توقفت عن الإدمان منذ أربعه أشهر

محروم.كوم · #1 12-19-2009, 02:30 PM

<div>السلام عليكم ،،

مأجورين بمصاب أبي عبدالله الحسين عليه السلام،،،

من دهر ما دشيت وكتبت شي مو :confused1:

المهم فيه موضوع نزلوه بالملتقى الوطني امس واليوم جاي في بالي هلموضوع قلت وحشني الملتقى خلني اروح اسولف شوي واهاذر

زين الله يسلمكم الواحد لين يدمن شي صعب عليه يتركه وبالخصوص لين أدمنه سنوات من عمره يمكن ازيد من عشرين لو خمسه وعشرين سنه لكن اني اعتبر نفسي سويت إنجاز

لحد يطنز علي مستانسه مسويه إنجاز لمفروض تعطوني شهاده تقدير :smile7:

ادماني كان على المشروبات الغازية ما اقول مدمنه داك الزود وفي اليوم اخلص كارتون لو عشره قواطي بيبيسي بس اعتبر نفسي مدمنه من اشوف البيبيسي ما اقدر اخليه واشفط فيه لكن مدري شنو صادني وقبل بس 4 اشهر قلت بتركه ما ابي اشربه يعني تقريبا قبل شهر رمضان مدري بيومين لو اسبوع تركته وليومكم هذا ما طب معدتي

في البدايه كان علي صعب وبالخصوص اني تركته بشهر رمضان واني لين صايمه ما اشفي على شي ولا ابي اشرب شي غير البيبيسي كان صعب علي بس اتحملت يمكن ساعدني شهر رمضان على تركه لنه صيام بالنهار والليل يكون الشخص شبعان والسحور ما كنت اسحر بالعاده غير سليس وجبن ومااحب معاه البيبسي

في الفطر بالعاده تجمعنا يوم الجمعه في بيت الوالد واخوي يشتري بيبسي للغذا وكل ما شفت غرشه البيبسي اموت ابي اروح اشرب بس ماسكه نفسي وقمت اهاوشه اقول ليه لا تشترون بيبسي ما نبي مو زين وقمت اخوف اولادي الا ما منهم فايده ان فيه شحم الخنزير ومو زين بس ما فيه امل يسمعوني

<font color="darkslateblue">بدايه ما تركته صدق من اشوف احد يشربه اموت ابي اشرب لو رشفه وصعب علي تركه بس قاومت وقاومت لين قدرت الحين صار لي اربعه اشهر ما طب معدتي ما ضقته اني اعتبر نفسي مسويه انجاز ما فوقه فوق لحد يطنز عليي عادة كسيفه واحس نفسي تركتها كلش زين اتمنى بعد اولادي يتركونها وحاولت وايد مع زوجي ان ما يشتري بس هو بعد بين فتره وفتره يحب يشرب فما مومعقول امنعه .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صفرخمسه أربعه .. وأخره خمسه سبعتين !!	محروم.كوم	منتدى أخبار المواقع والمنتديات العربية والأجنبية	0	07-10-2010 06:00 PM
بمناسبة شهر رمضان المبارك من vbاشترك 6 أشهر واحصل على 6 أشهر مجانا	محروم.كوم	منتدى أخبار المواقع والمنتديات العربية والأجنبية	0	08-17-2009 11:00 PM
Hb أقوى عروض سيرفرات vps اشترك 6 أشهر واحصل على 6 أشهر مجانا hb	محروم.كوم	منتدى أخبار المواقع والمنتديات العربية والأجنبية	0	08-10-2009 08:40 PM
الهاكات توقفت	محروم.كوم	منتدى أخبار المواقع والمنتديات العربية والأجنبية	0	05-18-2009 09:10 AM
أربعه أجهزة جديد من سامسونج: كيبورد كامل، شاشة لمس و المزيد	محروم.كوم	منتدى أخبار المواقع والمنتديات العربية والأجنبية	0	05-07-2009 07:10 PM