي ما تستغنى عن خليفه..وخليفه ما يستغني عن سلاااامي..

خليفه:سلامي..لو صارلي اللي صار لسهيل بتتركيني..؟؟؟؟؟

صدت سلامي صوبه بسسرعه..وحطت عينها بعينه..وتمت تصييييييح من الخاااااطر..عاد اهنيه تم خليفه متلوم يوم انه قاللها هالرمسه..وذكرها باخوها..

سلامي:شو انته تبيغيني تتخبل..يعني اخويه استواله هالشي ومن بدت الإمتحانات وانا حالتيه هب حاااله..ماروم اركز وانا اقرى السؤااال..اتييني انته وتقولي هالرمسه..خليفه..انت لو استوالك شي..هزري ما بيلس بعقلي ثاانيه وحده..

تم خليفه يطالعها..

خليفه:ااااااه يعلني ما ذوووق حزنج يا سلامي..سلامي..

سلامي:اعيوون سلامي وقلبها ورووحها..

خليفه"يحط يده ع يدها":جيييه انا ماااا رووووووووم..

سلامي:ويا ويهك مستااانس..

خليفه:اوووه وناسه وبس..؟؟؟

سلامي:انزين شو تبغي..؟؟

خليفه:باجر انا بسرح بج المدرسه..

سلامي:ليش بسير ويا رويض وموزاني..

خليفه:لا انا ابغي اخذج ويايه..

سلامي:خلاص عيل بقول لموزاني ولا رويض اتي وياانا..

خليفه:لييييييييييش..؟؟

سلامي"تمسح دموعها":بس جيييه..

خليفه:لا محد منهن اتيي..مب متفيج لهن ع الصبح..

سلامي:انزين انزين اهم شي رضااك..

خليفه:سلاااااامي..؟؟؟؟

خليفه:بتخبرك انته ما تعرف في هالدنيا الاا اناا..يا ولد الحلال باااااااجر عليه امتحاااااااااااااااااااااااااااااااااااااان اخر السنه شوو بلاااااااااااك..؟؟

خليفه:شوفي سلامي بخبرج .. انتي يبتي نسبه زينه ولا نسبه هب زينه..عرسنا فالصيف يعني عرسنا فالصيف..وبعد العرس تحلمييين في شي اسمه جاااااااامعه او كليه ..؟؟

سلامي:ليش خلووف انته جيه..ريل ما تشجع ع الدراااسه ولا العلم..

خليفه:يا بنت الحلاااااااااال بلا هالخراابيط كلها..

سلامي:يلا انزين انا اصلاً ماريد ادخل شي..ابغي ايلس اجابل ويهك..

خليفه:هيه جيه تغدين حرمة بيت..

سلامي:انزين انزيين..يلا حبيبي نش اللحينه و ظهر من بيتنا انا وحده ابغي ادرس..شو يعني لأنه اخر امتحاااااااااااان ما بدرسه..؟؟!!

خليفه"ينش من مكانه":اوكي اوكي ترووغيني مسودة الويه..نو بروبليم ما بتشوفين ويهي مرة ثاااااانيه..>>>> يقص عليها مسوي عمره محرج..

عاااااد سلام صدقت..كانت تزقره بس هو سوالها طاااااااف..تمت تزاقر وتصارخ عليه وهو ولا عليييييه..جان تلحقه على طوول وتيود يده..

خليفه:فجيني فجيني..

سلامي:مااااااريد..

خليفه:اقوولج فجييني عن يستوي فيج شي ما يعيبج..>>كاااان يصااارخ عليها..

فجت سلامي يده وتمت تطالعها متصنمه في مكانها..هاذا شو مشكلته..ليش جيه يصارخ عليها..ما رامت تتحرك..بس كانت اشوي وبتاكله بعيونها..

خليفه:......هههههههههههههههههههههههه..هااااااااااا ااااااااااااااااااااااااااهااااااااااااااااااااااا ااااااااهااااااااااااااهااااااااهاااااااا..اييه بلاج جيه انتي تطالعيني..؟؟

سلامي:.............

خليفه:هههههههه..ههههههههههههههههه..ههههههههههههههه هههه..يالس اسولف ويييييييييييييياج..

سلامي"تبتسم":حشى يا شكلك وانته محرج..شيطان على شكل انسان..

خليفه:ههههههههه..انزين حياتي تامرين بشي..؟؟

سلامي:لا فديت رووحـك..بس انته وين بتسير..؟؟

خليفه:بسير بشوف الناس اللي في البيوت اللي عدالنا وبييج مرة ثانيه..

سلامي"اتحط الكتاب ع الأرض":عيل بسير وياك بنسلم ع البناااااات..

تم خليفه يطالعها اشوي..وخلاف ساروا بيت قوم رويض..اول ما دخلوا..شافوا عبدالله يسحب شعر عنودي بقووه..والمشكله عنودي يالسه اتصييح بصوت عالي..والعيوز "امهم العوده" يالسه ع القعده على طرف واتصااارخ على عبودي تبغيه يترك اخته في حالهـا..اما شجون يالسه على الدري اللي جدام المطبخ واعيونها مرة ع العيوز وشلتها ومرة ع الكتاب الي جدااامها...

أم راشد:والله يا عبدالله يا ان ما تركت ختك في حالها يا ويلك ويللللاااااه منيه..

عبدالله:لا والله وهي ليش اتقولي من بعيد انننننناااا..>>>ويظهر لسانه شرات ما سوتلها عنود..

أم راشد:بعدها ياااهل..

عبدالله:لالالالا..وين يااااهل..هب يااهل هاي عيووز شرااتج..

أم راشد"اتنش من مكانها":انا عيوووووووز عيزن ركبك انته واختك وابوك..

سلامي وخليفه:ههههههههههههههههههههههههههههه..

خليفه"سار صوب امه العوده":الله يهداج يمايه شو دخل ابوه..؟؟

ام راشد:تراه هو اللي ما يرمسهم ولا يقولهم هاذا غلط وهاذا صح..

سلامي:انزين انزين يلسي..

وتيلس ام راشد مكانها...واعيونها مرة ع خليفه ومرة ع سلامي..

خليفه:بتخبرج انتي مسودة الويه هااده الدفتر مالج ويالسه اترابعين ورى خلووف..

خليفه:ههههههههههههههههههه...

سلامي"اتطالعه بنص عين":لا يمااايه انا يااااايـه اخذ اوراق مال الإمتحان اللي باجر من عند ريض..

أم راشد:سيري فوق بتلاقينها يالسه في حيرتها تاخذين الأورااق وتظهرين يا ان ابطيتي عندها في ذمتيه بالعيره ع رااااسج..

سلامي:حوووه حوووه اممممره عاد ع راااسي..

أم راشد"اتصد صوب خليفه":ع راااااااسج وع رااس رييلج بعد..

خليفه:انززين انزين ..

أم راشد:شو اللي بعد انزين انزين..؟؟انته ايييه اتشوفني يااهل جدامك ما اعرف شو هي هالحركات مسود الويه مضيع المذهب..وين عاقنه المذهب انته..فالشااارع ولا سلفته حد من ربعك هاااااااه ربعبك احمار انته وياهم فالسكه وطحتوا منه..

تم خليفه ساكت .. خاااااااطره يموووت من الضحك..ويلس عدال امه العوده وتم عاد يتمصلح كله ولا العيوز ويلس ايصبلها قهوه ويسولف ويااااهاااا..عاد شو من سوالف..؟؟عن العزبه والمزرعه وذيج الناقه شو فيها..؟؟وهالبعير مادري شو من عوق فيه..ومن هالسوالف..عسب يعيب العيووز..؟؟!!!!>>حركككات..

من صوب..خطفت سلامي ع شجون وتمت يالسه وياها اشوي..ومن سارت فوق شافت غبوش يالسه فالصاله وناثره اوراقها جداااامها واشوي بتدخل فالكتاب..

سلامي:حوووووووووووه..احيييييدهم علمي خلصوا امتحانات..

غبوش:ههههههههه..هاذا مال موزاني بس كنت يالسه اقرااااه..

سلامي:شو دخلج فيه يابنت الحلال هاذا مال 3 ثنوي..وانتي 2 ثنوي..وبعد علمي..

غبوش:ادري ادري..بس هاه الدرس عيبني وتميت اقراااه..

سلامي:اشوووف شو من كتااااااب.."ويوم طالعت الكتاب":.ووووووووععععييييي فيزياااااااااااااااا..

غبوش:وشو بلاه الفيزيا احلى مااااده..

سلامي:انا اذا يلست دقيقه عندج بموووت..مخلصه الإمتحانات وتقرا كتب..

غبوش:العلم العلم..

سلامي:حشى يا علمج ما يخلص..وين وين رويض..

غبوش:رويض..هاي من نشت من الرقاد الساعه 5 العصر شلت لها اكل من المطبخ ويلست في حيرتها للحينه مااا ظهرت ولا شفنا حتى طيفها..

سلامي:هالبنيه من بدت الإمتحانات وهي تاكل الكتب اكل..مادري شو سالفته..عككككككس الفصل الأول..احيدها اتفج الكتااااب بعد مووت..

غبوش:مادري فيها..بس الحمدالله احسن..

سلامي:هيه والله..اظني بتييب في التسعينات هااي..موزاني موزاني اللي اشطر وحده فينا ما سوت شرات رويض يوم تدرس..

غبوش:رويض بتييب احسن عن موزاني..

سلامي:انزين انزين عااادي.. درسي درسي يلا..

سارت سلامي ودقت باب حيرة روييض..بعد 5 دقايق فجت لها رويض الباب..كانت لابسه بيجامتها السماويه ورافعه شعرها كله فووق بشباصه زرقا صغيرونه ونصه طاايح لأن الشباااصه ما يودته..>>>ربكم "حرامية شباصات" ما شافت هالشباصه ولا كالعاااااده بتسرقها..لووول..

رويض:نعم خير شو تبين..؟؟

سلامي"ادز رويض":يلا يلا يلا هناااااااااك..مسوتلنا فيها الشاااطره..

رويض"تبند الباب":هيه شاااطره غصب عنج يا شووق خلوووف..

سلامي:اااااااااه علني ما خليت منه..

رويض"تيلس ع الشبريه":انتي وياه توكم حادرين بيتنا صح..؟

سلامي"تيلس عدال رويض":هيه شودرااااج..

رويض:شفتكم..من الدريشه..

سلامي"تصفق ":مشاااااااااالله علييييج..اونج تدرسين ومناك واقفه ع الدريشه اتشوفين اللي ياي واللي ساير..

رويض:هههههههههههههه..والله توني مخلصه وسرت صوب الدريشه جااان اشوفكم..

سلامي:خلصتي..؟

رويض:هيه..

سلامي:حششششى ..

رويض:قولي مشااااالله عن تحسديني..

سلامي:عنلاتج طوييييييل..

رويض:طويل قصير ... اخ تفووووووووو عليييج بتحسديييييييني..عووذ بالله منج..نشي نشي انا باخذلي شور وبرقد وبنش ع الساعه 3 فليل وبرااجع..

سلامي"اتنش من مكانها":مسودة الويه..تروغيني..؟؟

رويض:هههههههههههه..هيه ارووغج..يلا يلا..

وتنش رويض وتسحب سلامي من جتفها وتظرها برع الحيرة وتبند الباب..اول ما بندت الباااب..تنهدت من الخاااطر..يلست ع الأرض وسانده ظهرها ع الشبريه..

ما تعرف شو تقول شو تسوي ..؟؟؟ بس اللي تعرفه هو شي واااااااااااحد..انها تحاول ما تفج الدفتر مرة ثانيه..؟؟!!!!!!!!

×

×

×

عرفت أبكي من الفرحه..

عرفت أضحك من الأحزان..

عرفت ان الدموع اصدق..

وارحم من يوااسيني..

ألمــانيا..

المستشفـــى..

"

خلووه يطلقني..

..بس ابغيك تعرف انيه مسامحتنك دنيا واخره..

..انا عنده ما بستوي حرمه بستوي بشكاااره بس اهتم فيه واشوف طلباااته..

..الله يشافيك يا سهيل وترد تفرح خاطر امك وابووك..

..كيف اعيش مع واحد ويهه جيه..جنه حد حارقنه بالناااااااار..

..تشجع..

طالعي امايه طالعي..يرضيج اعيش مع واحد شرات سهيل..؟؟؟

..ترى اللي بيصيرلك فالأيام اليايه وااايد صعب..وانته لازم تتحمل عسب تردلهم سهيل ..الأولاني.. لازم تصبر..

اتقولين لسلطان ان هاللي اسمه سهيل ماابغي ارتبط ويااااااااه..

..ولا تخلي للحزن مكان في دنيتك..

اعيش مع وحش..؟؟مب ادمي هذا..مب ادمي..

..وحـــــــــــــــــش..

..وحــــــــــــــــــــــــــــــــــــــــش..

"

سهيل"يصارخ بأعلى صوته":بـــــــــــــــــــس خلااااااااااااااااص بــــــــــــــــــس..

فز سيف من مكانه ودخل الدكتور على طول ووياه السستر..

سيف:سهيل شو بلااااك..؟؟شو بلاااااك..؟؟

صخ سهيل ما رام يظهر من ثمه كلمه وحده..تم الدكتور سااكت اشوي..وعرف انه هاذا انفعال خفيف..فشل بعمره ويا السستر وظهروا من عند سهيل وسيف..اما سيف شل الكرسي ويلس عدال سهيل..

سيف:سهيل شو فيك..؟؟انته من ييت اهنيه وانته كله تصارخ وترمس رووحـك..واذا ييتك ما سويتلي سااالفه..ارمس..ترى انا خويك..

صد سهيل صوب سيف ونظرته مالها أي معنى..

سيف:خبرني شو السالفه..؟؟

سهيل:بتخبرك سيف انته ليش ما قلت لي من قبل ان شيخه هي نفسها مها اللي كنت ترمسها..

صخ سيف..ما كان متوقع هالسؤال ابداً..

سهيل"بهدووء":تدري سيف..انته من خبرتني .. استوالي الحادث على طول..سيف انته ما تتوقع كيف احبها هالإنسانه..احلى لحظاتي وانا يالس عندها..امووت فيها ..ماروم ابتعد عنها دقيقه وحـده..سيف...انا...اناااا..

سيف:...............................

سهيل:حمدت ربي يوم ابتعدت عن رويض..كنت مستاااانس لأني جرحتها وذليتها وخليتها تنهـــاااان لأكثر من مليون مرة..يوم سمعتني انا وسلامي نرمس عنها..وخلاف انا فجيت البااااب..وشفتها جدامي اتصيييح..تعرف سيف شو سويت..ابتسمت على حالها..مادري ليش كنت جيه..أحس عمري ما كان عندي قلب..ولا كان عندي احسااس..احس عمري ما كاااان عندي عقل اسوي في بنت عمي جيه..كنت دووم اقص عليها .. وهي اتصدق..اذا تيمعنا كلنا الاحظ اعيونها..كانت اتدورني..واذا غبت عنها..يوصلني انها كانت اتدور طلتي..كانت محبتها برييييئه..كانت رويض ياااااااااهـل..لين ما ابتعدنا عن بعض..وطحت في شويخ .. البنيه اللي الللي ...انته كنت ترمسها..البنيه اللي ذلت عمرها عند وااحد..سييييييييف...انته ما تعرف شو يلست اتقول يوم شافتني في دبي.. قالت .. قالت ..إني انا وحش..مب ادمي..قالت انها تبغي الطلاق..

سيف:بتطلقها..؟

صد سهيل صوب سيف وسكت..

سيف:حاول وياها يا سيف..انته من تشفى وتتعالج .. روح عندها شوفها .. بس اهم شي يا سهيل انك ما تطلقها..شو بيقولون عنها النااااس..؟؟

سهيل:كرهتها يا سيف عفت طاااااااريها..

سيف:كيف وانته كنت اتحبها..؟؟

سهيل:بين الحب والكره شعره..

سيف:يا سهيل بس هاي حرمتك حرام عليك اتهدها ولو انها طلبت الطلاااااق منك..ردلها اسهيل الأولي .. وبمحبتك لها بتنسى سالفة الطلاااق صدقني..

سهيل: نفسي على ما كرهت ماني بغاصبها..

سيف:مااادري شو اقولك يا سهيل..بس اهم شي انك ما تضيج بخااطرك..الدنيا ما تسوى..

سهيل:دووم كنت اقول الدنيا ما تسوى..عاااادي..رويض بتحبني وخلاااف بتنسااااني..سيف انته كنت واقف عند الباب في المستشفـى..صح..؟؟وسمعتها شو قالت صح..؟؟

سيف:هيه كنت واقف .. وسمعتها شو قالت..؟؟

سهيل:والله انيه انصدمت من سمعت رمستها..اتوقعتها اتيي وبتتشمت فيني..بتقولي هااه وحش مب ادمي..شرات ما قالت لي شيخاني..؟؟!!!

سيف:يا سهيل..رويض ما تربت على جيه..لا تنسى انته ولد عمها..

سهيل:لا تقول تربت ما تربت..قول طيبة قلبها خلتها اتقول هالرمسه..سيف انا عذبتها عذبتها..

سيف:متندم..؟؟

سهيل:لو شي كلمة أكبر من الندم جان قلتلك اياها..

سيف:يا ما نصحتك يا سهيل .. بس انته الله يهداك ما تطيع شوري..؟؟

سهيل:خلاص سيف..لا تزيد المواجع..

سيف:انزين العمليه مالتك..

صد سهيل صوب سيف بسسسرعه..

سيف:بعد اربع ايااام..

سهيل"باتسامه ممله":والله مادري ليش اتعبون عماااركم ع الفااضي..عمليات وروحه ورده وسفر..اخر شي بتم ع حااالي..وما بمشي شراتكم..

سيف"معصب":سهيييييييل..شو هالرمسه..انته ما سمعت الدكتور شو قاااالك..؟؟

سهيل:سمعته بس انا اقول غير اللي يقوله..

نش سيف من مكانه وقف جدام الدريشه وربع يداته..

سيف:وانته شو درراااك يالبدوي..اقووول ارقد ريح اعصااابك احسن بواايد من انك تيلس تسوي عمرك فااهم فالطب..

سهيل"بتكبر":انا اصلاً عندي قدراااات بس انته ما تعرفها..

سيف:الله والقدرات بعد .. تقحص بسيارتك وواايييييد عليك..

الكل:ههههههههههههههههههههه..

سهيل:سيف...؟؟

سيف:عووونك..

سهيل:عانك الرحمن بس تتووووووووقع ...........................

سيف:اتوقع شوووو..

سهيل:اقول شل قشارك وسر الشقه ارقد وباجر الساعه 6 الصبح اشوفك عنديه فاااهم..

سيف"يسوي عمره عسكري":حاااااااااااضر سيدي..

سهيل"يغطي ويهه باللحاف":يلا يلا..

سيف:انزين..شوف منو اللي بييك..مع السلامه..

ظهر سيف من عند سهيل وهو نااااااااقع ضحك على حركات سهيل..بس فجأه سكت..؟؟!!!!!!

وتم يفكر في رمسة سهيل..؟؟ما رام يستنتج شي...؟؟!!!

تسلموووووووووون على المرور __DEFINE_LIKE_SHARE__

همــ الشفايف ــس · 02-26-2009, 07:21 PM

مشكــور ع التكملهـ __DEFINE_LIKE_SHARE__

الغنــاهـ · 03-08-2009, 10:49 PM

مشكور ياخويه على القصه الرووعه ..

ونتريا التكمله بفارغ الصبر ..

وترا البارت الاخير معيود ..خخخخخ __DEFINE_LIKE_SHARE__

هيمـان يالمنصوري · 03-20-2009, 06:08 PM

..الجزء الســابع والـ ع ــشرين..

(الفصل الأول)

••.•°¯`•.•• جفا ولمحة وفا ••.•°¯`•.••

حسافة صارت أيامي أسيـــــــرة حبك المخدوع

اجيلك صادق بحبـــــــــــــي وتفتح للغدر أبواب

لقيت الكذب عنوانك وشـــوقك يا الغلا مصنوع

و انا دايم أدور لك عن جروحك عذر و أسباب

صدت رويض صوب حمدان اللي كان يرمس سيف..بس نزلت اعيونها بسرعه تحاول تمنع عمرها عن تفكر في عملية سهيل .. وصدت بعيونها ع اللي يالسين حذالها وافتقدت وجود عمها ذياب ..!!بند حمدان من سيف والكل صد صوبه..

سعيد:هاه شو قال سيف..؟؟دخلو سهيل للعمليات ولا بعدهم..؟؟

حمدان"يحط تيلفونه حذاله":توهم دخلوه حيرة العمليات..ادعووله..

الكل تم يدعيله وام راشد وام سهيل يالسات يصيحن والشواب من صوب يهدون الوضع ومووزاني وفطامي والشله البقيه يالسات ع صوب ويرمسن..شلت رويض بعمرها بعد ما اشرت لفطامي وسارن فوق لحيرة رويض ويلسن ع الشبريه ارباااعه..

فطامي:واايه فديتها عموه ذابحه عمرها بالصيااح..

رويض"بضيجه":ولدها وبتصييحه..الله يشفيه ان شالله..

فطامي:اميييين..مع انيه اكرهه..

رويض:انزين عندنا موضوع مهم..

فطامي:شوو؟؟

رويض:فطامي انتي تعرفين ان عمي ذياب يحب مريوم من زمان..

فطامي:هيه ومن كمن يوم خبرتيني انه ناوي يخطبها عقب كمن اسبوع..

رويض:هالرمسه كنت متأكده منها..بس اللي صار يا فطامي يمنع هالرمسه تستوي..

فطامي:جيه شو متسوي؟؟

رويض:مريوم هلها غاصبينها تاخذ ولد عمها..

فطامي:اووووونه؟؟لالالالا..حراااااام..

رويض:وتدرين انها رمست عمي ذياب وقالت له كل شي..؟؟

فطامي:يا قوات عينها..انا وحده اشوف اللي سوته غلط..؟

رويض:تدري انه غلط بس ما رامت اتيود نفسها..

فطامي:رويض..شو هالخريط ؟؟لا يكون بتشرد ويا خالي ذياب..

رويض"اتنش من مكانها":قسم بالله سخيفه..؟فلم هندي على غفله..شاروخان وبوجا..؟؟!!!!!!

فطامي:شو سخيفه ويا ويهج..؟وشو شاروخان وبوجا؟؟!!اشعنه داقتله تشكيله الحال ولا تعطيه افكااار للهرووب شو تفسرين هالتصرف ؟؟

رويض:اكيد تشكيله الحال..؟؟

فطامي:استغفر الله..اقوول..رمسي ربيعتج وعقليها وخليها تفهم ان اللي نبغيه يستوي في هالدنيا ما يمشي على كيفنا..هالدينا جاااسيه وما ترحم حد..ولازم نواجه صعوباتنا ومشاكلنا ارواحنا وما نخلي الغير يتدخلون فيها .. ولازم الواحد يقوي من قلبه وعزيمته ولا بيروح فيها ..فهميها ان هلها يعرفووون وين مصلحتها..؟؟وحاولي تخلينها ترضى بالواااقع ولا تعيش فالخيال وااايد ترى فالأخير بتلوم نفسها وما بتلقى غير الندم يخاويها..رويض هاي ربيعتج..ولا تقصرين وياها..؟؟ولا تعاونينها ع السخاافااات اتدقله ويدقلها وتشكيله الحال ومادري شوو؟؟

كالعااااده..عقت القنابل .. اللي اتدل ع عقليتها الواسعه بالرغم من سنها الصغير وظهرت من عند رويض مخلتنها فاجه اعيونها ع وسعها .. تحاول تستوعب رمسة هالياااهل فطامي..؟؟اللي تفهم أكثر عنها ف امور هالدينا..

نشت من مكانها وراحت لبقعتها المفضله ..و وايقت من الدريشه جان اتطالع عربها كلهم ع قعدتهم الأوليه وحمدان وسعيد كل ساعه يدقون على سيف..شلت اللاب مالها ويلست ع المسن اتسولف ويا ربيعاتها بملل لين ما فجت الإيميلات الي واصلتنها وانصدمت يوم شافت ايميل صوب قلبها وزاد من جروحها ..؟؟!!

""

السلااام عليكم ..شحالج رويض ربج الا بخير..؟؟

ادري لا الوقت ولا الظروف ولا اللي صار من قبل بيني وبينج..

يساعد انيه ارمسج مرة ثانيه..او اتجرأ واطرش لج ايميل..

بس اللي في خاطريه لاااازم اقوله قبل لا احدر غرفة العمليات..

لأن الواحد مب ظامن عمره يظهر من هالغرفه مرة ثانيه او لا؟؟!!

المهم..

السمووووحه منج ع اللي سويته فيج..

ادري انه مب اشوي..بس الله يعلم انيه اللحينه متندم حييل..

على كل نظرة وكلمه ..

على كل دمعه نزلتيها .. وعلى كل حزن وألم سببته لج..

رمستج اللي قلتيها لي فالمستشفى..

خلتني ارااااااااجع حساباتي .. خلتني ارد لورى واشوف انا شو سويت في بنت عمي..

؟؟

مادري ليش كل ما اييني الحزن والضيجه على شكلي وحالتي الصحيه..

اتذكر رمستج اللي قلتيها لي..واحس انيه اتشجع واصبر على اللي يستويلي..؟؟؟

هذا وانا اللي اذيتج وعذبتج .. وحرمتيه اللي اسمها شيخه..

اللي اختارها قلبي قبل عقلي ..جرحتني وخلتني اعاني من عقبها..

اللي سويته فيج..ينرد لي اللحينه ولكن بكل بطأ وتعذيب..؟؟؟

انا ما اعرف شو اقول..ولا رمت احدد شعوري..

سوى اني مشتاق للبلاد..ومشتاق للرماح..

ومستعيل ع شوووفتج عسب نمسح اللي صارلنا من قبل..

ونرد انا وياااج مثل قبل..بس بدون تمثيل

..بدون لعب بالمشاعر..بدون ما اظهر مهاراتي فالتمثيل عليج..

ارد واستسمح منج ع اللي صاااار..ربع ساعه وبحدر الغرفه..

دعوااااتج لنا بنت العم..

نعم اعترف غلطان يوم اني هجرتك..

نعم اعترف غلطان يوم اني جرحتك..

اعترف يوم اني فقدتك..تذكرتك..

دخيلك..سامح قلب اللي عرف قدرك..

ردلي بقلبك وحنانك..

ردلي ترى الرووح تترجى وصالك..

سهيل الــ........ـي

""

ما تعرف شو تسوي شو تقول..حتى انها ما رامت ترتب زحمة الأفكار اللي اتفكر بها اللحينه..كل اللي سوته ان بندت الاب .. وهي مقتنعه..أنها مستحييييييل اترد لسهيل ..لو خيروها بين الموت وسهيل..تختار الموت..لأنها مب مستعده اترد واتعاني وتتعذب من يديد..كفااايه انها من يوم ما كانت طفله صغيره اسيرة حبه الخادع والأوهام..كفاايه ما فات من عمرها..وهي اتعش هالحب الكسير..

كان عندها امل كبييير ان سهيل بيظهر من غرفة العمليات وبيتعالج وبيردلهم سهيل الأولاني..عسب جيه ردت لحيرتها وفجت الاب مرة ثانيه وطرشتلها ايميل..

"

لا تفكر فيني..طلبتك..

انسى ان عندك بنت عم اسمها رويض..

لا تحاول تردني مرة ثانيه لمحبتك..

ترى القلب عافك .. ولا الروح تشتاقلك..

خساره كنت أحسب الطيب والاخلاص في ذاتك

خساره كيف تترك طفله من صغـــــــرها تغليك

مدام انك .. تعرف انك ابد مــــــــــــوقد كلماتك

علامك رافع نفسك تهدد ثم تــــــــــــــقول ابيك

عرفت الحين قدري يوم ذوقتك خســـــــــاراتك

عرفت الحين قدري يوم عرفت أني ما ابـــغيك

والسموووووحه..

بس هاي هي النهايه..؟؟!!

"

ترددت وااااايد قبل لا تطرشله هالإيميل..بس تأكدت ان هالإيميل بيكون همزة القطع اللي بينها وبين سهيل..وكلن بيعيش حياته الخاصه..؟؟!!!يودت تيلفونها وتمت اتدق على عمها ذياب بس لا حياة لمن تنادي..وطت تيلفونها ع الشبريه..

ونزلت تحت صوب هلها اللي كانوا يالسين يحاتون سهيل..

×

×

×

بديناها محبتنا جمــــــــــــيلة ..ولازم تنتهي مـــــــثل البداية ...

ما دام السعد لحظاته قليلـــــة ..وكل ظروفنا عكـــــس النوايا ...

أبوظبي

الساعه8 ونـص

سند ظهره على باب الموتر..وبحركه سريعه حط يده ع سفرته وحطها ع جتفه وهو متضاايج ومهموم..ورد للواقع الأليم..الحزين..وابتعد عن عالمه الخيالي اللي كان مخطط له من سنين..انتبه لها وهي تزقر اسمه..

مريوم:ذياب..؟؟!!

ذياب:اااااه يا عيووون ذياااب..

مريوم:مادري شو اقولك..

ذياب:النهايه يا مريوم..

مريوم:ادري انك..ما توقعتها ولا انا توقعتها..

ذياب:كيف بروم اعيش من دووونج..وانتي بتستوين ملك لغيري..

مريوم"اتصيح":هذا المكتوب يا ذياب..لازم نرضى بالواقع..

ذياب:مريوم طلبتج لا تصيحين..دموعج غاليه ع قلبي..

مريوم:ادري يا ذياب..بس ما باليد حيله..ومالي الا دموعي تواسيني في معاناتي..

ذياب:مرويوم احن بنتفارق للأبد..؟؟صح؟؟

مريوم:هيه..

ذياب:عسب جيه بوصيج على حياتج..مريوم ما ابغي اسمع من حد انج كنتي زعلانه ليلة عرسج..ما اريدج تصيحين علي ولا ع اللي استوالنا..ابغيج اتعيشين حياتج بكل لحظه..مريوووم..طلبتج..حطي ولد عمج في عيونج..لا تقصرين عليه بشي..

مريوم:.................................

ذياب:وانسيني..وان صار وطريت على بالج..اذكريني بالخير..وادعيلي من قلبج..

مريوم:اااااااه يا ذياب..كل ما اتزيد من رمستك..تخليني اعاني واعاني..العنا في دنيتي حل يا ذياب..

العنا .. وشهو العنا ؟

غير انتي واجروحك وأنا

ابجرحك بظما .. وارضي علي مره

دامك حياة الماء

يا بنت منهو غاب ..

ضحك و حكي و أحباب

و انتي و أنا و قلوبنا .. صرنا

حديث أغراب

أثر المفارق صعب ..

غيمة سواد وليل

أنساك هذا صعب .. لا مابقى بي حيل

يا عيونك الظلما .. مافي الجفا كلمه

ومال الغياب اللسان..

..اتصوري

مره نسيتك .. وابتسمت

واتصدقي ..

اني على البسمه ندمت

و الأكيد اني بكيت .. ما ابتسمت

أبسألك ..

وشهو الشبه ..؟

بين النهايه والأخير

كلها نفس المصير

وأبسألك ..

من قال لك ان الهوى جرحه عذاب

وأجمل أيامه غياب

عمر الحزن ما يلبس اثياب جداد

مثل الهجير ما يعرف أنفاس البراد

ذياب:دنيتج هذي جاسيه يا مريوم ولازم اتواجهينها ..ابغيج مثل ما انتي..قوية وما تهاابين..

مريم:ذياب..ما اوصيك على روحك..لا تخلي الحزن في دنيتك..ذياب..حاول تنساني وتنسى ايامنا الأوليه..وان صار وذكرتني..اذكرني بالخير..ذياب"ميته من الصياح"..انته وصيتني..وانا اوعدك انيه انفذ وصاياك كلها..

ذياب:هيه صح..اول ولد لج اتسمينه ذياب..تدرين ليش؟؟

مريم"تمسح دموعها":ليييش؟؟

ذياب:عسب ذياب يكون ولد مريم..وتنسين انيه كنت حبيبج..

مريم:وانت بعد..اول بنت اتسميها مريم..ولا يا ويلك..

ذياب:يا ويلي بعد؟؟عز الله حتى البنيه الثانيه بسميها مريم..

الكل:هههههههههههههههههههههههههههه..

هيه نعم ضحكوا..ومع الضحكه نزلت دمعه من عين مريوم..وذياب خنقته العبرة..ضحكوا وفي قلوبهم حزن و مآسي..اعلن الفرح عن رحيله من حياتهم..وسبب رحيله..الفراااق..ضحكوا..وكل واحد منهم..وده يصيح هالحب البرئ..اللي استوى يتيم في غمضة عين..

رد ذياب مرة ثانيه وتم يوصي مريم .. و مريم نفس الشي..كان الوداع الأخير..وكانت هالرمسه هي الرمسه الأخيره اللي تكون من بينهم..اعتذرت له مريم عن حركتها يوم انها رمسته بالتيلفون..واعتذرلها ذياب عن مواقف كثييرة..

بند عنها..وفي قلبه حسراات وآهااات..ما كان متوقع هالنهايه..بس هالمكتوب..ولازم يرضى بالواقع المر..والإنسان..ماله ع الأقدار مونه..

فمان الله يا عمري ... حفظك الله من الزلات

تحمل بس في نفسك ... ونفسي لا توصيني

وامانة لا نويت انك تروح ... فخلها بسكات

تراك انت الوحيد اللي ... الا من راح ينهيني

كـانت بداية محبتهم جميله..براءة وحب عذري صفاء قلوب ووفا هدووء ... ولازم تنتهي هالمحبه شرات البدايه..وبالفعل انتهت ببراءة وحب عذري وصفاء قلوب ووفا وهدووء..ودع مريم ..وودع معاها الحب الجديم..ودع معاها الشوق ومشاعره واحاسيسيه..مسح كل ذكرياتها..مسح كل المواقف اللي جمعتهم في ثواني..مسح كل النظرات اللي دارت من بينهم..مسح مريم من قاموس حياته..

مب مستعد يتعذب وهي تتعذب..عسب جيه..اقنعها انها ترضى باللي يستويبها..واللي يستويبه..رسم خط أحمر لنهاية حبهم..بكل عقل ورزانه وحكمه..كان يسوي اللي في باله وضميره مرتاح..لأن مريوم بعد مرتااااحه..

شل بعمره وظهر من بوظبي وصك خط الرماح واول ما حدر بيت اخوه راشد شاف الكل مستانس..

امه العوده وشلة العياييز كلهن يالسات يصيحن..عبدالله يالس ايول ويا عمه سعيد وحمد..عنودي فاله الشعر وتهز ع الكيف..محمد وحمدان والشواب يدقون الخشم وكل واحد يوايه الثاني فوق العشر مرات..سلامي ذابحه عمرها من الضحك والصياح؟؟!!والبنات اللي عندها كل وحده شاقة الحلج ومكشخه االضرووس..

شوووووو الساااااااااالفه؟؟!!!

تجدم صوبهم ومبطل اعيونه ع وسعهن..سحب سعيد يبغي يرمسه سعيد ما سواله سالفه ويول وما عليه من حد..يبغي حد يرمس..شاف الكل مشغول..الكل ملتهي عنه ومحد انتبه لوجوده ..تم يطالعهم مبهت..شو اللي استوى جلب حالهم جيه..طاحت عيونه على رويض اللي كانت واقفه ع طرف وما يخصها فاللي يستوي..كانت مربعه يداتها وسانده ظهرها على زواية الخيمه ومرتسمه على ويهها ابتسمامه خفيفه..

ما فكر وايد وسار صوبها على طول..

رويض:اخيييراً انتبهت لي..

ذياب:ويوم انج شفتيني..ليش ما ييتي..

رويض:اول شي سلم..

ذياب"يوايها":هاه سلمنا..شحالج؟؟

رويض:يسرك الحال..انته شحالك ربك الا بخير..؟؟

ذياب:الحمداالله على كل حال..

رويض:شو الأوضاع..؟؟

ذياب:بخبرج بس قوليلي شو هالحفله اللي مسوينها بدون كيك..

رويض:ههههههههه..لقد اتصل سيف على اخي حمدان وبشرنا بنجاح عملية ولد عمنا سهيل..

ذياب:اوووووه..شي طيب..اممممممممممممممرة صوبهم باجر هجوووم عليهم...

رويض:حشى حار بحار...

ذياب:برااايج بسير صوبهم وبرتبش اشوي..

رويض:لا والله..يلا خبرني شو سويت انته ومريوم.

ذياب:شو سوينا بعد؟؟قالت انها بتشرد ويايه..

رويض:شووووووو؟؟مالت عليك انته وياها ..شو من مذهب عليك مسود الويه..

ذياب:عمج يا مضيعة المذهب اتقولين لي هالرمسه..

رويض:دواااك..طحت من عيني انته وياها..

ذياب:هههههههههههه..شو هالخبله اللي جدامي..رويض..خلاص اقنعتها باللي يستوي لنا..وخلاص..

رويض:حرااام في ذمتيه اللي استوى..

ذياب:استغفر الله..شو حرامه ..؟؟وتقولين في ذمتيه بعد؟؟يوم يكون مكتوب فالقرآن ان حرام مريوم تاخذ غير ذياب ذيج الساعه قولي حرااام ..او حلال..يا بنت الحلال هالرمسه هب زينه..

رويض:.........انزين انزين زين منك فهمتني..

ذياب:مع السلامه..

×

×

×

مرت الأيام..فيها انطوى الماضي الجديم..وتغيرت صفحات الحياه .. لصفحات ثانيه تخط احداث ومواقف ثانيه..وبدت الحياة الروتينيه لشخصيات قصتنا تنرد لهم بشكل تدريجي..مع اختلافات..؟؟!!

عند سهيل وسيف..بعد نجاح عملية سهيل..من زود الفرحه الأرض ما بتشلهم..سهيل متشجع واايد ع اللي بيسويه من ناحية عمليات التجميل او التدريبات اللي يمارسها..كان مع كل مرة يلاقي فيها صعوبه..يصد بنظره صوب سيف اللي يحط يده ع يد خويه ويشد من عزيمته ويتردد صدى صوت رويض وهي تشجعه يكمل الدرب اللي بدا فيه..سيف ورويض..لولاهم من بعد الله سبحانه وتعالي ..كان سهيل في حاله يرثى لها..بالفعل..وجود سيف ووجود طيف رويض..اسباب ساعدت سهيل في تخطي ازمته ..اللي سوا كذا عملية تجميل لويهه..وتغير شكله ورد تقريباً شرات قبل..وحمد ربه على هالتغير..بالنسبه لسالفة الإيميلات..ما فكر يفج اللاب ويطالع اذا شي وصله من رويض..لأنه متأكد انها ما بتطرش له شي..وما يعرف ليش هالشعور انتابه..

سيف..والنعم والله..ويا سهيل في روحاته ورداته..من استوى الحادث وسافر..ما خطت ريوله البلاد موول..ما يبغي يرد لبلاده الا وتوأم روحه وياه..أجل كل سفراته .. وأشغاله لشهر 8..لأن في هالفتره سهيل بيكون متواجد فالإمارات العربيه المتحده..

وصوب ذياب..الفتره اللي عدت عليه..كانت من اصعب الأوقات اللي عاشها في حياته..لأنه تقريباً يحس بعمره متشتت ووحيد وفااااقد اشيااء وااايد.. حاول تدريجياً ينسى اللي صار ويمحيه من ذاكرته...ولازال عنده الأمل انه بيي يوم وبينسى مريوم للنهايه..

سعيد..الفتره اللي طااافت..كان يعقد مع نفسه عدة جلسات..يفكر في انه يشاور ابوه ويخطب موزاني .. بس متردد واايد وما يعرف ليش؟؟

حمد وشموس..شموس واايد تتضاايج .. لأن حمد استوى هالفتره واايد يسافر صوب سيف وسهيل..وشموس اتم قاعده اروحها..ولايعه جبدها..واذا رمسها حمد تيلفون احياناً ما ترد عليه..؟؟!!!بالنسبه لحمد..كان مستغرب من تصرفات شموس..وقرر من يرد البلاد يحطها تحت المجهر ويعرف شو سالفتها؟؟!!

خلوف وسلامي..هااييل بعدوا عنهم..بعد 3 اسابيع عرسهم..ومع هذا..للحينه يتواقعون على اسخف الأشياء اذا شافوا بعض..؟؟!!!!

رويض..ردت لحياتها الطبيعية..بس بدون سهيل..ردت رويض اللي كله تسولف تضحك وتسرق سيايير..واستانست من عمرها..يوم تتأكد ان قلبها ما استوى يفز لطاري سهيييل..وعرفت في قرارة نفسها..أن سهيل وجوده مثل عدمه..

فطامي..هالبنيه من بدت الإجازة الصيفيه وهي موول ما طبت سويحان...امممرة يالسه فالرماح وماخذه راحتها بعد..

وبالنسبه للبقيه..الكل بخير وسهاله..

اليوم..7\7\2007..

هاليوم هو اليوم اللي بيرد فيه سهيل لحياته الطبيعية في بلاده,, اليوم موعد ردتهم من الخارج,,سهيل وسيف وحمد,,محد كان يعرف بهالشي,,ع بالهم إن قوم سهيل بعدهم بييلسون أسبوع,,إلا ذياب هو اللي كان مستقبلنهم فالمطار,,,وعزم سيف إلا ياخذ سيارته النيسان الأسود وخلاف يسيرون صوب هل الرمـاح,,,!!

×

×

×

,,يتبــ,,,ـــع,, __DEFINE_LIKE_SHARE__

هيمـان يالمنصوري · 03-20-2009, 06:13 PM

(الفصل الثاني)

••.•°¯`•.•• بعد ومسافات ••.•°¯`•.••

ماعــــاد به ماضـــي نعيد الحكايـات

وماعـــــــــــاد ناس تستحق الأمـانه

ودعتك الله والذي فـــــات هو مـات

والجرح الأول ذاك عــــــود مـكـانه

دخلت أنا وياك عدة متاهــــــــــــات

كنت أحسب ان القلب صان أتــزانـه

لقيت قدامي أحاسيس وكرهــــــات

يوم القدر خلى الكرامه مهـــــــــانه

العراقــــيب

الساعه 5 ونــص

رويض:جب عنلااااااتكن موزاني وفطامي بلا ضراااايب..

فطامي:انا الصغيره وانا اللي ايلس جدااام..

موزاني:شوو يا غبيه؟؟!!العود هو اللي ييلس جدااام خوفاً ان تصيب الصغير أية اصابات..

رويض:هههههههههههه..يالفيلسوفه..

فطامي:يلا يلا ردي ع السيت الوراني..

موزاني:في ذمتيه ما رديت للسيت الوراني..

فطامي:عيل قري مكانج ..

موزاني:يلا ردي ورى..

فطامي:والله ما رديت..بييلس اهنه ..احب اخليج تتضايجين..

موزاني:عااااااااااااااااااادي..

فطامي:ادري انه عااااااااااااادي مب ملون..

موزاني:هاهاهاهاها..

فطامي:ضحك بلياااااا ضروووووس..

موزاني:اميييين ع الداااااااعين..

رويض:جب علني بلااااااكن مسودات الويه صخن..كله مواقعه وضرابه وسب وشتم..

موزاني:هي اللي بدت..

فطامي:محد قالها تيلس عدالي..

موزاني"اتأشر على واحد من العراقيب":رويض ادخييييييلج بنيلس ع راس هالعرقوووب..

فطامي:في ذمتيه انه غاااااااوي..يلا يلا علييييه..

رويض:على هالخسم في ذمتيه ما طلبتن..

وسارن صوب هالعرقوب ورويض تلعوز موزاني وفطامي..مرة اتزيد في سرعتها ومرة ع الخفييييف..لين ما وصلن راس العرقوب..بندن الموتر وظهرن مخليات نعولهن ف الموتر..

رويض"تيلس":اااااااااااااااااااه يا حلات المهب البااارد..

وترد خصلات شعرها على ورى..

موزاني"تيلس حذالها":يا ويلنا من محمد لو درى انه صرقنا موتره..

فطامي"تيلس جدامهن":لالا ما ظني..هو عادي عنده..

رويض:قولن الله يعين من امايه العوده..

فطامي:هههههههه..هيه وااااضح بتوسمج في يدج..

رويض:اممممرة عاد..

موزاني:كلام الليل يمحيه النهااار..تعالن خلوف خبرني انه قوم سهيل وسيف بييون الأسبووع الياي..

صدت فطامي صوب رويض بسرعه..ورويض كانت ملامحها جااامده وما ادل على أي شي..

فطامي:هاه رويض..شو حالج ويا سهيل؟

رويض"تشل الرمل وترفع يدها ع فوق وتخليه يتناثر ببطء":

الا ياخوي لاتسأل عن اللي حطم احلامي

عن الدمعة عن النظرة الحزينه والعنا والآه

عن البسمه اوالاحساس اوالشوك اللي فأقدامي

ترى دمعتي قصه وانا في قصتي مأساه

سهيل كان شي حلو في حياتي وانتهى..مشطووب ماله أي تذكاار..

موزاني:بس الحلو فيج انج رديتي رويض الأوليه..كنت متوقعه انج بتمين ع حالج..

رويض:لا حياة مع اليأس ولا يأس مع الحياه..

الكل سكت وكأنه كل وحده منهن تاخذ بريك من بعد رمسة رويض..اشوي الا تنش فطامي من مكانها وهي تشهق..

فطامي:لاااااا مستحييييييييييييييييل مستحييييييييييييييييل..

موزاني ورويض نشن على طول ايشوفن اللي تشوفه فطيم ويعرفن شالسالفه..

موزاني:واااااااااو...هذا نيسان سيف..؟؟!!!

رويض:وهمر عمي ذياااب..

موزاني:بيلقون القبض علييينا..

رويض:بسرعه بسرعه..

فطامي:وين نعولنا..؟؟؟

موزاني"تيود يدها بسرعه":فالموتر اصلاً احن ما ظهرناهن يا غبيه..

فطامي:اسمي فطامي مب غبيه..

رويض:اووووووهووووووووووووووو..يلا يلا..بسكن عنلااااتكن..

سارن رويض وموزاني وفطامي وركبن الموتر وشخطنه على طوول ونزلن من العرقوب وتمن شاردات من سيف وذياب..دق تيلفون رويض وعطته موزاني تتضرف ويا اللي داقلها في هاللحظه..

موزاني:عمي ذياب..

رويض:ردي ردي عليه قوليله رويض رااقده..وحليلها اتعاني من هالزجام..

فطامي:هههههههههههههههههههههههه..

رويض:صح انا ما يخصني فيكن..اصلاً انتن منووو؟

فطامي:هاه هااااه؟؟بديتي تخونينا..

روض:مالي خص فيكن..نياهاهاهاها..

موزاني:الوووو..

ذياب:بعدج يا رويض يا مسودة الويه ما تيوزين..انا كم مرة قلت لج لا تسرقين السياايير..

موزاني:شو اسوي كله من رويض..

ذياب:ليش انتي منو..؟؟

موزاني"تحطه ع السبيكر كلهن يسمعن":انا وحده اسمي خندوشه بندوشه وانته..؟؟

ذياب:انا اسمي خندوش بندوش..

موزاني:يالله شرات اسمي..

ذياب:صدن وراكن..

صدن وراهن شافن سيف..

موزاني:واايه روييض هذا سيف..

رويض:سوو ؟؟ سيف؟؟؟؟

حست بضيجه ضاربتنها يوم عرفت ان السيف جريب منها لهالدرجه..على طول وقفت السيارة ونطت على السيت الوراني..وسوت عمرها راااقده..

فطامي:الله كشخه صروالج..من وين شاريتنه..

موزاني:ويا ويهج متفيجه تتخبرين..

فطامي:انزين هي رفعت كندورتها وانا شفت صروالها وعيبني وتخبرت من وين...؟؟

رويض:ما بخبرج سر المهنه..يلا جب..انا رااااقده..خخخخخشششش...خخخخخشششش...>>هاذي اونها تشاخر وهي راقده..

موزاني:فطامي..هاي وهقتنا..

رويض:نياهاهاهاهاهاها...

فطامي"عصبت":هاي اصلاً دومها نذله..ودووم تحطنا في مشاكل وتبري روحها..

موزاني:غريبه عمي ذياب وينه..

رويض:نياهاهاهاهاا..ع راس العرقوب..

موزاني:وسيف وقف سيارته وللحينه ما ظهر ..؟؟!!

فطامي:يزهب عصاااته..

رويض:ليش الأخ بيرزف اللحينه ولا؟؟

الكل:هههههههههههههه..

فطامي:هيه بيرزف ع ظهرج..

رويض"تغمض عيونها":بس بس.. انا رااقده..في بداية المهمه فطامي سرقت الإستيشن وساقته..وبعدين تولت المهمه الأخت موزاني..وانا طول هالوقت رااقده..وما كنت اعرف انكن سارقتني ويا الإستيشن..

موزاني:واايه قسم بالله نذله..تعالي يلس مكانج..

رويض:انا ما اعرف اسوق..

فطامي:ردي مكانج يلا..

رويض:اقولكن شي..انا بظهر من السياره..العزب جريب من اهنه..بسير صوبهم وبخبر عليكن مسودات الويه..اممرة تسرقن سياايير هاه؟؟ياللي ما تحشمن ولا تخيلن..

فجن اعيونهن ع وسعهن مستغربات منها يوم فجت الباب وما عبرت رمستهن وبتخليهن ينهزبن لأن عمهن ذياب كذا مرة موصيهن مالهن خص فالسيايير..؟؟!!وهن ما يسمعن الرمسه..ادواهن صح؟؟وأول ما فجت الباب طاحت عينها في عين سيف اللي كانت بدق الباب في جتفه..بس هو خاز بسرعه من الباب..انصدم من شافها..فز قلبه..ما عرف شو يسوي..وكأنه كان منتظر هاللحظه..فتره طويله مرت بالنسبه له وهو تايه في نظراتها الغامضه..

طوييييييييييييله قصة عيونك..وانا عمري بها موجود..

تعيشني الأمل لحظه..وتكسرها حاجز الواقع..

يقولون .. من قديم الوقت..من سافر مصيره يعود..

وانا سافرت في عيونك..ولا ادري متى راجع ؟؟!!

بالنسبه له .. فز قلبها بس من الخوف مب من شي ثاني..ما تعرف ليش..هل هي هيبة سيف اللي تخلي الواحد يحترم وجوده غصب عنه..ولا المواقف اللي جمعتهم من قبل كانت رويض تكره سيف من خاطرها..؟؟

ما تعرف شو اتسوي..في خاطرها اتروح وتبعد عن سيف..تريد اتحس بالراااااحه..بس تعرف ان سيف اللحينه بيسلم عليها وبيتخبرها عن الحال..

سيف:السلام علييج..

روضه"تتحجب عدل":وعليك السلام..

سيف:شحالج؟

روضه"اعيونها على تحت":يسرك الحال ومن صوبك..

سيف:بخير وسهاله..

من طريقة اسلوبها..عرف انه ما تريد اترمسه..وانه مب مرغوب فيه..وسيف ما يجبر غيره على انه يرمسه او يتعامل معه..فعشان جيه..انسحب بهدوء ..وسار صوب محل السواق..وتم يطالع فيهن..

فطامي:واااااااايه سيفاني فدييييييييت روووووحك..

دمعت اعيونها وفجت الباب وسارت صوبها ولوت علييييه وما فجته مووول..وهو ميودها بقوو..روضه وموزاني تموا يطالعون..

فطامي"اشوي وبتصيح":مسود لويه..والله اشتقنااالك..

سيف:ههههه..وانا بعد..اشوفج متنتي..

فطامي:لا منو قال..؟؟

سيف:اعيوني قالت..

شاف موزاني جدامه..

سيف:شحالج موزة؟؟

موزاني:بخير يعلك الخير..شحالك انته وشو السفره؟

سيف:بخير وسهاله..والسفره امممرة لا تتخبرين عنها..صح تعبنا بس كل شي يهون لجل سهيل..

موزاني:اها عيل وينه..؟

سيف:ع راس العرقوب ويا خالي ذياب..يلا ركبن سيارتكن ولحقني..

رويض:لا انا بسير العزبه مشي.. مالي خص فيهن..

سيف:عيل خلاص خلن سيارة محمد اهنه..؟؟شرايكن؟؟عسب تلاقن هزبه محترمه من خالي ذياب..

رويض:خلاص عيل ..

فطامي:امممف مااااالت عليكن انا ما ادانيكن..بسير ويا اخوويه فديته..

موزة:لا دخيلج اعدااال احن المتقطعات ع اليلسه وياج..

فجت فطامي ثمها بترد عليها بس سيف سحبها بسرعه ورويض سحبت موزاني وركبوا سياييرهم وشغلوها..تحرك سيف ورويض مرة حذاله ومرة وراه..لين ما وصلوا العرقوب عند عمهم ذياب وحمد وسهيل..!!!!!

نزلن البنات وسارن صوبهم..رويض وموزاني وايهن ذياب وحمد..ووقفن على صوب..اما فطامي وايهت خالها ذياب ووقفت حذالهن..سهيل كان بياكل رويض بنظراته..حس بفرحه يوم شافها..ما يعرف يحدد شعوره..حس انها محلوة واايد عن قبل..وانها طولت ومتنت اشوي..من قبل كانت عصقول دياي واحليلها..

موزاني لاحظت هالنظرات هي وفطامي وكل وحده اتنغز الثانيه..بالنسبه لرويض..حست بنظرات سهيل..بس مسويه اكبر طاااف وتسولف ويا حمد اللي كان يتخبر عن شموس ويشكيلها الحال..بعد مرور ربع ساعه من سوالفهم..تذكر ذياب سالفة سرقة السيايير..ورويض حصلت هزبه محترمه ما رامت اتظهر عمرها من هالسالفه لأنها الوحيده اللي تعرف اتسوق وفطامي وموزاني يناظرنها بنظرات تقهر ويرقصن حياتهن فووق وتحت..وبجيه..توزعوا ع السيايير وردوا للعزب ..

واهناك..الكل انصدم بردة ذياب والشله الكريمه..وعشاهم الليله في بيت راشد..

×

×

×

لـو رمـاني البعـد في درب الجـفا..

والظروف الكـايده تسرق منـأي..

ولو حـرمني الوقت من لحظه صفا..

والليالي زودت همي وشقاي..

مــــانسيتكـ..لا ولا..خنت الوفــا

داااام روووحي في الجـسد تـبقى معـاي..

الرمـاح..

الساعه 8 ونـص..

قسم حمـد وشموس..

وطت شموس كوب العصير على الطاوله ورفعت الخصلات اللي ع ويهها وردتهن ورى اذونها..وويهت صوب الحيره اونها بتسير ..بس حمد يود يدها..

حمد:تعالي وين سايره؟؟

شموس:بسير بتلبس وخلاف بسير بيت عمي راشد..

حمد:ما بتيلسين عنديه اشويه..؟؟ما تولهتي علي...

شموس:..........................

حمد:شو فيج؟؟ليش صاخه..؟

شموس"تيلس عداله":ما فيني شي..بس متضايجه..

حمد:شو الأسباب..؟؟؟؟

نزلت اعيونها وغمضتهن تمنع الدمعه عن اتطيح ع خدها..كانت اتحارب هالمشاعر .. وحمد..اعيونه ع الحرب اللي تستوي جدامه..زقرها مرة مرتين بس ما ردت عليه..لين ما رفع راسه بيده غصب عنها وغصب عنه انصدم من شاف شموس اتصيح..كل اللي سواه انه تم يطالع اشوي ولوى عليها ..

حمد:شموس..اذا تعزيني قولي لي شو فيج..دخيلج شموس..ريحيني..أنتي من بديتي اتصديني وانا لا ليلي ليل..ولا نهاري نهار..دخيلج شموس..

شموس:حمد..والله ما اعرف شو فيني..بس من سافرت وانا حالتيه لله كله اصارخ واتنرفز بسرعه..واللي زاد الطين بله..ان خالتيه سوت لي تيلفون..اتقولي ان امايه فيها..

حمد:رمسي..

شموس:امايه فيها مرض السرطان..

اللحينه..انفجرت من الصياح تفرغ شحنة العواطف المختلطه اللي اتحس بها..اخيراً يأ حمد..وأخيراً لقت اللي يواسيها..اللي يفهمها..

تم حمد يهديها ووعدها ان يسفرها الكويت صوب امها في اقرب وقت.. كان يرمسها وهي تطالعه بكل شوووق..واتحس انه بوجود حمد رامت تهدي نفسها وأوضاعها..بعد مرور ربع ساعه .. ظهروا ارباعه صوب بيت عمهم راشد..وهناك..شموس حدرت الصاله.اما هو ييلس في الخيمه ويا الريااييل..

اول ما فجت شموس الباب شافت عنودي في ويهها وحالتها لله اتصيح واتصارخ..ورويض وراها..

رويض:تستااااهلين مسودة الويه..هاههاهاهاهاها..

عنودي:ما عليه يالسباله اللحينه..اللحينه..ساير..سايرة ..صوب ..بابا..محمـ..محمد..

رويض:شوووو؟؟انا سباااااله..

عنودي من شافت ملامح رويض ربعت صوب شموس ويودتها من ركبتها..ونزلت شموس على مستوى عنودي وتمت تمسح ادموعها..

شموس:حرام عليج رويض ليش تعذبينها..

رويض:تستاهل ادواها..ان كم مرة قلت لها لا تحدر صوب دكاني الصغير..وتسرق..بس الأخت سرقت ومن كشفتها سارت صوب الدري وتخرطفت وطاحت..تستااااااهلين..

عنودي:....وااااااااااااااااااااااااااااااااااااااا اااااااااااهاااااااائئئئئئئئئئئئئئئئئ..

رويض:بس شليتي اذووني..

عنودي:سباله ما حبج..

رويض:عداااال انا اللي اموت فيج..

عنودي..أنزين..كله ..كله من شجون..هي..قالت لي..

شموس:شفتي..دوم ظالمينها واحليليها عنودي ما عندها هالسوالف..

سارت شموس وشلت عنودي وسارن ويلسن عند الحرمات..اما رويض شلت بعمرها صوب المطبخ عسب اتييب لفطامي عصير .. من ردوا من العزب وفطامي تتدلع مسويه عمرها مريضه..

اول ما وصلت المطبخ دق تيلفونها وكانت مريوم..يلست ع الطاوله..وتنهدت بضيج قبل ما ترد عليها..لأنها اتذكرت سالفتها ويا عمها..وكانت مقهورة ان النهايه موول ما كانت سعيده..

مريوم:الوو..

رويض:مرحبا مليون براعية احلى الوو..

مريوم:مرحباابج زوود..شحالج رويض..

رويض:بخير وسهاله..شحالج انتي وشو هباتج؟؟

مريوم:ااااه..لا تتخبرين يا رويض..الحال ما يسر مووول..

رويض:افا مريوم..لين متى بتمين جيه..

مريوم:مااادري والله..المهم..شحالكن انتن وشو علومكن..وينهن موزاني وسلامي اممرة ما يتخبرن عنيه ولا يدقن ياخذن علومي ويسمعن اخبااري..خلاص نسني..

رويض:حرام عليج مريوم..لا تقولين هالرمسه .. تدرين بهن سلامي وموزاني مرتبشات بالعرس وجيه وحالتهن لله وكل يوم سايرات السوق..والوحده منهن ما تفضى لحد..

مريوم:اها..وشحالها سلامي..وشو معنوياتها..؟؟

رويض:والله سلامي بتموت من زود الوناسه..بس للحينه اذا شافت خلوف اتواقعت وياااه..

مريوم:هههههههههه..هاي ما تيوز..بس صدقيني من يعرسون بيودرونها حركات اليهااالوو..

رويض:يمكن..انزين وانتي شو سويتي لعرسج..؟؟

مريوم:انا؟؟ما سويت شي..كل شي على عويش بنت عمي..انا ما يخصني..

رويض:لا والله..عرسج ولا عرس عويش؟؟

مريوم:اممم.عرسي..بس عويش اتسوي كل شي..

رويض:ليش؟؟

مريوم:امم..مادري..مالي بااارض..

رويض:مريوم..هزري انتي مب كل يوم بتعرسين..هي الا ليله وحده..يعني عيشيها بكل لحظاتها..واللي سمعته..انه ولد عمج ريال ما ينعاب وراعي فزعات..ويكفي انه شااريج شاريج..ومصر انه ياخذج وما تروحين من يده..اللي تسوينه..لا انتي تستاهلين ولا هو يستاهل..حرام عليج ..فكري في امج اللي بتشوفج متضايجه ليلة عرسج ..فكري في نفسج..

مريوم:..والله مااادري يا رويض..احس انيه محتاره مادري ليش..

رويض:الشي اللي بيساعدج انج تشغلين عمرج باي شي..لا تفكرين في سالفتج ويا عمي ذياب وااااااااايد..

مريوم:اااخخخ..يصير خير..

رويض:انزين غناتي..بخليج اللحينه..بسير بسوي عصير للآنسه فطامي المريضه..

مريوم:شو ياهاا؟؟

رويض:مادري..من ردينا من العزب وهي اتقول انه بطنها تعورها..

مريوم:سلامات وما تشوف شر..

رويض:الشر ما اييج..

مريوم:قوم سهيل ردوا؟؟

رويض:هيه..

مريوم:اها..اكيد عندكم عزيمه..

رويض:هيه والبنات كلهن متوالفات لمه كخشخه من الخاطر..

مريوم:اها شي طيب..سلمي عليهن كلهن اوكيك؟

رويض:سلااااامن يبلغ..وسلمي على خواتج..

مريوم:يبلغ..يلا فداعة الله..

رويض:فمان الله..

بندت رويض من مريوم وحطت التيلفون ع الطاوله ونشت..

سهيل:الرووض..

صدت روضه صوبــه..وكانت منصدمــه من وجوده..شو يابه هاذا بعد اللي صار كلــه..شو يابه وبعد ما جرح قلب روضه وخلاها اتصيييحه ليل ونهــار..شو يابه بعد ما نزل ادمووعهــا..وصار الألم امخاويها وين ما صارت..شو يابه..بعد ما هدت الأمواااج..وبدت حياة روضه تتعدل..وتمشي في مكانها الصحيح..

كــانت اعيونها ورموشهــا الناعسه تحكي عن اثير صدمتهـــا..طنش اسهيل هالنظــرات وبدى رمستــه..

سهيل:بعدج اتحبيني ولا نسيتيني؟؟

صدت روضه عنه..اتحــاول تجمع كل القوة وترد عليه الرد..اللي يليق بمكــانه..سحبت الكرســي..ويلست عليه وعطتــه ظهرهـــا..

روضه: نفسي طابت منك يالجرح الكبير..

عافـك قليبي حبيبي ما يبــاك..

انصدم سهيل من الرمسه اللي تقولها رواضي اللحيــنه..عافك قليبي حبيبي ما يبااااك..مستحيييييييييييل..كيف والرووض تعشق بسمته ..وطلته ونظــرته..كييف وهي اللي كانت اتموووت ع الأرض اللي يمشي عليهــا..كيف وكيف وكيف؟؟

سهيل:شووووو؟؟انتي شو يالسه اتقولين؟؟بلييز الغلا فهمييييني..

روضه: تبي الصراحه يالغلا منك مليت..

ومليت من طبعك وانا اليوم برحل..

زادت صدمة سهيل..وفج اعيونه ع وسعهـــن..بس لازال واقف افمكــانه..

سهيل:ترحليـــن؟؟وين ترحليـــن وانا اشوف صورتــج افكل مكــان ..وين ترحليــن وانتي الدافع اللي خلاني استرد صحتي..روضه ..ادخييلــج يا روضه..لا تخليني برووووحي..

روضه: كنت عندي ضي عيني من غلاك..

كنت احارب من يواري طلعتك

كنت متربع ولا احدن سواك..

فوق عرش الحب لكن غلطتــك..

سهـيل:ادري والله انها غلطتيــه..بس روضه انا ماادري شو فيني في هاذيج الفتره..مادري شو اللي خلاني اقص عليج وامثل عليج انيه اموووت فيــج..

روضه: لا تبرر لي صوابك من خطاك..

لا تظــن اني بسـامح زلتــك..

لا انا في ارضك ولا انا في سماك..

لا بعد ذا اليوم ادور طلتــك..

سهيل:انتي اكيد تتمصخرين واتسولفـــيين..انتي اتحبيني..

روضه:ذااك الأول يوم هــاونك..

في لقاك القلب طمــاعي..

سهيل:الرووض اعذريني هالمرة..ادخيــلج..

روضه: مالك عذر لو تعتذر ما عذرناك..

يكفي رجا لا ترتجي من يجافيك..

سهيل:انزين ليش..ليش تقسييين قلبج علي..روضه..صدي صوبي..انا سهيــل..اسهيييل يااا رووووووووضه اسهيل..

روضه: لا تلوم قلبي لو نسيتك..

هاذا سبيل أحكام الأقدار..

حبن مضى منه لغيتك..

مشطوب مالك أي تذكــار..

سهيل:شو مالي أي تذكــار..الروض..فهمييييييني..انا شو اسوي بدونـج..قوليلي شو اسووووي؟؟

روضه: روح بطريقك كمل خطاك..

ابعد و أنا بالخير بطريك..

ابعد عساه الرب يرعاك..

روح عساه ربي يجازيك

سهيل:لييييييييش يا روضه ليييش؟؟

روضه:بكل سهوله..لأن الصدق ما عاش افذاتك مثل ما عاش في ذاتي..

ملامح الكذب في ويهــك وفي كل كلمــة حكيتهــــا..

سهيل:انسي اللي صااار..

روضه: من تغلى يا حبيبي ما ترجيناه...

و من تعدانا ترانا قبل صده راحلين

سهيل:الرووض..خلاص عاااد..خليــنا انرد شرات قبــل..وأحســن..صدقيني ما جذب عليــج..

روضه: انا نفسي عزيزه ما تود اللي ضايع وداده...

ولا تهوى عشير كل يوم يغير اطباعه..

سهيل:مستحييل انتي روضه..شو اللي اتغير فيــج..ليش استويتي جيه فجــأة..

روضه: بعز النفس عن ذكراك ..

ولا تظن اني بترجاك..

ابتجاهلك وانسى الحب..

ماعاد يهمني فرقاك

سهيل:رووضـــه..ادخيــلج فكري زين..انا اعترف اني الغلطــان..بس احلف لج بربــي..انج انتي الوحيده اللي سكنتي قلبــي..روضه..انا اتغيــرت..

روضه:سبحــان الله.حتى انا قلبي..تغير..ابتعد يا سهيـل..ترى ما سرت تعني لقلبي الشي الكثير..

سهيل:تجرحيــني..بكل بســاطه ياروضه تجرحيــني..

روضه:يا كم جرحتني وجرحتني وجرحتني وانا ادور لك الأعذااار..

سهيل:بس اللحينه خلاص..كل هالأيام راحت..خلينا نبدأ من أول ويديد..والخطا مني..

روضه:للأسف..الخطا خطاي..وحدي الوم النفس واتحمل خطاي.

سهيل:الرووض..ترى والله قلبي يحبـــج..وعيني تتمنـى لقــاج..ارحميني عااااده..

روضه:غريبه..يا دنيا غريبه.. " كنت بالماضي حبيبي ....... اليوم قلبك لي ينادي "

سهيل:الروووض..هاك الحب كله..وينه؟؟وين رااح..

روضه:مات حبك والبقيه بحياتك..

سهيل:الروووض..الكل يشهد ابغلاااااتي عندج..الكل يشهد..

روضه: ماعاد قلبي بعد هاليوم يغليك .. دور على حب جديد يسليك .. عذبت قلبي روح والله يهنيك..

سهيل:ليييش؟؟

روضه:لأنك في يوم خليتني واليوم والله لااخليك وادوس قلبي لين يقول خلاك..

سهيل:ادري ان قلبــج ما يقوى ع زعلــي..انا وااثق من هالشي..

روضه: تبي تزعل تبي ترضى تبي ترحل تبي تبقى.....على كيفك.....ترى عادي وجودك والعدم وااااااااحد!!

سهيل:ليش ياروضه..ليش؟؟

روضه: تخيل موقفك لو كنت انا اليوم خاينك

وشهو شعورك لو فؤادك غدرته

سهيل:لالالا..انتي هب روضه..صدي صوبي..طالعي فيني..اتأكدي ان اللي جدامــج سهيل..هب أي حد..

روضه:كنت في يوم من الأيــام..مالك القلب..بس اللحينه..منو يعني سهيل؟؟

سهيل:شو مكاني بقلبـــج..؟؟؟

روضه: تبي تعرف بقلبي وش مكانك

تبي تعرف وش اسوي كل ليله

عزيز الدمع هليته عشانك

وعزة نفسي لك صارت ذليله

سهيل: لا تعذبيني يا روضه لا تعذبيني..

روضه:حلال فيك العذاب ذوق مر الغياب

مدام حبك سراب شالفايده من هواك !!

سهيل: ليش اتغيرتي عليه..انتي ما كنتي جيه؟؟

روضه:لأني كنت أُحٍَِسب النُاسُ مٍثَلِي فُي طَيُبِي وعلىُ نُفٍسَي أبْدِيَهِم ومًليُونَ مرٌه أنٌصُدِمٍ فيَهٍمَ

سهيل:لا تقولين هالرمسه..أنا غلطان واعترف..اقولج كل شي تغير..خلاص..

نشت روضه من مكانها ووقفت جدامه بكل شموخ وكبرياااء..صحيح لمح نظرات الشموخ والكبرياء من قبل كمن مرة..بس اللي يلمحها اللحينه غير..كانت نظرات ممزوجه مع الغموض..نظرات ما رام يفسرها..

روضه:خلاص يا سهيل..يكفي اللي قلته انت..ويكفي اللي قلته انا...لا تظن بردتك لي وبرمستك هذي بتخليني ارد لمحبتك..لا والذي سواك وسواني ما رديت..وبقولك شي..حطه لعنوان قصتنا الجديمه..عنوان لكل المواقف اللي جمعتنا..عنوان للأيام اللي فيها قسيت علي وعشت الويل فيها..عنوان للجروح والدمع..وخله داايم الدوم فكرة عني..

..×..مع غ ـيــري إلـ ع ـب وبين له مهاراتك..×..

لو كنت مثل بدون احساس جان لاعبتك..وافهم شي ثاني..القلوب..احاسيس ومشاعر..لا تتحراها ألعاب تتعبث بها..لو تلاحظ اللي سويته فيني..شيخه سوته فيك..و لو تحيد انك ييتني فالمطبخ فاليوم اللي ابويه خبرك انيه رديتك..ولعنت خيري اهنه..وفي نفس المكان..اليوم ييتني تترجاني ارد لك..الدنيا دواره يا سهيل..

انصدم للمرة الأف من رمستها..ما رام يسوي شي..ذل نفسه بما فيه الكفايه..شل بعمره وظهر من المطبخ ..وروضه..اتطالع فيه..كانت دوم تكره اتشوف سهيل وهو مقفي بها..لأن فكرة ابتعاده عنها تينن بها..بس اللحينه الوضع اختلف..ومقتنعه الإقتناع التام ان سهيل ابتعد عنها للأبد..

ذااك أول.. كنت أسامح لو تعذرت... وبكيت..

رااح وقتك يا عشيري... وراحت ايامه معاك..

انتهى حبك بقلبي..يا محبي... وانتهيت..

صدك وبعدك ..تساوى في عيوني ..مع رضاك..

صرت عندي شخص عادي..لا عشقت ولا هويت..

رووح عن دربي..وابعد..دام هذا ..مستواك..

فجت الثلاجه ودورت عصير ليمون لفطامي وظهرت من المطبخ وسارت فوق صوب البنات اللي كانن محتشرات عسب زفة العروس..

موزاني:انا اقول واحد من خوانها تحدر وياه القاعه..

سلامي:امممممم..لا لا ..جديمه..

رويض:طاع ويهج..انتي بكبرج جديمه..كح كح كح..عليج غبااار..

سلامي:صخي ولا اخبر عليج خلوف..

فطامي:هاهاهااها..باتمان على غفله..

شجون:وايد فرحانه بخلوف..

غبوش:مسكينه اول مرة تعرس..

موزاني:اشوي اشوي عن ايطيح نصج..

خلودي:حشى كلتن البنيه..كلكن هجوم عليها..

رويض:لحظه لحظه انتي شو يايبج اهنه..الملتقى للبنات فقط..

شجون:يعني يا انسه فطامي يوم تعرسين ما بنيسلج ويانا..بتستوين عيوز..

فطامي:هههههههههههههههههههههههه..خلودي فهميها..انتي عيوز..

خلودي:بسم الله ..انا عيوز يا العيوز...

شموس"توها يايه من تحت":بسم الله هاي ضحكة فطامي واصله عندنا تحت..وقالوا انها ميهوده..خرطي..

رويض:اكبر خرطي..شوفيها يالسه اتسولف وتكركر..

فطامي:يالله..تبون الصراحه..انا هب ميهوده وما فيني شي..بس يالسه اظهر اشاعات عسب اقولهم انيه ما روم ع صك خط سويحان..ويقول سيف..خلاص بنبات اهنه..

الكل:هههههههههههههههههههههههههههه..

خطف الوقت بسرعه بين استهبال فطامي وموزاني وتعليقات رويض وتخطيطات سلامي وسوالف شموس وخلودي..ونظرات شجون لعنودي وسكوت غبوش..وبعد ما تعشن الحرمـات..البنات كلهن شلن بعمارهن بيت بو خلوف..وعند الباب العود مال الشارع لبيت قوم رويض..هناك وقفت سلامي وما رامت تتحرك من مكانها ..

رويض:اووه سلامي..بلا سخاافه..

سلامي:أي سخافه يا ذكية زمانج..عرسنا بعد 3 اسابيع..ليش اشوفه ان شالله قولي لي..

رويض:اوونج اللحينه..في ذمتيه ودج بشوفته اللحينه..

موزاني:هاي سلامي تستهبل..

فطامي:عيل بنودرها وبنسير..

غبوش:بطوفج يلستنا ..

شجون:غبيه..فكري زين..

سلامي"اتويه صوب بيتهم":براايكن بسير بوطير اسي.ورايه مشاوير هب شراتكن معندكن الا الرقاااد..

رويض:يالقووووم..رمست العروس..اقول فاارجي فاارجي..

سلامي:حشى..لا اسلوب ولا هم يحزنون..

رويض:عدااال خليته لج يا ام الأسلووب..

سلامي:بسم الله الرحمن الرحيم انا شو قلت؟؟

رويض:ما قلتي شي..اقول سيري بيتكم ووطي راسج ورقدي شرات العالم والناس وخلي عنج التفكير الزايد في الأخ خلوف..ترى هب زين..وما يمدحونه التفكير ما قبل الرقااد..وباجر الصبح..اتييني وتوعيني بسير وياج السووق..ابغي اشوفج شو تتشرين..؟؟

شجون:حشى..امية مليون الف حرف..فالثااااانيه..

الكل:هههههههههههههههههههه..

رويض:تفوو تفووو..يلا ابدي فالحسد..

سلامي:يا هالرويض اذا فجت ثمها ما تبنده..الله يعينكن..ما بترقدن الا ع ويه الفير وانتن حالتكن لله..

رويض"ادز سلامي بدفااشه":يلا يلا هنااااك..محد طلب رااايج..

وسارت سلامي وهي تهز راسها جنها الا هنديه..ومن صوب سارن البنات لبيت بو خليفه..ويلسن كلهن في حيرة موزاني..اللي تجلب فالسيديهات..واللي يلست ع اللاب..واللي يابتلها عصاير وجيبس ويلست ودقت العيشه بالخمس..واللي يلست اتقرقر عليهن..ومن بين هالصريخ والمصايح في حيرة موزاني..نشت رويض وغمزت لموزاني ونشت بنانا وظهرن خاري..

وفالصاله..يلسن يتناقشن في موضوع...

موزاني:ههههههههههههههههههههههههه..هههههههههههههههه هه..حلووووووووووووووووووووووووة..والله انها فكرة عجييييييييييبه..

رويض"تضربها ع راسها":واايه يالسخيفه بيسمعن صوت ضحكج وبيين يتراابعن..

موزاني"تحط يدها ع ثمها":انزين انزين..يلا بلشنا..؟؟

رويض:بلشنا..

سارت رويض بيتهم وهي تربع وحالتها لله يابت كيمرتها..وسرقت عروسه من العاب عنودي وهي كبيرة نوعاً ما..ويابتها لموزاني..وموزاني سارت لحيرة امها ويابت برقع..ولبسن هاللعبه البرقع..ويابن جحال ورسمن عيونها وخلوها تشرد جبايل سبع وديان..لووول..وسارت موزاني الحوي وتمت اتلف وتدور لين ما يابت شي ينفع .. يعلقون فيه اللعبه ويا برقعها من فوق..على دريشة حيرة موزاني ويخافن شجون وفطامي وغبوش..نذاله صح؟؟يابن حبل..وسارن فوق البيت..

موزاني:في ذمتيه..لو حد شافنا والله ليقصبونا قصااب..

رويض"تربط الحبل فاللعبه":ههههههههههه..خوووواااافه..

وتوقف روضه واتم اتطالع منطقة الرماح من فوق..

رويض:واايه علني فدااها الرماح..ماشي شراتها..

موزاني:مع انه صيف..بس اللحينه احس بهوى بارد..

رويض:ياخي احن ليش باجر ما نسير دبي..

موزاني:ووووااايد زحمه..

رويض:بتم على راسهم باجر لين يودوني دبي..ما يخصني انا اريد دبي..

موزاني:حمد وشموس اكيد بيسيرون..

رويض"تكشخ ضروسها":شرايج انسير وياهم..نياهاها..نخرب عليهم..

موزاني:حشى يالأفكااار السووودا..بس تعالي بخبرج..

رويض:هااااااااااااه..؟؟

موزاني:شبلاها شموس جيه متضايجه..ومالها خلق لأي شي..

رويض:مادري والله..امايه العوده تقول شكلها الحرمه حامل..

موزاني:العياييز كل شي يدرن به..الحرمه حامل او متضايجه او تعبانه..

رويض:هيه..وكافة الأمراض بعد..دكتورات على غفله..

موزاني:هاهاهااي..صدقيني باجر اكيد حمد بيربعبها صوب الدختر..

رويض:ما يباله..حمد يموت في شموس..واكيد عقد جلسات سوالفجيه وياها وعرف انها متضايجه..

موزاني:اها..لا يكون بعد اذا ساروا صوب الدختر بتسيرين وياهم..

رويض"اتطالع تحت":هيه ما يباله رمسه بعد..بنسير بنتحوط بنشم هوى..

موزاني:ليش واللي تشمينه اللحينه شو..؟

رويض:هذا؟؟امممم..شبه هوى..يلا يلا بنزلها تحت وبنسير صوبهم..وبخلي فطامي اتفج الدريشه وبصورها فيديو على طول..

موزاني:هاهاها..فطامي ولا تكون غبوش..غبوش بتطيح غشيانه على طول...

رويض:هيه ما عندها ون تو..لحظه لحظه..شو فيهم الريااييل..؟؟

موزاني"تتلصق برويض":شو شو شو؟؟

رويض:طالعي..كلهم يوايهون سعيد..شو السالفه..؟؟

موزاني:سعيد؟؟

رويض:هيه سعيد..عيل تعيس..؟

موزاني:افا يا ذا العلم..من وين ظويتي تعيس..

رويض:من كوري..

موزاني:شو السالفه شو السالفه شو السالفه؟؟

رويض:قلبك تغير حنانه..

موزاني:رويض..هزري سعيد نجح عسب جيه يوايهونه وحالتهم لله..

رويض:يمكن نجح ويمكن شي ثاني..

موزاني"تصد صوبها":شو تقصدين؟؟

رويض"اتطالع تحت":ما اقصد شي..

موزاني"تناقز فوق تحت":حدروا بيتنا ..حدروا بيتنا..

رويض"تزخها بنظره":لهالدرجه واايد فرحانه وشاقه الحلج لأن سعيد حدر بيتكم..

موزاني:بسم الله..ياخي خاطريه اعرف شو السالفه..

رويض:وانا فيني فظول اخس عنج..بس السالفه فيها ان..انا وحده الصراحه حاسه بشي..يعني انتابني شعور..واحساس..بس ما برمس عنه..

موزاني:وليييش؟؟

رويض:بس جيه..وبلا رمسه مالها معنى..يلا بنسير صوبهن..وبنخلي كل وحده قلبها ايطيح في بطنها..

موزاني:....هههههههههههههه..يلا..

وسارن صوب حيرة موزاني وحدرن..ورويض فجت الكيمرا وبدت اتصور..

شجون:شالطااااري..ليش يالسه اتصورين؟؟

فطاامي:ووواايه التراااب..

رويض:بسم الله..شو مستوي..

فطامي:تعالن تعالن..طالعن هالفيديو كليب..

موزاني:وعععي..هاه ماصخ شو تبين فيه..

فطامي:يالله..طالعوا طالعوا..

موزاني"تيلس ع الشبريه":في ذمتيه ما عندكن سالفه..

رويض:انتي ليش معصبه..

موزاني:هب معصبه ولا الله قاله..

رويض:عيل ليش جيه..

فطامي:هدووووووء..

رويض"تسحب فطامي":خوزي خوزي..بفج ايميلي..اختاري تبغين اتطالعين التي في ولا عطيني اللاب..

فطامي"واقفه في النص":نذله..نتفاهم بعدين..ماريد شي..

موزاني:فطامي فجي الدريشه..خلي المهب يحدر صوبنا..افف ملينا..

فطامي:زين زين..ما طلبتي الساع..

اول ما سارت فطامي صوب الدريشه على طول روضه نشت من مكانها و تمت اتصور فطامي ..وشجون كانت يالسه ع اللاب الثاني وما انتبهت لهم..اما غبوش تمت اتطالع الفيديو كليب اللي ع التي في..>>>عايبنها؟؟

فطامي:وووووووووووووووووووووواااااااااااااااااااااا ااااااااااااااااااااااااااااااا..

موزاني ورويض:هههههههههههههههههههههههههههههههههههه..

شجون "اتصد صوب الدريشه":واااااااااااااااااااااااااااااااااااااااا ااااااااااااااااااااا..

غبوش:امااااااااااااااااااااااااااااااااااااااااااا اااااااااااااااااااااااااااايه..

ونشت غبوش من مكانها وفجت الباب وهي تربع خاايفه وحالتها لله...وسارت بيتهم على طول..^-^..خخخخخ..وموزاني سارت وراها اتشوفها وين وصلت الأخت غبوش..نزلت موزاني تحت..وشافت الحوي فاااضي..ومحد فيه..استغربت..؟؟؟!!قبل اشوي حدروا الريااييل الحوي..واللحينه محد فيه..سوت طاف..وكملت دربها..من ظهرت من بيتهم..شافت سعيد في ويهها..اللي شق الحلج من شافها..

سعيد:مرحباا ملااييين ولا يسدن..

موزاني:مرحباابك زود..

سعيد:شحااالكم..

موزاني:يسرك الحال..ومن صوبك؟؟

سعيد:ما نشكي باس..ابغيج في موضوع مهم..

موزاني:موضوع؟؟

سعيد:هيه موضوع..

موزاني:اوكيه..

سعيد:تعالي بنيلس في الحوي..

موزاني:اوكيه..

وردت موزاني لحوي بيتهم مرة ثانيه..وهي مستغربه..شو هو الموضوع اللي بيرمس عنه سعيد..؟؟؟!!!!

,,يتبــ,,,ـــع,,,

{[ اللهم لكـ الحمد كما ينبغي لجلال وجهكـ وعظيم سلطانكـ ]}85 30-11-2008, 08:26 am
عذاب الليل
©؛°¨غرامي مجتهد¨°؛©

رد: مع غيري العب و بين له مهاراتك كامله

--------------------------------------------------------------------------------

(الفصل الثــالث)

••.•°¯`•.•• نقطة وداع ••.•°¯`•.••

هـذا مسلسـل حبنـا والعنـاويـن

يا قلبهـا مثّلـت وأبدعـت وأتقنـت

أنا وقلبـي والهـوى بيـن ناريـن

نار الفراق ونار حـبٍ بـهـ آمنـت .

من يوم ما نشت من الرقاد..وهي ميته من الوناسه..اتحس عمرها اشوي وبتطيير فووق..وكأنه هم وانزاح..اليوم..انمسح اسم سهيل من حياة شيخاني..وكلن في درب..وما يجمع من بينهم اللحينه أي شي ..وصلها خبر من سلطان ان سهيل طلقها..وهي من سمعت بالخبر..وهي شاقه الحلج..

صدت صوب الساعه شافتها الساعه 9 ونـص..انصدمت من عمرها..من بعد الساعه 12 ونص الظهر للحينه وهي راقده..نشت من مكانها وسارت خذتلها شور وكشخت كشخه غير عاديه..لبست تنورة معظم ألوانها فسفوريه مع اللون الوردي..وسوت ميكب كامل..ولمت شعرها كله ع صوب وحطتلها شباصه صغيرونه لونها وردي..ونزلت تحت..شافت امها يالسه فالصاله..سارت صوبها..وباستها ع راسها..ويلست عدالها..

شيخاني:بعدج تعبانه..؟؟

أم سلطان:الحمدالله ع كل حال..

شيخاني:وينها خلود..للحينه ما يت من سويحان..

أم سلطان:هيه..بنتيه سيري شوفي البشاكير جانهن زهبن الفواله..مال الرياييل والحرمات..

شيخاني:جيه..منو بيينا؟؟

أم سلطان:هزاع بييب امه ..واحليلها يوم درت انيه ميهوده تعنـت من دبي ويايه صوبي..

شيخاني:هيه..فيها الخير والله..

نشت من مكانها..وهي ميته من الفرحه..ضربت راسها ع الخفيف بطرف يدها..تلوم عمرها..كيف بتروم تعيش ويا سهيل..وهزاع.. اتمووت فالأرض اللي يمشي عليها..كيف؟؟اللحينه ام هزاع بتيي..لازم تبثت عمرها..لازم تكون شيخاني اللي قصت على سهيل..ومها اللي مثلت على سيف..لازم تكون شيخاني ثانيه جدام ام هزاع..وبتاخذ راحتها..لأن خلود محد..؟؟!!

لأول مرة فالتااااااااريخ..ولأول مرة تستوي هالحادثه..ان شيخه سارت المطبخ تشرف على شي..تمت اتطالع البشاكير شو يسون..وقالت لهن يدخنن البيت ..والميلس بعد..وسارت وسوت عصير ليمون ويابت كيك..وحطته في الصينيه ويابته لأمها..مشالله..اليوم شيخاني غاديه حرمة بيت..حتى امها استغربت..شو طرى ع البنيه اليوم غادية طيبه؟؟

بعد مرور ربع ساعه..وصلت ام هزاع بيت قوم بو سلطان..وحدرت الصاله ورحبت بها شيخاني ترحيب على مستوى..وسارن ويلسن في حيرة الحرمات..وكانت ام سلطان تترياها هناك..ويلست شيخاني وصبت القهوه للحرمه..وقربتلها الفواله والتمر..

وام هزاع..كلت شيخاني بعيونها..وتقول مشالله في خاطرها عن تصك البنيه بعين..حتى ام سلطان لاحظت نظرات أم هزاع..وبعد ما خلصت شيخاني دورها..شلت بعمرها فوق لحيرتها..

ام هزاع:مشالله مشاالله..هاي بنتج الوحيده يا أم سلطان ؟؟

أم سلطان:هيه ..انا ما عندي الا سلطان وشيخاني..

أم هزاع:هيه مشالله مشالله..تدرس؟؟

أم سلطان:درست وخلصت 2 ثنوي..واللحينه يالسه فالبيت اتقول مالها بارض للدراسه..واحن ما غصبناها ع الدراسه..قلنا لها ع راحتج..

أم هزاع:هيه والله..دام البنيه عايفه الدراسه..لا تغصبونها..الا ما قلتي لي..شيخه بنتج محيرينها حق حد ؟

صخت ام سلطان مفتشله ما تعرف شو تقول..بس تداركت الموضوع بسرعه..

أم سلطان:قبل 4 شهور..ملج عليها ولد خالها..بس خلاف..استوت مشاكل لين ما انفصلوا عن بعض..

أم هزاع:هيه .. مشالله عليها شيخه راعية بيت..الله بيعوضها بخير ان شالله..وهي مشالله عليها بعدها صغيره...الله يوفجها ان شالله..

أم سلطان:الله يوفج اليميع..

أم هزاع:الا ما قلتي لي..شحاله ريلج..؟؟عساه بخير وسهاله..

أم سلطان:الحمدالله ع كل حال..

أم هزاع:عاد انا سمعت من هزاع ان مواعيد ريلج كلها في دبي..افا ولا تقربون صوبنا ولا شي..جانه ولدكم ربيع ولديه من سنين..ليش ما تيون صوبنا نتعرف عليكم زود

أم سلطان:يستوي خير ان شالله..هذا والعشم فيج يا ام سلطان..

أم هزاع:الا ما قلتي لي..وينها حرمة ريلج..ما شفتها..

أم سلطان:سارت صوب هلها في سويحان..وباجر ان شالله بترد..

أم هزاع:هيه سلمي عليها عيل..انا أستأذن اللحينه..

أم سلطان:افا يا ام هزاع..ما يلسنا ويااااج..

أم هزاع:مرة ثانيه ان شالله..وانتي عاد مريضه..وما ينزيد عليج..

وسارن لباب الصاله..واول ما فجت الباب ظهرت حصوه في ويهن..سلمت عليهن وسارت فوق لشيخاني..اما ام هزاع من تحركوا من بيت بوسلطان..ويا ولدها هزاع..وهي طايحه مدح في شيخاني وأمها..!!!

×

×

×

كـيــف حـالــي؟! وربي / بـ الحـزن ممتحني

كـيـــف حـالـــي؟! وعمري / انجرحت وحكيت !!

بسـمتي ارتسمها رغم حـزني وكني

دايم الحـال طيب / أبد ماقد شـكيت !!!!

ضحـايا سويحـان..

سيـارة سهيل..

الساعه 10 ونـص..

سيف:هذي النهايه يا سهيل..وظنتيه انته ريال وما ترضى على عمرك تاخذ وحده ما تبغيك..وبالنسبه لشيخه..كنت تروم تتفاهم وياها..بس انته الله يهداك..

سهيل:عفتها يا سيف عفتها..مالي نصيب ..ويا رويض او شيخاني..

سيف:الله يعوضك باللي احسن عنهن..بس انته لا تضيج باحوالك وتكدر خاطرك..والله تراه شي ما يسوى..

سهيل:انا مقهووور يا سيف مقهوور..اقولك ذليت عمري عندها..ذلييييت عمري..اترجااهااا..احاول وياها..بس كانت..قويه..وما تهاب..

سيف:تراك انته بعد ذليتها..

سهيل:خلاص..كل شي انتهى وراح..

سيف:سير عند امك وقلها اتدور لك حرمه سنعه ..

سهيل:هههههههه..شكلي والله..وحتى محبتيه لرويض بمسحها من قاموس حياتي..

سيف:هههههه..من زود تجاربك فالحب..صرت تمسح احبابك بسهوله..

سهيل:هههههههههههههههههه..احسن شي..

سيف:يلا يلا نزلني البيت..ببدل واشوفك فالعين..

سهيل"يوقف الموتر":يلا فمان الله..

سيف:مع السلامه..

ظهر سيف من موتر سهيل..وحدر بيتهم..شاف خلود يالسه فالصاله ويا امه..سار صوبهن..عق السفره ع الكنبه..وحط راسه ع ريول امه..

خلودي:عاشوا..هالشايب للحينه يالس يتدلع عليج..

سيف:شايب في عينج..شو قالوا لج سلطان؟؟

خلودي:تغلط هاه؟؟

سيف:انتي اللي بديتي..

خلودي:متى بتعرس اخ سيف..

سيف:اقترحت على سلطان انا وياه انعرس اربااعه..

خلودي:شووووووووووو..

سيف:هاهاهاااااااااااااااااهاااااااا..مسكين حاااالج يا اختي العزيزه..الا وينها فطامي..؟

أم سيف:ميلسه في حيرتها..محرجه ما تبغي تيلس في سويحان..

سيف"ينش من مكانه":هههههه..بسير صوبها وبضيج بأحوالها..

وسار سيف لفطامي اللي كانت يالسه في حيرتها ..طايحه ع الشبريه واتطالع فوق..لقى الباب مفتوح..حدر وشافها..استغرب..للحينه محتفظه بجداول الإمتحانات..

فطامي:مرحبااا مليوون ولا يسدن..بالأخ اللي ما ينشد عن احوالي..

سيف"يبس جدامها ومرتبش ويالس يغني":ليش ما تنشد عن احوالي..دامني انشد عن احوالك..

فطامي:ايوااا عااشووا يابس يابس يابس..هلا هلا..

سيف"ييلس ع الشبريه":واايد مصدقه روحج..

فطامي:لا تلومني..اتريا حد يعطيني فيس..

سيف:هاهاها..المهم..شحالج..؟؟

فطامي"تتمدد ع الشبريه":حالي ما يسرك..عنبوووه مليييت من اليلسه فالبيت..كل بنات ييراني هاجروا مادري ويييين..

سيف:عادي ..شو يعني بتموتين بلاهن؟؟

فطامي:السالفه هب جيه..بس انا متضايجه..وخاطريه حد يسولف ويايه..

سيف:عيل نشي بوديج صوب رويض..

فطامي"تعفد وتلوي عليه":فدييييييييييتك والله انك طيووووب..

سيف:حشى حشى ..بشوي شوي ع روحج..ما ينرزى عليج..

فطامي:يلا يلا ..انا زاهبه ودوني الرماح انا ماريد ايلس في سويحان..

سيف:انزين ليش هي ما تييج ويا الشله الكريمه..دوم انتي اتسيرين صوبهن..

فطامي:صح والله..اللحينه بدقلها بخليها اتيي..بس الساعه كم اللحينه..ما ظنتيه بيخلونها اتسير ويا الدريول؟؟

سيف:حمد بييني بعد اشوي وبنظهر ارباعه ويا سهيل..خليه اييبها ..

فطامي:اوكيك اوكيك ..بدقلها اللحينه..

سيف:يلا عيل انا بسير..شي في خاطرج..

فطامي:سيافي الغالي..اللاب مادري شوفيه..يشتغل بس من افح أي فايل ما ينفتح..شكله مريض..

سيف:خلاص خليه يتلبس بنوديه المستشفى..

فطامي:هههههههههههههه..انزين انزين..

سيف:حطيه في قسمي من ارد بشوف شو مشكلته..

ونش من مكانها ع اساس انه بيظهر من عندها..بس يودت يده..

فطامي:اسمع سياافي انا في شي ابغي اقولك ايااااه..بس الوقت اللحينه ما يساعد..تدري لأنه موسم اعرااس وجيه..

سيف:اوكيك..بعدين نتفاهم..

فطامي:ما فيك فظوول..

سيف:ههههههههه..للأسف لا..

فطامي:بسم الله شو من صبر عليك..

سيف:الحياه تخلي الواحد غصب عنه يتعلم الصبر..لازم تتعودين ع الصبر حتى فالأشياء العاديه..

فطامي:تقصد انيه لازم اكون صبوورة في كل الحالات وفي كل مكان و زمان..>>تتفلسف باللغه العربيه الفصحى..

سيف:هيه..ويا ليت بعد اتكونين صبورة عن الأكل..

فطامي:لالالالالالالا..هنيه العوق امممرة ما روووم..

سيف:انزين انزين..يلا مع السلامه..

فطامي:الله وياك..

ظهر سيف من عندها..وتمت اتدور على تيلفون امها وتتذكر هي وين عاقتنه..وبعد معاناه لقته..ودقت تيلفون لرويض ..

×

×

×

انا بالله كيف احيا بدونـــك..اذا كان الــهجر يعني مماتي..

اذا نوم الهنا داعب جفونك..انا جفوني مـا تعرف سباتي..

حبيبي والغرام كله بكونـك..حبيبي والعطـــش كله بذاتي..

تطمن ما احب الا عيونـك..لأني شفت بعيونــــــك حياتي..

بيت بو خليفه..

قسم شموس..

الساعه 10 ونـص..

موزاني:والله صدمني شموس من قال رمسته..حسيت ان شعر يمبي وقف..

شموس:ضرب تحية العلم ولا..؟؟

رويض وشموس:ههههههههههههههههههههههه..

موزاني:قسم بالله متفيجات..

رويض:لا انا مزاجي هب توب اليوم مادري شو بلاني..بس الأخت شموس..مطيحه الميانه..

موزاني:فديتج هب من فراغ..من رد حمود توت توت ..وهي مستانسه ..

رويض:هيه ..الفتره اللي سافر فيها..كنتي كله متضايجه وما ترمسين حد .. واحن مستغربين من تصرفاتج..

شموس:شو اسوي..والله استوى لمايه هب شويه..وانا قلبي عليها..و اللي زاد الطين بله..اللوعه اللي احس فيها..

موزاني:هيه تعالي شو قالولج يوم سرتي المستشفى..

رويض:بسرعه يلا رمسي..

شموس:هاه؟؟

موزاني:شمووووس..

شموس:بسم الله بسم الله..هيدن عليه اشويه..ااممممم..كل النتائج والفحوصات تؤكد.......................

موزاني ورويض:شووووووووووووووووووو؟؟؟

شموس:انيه حاامل..

صدت رويض صوب شموس وقالن ويا بعض..

رويض وموزاني:ألف الصلاة والسلام عليك يا حبيب الله محمد..كلووولوولوولوولوولوولوولش..عاشوا عاشوا..عاشوا والله عاشوا..عاشوا عاشوا..عاشوا والله..شموس وحمد..بييبون بيبي..بيبي حلو..عاشوا عاشوا عاشوا..

ونشت رويض تيبس جدا شموس..وموزاني مرتبشه وتصفق لهن..

شموس:بس بس..حافظات الغنيه مشااالله عليكن فاجات لكن استديو على غفله..

موزاني:اصلاًُ احن كنا شاكات في هالشي..عسب جيه زهبنا عمارنا..

رويض:المهم خلونا انرد لسالفة مزاني الأثليه..

موزاني:اااااااااه..لا تزيدون المواجع..

رويض:سؤال سؤال..انتي موافقه على سعيد..

موزاني:وبعد تسألين..هيه موافقه عيل شووو..؟؟

رويض"تغمز لها":لا يكون كانت بينكم قصة حب من قبل بس كانت ضاربه مخفي..

شموس:هههههههههههههههههه..

موزاني:لا تنرفزيني ولا بفلعج بشموس..

الكل:هههههههههههههههههه...

رويض:عمي رمسج..؟؟

موزاني:اول شي سعيد رمسني وخلاف ابويه ياني وقالي انا ادري ان سعيد رمسج فالموضوع..انا ياي عسب اعرف اذا انتي موافقه او لا..

رويض:وانتي شو قلتي..؟؟

موزاني:تستهبلين؟؟

شموس:لا تستعبط..

ويضربن شموس ورويض كف بكف..

موزاني:قسم بالله انكن ما تخيلن..

رويض:ويت ويت..انتي شو اللي مضايجنج فالموضوع..

موزاني:انهم يبغوني اعرس ويا سلامي..

رويض:انزين من أي ناحيه..من ناحية الوقت..ولا انج عروس وتبغين عرس اروحج وتكونين انتي سارقة الأضواء..

موزاني:الله يهداج رويض شو هالرمسه..؟؟انا وسلامي واحد..وهالشي انا ما فكرت فيه..اللي فكرت فيه..كيف بروم بتزهب وجيه..ماشي وقت..

شموس:صدقيني شي وقت ..اسبوعين و3 ايام ما يسدج..

رويض:موزاني ترى سعيد يتريا الجواب..هو ما عنده مانع يأجل العرس..هيه صح ..ويقولج انه بداية هالسنه بيبدا في شغله..يعني بيكمل الكليه وبيشتغل..

موزاني:هيه ..زين يستوي خير..

شموس:هاه شو قلتي..باجر بنسير دبي وبندور ع فستان..؟؟

موزاني:اممممممم.........توكلنا على الله..مع انيه وايد خايفه..

رويض:وبلاها سلامي لا خايفه ولا هم يحزنون..

موزاني:سلامي..ما سوولها سبرايز شراتي..

رويض:اووه هاي فطامي اتدق..الووو مرحبااا السااااااااااااااع..

فطامي:المرحب لا هاااان..شحااااااالج..

رويض:يسرج الحال ولا يضرج..ومن صوووبكم..؟؟

فطامي:بخير وسهاااله..يلا تعالي بيتنا..

رويض:حادره حرب انتي؟؟بدون مقدمات وبدون ون تو..

فطامي:انا كووول هياتي ماما يمشي سييييييييييييييده..

رويض:وااااااااايه التراب الساعه 10 ونص منو بيويني عندج يا ام رااس..

فطامي:بوشهاب يا أم راااسين..

رويض"ترمس شموس":شموس..حمد بيسير سويحان..؟؟

شموس:هيه.. ميلس خاري ويا الشباب بيظهر بعد اشوي..

رويض:اوكيك اوكيك اللحينه بييج فطامي بااااااااي..

فطامي:باااااااااااااااي..

خلال ساعه..تواجدت رويض في سويحان في حوي بيت بوسيف ويا فطامي داقات سوالف ويسمعن الإف ام..كانت رويض تخبرها عن موقف سهيل وياها ..وعن سالفة موزاني اللي ما كانت تعرف عنها فطامي..وسالفة حمل شموس..ودقتلهن فطامي ولعنت خيرهن لأن ولا وحده منهن تكرمت وخبروها باي شي من هالسوالف..ع الساعه 12 ونص..سارت فطامي ودقت لسيف وقالتلها اييب لهن بيتزا هت..وهو موول ما عارض..بس ذكرها اتحط اللاب في قسمه..

فطامي"تبند التيلفون":يلا تعالي باخذ اللاب مالي وبوديه قسم سيف..لابي مريض..

رويض:هاهاهااا..يا غبيه اسريبه المستشفى..؟؟

فطامي:هههههههه..حتى سيف قالي هالرمسه..

صخت رويض ..حست بضيجه من طرت فطامي اسم السيااافي..وسارن فوق ويابن اللاب ونزلن تحت صوب قسم سيف..فجت فطامي الباب..وسارن ويلسن فالصاله..وحطت اللاب ع الطاوله..

رويض:بطليه عسب انشوف البروبليم ماله..

فطامي:اوكيك..

وبطلت فطامي اللاب ..وخلاف سارت لحيرتها تبدل لبسها وتلبس بيجامه..ويلست رويض اتشوف شو المشكله..وتعابل فيه..وما حست بعمرها الا تشوف سيف واقف جدامها ويالس يطالعهـا..كان اشوي وبياكلها بنظراته..كان يتمعن فيه..وكأنها لوحه جدامه..

ألا ياليتني نبضك ابات بداخل اعماقك

ازيل الهم عن قلبك وامحي كل اهاتك

ألا ياليتني حظك واسعد كل ايامك

اخلي الفرح في دربك

وضحكه على شفاتك

ألا ياليتني ظلك وامشي معك يمك

ازيل التعب عنك

عساني مانحرم منك

اسمحلي

باشتري ضحكة شفاتك

بألف دمعة من عيوني

اعذرني

باحتوي همك وحزنك

وأحبسك داخل عروقي

آآآسف

باحرم الدنيا جمالك

واحتكر روعة وصالك

وبالنهايه

ادفنك داخل عيوني

لأنك أغلى من حياتي

وقفت على طول..وتحجبت زين ما زين..وظهرت من القسم بدون ولا كلمه..ومن خطفت عداله..كان سيف بيرمسها بيقولها أي شي..الموووهيم يسمع صوتها..بس حس شي في داخله يمنعه..؟؟!!!وخطف هالموقف كغيره من المواقف..بكل هدوووء..واذا ما كان بكل هدوووء..فبيكون موقف يجمعهم بس كلن يغلط ع الثاني؟؟!!.,,,

×

×

×

وشلون أعيش بغربتك لا تغربت

ما أقدر أواجه غربتك مع عذابك

لك وحشةٍ في خاطري لا تغيبت

تظلم علي دنياي ساعـة غيابـك

يا نور عيني في غيابـك تعذبـت

أمشي على دربك و أنادي سرابك

الرمــاح..

الساعه 8 ونـص..

بيت بو محمد..

سلامي:شووووو..؟؟سارت سويحان..؟؟

عليا:هيه..غريبه ما دقتلج..؟؟

سلامي:هاي رويض ما تستحي..تدرين انها داقه علي الساعه 3 ونـص..تقولي خطفي علي بسير السوق وياج انتي وموزاني ..

عليا:ههههههههه.يالسه تخرط عليج..

سلامي:امممف عليها..دواهااا عنديه مسودة الويه..

عليا:عيل الله يعينكن على بعض..

سلامي:هههههه..المهم..شي في خاطرج..؟؟تحيرت على سعيد يترياني خاري..

عليا:يالحركات..المعرس بيوديكن اللحينه..يا عيني يا عيني..

سلامي:حتى خلوف يبغي يرز الفيس..قالي اونه غصب ابغي اسير ويا ختيه..

عليا:شو خايف عليها..؟؟

سلامي:هههههه..شكله..يلا مع السلامه..

عليا:فمان الله...

ظهرت سلامي خاري البيت..وسارت صوب سعيد..

سعيد:بلاه خلوف ما يرد عليه..

سلامي"اتسوي عمرها ما تعرف":لا يكون بيسير وياانا...

سعيد"يطالعها بنص عين":وانتي اونج ما تعرفين..لحظه لحظه هاي هب جنها عليا ظاهره من بيتهم..

سلامي"تفج الباب":هيه بسير بشوفها شو تبغي..

وسارت سلامي صوب عليا..

عليا:لحقي يا سلامي..عمتيه لقيتها فالصاله طايحه...وما ترد علي..

سلامي:شووووو..؟؟ييبي ييبي عباتها بقول لسعيد..

وسارت تربع تخبر سعيد..

؟؟!!

؟؟!!
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عطل في اللكزس وبدو حل	محروم.كوم	منتدى أخبار المواقع والمنتديات العربية والأجنبية	0	06-07-2010 10:10 PM
11 - 5 لعبة SPB Brain Evolution لتطوير مهاراتك العقلية.	محروم.كوم	منتدى أخبار المواقع والمنتديات العربية والأجنبية	0	05-11-2010 12:30 PM
الأن تعاون وتواصل وطور مهاراتك البرمجية والتصميمية اكثر مع مجمع لاين التطويري...	محروم.كوم	منتدى أخبار المواقع والمنتديات العربية والأجنبية	0	03-15-2010 03:00 AM
مبروك غيري دام غيري حلالك	الهنــــــوف	تصاميم الاعضاء	15	03-06-2009 03:36 PM
بين هم... وبين غم .. وبين جـرح ..!!!	أحلى رومانسية	الشعر المنقول	7	01-16-2008 01:21 PM