هام للتوعيه :يدأ بيد لمكافحه النسـوار

@قلب مجروح@ · #1 12-15-2009, 12:12 AM

السلام عليكم

اكيد اغلبيتكم سمع عن النسوار!!

ومنتشر بين الشباب والاولاد بشكل رهيب ، وبالمدارس ماشاء الله ضرب الرقم القياسي

اللي ما تعرفه بقولكم شو هو ..

يتكون من مواد يضعها الشاب دخل فمه امام اسنانة و قبل ما يضعها يضعها في قطعة صغيرة من الكلينكس لكي يقلل من خطورتها ولانها تشقق الشفايف و اللثة !!!

ورائحتا نتنه و من اسباب انتشارها ايضا هو انك تستطيع وضعها بحيث لا يلاحظك احد خاصة اللذين لايعرفونها

هو عباره عن قطعه خضرا اكثر شي بتحصلونها ويا الجنسيات الآسيويه، والحبه ما يتجاوز سعرها الدرهمين
هاذي تعطي شعور معين للشخص بس ما يغيب عن الوعي ، واصلت اتيي بكيس كبير بس يقسمونها باكياس بلاستيكيه شفافه على شكل قطع صغيره ، لانها شفت النسوار ويا حد من الاهل وهو طالب بالاعداديه ، وغير النسوار

تركيبه النسوار محد يعرف شو داخله، يصنعونه في افغانستان وبطريقه غير نظيفه ، لانه يوم يسوون العجينه وعشان تتماسك يدوسون بريولهم ، وبتلاحظون سواقين التكاسي يطلعون شي ويحطون بحلجهم بسرعه
اماكن تواجد النسوار بدكاكين عاديه ، يمكن الدكان اللي حذالج يبيع بالدس، الشرطه ما قصرت تحاول تمسك كل واحد يبيع بس مازالت يد خفيه تنشر هالشي بين الشباب اللي هم مستقبل الوطن ..

النسوار يسبب اولا السرطان ومضاره مب اقل من مضار السيجاره ، والنسوار يسبب تدهور في المستوى الدراسي وقله مستوى التركيز على المدى البعيد ، ويقدر يأثر بالدماغ اذا ما تم علاج الشخص المدمن..

اكيد كل وحده عندها عيال او اخوان او حتى ريلها ما تبونهم ينسورون ، ودائما يسوون هالشي بالدس ، والنسوار ما يقتصر على الطلاب حتى الكبار ..

أتمنى يكون في خط ساخن توفر لنا الشرطه المجتمعيه في حال الاشتباه اي حد يبيع نسوار ..

اقل شي فتشو جيوب عيالكم الطلاب

انتظر اقتراحاتكم ومداخلاتكم..

منقول
وهاذي صورته من بعيد ما حصلت صوره واضحه، ممكن تكتبون بالجوجل ، ماده النسوار وبتطلع صوره اوضح

هذا من زمااااااااااان موجود من كم سنه وعقب صار مشهور

فاستغرب من البعض ما عندهن فكره شو النسوار !!!

يعني لازم نسوي توعيه لانه اللي يجربه مره يدمن عليه شرات السيجاره

مفعول النسوار :

هذا نوع من انواع التبغ (النسوار) منتشر في المدارس بين الطلبة كنوع من انواع الحلويات، متوفر في معظم البقالات يحتوي على 10 حبات.

طريقة الإستخدام: يوضع تحت الشفة العليا من الفم و لا يمضغ

تأثيرة قوي على الأطفال (سرطان الفم و الحنجرة)، أخطر من السجاير

مكوناته :

أوراق التبغ كمسحوق أصفر مائل إلى الأخضر خلطت خلطاً جيداً مع بعض المواد الكيميائية بالنسبة التقريبية التالية:
40 % تقريباً . . بيكربونات الصوديوم
48 % تقريباً . . رمــــــاد
7 % تقريباً . . رمل
5 % تقريباً . . أوراق التبغ .
و هناك مواد أخرى كالسموم ،والمواد المسرطنة أو المسرعه في حدوثه ،ومخلفات الإنسان والحيوانات. .

وهاذي صور لضرر من اضرار النسوار

واااااااع لاعت جبدي وانا احطها

بس شو اسوي كله عسب انوعي شبابنا وماعرف متى بيوعوووووووووووون

الله يهداهم بس

ونرى المضغغه نفس الطينه مب مختلفه عنها

والسجاير وكله كلها بلاوي تتعب صحتكم

وتذكرو ان الصحه نعمه من الله

وتذكرو ان في ناس تتمنى الصحه اللي عندكم ومب محصلينها

حمدو ربكم على نعمة الصحه ولا تظيعونها

ولا تستعيلون عالموت بالزقاير والشيشه والمدواخ

الموت يايكم يايكم __DEFINE_LIKE_SHARE__

qayed · 12-15-2009, 12:26 AM

الله يبعدنا . ويحفظنا عن كل مايضر ..

يعطيج العافيه __DEFINE_LIKE_SHARE__

Дјறàl Диsǎήһ · 12-15-2009, 12:26 AM

[grade="00008b ff6347 008000 4b0082"]السلام عليكم ورحمة الله وبركاته

موضوع رااائع
كلمات مختاره بعنايه و ذوق
جهد تشكر عليهـ
عافاك الرحمن على موضوعك
يسلمك ربي على روعه مااختار قلمك
دام عطاءك وجهدك راقياً مبدعاً
لا خلا و لا عدم يالغــــلا

مع ودي و باقة وردي ...*اجمل انسانه*..[/grade] __DEFINE_LIKE_SHARE__

عجيد اليوازي · 12-15-2009, 12:35 AM

ياااااااي انا اول وحده ارد على موضوعج منو قدي لووووووول

تبين الصدق انا ماعرف اسمه لكن اسمع عنه الظاهر شرات اللي ماعرف شو يسمونه

اللي اهل اليمن كلهم ياكلون منه ويسطلبهم

المهم هذا شي بسيط انتي ماشفتي البلاوي اللي البنات المراهقات ايسونهن

بلاوي الله يخليج شي مش طبيعي اخبرج عن موقف كنت يالسه اشوف صور

في موبيايل وحده في الكلاس معايه شقت من بين الصور شي انصعقت منه

ويوم سألتها شو هذا ضحكت وقالت عصير فريييييز وهم ماكان فريز كان شي

الله حرمه على المسلمين ومايحتاي اقوله كم بننصح وكم بنرمس

ماقول غير الله يهديهم

تسلمين حبوبه على طرحج لهذا الموضوع وخوفج على عيال بلادج __DEFINE_LIKE_SHARE__

@قلب مجروح@ · 12-15-2009, 12:40 AM

المشاركة الأصلية كتبت بواسطة : { قايـد الحلوييـטּ ، .

الله يبعدنا . ويحفظنا عن كل مايضر ..

يعطيج العافيه

الله يعافيك اخوي تسلم

المشاركة الأصلية كتبت بواسطة Дјறàl Диsǎήһ

[grade="00008b ff6347 008000 4b0082"]السلام عليكم ورحمة الله وبركاته

موضوع رااائع
كلمات مختاره بعنايه و ذوق
جهد تشكر عليهـ
عافاك الرحمن على موضوعك
يسلمك ربي على روعه مااختار قلمك
دام عطاءك وجهدك راقياً مبدعاً
لا خلا و لا عدم يالغــــلا

مع ودي و باقة وردي ...*اجمل انسانه*..[/grade]

تسلمين عزيزتي عالمرووووووووور

المشاركة الأصلية كتبت بواسطة عجيد اليوازي

ياااااااي انا لول وحده ارد على موضوعج منو قدي لووووووول

تبين الصدع انا ماعرف اسمه لكن اسمع عنه الظاهر شرات للي ماعرف شو يسمونه

اللي اهل اليمن كلهم ياكلون منه ويسطلبهم

المهم هذا شي بسيط انتي ماشفتي البلاوي اللي البنات ىالمراهقات ايسونهن

بلاوي الله يخليج شي مش طبيعي اخبرج عن موقف كنت يالسه اشوف صور

في موبيايل وحده في الكلاس معايه شقت من بين الصور شي انصعقت منه

ويوم سألتها شو هذا ضحكت وقالت عصير فريييييز وهم ماكان فريز كان شي

الله حرمه على المسلمين ومايحتاي اقوله كم بننصح وكم بنرمس

ماقول غير الله يهديهم

تسلمين حبوبه على طرحج لهذا الموضوع وخوفج على عيال بلادج

اوييييييييييييه حتى البنات الله يستر

قامن يدخنن بعد الله يستر عليهن

والله الصحه هذي وايد ثمينه

الصحه اذا راحت ابد ما ترجع مره ثانيه

في ناس والله تتمنى الصحه

تتمنى انها اتعيش من دون ادويه

ناس تتمنى تمشي شرات ما تمشون

ناس تتمنى تشوف ششرات ما تشوفون

ناس تتمنى تتنفس نفس طبيعي شرات ما تتنفسون

يتمنون الصحه اتيهم ومو قادرين لنها راحت وماهي راجعه لهم

انتبهو اخواني وخواتي راجعو نفسكم ترى الصحه نعمه كبيييييره

والله يعين اللي يفقدها

الحمد الله على نعمة الصحه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أقوى أسطوانه لمكافحه التنصير والرد على النصارى حتى الآن	محروم.كوم	منتدى أخبار المواقع والمنتديات العربية والأجنبية	0	03-18-2010 12:10 PM
شركه النقاء لمكافحه الحشرات والرمه-راس الخيمه	محروم.كوم	منتدى أخبار المواقع والمنتديات العربية والأجنبية	0	06-11-2009 05:00 AM
شركه النقاء لمكافحه الحشرات والقوارض-راس الخيمه	محروم.كوم	منتدى أخبار المواقع والمنتديات العربية والأجنبية	0	06-09-2009 12:40 AM
شركه النقاء لمكافحه الحشرات والرمه-راس الخيمه	محروم.كوم	منتدى أخبار المواقع والمنتديات العربية والأجنبية	0	05-28-2009 10:50 PM
لمكافحه الملفات الخبيثه والبرامج الضاره Malwarebytes' Anti-Malware 1.37	محروم.كوم	منتدى أخبار المواقع والمنتديات العربية والأجنبية	0	05-27-2009 03:50 AM