طعم الخلطة السرية

محروم.كوم · #1 12-09-2009, 03:10 PM

السلام عليكم ورحمة الله وبركاته

كيف الحال ياشباب

انا بعطيكم قصة مريت فيها أول أيام حياتي المهنية في الصيد ( يعني غشيم كبير )

كان معاي سنارة صغيرة وأغلب صيدي سمك صغار قرقفان وشعم وفسكر وينم يعني وانت ماشي على قد الحال

وكان أغلب الطعم اللي أستخدمة حاجتين ( العجين ) و( مصران الدجاج ) قبل ما يمنعون النتافات

ومع الوقت كنت اتفنن في عمل العجين مره أحط عليه سكر وكان يطاع أكثر شيء عليه الفسكر
عجين + سكر = فسكر

وبعدين قمت انوع في الخلطات

ومسكت معاي يوم أربعاء بعد الدوام اسوي خلطة جديدة وكنت واثق انها بتنفع

وأجيب الخلاط واحط فيه المقادير التالية

حبتين بصل + جذر ثوم كامل + تونه + سكر+ طماطم + نعناع + بهارات كبسة + خثاق + مصران دجاج
+ فلفل أخضر

خلطتها كلها في الخلاط لين ماعاد تشوف غير مزيج سائل ما تدري وشهو :good2:

المهم و أفك الغطا حق الخلاط وهيه عينك ماتشوف النور ويغمى علي من الريحة 5 دقايق وقومتني الوالده وهي متلطمه وش انت مسوي :director:

مدري والله

وش السالفه يا عيال

وبعدين تذكرت اني مسوي خلطه سرية

طبعاً الخلاط تم رميه ولم يستخدم من شدة الريحة

وبعدين تلطمت وجبت الطحين والخميره وصبيت عليه الخليط السابق وهاتك يا تحريك لين صار عجينه لونها أحمر غامق وحطيتها بكيس وسكرت عليها علشان نصيد فيها انا وخويي يوم الخميس

المهم طلعنا يوم الخميس وأقول لخويي وهو عضو هنا في المنتدى

سويت خلطة اليوم مستحيل ما تصيد سمك قال وينها خلنا نجرب

قلت موجوده وأجيب الكيس ويقرب راسه من الكيس وأقرب راسي وافتح الكيس وعينك ما تشوف النور ويغمى علينا من الريحة 5 دقايق

ويقومنا واحد من أهل الكرنيش وهو متلطم

المهم ندق اللطمة انا وخويي ونبدا نقطع من العجين ونرمي وننتظر
دقيقة خمس عشر يا ولد ماحولك شيء أكيد الطعم راح ونسحب السناره الطعم موجود ونحط طعم جديد من الخلطة ونرمي ساعه وما صاد شيء والطعم زي ما هو المهم فقدنا الأمل في الخلطة ما فلحت :no:

والله قهر قام يضحك علي خويي ويقول يا ولد ما عاد فيه سمك

خلنا بس نسوي عجينه عاديه ونرمي نلحق الوقت

المهم سوينا عجينه ورمينا وما صدنا شيء وش السالفه

المهم تفرجنا تحت عند الكساره كنا نشوف سمك صغار ماعاد نشوفه وين راح الله أعلم

علماً بأن الوقت كان موسم صيد والمكان على الكيف ما خيب ظننا في يوم من الأيام

المهم ما صدنا شيء ذاك اليوم ونقابل واحد من العيال فاضي وفي البحر 24 ساعة

ويقول ياولد البحر ما عاد فيه سمك أسبوع كامل ولا ظربه ولا نتقه ونتذكر انا وخويي الطعم السري وقام يتفرج فيه ويقول شرد السمك الله يلعن بليسك

هذي القصه واقعية وما فيها أي جدل

بإستثناء شغلة يغمى علينا 5 دقايق هي 10 دقايق

:good2:

كل عام وانتو بخير

__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
علاج الجلطة الدماغية	محروم.كوم	منتدى أخبار المواقع والمنتديات العربية والأجنبية	0	07-09-2010 09:40 PM
الجلطة	محروم.كوم	منتدى أخبار المواقع والمنتديات العربية والأجنبية	0	05-20-2010 11:30 AM
الدلّة تشتكي من صالي النار	محروم.كوم	منتدى أخبار المواقع والمنتديات العربية والأجنبية	0	05-09-2010 06:11 AM
طعم الخلطة السرية	محروم.كوم	منتدى أخبار المواقع والمنتديات العربية والأجنبية	0	12-09-2009 03:20 PM
الجلطة ...أجارنا الله وإياكم‏	محروم.كوم	منتدى أخبار المواقع والمنتديات العربية والأجنبية	0	07-05-2009 11:50 PM