مع غيري( إلـ ع ـب) وبين له( مهاراتك) - الصفحة 23

هيمـان يالمنصوري · #1 10-10-2008, 08:34 PM

مستحيل أنســـــــاك لوحتى قويت

وإن قويت أنــساك نسيانك صعب

في دقايق غيبـــــــــتك ياما بكيت

ياما لعيونك تجاهــــــــلت العجب

أبوظبــي..

بيت بوسلطـان..

السـاعه 7 ونـص..

خلودي:بس بعد سلطان انته يوم بترمسها رمسها بهدااوة..هب اتصاارخ عليها..

سلطان:هاي البنيه يتموتني..كمن مرة قاييللها لا تحطين هالسوالف في ويهج...

خلودي:سلطان فديتك رمسها بشوي شوي..قلها هاللي تسويه هب زين وحراام..ويأثرعليها ووااايد..

سلطان:انا برمسها..بس يا أن كسرت رمستيه بدفنها..

خلودي:هههههههههه..شيخاني حبوبه..والكلمه الطيبه تمشي وياها..

سلطان:خلاص انا بسير صوبها..وانتي تزهبي عسب العزيمة اللي عند قوم خوالي ...

خلودي:ان شالله..

نش سلطان من مكانها بعد ما باس خلودي بين حياتها..وسار صوب شيخاني..فالوقت اللي نشت خلودي اتزهب عمرها عسب العزيمة اللي عند قوم خالها راشد..مسوينها عسب ردة حمد وشموس من شهر العسل...لووول..حلو شهر العسل..عسل ولا لبنه...هع هع هع ..والله يضحكني هالإسم...هع هع هع ..

شافت تيلفونها يدق..وكانت فطامي..

فطامي:مرحبااا خلوودي شحالج ربج لا بخير وما تشكين بااااس...شو بتروحون الرماح ولا لا..تعالي انتي يالسبااله تدرين ان محد يعطيج ويه ولا ينفع وياااج الأهتمام اليوم الصبح يوم ادقلج ليش ما تردين..هاااااااااااااااه؟؟

خلودي:حشى..مية الف مليووون في الثاانيه..لساانج يشتكي وااحليله...

فطامي:تف تف..انتي وسيف بس عليكم تحسدون الساااني .. هيييدوا عليه عن تنقطع الأحبال الصوتيه عنديه..

سيف"ايصاارخ على فطامي وخلودي تسمعه":وشووو دخــل السييييييييييف؟؟

فطامي"بخووف":بسم الله الرحمن الرحيم..محد طرى اسمك يا رياااال..المووهيم..

خلودي:ههههههههههههه..وينكم انتوا اللحينه..؟؟

فطامي:جريب الرماح..

خلودي:اها وين اماييه..؟؟

فطامي:هكي عندي..امايه هاج خلودي دودي تبغي اترمسج..

وتمت خلودي اترمس أمها فالوقت اللي فطامي وسيف يتنازعون على اشيااء تافهه..شريط ولا صوت المسيل ولا اكل..وأمهم من صوب اتصاارخ عليهم تبغي تسمع شو يقولون..وخلودي من صوب تضحك على حركاتهم..

:::عند سلطان وشيخاني:::

شيخاني"معصبه":أكيد حرمتك مطرشتنك صح..واااحليلها ما تروم تيلس دقيقه الا واتعق الرمسه علينا انا وامايه..

سلطان:خلووود مالها خص..وانا اللي لاحظت ان هالمكيب اللي تسوينه واايد وما يحتااي هاه كله يوم انج ساييرة السوووق..

شيخاني:سلطان شوو هاه..انته تعرف ان هاي كشختيه العااديه..

سلطان:جااان تعيبج الرمسه سمعي شووري عن يصيرلج شي ما يعيبج..

وظهر سلطان من عند شيخووه..

فالوقت اللي تمت شيخاني اتسب سلطان بصووت عالي..ودقت لميثاني خويتها وقالتلها السالفه كلها..

ميثا:شو هالرمسه الله يهداج شيخاني..شو دخل الحرمه فيج بترمس عنج..

شيخاني:انا من متى على هالحال..واخويه سلطان دووم يشوفني جيه وما يرمسني..أكيد هي قالتله شي مني منااااك..

ميثا:واذا قالتله يكوون أحسن..انتي ما تشوفين عمرج يوم اتسيرين السوق..الصراحه الواحد يوم يشوفج يقول ساايره عرس من زوود الكشخه...

شيخاني:اعدااااااااااااال انتي ما تشوفين عمرج...

ميثا:شو اللحينه بتمين اتعلقين على جحالي بس..فديتني انا اسوي بس جحال وما اسوي شي غيره..

شيخاني:اووووه..انزين خلاص بندي السالفه..

ميثا:ههههههههههههه..معروووفه هالحركات..

شيخاني:وبعدين وياج؟؟

ميثا:خلاص خلاص..شو راايج اتيين عندي..بندق ع بنات الشعبيه وبنتوالف كلنا وبنتم انسولف وجيه..

شيخاني:لالا..انا عندي مشوار للرمـاح..

ميثا:اونه متى بتسيرون..؟؟

شيخاني:اللحينه..يلا انا بسير بتزهب شي في خاطرج..؟؟

ميثا:لا حبوبة تسلمين..بااااي..

شيخاني:باااي..

بندت شيخاني التيلفوون وعقته ع الشبريه بكل قوووووه..

شيخاني"بصوت عالي":اووف متى بعرس وارتاااااااح من سلطاااااااان وخلووود السباااله..

فجت البشكارة الباب..

البشكارة:شوو انته في مينون سوي كلام مهد هني..

ههههههههههههههههههههههههههههههههههههههههههههه..أشك ر فنها البشكارة ..

شيخاني"معصبه":جب يالعنز..يلا حطي الكندورة والعبااايه وظهري"اتصاارخ"..يلاااااااااا..

البشكارة:جين جين..

سارت البشكارة ووطت الكندورة والعبايه ع الشبريه وتمت اتطالع شيخاني باستغراااب..

شيخاني:شو بلاج..؟؟ظهري..

البشكاره بعدها واااقفه مكانها..وتطالع مستغربه حال شيخاني..

شيخاني"اتشل تيلفووونها وتفره ع البشكارة":ظهــــــري ملعووونة الصير...

البشكاره من شافت التيلفون شردت على طول هههههههههههههه...وظهرت من الحيرة..وتيلفون العنز شيخوه يأ ع اليدااار وتكسر..ههههههههههه..كركركرككر..

شيخاني:اوووووووووووووووف..لا..ليش تكسر...؟؟؟

سوت طاف ونشت تتلبس وكالعاده شدت حيلها فالكشخه..

●

●

●

●

خلاص اللحيـــــنه ابي ارحل..وانا فيــــــني ألم غدرك

ابا اخذ قلبي من قلبـــــــــــك...واخلي قلـبك فــ صدرك

بداوي روحي بروحــــــــــي..وبكتم فيني جرووووحي

اعيش بدنيا من دونــــــــــك..وعيش بالقـــــهر عمرك

الرمـــااح..

الساعه 7 ونــص...

بيت بو رااشــد..

المطبــــخ...

روضه"اتحط دلة الجاي ع الصينيه":ههههههههه..خلاص ريسوووه ولا يهمــج ما بتمصخر على قصووده مرة ثااانيه..ههههههههه..

موزاني"تيود خدود قصاايد":فديييتها والله احلوووت واااايد..

روضه:هاااه هاااه موزاني بدى الحســد..قوولي مشااااالله..

موزاني:مشااالله مشاااالله..

وتحدر عنودي ميوده جيبس في يدها...

عنودي"اتدور بعويناتها الصغيره على موزاني":ويين .. وييين..موزاااني..؟؟

موزاني:أنا هنيه شو تبغين..؟!

عنودي"تيود يد موزاني":تعااالي تعاالي انا اهنيه..شو تبييين؟؟

عنودي"تضحك"تعااالي تعاالي شوفي حمد يأ..

تربع موزاني من مكانها..وروضه وراها..بس من كانت روضه بتظهر من المطبخ..يودتها عنودي من طرف كندورتها...

روضه:فجيني بسير صوب حمد وشمووس متولهه عليهم...

عنودي:ههههههههه..يا عبيه"غبيه"..انا اقص على موزاني..

ريسه وروضه:ههههههههههههههههه..

ريسه:يااللوتيه..بنرقب موزاني لين ما اتيي عسب نشوف ويهها كيف غاادي..

مرت دقيقتين الا وموزاني اتنافخ في المطبخ..

موزااااني"تربع ورى عنودي":تعااالي يالجذاابه العووده تعااالي..

عنودي"تظهر برع المطبخ":ههههههههههههه..قصيييت ..عليـ...عليها..

وتربع موزاني برع وراها..

ريسه:عيل انا بسير خاري صوبهن..

روضه:برااايج..شوفي جان قوم فطامي يو..

ريسه:اوكيك..

وظهرت ريسه..ووياها قصووده اللي غدت اتينن..مشاالله عليها..

روضه من ظهروا كلهم..حست انهـا اختلت بهمها مرة ثااانيه..وحبست دمووعها مرة ثااانيه..لازم اتعود نفسها انه تتحكم في تصرفاتها..وما تخلي لا حمدان ولا غيره يأثر عليها..

واشوي الا عمها ذياااب حادر عليها وميود قصاايد وياااه..

روضه:ههههههههههه..شو هالبنيه متنقله مرة عند امها ومرة عندك..

ذياب:هههههههههههه..هاه خلصتي القهوه والجاي..

روضه:هيه خلصت الجاي بس القهوه بعدني اللحينه بخلصها..

ذياب:اوكيه ودي القهوه والفواله الخيمه..

روضه:ان شاااااااااااالله..

ذياب:روضه..

روضه:اعيوونها..

ذياب:بااجر بنسير صوب مريوم اوكيك لاتنسين..

روضه:ولا يهمك..لو ماشي عزيمة اليوم جان سرنا صوبها..

ذياب:اوكيه..

روضه:انزين خذ الشاي وياك..

ذياب:لالا..ما فيني..

روضه:امنو عندكم اهناكي؟؟

ذياب:بس ابوج ..

روضه:اوكيه اللحينه بيي..

سار ذيااب عنها وهو يلاعب قصايد ويخترعلها اغاني من راااسه..مرت عشر دقايق وزهبت الغسوول والفواله وكل شي ..وزقرت وحده من البشاكير عسب اتسير وياها صوب الميالس وتفازعها..

وصلن روضه والبشكارة عند الخيمه..البشكارة حدرت..ووطت الفواله والضو..بس روضه كانت سااااكته لأن قلبها فز يوم سمعت صوت سهيل.واشوي الا تسمع صوت محمد وصوت عمها ذياااب والأهم صوت ابوها وهو يرمس سهيل عن السااالفه..بس استغربت يوم انها ما سمعت صوت حمدان شال الخيمه..هع هع هع ..

وقفت مكانها متصنمه تسمع شو اللي يقولونه الريااييل داااااخل..

سهيل"وكأنه حد صب ماي فوقه":شوووووو؟؟شو هالرمسه اللي اسمعها...؟؟؟

بومحمد:استهد بالله يا سهيل..

سهيل"محترق ويهه":الله يهداك عميه شو الرمسه اللي تقولها..روضه ما تباااني انا..انا...؟؟؟

محمد:هيه ما تباك انت..

سهيل:بس انا ولد عمها ومحيرنها من ثلاث سنين..شو الناس "لعبه" عندها يايه اللحينه ترمس..ليش ما قالت من أول..

ذياب"بتفلسف":قدر الله ماشااااء وفعـل..خلاص انته هب للروووضه..وروضه هب لك..

سهيل"هدى اشوي":خلااص اللي تبونه بيصير..وانا ما عندي أي مـاااانع..

في هاللحظه دق تيلفونه .. واستانس لأنه كان يبغي يظهر من الخيمه..ما كانت متوقع ان روضه بترده..كان وااثق من محبة روضه له..بس حساباته كل طلعت غلط×غلط..

من ظهر خااري الخيمه..بند التيلفون..بس شاف روضه في ويهها..اللي من شافته عطته ظهرها ..وزقرت البشكارة ..وعطتها القهوه تحدرها ع الرياااييل وسارت صوب المطبـخ..وشافت قوم فطامي توهم يحدرون البيت..وسمعت صراخ فطامي وهي اتززااقر عليها بس سوت طااف..

ومن حدرت المطبخ.. يلست ع الكرسي..وتنهدت اشوي..وكأنها حست برااااحه اشوي..لأنها استوت اللحينه هب محيرة لسهيل ولد عمها..

..وفجــأة..

اتشوف سهيل في ويهها..والدخان ظاهر من راااسه..

"انتهى الباااارت"

"لالالا..أجذب عليكم"

:::في الخيمه:::

سيف:هههههههههههه..خلاص عنودي بتخبرج ليش ييتي الميلس..قصاايد بس اتكفينا..

ذياب:ههههههههه..قصاايد بعدها بيبي وما تاكل جيبس وحلويات شرات هالعيووز عنووود..

عنودي:هع هع هع ..

وشوي الا اتيي يدها ع كندورة سيف وتتخيس حلااوة وجيبس..مكان ركبته..ههههههههه..سيف حس بالفشيييلة..هع هع هع..

محمد"يصارخ على بنته":عنووووووووووودي..شو يالسه اتسوين انتي...؟؟؟

عنودي"فاجه اعويناتها ع وسعهن..زاااااغت":.....انا....................

محمد"يصاارخ عليها":نشي سيري عند أمـــج..يلااا..ولا اشوفج ميلسه عند الريااييل مرة ثاانيه..

سيف"غمضته عنودي":الله يهداك محمد ما استوى شي بسيرالمطبخ وبيخوز الوصخ..ولا تخاف بنتك محيرة لي..خلها تقعد..

ذياب:ههههههههههههههههه..انزين ماتبى قصايد..أهدى عنها بشوي..

بومحمد:هاي قصايد بعدها صغيره ولا جانك بتشوفها اخس عن اللي اسمها عنودي..

سيف:خلااص هنتيينهن بنات العم..بااخذ عنوودي وبضوّي عليها قصاايد..

الكل:هههههههههههههههههههههههه..

محمد:ماا قصرت في بناتنا الصراااحه..

سيف:يلا عيل انا استأذن..تعالي عنودي بوديج صوب الحرمــــات..

نش سيف ويود يد عنودي اللي كانت خايفه وكل اشوي تطالع في ابوها وذياااب بس عليه يتمصخر عليها..ههههههههههههه..والله تحفه هالذياااب..

سارت عنودي صوب امها في الصاله..اما سيف سار صوب المطبــخ..بس قبل لا يحدر..استغرب من صوت سهيل اللي كان يصاارخ..

سهيل:تذكري انج كنتي لعبه رخييصه تصدقين كل كلمة اقوولها لج..

روضه:سهيل اقصر الشر واظهر من المطبخ عن افضحك اللحينه..

سهيل:شوو انتي..جب جب..انتي مستوااااااااااااااااج التراااااااااااااااااااااااااب ..انتي حتى ما تسوين ربع نعوووولي..

روضه:شووووووو...

وما شافت الا سيف حدر عليهم ووقف جدااام ويه سهيل..

"اللحينه من صج انتهى البااارت"..

نياهاهاهاهاهاهاهاهاهاااااااهااااااااااااااهااااااا اا..

في انتظار ردودكم وتوقعاتكم وأراكم في البااارت..

كان انتقاد ولا غيره..

تحياااااااااتي..

__DEFINE_LIKE_SHARE__

Roo7 wlhana · 10-10-2008, 09:14 PM

تسلم ع البااارت الطرررر

ونترقب البااارت اليااي بسرعة لاتبطي علينا __DEFINE_LIKE_SHARE__

غـــلاي.. · 10-12-2008, 02:05 AM

ثانكس عالبارت

وننطر البارت الي بعده
بسرررعه لاتتاخر علينا الخوي __DEFINE_LIKE_SHARE__

NaBth al.RoO7 · 10-12-2008, 05:29 PM

البارت طر طر طر ...

اسميه سهيل لو جدامي الحين جان ذبحته و قطعته اربا اربا ..
نذل . حقير . سافل .. شويه هاكله عليه ..
عنبوه هاي بنت عمه ..

بس انا اتوقع في الاخر سيف ياخذها ..

وسهيل بيندم ع اللي سواه في روضة ..
وبتردلة الحركة .. __DEFINE_LIKE_SHARE__

°•.شامسيهـ وصلاويهـ.•° · 10-13-2008, 04:20 PM

مرحبا مليار

القصه طرر

تسلم ايدك

تقبل مروري

تحياتي

شامسيهـ وصلاويهـ __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عطل في اللكزس وبدو حل	محروم.كوم	منتدى أخبار المواقع والمنتديات العربية والأجنبية	0	06-07-2010 10:10 PM
11 - 5 لعبة SPB Brain Evolution لتطوير مهاراتك العقلية.	محروم.كوم	منتدى أخبار المواقع والمنتديات العربية والأجنبية	0	05-11-2010 12:30 PM
الأن تعاون وتواصل وطور مهاراتك البرمجية والتصميمية اكثر مع مجمع لاين التطويري...	محروم.كوم	منتدى أخبار المواقع والمنتديات العربية والأجنبية	0	03-15-2010 03:00 AM
مبروك غيري دام غيري حلالك	الهنــــــوف	تصاميم الاعضاء	15	03-06-2009 03:36 PM
بين هم... وبين غم .. وبين جـرح ..!!!	أحلى رومانسية	الشعر المنقول	7	01-16-2008 01:21 PM