| ||||||
| الشعر المنقول يختص بالشعر المنقول |
 |
| | LinkBack | أدوات الموضوع | انواع عرض الموضوع |
06-05-2008, 09:40 PM
| رقم المشاركة : [ 6 ] |
| عضو جديد  |   زايد يمين الله يميـن الله عقـب مـا ضجّـت الوديـان بامدّ غْصون عذري قبل تثمِر بالذنـوب غْصـون أنا باستغفـر الله وارجـع اتعـوّذ مـن الشيطـان قبل لا ابدا الكلام وقبـل ترجـح بالكـلام وْزون قبل أعزا العَرَبْ واعزف سنين اللي خبرها كـان أقول اش حال نخوَتْنا وحال اللي رضوا بالهـون عـلام قْلوبنـا شَتَّـى وبيـن أفعالـنـا شَـتّـان تخالَف فكرنا حتى ضحَـك مـن حالنـا شـارون تسنّمنا الخلاف بْـداجْ ليـل وصبحنـا مـا بـان عن ايّة صبح نتكلّـم مـا دام أن الطريـق ظْنـون سراب الظنّ يغري بس يـا بعـده عـن الظميـان! ومن يتبع سراب اللال ظنّه وش عسـاه يْكـون؟ ومن يتبع سـراب الـلال ظنّـه يـورِدْ الغـدران مِثِلْ من يطلب مْن الموج في عِز العواصف عـون غريبه كيف حاضرنا غدا مـن حاضـره حيـران وإذا منّا ذِكَرْنَا لي مضى صـار الكـلام شْجـون ذِكَرْنَـا عِـزّ ماضينـا وضـاق بْدمّنـا الشريـان وضاق البحْر بِدْمانا وضـاق بْنـا وسيـع الكـون جرى دَمّ العَرَبْ من مغرب (المغرب) الين (عْمَان) من (المغرب) الين (عْمَان) ضاقت بالعتاب حْضون غدا صنع الدهـر فينـا صنيـع السيـل بالعيـدان بلَغ حَدّ الزبى وارّث بنا من كل صـوب طْعـون تقلّب يا دهر مـا بيـن زيـف القـول والكتمـان كما الأفعى تقلّب بألف معنى وألْـف لـون ولـون عِراق المجد ما تطوي مشارقهـا سمـا النسيـان ولا والله ننساهـا ولـو بعْـض العَـرَبْ ينسـون نحبّ أرض (العراق) ولاجل أهَلْهَا يرجح الميزان ويهتف باسمها ركْب الشعوب اللي غدوا يسعـون سعوا من شرْقها للغرب يرثـون العَـرَبْ ركبـان غريبه كيف حتى الغرب لاحوال العَـرَبْ يرثـون شعارات الوفا طاحـت بيارقهـا علـى الشطـآن على شط (الفرات) و(دِجله) انهارت كبار حْصون على نارين نـار الحـرب والفتنـه لهـا نيـران جرت بين القلوب ونوّخت في حاضـرة هـارون تشتّت شمْل من كانوا علـى درْب الرخـا خِـلاّن يجـدّم بعضهـم قولـه وردّ البعـض منهـم دُون ولا يقـدَر يلـمّ الشمْـل غيـر القايـد الـربّـان حكيم الراي له نرضى وبه كل العَـرَبْ يرضـون قدَر يجمع شمِل هذا الوطن من سالـف الأزمـان ولازالـت بـلاده بالمكـارم قدْرهـا مَصْـيـون بعزمـه وحّـد بْـلاده ورَدّ بْحزمـه الطمـعـان وثبّـت منهجـه بالحـقّ والدستـور والقـانـون تسامَـت بـه قوافينـا ومالَـت بالقصيـد ألحـان بذكر اسمه تسامَت وافصحَت عـن درّه المكنـون سمـوّ الوالـد القايـد نَعَـمْ زايـد ابـن سلطـان نَعَمْ زايد نَعَـمْ زايـد بذكـر اسمـه تقـرّ عْيـون نَعَمْ زايد نَعَـمْ زايـد اهـو اللـي شيّـد البنيـان وعلاّ للسما صـرحٍ تضمّـه راسخـات رْكـون مواثيقه على العدْل اشهـدت باسـم الله الرحمـن وراياته علـى متْـن السحـاب وجانبـه مامـون على مَدّ النظـر مـدّة يمينـه مـا يـردّ إنسـان ولا ضيفـه يـردّ إلاَّ وعنقـه بالثـنـا مَـدْيـون وَلا قلت الجديـد إن قلـت جـوده وَرَّدْ العربـان صفات الجود له تشهد وبـه كـل المـلا يـدرون مزونه ما تميّـز مـن كَرَمْهـا ظامـي ورويـان وإذا هلّت تسوق بْطيبهـا مـا لا تسـوق مْـزون وإذا للفخْر داعي نحن نفخـر بـه رفيـع الشـان وإذا للدار داعـي كـل منّـا حاضـر وممنـون يميـن الله يميـن الله متـى مـا ضمّنـا الميـدان لَتلقى فعلنـا مـع قولنـا باسـم الوطـن مَقْـرون برج العَرَبْ في عبَارات العيون أشْيَا كَثيره تسألك دَمْعَها حَكي وْندَاها بَلَّل الخَد النديّ ما قدرت أرضي غرورك واستحيت آزَعّلِكْ كلما لك وانت تنْهِيْني وانا ارِدّ ابْتِديّ دام نَظراتك مَدارات وْرجَا قَلبي فَلَك كَم عـن (برج العَرَبْ) يبعد مدى (برج الجدي) قلت تقريباً عدد ما عاشِقْ بْحبَك هَلَك تقصد الا عدّ نِصّ جْروح قلْبي يَا بْعَديّ قلت لك لا لا ترد تْقول لي مَا قلت لك المشاعر ما تنام الاّ انت قلت لْهَا ارقديّ وانت يوم الله عَطَاك أحلى الوصوف وْكَمَّلك كيف تتركني على شَطِّك وانا قلبي صديّ والله ان عروق قلبي كلّها ترتاح لك ليتك الاّ مثل ما خذت بْيدك خذت بْيديّ من لمَسْت ايدك وانا اتْفَداك واتْفَدَّى هَلِكْ ما دريت أنَّ الهَوى والعشْق باللَّمْس يْعَدي؟ بـرج عاجي في حضورك في غيابك ما يغير لي مزاجـــي في كلامك فـــي ملامك ما تكدر لي طربها لا تحسب ان كل قلب انعكاسه كلزجاجـــي وان ياخذ كل عين و يلعلن نهبـــها كيف اعذرك عقب هجرك و ان برجك برج عاجــي شفت نفسك مثل شمس للنهار الله وهبهــا من عطى لك حق تجرح من يقول انك علاجـــي لا تسولف عـــن علاجي و الجروح انته سببها لا تناجي في عتابك العتب غير التناجـــي خذ مقامك بحترامك لا تبين لي عتبـــهـا طال داجي كيف اناجي في الهوى شخص احتجاجي صار قدره مثل عذره يشبه ذنوب ارتكبهـــا لا تلاعب بل مشاعر دام بحر الشوق هاجـــي المشاعر نبض شاعر والحضيض الي كتبهـــا و انت الي صرت خلي احذر اقوال المداجـــي قال كلمه لوم لاكن ماعرف كيف يحسبهـــا وان صفينا و التقينا لا تكدر لي مـــزاجـــي خذ مقامك بحترامك لا تبين لي عتبها غصون الراكيا (أحمد)خفوقي غدا في يدينها لعبة لعب الهوا في غصون الراك لا مالت و هي في قلبي تمركز في طرف شعبه وذكرى غلاها ليا ذا الحين ما زالت قولوا لمحبوبتي نفس العنا تعبه وان قلتوا إلها .. أبا اعرف إيش هي قالت إلى متى هالخفوق يعيش في رعبه وشلون يركد شعوري و الغلا فالت الحب حاكم طغى ظلمه على شعبه و النفس تشكي على ظلمه ولا احتالت يا بنت أنا صعب ودموعي بعد صعبه من قو عزمي ليا ذالحين ما سالت إن كنتي الزين من راسه إلى كعبه نفسي لحب المكارم و العلا نالت الله يحرم عذولي شوفة الكعبه ياللي يدينه إذا طال القفا طالت لو كل من شافت عيوني تولع به ما صرت كني في غصون الراك لا مالت يا أيهـــا تعال يا وجه السعد واشطب على الوجه البغيض يا حــيٌك وطلتــك في وجهي بعد يا حيٌـها تنعشني انعاش الشفاء العاجل لقلب المريض يا أيــها . . تـدري يا لبٌـــيك وش يا أيٌـها؟ ما انته بزيٌ الناس واكتبها لك بخط عريض تبغيني احلف ؟ لا ورب البيت ما انت بزيٌها ياللي غرامك في خفوقي من كثر قدره يفيض النفــس تندب حظها والعين تبــكي حيٌــها من عَوَضْـكَ لْيا فقدتك وان وجد كيف استعيض وانت النهار وشمسه وشجرة غلاي وفيٌها هاجرت واصبح زوالك فـ عيني يهاجرني وميض يا أول جــروحي دخيل الله من تاليٌـــها أحيا حلى وصلك واموت بكل برد وكل قيض تظما مشاعر خافقي لك وانت سبٌة ريٌــها لبيك ياللي من عشقتك قمت احس اني حظيظ يا مغويٍ نفسي ونفسي ذايبه من غيٌــها أنا اعرف ان كل الليالي سود وألايام بيض دامـك معي ماهمني في كثرها وشويٌـــها قرار فزاع ما عاد لك في قلب خلك مكانـه لو كنت أمامه يجهل أنك عيونـه منته الذي تتملكـه فـي زمانـه صعبه حبيبي عن رماتك حصونه يامن تعود ع القـدر والخيانـه الحب غالي لو انكم ترخصونـه ارخصت قدرك يوم خنت الامانه وين الوفا لي عندكـم تتدعونـه لقيت بك امن الغراشيـب دانـه حصباه منك والآلـي مخزونـه جمال حسنك ما يسـاوي بنانـه فتون زينك ما يحرك غصونـه عـود يشابـه لادن الخيزرانـه عازل هضيمه بين حيب ومتونه أبغي وصوفه لكن الوصف خانه حرت بجماله وتوهتنـي عيونـه لأني صويب مرهف من سنانـه عـزاه قلـب نازفـات طعونـه يقولها لـي قالهـا مـن كيانـه يحسب حسابه قبل لا يحاسبونـه فمان الله فمان الله يادربِ على الهجر يتحراني,, خذاه الوقت من جنبي ولا جاني ولا جيته ,,,,, قصيدي يا قصيدي اسكن فقلبي طرف ثاني ,, قبل يسكن بيوتي جنه وتمسي عفاريته,, تعال اسأل نجوم الليل ياهاجر من ألهاني ،، وأنا أعلمك بالوقت الطويل وكيف قضيته,,, بغيت أقوى على بعدك وراح الصبر ما أمداني ,, أهز الشوق وإن طاح الوله بالحضن ظميته,,, ربيعي يا خريفي يا شتاي ويا صيفي الهاني,, تراك أنت الفصول وهجرة الشاعر وتشتيته,, فضت كل الشوارع مالقيت اللي ترياني,, مثل طفل طلع يلعب ورد ومالقى بيته ,,,, تحداني،،،تحداني،،،حبيبي لا تحداني,, أنا لولاك لحن الهجر والفرقا ما غنيته,,, تمنيتك وقلت فخاطري ليته تمناني ,, وأنا ما كل واحد شافته عيني تمنيته.. على كيفك تذكرني ،،،على كيفك تناساني,, وأنا طاريك ولايوم في قلبي تناسيته ،، زرعتك وردة حمرا تزين كل بستاني,, ودفنت القلب في تربة مشاعرنا وخليته,,,, أنا المجني عليه اللي يقدر طعنة الجاني,,, لأن جرحه يذكرني بطاريه لا حسيته ،،، الصمت نعمه الصمت نعمة والتواضع فضيلة والكون له خالق وفي الأرض حكام والمجد غاية والجمايل وسيلة والموهبة للروح تعبير والهام واللي يدور حاجة مستحيلة لابد ما يجزع من النوم لا نام لو كنت أدور للبيوت الجميلة شبّعت عطاش الورق حبر الأقلام ماني بمن يكتب لقاله وقيله أو طامح بتصفيق ودروع ووسام وأنا لو اكتب لي قصيدة طويلة أصوّر التعبير تصوير الأفلام أشعل سما الابداع نار وفتيله وازرع مساحات المعاني بالالغام واشفي عذابات الكبود العليلة واغيّر انشاءات..واكسر ارقام أجيب روس الكاملات الجزيلة صناعتي ماهي صناعة الأعلام والا الضعيف ابو المعاني الهزيلة ما هوموصّلها ولو يركض أعوام أما الثقيل أبو المعاني الثقيلة يبغي له أربع خمسة سنين قدّام أنا كذا،،مالي مع الشعر حيله كلما كبرت اشوف حسّادي اقزام يا هاجسي باوصيك ولك الدليله رح بلّغ اللي عايشين بالاوهام قل للبخيل اللي يمينه بخيله ترى حياته كلها...عدّة أيام أعطي العطا لو هي بحاجة قليلة على الأقل يقال من نسل الأكرام ويا دمع خلّك في العيون العليلة بجاه من صلّى لربه ومن صام لا تنتثر على الخدود النحيلة وتهتز لك حكام...وعيال حكام حتى عيال العود راع الجزيلة حتى بني السؤدد ومن لام ينلام تطول قوايمنا مع كل عيله وتحني قوايمنا على دموع الايتام وقل للمعاق اللي ما تمشي رجيله الناس بالاحساس ماهي بالأجسام وترى أحاسيس الخفوق النبيلة توصّل اللي ما توصّله الأقدام حربيه مرحبا ما هبّ م الريف ذنّاني .. مع عبيرْ المسك والطيب مقرونه مرحبا يا من له القلب شفقاني .. يا زعيمٍٍ كل شعبه يحبونه يا زمام المجدْ يا عالي الشاني .. يا عجيدٍ يعجز الوصف من دونه يا ركن زايد على كل لاركاني .. ما حدٍ زايد على زايد ابكونه يشهد التاريخ له ابكل برهاني .. نايفٍ ع المستنيفات بغصونه لمّ وحدتنا على صدق وايماني .. وراية التوحيد بالعزّ مرهونه بالوفا وافي وبالحق ميزاني .. وكلمته في موقف المجد مضمونه في سدادْ الراي ما يبدّله ثاني .. قدوة ٍهو في الجدا يستمدّونه جرّ وحدتنا إلى عالمٍٍ ثاني .. بالتقدم والرخا حسب قانونه صان حاضرها عن اعيون عدواني .. والخفايا بأصدق الودّ مكنونه نفتخر باسمه على طول لزماني .. عاش يا من له لامارات مرهونه له سلامي والتحيه بصفطاني .. عد نوح الورق لي جرّ بلحونه __DEFINE_LIKE_SHARE__ |
|
| |
|
06-05-2008, 09:43 PM
| رقم المشاركة : [ 7 ] |
| عضو جديد |  يا طيب القلب يا طيب القلب حكم قلبك الطيب أخرت غيرك وبعدته وقربتك ليه التباعد مع انك دايم قريب من وين مااصد في عيوني تخيلتك ليه انت ناسي وذكري عندك مغيب تنسى وانا اذكرك وانسى اني تذكرتك صارحتك بما يكن القلب ياحبيب والظاهر اخطيت فظني وصارحتك لو يعزى الصبر دونك قال ماثيب المشكله ياطول العمر مشكلت الصبر شيب وشوق القلب ماشيب لازال يلعب في قلبي كل ماشفتك كم حسن الظن فيك وترجع تخيب كدرت بالي وانا مايوم كدرت اليوم حتى شعوري منك متريب هذا خفوقي يحذرني وحذرتك فهمت وما فهمت فهمـت العشـق لـى يطلـب مـن الإنسـان ذَرْف دْمــوع فهمت العشـق لـى يطلـب مـن الإحسـاس كـل أوجـاع فهمت العشق لى يفرض على الإنسان يعيش بجوع فهمـت ومـا فهمـت اللـي سـكـن فــي داخـلـه فــزّاع فهمـت العشـق بحـر أحـلام غزيـر غزيـر بليّـا قــوع فهمـتـه بـحـر أحـلامـي بـحــر عـشـقـي بـلـيّـا قـــاع فهمته نبض فهمته لمس فهمته روح ولا مسمـوع فهـمـت ان العـشـق فـرصـة عـمـر متـخـبّـيٍ بِـقْـنـاع قريته درس فهمته عِلْم أعيشه روح بنور شْموع بكيـتـه دَمّ جرحـتـه لا عـرفـت انّ الـصـراع صْـــراع فهـمـتـه.. لـــه قـوانـيـنٍ ولـكـنّــه بــــلا مـمـنــوع فـهـمـتـه أصــعــب دْروبٍ مشـيـنـاهـا بــــلا مــرجــاع فهمـت ان العشـق غصـن الوعـد فـي خافقـي مـزروع فهـمـتـه مـلـجـأ الإحـســاس ولـكـنّـه بَـعَــدْ ضـيّــاع فهمـت ان العشـق أحيـان يشبـه فِ النـزول طْلـوع عيشه في اختلاف الوقت مثـل مـا تختلـف الاصبـاع فهـمـتـه جـامــع ويـجـمـع وجـمّـعـنـا بــــلا مـجـمــوع بــلا مـرسـى بــلا ميـنـا بــلا شـاطــي وبـــلا مـربــاع فهـمـتـه عـالــم الـوحــده شـعــارٍ رايـــع ومـرفــوع فهمتـه كوكـبٍ ثانـي.. يبيـع الكـلّ مــا ينـبـاع فهمـت العشـق لـى يطلـب مـن الإنسـان ذَرْف دْمــوع فهمت العشـق لـى يطلـب مـن الإحسـاس كـل أوجـاع فهمت العشق له أنواع وعشقـي مـن فريـد النـوع فهـمـت ومــا فهـمـت أَصْــلاً وش الـلـى داخـلـه فَـــزَّاعْ العذر يابوي مرثية الشاعر حمدان آل مكتوم العذر يابوي لو ماشلني ساقي الحزن ما طاقني والقلب ما طاقه ياعيني ابكي وساعدها يا خفاقي ما هوب بعيبٍ يفيض الدمع ف احداقه يا موحد الدار .. يالمتفرد الراقي والغيم حزنٍ جذب الاحساس براقه اشوف كن النهار يحدر احداقي واشراقته ما تشابه أية اشراقه ومن يعذل القلب عن ضيقته لا ضاقي انسان مشكوك في مذهبه واخلاقه ياحاكم الارض و أول وآخر اشواقي يفداك قلبٍ حزن فرقاك ما ذاقه في غيابك الناس ماتت وانته الباقي لأنك الغالي اللي يذبح فراقه يبكيك من يغرس النخله على الساقي يبكيك راعي الشداد وراعي الناقه والطيب والجود والعزه والاخلاقي والارض وترابها والبحر واعماقه شيخٍ مقامه سكن ما بين الاعماقي حتى الزمن من محبينه وعشاقه ياسلام ياسلام الله عليها ياسلام = يا سلامي على العيون وخدها كنه نور يشع من تحت اللثام .. سيدة في الحسن منهو قدها دونها الساعة تمر الفين عام .. ودامني معها تسرّع عدها ما يوصف ما بها زود الكلام .. والجمال اللي بها ما سدها نابية ردفين وخصور هضام .. آه ويلي من حلاته ردها الجسم ماعاد تشيله عظام .. وكنني ما بين جزر ومدها جارف الاشواق واسرار الغرام .. وكل ما في خاطري هو بيدها لك خفوقي ثم عقل مستهام .. بس روحي سيدي لي ردها ارتجـــــاليه فزاع تلفــــوني يا مرحبـــــا يا مغلط في تلفوني مسموح .. مسموح والغلطات عفويه صفريين تسعه وسته .. سته تموني الرقم هذا فتح خط الســـعودية ان قلت لبيك آمر هذي عيوني فتحت ذا القلب والنيه على النيه خليت لك في الحنايا بصمه ولوني تفرق على لون دمي في مجاريه خليت لك يا حبيبي بيت فرعوني يخربط الناس في الروحات والجيه وخليت لك في عيوني ركب وضعوني تزعل وتنزل تحت جفني وفوقيه يا صاحبي وان نشدني طيفك شلوني اقول طيب وطيفك فيه ماريه ماريه يوم تقبل تجذب لحوني واجر له من لحون الشوق قافيه بيحت يا قاصد الغلطات مكنوني وانا رومنسي احب اهل الرومنسيه من دونك اعيش وانت تعيش من دوني يا لين اوحيت صوتك يا لعنبو حيه رجت زوايا خفوقي وانشد ركوني وانا ولد شيخ لي هيبه وشخصيه الارض ارضي والكون المرجله كوني لكن الحب والعاشق وطاريه تكفون يا ناس بالله لا لا تلموني الصدفه اللي بلاني عاد جبريه سموني العاشق المغرم وسموني الشاعر اللي قصايده ارتجاليه قنابل من فكر راسي ومضموني لكن قنابل غرامه هي بذريه واغني البيت متواكب وموزوني مبدع ومجنون وافكاري خياليه يا نجد ودي اغني بك على هوني حورية الارض فوق الارض نجديه يا ابن آدم يا ابن آدم كل ماكنت انظر الجرح العظيم مالقيت اعظم من جروح الندم بين الجروح ويا ابن آدم كل ماقلت الزعامه للزعيم ينتشي بي كبريائي فوق شاهقة الصروح والدروب يقودها درب الصراط المستقيم واستقامات البشر بين الصراحه والوضوح والغصون اللي فرحها غير لا هب النسيم ماتسأل عن معاناة الحمام اللي ينوح ياهل الزور ان حلفتو زوركم وجه الكريم فاح ريحاً من الكذب والكذب له ريحاً يفوح يارحيم الصدر ضايق حيل سترك يارحيم والدروب طوال واقدامي من اللهفه جموح اعطني من لدنك التوفيق والعقل الحكيم والعزيمه والمعزه والمراجل والطموح والقمر يغريني اغني على اللحن القديم ويجذب البراق عيني كل ماشفته يلوح والقساوه للرجوله والنعومه للحريم ياكثر ناسا تجي في عيني وناسا تروح اكثر اهل الارض خلاني وانا مالي نديم يشتكون جروحهم عندي وانا كلي جروح ما يشل الراس صـارت الدنيـا غريبـه وصـرت انــا متـولـه عشتـهـا حـلـم خيـالـي والغـريـب لـحـالـي عشتهـا بكـل راحـه واصبـحـت لــي ممـلـه عشتهـا فـي إبتسامـه وعشتهـا غربـالـي ذاك درب إل .. حبيبـي قلـت ذاك اسهـل لـه وهذا دربي لو طويل اسهل لي وأسوى لي لـو طريقـي فـي عنـا أو درب انـا مـا ادلـه أحسـن آضيـع طريقـي لـو بربـع الخـالـي آنا ضاري ع الصعايب، الصعب أوصل لـه الصعـب سهـل علـيـه، الصـعـب يـحـلا لــي الـصـعـب لـــو هـــو صـعــب والله لا آذلـــه لا أذل عينـه لاجلهـا ف .. قولـي وأفعالـي مــا يـشـل الــراس إلا لــي يحـطـه يـشـلـه وما يوطي راس دايم فـي العـلا أو عالـي كـان طبعـه مختلـف أو كلمتـه فـي محـلـه هـو رزيـن ولا حكـى يعنـي تقـوم جبالـي ميـزتـه حسـنـه طبيـعـي صــار كـلـه كـلـه هـو علـى بعضـه حلـو مـن حسنـه القتالـي لـكـن الـلـي اسـتــوى .. الـطـيـن زاده بـلــه ورحت انا في درب ثاني مالها أو ما لـي باختصـار آقــول هــذا خــل فــارق خـلـه خـل يحلـي حياتـه بشخـص ثانـي بـدالـي وبصـراحـه .. كــل كـلـمـه قلـتـهـا مـتـولـه أل (دبي) وإل (دبي) وهي (دبي) ف بالي إهداء لسمو الشيخ هزاع بن سلطان بن زايد آل نهيان"حفظه الله" أنــــــا أن قلت الشعر فيك الشعر تزهى مقالاته وحرف القاف يرقص لك طرب هـــــزاع باشواقه سليل الجود والمعروف في ذاتك ومن ذاتـــــــه يا ابن سلطان بن زايــــــد يا بيت العز ووثاقـه لك الدولة يا شيـــــــخ الشعر ويا فاهم مجالاته تزف أفراحها رايات بعالي السحب خفاقــــــه تبارك لك على نصـــــــرٍ عساها تزيد جياتـه مدام النصر لك عادات تبيع وتشري أسواقــــــه إذا منه تعلى غبــــــــارهن زادت طموحاتـه يحب المركز الأول مــــــــلك حبره مع اوراقه على البحرين حط ارحالها خـــــــــيله وقوات وصار الفوز غاياته ولا عنه أحد عاقـــــــــه ورث أصـــــــل الـفروسية من أجداده وعاداته كــريمٍ طيبٍ محبوب بين الـــــــناس باخلاقه يا خوي ابارك لك بشـــــــــعرٍ كانه ابياته توصف شاعــــــــرٍ نفسه على الطولات تواقه مين يحبك كثر ما حبك انا مين يحبك كثر ما حبك انا و مين بحبك حاول و ياما اجتهد ومن في عينه شوفتك كل المنى لا و رب العرش ما غيري احد انت شوفي و انت عمري و الهنا يا جسد بي روح و لروحي جسد و انت عيني و انت نوري و السنا و انت اسبابي اذا حبي خمد و انت ميعادي و سهدي و العنى و انت تعذيبي و صبري و الجلد و انت راحاتي و روحي و الظنى و انت الاول ما به قبل و بعد لمنا جو المحبه و ضمنا و من بعد قربك انا كيف ابتعد شوف ما كبر يا حبيبي عشقنا فاق كل العشق وحده و انفرد لو يوزع البسيطه حبنا مابقى حدٍ بها يكره احد لاتندفع لا تندفع و تقول كلمة احبك و انته تظن اني انا و انت اغراب ادرس دراسه بين قلبي و قلبك و عقب الدراسه ينولد بينا اعجاب خلي القلوب تعيش قربي و قربك و خلي الشهد من وجنة العمر ينساب خلي التلاقي بين دربي و دربك او باختصار اقول خلينا اقراب يا شمس شوف القلب كيف انعجبك شوفه حبيبي كيف بمحبتك ذاب شوف القصايد كلها تنكتبك و انت لقلبي غالق كل الابواب سهم الغرام اليوم دامر ارتفع بك و انت تايس في القشق دون اسباب معنى احبك يعني معنى احبك و حلو الدلع يا سيدي بين الاحباب __DEFINE_LIKE_SHARE__ |
|
| |
|
06-05-2008, 09:46 PM
| رقم المشاركة : [ 8 ] |
| عضو جديد |  كيف اجيك كيف اجيك و كيف انا ابدى في غرامك كيف قلي ابتدي لك بالكلام لك اسلم بس ما جاني سلامك يعني مستكثر علي كلمة سلام وش اسوي حتى انا استدعي اهتمامك و افتح الموضوع يا بدر التمام ابتسملك او اقاطع في كلامك او اجيك بكلمة فيها احترام ما قدرت ابعد مدام اني امامك ولا قدرت اشرح مفاهيم الغرام حرت بك و احترت بك خذني مدامك ما يهمك من غدا بحبك حطام ابتدي بك حب يا عمري علامك ما تحس احساس من صابه هيام كان عن كل الهوى صار اعتصامك ما طلبتك غير و عليك السلام مريم الحلا يحتويها و الغلا يرتجيها شيخة الحسن مريم الله الله عليها عيدها عيد ثاني بين القلب و محاني قلت اسبق التهاني و اتعنى و اجيها يا البنات الصبايا عندي اها هدايا ما طارت الرواية و استحيت اهاديها لان مريم هديه من اله البريا القلوب النديه لو ظمت ترتويها نور شمس تعلى فوق بدر تجلا دونه الوصف ولا غايه في الحسن فيها من دكر من اسلافي وارف الظل وافي ابتديها القوافي قبل لا يبتديها الصبا مال بانه و قلت انا خيزارانه سمو دبي دانه لا مريم عليها ويـن أنت وين أنت ياللي كل ما قلت .. وين أنت حتى السؤال يقول وين الأجابه عامين ضايق و أنت لليوم ما بنت و هي حالتي بين الحزن و الكـابه ليش أنت بعيون المخاليق ما شنت في عين من حبك سرابه ..سرابه لو لا الغلا يا صاحبي ما تمكنت صداً من الهجران صاير خرابه عود علي أنا أترياك لاهنت الحال واحد والظروف أتشابه إذا سألت تحبني قلت لي كنت وأنا ابتسم من باب حب الدعابه وأن خنتني أعلم ترى ما بعد خنت ألا معك لكن خونت ذرابه خنتك مع طيفك بعد ما تيقنت أنك علي بعد الثرى و السحابه أكبر خطأ محبتك وأنت ما صنت حباً يخلده المشيب أ لشبابه تدري آش يغيض الرجل في هوى البنت أنه يعيش في واقعاً ما درابه لكننا وش هو أنا وانت ويش أنت هذا السؤال إللي يبيله إجابه النــــاس للنـاس خلك معي خلي ترا الناس للناس ضدي ترا ضدي ومعايه معايه احس بك دايم بانفاس الانفاس وانته ضيا عيني ومنايه منايه لاتسمع العاذل وسواس وسواس ومن علتي انتي شفايه شفايه لو طال هجرانك فـ لاباس لاباس غلطان استاهل دوايه دوايه السهم من عينك وامواس الامواس وانا اناديــــلك دمايه دمايــه سمعتي الموشي وارجاس الارجاس واللي جرا منــك كفايه كفايه اعلنت من وصلك بافلاس الافلاس واختاري انتي بين شايه وشايه اما ترديلي باحساس الاحساس ولا انتفارق والنهايه نهـــايه متعود ابدله الالماس بالالماس مايهم اكسب والهوايه هوايه خدعت حاسب يضرب الراس بالراس مسكين وادريبه ورايه ورايه لا تجزع لا تجزع من أمر الولي ولا تضيق وتعترض يكفيك فخر إن المشاعر خلتك محبوبها لا والذي بعث محمد و أرسل الحق وفــرض دينه على أرض وبسط هدايته لشعوبها ما غبت عنا يا حزامي ولو يغيبك الــمــرض غلاك يسكن في عيون أهل الوفا وقلوبها يا جــعل أمـثـالــك يـزيـد وعكسك يـنـقـرض لـجـل بلاد جابـتـك تخضر في كل دروبها ويعرض التاريخ نبذة عن حياتك ما عرض إلا مـواقـف تـلفت أنظار المواقف صوبها علم مؤكد ليس بمتوقـع ولـيس بـمـفــتــرض لأن نـفسـك تـجذب الـعالم بحسن أسلوبها نشمي ولا حصلت لك محتاج تقضي له غرض وأعدائك تدور منافستك لكن يا دوبها يمناك تعطي وما تحسب بالعطا لو تقترض ميزة النفس العزيزة عزها مطلوبها دخيل الله لا تطول معه تكفه يالمرض ما تدري إنه المشاعر خلته محبوبها تقزمي تقزمي في عين حسادي وأنا عملاق فرض لأن علوي عن وطاهم شي ربي ملزمه ما تشوف حجم الشمس متقزم على أصحاب الأرض متقزمين ويحسبون الشمس جات مقزمة يا رب و أنا عبدك إلي ما بعد هتكت عرض و إذا لقيت الضايق المحتاج وقفت أعزمة إن ما علي أشبهك وإذا غضبت أقول إرض رزنامة أفضالك مداهة ما تشابه الأرزمة زد مشبري في الطول طول ومن قوي العرض عرض أو اعطني النصر المبين إلي ما غيرك يهزمه لو المراجل تنشرى سحبت لي مليون قرض حتى أثبت محزمي يوم تراخى الأحزمة شفت الحياة بدنيتي سنه وشفت الموت فرض يوم أتقزم في عيون العالم المتقزمة بواحة الأسرار بواحة الأسرار منقود منقود ***لا لا اتكلم باللسان الطليقي ترنيمة النهوند وترنيمة النود *** قام يعزفها حيل و أنا في ضيقي يا ذا البشر يا راعي الخيل والذود ***كيف الخيانه لي تجي من رفيقي ما كنت بأعشقها ولا كنت بأعود*** لين اكتشفت انه هواها حقيقي في مقلتيك أنهار وبحور وورود*** لايق وفيك الوصف كله يليقي يا معادي للنكس تستاهل الزود***وأنا لك بسمع الغرام استليقي ارحمني بنظرة ترى نظرتك جود *** مشاعري نامت ولا قلت فيقي ظميان قرب شفتك زيد الخود *** أخاف أموت فراق ما ابتل ريقي صحيح أنا محبوب للبيض والسود*** لكن ما غيرك لقلبي عشيقي إليا فتحت العين ألقاك موجود ***ذكراك ترسم صورتك في طريقي ولا تشعل النارين يا مخصر العود *** أنا بليا عود زايد حريقي آخر طموحاتي يا أخر طموحاتي وذروة حنيني *** تلبس على فاللك وأنا فالي أموت أموت في اللبس الخفي المبيني***والشعر لامنه تناثر على الكوت والصوره الي بين خدك وبيني***تقول للسكر تعال المس التوت وعيونك اللي تحتها شامتيني *** خيل العرب في معركة عين جالوت كل شي يتمنى يشاركك فيني***الأرض والأشجار والبحر والحوت يا مبرأك يا مظلمك يا ظنيني***ما ضاعلك ضايع ولا فاتلك فوت أقسى الرجال ان شاف حسنك يليني*** والبنت في جنبك تتحول لطاغوت خذني معك بلاك أنا مايبيني*** يا شعر بوراشد ويا سحر هاروت هذي أمنياتي يا مبعثر سنيني ***الود ودي نجتمع لو في تابوت ودي أحطك ياحبيبي في عيني ***وأسكر عيوني عليك أنت وأموت وأدخل معك قبر الغرام الحزيني*** واسمع تناهيت المحبه بلا صوت قوس الربابة استمد الشوق حيله وانتحابي *** لين صادفني طريقٍ كنت اهابه لي شهر وانا ماغير اكتم مصابي *** واتجمل فالوجيه من الذرابه لين حدتني مخاييل السحابي*** والسنين اشباح والايام غابه شفت مامنها مصده واجتنابي*** لكن الله رحمته تسبق عذابه ياوجودي من عناي وياذهابي*** وجد من خلوه ربعه للذيابه في نهار هيب اللي مايهابي *** يعتنق عج المنايا بالسحابه منك ياللي فاقدٍ منك صوابي*** قمت اعشقكك مثل عشقي للكتابه شف غيابك وين وداني وجابي*** بس مع الايام زودني صلابه حس فيني يامعودني غيابي *** في وجودي وش مدى فرق التشابه ليه ادق الباب دام الباب بابي *** يامعيشني تفاصيل الغرابه يامعودني على صبر احتسابي *** يا معرضني شقى القيض وسرابه الدروب طوال لكنك زهابي *** شوف حالي كنها قوس الربابه اعتقدت انك تعاني من عذابي*** يكسرك صوت الاحبه والغرابه واثرك اللي مستريح ولا درابي *** ماتعرف الا تمادي في غيابك صباح الخير صباح الخير يا أهل الخير صباح الورد والعنقود ***صباحا ً كل ما هز الشعر غصنه قضى ثارة إلى جادة يمينك يا البني ادم جود ها مردود ***من اللي أمره نجوم السما تنساب مدرا ره ورجلا ً ما يوقف في حياته موقفا ً مشهود*** يعيش يموت ما يدري عن أحواله ولا أخباره وليا مر الفتى بأول صباه ولا قدح بارود ***أجل وش خانت أيام الشباب وينعت أزهاره يجودون الرجال وجودنا ينجاد منه جود ***وحنا اللي نبطل للعطايا بكل محاره على درب المعزة ما قصرنا حبلنا الممدود ***ولا حتى نفكر لو يجور الوقت قصاره يعلمنا الزمان ونستفيد ونبذل المجهود *** وعزيزين النفوس أنفسهم صلفه ومغوارة بلشنا ما عرفنا من هو المذموم والمنقود ***وأشوف الجار ما يسد ديون اللي على جاره وضعيفين النفوس من الليالي حيلهم مهدود ***وأنا حيلي صواديف الزمان تزيد إصراره وأنا عندي على كل الكلام اللي أقول شهود ***حشى ما ني بثرثر والقلوب السود ثرثارة أشوف النفس مثل البكرة اللي ما تحب القود *** وعسفها واحدا ً نفسه على الأيام صباره ولا يا سحب هلي لين أشوف الما شرات العود*** تباشر بها رعايا الإبل بعد الغيض وغباره ولا يا شمس طلي لين تجلين ألليال السود *** وأشوف النور في عيونً من التفكير محتاره و الا يا قلب خلك مثل ما أحيدك حفيظ سدود***ترى الرجال لو يكشف سدوده يطيح مقداره و الا يا عين تبكين ما دام البكا منقود ***تحلي بالصبر والعزم تارة ورى تارة ولا يا طير غرد دام حبل وصالها ممدود***هنوف ً لتذكرها خفوقي زادت أثاره كن في ثقرها ريحه اليسمين والكمبود ***تثنى كنها غصنا ً عليه السحب مطاره تلفت كنها ريميتا ترعى بوسط حدود ***مكان في فؤادي زمان ومحدا ً زاره يا آية من بنات الخود من بعدك بنات الخود *** هنادي ريم حصة مي عفرا غالية سارة سراب الظامي اللي مستحيل إنه يبل كبود ***محطمهم غلاك اللي تحب الرجل مشواره تعالي لا تخليني على باب الأمل مفقود *** فراقك سبب جروح الحزين وكثر أضراره وأنا اللي حاضرا ً ذكري لوني ما هو بموجود ***أحب الشامخات ولا أطرق ألبيبان في الغارة أنا للمرجلة صقرا ًجناحينه تضم النود ***ما غير محمد بن راشد بن مكتوم صقاره قم علــم الصبــح قم علم الصبح ويش البارحه قلنا خله يقول لعواذلنا تصافينا حتى يعرفون يوم انا تزاعلنا كله على شان يقهرهم تراضينا حنا شربنا الغلا حتى تمايلنا من نشوة الحب تتبعنا خطاوينا نكسب تعاطف أهل الحب بتعاملنا وهروج حسادنا ما أثرت فينا ياما وياما حكوا لكن تجاهلنا تلامس احساسنا يسبق خطاوينا من بدهم في الوفا حنا تأهلنا كسرة ايدين التجافي من تسامينا يا بحر كان انت في موجك تساهلنا في الحب نبحر ونرسي في موانينا روض المحبين محمي في مداهلنا وزهور الأشواق تنبت في مراعينا إلنا الشرف والنقا ونشرف أهلنا عن الرذيله على النايف تعلينا يا ضامي الحب أروتنا مناهلنا اذا طوانا هجير الحب تسقينا والسالفه كلها يوم تزاعلنا كله على شان نقهرهم تراضينا __DEFINE_LIKE_SHARE__ |
|
| |
|
06-05-2008, 09:48 PM
| رقم المشاركة : [ 9 ] |
| عضو جديد |  قصيده حمدان بن محمد بن راشد آل مكتوم بمناسبه فوز شقيقه أحمد بن محمد بن راشد آل مكتوم بالمركز الأول في أسبانيا فز الشبل من صكّت الحلقه عــلى الابطان يـــوم الشجــــاعة تنهزم وتزلزل الابطــال يـومٍ تــخــربط يا عــرب تتغــــيّر الأوزان رد الشبل في زمجــره متــحدّي الــزلـزال فزّ الشبل (أحمد) بقـــوّه ترعـب المـــيدان وذاك الأســد قايــد يــحرّك بــيده الأشــبال وقام التــحدّي في جبــالٍ خــوّفت فــرسان و(احمد) بعزمه إنفرد وابعد شرات الـــلال لا ما يهمّه صعب كـل الصعب تــحته هــان والنصر ما جـابه صــدف جابه بطـولة بـال يخضع له الفوز بفخر من سالف الأزمــان تاجي وعزّي ومنهــجي، يا غيثـي الهمــّال شيخي وابوي (محمّد) اللي للنــصر عنوان في عيــونه يبــان التـحدّي والصـــبر وآمال واحمد تعلـّى واعــتلى هــو فــارس الـشبّان في عيــونه يبان التحــدّي والصــبر وآمــال أنا اشهد انّه عاش ع صهوة فـــرس وعنان ولا يْبيّن الرجّال كود ان كــان ابـــن رجّـــال ولا اظن بــن الــسيل يجــري دونـه الوديان وحـــنّا إذا قـــلــنا تـــراه أقـــوالنــا أفـعــال مازان هو بالفوز واللــه الـفوز باسـمه زان يختال هــو بالفوز.. لا إلفـــوز به يــخــتـال المجد كل المـجد مـــن (أحمد) بنى له شـان والعز كل العز مـن (أحمد) خصــاله نـــــال ما خاب ظنـّي فيه يوم الصـبح نــوره بـــان الصبح يفرح يوم شاف (احمد) بخيله صال له غنّت حــروف القصيــده باعذب الألحان والنعـم بأحــمد قـلتها والحــق بــه يــنقـــال فارس ابـن فــارس إذا قـــالوا فـــلان فلان أحــمد بن محــمد ابــن راشـــد ياحـيّ الفال يـــومٍ عـــزيته فـزّ قـــال انّي أخـــو حمدان أنا اشهد ان الفوز باهــدي لك على كل حال ريش الطواويـس هـذي مظاهر مثـل ريـش الطـواويـــس عــادة طـيـور وصــارت بـعـادة الـنـاس هــذي المـسـائـل حـلّـهـا بالتـوســويـس طافـت فـروخ وصادهـا اليـوم جرنـاس قال الموصّف لي به الوصـف تأسيـس هذاك لي وصفه علـى العيـن والـراس أشــوف زولــك داخــل القـلـب جلّـيـس لـو كـان فـي وسـط المعالـيـق عـكّـاس هـــذي المـحـبّـه كـلّـهــا بـالأحـاسـيـس حـس البعيـد وحـس أقـرب مـن انفـاس القـلـب لــه واحــد ولا مــزرة الـكـيـس وخلّك تعرف وش حاجة الناس للنـاس خلّـك بــوادي فـيـه خـضـر المغـاريـس توطى على الأخضـر ولا تـدوس يبّـاس بـعـض الـكـلام أحـيـان يبـغـي تلمّـيـس لمـسه تهدّي الروع من لمسة احساس بيـن العشـق والحـب دسـتـور تـدريـس ولا لا تشـبّـه لمـعـة زجـــاج بـالـمـاس الـشـاطـر الـلــي يـعـرفـه بالمـقـايـيـس يعرف خطاهـا دون مـا يصــيبـه البـس كـل شـيّ قبـل لا يسـتـوي لـه تأسّـيـس يكبـر ويكمـل كـل سـاسٍ عـلـى ســاس خــلّ الـغـرام يعـاتـب القـلـب ويـجـيـس نبضه على شان الهـوى يطـرد اليـاس وتحـط فـي قلبـك شـرى عـرش بلقيـس من زِيـن شِعْـرك لبّسـت شعـرك لْبـاس والـيـوم ليلـتـنـا تـــرى لـيـلـة خْـمـيـس والموعـد اللـي بيننـا وقــت الاغــلاس دايــم واحــذر تـوعّــي تـخـتّـل ابـلـيـس واكتـب أخــو فـزّاع مـا بـيـن الأقــواس جنـــــون الحــــب لا جنون الحــــــب ينفع في بواد الإحتمــــــال احتمال يكون ضايـــــــع واحتمــــــــــال إنــــــه يبين الخيال أصبـــح حقيقة والحقيقة من الخــــــيال شوف يعني كيف بـــــاجر ضـــاع مــن عمـر السنــين لا محبه يــا قليل الحــب مــــن غير اتصــــال ولا تواصــــل بيننــــا يمشي علــــى مـــــــا تشتهيـن كــــم عجزت أفهمج والله لـــو أفهم الجمــــال يمكـــن الإبـــــل تفهــــــم مــــــــــن قبـــل لا تفهمين الــســنـــيـــن الــمــاضــيــه والله لاخـــلي الســـنين الماضيه تعني و اوادع الناس و ارجع و اخذ المــعنا يمـــكن حبيبــي اذا غنيـــت يسمــعني قبل البحر يا قـــلوب الــشــوق يــبلعنا واللــي خـــذاني و عــيا ما يرجـــعني و الدرب مجهول و التفكــير ضـــيعنا يدفعني الشــوق لو اواصـــله يــدفعني تبادل العـــشق و هو سبــت دوافــعنا تدرون قلبي على هجره ما طــاوعني الـــنـــاس تـعــذل و حــنا ماتسمــعنا لا قلت احبه تراه الصـاحب المعــــني و اللي مع الهجر طبعا ً ماهو ب معنا لا قال دعــني و انا ماقلـــت له دعنـي يالــين ســالـــت من الفــرقا مدامـــعنا حتى في يــوم المـــوادع يــوم ودعني بكـت جــميع الليــالي من مـــوادعــنا الله يــمتـــعك بالــقـــاي و يــمتــعنــي بلقاك و السحب تمــطر مــن تمتـــعنا والله لاخـــلي السنين الماضيـه تــعني و اوادع الناس و ارجع و اخذ المـعنا يمكن حبيـــــي اذا عنـــيت يسمـــعني قبل البحر يا قلوب الشـــوق يــبلعــنا اللي خذانــــني وعيا مـــا يرجعـــــني و الدرب مجــــهول والتفكير ضيعنا الـحـب ذل والـوصـل عـار الـحـب ذل والـوصـل عـار لا صـار تاليـهـا هـوان ياللـي تقـول أخـبـارك أخـبـــاري بــدون مجـامـلـة زعلان منـك اي نعـم زعـلان مـن شهـر رمضـان ما تشوف جرحي لي ثمان شهـــور وانـــا حامــلـه رغم قساوة جـــرحك بقلبي لكن قلـــبـي مـا خـــان يصحى الى منه صحـــى وان نـام جـرك نـــام لـه فتنتنـي ليـن اكتشـفـت ان اكــثـر الـحـــب افتـــتـان واتعبـت مـن مســـك القـــلـم كـــف تـجـيـد انامـلـه صيـاغـة التعبـيـر فــي جـمــلـة يخلـدهـا الـزمـــان تصويـرهـا يثــبـت بــان الـنـاس مــاهـي بكــامـلـه خـلاص بطـلـنـا غـلا احســـن لـنـا نبـقـــى اخــوان ويعامــلـك قلبـي طبيعـي مثـل مـا انـــت تعـــامـلـه صديت منك مــثـل مـا صـد الشــجـاع مــن الجبـان واحرمت من وصــلك أحاســيس الخـــفوق الشامله لا صرت دون احساس ما تـــقدر تقـــدم لـي حنـــان لان الـقـلــوب بـحـسـهـا وبعــــطــفـهـا متــكـامــلـة انـت علـى طيـارة الهـجـران حــــاجـز لــــك مـكـان وانـا ف مطـار مواصلـك نـاطـــرك سـاعـه كامــلـه يا حبيبي Tell me(عربي انجليزي) يا حبيبي Tell me شلونـــــــــك Never heard your voice من فتــــــــره By the way اموت في عيونــــــــــك Or perhaps I die من نظــــــــره Where ever you go يبغونـــــــــك يالغـــــــلا يا Candle السهــــــره Cross my heart and die ماخونــــــــك Even if my heart بفــــــــره لحن المفارق بنتٍ تمـــر الــظلــوع وبيــتها بيتهـــــــا مـــاغيرتها السنيـن و ما تغيرت انــــــا يوم اكشفت عــن مفاتنــها وضمــيتـها قالت لي الحب وش هو قلت بيت الهنا ياليت مالي خفــــوقٍ ينــبض وليتهــــا إلا نعــس رمشها ماعــــاد تسرف بنا يغار قــميصـــــها من لمس جاكيتهـــا لاهــزت اكتــوفها كبر ودلـــع وانــــثنا باصبرمن الشوق اذا مال او تماديتــها لين اقبل الله لنا وان ادبر الله لنـــــــا اغلى المزايين واحلاهم شهر صيتها فديرة الخصر والارداف ظــفرة غنـــــا قالت يازين المطر قال المطر جيــــتها لين السحب حاصرتها من هناك وهنا قلت ارسل الشمس علمني لا مريتها أبغي أشوف السـنا لامنه عانق سنـا خلـــتني الــبارحـــــه وانا ماخليتــهـــا غنيت لحن المفارق والهجـر والعنــــــا للحين وانا ضلـــوعي بيتـــها بيتهـــــا ماغيرتها الســـنين وماتغيــــــــرت انا __DEFINE_LIKE_SHARE__ |
|
| |
|
06-05-2008, 09:51 PM
| رقم المشاركة : [ 10 ] |
| عضو جديد |  لــــك عـنــدنــا قـــــدر إهداء إلى الشاعر خلف بن سيف القمزي يا "بو حَمَدْ"غايب عن العين والدار ما ادري تغلّي منـك والاّ قطاعـه يا كَمّ لك في القلب حشمه وْمقـدار وتكفي زياره منْك لو ربـع ساعـه لا تْوَضِّحْ الأسباب لو صار ما صار ما لك عذر عندي ولا لـك شفاعـه ياما مراسيلـك لنـا تلفـي كْثَـار ويامـا بطاروقـك تلـمّ الجماعـه واليوم من دونك غدت قفر الآثـار والدرب طَوَّل بك وطـال اِّتسَاعـه ودّي بجلستكـم مَـعَ شَبَّـةْ النـار والشِّعِرْ من شخصك نحب استماعه مثلك خبير الشِّعر فاهـم وْصَقَّـار ْتِدْهَـلْ مراقيبـه وْتَلـوي ذراعـه بانْشِدك عن أمٍّ وَلَدْهَا مَاْ هـو بَـار في بْطنَهَـا لكـنّ يزْعِـجْ سماعـه لا له عقل يوحي ولا يملك ابصـار ومن فعله بْهَا تنْتِـجْ لْنـا بضاعـه وبانْشِدك عن بنتٍ على راسها نـار وماها بهـا لكـن مـا بـه نفاعـه وعن رجل نايف له معزّه وْمِقْـدار يملك شـراع ولا يفيـده شراعـه وعذرا على اْثَرْهَا من كْبَاروصْغَار فيهـا المعـزّه والمذّلـه ربـاعـه تشبه على الدنيا بهـا الفلْـك دَوّار وتلقى خبرها منتشِرْ فـي الإذاعـه وْلا قصِدَنا إلاّ السوالف والاشعـار ولك عندنا قَـدْرٍ منيـف ارتفاعـه عزّام" مع التحية عزمت أعَزمْ ومن عَزمْت عَـزمْ بـي َزام عَزم يقول الشعـر واعـزم بـه حيّيت ركب الحيا ممّا حـوت سحبـي يا حَيّ به عد ما حيّـا الحيـا ركبـه الشعر عشق القلوب وْشَاعِرِكْ شعبـي ما يعشق الشعر لى ما يشعِـرْ بْشَعبـه وانا بْنبـاك ونبـا مـن نـاب متنبّـي أنبيـك واللـي ينبّيـك النّـبـا نـبّـه كلامك أحلى من السكّر علـى قلبـي عِيْده على شان أعيد العيد مـن حبّـه لاجله جنيت الجمان وجيـون الغبّـي أدلج لاجل لجّ داجي تنجلـي حجبـه بانشدك عن شاردٍ تنشا بـه السحبـي أوّله عندك .. وتالي رمـزه أوّل بـه تحسِبْ حسابه مع انّه من سحب حسبي ويحاسبونك عليـه وحسبتـه صعبـه والعزم عزمك واذا عزّمت عَزّمْ بـي واعزم من اعتاز لك عزّه وعـزّم بـه سيّدي (من يجيب (الهَاْتْرِكْ) بْـ(سَيح السَّلَمْ ومن لعزمه تنحني روس الرجـال غير ذاك اللي رقـى روس القمـم نال مطلوبـه ولـو حتــّـى محـــال (به قلـــيلـه يـا مـلا كـــلمـة نِعِـمْ دام فعله صار من ضَرْب الخيـال الشّهم ولـد الشهـم ولـــد الشــهـم زاكي الجَدّيـن مـن عَـمٍّ وخـــال سيّـدي سِيْـد الشجــاعـه والكَــرَمْ والشهامـه مـا بهـا قِيْـلٍ وقــــــال نادرٍ مـا لـه شبيـهٍ فــي الأمـــــم والنـداره مـا تجـــي إلاَّ بْـــــقـلال العدو مـن هيبتـه يوقـف صَنَـــمْ وما تمـاري قوّتـه صُـمّ الجبـــال والله انّـه للنصـر أصْعَـبْ رقـــم والشهـاده عنـد هذيــــك الـتـلال المهـم الفـوز والشــــيّ الأهــَــمّ إنّه بفـوزه غـدا مضـرب مــثـال طالبنّـك سيّـدي وتقـــول .. تَــــمّ كافيٍ .. وافْتَح لغيـرك هَالمجـال هذا الشبل من ذاك الأسدمهداة إلى سمو الشيخ راشد بن محمد بن راشد آل مكتوم، بمناسبة حصوله على المركز الأول في بطولة رئيس الدولة للقدرة بسيح السلمطيّبت فال الفوز يـا طيّـب الفــــال يا (راشد المكتوم ) ما فيـك حــيلـه الفوز بـك ياعالـي الشـان يختــــال والفوز يرغب كـل راعـي طويلـه مبروك ما دنّت لك مـزون الاقـوال ومبروك ما غِظْت بْمزونـك مخيلـه يا زاكي الجَدّين مـن عَـمٍّ وْ خَـال يا بدرنا اللي في الدجـى نستخـيلـه يفداك عَـزم اللـي تمنّـــى ولا نـــال يا شـوق ربّـات العيــــــون الكحيلـه لك مجد قبل وْمجد حاضر ولازال وامجاد لك في المقبـلات الجزيلـه يا راشد اتْعَبْت المدى والمدى طــال واللي تِبَعْك أتْعَبْـت عَزمـه وخـــيلـه كم سقت خيلك بين رملـه وْمِسْيَـال وشَيَّلتهـا بالحــزم مـــا لا تشيـــلـه يا شبل من تفخر بطاريـه الاشبـال شبل الأسد لي مـا يِحَفْـل الهزيلــــه هذاك لى تَضْرِبْ به الناس الامثـال سهل التمثِّـل بــــه ويصعـــب مثيلـه فـارس يِهـزّ بْهيبتـه ألــــف خَيّــــال ظاري على حمل الحمـول الثقيلـه يدهل بغاياتـه علـى كـــل مدهـــال دون المعالـي مـا تـردّه عضــــيلـه وانته على درب العلا قايـد أبطـال والشبل من ذاك الأسد لـه حصيلـه أشْهَد شهـادة حَـق والحـق ينقــــال إنّك على الطولات ما فـي كحيلـه رد على مجاراة الشاعر عزّام تطاير فكري واحساسي من الخفّاق دون شْعور وصار القلب ما يْميّز وانا ما اميّـز احساسـي بدا يطري على بالي وبراكين الضميـر تثـور لوين آصد لي يطلع .. حتى وسـط هوجاسـي أبيك تكون (عَزَّام) الذي يلعـب ولـه جمهـور وانا طبعاً في جمهورك لا تنسى انك بني ياسي أبي حال المودّه تصير كما حبل الوتد مـزرور متى منّك قطعته ينقطـع بـه حبـل الانفاسـي ترى نور الفجر أحيان ياخِذْ من غيـاب النـور متى ما تشابهت الاعداء إحْذَرْ ضربة الراسـي ومتى ما جاتك بطيبٍ تخلّيهـا لابـو عسكـور وتردّ لها الجميل بطيب سياسي واكبر سْياسـي وكمٍّ واحدٍ ضايع ويترجّـى مـا بيـن بْحـور ومركب حبّكم يبحر ولا يصبـح لهـا راسـي ترى من يطعم الاخلاص ما يرجع يبي عنقـور ولى ضاري على المصعاد ما يمشي بمنكاسـي وحتى النور لو هو غاب عقب ليله يجي له نور وزرّ حْزامك انت اليوم ترى القاسي يبي قاسي بأبي تنسى وتتناسى وتنسى انّك نسيت الشـور وتنسى انسان ما ينساك وتتناسـى ولا بناسـي ماقد عصاني ما قد عصاني بعيشتي عمـر دنيـاي ولو اني ابحكي كيف اقـدر احاكيـه مادري وش اللي جاب هالحظ ويـاي كل من شكيت لشخـص لقيتهـا فيـه بلوه اصلا كل هالعمر بلوه.. راضـي و يـا ليـــت اقـدر اقــــول مـا ابيـــه لا اني بعطشان و لا شـارب المـاي و لا اني انا ماخذ و اقـول مــعطيـه لا اني انا المذكور و لا اني بمنسـاي مادري انا اللي غالي او انـي اغليـه احسب خطاي و كل خطوه بممشاي امشي برمش رضاه لو رمش بمشيـه عشق و غرام الموت واحساس بلواي مـادري لايـــه غـــربـه اليــــوم بنفـي ذوبت لك عمري مثل سكـر بشاي عمري الحياه يا سكر العمـر اغليـه كل الحواس تقول وش جاي وش جاي خايف تضيع اصابعي باصبـع ايديـك ابغي اشبه نظرتـي ترسـم خطـاي حتى القصيـده مـا لقــت اي تشبيــــه مادري عاد تعـــود بحـزن و النـاي ماقدر اذمـه ولا بعـد اقـــــدر اغليـه قالولي هـذا حزنك و قلت (ش)الـراي أيـــــــة حــزن أيـــــة اباشســــمـيـه يومي انـا هــــذا انـا عشــــت دنيـاي ليـل وراه الليـل وش عـــــقـب يجـيه عشت بزمان قلـــــت للطيـر مـولاي كل من رفــــــع جنحـاه فزيـت لبيـه الــــــبــــــدر مجاراة لقصيدة سيف السعدي هذا هو البدْر والاَّ البـدْر بِـنْ عَمّـه في عِلْم أنا والاَّ هذا الليـل وِحْلومـه إن كان للحِسـن قِمّـه هـذي القِمّـه والاَّ عسى الحِسنْ كلّه فَـدْوَةْ قْدومـه أقْبَلْ يضمّ السَّهَـرْ وِعْيونـي تْضمّـه ما ادري من اللى من الثاني سَرَقْ نومه كَنّ الوَصِلْ دِنْيتي يـوم الوَعَـدْ تَمّـه وْكَنّ الوَعَدْ جَنّتي دام الوَصِـلْ يومـه ما الوم من لامنـي فـي حبّـه وْنَمّـه حتى فوادي ولو يشكيـه مـا الومـه إذا تكلَّـمْ يغـار العطـر مِـنْ فَـمّـه سوالِفِـه كلّهـا بالمِسْـك مَخْتـومـه ياليت لى هَمّنـي مِـنْ نَظْرتـه هَمّـه عينه خذَتْ نَظْرتي قَبْل آخِـذْ عْلومـه أبطا يسولِفْ عن الطيْب وْحَنَـان أمّـه ما يدري أنّـه بقلبـي وَثَّـقْ سْهومـه ما يدري أنّه عـلاج العاشِـقْ وْسَمّـه وانّ القصايد علـى طاريـه مَنْظومـه طالَعْت في ساعْتـه رَدّ وْقَلَـبْ كمّـه لا ساعْته قَصْدي وْلا قَصْـدي خْتومـه ما قَصْدي إلاَّ الغَلا لـى ساقنـي يَمّـه أحيان ارومه وبعض أحيان ما ارومـه لولا الحيا والاَّ انا فـي ذِمّتـي ذِمّـه لاغْزي على روض رمّانه وْمَشْمومـه __DEFINE_LIKE_SHARE__ |
|
| |
|
| مواقع النشر (المفضلة) |
| الكلمات الدلالية (Tags) |
| ديوان/فزااع |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور حمدان بن محمد بن راشد {فزاع}.. | Ϟɮ9 Gαʆɮ | الشيوخ و رؤساء الدول | 39 | 04-03-2009 08:53 PM |
| صور الشيخه منال بنت محمد بن راشد آل مكتومـ | ♕ وليد الجسمي ♕ | المواضيع المكرره | 6 | 10-01-2008 11:15 PM |
| صور الشيخه منال بنت محمد بن راشد آل مكتومـ | Mlak_El7o0ob | الشيوخ و رؤساء الدول | 16 | 06-16-2008 11:02 AM |
| حصريا..محمد المنهالي في تستاهل المجد-اهداء للشيخ حمدان بن محمد بن راشد (فزاع) -فيديو | محروم | الكليبات الخليجيه | 9 | 06-10-2008 05:22 PM |
| صورة نادرة للشيخ محمد بن راشد مع راشد.مكتوم.فزاع | نمر بن عدوان | الشيوخ و رؤساء الدول | 31 | 01-18-2008 02:20 PM |
الساعة الآن 01:12 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227