مع غيري( إلـ ع ـب) وبين له( مهاراتك) - الصفحة 11

الـروح دايـم · #1 07-24-2008, 09:30 PM

هيمان ماااااااااعليك كلام

نتريا البااااااااقي __DEFINE_LIKE_SHARE__

فدديتني والله · 08-05-2008, 12:45 AM

وووووين تكملة القصـه ..؟؟؟؟؟؟؟!!!!؟؟؟؟؟!!!!! __DEFINE_LIKE_SHARE__

هيمـان يالمنصوري · 08-05-2008, 05:24 PM

--------------------------------------------------------------------------------

الجــزء العاشـــر..

••.•°¯`•.••..بدايــة تغير..••.•°¯`•.••

والعذاب الوان يا ترف الشباب
وانا حبي لك الى حد الجنون
لا تعلقني على وهم وسراب..
اقصر الخطوات والكاين يكون..

يلس أحمد ع الكرســي من بعــد ما سرق الكتاب..وتم يتصفــح..
أحمد:حشــى هاه هب كتاب .. موسوووعـــه علميــة..
غبوش"حاطه يداتها ع خصرهــا":حووووه ..احمدوووه السرااااااق..
"لا تنسون ان هاذا ولد خالتها"
أحمد:اوووووووووووه المصريه عاش من شااافـــــج..
غبوش:عااشت ايااامي..ليش تسرق كتابي..حرام عليك..تدري ان قلبي وقــف..
أحمد:ليش شي اشارة مرووور؟؟ههههههههههههههه..
غبوش:هههههههه..
أحمد:شحــالج؟؟
غبوش:يسرك حالي..عطني عطني الكتاب بسير بدرس..باجر اخر يوم فالمدراس ..
أحمد:كح كح كح..عليييييييج غباااااااار..انتي بعدج ع المدااارس..ماال اوووول..
غبوش:ممممااااااااااااالت عليك..ليش انته في الجامعـــه..؟؟
احمد"ينش ويوقف ويعطيها الكتاب":احم احم..شو جامعه..انا دوامي فالموولات..
غبوش:هيييييييييييها..بعدك ع عادتك..
أحمد:انمشي الوقــت..ويــن ريسووه..
غبوش: شفتهــا دااخــل..بتاخذهــا..
أحمد:هيه توها متصلتلي..
غبوش:اوكيك دقايق بزقرهــا..
قفت به غبوش وسارت قسـم حمدان اللي برع الفله..يعني هب شرات محمد..تمت عيون أحمد اتراقبهــا..ما بقوولكــم انه يحبهــا..بس شخصيتهــا تعيبه واايد..هي شاطره..بالمقارنه ..هو رسب في صف سادس..وفي مادة الرياضيات..ياب 9 من 100..ومن بعدهــا وقف الدراســه..هي جديه افأغلب الأوقـات..وهو طووول الوقت مزووووحي ويسولف ويضحــك..واشيااء واايد تتناااقض من بين احمد وغبوووش..
صحيــح انها ما تحتل تفكييره موووول..بس ان يابوا طاري العرس لــه..سار فكره لغبوش..بمعنــى أخر..يعني هو حاطنها افباله...؟؟؟!!
ابتسم أحمد يوم شاف ريسه يايه ووياها روضه..سلم على روضه وخلاف ظهروا صوب العيــن..

. . . . . . . . .

ان قلت احبك ترى ما قلتها رضـوة..
من كل قلبي أحبــك صدق واعنيهــا..
لكن خذني حبيبي خطوةٍ خـــــــطوة..
بكرة الليالي تفسرلك مـــــــــعانيها..

بيت بو سيف..
الحــوي..
الساعه 2ونــص..

وقف سيف والسمــاعه افأذنــه..ويالس يتحوط ومستانس بالهبوووب..
سيف:وشو بعـــد؟؟
مها"شيخاني":وهاي كل الســالفه..
سيف:يعني اللحينه بتسيرين ترقــدين..
مهـا:هيه..تامرني بشي..
سيف:بس طلــب واااحـــد..
مهــا:امر يالغلا كله..كم سيف عندنـــا..الا وااحد ويتدلــع..
سيف:ههههههه..سمعي باجر اول ما تنشين سويلي تيلفون..
مها:لييش؟؟
سيف:قلتلج سويلي تيلفون وبس..؟؟
مها:اوكيك بسويلــك..
سيف:تامرين بشي؟؟
مها:لا فديتتك تسلم..يلا مع السلامه..
سيف:الله يحفظـــج..
بند سيف عن مهــا..اللي هي شيخاني ام السعف والليف..قعد قعده ابروووحــه..معقووله سييييف بن المر ايسوي هالسوووات..ايرمس وحده من بنات جبيلتــه..وعلى أي اساس؟؟؟هي اتحبه وهو يحبهــا..؟؟؟!!!!
مرات ايحس عمره غبي وسخيييف وما عنده ساالفـــة..كيف يعلق قلبه ببنيه ما قد مرة شافها افحياتهــا..ماعرف الا صوتهــا وحلات منطووقهــا واخلاقها الحلوووة..معقوووووله..؟؟
ومرات ايشوف عمره مقتنع باللي يسويه ..لأنه فاهم شو يعني المحبــه..مب محبة اعيون ولا شعر ولا ولا ولا..المحبه محبة شخصية الوااااحد والانجذاب لها..؟؟
دووم هالأفكار تغزي مخيلة سيف..وتخليه يحتار افعلاقته ويا مهــا..ويوصل لنتايج..انه يقطع هالعلاقه..ولا انه يعرف كل شي عن مهــا..ويسير يخطبهــا..وبجيه بيكون هو راضي بكل شي ..ولو كانت اشتم الخلايق..؟؟؟!!!
وقف سيف وهو صج متضااايج من هالأفكار..وتوجه بسرعه صووب حيرة فطامي ايشوفهــا..كان متوقع ايشوفهــا فاجه وحده من المجلااات وقاعده تتسمع اغاني..ولا يالسه ع يلستها ع المسن..بس لقاها راقــده ومنطويه ع عمرهــا اتقول وحده متجمده من البرد..ابتسم ع شكلها الكيووووت..صج انها للحينه بنوته صغيره..بس قلبها مفتووح للكـــل..وتعرف اشياااء..مفروض غيرها..واللي اكبر منها فالعمر يعرفووونهـــا..
ظهــر من عند فطــامي ونزل تحت صوب قسمــه..ووطـى راسه بعد ماكان الرقاد مجافنــه..

. . . . . . . .

وشلون أعيش بغربتك لا تغربت
ما أقدر أواجه غربتك مع عذابك
لك وحشةٍ في خاطري لا تغيبت
تظلم علي دنياي ساعـة غيابـك
يا نور عيني في غيابـك تعذبـت
أمشي على دربك و أنادي سرابك

مدرسة قوم رواضي..
آخر يوووووووووووم فالمدارس..
"يعني قبل العيد"..

حطـــت روضه اعيونهــا ع السااعه بكل دقـــه..تتريــا لحظه الإفرااااج...وسهيله نفس الشي..مبحلقه اعيوناتها ع الساعه ..اما موزاني وسلامي منتبهات ويا المس..ووياها افكل كلمه وافكل مسأله..
روضــه"بهمس":
وااااااااحــــــــــــــــــــــــــــــــــــــــ ــــــــــــد..
اثنيــــــــــــــــــــــــــــــــــــــــــــــ ـــــــــــن..
ثلاثــــــــــــــــــــــــــــــــــــــــــــــ ـــــــــــــــه..
تتتتتتتتتتتررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررنننننن..
ابتسمت روضه بندت الكتاب وقلمها لازال موجود داخلــه..وظهــرت المنظرة من شنطتهــا..تمت اتطالع جحالها جان اخترب..وحركــت قصتهــا بحركه خفيفه..وطالعت سهيله..
روضه:اخييييييييييييييييييييرن..ما بغينا نفتك من هالحصص..
سهيله:الحمدالله افتكينــا..حــتى الامتحانات العمليه كانت سهلــه..
موزاني:عطووووني المنظرة..
سهيله:هااج يودي..
موزاني"اتطالع عمرها بالمنظرة":يلا هبابنا انزهــب اغراضنــا ونشل عيشتنا ونيلس افبقعتنــا..
سلامه:والله متفيجـــات..ابا ارد البيت برقد..وخلاف بسير السوق..
روضه:هع هع هع..ريلي ع ريلــج..
سلامه:اووه رواضي ماريد اشلــج..دوومج اتطيحين فالمولات وتفظحيني..
سهيله وموزاني:ههههههههههههههههههههههاااااايييي..
روضه:امحق..يوم انش من طيحتي..ادور بعيوني يمين يسار..وينها سلامي..واخر شي الاقييها فآخر العالم..اونها جدام خلق الله ما تعرفني..
سهيله:هيه بس تعرفــج يوم تتوسطين امبينها وبين خلوووووف..
موزاني:امبونها هاي سلامي راعية مصااااالح ..
سهيله:اايه ده يا سلامه..دنتي طحتي من عيني..
سلامه:لا تخلووووني اعيط..
خخخخ..نقع الكل ضحــك..وشلن عبيهــن وشناطهــن وسارن بقعتهــن..ووياهن العيشه مالتهن..اشوي الا نعوم ومريوم وعواش يــن..وبدت السوالف والضحــك..وكل وحده تاكل اخس عن الثانيـــه..
روضه:مريووووووووووووم عن تاكلين وااايد ..
سلامي"بنغزة": لييييييييش؟؟
تمت مريوم تنقل نظراتها بين روضه وسلامه..وفاجه اعيونهــا منصدمــه..
روضه:سو ليييس بعد؟؟أوووه..شو ليش بعد؟؟
الكل:هههههههههههههه..
عصبت رواضي وفجت اعيونهـــا..جان يسكـــتن..
سلامه:اممم مادري..
موزة:اممم..انا ابا اتحوط منو بتسيرين ويــايه..
الكل سكت..بعدهن يبن ياكلن..
روضه:يلا خلاص انا بسيير ويــاج..
موزة:نشي عيل..
نشت رواضي..وسارن يتحوطن..
مريوم:انتي قلتي لسلامي شي؟؟
رواضي:لا والله..اصلن محد يعرف الا فطامي..
مريوووم:ومنو فطامي؟؟
رواضي:بنت عمتيه اللي في سويحان..
مريوم:وليش تخبرينهــا؟؟
روضه:لأني ما اخش عنها شي..
مريوم:اوووه..المهم متي بيي؟؟من زمــان ما شفتــه..
روضه:كله ادق عليه وما يرد علي..الريال يمكن شافله شوووفــه في مصر..
مريوم:سيري سيري يلا..مستحيييل..
روضه:ووااااثقه ماشاااااالله..
مريوم:هيه..وواثقه ونص بعد..
روضه:تقربلــج نانسي عجرم..
مريوم:للأسف لا...
روضه:هههههههههه..

. . . . . . . . .

للأسف خان الوفا من كان اقرب الناس لي..
كنــت احس به الصديق اللي ما يخووون..
كنت اعتبره عون و ذخر وسند لي..
بس للأسف صداقتنا عنده تهووووون..

العيـــــــن..
مدرســة شجوون..
جدام البوابــة..

هااللحظـه..شجون واقفه جدام الباب تتريـــا سيارتهم اتيي..وكانت وياها ربيعتها العنود..
العنود:شووووو؟؟حراام عليــج..والله فالفتره الأخيييره اتعودت عليج واااييد..واللحيــنه يايه اتقوليــن هالرمســة..والله حرام عليج اتودرينـــا..؟؟
شجون:فديــتج والله..بس شو اســوي..تراني واايـد عانييت فهالمدرســة..
العنود:من أي ناحيه..؟؟الإدارة ؟؟المناهج؟؟ولا شوو؟؟
شجون:لا وين الإدارة وين المناهــج..؟؟
العنود:اتقصدين خالد ومهره..؟؟
شجون"منصدمه":شووووو؟؟؟انتي شو دراااج؟؟
العنود:تــرى خــالد كان سبب في ضيــاع اعز ربيعــه عندي..
شجون: شووو؟؟
العنود: ربيعتيــه شمــاني..فديتهــا كانت من احسن بنات المدرســة..ومـن اتعرفت على مسودة الويــه مهروووه ..اتخربـــت..ولا كأنها شماني اللي انعرفهــا من قبل..ومن بعد الفضاايــح اللي سوتهــا..ومن بعد ما وطــت راس هلها .. زختهــا الوكيلــه وهي يايبه وياها تيلفون..ورمسوا ولي امرهــا.. والمرة الثانيه زاخينها وهي شارده من المدرســة..ومن بعدهــا على طوول فنشووهـــا..
سكتت شجون اشويــة..ومن بعدها رمست..
شجون:واللحينه وينهــا؟؟ما شفتها؟؟
العنود:خلاص سافرت امريــكا ويا عمهـــا..وانقطعــت اخبارها عنــا..بس اللي سمعـــته انها ما بترد اهنه مرة ثانيه..والله اتولهــت عليهــا وعلى سوالفهــا..كلــه من خالد ومهروه هاللي تقربله..لو ما سوو اللي سوووه جنها اللحينه امبينا وتسولف فيانا..
سكتت العنود وهي حاسه بغصه..لأنها اتذكرت ربيعتها الرووح بالروووح..وخلاف كملت رمستهــا..
العنود:شجون الحمدالله انج ابتعدتــي عنهــم قبل لا يستوي فيج شي..
شجون:.....الحمدالله..<<من خاطرها قالتها..
العنود:تدرين دووم اشوف الحيوان خالد موقف اهنه..خاطريــة اظهره من سيارته وادووس ابويهــه ..
شجون:هههههههه..سويهــا تراه يستــاهل هالشي هو واشكــاله..
العنود:هيه والله..يلا الغلا تامرني بشي؟؟انا بسير هكيي سيارتنا يـت..
شجون:لا فديــتج ..ومن صوبــج؟؟
العنود:سلامــتج..بدشين المسن اليوم..
شجون:ان شالله..بس الاقيــج اوووون..ولا بظهر على طوول..
العنود:اوكيييك..سي يو..
شجون:سي يو..
ســارت العنود صوب سيارتهــم..واشوي يت شلــة حصوه اللي افصفهــم..سلموا على شجوون وتموا ايسولفن وياها ..لين ما سارن كلهــن..وما بقن الا تقريبن 9 او عشر بنــات..شجون ما تعرفهــن..
واشوي..الا تســمع صوت مهره..
مهره:هاي شجوون..
شجون:نعم شو تبين يالعنز؟؟
مهره:بلاااااااج؟؟
شجون:جب ولا ترمسييييني يالواطيه..
مهره:ههههههاااااااااااااااااي...شوفوا من يرمس؟؟ادخيييييييلكم..
شجون:جب جب لا افتح مطعم افويـــهج..
مهره:شجون..شجووووون تعالي وين سايرة..؟؟؟؟؟؟
شجون سوتلهــا طااف..من اول ما شافت سيارتهــم..وعلى طوول حدرتهــا وتحرك الدريول ..
وتبدا مصارعـة الأفكار..اللي سمعـتـه من العنود قبــل اشوي..ما بيعدي على انها سالفة والسلام..كل يوم تتلقــى صدمــه من خــالد..كل يوم تعرف عنه شي ما كانت تعرفـــه..خالد كان سبب في ضياع ابنيــه..ويمكــن ايكوون السبب في ضيااع شجون..
بس الحمدالله..انها ابتعدت عنه..وبسرعه..انعرض جدامهــا شريط ذكرياتها ويا خالد..الرمسه المكتوبه ع شاشة الاب..كلمــة أحبــج..بخط واضح اللحينه تنشاف جدام اعيون شجون..وهاذي كلمـــة برمســج خلاف اللحينه بظهــر..واشوي وتظهرلها كلمــة صدقييييني احبــــــــج مووووووت..ومستحيل احب غييرج..
هنيه وبس..هنيه وقف الشريط..بس بدت الدموع تسيل بكل انسياب ع خدهـــا..ماتدري؟؟هل هي دمووع حزن ع فراق حبهــا الأول والأخير..ولا هي دموع صدمــة بخيانة من كان في يوم من الأيام أعز الناس..ولا هي دمووع فرح لأنها ظهرت من هالدرب..ولا دموع قهر ع الأيام اللي قضتها ويا خالد..ولا دموع ألم عاش افقلبهــا..او هي دموع امــل بتستانس منه فالمستقبل..؟؟

لو شو من غلطة سويتهــا..عوده افحق نفسك وافحق اهلــك..تبقــى نقطــة سوووده فاارضــه وجودها وبكل قوه في ملف حياتك الأبيض..وتبقـى ذكــرى أليمـــة ..تبكي عينك لا ذكرتهــا..وتبقــى طووول ما انته عايش ذاكرنها زين ما زين ..بكل مواقفها وتفاصيلهـــا..
ليش الوحده تسحب نفسهـا للغلــط وهي تدريبــه..وهي عايشة وعارفة بواقــع مجتمعنــا.."الرائــع"..هل هو ضعــف نفس..ضعف اراده او وازع ديني او خلل عقلي؟؟..او انها مشتااقه حييل للفضااايـــح..ولا ودهــا اتكون معروفه من بين الناس..
بنــــات وااايد اللي يسمعــن هالقصص..بس كالعــاده مسوية اكبر طااف..وع قولتهــــن..ماخذات شعار جداً جميل افهالموضووع اللي هو
" الحيــاة free"
نــرد لشجون..
كل فكرة..تسحب وراها امية الف فكرة..لين ما حست ابعمرهــا واقفه جدام باب بيتهــم..ظهــرت من السيارة..والبشكاره شلت الأوراق مالت شجون ..وحدرت الصــاله..لقت ابوها وحرمت ابوهــا..وعليووه وعنودي..
شجون:السلام علييييييكم..
الكل:وعليكم السلااام..
سارت شجون ووايهت ابوها وخلاف باسته ع راسه ونفس الشي ويا عمتهــا..ويلست وهي لازالت لابسه عبايتها..
بومحمد:هاه شجون شحالج؟؟
شجون:بخير ربي يسلمــك..شحالك انته؟؟
بومحمد:يسرج حالي افديــتج..شو سويتي فالإمتحانات العمليه اليوم؟؟
شجون:الحمدالله كان واايد سهل وحليت..
بومحمد:الحمدالله..نبـاج جيه دووم رافعه راسنا فووق..
حست ابنغزه افقلبها ..فلطفت الجو بابتسامه..
ام محمد:فديــتج سيري غيري ملابســج وزقري خواتــج وتعالن تريقــن..
شجون:ان شالله عمووه..
عليا:شجون اذا ما عليج امر..قردني الروض تعطي عنودي حلويات..
الكل:هههههههههههههههه..
بومحمد:هاي الرووض كله ولا دكانها الصغيرووون..اتموووت ولا حد ياخذ شي منهــا..
ام محمد:من شوي حدرت حيرتها لقت عنودي تاكل من كافيها..جان تضرب عنودي وتصيحهــا..
بومحمد:امبونها هاي الروض خبله..ما عليها من حد..
عليا:يااالا المهم تعطــي بنوتتي كمن كافي ايسد ثمهــا..ولا ترمس..
الكل:هههههههههههه..
سارت عنودي وقبضت شجون من يدها وسارن صوب حيرة روضه..
قب قب قب قب قب قب قب قب قب <<اونه هاذا صوت الباب..لوووول..
صوت روضه من داخل:امنوووووووووووووووو؟؟
عنودي:فجي البااااااااااااااب عمووووووووووووه..
روضه:اسفــة شوفلك غيري ..
عنودي:حرااااااااام فجي..فجي الباب..
روضه:ممنوع دخول أي مسطول..
عنودي:ابغي ..ابغي ..ابغي ارمســج..
روضه:ممنوع دخول الأطفال دون السن الثانية عشر..
شجون:حشى يالروووض ذليتي البنيه..فجي فجي يلا..
روضه:لالالالالالالالالالا..خلاص يكفيها اللي سرقته من دكاني الصغيرووون..
شجون:عنودي سرقتي شي؟؟
روضه:شي؟؟هاهاهاهاهاها..لا لا يامعشوقة الجماهير..قولي اشيااااء..لا باسكن روبنز..ولا شيتوس..وكمن حبة باتشي مادري وين سارت..واشيااء واايد..
عنودي:هاه كله من عبودي..هو امس فليل حدل حيلتج ويا عمي حمدان وسلقوا اللي يبونه.."حدر حيرتج ..سرقوا"..
روضه"اتفج الباب":حمدااااااااااااااان؟؟هاذا لازم ايدخل عمره فالساااااالفــة؟؟وعبودي بعد..والله اادبهم..
شجون:انزين سامحيييهم..ورى باجر العيد..
روضه:لالالالالالا..كله ولا دكاني الصغير..
شجون:انزين ياخي عطييينا اشوووويــه..
روضه:لالالالالالا..غبوش عندها واايد سيرولهــا..
وبندت الباب افويههن..لوووول..وسارن شجون وعنودي صوب غبوش..عاد غبوش ياحليلها...ما قصرت وياهن..

. . . . . . . .

تبقــى الدنيا عديمــة احســاس..
اذا جرحت اليوم انسان..
بكرة تلاقي من يجرحــك..ويعذبك..

بيت بوسلطــان..
الســاعه 8 ونص..

وقفــت شيخـاني جدام المنظرة العوده..اللي اتخليها اتشوف طولها وعرضهــا..وهي لابسة البنطلون الزيتوني..والبادي الوردي..وعليه جاكيت"سويتر"..فيه سلاسل ورديــه..وفــاجه شعرهــا..وماخذه خصلات رافعتنها بربطـة ورديــة..وحاطه قلوس وجحــال زيتوني..طالع شكلها واااااااااااااايد حلووووو..جنها الا سوريـه..تشبيه بليغ..لووول..بس صج يعني شكلها كان طر..
على فكرة شيخاني دومهــا تلبس بناطيل افبيتهم..بس من اتروح عند عرب لازم كندورة ولا تنورة..عاد هاي تتفنن فاللبس..عند قوم خوالها تلبس كنادير..بس عند قوم عمها واللي يقربولها من هلها..لازم تنورات..
نزلــت تحت عسب تستقبل حصوه التافهه بنت ييرانهم"لو تذكرونها"..ولقــت امهــا يالسـه فالصـاله ارووحهـا..
أم سلطان:شيخوه افديتج تعالي شوفي هاي كندورتـج .. لبسيها باجر يوم بنسير عند قوم خوالــج..
شيخه:كندورة؟؟!!!!..وفالعيد؟؟أمايه شو اللي يالسه اتقولينه؟؟
أم سلطان:وبلاهــن بنت خوالـج يلبسن كنادير في اول يوم..واليوم الثاني كلهـن يتيمعـن ويا ربايعهــن ويلبســن اللي يبنـه..
شيخه:شو هاذا؟؟عيد وكنادير..؟؟انزين شو اسوي اذا بنات اخوانــج متخلفـات..حد يلبس كندورة افأول يوم ..عيييد يا ناس عيييد..
أم سلطان:يا بنيتي طيعي الشور..فالعيد الصغير سويتي اللي في راسـج..وتموا خوانيه يطالعون فيج وفيني بنص عين..والشباب كلهم يالسين يطالعونج بنقمــة..
شيخه:والله لو هلــج بدو انا شو اسوي؟؟انا هب بدويـة..وما بلتزم بعاداتهم وتقاليدهم..
أم سلطان:اللحينه انتي دووم اتسيرين صوبهم بكنادير..شو اللي بيفرق يعني؟؟
شيخه:امايه انا يوم اسير عندهم البس كندورة لأن ماشي مناسبـات عندهم..بس باجر عيد..كيف أكشـخ ويا كندورة؟؟
أم سلطان:يا بنيتي طيعي شوري..
شيخه:امايه لا اتعبين عمرج..كندروة هب لابستنهــا..
صوبت شيخــاني نظرها صوب الكندروة اللي في يد امهـا..كانت روووعــــــه..برتقـاليـه ورصة الورد تعطي انها ورود طبيعيــة..وخاصتن انهم دامجين الشمامي والوردي..يعني وااايد حلوة..ما تنكر انها اول ما طاحت عينها ع الكندورة عيبتهــا..بس بعد تبغي تكشخ وتشد حيلها باجر..واونه الكندروة ما تنفع ويا الكشخـة..
وشـوي الا سلطـان حادر عليهــن..وامه خبرته السالفه..
سلطان: شيخوه الكندورة بتلبسينها يعني بتلبسينها..ولا يلسي باجر افبيتكم ولا تتحركيــن..
شيخوه:ليش ان شالله..؟؟
سلطان:العيد الصغير لبستي اللي تبينه ومشيتي شورج..وخوالج ما عيبهم هالشكـل..لابس تنورة زارتنها عليـج..ومادري كيف شكلهـا..ولاخطفتي كلن طالعج بنقمه..هم هب متعودين على ان البنات يظهرن جدام شباب عايلتهم بهاللبس..فاهمه؟؟
شيخوه:أوكي والتنورات اللي شاريتنهن ..
أم سلطان:يا بنيتي فهميني..بنات خوالج ضاريات كل عيد يتيمعـن عند وحده من ربايعهــن..وانتي هاك العيد سرتي وياهن..وتعرفين ابنات شعبيتهم كلهم..ما بيستوي فيج شي لو لبستي كندورة..ويوم اتسيرين وياهن لبسي تنورتج..
شيخه:اماااااااااايه؟؟
ام سلطان:يا شيخوه لا تردين امج..
شيخه:اووف..خلاص بلبسهـــا..خلي البشكارة اتوديها حيرتيه..ترى والله يمايه عسبــج..
سلطان:زين بعد اقتنعتي..
من قال سلطان هالجمله..اندق الباب وفجته شيخوه..وظهرت افويهها حصوه التافهه..عاد سلطان مد البوز شبريـــن..
ودخلت حصه وسلمــت علـى ام سلطان..وصدت صوب سلطان..وهي شاقه الحلج..على فكرة تراها الأخت ما تتغشى عن سلطاان..وترااها يارتهم وسكنت جريب منهم عن قريب..يعني هب رابيه وياه..واتحب سلطااان موووت..حتى يوم ملج عصبت وما رضت اتسير للملجه ويا اامهــا..

حصه"بدلع ما يليق عليها":شحـالك سلطان؟؟
سلطان"بضييجه":بخير..يلا امايه انا استأذن تامريني بشي..
بحلقت حصوه اعيوناتها وجنها الا فاهمه الحركه والمقصد منها..سلطان متضايج منها ومن شوفتهـا..
أم سلطان:لا فديتك ما يامر عليك عدو..بس توك الا حدرت البيت..
سلطان:افديتج الشباب يتريوني خاري..حدرت عسب اخذلي حايه من حيرتيه..
أم سلطان:اها ..عيل غناتيه لا تبطي ..
سلطان:من عيوني يا عيوني..
أم سلطان:تسلملي اعيونك..
وسار سلطان ..اما أم سلطان سارت تعطي ريلها الدوا..ورقدت..وهي تتمنـى ان ريلها باجر ايكون بكامل صحته ..ويستانسون وياااه..
اما شيخوه يلست ويا حصه فالصاله اتخبرها بالسالفه اللي استوت من شوي.. __DEFINE_LIKE_SHARE__

هيمـان يالمنصوري · 08-05-2008, 05:29 PM

وش جرالك صرت ما تســــــــــأل يالغلا عني..
في غيابك كل شي يذبل وتنتهي فالكون أمالي..

المــووول..
الســاعه 9 ونـص..

وقفــت روضه وهي مفتشله من الخــاطر..جان اتشوف شلـة شباب جدامهــم..ويالسين يضحكوون..وعلى طول حطت الشيله على ويههــا..
"وين سلامي..؟؟وين شموس وغبوش وموزاني..شجوون وين سارت..يااويلي شو هالفظييحــه..أنــا دووم جيه وين عوينــاتي.."..
طــاحت روضه طيحــة بالفعــل لا تحسد عليــها..والمشكله انها يودت الهنديه اللي جدامهــا..وطاااحن اربااعه..نياهاهاهاهاهاهاهاها...وتمت الهنديه تتحرطم علـى روضــه..
تمت ادورهــن..أخر شي لقتهــن في محل كان كان..
روضه"مععصصصبه":انتن وين سرتــن..؟؟؟
شجون"كاتمة ضحكتهــا":افتشلت الصراااحــة..وجان افحط وما تشوفون الا غبااري..
غبوش:هههههههههه..حلوووووة..اما عني الصراحه العرب تموا يطالعون فينا جان اشرد ورى ختيه..
شموس:انا مالي خص موزاني يودتني وربعت وربعت وراها..
موزاني:انا الصراحه شفت الشباب اللي جدامنا كل واحد شاق حلجه اكثر عن ربيعه..جان اتغشــى واخذ شموس ويايه..
روضه:لااااااا والله..اونتي سلامي؟؟
سلامه:يوم شفتهن ساارن..قلت اسير وياهن..
روضه:والله انكن نذلات وحقيرات وما تستحن..ولا وحده اتكرمت ويت وساعدتني انش..لولا ربيعة الهنديه جني الا للحيــنه ماده ريولي وسط المول..
البنات كلهن تناقعــن ضحك ع رمســة رواضي..وتمن يكملــن حوطتهن فالمول..ويترين خلودي وفطامي اللي بين..
بما ان باجر العيد..اقترحت عليهن فطامي انهن يتواعدن فالمول..واول من رحب بالفكره هي رواضي..لأنها اتموت في شي اسمه شوبينغ..لووول..
سلامه:حشــى هاييل متى بين..
روضه:الساعه قريب الــ 10..
سلامه:اووهوو موزاني دقي..
موزاني:ناسيتنه التيلفون..
شجون:انا بدق لحظة..
دقـت شجون..
شجون:هلا..بخير ومن صوبــج..مانشكي بااس..والله فالمول..هيه..عموه زقريلي فطامي برمسهــا.........هلا فطامي..هاه وينكم؟؟شووووو؟؟شو مب طايع ايوديكن..؟؟"وتصد صوب شلة البنات"..اتقول فطامي السيف هب طايع ايوديهن..
روضه:لااا والله؟؟
موزاني:عيل احن بنرد للبيت..شو خانتنا اهنه ميلسات..
شموس:هيه والله..اللي نباه شريناه وخلصنــا..
خذت روضه التيلفون من عند شجون ورمست فطامي..
روضه:لا اتقولين؟؟
فطامي:والله صج ..قال باجر بتشوفونهن..
روضه:اخووج سخيييف..
فطامي:عن الغلط انزين..هاذا السيف..
روضه:وشو يعني...خليني بـس اشووفــه بااجر..والله لأدبــه..
فطامي:يلا يلا..ويا راسج..
روضه:احسن عن راسج يالعنز..
فطامي:اقول باي السيف يزقرني..
روضه:انقققققققققلعي..قلعة ابليييس..باااي..
فطامي:باااي..
بندت روضه..وتمت اتطالعهن..وخلاف قالت..
روضه:ااااااخ ريووولي اتعورني..
غبوش:هب من شي..من الحواطه..
روضه:هع هع هع هع...هاي بداية الإجازة طولي بعمرج..
شموس:يلا بننزل..الدريوليه اكيد تحت..
الكل:يــلاا..
وردن البنوتات البيت في سيارتين..حشى مب بنات..جيش ابريطاني..لووول..

. . . . . . . .

][ بس مدري وش بلا المحبوب شوفاته قليلهـ ][
وفجأة ماعاد له شوفه ومدري وش حصل لهـ..!!!

بيــت بو محمد..
السـاعه 10ونص..
الصـاله..

وقفـت روضه وهي اتطالع عليـا مستغربـة..
روضه:حووه..بلاها بنتج يا عليوه للحينه ما رقدت..؟؟

عليا:اونه تتريـا ابوها ايي..مادري شو تبى فيها..
غبوش:وشو بلاه محمد للحينه ما يأ؟؟
عليا:قال انه فالسوق..وزحمه ومدري شو..وهو للحينه ما خلص..
روضه:وحمدان وينه هاليومين ماله شوف..بس اللي يروم ايسويه يدخل حيرتيه ويسرق اللي يباه ويشرد..
عليا:ههههههه..توني مرمسه ريسوه اتقول ان ظهر من عندهم..
شجون:الا شحالها ريسوه؟؟
عليا:والله للحينه مشية امورهـا..الله وعلم جان باجر بتولد..
شجون:الله يعينهــا..
روضه:حمدووون يبى ابنيـه..مادري ليش؟؟
شجون:بس أحلـى لو يكون ولد..
غبوش:اللي أي من الله حياه الله..اهـم شي ايكون الولد صاحي ومافيه شي..
عليا:هيه والله..عنودي حبيبتي سيري رقدي..ويوم بيي ابوج بوعيـج..
عنودي:امايه ماليد اسيل القد.."امايه ماريد اسير ارقد"..
عليا:انزين شو تبين من أمج..
عنودي:سل.."سر..لووول"..
روضه:اللحينه بترقد..
عليا:وينها شموس..

روضه:اظني سارت ترقد..البنيه هاليومين هب عايبتني..شكلها واايد تعبانه..
غبوش:مادري شاللي حل عليها..بس يالسه افحيرتها..؟؟
شجون:يمكن تعبانه ومالها بارض لشي..بس باجر اللي عنده اهموم بينساها..
طاحت عينها على روضه..وابتسمت لها ..وخلاف نشت روضه من مكانها وسارت فوق صوب شموس..دقت الباب وحدرت..
روضه:شموس..
شموس"ع شبريتها متلحفه":لبيه..
روضه:لبيتي افمنـى..بلاج غناتيه..تانسين شي؟؟
شموس:ماشي بس احس عمري شو مصدعـهز.
روضه:فديتج ما اتشوفين شر..
شموس:الشر ما اييج...
روضه:خلاص عيل انا بسير عسب ترقدين..
شموس:لالالا..رواضي ادخيلج لا اتسيرين يلسي عنديه..
روضه:بس احسن لج ترقدين عسب ترتاحين..بااجر عاده عيد..
شموس:لا انا ما اريد ارقد..
روضه:هههههههه..توها هالرمسه عنودي قايلتلها لأمهــا..
شموس:ههههههه..
روضه:تدرين ان شيخوه باجر بتيينا..
شموس:مادري ليش هاذيك البنيه ما ابلعهــا..موول نظراتها ما تعيبني..
روضه:شو انسوي..عاد هاي بنت عمتنا ولازم نتحملهــا..
شموس:بس ما تلاحظين انها اتبالغ في حركاتها ..يعني احسها مرة تدلع عمرها مادري ليش؟؟
روضه:تدرين شموس..انا احس ان وراها شي..يعني من شكلها احسها ابنيه خايفه مادري ليش..؟؟
شموس:والتيلفون اللي مصلق في اذونها اربع وعشرين ساعه..
روضه:هيه انا ملاحظه هالشي..
شموس:تدرين من عرفها شفتها بس مرتين..وكانت اتطالعني بنظرات حقيره..مادري شكلها ما ادانييني..
روضه:ترى حركاتها ويا شباب العايله واايد سخيفه..ودوومها متلصقه في سعيد وحمد..
شموس"باهتمام": وعاطينها ويه ولا؟؟
روضه"تغمزلها":اذا تقصدين حمووود ما يعطيها ويه موول..ولا معبرنهـا..اما سعيد نادر ما ايشوفهـا..ومادري فيه..
شموس:ماعلينا منها..المهم وينهن غبوش وشجون؟؟
روضه:مادري..كانن يالسات ويانا فالصاله..وانا سرت عنهن..
شموس:اهــا..شو الكنادير اوكي مقاسهن عليج ؟؟
روضه:هيه طلعن واايد كشخه..وخاصتن البرتقاليه..بس الحمدالله محد من بنات العايله امفصله شراتها..سلامي وغبوش زيتونيه..اما موزاني وشجون نقن القطعه السماويه..
شموس:والحمرا مالتج كيف غدت؟؟
روضه:امممم..حلوة..بس انا دشت خاطري البرتقاليه..
عاد اللحينه بدن ايسولفن عن الميكب اللي بيسونه باجر..ويطالعن حناهن كيف غـدى..وسالفه ورى سالفه..

. . . . . . . . .

أنت اللقا دام المخـــــــــــــاليق فرقا ..وأنت النفس والا أطيب الناس كتمه
وهجرك وصل ومواصل الناس فرقا..لكن تراك ان غـــــــبت باموت كتمه

بيت بوسهيل..
الساعه10 ونص..

نزلت سلامي ..من فوق ..وع الدري كانت اتغني..
سلامي:وتاخذني لدنياك يا سيد الخود واعيش فيها الف ليله وليله..عاااشووا يااابس..عااااااااااااشووووا..
كانت الأخت مرتبشه وحالتها حاله..والسبب مجهوول..واول ما شلت الريموت وبتيلس اتطالع التي في..انفـج الباب وحدر سعيد..
سعيد:سلملم..
سلامي:وعليك السلام..هلااا اسعيييد..
سعيد:اهليييين..ازيج؟؟"اونه شحالج"..
سلامي:هههههههههههههههايييييي..حلوة حلوة..انا بخير..ازيكو انتو؟؟
سعيد:يسركي حالي..هع هع هع هع..
سلامي:بلاها رمستك اليووم منقعه..
سعيد:الفيوز محترق عندي..اقووووول..
سلامي:قووووووووووووووووووووول..
سعيد:حشى هبت ريييح علينا..
سلامي:ههههههههههه..
سعيد:امايه وينها؟؟؟
سلامي:سارت ويا سهيل السووق..
سعيد:متى بيوون؟؟
سلامي:مادري؟؟
سعيد:انزين شو بقولج بعدني.."رافع وحده من حياته"..هيه ترى ريلج في الحوي..يبى ايسلم عليج..
سلامي"رافعه حياتها الهنتين":منو ريلي؟؟
سعيد:خلوف امنو يعني؟؟الريال يتريا..
سلامي:ياا ويل حالي..سعوود شكلي مرتب..
سعيد:يعني هب وايد..
سلامي:قوول والله..
سعيد:قسم بالله انج حلوة..ظهري عاااد..
سلامي:اووف..مالت عليك وعليه..ليش ما قلتولي من اول..
سعيد:مادري مادري..يلا سيري..
وسار سعيد فوق..صوب حيرته بيجابل اللاب..فالوقت اللي وقفت سلامي جدام المنظرة العوده عند باب الصاله اتشوف شكلها..وخلاف ظهرت برع لقــت خليفه يالس ع القعده اللي مسوينها..جدام الخيمه بشوي..
سارت صوبه سلمت وقعدوا ارباعه..
خلوف:وين يالغايب عن ولوفك..
سلامه:لووووووووووول..
خلوف:ماالت ويا هاللوووول..شحالج؟؟
سلامه:يسرك حالي ..لووول..ومن صوبك..لوووول..
خلوف:رمسي عدل..
سلامه:لوووول..
خلوف:انزين لا اتقولين لووول..
سلامه:وانته ليش اتقول لووول..حلال عليك حرام عليه..
خلوف:انا ما احب كلمة لوووول..واصلن انا متى قلت لووول..
سلامه:ههههههه..لووول توك قلتها لوووول..
خلوف:فكينا من هالووول..
سلامه:خلاص والله اخر مرة ..
خلوف:اتولهت عليج..
سلامه:سبحان الله..حتى انا..
خلوف:شو اعتبره؟؟
سلامه:شعور متبادل..لوووووووووووووول..
خلوف:بلاج على هالكلمه..
سلامه:اختك موزاني هي علمتني..كله يالسه ع المسن وهالكلمة اربع وعشرين ساعه تنكتب..
خلوف:ختيه مالت تكنولوجيا ونت وتطور..انتي للحينه تراب العزبه فريولج..
سلامه:حرام عليك..جيه انته اتزعلني..
خلوف:فديت اللي يزعلوووووووون..
سلامه:انته ليش دووم تتفداني..
خليفه:ماالج خص..
سلامي:لا والله..ليش ان شالله؟؟
خليفه:على كيفي اتفدى اللي ابــى..
سلامي:ماعليه..انته اليوم طايح فيني مادري شو بلاك عليه..احيانن اشك انك ما تحبني..او اتحب حد غيري...
حط عينه بعينهــا..جان ايحمر ويه سلامي..والخراشه اللي من شوي مادري وين سااارت..
خليفه:انا احب غيرك..ايش فيه انجنييييت..يليق علي العراقي ولا ؟؟
سلامي:يعني مب واااااايد..
خليفه:اتشكين انيه احبــج؟؟افاا ..
سلامي:............................................ ......
خليفه:سلامي والله والله والله انيه امووت فيج ..لوسمحتي هالرمسه ان عدتيها بعدمج..
سلامي:............................................ ......
خليفه:رمسي عاد ليش صاخه..؟؟
سلامي:لووووووووووووووووووووووووووووووووووووووووووو ووول..
خليفه:اتعاندين هاه..؟؟
سلامي:لالالا..والله بس يالسه اسوي سوالف..
خليفه: شو سويتي فالإمتحانات العمليه..
سلامي:الحمدالله يتني تجربه واايد سهله..
خليفه:غشيتي؟؟
سلامي:لا ..اناا ما احب الغش..
خليفه:زين والله..موزاني قالت انها غشت..
سلامي:هيه موزاني وراضي يمووتن فالغش..اخر شي بيزخونهم بيودوونهم الإدارة..
خليفه:هيه والله..وشو علوومج بعد؟؟
تموا خلوف وسلامي يسولفون..وكالعاده كل بعد سالفه يتضاربون ضرابه صغيروونه..لين ما نشت سلامي ويا خلوف وساروا صوب موزة..ومن بعد ما خذوا موزة ساروا بيت عمهم راشد..عسب يسولفون ويا روضه..

. . . . . . . .

يا قلب طيب ابد ما يعرف القسوة..
يا سنين شفت السعاده في لياليها..
من نور حسنك بدت أيامنا حلوة..
تحلي بشوفــك..ويحلى كل ما فيها..

بيت بو سيف..
الساعه 11
حيرة خلودي..

خلودي:وشو راايج في هاي؟؟
فطامي:اللي رويتيني اياها الأولــى كانت طر..
خلودي:عيل يوم انسير عند هل الرماح بخلي رواضي ولا موزاني ايعدلونها ع الفوتوشوب ويطبعونها عسب ارويهن ربايعيه..
فطاامي:فكرة حلوووة..
كان سلطون مطرش لخلودي صوره متصورها قريب.. وربايع خلودي يريدن ايشوفن صور ريل خلودي..فهي بتودي الصور عند رواضي ولا موزاني عسب تعدلها ع الفوتوشوب وتصير أحلــى..
ظهرت فطامي من عند خلودي..وسارت تحت فالمطبخ لقت امهـا اتعابل ويا البشاكير ..
فطامي:امايه خلي عنج انا بسويه..
أم سيف:فدييتتج يا فطامي..عيل خلي البشاكير ايودن هالفواله ميلس الرياييل..بعد شوي بيعطن سيف..اخاف حد من ربعه وياه..
فطامي:ماظني امايه..من اشويه مرمستنه قال انه فالسوق ويا سهيل..
أم سيف:اها..عيل انا بسير برقد..وانتن بعد رقدن مب اتمن حارسات لي البيت فليل..
فطامي:هههههههههه..ان شالله امايه..
سارت ام سيف..فالوقت اللي فطامي خلت البشاكير ايودن الفواله فالميلس..ومن بعدها سارت ويلست فالحوي..عند الحديقه السريه ع قولت رواضي..
ماتدري ليش كل ما تيلس اروحهـا..سالفة رواضي وسهيل اتكوت هي الأساس فالتفكير..ودها اتخبر رواضي..بس بعد..اتحس عمرها ما عندها الشجاعه اتقوولها هالرمسه..وما تبغي اتقولها..اتخاف من ردة فعل رواضي..
تمت اتفكر في سهيل..شو السبب اللي يخليه ايسويه هالسواه افبنت عمه..اوكي حيرها..وقلنا ما في أي اعتراض..بس انه يلعب بمشاعرها ويقص عليها ويمثل جدامها العاشق الولهان..ورواضي امصدقه ووااااااثقه فيه اكثر من انها واثقه افنفسهــا..؟؟؟؟!!!!!!
باجر العيد..وكطبيعة الأعياد اللي قبل..الكل ييلس في الصاله العوده افبيت خالها راشد"ابو روضه"من بعد الغدا..يعني الشباب وبمن فيهم اسهيل بيكون موجود..شو بتسوي فطامي في ذييج اللحظه..وشو بتقول؟؟ما تتحمل النظرات اللي بينه وبين رواضي..اتحس انه يلعب بها..
ومن جانب آخر..يمكن اسهيل ايعود نفسه على رواضي..ويمكن من صج بيحبها من بعد ما يعرس..
بس شووووووو اللي يحده ايسوي هالحركات اللحينه.........؟؟؟!!!!
نشت فطامي من مكانها وهي متضااااايجه..وسارت فووق عسب ترقد..وهي تتمنــى ان باجر العيد اتكون احدااثه حلووووة..

. . . . . . . . .

تذبحني النظرة من عيونك السود..ويلي على ذيك العيون الجميله..
أشوف فيها سحر ماهو بموجود..تشفي الجروح المثنيات العليله..

بيت بو محمد..
الصاله..
السااعه 12 ونص..

سلامة..خلوف..روضه..شجون ..غبوش..موزاني..شموس..حمد..حمدان..الكل هاللحظه يالسين ايسولفون ويتمصخروون..والكــل ملاحظ نظرات حمد لشموس اللي ويهها حممممممر من تصرفات حمــد..
كان حمد هو الأساس فهالقعده..ويالس ايخبرهم مغامراته فالمولات ويوم ايسير الشمال..وتم ايروي البنات صوره ويا ربعه فوق الدريات والمواتر وهم يقحصون ومستانسين..
يلين ما نشت روضه اتييب تيلفون حمدان اخوهــا ..اللي كان فالميلس..
وسارت الميلس..وشافت التيلفون عاقنه حمدوون ع المكتبه..
من سارت صوب الباب عسب تظهر..الا وانفج..وشافت هالإبتسامه اللي اشتااقت لها حييل..واللي فالقتره الأخيييرة انحرمت منهــا.......؟؟؟؟؟؟؟؟!!!!
.
.
.
.
ملاحظه حبيت اقولها ...ان هالأجزااء اللي خطفت كلها..اعتبرها انا مقدمه حطيتها عسب تاخذون انطباع عن القصه ..وعن الشخصيات..وتتعودون عليهم..يعني للحينه ما بانت الأحدااث الرئيسيه واللي بتجلب موااااازين القصه..
فلا تستعيلون على الأحدااث..حلاتها القصه يوم تمشي بهدووء..والخير يااااينكم..وبعدها القصه مطوووووله..
.
.
.
ولا تنسون ..بالنسبه للقصه باجر بيكون عندهم العيد..يعني احداث العيد غير شكل..

وبنزل البارات اللي بعده
.[/size] __DEFINE_LIKE_SHARE__

هيمـان يالمنصوري · 08-05-2008, 05:33 PM

الجزء الحـادي عشـر..

••.•°¯`•.••..بعــد غيبه..••.•°¯`•.••

ان نسيتك انساك وتموني..كل دقيقه ينقلب حالي..
كيف ترضى عايش بدوني..وانت بك تتعلق أمالي..

وقـف ذيــاب جدام روضه بنت أخووه..وهو مسـتانس..لأنه كان يتمنــى اول وحده ايشوفها هي رواضي..والرووض..من شافته ما استوعبــت شو السالفه..وكأنها أول مرة اتشوفه في حياتهــا..
ذياب: شو ما بتيين اتسلميــن؟؟
سـارت رواضي صوووبــه..ولوت علـيه بقووووووو..ودموعهــا اربع اربع..
ذياب:بل بل..الرووض اتنزل ادموعها والسبه انا..لالالالا..شي فريد من نوعه..
روضه:حشــى يالظااااااااااااااااالم..مااا بغييت اتيي..والله ولهـــــــت عليييييييك وااااايد..
ذياب:فدييييييييييتج والله..خلاص انزين لا تصيحيييييين..والله شكلــج شكل ياااهــل..
روضه:انزين بعدني صغيره..
ويودت يده بقووه..وفرت تيلفون حمدان مكــانه..وظهـروا من الميلس سايرين للصـاله..
ذياب:امنوو فالصاله؟؟
روضه:اممم..حمد حمدان..كلهم كلهم..
ذياب:شمسه موجوده..؟؟
روضه:هيه...
ذياب:شحالها مريوووم...؟؟؟<<ربيعة رواضي لو تذكرونهــا؟؟
روضه:يسرك حالها..يلا يلا بنسوي لهم سبراايز..
ذياب:انزين يلا بنحدر اربااااعــه..
روضه:لا..اول شي انا بقولهم سبراااااااااااااايز..وخلاف انته ..بتقولهم هاااااي..
ذياب:هههههههههه.."ويضربها ع راسها"..انزين مسحي مسحي دمووعـــج..
روضه"بكل براءه تمسح دموعهــا":يلا مسحتهن..طالع شكلي عاادي..
ذياب:هيه..والله وحلويتي؟؟
روضه:لوووول..جان استحي..لووووول..
ذياب:ويااهالرااااس..يلااااااا..ابا اشوف اشكالهم وهم منصدمين بوجودي..
روضه:جيه انته ما خبرت حد..حتى ابووي..
ذياب:لالالالا..ما خبرت حد..
روضه:انزين يلا..
وقف اذياب عند بااااب الصاله.. فالوقــت اللي حدرت رواضي الصــاله..
حمدان:جيه وين تيلفوني؟؟
روضه:اللحينه اللحينه بيي..اقوول عندي سبراايز..
حمد:الله والسبرااايز مال الرووض..
غبوش:اووه..حمد ظهرت تعرف السبراااايز..
حمد:هيه الشيخه شو ع بالج؟؟
غبوش:خلاص انزين لا تعصب..
صخ حمد وهو يبتسم حق غبوش..وصد صوب شموس..وطالعها بطرف عينه..هههههههههههههه..يااالس يستهبــل..يوم شاف شموس فجت اعيوناتها منصدمه من نظرته الأخيره..ضحك ضحكه عاااليه..
حمد:هههههههههههههههههههه..والله والله امزح ..سويلها طااف اخر نظرة..
انقلب ويه شمووس واستوى لونه أحمر..لأن حمدان وخلوف لاحظوا هالشي..وتموا يضحكون..اما شجون وغبوش وموزاني وروضه وسلامي..تمـــن يضححححكن ع ويه شموس ويسون لها اووكي..
روضه:نسيتوني السااالفه؟؟"وتصاارخ"سبرااااااااااااااااااااااااااا ااااااااااااااااااايز..
وحدر اذيــاب..عاد اهنيه الكل وقـف..وتموا ايطالعون..البنات على طوول صااارخن..ما غير شموس اللي ما عرفت امنوا هاذا؟؟مع انها شااافت صورة لعمها ذياب عند الروض..بس بعد اول ما شافته وما عرفته...الموووهيــم..وزخهن حمدون بنظرة جان يسكــن..اما الشباب تموا ايرحبوون ومستانسين بشوفت اخووهــم ..قبل ما يكون عمهم..
خلوف:اسميييييييييييييييييييييييييها نوووووورت الرمــاح..
حمد:يااخي مااا بغيييت اتييي..
حمدان:ولا وامسوي سبرااايز ويا راسه..
تم ذياب يضحك ع تعليقــاتهم..وسلم ع البنات وحده..وحده..ويوم يأ دوور شموس لوى عليها من الخاطر وباسها بين حياتهــا..عاد اعيون حمد اشوي وبتظهر من مكانها..لوووول..يا ولد الحلال عمها انته ليش جيه اتطــالع..عافانا الله..

. . . . . . .

تعال مابقالي يــــــــوم ..في بعدك يصـــبرني
اخاف اموت من شوقي ..وانت مطول غــيابك

الســاعه 8 بالظبــط..
بيــت بو محمــد..
حيرة الرووض..

لون كندورتهــا البرتقــالي..وموديلهــا المميــز..واعيــونها الذبوحيــة..ورموشهـا الطويله..اللي تقريبن بتندمــج مع خصلات شعرها الأسوود..عشـان يكتمــل الشكل..وتصير روضــه لوحــه من الجمــال..ما بقص عليــكم..بس روضه كــانت ملكــة جمال ..وبتذووب اللي ما يذووب..
يودت المدخن ودخــنت شعرهــا..وحطت دهــن عود تحت اذوونهــا..وحطت الشيله ع راسهــا..وتمت اتطالع كيف شكلهــا..امممممم..وقالت ابصوت مسموع.."اووه القلوس نسيته"..
وبحركه سريعه حطت اقلوس زادها جاذبيــة..وطــاحت اعيونها ع الورقه الستكر اللي ملصقه ع المنظرة..

" لازال القلب ينبض ابحبــج"

تأملت هالأربــع كلمــات.."كيف لا زال قلب سهيل ينبض بمحبتــي..وهو مجافيــني ولا حاطلــي أي اعتبـــار..كيف؟؟انا شو سويت لسهيل عسب ايعاملني جيييه..والله العظيم افتقدته واايد فالفترة الأخيره"..
كالعاده..حطت له مية الف عذر..وكالعاده..حاربت الدمعه عن تنزل ..وكالعاده..رسمت ابتســامة امل ع محياها..وهي متفاائلــة بالخير..وان سهيل اليوم بيردلها اسهيل اللي عشقته..واللي ولا في دقيقه فكر انه يجافيهــا..او يتركهــا؟؟!!
ظهــرت من حيرتهــا..وحدرت على طوول حيرة شموس..ولقتهــا وااقفــه جدااام المنظرة تتعــدل..وكانت لابســة وردي ولااايق عليهــا..
روضه:عنلاااااااااااات هالويه يالسباااااله بتغرمييين ببوسهاب..اووه اقصد ببو شهاااب..
شمسه:هع هع ..حتى فالعيد اتسب وتغلــط..اقوول الرووض بلا استهباال..شو دخل بوسهاب ع قولتج اللحينه؟؟
روضه:أممممممم مادري..
شمسه:شجون نشت ولا بعدهـــا؟؟
روضه :يوم زقرتها ابغيها اتيي اتصلي ويانا تحت ..بس ما وايبتلي..امبنده البااب..
شمسه:عيل سيري شوفيهــا هي وغبوش..وانا اللحينه يايتكن..
روضه:اوكيك بس البسكارة يابتلج المدخــن؟؟
شمسه:هيه يابتلي..
روضه:اوكيك عيل بااي..
ظهرت من عند شموس..وسارت صوب شجون اللي ما شافوها يوم صلوا..الحرمــات ضاريات كل عيد ايصلن اربااعه في مصلى العيد..يعني ايسيرن ويا الرياااييل..بس هالمرة..الريااييل كلهــم نقعوا خيانه ..وساروا دون ما ايسوون أي حساب للحرمــات..هع هع هع ..فعشــان جيه.كل وحده صلت افبيتها ويا بناتها..فمثلن فبيت قوم روضـه..امهم العوده كانت عندهــم..فصلت هي وروضه وغبوش وشموس وام محمد..وعليا وريسوه اللي يتهم امس فليل عسب اتعيد عندهم..اما ام سهيل صلت ويا بنتها سلامي في بيتهم..ونفس الشي ويا موزاني وامهــا..
وصلنا وين..هيه يووم روضه سايرة صوب شجون..دقت عليها الباب..قب قب قب قب..<<<انا أحب الواحد يكسر البااااب يوم ايدق..طق طق طق ..ما تنفع ويااااي..
شجون:امنوووووو؟؟
روضه:الشيخه روضه بنت راشد بن سهيل الــ .........ــي..
شجون:يااااااا مرحباااااااااا السااااااااااااااااااااااااع..
فجت شجون البااااب وفجت ثمها عسب اتبارك لرواضي قبل ..بس رواضي كانت اســرع منها ..
روضه:امبااااااركن عيييــدج..
شجون:عيدنــا وعيييدكم..حشى يالملغووثه سبقتييني..
ويتوايهـــن..
روضه:شحـالج؟؟
شجون:يسرج حالي..
روضه:ليش ما وعيتي وصليتي ويانا صلاة العيـد..
شجون:اممم..مادري كنت ابا ارقــد..
روضه:اووف كشخه ظهرت عليج الكندورة السمـــاويه..عليها ذووق موزاني..
شجون:هيه فديتها والله..يلا نشي بنظهــر..
روضه:اوكيك بس بنخطف ع شموس وغبوش..
شجون:اوكيــك..
وظهرن من حيرة شجون..شجون كانت لابسه كندورة سماويه..ومظهره قصتها..وحاطه جحال وقلووس..وووااايد حلووووة..ولو انها شبه سمراا..وشوي يت شموس.. وظهرت غبوش اللي كانت كاشخه وشاده حيلها فالكشخه..وظاهرة "غيير شكل"..يوم حطت القلوس والكريم والجحــال..لأن هالأشيااء ما تمس ويها موووول..
×الموووهيـــــم..×
كلهــن نزلن تحــت..وسارت شجون وسلمت على امها العوده..وحرمت ابوها..وباركتن لهن بالعيد..ويلسن كلهــن ايسولفــن..وبوجود ريسوه وعليا..اللي كانن لابسات مغربي رووعــه..يتريوون الرياااييل ايوون بيت بو محمد..

. . . . . . . . .

مثل الطفل انتظر طيفك ونظراتي تجول..
حيث انك احضان الدفا وسط الليالي البارده..
قبلك أبد ما قد خفق قلبي ولا صابه ذهول..
ولا صادق ايامي السهر والعين باتت ساهده..

بيت بوسهيـــل..
حيرة سلامــي..
جداااام المنظرة..لووول..

كــانت سلامي يالسه تتعدل وااحليلهـــا..أول شي اليوم عيد..وثاني شي خلوف اكيد اكيد اليوم بيكون كاشــخ..لازم هي تكون أكشـــخ منه..طاالعوا بس كيف تفكير هالسلااامه..المووهيم..امهــا يالسه اتزاقــر عليهــا من الصبــح..عسب ايسيرون بيت بو محمد"ابو روضه"..لأنهم ضااريين كل عيد..الريااييل اول ما ايون من المصلــى ينزلون على طوول بيــت راشــد..لأنه الكبيير..فالحريمـات اكيد كلهــن ايسيييرن اهنــاكي..
ام سهيل"عند باب الحيره":ياااااااا سلاموووه..يسدج من هالرخابيط اللي اتحطينهـــا ع ويهــج...يلا الرياااييل بيون واحن بعدنا ميلسات اهنه..
سلامه"اتحط شيلتها ع راسهــا":امايه امايه خلصت خلصــت..
ام سهيل:اخييرن..حشى يا بنييتي ما اتملين من مجاابلة هالمنظرة..
سلامه:اماايه فديييتج لا اتصاارخين عليه..اليوووم عيد..
ام سهيل:قسم بالله اتقووول ياهل..طووفي طووفي يلا..
ونزلت سلامه ويــا امهــا..وهي مبهدلتنـها..مرةتسحب البرقع ومرة اتبوسها بقوووو ومرة اتسولف ويــاها..
يوم وصلــن جدام بيت قوم روضه..لقوا موزاني وامها توهن بيحدرن..وسلمن على بعض وتمن يباركن عليهن بالعيد..الحرمـات على طول حدرن الصاله..واهناك لقن ام رياييلهن..وام روضه وريسه وعليـا..اما سلامه وموزة واقفات جدام الباب..ولمحن رواضي ظاهره من المطبــخ..
سلامه:هكي رواضي يت..
موزة:ماالت عليها مسوية فيها ربة بيت..
سلامه:ههههههههههههه..تقصدين يوم شالة صينية القهوه..اليوم عيد ومحد ايسب الثاني فاهمه..
روضه:لا قوولي والله انتي بس..
روضه "تصارخ ":اووووووه اخييييييرن ييتن..كل عيد اتغبشن عندنا..الا هالعيد مادري شو حل عليــكن..اونكن كبرتن..
موزة:ويااااااهالراااااااس..
روضه:احسن عن رااســج..
واتسلم عليـهن واتبارك لهن بالعيييد..
روضه:يلا خطفن جدامي يالعنـــز..
موزه:انتي العنز.
سلامه:يااحبكن للمواقعه..اقووولج عيييييييييد محد يسب الثاااني عييييد ياناس عييييد..
روضه:خلااص اخر مرة..
سلامه:طووووووفــن..
وسارن البنات ووطــن القهوه عند الحرمــات.. وتمــن ايعابلن فالصــاله..ووياهن البشـاكير..ويمعــن الغنفــات ويا بعــض..عسب اللي يبــا ييلس عليــها..ونفس الشي ويا الزوليــات..عسب الكل ييلس وياخذ راحـــته..
(امهم العوده..ابومحمد..ام محمد..محمد..عليــا عبدالله..عنود..حمدان وريسه..روضه غبوش شموس وشجون..وبوسهيل وحرمته..وسهيل وسعيد وسلامه..وبوخليقه وحرمــته..وخليفه وحمد وحميد وناصر..وموزاني..وأكييييييد ما ننســى ذيااااااااب..)هااييل كلهم بييلسون اللحينه في نفس المكـــان..
ومن بعد ما وزعــن سلال الفواله والباتشي وصينيات البسكويت والجاي والقهوه..ســارن البنــات فووق كلهــن..يوايقــن من الدرايش..ايشوفــن الرايــح والراااااد..ما غير روضه اللي كــانت اتعابل في كيمرتهـــا..عسب اول ما يدخلــون الرياييل اتصورهم فيديو..

. . . . . . . . .

جيت اداوام نظرة عيونك..ما حسبت ان الثمن غالي..

واقصرت الأنظار دونك..شفت في عيونك شقا حالي..

الرمــاح..
جدام مصلى العيــد..

الريــاييل جيووش وطنيــه ..جدام البــاب..وكلن ايسلــم ع الثاني ويباركلــه بالعيد ..من خلصو عربنا السلام والسوالف الخفيفه..الشواب حدروا سياييرهم وويهوا صوب بيت بومحمد..ونفس الشي ويا الشبااااب..حدروا سياييرهم وويهوا صوب بيت بومحمد..ولكـــن مع جرعــات استهباليييييييــه اتعبر عن فرجتهـــم..
في سيــارة حمــد..اللي كــان سعيد ونــاصر وحميد راكبين ويـاه..طبعن اسعيد رااز الويــه جدام..وناصر وحميد يالسين ورى..والكل موطين الجامات..
الأخ حمد مشغــل الأغــاني بأعلــى صووت..وشــاق الحلج..وسعيد من صووب ايصفق وييبس..
حمد"ماد يده برع الجامه":عطوووونـــا عيديه..وعســاكم من عواده..
ومن صوب سيــارة محمد..اللي كان يسووق ..وحمدان يالس ع الصوب الثاني..
حمدان"ايفر بوكــه على حمد":وهاذي احلــى عيديه..
استــانس عااد حمد..وفر البوك صوب سعيد..
حمد:ياابوك عطاااانااا بووكــه..فجه فجه بناخذ افلوووووووووووس..
سعيد"فاج اعيونه ويصاارخ ":ايقققققصصصصص علينا هالسبااااااال..البوووك فــــــــــاظي..
صد حمد وهو معصب على حمدان ومحمد..ولقــاهم يالسين يضحكــون ومكشخييين ضرووسهـــم..
حمد:نذاااااااااااااله هاه؟؟ماا عليــه والله بردها هالحركه يالسبلان..فرحتوونـي ع الفاظي..
حمدان:وي وي وي وي..
في سيارة محمد..نقز عبدالله ويلس فوق عمه حمدان..
عبدالله:هااك عمي خذ بطايقك وفلووسك..
محمد:اقول عبوود وانا ابوك خشهم افمخبــاك تراها عيديــتك من عند عمك حمدان..
عبدالله"مستااانس وصدق الرمسه":مشكوور عمي..ويوم أكبر بعطي عيالك عيديه..
حمدان"منصدم":لالالا..مشكوور مشكوور يالشيـخ..بعطيك عيديه فالبيــت..
عبدالله"يمد البطايق والفلوس الي كانت في بوك حمدان":بخيييل...
محمد:عااش عبدالله بن محمد عاااش..
حمدان:مااعليه ياعبدوون السبــال..بتييني بنت وبتقول عمي يوزني اياااها..وبقوولــك ابعييييد عن خشمــك يا ولد محمد..
عبدالله:من زينها عاااد..اقوول خلها اتيييك وخلاف ارمس ع كيفــك..
سكت حمدان..وهز راسه بتأسف ع حال هالعبدالله..شو هاذا يااهل وجيه لســانه..فالوقت اللي ضحك محمد..
محمد:وان اشهد انك ........ــي.."وذكر قبيلتهم "..خشمك خشمك..
ويتوايهون محمد وولده ..صد صويهـم حمدان ..وعطاهم نظرة من طرف اعيووونه..كأنه مستهزء فيهم..
من صوب..سيارة سهيل..اللي كان يسوقهــا خلوف ويلعب فيها..مرة يمين ومرة يســار..وكأنه الشارع شارعهــم..وذيــاب اللي كــان مظهر راســه من الدريشــه ويسولف ويا حمداااان ومكشــخ ضرووســه..وحمد كل ما شاف ياهل مظهر راسه من أي سيارة تخطف..يصارخ عليه .ويزيغه..واتفقوا كلهــم ان يهرنون "يسون بيب بيب لوول"..اول ما يحدرون البيــت..ويصفون سياييرهم كلهـــا عدال بعض..
وبالفعــل..حدروا الشوااب البيت..بدون ازعــاج..اما الشباب شلو البقعه بازعاجهــم..والبنــات من سمعن الحشرة..على طوول نزلــن تحت..وروضه ميوده كيمرتهــا..وكــانت اول الحضوور..ما تدري شاللي خلاها تسبق البنات بخطواتهــا..أكيد ما غيره..اتدور طلـة سهيل..
انفــج باب الصــاله..وحدروا الريااييل..سلموووا ع الكـــل بو محمد وأخوانه بمن فيهم اذيــاب..وطبعن الشباااب كلهم..وياهم عبدالله اللي داخل يسفره بيضــا وعقـال على طوله..ولابس نظرات بعد وميود عصاه افيده ايقلد يده راشد"ابو روضه"يلسوا ع الأرض وامهــم بينهـــم..وذيـاب كان لاصــق فيهــا..وكل ساعه يبوس راسهــا من صوب..وهي تتفداه من صوب..
بوسهيل اللي كان ايسولف ويا محمد عن رجــابه وعزبه..
وبومحمد اللي كان ايسولف ويا بو خليــفه..
موزاني وشموس اللي كانن يتطنزن ويضحكن من تحت لتحت..على سلامي ونظراتهــا لخلووف..
خليفــة وسلامي اللي كانت نظراتهم هي سيدة الموقف..
وغبوش اللي اتنــاول الحلوة العمــانيه لحمدان وتسولف وياه..
وعليــا اتصب القهوة وتحط التمر فوق كل طاوله..
..وشجون اللي تحط صينية الشاهي جدام امهــا وحرمـات عمومتهــا..
امـا ريسوه كانت يالسه ع الغنفــه بين ام ريلهــا وعموتهــا ام خلووف..ملتهيه بالسوالف وياهن..
حمـد اللي اعيونه شوي على شموس..وشوي يتمصخر على عقال عبدالله ويشاركه سعيد..
حميـد اللي كــان ايسولــف ويا ابوه ومحمد..
والأهم روضه اللي كــانت واقف واتصور اللي يالسيــن كلهــم..وكل دقيقه تزقــر ع واحد من عمومتهــا عسـب يصدون صوبهــا..
روضه:عمي ذيــاب عاد خل الرومانسيه ويا امي العوده وعطني عيديه..
ذياب:عيديه؟؟جيه كم عمرج اللحينه..
حمد:اسعيييييد اضحك اضحك وانا اخوووك..تسمع رواضي شو تقوول..؟؟
روضه"تويه الكيمرا ع سعيد وحمد":رزة الفييس من طباايــع التييس..وبسكـــم مصخره ع عبودي فديــته.."وتويه الكيمرا مرة ثانيه على عمها اذياب"..هاه عمي اذياب بتعطيني ولا انكسل السالفه؟؟
ذياب:كنسلي انا ما بعطي الا عنودي..؟؟الا وينهــا؟؟
روضه:اظني بعدها راااقده.."وتويه الكيمرا صوب عليا" عليوووه سيري وعي بنتـــج خليها اتيي وتاخذ العيديه ونتقــاسمهــا..
عليا:لالالا..عيدية بنتيه محد بياخذهــا..وخليها ترقد امس فليل ما رقدت ياحليلهــا..
روضه:والله فتيـات مدلعــات"واتحط الكيمرا ع خلووف"هاه خلووف شغــلت نظراتك ويا ست الحسن والجمــال..
خلوف :مـالج خص..
روضه:اوكيه نو بروبليــم..زعلهــا..وخلاف تعال اربــع عندي .."وتقلد صوته..يعني خشنت صوتها"..روااضي ادخيــلج قوليلها ترضى علي..
ابتسم خلوف فالوقــت اللي حمر ويه سلامه وهي اتسوي حركــة ماعليه لروضه..وسعيد وحمد يضحكوون بصوت عالي..
سعيد:نياهاهااهاهاهاهاهاهاهاهاهاهاهاهااها..واخيرن انكشف المستوووور..
نيااهههاهاهاهاهاهاهاهاهاهاها..
حمد:ههههههههههههههههههااااااااااااااي..هب كأنهم لعنوا خيييرك ياا خلووووف..الرووض ما قصــرت عطتــك فالويــه..
خلوف"ايأشر لروضه وكأنه ينبهها بوجوده عسب اتحط الكيمرا ع ويهه":ماا عليه يالروووض..بتيين تربعيـــن عنديه وبتقوليــن..عطني باااتشي ولا بقوول لسلامي رمسه وبتزعــل..
روضه"اتحرك راسها على ان الرمسه المقيوله من اشوي جذب..والكيمرا تتحرك وياها":جذاااااااااااااااااااب واكبر جذااااااااااااااااااااب..
سعيد:لا اتحااولين تبررين عمرج..نياهاهاهاهاهاهاهاهاهاهاااااااا..واخيرن انكشف المستووور..نياهاهاهاهاهاههاهاهاهاا..
حمد:ههههههههههههههاااااي..هب كأنهم لعنو خيرج يا روييض..خلوف ما قصر عطــاج فالويــه..يالعذووول..
روضه:سخيفيييييين"ومدت بوزهــا شبريييين...وويهـــت الكيمرا صوب شموس وموزاني"..وانتن شو اتسون..

شموس:نتمصخر على بعض الناس..
خلوف"زخها بنظرة من طرف اعيونه":شووو تقصديييين..؟؟
حمد:وانته مالك خص فاللي تقصده..؟؟
موزاني:الله الله الله..ايه ده كلووو يا بوشهاااب..
سعيد:شو هالرمسه المعوقه ..
موزاني:لا تعيب علي..
سعيد:هع هع هع ..كوكتيل لهجات عربيه..
ضحكـــت روضه بصوت شبه عالي..لأنها عيبتهــا كوكتيــل لهجات عربيه..
روضه:هههههههههههههههههههههههه..والله انك فيلسوووف يا بوالنت..
صد سهيــل صوبهــا..وطالعهـــا..وابتســم لهــا..شو اقوولكــم؟؟شو اوصف لكــم؟؟كيف اعبر عن شعور روضه في هذيييج اللحظه؟؟كيف اكتب واحس ان المعاني خانتني...؟؟
بس ولو بحــاول اوضــح لكم..ولو القليل عن الفرحــه اللي سكنت قلب روضــه..كيف ما تفرح؟؟..وهي اتحس سهيل..هو سهيل اللي لو تنطبق السما ع الأرض..ما بيتغير عليها؟؟..كيف ما تفرح..وهو مبتعد عنه كمن يووم..واللحينه اعلن قربه لها بابتســامته..
بلمحـــه بسيطه..خطف الأيام اللي فيها ابتعد سهيل عنهــا..وتذكرت كيف كــانت ايامها بدوونــه حزيــنه..وكيف كانت تتخيلــه افكل مكـــان..................؟؟؟!!!!!

والتكمله النشاالله باجر

سلامي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عطل في اللكزس وبدو حل	محروم.كوم	منتدى أخبار المواقع والمنتديات العربية والأجنبية	0	06-07-2010 10:10 PM
11 - 5 لعبة SPB Brain Evolution لتطوير مهاراتك العقلية.	محروم.كوم	منتدى أخبار المواقع والمنتديات العربية والأجنبية	0	05-11-2010 12:30 PM
الأن تعاون وتواصل وطور مهاراتك البرمجية والتصميمية اكثر مع مجمع لاين التطويري...	محروم.كوم	منتدى أخبار المواقع والمنتديات العربية والأجنبية	0	03-15-2010 03:00 AM
مبروك غيري دام غيري حلالك	الهنــــــوف	تصاميم الاعضاء	15	03-06-2009 03:36 PM
بين هم... وبين غم .. وبين جـرح ..!!!	أحلى رومانسية	الشعر المنقول	7	01-16-2008 01:21 PM