ابنشدك عن نور القمر وشلون نوره ؟

محروم.كوم · #1 12-19-2009, 09:40 PM

السلام عليكم ورحمة الله وبركاته

في عصرية يوم من ايام مربعانية الشتاء

تمخطر عايش بتثاقل الى بيت اهل محبوبته

نوره قاصدا خطبتها والشكـ في قلبه انه سيقابل

بالرفض

وعند وصوله الى بيت ابو نوره واهلها

خطبها من ابوها

ولكن ابو نوره بطبيعة الحال رفض لأن عايش كان على قد حاله وما عنده حلال ولا عنده دراهم تسوى * فشاف عايش نوره بعد ما طلع من عند ابوها وقالها :نوره انا راح يصير عندي فلوس وراح اشتغل وراح ارجع اخطبك واتزوجك* ونوره كانت تحب عايش فوافقت انها تنتظره.سافر عايش الى منطقه مرموقه في السعوديه وصار يشتغل في التجاره ومرت الايام وصار عنده فلوس ورجع لقريته عشان يطلب يد نوره من جديد ويتزوجها ولكن لما رجع القريه تفاجى ان نوره تزوجت لان ابوها اصر عليها انها تتزوج وكان عندهم البنيه لازم تتزوج اذا جاها شاب قادر على الزواج. وتفاجى ايضا انها مو بس تزوجت بل هاجرت الى مكان ثاني مع زوجها ولا احد من القريه يعرف المكان. فقام صاحبنا عايش وقال بيت شعر (ابنشدك عن نور القمر وشلون نوره) وقرر يسافر ويدور على نوره. ومر على القريه الاولى وراح وسلم على امير القريه وقاله انا عندي لغز واللي يجاوب عليه بعطيه كل حلالي فقاله الامير وشو اللغز قال(ابنشدك عن نور القمر وشلون نوره؟) احد الجالسين قال له ابيض واحد ثاني قاله اصفر وكل الاجوبه غلط محد عرف حل اللغز. فسافر الى قريه ثانيه وطرح عليهم نفس اللغز ومحد عرف الجواب راح للقريه الثالثه وكان تعبان من السفر فقالهم انا عندي لغز واللي يعرف يحله بعطيه كل حلالي قالهم (ابنشدك عن نور القمر وشلون نوره؟) محد عرف الجواب فقالهم انا اليوم بنام عندكم لاني تعبان واللي يعرف الجواب يقوله لي الصبح ومن بين الحضور كان زوج نوره موجود فرجع للبيت وقالها :نوره !! قالت له :سم ؟ قال: جانا اليوم واحد خبل يقول عندي لغز واللي يحله بعطيه مالي وحلالي كله* فقالت له: قولي وشو اللغز يمكن احله قالها(ابنشدك عن نور القمر وشلون نوره؟) فبتسمت نوره وقالت له :عرفت الجواب قال لها :صدق؟ قالت له :قوله(مثل السمك في البحر وشلون عايش؟) فقام الصبح رجل نوره وراح وقاله: انا عرفت الجواب فقاله :وشو الجواب قاله(مثل السمك في البحر وشلون عايش؟) فبتسم عايش وقاله هذا مالي وحلالي

لك انت ونوره وسلملي عليها

ومضى في حال سبيله

وقد ارتاح قلبه لأن من يحب سيعيش مرتاحا

تقبلوا تقديري واحترامي

عاشق السناف
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ابنشدك عن بنتٍ تهد المخاليق...؟	محروم.كوم	منتدى أخبار المواقع والمنتديات العربية والأجنبية	0	12-20-2009 06:30 PM
ابنشدك عن نور القمر وشلون نوره ؟	محروم.كوم	منتدى أخبار المواقع والمنتديات العربية والأجنبية	0	12-19-2009 09:30 PM
ابنشدك عن بنتٍ ( لغز طاازج ) جديد	محروم.كوم	منتدى أخبار المواقع والمنتديات العربية والأجنبية	0	11-04-2009 03:40 AM
ابنشدك عن رجلاًجا ثم وبارك	محروم.كوم	منتدى أخبار المواقع والمنتديات العربية والأجنبية	0	04-24-2009 01:10 PM
انا ابنشدك عن رجل نشوفه وانتسب القوم	محروم.كوم	منتدى أخبار المواقع والمنتديات العربية والأجنبية	0	04-22-2009 12:50 AM