نادالعين الرياضي الثقافيي

العين643 · #1 06-10-2008, 02:58 PM

نادالعين الرياضي الثقافيي

02:«®°·.¸.•°°·.¸¸.•°°·.¸.•°®»بـــســـم الــله الـــرحـــمـــن الـــرحـــيـــم«®°·.¸.•°°·.¸¸.•°°·.¸.•°®»
الصراحه حبيت اشارك اليوم وابدي وجهة نضري باللي قاعد يستوي في نادينا العريق.

اولا: لاتنسون ان نادينا نادي امجاد وبطولات ثانيا: الحياه يوم حلو و10 ايام مره ومثل مانتقبل ان دوم ناخذ بطولات لازم نصبر ونوقف وقفة رجل واحد لين مايرجع الزعيم لسابق عهده ثالثا: في مثل قالوه اصحاب العقول الراجحه قالو: دوام الحال من المحااااااال..... يعني مستحيل شي يتم على حاله!!!!!!!! كيف تبغون نادي العين يتم على طول فالقمه يا جماعة الخير ابغي اي احد منكم يذكر اسم نادي عالمي ما مر بظروف صعبه وبتخبط في حقبة من الزمن!!!!!! ابغي احد يذكر لي دولة ما مرت بتخبط او واجهة صعوبات وانتكاسات ابغي احد يذكر لي اسم حضارة بدت واستمرت لين اليوم امبراطوريات ماتمت على حالها يعني الله عرفوه بالعقل يا اخوان نحن لازم نحكم بعقلنا مش بعواطفنا لازم احتجاجاتنا ومقترحاتنا تكون بطرق متحضره وراقيه اللي تعود بالنفع على الفريق والنادي وعلينا نحن كجمهور هل العنف بيفيد؟؟؟؟؟ هل النقد اللذع والمجرح بيفيد؟؟؟؟؟ هل وهل وهل؟؟؟؟

ليش مانفكر كيف نمد يد العون لنادينا ليش مانجتمع على كلمة وحده وموقف واحد؟؟؟؟؟ ليش نتكلم بس فالمنتديات والنت واذا طالت وطالت نتفوه بكلمات نابيه فالملعب!!!!!!!!!! ليش مايكون هناك مساعده ملموسه مثل تاسيس منتدى او حتى مكتب يعنى بمواقف ومراحل النادي السنويه يهتم بشؤوون النادي بشكل علني بس بحدود يكون في تعاون مع ادارة النادي بهالشي تقديم مقترحات للنادي تقديم افكار للنادي تقديم بعض الامور السلبيه لبعض اللاعبين للنادي ليش نحن مايكون لنا موقف ملموس مثل الدول المتقدمه والاوربيه؟؟؟؟؟!!!!!!!!!!!!! مانقدر؟؟؟ نخاف؟؟؟؟؟ شو السبب؟؟

نحن مانصدق نقطع فالاداره والنادي واللاعبين اللسان بليا عظم واللي يشتغل غير اللي يرمس ومثل ماقال المثل لو طاح الجمل كثرت سكاكينه يعني طاح العين واول سكاكين طاحت عليه هيه سكاكين جمهوره!!!!!!!!!!!!!!!!!!!!!! انا ما ادافع عن الغلط اللي يستوي فالنادي ولا راضي بالحاله السلبيه للنادي بالعكس بس بعد ارفض اغلب الطرق الانتقاديه من قبل الجمهور خلاص مافينا صبر نبا كل شي ونباه على طول ليش مانتعلم من غيرنا ومثل ماقالو اللي يشوف مصيبة غيره تهون عليه مصيبته مثال شو نادي العين على ايام نادي الوصل؟؟؟؟؟؟ هل كان معروف في مثل اليوم؟؟ هل كان الخليج والدول العربيه والاسيويه تعرف والعالميه مثل اليوم؟؟؟؟
هل كان العين باسم الامبراطور الوصلاوي؟ الجواب لا
كم صبر جمهور الوصل لين ماياب النادي بطولة؟!!!!!!!!!!!!!!! يعني خلاص الفريق يمر بكبوه خلاص انا انشر فضايح النادي وغلطات النادي لا يا اخواني النادي في يوم بيرجع وبيرجع يتزعم اندية الدوله والخليج واسيا واللي كان يتكلم على النادي بعاطفه بييه يوم يقول ياليتني مارمست ولا تسرعت فالحكم على نادينا

يقول لك الله سبحانه وتعالى يفرض الاقارب على الانسان لكن مايفرض عليك الاصدقاء نحن كعيناويين نادي العين يعتبر بالنسبه لنا اكثر من الاقارب يعني عمر الظفر مايطلع من اللحم ونحن اللحم ونادينا الظفر وباذن الله بيرجع الزعيم وصدقوني مافي حد من قيادتنا الرشيده ومن شيوخنا مايبا الخير والرفعه لنادينا بالعكس انتو تعرفون انه في شيوخ وناس كبار في انديه ثانيه يزعلون لخسارة العين!!!!! كيف مسؤولينا؟!!!! لكن الدنيا اوقات والتوفيق من الله يخالفك واحيانا يقولك تاتي الرياح بما لاتشتهي السفن

اناشد كل عيناويه انه يسال نفسه ليش يتابع مباريات العين؟ ليش يحدر المنتدى؟ ليش يحرق اعصابه؟ الجواب من حبه وعشقه للنادي فليش مانترجم هذا الحب والعشق للنادي بطريقه ايجايبه تخدم جميع الاطراف؟!!!!!!!!!!!!!!

انا عيناوي واموت فالعين واوقف ورى فريقي وما ارضى حد يرمس على الفريق في اي حاله كانت واتضايق لدرجة اوقات اتعب نفسيا من خسارة الفريق بس دوم اقول الصبر الصبر الياي افضل والقادم صدقوني بيكون احلى واقول للي يسمعون كلام من الناس او مشجعين انديه ثانيه دخلو من هالاذن وطلعو من الاذن الثانيه وخلو ثقتكم في ناديكم كبيره مافي نادي فالدوله يوصل نص انجازات العين واذا كل حد جاهل يرمس بكلام ستفزازي وبحرق اعصابي ماعمرنا بكون امة بحق وحقيق ومثل ما قال سيدنا علي رضي الله عنه: خاطبت 40 عالما فغلبتهم فخاطبت جاهل فغلبني !!!!! تعرفون ليش لانه مايستند على العقل فالكلام اللي يقوله

وفكرو في كلمة الزعيم العيناوي والله نادي كبير وقلعه من الصعب هدمها نادي العين خلاص استوى ماركه مسجله دوليا يعني محد يقدر يشكك في جودتها افتخروا انكم عيناويين وافتخروا ان فريقكم يلعب بدون محترفين وعنده 17 نقطه افتخروا انه النادي الوحيد يوم يرمسون عنه فالاعلام حتى في حالة خسارته يرمسون عنه بكل احترام وتقدير وافتخروا انكم انتو اللي رفعتو اسم الامارات دوليا وافتخرو انه في بطايق هويتكم مكتوب لكم عينااااااوي

هذا ابتلاء من رب العالمين الله سبحانه وتعالى يوم يبا يختبر عبده يبتليه فاصبروا محنه وبتعدي انشاء الله ولازم تروون الناس والعالم انكم الجمهور رقم 1 والجمهور الاستثنائي والجمهور اللي ماله شبيه ابدا لاتقلدون جمهور الانديه الخرى واللي تم يخسر الفريق الجماهير ماتسير المباريات ويرمسون على الفريق ويطلعون فضايحه لا مش هذي صفات العيناويين نحن عيال زايد الله يرحمه وغرس فينا ابونا زايد المعاني الطيبه ووقفة الرجال وصبر الرجال فلازم نثبت هالشي والى الامام يا احلى جمهور وارقى جمهور وانتو اصلا نادي العين وانتو اصلا ادارة النادي واللاعبين تحيدون يوم كنا نترس الملعب؟ شو كانو يسوون اللاعبين؟ يقطعون اعمارهم فالملعب تحيدون كان حضورنا فالملعب يحرج اللعبين ويحملهم المسؤوليه هذي غلطتنا والله كجمهور عودنا الفريق على حضور استثنااااااائي فقطعنا عنهم حتى يوم يكون في حالة الفوز مش شرات قبل مع ان المفروض نكون في ايامنا هاي اكثر واقوى مثل مانحن نبغي انجازات وبطولات لان النادي عودنا على هالشي الفريق بعد يبغي حضور قوي ومتوحش نحن مارضينا على اعمارنا ان ماشي انجازات فكيف نرضى على الفريق ان ماشي جمهور!!!!!!!!!!!!!!
بغض النضر عن كل شي كل واحد يتخيل نفسه واقف قدام جمهور سواء في ملعب او على مسرح او في اي مكان هل بيأدي مثل مايأدي امام جمهور بسيط؟؟؟؟؟ وهو كان متعود على جمهور قوي!!!!!!!

كل واحد يسال نفسه وبامانه ويحتفظ بالجواب لنفسه العقول يالعيناويين وينها؟؟؟ مافي شي يصير بالقوه ولافي شي يصير بالعناد مافي احلى من العقل

يدا بيد لزعامه قريبه باذن الله تعالى

اشكر جميع من قرا مقالي والسموحه طولت عليكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الاعلام الرياضى الى اين	محروم.كوم	منتدى أخبار المواقع والمنتديات العربية والأجنبية	0	06-18-2009 04:10 PM
الاعلام الرياضى الى اين	محروم.كوم	منتدى أخبار المواقع والمنتديات العربية والأجنبية	0	06-18-2009 04:00 PM
الاعلام الرياضى الى اين	محروم.كوم	منتدى أخبار المواقع والمنتديات العربية والأجنبية	0	06-18-2009 03:50 PM
الاعلام الرياضى الى اين	محروم.كوم	منتدى أخبار المواقع والمنتديات العربية والأجنبية	0	06-18-2009 03:40 PM
الاعلام الرياضى الى اين	محروم.كوم	منتدى أخبار المواقع والمنتديات العربية والأجنبية	0	06-18-2009 03:20 PM