الاجزاء الاول من قصه من دون مشعر بدينا في محبتنا

دهـــ العووود ــــن · #1 06-09-2008, 08:11 PM

سلام عليييييييييييييييييكم ورحمه الله وبركاته
شحالكم عسااااكم بخييييييير وبصحه وعافيه مدييم انشالله
هذي قصه انا كتبته .....وتوني في الاجزاء السابع بعدني ما خلصتيه ...
انشالله تناال اعجاابكم .....عشان انزل باقي الاجزااااء ..ع المنتدى ....

من دووون مشعر بديناا في محبتناا

منصور متوفي هو حرمته في حادث سيااره وكان معرس وماخذ وحده من سويحان بس توفت يوم هي تييب خلف وعنده بنت و ولد عاشه و خلف. و عنده اخو اسمه علي معرس ماخذ امنه و عندهم عشبه و سعيد و حمداان و سيف وحصه. و اخت اسمهاا اليازيه ماخذه وااحد من هل العين وعندهاا مهاا و شرينه و خالد و ناصر.

القصه تتكلم عن عياال و احفاد على اخو منصووور ......

عائله علي"بو سعييد "
عشبه بجر بو سعييد 51 ماخذه ولد عمتهاا خالد و عايشييين في العيين في بيت عمتهاا ..و متوفي و عندهم راااشد 31 معرس و ماخذ بنت عمه من العين و اسمها عليا و عندهم( موزه 16 وااايد عصبيه و خبله و سلطاان 14 شااطر وهاادي واذا اجتمع مع مصبح و خليفه يخترش و عشووووبه 11 عكس اختهاا و محمد وحمد توام 5 حشره من الخااطر و اربع وعشريين ساعه يصيحون و اخر العنقوود)و حصه 27 و ماخذه ولد خالهاا سعيد و اسمه خالد وحميييد 25 دوووم برع البيت ما يقر في مكاان وااحد و شمووووس 19 هاادي وعاقله روضااني 16 اخر العنقووود وااايد مع موزوه و مع بعض في السكوول وااايد حنانه

سعييد "بو خالد"
سعييد 50 ثااني اكبر وااحد من عايله بو على و ماخذ وحده ما تقربله من هل العين اسمهاا امنه و عندهم خالد 29 ماخذ بنت عمتهاا عشبه و اسمهاا حصه يحبهاا من هم يهااال وعندهم (سعيد6 مريومه 1 ونص ) محمد 25 واااايد كشخه و معازلجي درجه اولى و مبخبل نص بناات الفرييج موزه 23 ماخذه ولد عمهاا حمداان اسمه سهيل سيف22 خاطب بنت عمه اليازيه ويموت فيهاا و يترى الين ما يخلص جامعه و يشتغل عشان يعرس مباارك و ميره 18 توأم اكثر ثنيه مزعجيين في البيت

حمداان "بو سهيل "
حمداان 48 ماخذ اخت امنه و اسمهاا شيخه و عندهم سهيل 27 معرس ماخذ بنت عمه سعييد واسمهاا موزوه و عندهم ( سالم 5 و و ريم 5 شهوور ) زاايد 22 واااايد مع سيف يدرس معاه نفس التخصص بس بعد ما يفكر يعرس عتيج 20 واايد مع اخوه زاايد و سيف سلامه 19 وااايد دلوووعه و تستحي احمد 18واايد عصبي مايحب الربشه بس حنون في نفس الوقت ساره 16 مع ميره في نفس المدرسه تمووت علي مبااارك بس هو ما يعطيهاا و يه و اخر العنقوود خليفه 14 كل شىء يبااه يسوله ياااه ويخااف واايد من سهيييل وزايد

حصه45 اخت عشبه و سعيد و حمداان ماخذه ولد عمهاا المتوفي واسمه خلف و عندهم مايد 25 وااايد مع محمد ولد عمه ويشتعل في شركت يدهم مع بعض ونفس الصفاات معازلجيين اخر درجه الريم22 مع بناات خالتها واايد ودوومها عند الحريم تبا تعرس خلفاان 20 اول سنه جاامعه واايد مع احمد اليازيه 19 خبله وااايد هبلا وعليهاا سواالف منايه 16 مع سااروه و مديه واايد مصبح 14 مصلحجي وااااايد عطيه فلوس بيسويلج الي تبينه.

سيف " بو غانم"
سيف 47 ماخذ بنت عمه المتوفي اسمهاا عاشه عنده غاانم 25 واايد مع محمد و مايد ويشتعلوون مع بعض بس غانم مش معازلجي و يحب بنت عمه سلامه فطووم 22 مع الريم في الجامعه بس عكسها في كل شىء مريوم 19 دلووعه و لوووح مشهووره في العايله كل حد يعرفهاا لطووف 18 دلوووعه و رقيقه وهاااديه بس دفشه مديه 16 واايد مع سااروه ومناايه وعلي 12 مسووي عمره رياال و دووم مع ابووه في ميلس الريايل و علايه 9 دلووعه خقاقه و عويش 5 تقلد علايه

صدق من قال يادنيا ابد مالك امان بيـوم ولا للصاحب بقلبـك مكـان ولا تلومنـي
انا ما جيت ابعاتب يكفينا عتـاب ولـوم ولا بشره على منهو مع العربـان جافينـي
انا جيت اسأل الظالم سؤالٍ يردده مظلـوم تظن ارتحت بعد اللي جرا مابينك وبيني

الجزء الاول
الخميييس
الساعه 1:30

بيت بو غانم
محمد كان ساير بيت عمه ايب اورااق من عند غانم حق الشركه كان يسووق وهو مسرع وحاط غنية عازف النااي(مالت ميحد وراشد و عبدالمجيد) "يافكري المحموم مضيق مجاله ماهز بك مطرب ولا عازف الناي سريت مع همك و في ليل حالك والهم غطاني من اقصاي لقصاي " وفاتح الدريشه و مرتبش الحبيب و يغني اول ما وصل البيت وقف السياره على طرف سكر المسجل و سكر الدريش ودق تلفوون حق غانم
محمد: مرحبا الساااع بل القاطع
غانم : ههه مرحبتييين ..شحالك بوجسيم
محمد : بخير و سهاله بتخبرك شحقه ما خذ اجازه مش مدااوم
غانم: خخخخ حشى عليه انا ماخذ اجازه.. لا اداوم بس ارد الساعه 12
محمد : امحق غنومه فديتك انا برع سير هات الملف الاصفر اليه عند عمي يلا بسرعه ما فيه اتريا مستعيل
غانم : نعم شو غنومه حريمه تتحراني وانا مادري صدق ما تستحي ولا تخيل
محمد : افا اخسي والله ريال و عن 10 ريايل بعد بس فديتك يلا جلب ويهك وسير هات الملف
غانم : الحين انت برع و ما تباني ...
محمد يقاطعه : انقلع لا سير هات الملف اتريااك ... ويسكر التلفون في ويهه
محمد يلس يطالع الزراعه و يتامل ويتذكر يوم كانو يهال يلعبو في هل حوش ويوم يسيرون الدكان و يظاربون مع عيال الفريج وكان متساند على الباب مال السياره وشغل الشريط على مقطع "فجاء ولاني ساهرن مع خياله او كنه شخصك خارجن من حناياي هل كيف تنسى في الهوى ما مضالك يالين صرت اليوم في البعد منسااي اصيد ...." وفجاء يتفتح الباب و محمد طاح و تشلح بس اتمسك فس كندوره غانم و رفع راااسه يستوعب شو ستوى لانه كان سرحاان وفاج عيونه يطالع غانم بعدين عصب و فج يده عن كندوره غانم وعدل كندوره وقف وقال: فقت هل ويه ويدزه بعيد شويه .... وي هل الراس يا جلب ..زين ما خاست كندورتيه ولا بنتشوف شى ما شفته... دخل رااسه محمد وقصر على المسجل ...
غانم وهو ميت من الضحك :هههههههههههههههه وانا شو عرفني انك مساند على الباب ههههه ..جان يرد غانم وطول على مقطع ويغني بصوت عالي ومندمج و يحرك يده على قلبه ويقول " ما كان ودي غير يا غانم شحالك او اي كلمه غيرهاا ما عدى باي اقفيت و عيوني "ويغمض عيونه" تخايل زوالك وكلمه ودااااااااااع الله نامت على شفااي " جان يسكر محمد المسجل ..
محمد : اع وي هل صووت جب جب فكناا.. ويطالع يده و طفران : نعم وين الملف سير هاته سير يا ريال والله مستعيل
غانم وبعد يضحك على الموقف ويحاول يمسك عمره: انشالــله بس افاااا هههه....يــــ..ههه
محمد يقاطع : ضحكت بلا ضرووس انشالله يا جلب مالت عليك وعلى ويهك وعل هل ضحك ولا صواايه خرباانه انقلع سير هات الملف اخير لك
غانم رد على ورى نقع مره ثانيه من الضحك محمد : ما شوف شىء يضحك اخ غانم
غانم : انت ما شفت عمرك جنه الجني الازرق ظاهر لك ههههههههههههههههههههههههه
محمد ومفول : جني الازرق سكنك يا هرم ويشل العقال اونه بيظربه.. غانم ربع بعيد ويزاعج:احلف عليك بو جسيم وغالات الغالي انه تتدخل تتفاول عقب تروح وغلات عمتيه و عمي
محمد و يسوي عمره زعلان : مابا انته تدهك اليه " تضحك عليه "
غانم : خخخخخخخ عربي لو سمحت هههههههههه
محمد ويقلد اليهال : خلاص مابا بروح بيتناا
غانم : يلا عاد حمود عن السخافه ويحب رااااسه عشان يرضى
محمد : غانم والله ما عندي وقت ابويه يبى الملف بسرعه سير هاته
غانم : محمد 5 دقايق تفاول و سير
محمد: امري لله
محمد وغانم يلسو في الصاله يسووولفن سار غانم يخبر الخدامه تحط فوال في الصاله عشان محد في البيت وتقهوى وبعدين استسمح غانم من ولد عمه و سار ايب الملف
محمد يالس في الصالة المدخل يفكر بهدووه و يتري غانم الاا الباب يتفتح و مريوم ادش تغني وترحب في البنات
....
مريووم : مرحباا الساع بنظر عيني و قلبي هلا و تــــييــبب : توه نور البيت
سلامه اونه مستحيه و منزله رااسه : لاا ما ارووم ما رووم استحي
شموه: اونها عاد مرياامي
مريوم : جب انتي
سلامه :خخخخخ خليه ترحب فيناا شو عيل انا داشه بيت خطيبي ومحد يرحب
مريوم : لا عاد انتي ما رووملج
شموه مصدمه : وي طااعوو لطوووف الهبلا ..وردة على وري
وفجااء تيه لطوووف تربع صووبهم وطييح على الارض من كثر ما تضحك و هيه شوي خرساانه مااي
لطوووووووووووف : اخخخخخخخخ فااتكم هههههههههههه والله فاتكم
لطووف تتكلم ولا احد فاهم شو تقول نزلت مريووم ويرتهاا من شعرهاا : انتي حوو يالبقره شو تخرفيين تكلمي نفس الناس ولا والله الحين اخش نعالي في ثمج
سلامه و هي تضحك : سيلانيه تتهندق
لطووف: اي شعري هديني ولا ما بقوول
مريووم تير شعرهاا اكثر
لطوووف وتسحب يد مريوم لانه يعورهاا : خلاص بقوول هديني اول
مريوم تهدها : يلا بسرعه
لطووف : ههههههههههه اسمااعيلوو "الطبااخ" ياااي صوبناا يتهندق و ترد تضحك...وكلهم:يلا عن الاستهبال ...خلاااص بكمل انزيين اونه يشتكي من الصبح و مدوووي راااقده في الحديقه الي ورى البيت وهو ما نضفهاا ولا سقى الزرااعه عشاان البقره اليه راااقده هنااك اونه , لطووف تقلد اسماااعيل : هدي مديه في نووم من صبح دااخل هديكه انا ما يارف كيف قومي هيه انا اريد ندف شو هااداا و لطوووف ترد تضحك
مريووم : تصلحيله ترطن اللغه الحبيبه
سلااامي وهيه تضحك : هيه والله ما تلام نفس الفصيله
لطوووف اونهاا زعلانه: ترى ما بكمل
مريوم:عادي هب لازم نعرف

لطووف: هي هي هي انزيين اسمعن سااارووه معصبه عشاان مدووي اليوم غابت انزيين جاان تير الفوز و افتحه حقهاا وترشلج مدوووي على ويهاا و تفز الشيخه مديه و ترد تضحك : اه اه فاااتكم شكلهاا و تفز مدووي من الكرسي و يطيييييييييح الكرسي فووقهاا و تتشلح الحبيبه فوق ركبهاا و المشكله انه الماااااااي باااااارد من الخااطر و قاملج رووميووو
" اسمااعيييل " يتهندق و يشل الكرسي من فوقهاا و ساااروهو انا ميتيين من الضحك ههههههههههههههههههههههههه مارووووووووم : انزيين وعقب قامت مدوووي بترش سااروه لانه سااروه فرت الفووز على ويهاا وتقووم شوي شوي لا الحبيبه اطيييح في زرااعت ابويه ههههههههههههههههههههههههه
وتربع سااروه صووب البااب وميته من الضحك
مدووووووي : اخخخخخخ سويتني مصخر جداام اسماااعيلوو ما تستحن اي تكسرت فقدتكن فقدت شيفتكن اييييييي تكسرت اخخ خ ما يسوووى عليه رااقده في الحديقه
شمووه : طبعا رميوو ما يستوى نسويج مصخره جدامه لا لا نحناا نرووم
مريوووم م و هي تضحك : قلن الغرف في البيت عشاان ترقدييين في الحديقه ..دووووووواج يعلج من هذاا و اشد
سلامه:اع شو هذاا بكبرج تراااب اعع وسخه لا تقربيين صووبي روووحي خلي رووميووو ينضفج لاا لاا بكنسلج بعدين
شموووه وااقفه مكاانها ولا تحركت ولا ضحكت بس واااقفه منصدمه تشووف الي جداامها ودق جتف مرييوم
مدوووي: جب ياخاايسه شو تبييني اسوي امااايه كل ما رحت ابا ارقد زقرتني شرت عنهاا ورحت رقد في الحديقه اخير لي
مريوووووووووم وتلف على شموووووه : شوووووووووووو جتفي طااح
وفجااء شمووه تتستوعب منو جداامه وتلف و تتغشى مريووم تصد صوب الجهه اليه طاالع في شمووه تشوووف وااحد ياالس وعقب كل البنات لفن يطاالعن ولا حد بكندوور نازل "غانم" تقووم مريووم تسحب شموووه وتسكر الباب
شموووه : اخ ويهي منو هذااا
مريوم : اكييد احد من عياال عمي
سلامه و هي تضحك : هذاا محمد
لطووف : ما شووف سيااره غرييبه
سااروه : عادي يمكن وقفها برع
مريوم بتفكير : يمكن
....
غانم : اسمحلي تاخرت عليك
محمد في خااطره احسن يوم انك تاخرت : مسمووح ولد العم
ويشل الملف عنه بيظهر الا غانم ورااه بيوصله
محمد: حلفت علييك تقر مكاانك لا تعب عمرك
غانم : تعبك رااحه ولد العم
محمد : نتعب في عرسك انشاالله بس ما عليه عن حلفتيه قر
غانم : انقلع عيل بسير تسبح و ابدل يوعاان
محمد: طااع السباال اونه يشل العقال من راااسه بيضرب غانم: اونه نقلع الحيين بخلي عقالي يصيح على ظهرك
غانم يشرد : تخسيييييييي
محمد اونه معصب : دووااك بعدييين يا الجلب
غانم : بنشووف
محمد يفتح الباب و هو يضحك
البناات كلهن برع واقفات عند الباب
محمد : السلام علييككم
البنات : و عليك السلام
محمد : شحالكن
كلهن :بخير
ويطالع مريووم :شحالج مريم
مريوووم وهي اطاالع الملف: محمدجنك شليت اليه تبااه براايك عيل
محمد ترفز ومنصدم في نفس الوقت احتقراها وكمل دربه
سلامه تقرص مريووم: عييب علييج هذاا و لد عمج
مريوم ساكته
....
في العيين في بيت عبشه
كانت عبشه يالسه في الصاله تتقهوى و تدش عليهاا شمووس وروضااني
شموووس : اميه فديتج يعلني ما خلا منج
عبشه : يااااااله شو هل منكر شو هذاا بعد خييير شو تبييين
شموووس مفتشله : هي هي هي
روضاااني : اميه نحناا نرييد انسيير بوظبي عند قووم خااالي دخييييييييييلج الله يخلييييييييييج حقناا قولي تم
عبشه : ويديييييييه يالله بستر الاسبوع اليه طااف كنتن هنااك شو تبن تسير اليوم بعد يلا قر مكاانكن بعديين لوو واقفت ابووج ما بيرضى كل اسبووع هنااك خففن سيرااتكن بيملوون منكم العرب اربع و عشريين ساعه بوظبي وبوظبي يلا ذلفن عن ويهي سيرن طالعكن كتااب تقرنه او تتدرسن منه
شموووووس : اميه دخييلج السبووع الياي عندنا امتحانا بعدين ما نرووم نرووح بوظبي دخيللج اميه
روضااني : هيه والله حراام عليج
عشبه : الله ما حرم مسود الويه يبتلي توحنيييين وتتكلميين يال جلبه بداال ما تزخيين كتااب تتدرسيين منه ماشى سيره يعني ماشى يلا ذلفن
رااشد دااش البيت : بلاااااااكم تتحرطموون شو مستووي اميه
عشبه : هذي مسوداات الويه ما يقر مكان يبن يهيتن
رووضاني و فاجه عيونهاا : وين نهيت امايه وتلف صووب رااشد: نبى نسيير بوظبي عند قوم خاالي و يدي
رااااشد : جنه امتحانتكن قربن سيرن درس ابركلكن من هل نجره
روضااني تحيس ثمها و تصااصر شمووس : بدى الثاني اففف ابركليه اسير غرفتيه ماشى امل
شمووس وهي تضحك : دووااج
راااشد : بلاااكن تتصاصر
شمووس برتبااك : ماشىء بس تسالني اذا بديت امتحانات ولا
راااشد يتغابى : هيه
رااشد: روضاني ليش غايبه اليوم
روضااني ما تعرف شو تقول: كنت تعباانه كح كح بس الحين احسن
رااشد اونه يعني : هيه
شمووس ميته من الضحك : احسن
روضاني: سكتي ما عرفت شو اقووول
موووزوه توهاا دااااشه البيت : هلاااااااااااااو وتروح تسلم على ابوهاا و على يتده
راااشد : تااعلي موزوه يلسي عداالي
موززوه : اوكيه
وعقب شوي يدش سلطاان وعشووب ومحمد وحمد
سلطاان: يا سبااله شحقه تقفليييييين الباب
موزوه وميت من الضحك : دوواااك
محمد ياي صوبها و شااتها على ريوولهاا و عقب حمد غلدااه
موزوه: حوووووووووووو انته هو كيفكم تضربووني الحين اقوم اصفعكم
رااشد : موزه عيب انتي كبيره مش ياااهل ... بعديين ليش تقفليين الباب
سلطاان : كل يوم جيه تسووي
عشووبه بدلع : اه شنتيه ثقيله راااسي عورني من الشمس
عشبه : تعاالي سميتيه يلسي عداالي تعاالي فديتج يعلني ما خلا من هل ويه
وتلووي عليهاا: بلااه جيه البنت ضعيييفه
رااااشد : موزه ان اشتكي حد من خواانج علييج يا ويلج ... انتي هب ياهل بداال ما تشووفينهم وتعابلينهم... تضربينهم و تصيحينهم
موزوه بخووف: انشالله
عشبه : هذااا من بزااك ثرك ما تعرف تربي و شخاانته العقاال اليه فوق راااسك شله و ضربه فيه الين ما تعووفن السبااله
شمووووووووس وهيه ميت من الضحك : طاااااااااعو حمد ومحمد كيف عاافدييين على الكل هههههههههه
روضااني : لااااا رشووود عياالك مش شاافييين خيرر
موزوه : عن الغلط برااايهم خوااني ياايين من مجااعة افريقياا
علياا حرمت رااشد دااشه تضحك : ههههه فديتهم يوعانين يلا قووم تغدوو
حميد يدش : اخخ ياتي في وقتي المناسب ميت يووع
محمد : هميييييييد (حميد)وتراايعوون صوبه هو وحمد
حمييد يشرد : حوو بتخيسوون كندوورتي ما تشووفون عمااركم عاافديين في الاكل عفااد جنكم قطااو
محمد وحمد علامت استفااام عووده على رووسهم وردوو مكانهم
عليا : تعاال حميد بغرفلك

بيت قوم غانم..
سارن البنات فوق يبدل وشمووه عشاان خاست مااي خذت ثيااب من مريووم وساروه من مدوووي وعقب تيمعن في غرفت مريووم
مريوم ظااهره من الحمام : اخخخخخ بطني يعورني من اليووع
شمووه : انا حتى .. مدوي وين
مدويي: انا هني
كانت منتلحفه و منسدحه فوق الشبريه جاان تقووم سااره وتعفد فوقهاا
ساروووه: ما شبعتي رقاااد انتي راقده في الحديقه و الحر والحيين تبيين ترقديين زيااده
وتقووم وتسحب الحااف
مدووي : لاا بس تعباانه تكسرت اليووم
شمووه : هههههههه دوااج
لطووف : امايه لو شافتج بتذبحج
مدووي : يوم يتهااا يااارتناا رحت رقدت برع ..هي هي هي
سااروهه: والله انج هبلا
الا الباب يتفتح ويدشن مناااااايه و يزوووي و فطوووم : هلااااااااااااو
تقووم مدووي تربع تبى تسلم على مناايه الاا منااايه تسحب شعرهاا
مدووي : ايييي شعري حراام عليكم تكفخت اليوم الين ما قلت بس
مناايه ترفسهاا: دووااج ليش غبيتي تستاهليين فاتج الرحله و فاتج هزبت سااروه نهزبت جداام الخلق كلهم
سااارووه : جب
مدووي: شو اسوي عفت المدرسه والي فيهاا
مناايه تير اذن مدووي: هاا غفتي منو....سارووه عليهاا يلا بنكفخها الين ما نقول بس
مدوووي بخووف: توبه انا اقصد المسات مش انتن فديتكن انتن غييييير

البنات:ههههههههههه
مريووم : الخووف شو يسوووي
مناايه تاشر على مدووي: جذييييييه
سارووه :ههههههههه دوااج
مريووم و هي اطاالع مناايه : حووو انتي هب جني ما اكلمج وهب جنج حلفتي ما دشيين غرفتيه
منااايه بتحدي: لا تخاافيين مش يااايه حقج ياايه حق سااروه و مدووي
مريووم : عيل يلا عطوني مقفااكن
سااروه : وي هل ويه بنمووت اذا ما دشيناا غرفتج
مريووم : طبعا عرفت مريم سيف على محمد ال..... ونعم و سبعت انعاام
مناايه : ما يسوى علييج
ساااروه : الاا مريووم
ويترااابعن عشان ما تضربهن
منااايه نازله و هي تتهندق و ساروه و مدووي عداالهاا يمر غانم
غانم : بلاج مناايه منو مضايقنج
منايه ترفع حاجب : مالك خص
سارووهه : اوووووووووووويييييه هههههه
مدوي:دوااك
غانم : ول ما يسوي عليج هب منج مني انا اليه معطنج ويه ويسويلهن مالت
ويسير يدخل الصاله عشاان يتغدى و يدشن ورااه
في غرفت مريووم
سلامه بتردد: ممممممممم
مريووم : انا يوعانه شو مممممم ....يلا ننزل
لطووف : حتى انا
فطووم : جب يادبه سوي رجييم
لطووف: مالج خص
شموووووووه : هيه والله انا حتى
سلامه تتردد زيااده : ممــ ــمممم غـــ ــانــ ــم تحت
فطوم بنظرت خبث : ههههههههههه
مريوم : هيه يعني وين بيكوون
شمووه :هاا فهمنا السالفه
سلامه مستحيه : خلاص ماريد اتغداء
مريووم : مش كيفج بتيلسين فوق مع منو الشيخه
سلامه : محد قال بيلس فووق بنزل معاكم
لطووف: هيه وبتيلسين تنفسناا
فطووم: ههههههههههه ما بيكلج اخويه
الا حد يدق الباب غانم : عادي ادخل
مريووم : ادخل محد غرييب
غانم : السلام عليكم
البنات و عليك السلام
غانم : يلا انزل تغدن امايه يبااكن
شمووه اطالع سلامه بخبث: هههههههههههههه
غانم يلف يطالع شمووه عقب يصد صووب سلامه: شحاالج سلامه
سلامه : بخير انته شحاالك
غانم متشقق: بخير داامج بخير
فطووم تقطع الرومانسيه : الله الله على رومانسيه
لطوووووووف: هههههههههههه
غانم يطالعهن بنظهره خلاهن يبلغ السانهن من الخوف
شموه : غنوووم تعرف انه ....احم احم ههههههه سلامه ما تبى تتغداء عشاان انته تحت
غانم يلف يطاالع سلامه و هيه ميت من المستحه : انا خلصت غدااء انزلن انتن تغدن ويلف صووب شمووه: بعدييين انا مش اضغر عياالج غنووم هل الطووول وهل غرص على الفاضي
شمووه قفطت: هي هي هي اسفيييين الشيخ غانم
مريووم : عيل يلا جداامي انا ميته يووع
غانم : شمووه خبرين اذا احم احم ما تتغدوو عشاان انا انزل اكلهم
شمووووه : انشالله يا طويل يا العرييض ياا غنوومه
و تربع تحت و هيه ميت من الضحك
غانم : ماعليه حساابج بعديين
شمووه : عادي
ونزلن البنات عشاان يتغدن و غانم رااح غرفته و هو يضحك علي شمووه

.......

في بيت حمداان "بو سهيل "
خليفه دااش البيت معصب فر شنطته على الارض
دش ورااه احمد : شل شنطتك
خليفه : ترى من الصبح تتامر عليه هاا شليتهاا
احمد : احترم نفسك انا اخووك العود
خليفه : عرفت اخويه بس مش ابويه
احمد راافع يده يدخل بو سهيل : احمد نزل يدك
احمد يحب رااس ابوه : اسمحلي ابويه طلعني من طووري اليوم السبااال ظاارب معلم
خليفه : وانته الي اتسويه مش شويه.......
بو سهيل بعصبيه : جبببببببببببببب ولا كلمه يا سباال تبى تفضحنى ظاارب معلم
خليفه بخووف : ولدك هزبني جداام المدرسه كلهاا
بوسهيل والعصبيه تزدااد : دواااااااااااك جاان ضربته جداامهم بعد هذاا ما يستحي على ويه
احمد : كناا كبرك سوينااا مشاكل بس عمرناا ما ضربناا معلم او حد اكبر عناا بس انت محد عرف يادبك لو حين اشل العقاال و خليه يصيح على ظهرك
تدخل ام سهيل : شو فيكم صلو على النبى بلااك بو سهيل
سهيل دااخل البيت : بلاااااااكم زعيجكم واااصل الفرييج الثااني
يدخل زاايد و عتيج ورااه : بسم الله شو فيكم
خليفه يلف صوب ابوه: هذاا اليه تعرفوون ضرب و سب
ويركض فوووق
زاايد : خلوونا نتغدااء و اماايه غرفيله غدااء يوم بيهدى بسيير اكلمه
ام سهيل : الي تشووفونه بس ما يهوون عليه
بو سهيل : ام سهيل بس يكفيه دلع كم بندلعه
راااحو يتقدوون واحمد معصب ساار تسبح و رقد و سهيل رااح تلبس و نزل هو وحرمته و عيااله يتغدوون

......
في بيت حصه
كلهم ياسيييييين يتغدووون
مايد توه دااش البيت
ماايد : السلام عليكم
الكل : وعليك السلام
ام ماايد : تعاال يا ولدي تعاال بغرفلك من الصبح على لحم بطنك
يسلم على ابوه و يحب راااس امه : هيه والله يا اماايه
الريم تدخل مع صينه في عصااير : وين مصبح عيل
خلفاان نازل : الحين يااي وراايه
مصبح : اماايه غرفيلي
ماايد : عيل وين يزووي و مناايه
الريم : في بيت خالي سيف كل خميس هنااك يخلصوون مدرسه و يرووحن مع بنات خالي واباك اليوم العصر توديني عندهم
مايد ياشر على خلفاان : و هذاا شو خانته
خلفااان : لا اليوم اسمحيلي ..مستعيل بروح بيت عمي عند عتيج وزاايد و بي سييف بعد
ماايد : افف انشالله بوديج
الريم : ثانكس
مصبح : انا اليوم برووح الماريناا مع ربعي عادي
خلفاان : انت ما تقر في البيت
مصبح يطنش: عادي ابويه
بو مايد : اووووه سير سير
مصبح : انزين ابغي بيزاات
بو مايد : اكثر عن100 ما بعطييك شو كل اسبووع اعطييك
مصبح : يسدن
الريم تغاايض مصبح : ابويه 50 يسدن
مصبح يطالع معصب
بو مايد : ماعليه براايه
خلفاان : ترااك واايد امدلعنه شو هذاا الولد بيخترب..هب لازم تروح المرينا روح بيت يدتك من متى ماشفتها
بو مايد : خل على رااحته
ماايد : بيروح معااك خليفه
مصبح برتبااك : خليفه هاا لا ما بيروح اليوم ضاارب معلم و احمد هزبه جداام كل الاولاد ماظن بخليه
ماايد منصدم : ليش ضرب معلم
ام مايد : هذااا من بزااكم بو مايد دلعه الين ما يخيييس ما ترفض له طلب
مصبح برتبااك : مادري و يقوم عن الاكل
ام مايد : وييين ما كلت
مصبح : لا شبعت
الريم : بس يعرف يشرد عشاان محد يوااجعه
مصبح : جب انتي
بو مايد : عيب هذي اختك العووده
خلفاان بعصبيه: هذاا ما عنده احترام مايعرف الكبير ولا الصغير
.....
بيت سعيد " بو خاالد"
مباارك و ميره يضاااربون في الصاله و يدش خاالد معصب
خاااد : انتوو ما تستحوون على ويهكم شو هاا حتى سعيد و عبدالله مايسوون شرااتكم
ام خالد : من الصبح اهازبهم وهم ولا عليك ناشد يا على بن رااشد
سعييد يربع صووب ابوه : بابااااتي
ميره : لعنبوو ذا الدلع
حصه دااشه معاهاا مريووم : خلي ولدي على صوووب
خاالد : عيل وين عبدالله
حصه : يتغدى يالس في القسم يطاالع التلفزوون
سعيد : هيه انا و هو نثوووف سبيس تووون
مبااااااارك: هههههههههههه تثوووف
ميره : سخيييف
مباارك : محد غيرج
بوخالد : السلام عليكم
كلهم : عليكم السلام
ميره تربع صوووب ابوهاا : باباتي طااع ولدك من الصبح يغلس عليه
بو خالد اونه معصب : برووك يوووز عن اختك
مباارك يستهبل : انشالله سعيدووه
ام خالد فاجه عينهاا : سعيدووه اصغر عياالك مسوود الويه هذاا ابوك هب سعيدووه
بو خالد : هيه مسود الويه
كلهم : هههههههههههههههه
يلسوو كلهم يتغدوووووون

..........
عند البناات وفي بيت بو غانم
مريووووووووووم : وينكووووووووو يا حلوييييين
مناايه بزعل لانهاا شله في خاطرهااا على الحركه اليه سوتهاا: هاا شو تبين هب رغتييناا
مريووم: حبيبي سوووري والله ما كاان قصدي بس كنت معصبه
مناايه مبوزه : مابا خلااص عافك الخاطر
سارووه:ههههههههههه خلاااص
مدوويه :هيه خلااااص
سلامي: والله انكن مخبل
مريووم تحب رااس مناايه : اسفه منايتيه
منايه: مقبول الاعتذااار
كلهن يضحكن
لطووف ما بنسير يبت يدي جنه اليوم الكل متيمع هنااك
مريووم : بعدين توهاا الساعه 3:45
فطووم : اخخخخخ اكشخن يمكن وااحد من عياال العم ينعجب فيكن
مريوم: خلينا الكشخه حقج ........يالي ميته على العرس

اذا عيبتكم القصه ....قووولولي عشان انزل الجزاء الثااني ....
اختكم :دهن العوود __DEFINE_LIKE_SHARE__

عيونها · 06-09-2008, 08:14 PM

ثااانكس عالقصة...
ولي عووودة في قرايتها...
بس بدايتها فننننننننننننننننن....نتريا زوودج الغلا... __DEFINE_LIKE_SHARE__

دهـــ العووود ــــن · 06-10-2008, 11:25 PM

عيونها ...

ثااانكس عالقصة...
ولي عووودة في قرايتها...
بس بدايتها فننننننننننننننننن....نتريا زوودج الغلا...

ولكم ...الغلا ...
نحن بالنتظاار .....

وانشالله تنال اعجاابج........ __DEFINE_LIKE_SHARE__

A7la brensisa · 06-11-2008, 03:18 PM

يسلموو ع القصهـ __DEFINE_LIKE_SHARE__

دهـــ العووود ــــن · 06-13-2008, 05:44 PM

قمر الامااااااااااارات
الله يسلمج ..الغاليه ... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الدرس الاول من الجزء الاول من دورة تطوير وحماية وتركيب المنتديات	محروم.كوم	منتدى أخبار المواقع والمنتديات العربية والأجنبية	0	06-02-2010 11:30 PM
آشخآص تحدوا الله !!	نبض روحي	الإستراحه العامة	44	08-14-2009 06:38 PM
اشخــاص تحدوا الله عز وجــل ..	ام مهند123	الإستراحه العامة	14	12-18-2008 05:44 PM
اشخــاص تحدوا الله عز وجــل‏	JUSTIN	الإسلام والشريعة	4	06-01-2008 03:46 PM