مع غيري( إلـ ع ـب) وبين له( مهاراتك) - الصفحة 20

هيمـان يالمنصوري · 09-23-2008, 11:58 PM

الجزء الـ ع ـشريــن..

(الفصل الأول)

••.•°¯`•.•• ضمـا الخــافق ••.•°¯`•.••

●

●

●

●

مــا تعرف شو تقول..وشو تسوي..كانت عاهده على نفسها تعتذر منه..وهالإعتذار ما يأ من فراغ..هي غلطت عليه ولزوومن عليها تعتذر..بس لازال صوت في قلبها يقولها لا تعتذرين..انتي جيه اتخونين سهيل..لأن اهتمامها توجه لشخص غير سهيل..شفتوا المحبه كيف تأثر على كل شي؟؟

روضه"مرتبكه":....ها....لا خلاص مااااشي..

سيف:اها..

انفـج الباب مع نهاية الحرف اللي قاله سيف..حدرت فطامي وهي تضحك..

فطامي:خخخخخخخخخخخ...

سيف:ليش تضحكين؟؟

فطامي:خخخخخخخخههههههههههههههههههههههههععععععععع..

بس جيه خاطريه أضحك..

روضه:غبيه.

فطامي:اعدااااااال انتي الذكيه..

روضه:جب جب ..شو قالولج شراتج غبيه..

فطامي"مستعده لخوض معركه قويه":انزين اقول شو رايج......

سيف"يقاطعن":بـــــــــــــــــــــــــس..

فطامي عويت بوزها فالوقت اللي فجت روضه ثمها تبغي اتقوله ليش اتصارخ وشو شايف عمرك..بكل اختصاااار..ماداااني هالإنســاااان...تكرهه..وجوده وياها في مكان واحد يحسسها بضيجـه..تكرهه تكرهه تكرهه..بس زين منها بلعت لسانها وصخـت..لأنها ما تبغي ترمسـه..

وقفت سيارة سيف..وظهرن روضه وفطامي وهن شاقات الحلج..

فطامي:انزين سمعي هالنكته..

روضه:يلا قوولي..

فطامي:محشش راعي تكسي ركبت وياه حرمـه قالتله بروح السوق قالها انزين لا تتأخريييييييييين...

روضه وفطامي"يضربن كف بكف":وااااااااااااااااااااااااكككككككككككككررركركر كركر..

روضه:كانت في بالي نكته بس خليها باجر بقولج اياها..

فطامي:انزين انزين..تعالي بنتمصخر ع الشلة..

روضه:يلا..

فطامي:مادريتووووووووا؟؟

روضه"اتفز":شوو شووو شووو شووو مستووووووووي؟

فطامي:عرس خلودي بعد ثلاثة اسابيع...

روضه:في ذمتـج..

فطامي:والله ما جذب..من يوم سلطان مرمس سيف..وسيف واقف لأن الأخت خلودي ما عندها لا شغل ولا مشغله..

روضه:الله كشخه هالأيام كل أبوها أعرااااااااااااس..

فطامي:والله لا ااييب الكدر والحزن صوبنـا..

روضه:آآميييين..

فطامي"تويه صوب سيارة خالها راشد تاخذلها ماي":انزين تعالي بناخذلنا ماي من سيارة خالي راشد..

روضه:يلا..فديييييييييييت باباتيه وسيارته..وفديت ماماتيه..

فطامي:تبين ماي؟؟

روضه:هيه..

فجت فطامي الباب وظهرتلهن ماي..وتمن يمشن ع هونهــن..

روضه:ماخبرتـج..

فطامي:شوو؟؟

روضه:حمد وشموس متواجدين حالياً في الكويت..

فطامي:اووووووووووونه؟؟

روضه:والله صج ماجذب..

فطامي:هب قالوا انهم بييلسون شهر كامل في ماليزيا..

روضه:شمووس تأثر على بوشهاب بسسسسرعه..

فطامي:والله لايقين على بعض..؟؟

روضه:ماجذبتي..ما خبرتج..

فطامي:شووو..؟؟

روضه::تدرين فطامي شو قالتلي موزاني..

فطامي"بفظوول":شوو؟

روضه:قالتلي انيه أطنش سهيل..وانا طنشته..وسويتله أكبر طااف..بس لازلت أحبه وفكر فيه..واتعبت قلبي عشااان رضااااااااااااااااااااه..

فطامي"بضيييجه":اوووووف ردينا وقلتي سهيل...اوووف أكرهه هالإنساان حقير حقير نذل بشكل ما تتصورينه..ما يحبج..يكرهج صدقيني يلعب بمشاعرج..يبين لج مهااارته فالتمثيل..خليه يدور حد غيرج..

روضه"ببرود":مااااااااااااااااصدق..انتي من زود ما تكرهين سهيل تتخيلين هالشي..سهيل..سهيل يكرهني؟؟؟؟أخر ما يصير فالعالم ان سهيل يكرهني..

فطامي"محرجه":ع كيييفــج..والله بتندمين وبتقولين ليتني سمعت رمستـج يا فطامي..

روضه:جان تعيبج الرمسه..بندي هالموضوع..وخلينا نسرقلنا سيارة..

فطامي"متضايجه":ماااااااريد..

روضه:كيييفــج..

فطامي:لا خلاص يلا بنسرق..

روضه:هع هع ..مساعدتي وادريبج ما تتخلين عن الروض بنت راشد..يلا يلا هبابنا نسرق ونتحوط اشوي وبيأذن المغرب..

فطامي:فأي سيارة نطيح..

روضه:ع راااحتنا..البوليسي حمد محد..عايش في دباديب الغرام ويا شموس..

فطامي:زين عرس وانشغل عنا..والله كل ما سرقنا سيارة حصلناه واقف في حلوجنا..

روضه:خخخخخخخخخ..فديت خوووويه علني ماخلى منه..يلا..

غطامي"تصد صوب السيايير وتحط يدها على خدها اونها تفكر":اممم..شو رااايج بالنيسان الأسود مال سيف..والله انه طر وغراام وكسرتيييييييم..

روضه"بضيجه":لالالالالالا..ما فينا ع سيف..

فطامي"من طرف خشمها":وشو فيه بن المر علني فداااا ثره..؟؟

روضه:مابلاه شي...بنطيح ع استيشن محمد خوويــه..

موزاني:أشكككر فنــج بنت العم..

وكالعاده..اتوايهــن..

سلامي:شو هالحاله؟؟والله استحي..

فطامي تصد صوب سلامي وتطالعها بنظرات خلاف تضحك..

فطامي:خخخخخخخخخخ..والله ياناس هالسلامي تضحكنــي..

شجون:ليتها تضحك وبس..

غبوش:سلامي..

سلامي:لبيه..

غبوش:لبيتي فمنى..من ايي خلوف لا اتمين مرتبشه خليج عادي..

موزاني:صدقيني والله يحبــج..

سلامي"حمرن خدودها":جــب صخن لا ترمسني..

روضه:لييييييش؟؟ههههههههههههههاااااااااااااااي..

سلامي"تفر روضه بالغرشه اللي جدامها":جب جب أنتي أخر وحده ترمسين..

روضه:أخر ولا اول..كركركركركر..

ويوم أقبل عليهن خلوف..تمن فطامي وموزاني وشجون يصفقن..شو مسرحيه؟؟

روضه:مرحباا مليوون و\هلا والله بالشيخ خلوف اللي يحب الشيخه الغبيه سلامي..

خلوف"يضحك":شيخه ورضينابها..بس غبيه لا..

موزاني وشجون وفطامي:يااااااااااعيني ياااااااااعيني لا حركككات اوووه والله حركااات..

خلوف:مشالله حافظات الجمله هاي..

شجون:اكييد عشان ما نخليكم تتزاعلون مرة ثـانيه..

خلوف"يحط تيلفونه في مخباه":شو عندكن..

خلوودي:ليش تزعل سلامي..

خلوف:لا والله..تخبريها منو مزعل الثاني..؟؟

موزاني:سلامي رمسي..

غبوش:انا شو قلت..

سلامي:جب انتن مالكن خص..

غبوش:فقدتج يالعيووووووووز..

روضه:وااااااااااااااخخخخخخ...

خلوف:عندكن رمسه غير هالرمسه؟؟

روضه:حسى"حشى" بلاك شاب ضوو..اخوويه الكريم خلنا نتفااهم..انته ما سفت"شفت" حالة البنيه كيف..تقول حد متوفي عندها ..فال الله ولا فالي..عيب عليكم..انتوا حبايب..والحبايب ما يزعلون من بعض..انتوا تحبون بعض من سنييييين..واحن ما نرضى لا عليك ولا على سلامي..يلا خلاص حلينا المسلكه"المشلكه"....."وتصد صوب عنودي"مرحبااااااا مليوووون ولا يسدن..حي الله من لفانا وتعنا صوبنا..خشمج خشمج عنودي..

ويتوايهن روضه وعنودي..

عنودي:هااج..خذي السويج..بس ع ..ع ..شرط..شلوني وياكم..

روضه:مسكينه واايد تحلمين..

موزاني:عادي خليها تحلم الأحلام ببلاش..

فطامي:عنودي تحلمين سيرة ويانا للعراقيب ماشي..

خلوف:هاه سويج موتر محمد..عنده اللحينه بخبره..

روضه:يالنذااااله..

موزاني:سرقة موااااااتر..ارحبووووووووووا..

سمعتهن أمهن العوده اللي كانت قاعده تتقهوى جريب منهن..

أم راشد:شوووو؟؟سرقة مواااااااتر..."وتدور الروض".ويين الرووض..الروووض..

روضه من سمعت حس يدوتها ينت ونشت بسسسسسسسسسرعه ووياها موزاني وفطامي..

فطامي:خلودي غبوش سلامي شجون يلا..

موزاني:يلا نشن..

خلودي:مافيني..

شجون:وانا بعد..

سلامي:وانا بعد..

غبوش:وانا بعد..

روضه:يلا خليفه قول وانا بعد..

خلوف:ههههه..لا لا انا ما قلد..عنلاااتج اللحينه بخبر محمد..

روضه:والله اخلي سلامي تزعل..

صد خلوف صوب سلامي ولقا خدودها محمرة ..خخخ..

خلوف:اذا جيه محمد لا اعرفه ولا يعرفني..

موزاني"اتصااااااارخ":يلااااااااااااااااا..

وهجوووم صوب استيشن محمدز.ومن صوب العيوز اتصارخ ع رواضي واللي وياها..

العيوز:والله لأدبكن مسودات الويه تعصن شوري..

أم محمد:الروض عزير ومن تعزر ع الشي اتسويه..بنتيه وادريبها ..عنيده وراسها يابس..

أم راشد:امبونها هاللي مخربه البنات..دواااها عندي مسودة الويه..ان ما وسمتها اليوم..

عليا:دومج اتقولين بتوسمينها ولا وسمتيها..

ام راشد:دومها ما تهون عليه .بس اليوم ..ما بتشرد عنيه..

من صوب ثـاني..خلوف سار ويا سلامي بعيد يتفاااهمون...لحد ايقول شي..حرمتــــــــــــه...."عصبت..خخ"..

× عند رواضي×

روضه:هههههههههههههههههههههههههههههههه..

فطامي:عنلاااااااااااتج والله بتحرج علينا..

موزاني:..خخخخخخخخخخخخ...والله فديتها هالعيوووز محد شراتها...

روضه:تخيلوا كل يوم اتقول بتوسمني في يدي..ولا اتنفذ شي من رمستها..

فطامي:عادي انا بوسمج..

روضه:هاهاها..ما بخليج غبيه جدامج..

موزاني:اييه فطامي يلا ردي ورى انا بقعد جداااااااام..

روضه:هدوووووء..

فطامي :طااع هاي اونه هدووء..

روضه:طااع ويهج انتي من زينه..

موزاني:بسسسسسكن..انا العوده وان اللي مفروض ايلس جدااا..

فطامي"...........فدييت صوتك فديتك شفتك عشقتك هويتك..

روضه:ههههههههههههههه..مسويتلج طاااااااااف..

موزاني:والله اثفعج فطامي نشي..

فطامي:ياليت تدري ياليتك..غلاك ياكبر قدره..ااه ابدع راااااااااشد المااااجد..

روضه:يامهموم تعال ابكي على صدر يا مهموم..ولا تلوم تبي مني دمع واعيونك غيوم..ترى العين دمع ما باقي فيها..ولا النوم اجى وسلم عليها..

فطامي"اتاقطعها تبغي اتغني المقطع اللي عيبها":

سلامات حبيبي مو على بعضك سلامات..

سلامات اشوف الحزن في عيونك سلامات..

في لقياك القلب يشفي غليله..

وانا وياك مثل قيسن وليلى...

روايات ويا ما ألفوا عنا روايــاااا........

موزاني:اتقاطعها":نششششششي..ويا براطمج براطم بقرة..

فطامي"اتغني":انتي البقرة والله..فديت..وتنحط ع الجرح ...

موزاني"اتقاطعها":انا البقرة يا مسودة الويه..؟؟!!!

روضه:بببببببببببببببببببببببسسسسسسسس..

صخت فطامي وموزاني وصدن صوب روضه يوم شافو ويهها..طالعن بعض وضحكن..خخخخخخخخ __DEFINE_LIKE_SHARE__

هيمـان يالمنصوري · 09-24-2008, 12:06 AM

(الفصل الثـاني)

••.•°¯`•.•• وينــك حبيبي ما وحشنــاك ••.•°¯`•.••

كــل شي يتمنـــــــــــــــى يشارك فينــــي

الارض والاشجــــار والبحــــر والحــوت..

يــا مبــرأك يــا مظلمــك ياضنيــــــــــنـي

مـا ضاع لـك ضايـع ولافــات لـك فـــوت..

المــارينا مووول..

الســاعه 8 ونــص..

هاللحظــه..سهيل وأحمـد قاعدين في واحد من المطـاعم يالسين ياكلون ..سهيل ما خلى بنيه الا وطالعها من فوق لين تحت..عكس أحمد اللي يالس يمزر بطنـه..

أحمد:انزين ما قلت لي ليش كنسلت السفره للبحرين..؟؟

سهيل:بس جيه..قلت خل اسعيد يروح بدالي..

أحمد:والكليه..

سهيل:قال انه بيدبر روحه..

أحمد:انزين بسك مطالعه وكل اللي جدامك ما أخسر فلوسي ع الفاظي..انزين؟؟

سهيل"يضحك":ههههههههه...

أحمد"يشرب بيبسي ويرمس":ليش تضحك يالسبال..

سهيل:الي يسمع انك ما اتطالع البنات..

أحمد"يحط البيبسي ع صوب":ياخي ..انا شو اقولك..سهيل مادري..احس ان احن نضيع وقتنا ع الفاضيززانغازل ونتمصخر ونجذب..يعني خاطريه شو الفايده من هاه كله..

سهيل:شو لا يكون حمد من بعد ما عرس غسل مخك..

أحمد:جب..جب..أصلن حمد من عرس ما رمسته الا ثلاث مرات..ماريد أطفربه..خلني ارمس باللي في خاطريه..

سهيل"بضيجه":أرمس..

أحمد:والله تدري هاك اليوم حاس بضيجه مادري شو بلاااني..أحس حياتي سخيفه..كله خربطان ع البنات..اخلص من وحده ايي للثانية أبند منها ارمس الثالثه ومن اخلص اطرش مسج للرابعه ..وجيه ..يعني هن يضيعن عمارهن..واحن نكون السبب..شو الفايده ؟؟شو نستفيد من انه نقص عليهن وهن يقصن علينا..؟؟

سهيل"مسوي طاف":...أمممم.....يعني اللي افهمه انك كنسلت مهنتك الأولية..

أحمد"بملل":هي كنسلتها..ولو تكنسلها يكون أحسن..نسمع اغاني وما نكسب غير الذنب..ونروح صوب هالبنات ورمسه ومادري شو نكسب ذنوب أكثر..واذا تذكرنا الصلاة سوينا خير في حياتنا..

صخ سهيل ..ما بقولكم أنه تأثر من رمسة أحمد..بالعكس ما حفل"حفل :أهتم"..لرمسة أحمد..بس فضل السكوت عسب ما يطول أحمد فالرمسـه..ويتم ايقول رمسه مالها معنى"في نظر سهيل السخيف"..ما يعرف ان أحمد يحاول ينتشل سهيل من درب الخيااس..لأنه اليوم بس يرمس..الله وعلم باجر شو بيسوي..؟؟

من خلصوا أكـل..نشوا من مكـانهم سايرين صوب حمدان في بوظبي..عسب يسلمون عليه هو وقصايد..لووول..

●

●

●

●

ياضـــــي عينــي خاطــري بالبكــى ضــي..

ودمـوع قلبــي من شجونــك شجــــــنــها..

بــي منــك فالخافــق مثــل رسمــت الكــي..

واسمـي الحــزون اللـــي تطـاول زمنــهــا..

فــي منــك هــم طاويــن خاطـــــري طــي..

حــرم علــى عينـي تصافــــــــي وسنهــا..

لــك بستـــــــــوي فــيّ اذا تقاصـر الفــيّ..

ولــك بستــوي وبــل السحــاب ومزنهــا..

وجهــك ينيــــــــــر دبــي يابهجـة دبـــي..

وروحــك تنـور البشاشـــــــــــه وطنهــا..

بينــي وبينـك عهــــــــــــد انــه اذا شـي..

كــدرك تشكــــــــــــي للهمــوم وحزنــها..

أبوظـــبي..

بيت بـو سلطــان..

حيرة شيخــاني..

شيخه:ياااااااااويل حـــاالي على هل دبـي..

ميثا"من الصوب الثاني":هههههههه..هزااااااعووووه..

شيخه:تصدقين ميثا يوم سرت المكتبه ويا سلطان امس..شفته..وييلي بغييت اموت..

ميثا"تضحك":هههههههه..ربج ما متي؟؟..مافينا عاده..

شيخه:ههههههههه..والله شو اقولج شكله ينن..حلووو من الخاطر..انزين تم يرمس ويا سلطان..ويتخبره عن احواله وجيه..وانا مب متغشيه..بس من حدرنا السيارة..تم سلطان امسويلي محاظرة شطوولها..يباني اتغشى وااحليله..

ميثا:حيج شفتيه..اقول متى عرس سلطان..

شيخه:بعد شهر..

ميثا:شو دورتيلج فستان ولا بعدج..

شيخه:لابعدني..بس قلت بسير دبي وياج وبدور فستان شيوووووووووخي..أبغيه احسن عن فستان العروس..

ميثا:ههههههه..بيتحرونج انتي العروس..

شيخه:خخخ..تخيلي..

ميثا:شو اتسوين من فصلتي من المدرسه..؟؟

شيخه:والله يا يالسه ع التي في ولا ع النت ولا اتحوط في السوق..ورقااد الصبح وانش فليل..استويت خفاش..

ميثا:انزين شرايج باجر انسير السكيت..والله كشخه..

شيخه:باجر أحد..كيف انسير..ماشي بنات..

ميثا:لالا..في بنات من الشارجه اعرفهن بييين..ادخيييييييييلج..

شيخه:انزين انزين..وبنييب حصوه ويانا...

ميثا:وينها هالبنت ادق ع تيلفونهم كله يقوليلي حصوه محد..

شيخه:هلها خايفين..خخخخخخخ..عن اتخرب بنتهم..

ميثا:واايه ومن و بيخربها المصريه..سمعي انزين بقولج..

شيخاني"بملل":شوو.؟؟

ميثا:شفتي سيف من بعد السالفه اللي استوت في عرس عيال خوالج..

شخاني:لا..فقدته ولا ابغي اشوفه..مسود الويه..

ميثا:بتخبرج وانتي اصلن ليش رمستيه وسويتي عمرج مها..

شيخه:بس جيه..كل ما يلسنا في بقعه..يابن طاريه البنات..قلت برمسه وبخليه يحبني من حلات منطوقي وأسلوبي..وبسوي عمري بنيه فالجامعه..وبعد ما يتعلق فيني بقوله انا شيخاني بنت خالتك..بس هو الحقير كشفني..

ميثا:يعني لو خطبـج بتوافقين..

شيخاني:اممممممم..لا..بس جيه..العب بمشاعره..

ميثاني:اهــا..اوكيك بخليج امايه تباني..

شيخاني:اوكيك ماي هيرت بااي.

ميثاني:باااي..

وبندت شيخاني عن ميثا وتمت اتطرش مسجات لربيعاتها وهي ملانه..واشوي الا تسمع صوت حد يدق الباب..نشت وفجت الباب..وكانت بشكارتهم..

البشكارة:ماما يقول يجي تحت ..

شيخاني"تظهر من حيرتها":انزين انزين سيري انتي..

سارت البشكارة فالوقت اللي وقفت شيخه على الدري تتسمع اصوات العرب اللي تحت..سمعت صوت روضه ومحمد وعليا وحرمة خالها"ام روضه"..وخالها راشد.

تضايجت..وسارت غيرت لبسها من بنطلون وبدي صغيروني لكندروة تحشمها جدام العرب..تكشخت ع الخفيف..وأي خفيف ..بالنسبه لها خفيف..ولا هي اتقول سايرة عرس من زود كشختها..

المووهيم انها نزلت..وسلمت ع الموجدين..ويلست عدال أمهـا..وهي تعق نظرات حقيره على روضه وعليا..فالوقت اللي هن مسويات طااف لها..هن ما خطفن على هالبييييت الا يشوفن عموتهن ويسلمن عليها ويشوفن حالة ريلها..ولا شيخوه الساباله..محد عاطنها ويـه..ومرت نص ساعه..وخلاف ساروا صوب شقة حمدان..

●

●

●

●

هاتلي ذكرياتي واستـــــــلم ذكرياتك..

رد قلــــبي وروحي..حتى باقي خيالي..

كنت احبك حقيقه كنت اداري غلاتك..

كنت تسوى حياتي..بالفعل كنت غالي..

سويحـــااان..

بيت بوسيف..

الســاعه 9 ونـص..

مناقشه جداً حاده فالصاله بين سيف وامـه..

سيف:يماايه قلت لج شيخاااني لا لا لا ...

أم سيف:يا ولديه وبلاها شيخاني زينة البنات وشحلاتها وحلات منطوقها..

سيف"في خاطره هيه يمايه ما تعرفين شي":شيخااني ما ابغيها البنيه هب داشه خاطريه..

أم سيف:بس يا ولديه انته وعدتيني بخير بعد أربع شهور..من بعد ما تخلص اشغالك ويا السياايير واتخلص سالفة البحرين..وخطفن الأ{بع شهور..وسالفة البحرين بيخلصونها خالك محمد وولده سعيد..

سيف:بس انا ما بغي شيييييييييييخه..

أم سيف:البنيه زينه..ومحد شراتها..انته تعرف ان واايد خطبوها من قبل بس هي ترفض..ولو خطبتها انته ما بتردك..

سيف:ماريد اعرس..انا بتم اجابلج انت وفطامي..ماريد غيركن..

أم سيف"اتدمع":ياولديه اليوم انا وياك..باجر ما بتشوفني..وفطامي بتكبر وبتعرس ما بتم فالبيت..وخلودي عرسها بعد كمن اسبوع..بتم اتجابل شو..طوفة الحوي ولا الدريول..؟؟

سيف"يبوس امه ع راسه":اوكيه خطبيلي اللي تبينها..بس شيخاني لا..

أم سيف"متضايجه":والله كان ودي تاخذها..بس انا ما تعودت اغصبكم ع شي ما تبونه..من باجر بدورلك البنيه الزينه..

سيف:لا لا..انا ماريد شي عرس اللحينه و لا ملجه ولا هم يحزنون..خلي كل شي فالصيف..

أم سيف"مستانسه ":انزين انزين..

صـخ سيف وهو متضايج..انقهر من هالساعه اللي امه رمسته وزادت المواجع..وذكرته بأيام مرت وين..ع قولة ميييحد..أيام عهد الوفا..أيام ما كان يموت في شي اسمه "مها"..اللي هي شيخه..

.

.

"والله والله لو ان روضه مب محيرة..جــاااان خطبتها من اليوم قبل بااجر..بس ياخسارة البنيه سارت لولد عمهـا..الله يوفجهم.."

.

.

تدرون شو الشي اليديد فالسيف بن المر..انه كل يوم والثاني يحب روضه زوود عن قبل..كيف ما يعرف..ولا يعرف شي.وتدرون شو الشي الحلو في السيف بن المر؟؟انه راضي بحكم القدر..وانه راضي ان البنيه اللي يحبها بتسير لربيعه وولد خاله..وتدرون شو الشي اللي يقهر في السيف بن المر..انه يتذكر روضه كل ماطروا شيخه..وانه يتذكر شيخه كل ماطروا روضه......؟؟

فطامي"شاله الصاله بصريخها":وااااااااااااااااااااههههههههههههههاااااا اها...

وتربــع جنها حصان..

خلودي"وراها":ايييييه يالعنز ييبي تيلفوووووني..

فطامي:ههههههههههاهاهاهاها..مااااااااااريد..

أم سيف:شو بلاااكن بسم الله لبسكن يني..شوو بلاكن استهدن بالله..

خلودي"معصبه":أمـايه شوفيها سرقت تيلفوني..

أم سيف:الله يهداج يا فطااامي..انا ما قلت لج تتزين عند كتبـج اتدرسين..

فاطمي:اووه امايه انا خلصت من زمان..

سيف:جذاابه هالبنيه طول الوقت اسمع صراخها وضحكها فوق مامداج تدرسين..

فطامي:لا وانا ادرس احب اصاارخ..

خلودي:ابا تيلفوووني..

فطامي"تفره ع ويه خلودي":خذييييييييه يالياااااااااااااهل..

وتربع فوق عسب ترمس مهروه بنت ييرانهم اللي منقعه ع سماعة تيلفون البيت..فالوقت اللي ظهر سيف من البيت..وخلودي يلست ويا أمها اتسولف..

شو اللي صار في حيـاته..شو هالتغيرات اللي طرت عليهـا..تخلي سيف مرة متضايج لأنه خاض تجربه سخيفه مع شيخه..وخايف لأن قلبه حب روضه..ومتضايج لأن امه ترمسه في سالفة العرس..

كل شي حولـه..من ظروف ومن ضيجه ومن خوف..تخليه يحرك موتره للعراقيب..لأنه راس العرقوب هو الوحيد اللي يروم ينتشل حزن سيف..وضيجته وهمـه..وكأنها حياته صارت جحييم في عيونـه..من هم لهم..ومن مشكله لمشاكل..

وشوي الا يود تيلفونه وتم يرمس سهيل..اللي كان يقوله انه كنسل سفرته للبحرين..

●

●

●

●

والارض في اتضيق وابي الفضا ضــاق لـمـن بـعـدك حــــــال دونـــك ودونـــي

انـت الـذي سكنـت قلـبـي والعـمــــــــاق منـسـاك لوتـحــــت الـتـراب ادفـنـونـي

بنيت لك وسط الحشا قصـور وانفـــــاق وزهــور واورود(ن)عـلـى كــل لـونـي

وين انت ياللـي عقبـك الوقـت مـــــالاق عندي واشوف الكـــــون كلـه سجونـي

الكــويـــت..

جدام بيت أمل.."ربيعة شموس"..

حدرت شموس السيارة وهي مبتسمـه..

حمد:مرحبااااااااااا مليوووووووون ولا يسدن في ذمتيــه..

شموس:مرحباابك زوود..

حمد:ييبي ايدج يلا بسرعه..

شموس"خايفه":بسم الله شو تبغي بيدي؟؟

حمد:ييبييييييييها اقووووووووول..

شموس"تمد يدها":هااااك تفضل ..

حمد:ههههههههههههه..لا بس ابغي ايودها..ابغي احس بالحنـــااااان...

ضحكت شموس على استهبال حمد وصدت جدام اطالع الشارع..

حمد:شو استانستي يوم شفتي ييرانكم...؟؟

شموس:هيه فديتها خالوه حليمه وأمول..والله ولهت عليهن..

حمد:رمستي امـج ولا؟؟

شموس"حاسه بضيجه":الوالده مسافره..ومن ادقلها ما ترد عليـه..

حمد:ما علييه يوم ترد الكويت بنسافر مرة ثـانيه..ابغي اشوفهـا..امممم..تشابهينها انتي ولا؟؟

شموس:اممممممممم..هيه وااااايد..

حمد:يعني أمج حلوووة..

شموس:هيه فديت قلبها اتيينن..حمد أكو لفه اهنيه..

حمد:أكوو؟؟..عاااااااااااش الله وياااك يا بوشهاااب..نقعلج عرج كويتي ..الله ياحلات الرمسه الكويتيه عليج يا شموس..

شموس:اااااه فدييييت الكويت وفديييت هلها..

حمد:اممممممممم..شو رايج انسير المطعـم..

شموس:اوكيك...

حمد:شموس قالولــج؟؟

شموس:شو؟

حمد:قالولج انيه احبج وأمووت فيــج..

شموس:لا بس انا اعرف..

حمد:ااه شموس والله امووت فيييييييييييييييييييييج..

شموس:حتى انا..

حمد:انزين رمسي شرات العالم والنــاااس..

شموس:وانا ارمس شرات العالم والناس....انا بعد أحبك وأموووت فيك..

حمد:ااااااه..ااااااااااه...لالالالالالالالا..بمووو وووووووت..

شموس"متعوده على حركاته":ييييها دوومك انته على هالحــاااااله...

حمد"يعلي على صوت المسجــل":اهدااااااااااااااااااا لأحلى ما شافته اعيووووني..

القلــب سلم لك امــرة في حالتــي انتـه ادرى..

ياللـي حنانك وطيبــك تنحــط ع الجرح يبــرى

شفــاف يانور عينــي حبــوب قلبـك يبينــي..

زهــره شبابي وسنيــني تفداك الفيــن مــرة

الله لمـا تكلــم كنـــــك تغنـي وترنــم..

والورد منــك تعلــم والشاعـر يضيــع شعــره

حنـون ربي يصـونك في طيبتــك فــي عيونك..

دنيــاك حبي وكونــك ياطيب عمــري وياعطـره

فديــــت صوتــك فديتك شفتـك عشقتــك هويتــك..

..ياليــت تــدري ياليتك غــلاك وياكبــر قــدره

بالفعل ..حمد سلم لشموس قلبه..ونفس الشي ..شموس سلمت لحمد قلبـهـا..

ياحلاااات الحب لو كـان من طرفين..لأنه اذا كـان من طرف واحد.."عذاااب"..

وصلوا المطعم..وشموس هي اللي ادل بوشهاب على دربـهم..كان ملعوزنها بالرمسه اللي يقولها..مرة أحبج ومرة اموت فيج ومرة اعشقج ومرة اهواج..

شكله ماصدق شافها عسب يظهر اللي في خاطره كله..[/quote]

●

●

أنكسر قلبي وضاعـــت أمانيه..

في غيابك حزن هالعالم سكني..

الرمــااح..

الســاعه 9 ونــص..

حيرة موزاااااانــي..

وقفت جدام الدريشه وحضنت عمرها بيداتها الثنتين..والهوا يضرب ع ويهها..حست بالبرد لأنه هوا باارد..ما تدري ليش ابتسمــت على شكل عنودي والبشكـارة تربع وراها..ومن صوب امهم العوده يالسه ع القعده الا تبغي عنودي عسب تأكلهـا خبز مدقوق بلبن..وعنودي ما تحب هالسوالف..لووول..

امهم العوده في هالساعتين متكفله بعنودي..لأن عليا هي وروضه مثل ما تدرون ساروا ابوظبــي..تمت موزاني تضحك على اشكـالهم..بس أخر شي لمحت بورش واقفه على طرف بيت عمها راشــد..

وعلى طول عرفت انه منصور..لأنه البورش مالته معروفه من بين هل الرمـاح..من لمحته على طول بندت الدريشه..وجابلت اللاب اونها تظهر بحوث..

بس كيف اتظهر بحوث وفكرها في منصور..الفظووول بيجتلها..خااطرها تعرف ليش هو يلاحقها من مكان لمكـان..ليش اتحس عمرها مراااقبه..راحت المدرسه ولا ردت منها شافته..سوق وشافته..يتحوطون فالشعبيه شافته..

كرهت عمرها لأنها فظوووليـه..بس فالأخير سوت طاااف لما سمعت صوت خلوف من ورى الباب..

خلوف:فجيييييييي..

موزاني:في اسلو ب حضاري يسمونه دق الباب..

خلوف:ما عندنا دق الباب"وتفج لها موزة الباب"..عندنا تكسير ابواااااااب..

موزاني:هاه حبيبي نظر عيوني قلبي وعمري وحياتي شو تبغي؟؟

خلوف"يرقص حياته مستاانس":هع هع هع..فطامي تبغيج ع التيلفون..

موزاني:اوكيه شي ثاني بعد..

خلوف:وين سلامي..

موزاني"تستهبل":لحظه اشويه يمكن تحت الشبريه ولا داااخل الكبت..

خلوف"رافع واحد من حياته":تستهبلين..

موازني:لحظه لحظه يمكن داخل مخباي ..لا لا أكيد عقيتها في مكااان..

خلوف:جب يالسبااااااااااااااااااااااااااااااااااااااااااااا له..

وعطاها ظهره وراح..سوتله مالت بيداتها ويودت السمـاعه..

موزاني:مرحباااااااااا ملاااااايييين ولا يسدن بهل سويحــان..

فطامي:احم احم..مرحبااااابج زوود..شحــالج..؟؟

موزاني:خير يعلـج الخير..ومن صوبـج..؟؟

فطامي:بخير وسهـاله..شي علوم من جداكم..؟؟

موزاني:لا ابدن..ومن جدااكــم..

فطامي:ابدن..شو تسوين ..أكيد مجابلة اللاب..

موزاني"تضحك":ومن متى موزاني عندها شغل غير اللاب..

فطامي:هييييييييه..أقوووول..وين الشله عنج..؟؟

موزاني:والله روضه في بوظبي ووياها عليوه سايرين صوب بيت عموتي وخلاف صوب حمدان..وسلامي رمستها قالت انها بتيي بعد اشويـه..وغبوش رمستها اتقول انها تدرس..وشجون راقده..ومنو بعد؟؟بس..

فطامي:اها..انزين انا بدخل يا انسه موزاني فالموضوع بدون مقدمات..

موزاني:يلا..حطي اضافه موضوع عسب نقرااه..

فطامي:شو ع بالج يالسه في منتدى..

موزاني:هع هع هع ..انتي قلتي موضوع..لو قلتي سالفه يكون احسن..

فطامي:شو بتخليني ارمس ولا ؟؟

موزاني:افاا والله كم تتامي عندنا..؟؟يلا حبيبتي قولي اللي عندج..

"تتامي:فطامي"

فطامي:سمعي موزاني..انا مرة سرت لروضه..وقلتلها ان سهيل يلعب عليج وما يباج ويلعب بمشاعرج..تدرين شو كانت ردة فعلها..تمت تضحك وبتموت من الضحك..وتقولي مستحيل مستحيل..

موزاني:سهيل..روضه..؟؟ااااه..اللحينه فهمت السالفه..يعني انتي تقنعين روضه انها تترك سهيل..

فطامي:مب جيه السالفه..صدقيني سهييل حقير ويقص على روضه فديتها صدقيني..

موزاني:انزين شو رايج اتخبريني السالفه من أولها ..

فطامي:اوكيك ما عندي مانع..الله يسلمج من كم شهر..انا وسيف خويه قاعدين انسولف..وطرينا سهيل وروضه..ومع تطور الحديث..سيف قالي انه سهيل يقول بعظمة لسانه انه ما يداني روضه..وان روضه هي عاطتنه ويـه..وانه هو ولا فكر فيها ومعتبرها شي غير مهم في حياته..فهمتي...؟؟

موزة:بس الكل يقول انه سهيل يموت في روضه..ولا يروم على فرقاها..وبعدين لا تنسين انها محيرة له..

فطامي:ادري انها محيرة..ترى سهيل ماحير رواضي الا بشور ابوه..ويوم تدخل حميد فالسالفه..حب انه يعاند حميد..وفاز بروضه...بس فالأصل..هو ما يحبها ولا شي..

موزة:اممم..لحظه تتامي خليني أفكر...................بس من صوب ثـاني روضه اتحبه..ومب بالشي السهل انها تقتنع ان سهيل جذاااب..

فطامي:وهاللي قاهرني..ابغيج اترمسينها..ابغيج تقنعينها ان سهيل مب بس حذاب..سهيل أكبر جذااب...موزاني انا اغلي روضه وايد..ما بغيها تندم بعدين على كل لحظه عاشتها وقلبها ينبض بمجبة سهيل..وانتي تعرفين انها ختيه اللي ما يابتها امايه..صح ولا لا؟؟

موزاني:صح يا تتامي صح..بس انتي تعرفين كيف روضه اتحب سهيل..روضه حبها لسهيل حب جنوووونــي..

فطامي:بس انتي رمسيها..

موزاني:اوكيه من ترد بوظبي برمسها..بس في شي ما فكرنا فيه..

فطامي:شوو؟؟

موزاني:انتي ناسيه ان عرس روضه في الصيف..ومنو بتاخذ؟؟..بتاخذ سهيل..يمكن بعدين ..يعني بعد ما يعرسون..تروم بأسلوبها اتخلي سهيل يحبها..انتي شو درااج؟؟

فطامي:مااادري..انا ما اقولج انيه اعلم بالغيب..بس انا ما ارضى على رواضي اتعق روحها على واحد ما يباها..موزاني فهمتيني انتي ولا شوو..؟؟

موزاني:اوكيك اوكيك فهمـت عليج..بخليج سلامي يت..

فطامي:اوكيه..ولا تطرين السالفه لحد..وسلمي على سلااامي..

موزاني:يبلغ..تامرين بشي..

فطامي:سلامتج ..ومن صوبج..؟

موزاني:ما يامر عليج عدو..بدق لج من اخبرها السالفه..اوكيك..؟

فطامي:اوكيك..

بندت موزاني عن فطامي وابتسمت لسلامي اللي كانت توها ناشه من الرقاد..

موزاني:هـلا والله..باجر كيف بتداومين فالمدرسه وانتي توج ناشه من الرقاد..خستي رقاد وعبرتي ابوه كله..

سلامي:ههههههه..عادي ع الساعه 12ونص برقد..شحـالج..؟

وتيلس سلامي ع الغنفه اتجابل موزاني..

موزاني:يسرج حـالي..توه خلوف يتخبر عنج..؟؟

سلامي:أأأأأأأه فديييت خلووف والله..

موزاني:عاااشوا الله وياااااااك..الله يا الدنيا...البنات خلاص فصخن الحيا..يالسه تتفداه جدامي لا مستحى ولا حشمه..

سلامي:يالله هنااااااااك..

تمت سلامي اتسولف على موزاني وتظهرلها سوالف فالمدرسه وجيه..بس موزاني..بالها فالسالفه اللي سمعتها من شو..ومحتارة..شو من رمسه بتقولها في ويه روضه..روضه اللي كانت ما تعرف شي الا انها تحب واحد اسمه سهيل..ومستحيل تصدق أي رمسه تنقال عنه...؟؟!!!!

●

●

●

●

لك وحشةٍ في خاطري لا تغيبت

تظلم علي دنياي ساعـة غيابـك

يا نور عيني في غيابـك تعذبـت

أمشي على دربك و أنادي سرابك

أبوظبــــي..

الســـااعه 10 ونــص..

شقـة حمداان..

طااحت روضه ع الشبريه عدال قصاايد اللي كانت اتصيييح..

روضه:خخخخخخخخخ..طاااع ويهها..والله اتضحكني هالبنيه..

ريسه"تبند الباب":ويااا ويهـج..فديتها ظاهره على ابوها..احلى عنج انزين..

روضه:يالله هنــاااك..قاصه على رووحــج..وينكم يا ناس تعالوا بينوا ضرووسكم وضحكوا ع راااحتكم..

ريسه"تسكت بنتها":واايه الترااب..ما خبرتيني من بعد التعديلات الي سووتها في صفكـم..فزتوا ولا بعدكم..

روضه"تلعب بخصلات شعرها":لجنة التقييم يوم دخلوا صفنـا واايد عيبهم..وان سالله نفوز.."ان سالله:ان شالله"

ريسه:اها..شرايج اتباتين عندنا اليوم..وباجر العصر حدان بيردج الرمـاح..

روضه:لا والله..حلفي انتي بس..؟؟اجاااابل ويــه منو؟؟..ويهج ولا ويه حمدان ولا ويه الدوده قصايد؟؟؟..أقول ماما..باجر بيقولون في الطابور منو الصف اللي فاااز..

ريسه"تحاول ترقد بنوتتها بس هي كل مـالها وتزيد اصيااااح":ان شالله صفكـم ما يفوووز..

روضه:تدرين شو اللقب اللي ينفع لج..؟؟

ريسه"تضحك":شووو؟؟

روضه"ماده بوزها":نذله..

وتنش من مكانها..

ريسه:هههههههههههه..وين سايرة..؟

روضه:امايه تزقرني..بس حربنا ما انتهت..بشوفها شو تبغي..وبييج..مااالت..

ظهرت روضه وسارت صوب امها وعليا وأم ريسه اللي كانت قاعده هالأسبوع عند ريسه..

أم محمد:فديتج رواضي سيري صوب حمدان يصارخ مادري شو بلاه..؟؟

روضه:انزين فديتج اللحينه بسيرله..

اول ما دخلت الممر اللي في ميلس الرياييل والحمام الله يعزكـم..وهو نفس الممر اللي العرب يحدرون منه الشقه او يظهرون..سمعت صوت حمدان..

حمدان:روووووووووضه..ييبي الحلوى العماااااانيـــــــة..>>حمدان يموت في شي اسمه حلوى عمانيه..

روضه"بصوت واطي":اووف مــالت عليه لازم يصارخ جدام الشباب كلهـم..

حمدت ربها انها ما حدرت الميلس..لأن سهيل وأحمد ميلسين عند حمدان..سارت المطبخ وفجت الثلاجه وما اتشوف الا سهيل داخل عليها..

سهيل:ييبي ماي بسرعه..

روضه:ليش؟؟

سهيل:برش به حمدان..

روضه"تمد لها الغرشه اللي ع الطاوله":هااك خذ هاي الغرشه..

خذها وظهر برع..بس روضه تذكرت الحلوى العمانيه..

روضه:سهييل..سهيل..

سهيل"طفران منها":هااه..

روضه:خذ الحلوى العمانيه وياك..

سهيل:اوكي.

شلها سهيل من عند روضه..وعطته مقفاها بسرعه..فالوقت اللي هو حرك راسه بمعنى كلمة لا..بس هو مكان يستهزء فيها.....؟؟؟!!!!!وسار يربع صوب حمدان يرشه بالماي..عايلتهم يحبون الماي وااااااااايد..خخخخخخ..

●

●

●

●

أنا نسيتك قبل لا انســــاك..حتى خفــوقي اليوم هدك..

ابكل صرااحــه واتحداااك..وااقف مكاااانك عند حدك..

يوم الإثنين..

بيت بو محمـــد..

الســااعه 11ونــص..

وقفت شجون وهي ملااانه..

شجون:تتوقعين شو يقول لها اللحينه..

غبوش"عينها ع الكتاب":اللحينه بتخبرنا هي ما تخلي شي في خاطرها..

شجون:بس والله طولوووو...

غبوش"مركزة ع الرمسه اللي تقولها":اللحينه اللحينه بيظهر..

هر ابوهـن من حيرة روضه وابتسم لهن ونزل تحتز.فالوقت اللي ترابعن صوب روضه وطبن عليها وهي يالسه ع الشبريه مستانسه..

غبوش وشجون:شو قااالج؟؟

روضه"اتنش تتحوط":ماااشي..بس خبرنـي ان ملجتي تحددت فالصيف..تاريخ 10/7..وعرسي 15/7..يعني بعد خمسة أيام من بعد الملجة..

شجون وغبوش:الف الصلاة والسلااام عليك يا حبيب الله محمـــــــــد..

كلوووووووووووولووووووووووولووووووووووووووووش..

تمن غبوش وشجون يالسات ايسولفن عند روضه ويتطنزن عليها ويعقن رمسه تحرجهـا..وخلاف طردتهن اونها تبغي ترقد باجر مداارس..

بس من ظهرن خواتها..على طول ظهرت دفترها وكتبت الحدث الموهيم اللي استوى..بس رمسة موزاني لا زالت ترن في اذنها..خاطرها تعرف ليش موزاني وفطامي يحاولن يقنعنها ان سهيل يقص عليهــا..ليش لهالدرجه حاقدات على سهيل ويكرهنه..

بس فالأخير.سوت طااف..وصدت صوب مكان طيف سهيل..مثل كل ليله..[/quote]

__DEFINE_LIKE_SHARE__

Roo7 wlhana · 09-24-2008, 08:33 PM

تسلم ع البااارتاااااات

ونترقب الزوود __DEFINE_LIKE_SHARE__

هيمـان يالمنصوري · 09-24-2008, 08:56 PM

الفصل الثـالث)

••.•°¯`•.•• مــات حبــكـ ••.•°¯`•.••

كثــر عيــن اليتيم اللّي ترجّــت من بخيــل إحســـــان

لـــي الـلــه مــوكـثـــر دمـــعٍ نــزفتــه دم بأسبـابـــك

تخيـــّل قـــد مـاتقــدر تعـــايـش ساعــة الحرمـــــــان

تصــــوّر كيفهـــا حالـــك إذا خانـــــوبـــــك أحبابــــــك

تخيـــّل روحـــك بكـــف وبخــل فيهــا عليك إنســــان

مصيبـــه تنســـرق روحـك ولاأنته حاسب حسابــــك

وتخيّـــل صدمـــة الغفلـــه تجي من كـف له ولهــــان

تصــــوّر واقـــع الصدمـــه وتأثيــره علــى أعصابــــك

لـــي الـلـــه كـل ماتخطــي أجيلك منكسر غلطـــان

أقــول إن الخطـــا منــي دخيلك بأسمــــع عتـابــــك

وأجيــلك مـن ورى غفــوة جـروحي ضايق وحيـــران

كـــرامة عـزتي هنتــه أبـــي عيونـــي تهنّـــابــــــك

من شروق الشعر حتى ضحى الذكرى أفيض أحـزان

إلـــى مغـــرب معانـــاة إنــدفاعــي واقــف ببابـــــك

قتلنـــي بهــالغــلا يـتـمـه تلـفــّت مالــقالـه إخــــوان

يهيــم بقايلــة وهــــم ولقـــى ظلــــك تـفيّـــابــــــك

ولأجلـك شلـت مـن غبــن الزمـــان جــروح ياخـــوّان

تخيّــل كـــم تعــرّيــت بــزمــانـــي بأستــر ثيــابــــك

وعلـى كثــر الوفــا منـــّي تجــازيني بكــذا نكـــــران

جحـــودك كاليهـــود ولا بيــديني شــــئ وأغـتابــــك

وأنا أذكــر مـرّه أطروك بحضوري وإحترقت أشجــان

وتـوجّـد كـل عـرقُ من عروقـي وصــاح وشجـابــــك

وشــآخــرة الغـــلا ياللــّي ملبّسني غــواك أكفـــان

يليتــك محتــرم هجــري وأقـول إن اللــه أولابــــــك

ورحيلك وش تــرك فيني سوى التابـوت والجثمـــان

وعــرفت المــوت لـه إسميــن وكان الثاني غيابـــك..

●

●

●

●

::: بعــد مرور شهريـــن :::

في هالشهريـن..استوى عرس خلودي وسلطـان..ادري معصبين كان ودكم تحضرونه..بس في عرس سلامي وخلوف ان شالله..لووول..الموووهيــم..عرسهم كان وايد حلوو..وهم حاليأص ماخذين لهم جولـه في دول اوروبا..

بالنسبه لشيخـاني..الأيام كل مالها وتجمع بينها وبين هزااع..بس ماقد مرة رمسته..اللي يصير انها بس اتشوفه..وميثـاني معاونتها ع الخير والشر..

موزاني وفطـامي كذا مرة رمسن روضه في اسلفة سهيل..بس كان ردها انها تضحك على"سخافتهن"..وتغير السالفه..فالمقابل..سهيل..ولا عليه..ناسي ان يلعب بمشاعر روضه..احيانن يعطيها ويـه..وأحيانن أكبر طااف..

سيف من درى بملجة روضه وسهيل..أشفق على حاله..وكره نفسه اللي تخليه ايحب..وأمه حالياً تحاول تقنعه بوحده شافتها في عرس بنتها..لووول..

فطامي..ملت من كثر ما تعيد سالفة سهيل..وعصبت على روضه..وقالت في خاطرها ان روضه هي اللي بتندم..

سلامي وخلوف من صوب..كااانوا "غيييييير شكل"..ومحد يحضر يوميـاتهم الا غبوش وشجون..

::: أخليكم مع أخر حدث في هالبـــااااااارت :::

●

●

●

●

اعتبرني محبن في غرامك وفـــيت..

ابعدته الليالي عن عيونك ومـات..

او مجرد خيالن غاب عنك وسليت..

مر بنوم واصبح في النهار شتات..

حواار جداً حاار بين سهيل وسلامي..

سهيل:تنكتين ولا تحاولين..

سلامي:هههههه..لا بس صج انته تحبها وشو رايك اتسويلها سبراايز..خاصتن انيه شفتك هالفتره وايد مبتعد عنها..البنيه خطف عيد ميلادها وانته ما قلت لها كل عام وانتي بخير..

سهيل:منو هاي؟؟

سلامي:روضه يعني منو؟؟

سهيل:ااه روضه..انزين أنا ما أحب روضه منو قــااال..

سلامي:تستهبل ولا تحاول..

سهيل"ييلس ع الشبريه":لا صج سلامي والله بقولــج باللي في خاطريه..

سلامي:فضفض يا بابا فضفض..

سهيل:سلامي بكل صراحه انا عمري ما فكرت بشي اسمه روضه..شو اقولـج..روضه في عيني ياهل غبيه عاقه روحها علي..اتعودت انيه اجاملها..او بنقول بمعنى ثـاني..أقص عليهـا..اقولها انا احبج وهي تصدق..اممممم..بس..

سلامي:شووووووووووو..بس انته اتحبها..

سهيل"يضحك":هههههههههه..جب جب..لو روضه اخر بنت فالعالم ما بحبها..

سلامي:بس انته وياها عرسكم في الصيف..

سهيل:شو يعني..تزوجتها بس ما حبيتها..هههههههه....اللحينه..انا ..؟؟سهيل بن محمد بن سهيل الــ.......ـــي احب روضه اللي ما تسوى شي..

سلامي"تضحك":ههههههههه..جذاااااااااااااب..انته تحبها وتموت فيها..

سهيل:خخخخخ..والله اني ما احبها ..أقولج هالبنيه سخيييفه..بالله عليج منو بيحب سخييفــه..

سلامي:سهيل شو هالرمسه اللي تقولها..؟؟

سهيل"بضيجه":أنا اقول الصج يا سلامي..فالفترة اللي حميد كان مسوي حشرة يبغيهـا..من بعد ما انا رمست..كان عادي عندي اقول تفداااااااااك يا حميد..روضه ما ابغيها..بس خذت السالفه سالفة عناد..عسب جيه تميت اعاند الكل وصارت روضه لي..بس روضه ما احبهـا..وتندمت ع الحركه اللي سويتها في حميد..ليته اييني ويقول انا ما ابغي روضه ..والله انيه بحس بالراااااحه..هــم وانزااااااااح..

سلامي"منصدمه":سهيل..والله احسك تجذب ماادري ليش؟

سهيل:أجذب..؟؟انا عمري ماجذبت على حد..بس روضه كنت اجذب عليها واقولها انا احبــج..

سلامي:جذاااااااب..

سهيل:والله انيه مااااااااااااجذب..في ذمتيه..اذا ما تبين تصدقين كيفــج..

نش سهيل من مكـانه..وويه صو الباب بيظهر..من بعد ما عق القنـاابل..

بس انصدم يوم شـاف روضه في ويهه..والدمعه اتسيل على خدهـا..

ياخــذك يا دمعــةٍ طاحــت على خد المواجــه

!ما عرفتي تصبــرين لحــد ما عينــه تروح ؟

و الله اني ما قصدت بدمعتي يا قلبي حاجه

!!بس فاجأني بخيانته و صممت عيني تبوح

"انتهـــــــــى البـــــــــاااااااااااااارت"

[/quote] __DEFINE_LIKE_SHARE__

Roo7 wlhana · 09-28-2008, 09:04 PM

حرااااااااااااام

بلييييييييييز كمل الباارت الياااي والله حراام الي يستوي ف رووضة

تسلم ع البااارت __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عطل في اللكزس وبدو حل	محروم.كوم	منتدى أخبار المواقع والمنتديات العربية والأجنبية	0	06-07-2010 10:10 PM
11 - 5 لعبة SPB Brain Evolution لتطوير مهاراتك العقلية.	محروم.كوم	منتدى أخبار المواقع والمنتديات العربية والأجنبية	0	05-11-2010 12:30 PM
الأن تعاون وتواصل وطور مهاراتك البرمجية والتصميمية اكثر مع مجمع لاين التطويري...	محروم.كوم	منتدى أخبار المواقع والمنتديات العربية والأجنبية	0	03-15-2010 03:00 AM
مبروك غيري دام غيري حلالك	الهنــــــوف	تصاميم الاعضاء	15	03-06-2009 03:36 PM
بين هم... وبين غم .. وبين جـرح ..!!!	أحلى رومانسية	الشعر المنقول	7	01-16-2008 01:21 PM