|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناالشعر المنقول يختص بالشعر المنقول |
| LinkBack | أدوات الموضوع | انواع عرض الموضوع |
#1
| |
×× قصيدة كتبها شاب وقع له حادث سيارة و والدته كانت برفقته وكان مسرعا نتيجة هذا الحادث الوالدة توفت نتيجة الاصابات الخطيرة و هو إصابته كانت خفيفة و هذي الأبيات قالها للي يواسونه ~}}ٍِ يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني اقرئها وارجو انك تتعض وتقوم توطي على ريول الغاليه اللهم يرحم والداته . . ويصبر كاتب هذه الكلمات على مصابه ~~]ٍِ __DEFINE_LIKE_SHARE__
|
12-11-2009, 10:17 PM | رقم المشاركة : [ 2 ] | |
عضو ماسي | اللـــهـ يرحـــم أمــهـ ... واللهـ يعآآفيــهـ.. صـــدج قصيــــدة مؤثـــره جدااا جدااا.. وبالفعــل أنا تأثرت بالقصــهـ والقصيدة معــا.. وأشكــرج أختــي ♥القلب الحنون♥ على طرح هذا المووضوع القــيم والأكثر من قيــــم ... ويآما نآآس ماتوا بسب الحوآآدث .. وشايلين عندهم بالسياارة أروآآح بريئــــهـ لاذنب لهـــم بالمـــوت... اختج.. ماحد شراتــي ....^^ __DEFINE_LIKE_SHARE__ | |
| ||
12-11-2009, 10:22 PM | رقم المشاركة : [ 3 ] | |
عضو فعال | مشكــــــورة أختيهـ محد شراتي ×× على الرد الغاوي ××
×× نورتي الموضوع ~~~ وكلامج صح 100% __DEFINE_LIKE_SHARE__ | |
| ||
12-12-2009, 04:36 AM | رقم المشاركة : [ 4 ] |
۞ جوهرة يتمناها السلاطين ۞ | قارتنها من قبل ..~ بس الصراحه صدق محزنة ..~ صعبة صعبة فقد أغلى الاحباب ..~ والأدهى أنه يحس بالذنب وأنه هو السبب وهذا الشي الأصعب ..~ تسلمين على ما أبديتي ..~ __DEFINE_LIKE_SHARE__ |
| |
12-12-2009, 07:57 AM | رقم المشاركة : [ 5 ] |
عضو ماسي | وعليكم السلام ورحمة الله وبركاته ~ لآحوووول ولآ قوة قصيدة محزنة من آلخآطر آلله يرحم آمه ويصبره على هالمصيبة هيه والله لازم ناخذ العظة والعبرة منها سلمتي يالقلب الحنون ع هالطرح وما تقصري __DEFINE_LIKE_SHARE__ |
| |
مواقع النشر (المفضلة) |
أدوات الموضوع | |
انواع عرض الموضوع | |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصــــيده رائـــعـــه . . . . . . . . . . . . | محروم.كوم | منتدى أخبار المواقع والمنتديات العربية والأجنبية | 0 | 01-21-2010 11:30 PM |