][ السموحة منك يا ولد عمي..حب سهيل سرى بدمي..!! ][

♕ وليد الجسمي ♕ · 12-08-2009, 03:24 PM

خلاف عقب السوااالف.. شل بعمره واستسمح من حمدااان وظهرواا سواا..

موزة تهزني: سلامي..سلاااامي يالله اظوي يداامي..ظهروا..

سلامي:---------

موزة:سلااامي..سلااامي ..حووووووه..

سلامي:هاااا..هااااه

موزة:سلامة اذكري الله..ونشي خل نسير حجرتج..

بسرعة ظهرنا وربعنا داخل قبل لايشوفنا حمداان..

عقيت عمري عالسرير ووغطيت ويهي..حسيت بمووووت..يحبني؟؟يحبني..؟؟

موزة:سلامي..انتي اكيد هب فعقلج..شعنه ممتحنة به؟؟..لاتعرفينه ولايعرفج..

سلامي مرتبشة:طويييز..يعق نغزاات وعرب فرنسا يون..يوم اقوولج الخاام سمع الرمسة..ياا وييلي...الحيين شو بيقوول عناااا..هب متربيااات نرمس عن الاواادم..

موزة :هههههههههههههههههههه...خوووزي لاه..بس عليه يوم سبيتيه ولعنتي خيره..ماظنتيه بيغير فكرته من هالرمسة..وبعدين انتي قلتي ما تحبينه..ماقلتي يا ويل قلبي وينه عني..

سلامي:هييه هيييه..آآآآخ يا بنانا..معقوولة يحبني؟؟

موزة هب مستوعبة وتهزني:سلاامي..سلاااامي..انتي تحبينه؟؟

سلامي: شوو..احبه؟؟..انا من وين اعرفه عسب احبه..بس..مووزة صدقيني ماعرف كيف افهمج..

موزة تنهدت..ولوت على عمرها عالسرير..

موزة: لاتفهميني..امبوني فاهمة كل شي..حسيتي بنظراااته..كانها رمستج..وقالت انه يحبج..حسيتي بنبرة صووته كل حناان ماحسيتيبه..وحسيتي باللحظة اللي تخطف بينكم جنهاا عن سنة..كانج شفتيه من انولدتي يدامج..وكانج كنتي مخاوية اطياافه كل ليلة تهااذيبه..

يالله يا موزة..في ذمتيه انج متوهقة فحبج..وفذمتيه انج صدقتي بكل حرف..

سلامي: اففففففف..انتي رومانسية بزيااادة..من وين ظويتي هالرمسة..اي فلم بعد؟؟..خلي عنج بس انتي..بوويه قلت لج لا عرب فرنسا ولا غيره بيحركون فيه شعره..!!

موزة تلعب بشعرها:تعرفين لو تدري نورة بنت خاليه عن حمدان خوج..حرام تقلب الدنيا وتقول ماريده..

فهاللحظة موباايلي يرن..غنية ميحد أحبك لو بغيت أنساك ماقدر..سعيد محطلي ايااها.. وماحبيت اكسر بخااطره يوم اختاارهاا..

فديييييييييييييت هالرقم والله..علني فدااااااااااه..

سلامي: مووزووووووووه الغااالي الغااااالي متصل بي..صخي صخي..مرحباااااا ملااايين في ذمتيه ولا يسدن..وان سدن فلاابااااااااس..مرحبااا بشيوووخ سويحااان...بوويه الغااالي وييينك.هههههههههههههههههههه...بنتك لا تلوومني..حلاة المنطوووق الا من عقبكم.. هههههههههههههههههههه تولهت عليك العااافيبة..بس عااد بوويه رد...حشا عيبتك اليلسة هناااك..بوويه الله يهديييك كل سنة مودرني وساير هناااك..لااا لااا سعيد هب مقصر ويااايه..حتى خواانيه حمد حمدااان..بس انته غير..الحمدلله بخير..وتسلم عليك..لا لا هب هنه..رااحت السووق ..هييه تتزهب حق العرس..صدق؟؟..بووويه احلف.. فديييييييتك اخييييييرا...خلااص عيل الحين طيراااااان برتب قسمك ..وبتريك فالمطاار.. بويااااااا بلييييييييز ابا ايي المطاااااااار..اووهووو الحين هاا شو يبا يهذرب عليك..خلاص بويه روح له.. برايك ..حفظك الله..تحمل من عمرك..يبلغ..فماان الله..

موااز: هااا سلامي..بيرد خاليه؟؟

سلامي مررررتبشة:يس يس بيرد..واافدييته تولهت عليه..

موزة: حليييله خاليه ...ياانه اماايه ميثه بتستااانس..

سلامي:هههههههه الا قووولي بتنعش من الفرحة...

موزة: بتسيرين له المطار؟

سلامي: قالي قولي حق سعيد جان بيوديج..

موزة: كالعاادة يعني..تعرفين..احس خاليه وايد يحب سعيد..لدرجة انه مأمن عليج ويااه..تدرين انه كل ما يرمسه اييبون طاريج؟؟

سلامي: والله؟؟..صدق انزين بوويه واايد يحب سعيد..تعرفين لانه سعيد من صغاار فبيتناا ويحب بوويه..ودوم يخااويه فالقنص وفالعزب..غير عن خوانيه حمد وحمدان..حتى ثلاث ارباااع شغل بوويه عند سعيد..

موزة: الله يديم هالمحبة والثقة بينهم..

سلامي : آميين..عاد الحين صخي..بتصل بحمدان عسب يوديني..

موزة: وشعنه ما تتصلين بسعيد..ثره خاليه قالج قوليله..

سلامة: لا لا فشلة..بيقولي وين خواانج..بتصل بحمدان قبل..وخلاف بتصل بحمد..وان مارظوا بقول لسعيد..

موزة: كييفج..

اتصلت بحمدااان خوويه..استاانس يوم قلت له بوويه بيرد..

سلامة: حمدان طلبتك..

******

حمدان:آمري..

سلامة: أريد اروح له المطاار..

حمدان: قلتي لبوويه؟؟

سلامة: أكييد..

حمدان: شوقالج؟؟

سلامة: قالي قولي حق سعيد جان بيوديج..

حمدان:سوي الي قالج اياه بوويه..

سلامة: ليييييش؟؟..حمداان والله حرام عليكم..دووم محسسيني انه سعيد هو الي مكلف فيه..انتوا خوانيه هب هوو..كله سعيد وسعيد وسعيد..الحين هو شو بيقول..خوانها مودرينا وعاقينبها عليه.؟؟؟..خلاص ماريد منك شي..باااي..

موزة مبهتة:سلاااااامي بس بس..

سلامة:موزة انتي هب حااسه فيه..كله سعيد وسعيد..انا اتلوم منه غديت...شو شغلتهم خوااانيه؟؟..قولي بذمتج..عيييب عليهم اصلا مخليني عاله عليه..

موزة: سلامي تدرين به سعيد وااايد يعزج..ويخااف عليج..أكيد مأمنيين عليه..غير عن عياال عمومتنااا الثاانين..وتوج تقولين هالكلام..

سلامي: انا اقول هالكلام..بس من دااخلي متلومة فسعييد..سعيد ودني..سعيد ييبني...وبوويه الله يساامحه..من بدت سفرااته للهند وهو كله موهق سعيد وياايه..

موزة: ترا حمداان دواامه فبووظبي وبعييد عنج..وحمد يدرس فمعهد البتروول بعد فبووظبي..وين تبين كل يوم يمسكون الخطووط وايوونج سويحاان؟؟

سلامة تدمع: هييلا بويه وخوااني..إذا هم ما مسكوا الخطوط عشااني..منو بيهتم فيه..ساعات احس محد ساائل فيه غير سعيد..الكل ممكن ينسااني...الا هووو.. ليش حمدان وحمد ما يسوون شراات الشي..والله مفتشلة يداام سعيد..شوعباالهم ريلي مأمنين عليه وياااه..مهما كان هذا ولد عمتيه ويحرم عليه..قوليلي شو الفرق بيني وبين سعيد..وبين فطامي وذياااب؟؟..والله مفتظحة..

موزة: ان سمعج سعيد تتنطقيبها هالرمسة بيااخذ بخااطره منج..

سلامة: خلاص بنانا طبي الساالفة..

شوية ولا موباايلي يرن..بوويه متصل..افففف اكيد حمداان قاله..

سلامة: الووو..عليكم السلام...وتصييح..بوويه حراام عليك ليش جيه..والله انا اتلوم به سعيييد..كله سعيد وسعيد..بويه انا اريدك انته ماريد حمدان ولا حمد..وتصيح مرة ثانية..ان شا الله..مع السلامة..

موزوه تلوي عليه..:سلاامي بس عاااد..اكيد راظاج خاليه..عاد ما يرظاا عليج دلووعته..

سلامي: خلاص بتصل فسعيد..

اتصلت به..

سعيد: حيااااالله عرب سوييحااان..شحااالج عيووزنا؟؟؟

سلامة: بخير الحمدلله..انته شحاالك؟؟..وشحاالك حمد ورااشد وسلطاان وذيااب وعربك كلهم؟؟

سعيد: كلهم بخييير ويسلمون عليج..

سلامة: عل ربي يسلمهم..رد السلااام..

رااشد من سمع سعيد يرمس سلامة..لا وهي اللي داقتله دمه فاااااار..يعني مب قطو..هاااهاااهااا..احم ادريبكم بتذبحونيه..يالله نكمل..

وحس شوية وبيشل التلفون عنه وبيعطيه كف..وتم مستغرب شقاايل مخلينها عاادي ويااه..

سعيد: يوووصل باذن الله..ها سلامة محتااية شي..خاطرج فشي غير فانتازيا اليديد؟؟

سلامي: لا مشكور..بس حبيت اسلم..

سعيد: فيج الخير بنت خاليه..على طاري خاليه..قالج انه بيرد؟؟

سلامة: هيه قالي..

سعيد حس انه فيها شي..سوا عمره ناش بيعق الكلينكس فالزبالة وراح بعيد..

راشد انقهر الزوود..وتم يطالعه من بعييد...

سعيد: سلامي حد مظايقنج؟؟

سلامة بحزن: لا.. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جمــال السلويت ~	غ ــاوي مشاكل ~	عدسة الاعضاء , كاميرا الاعضاء	9	07-15-2010 09:00 PM
شلة السموحة منك يا الغالي .. بليز ^^	عامرية كشخة	طلبات الاعضاء	10	06-25-2010 03:30 PM