إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية

         :: برامج الرشاقة السعيدة (آخر رد :دارين الدوسري)       :: تبي متابعين تيك توك مجاناً؟ (آخر رد :ريم جاسم)       :: قهوجي جدة صبابين قهوه مباشرات ضيافه 0539307706 (آخر رد :ksa ads)       :: وانيت نقل عفش بالرياض 0539735360 ونيت توصيل اثاث مشاوير (آخر رد :ksa ads)       :: متجر Google Play: (آخر رد :محمد العوضي)       :: فوائد تحميل التطبيقات: (آخر رد :محمد العوضي)       :: تحميل التطبيقات ومصادرها: دليل شامل (آخر رد :محمد العوضي)       :: شركة مكافحة حشرات بالرياض (آخر رد :gmalnagy)       :: تحميل التطبيقات ومصادرها: دليل شامل (آخر رد :محمد العوضي)       :: رحلة انقاص وزنك تبدأ مع الرشاقة السعيدة (آخر رد :دارين الدوسري)      

إضافة رد
 
LinkBack أدوات الموضوع انواع عرض الموضوع
  #1  
قديم 12-06-2009, 02:30 AM
عضو ماسي
بيانات محروم.كوم
 رقم العضوية : 503
 تاريخ التسجيل : Dec 2007
الجنس : female
علم الدوله :
 المشاركات : 2,100,610
عدد الـنقاط :3341
 تقييم المستوى : 2139

السلام عليكم ورحمة الله وبركاته**


مساكم\ وصبحكم الله بالخير اعضاء ومشرفين وزوار منتديات مكشات**


كيف حالكم عساكم طيبين كلن بأسمه اهديكم هذا الموضوع اللي جمعت**


فيه اروع القصص واجمل الصور والذكريات اللي ذكروها لي اعضاء**


مكشات وذكروا بعض صور طيورهم النادر الطيبه وذكروا اصحابهم**


اللي مازال ذكراهم يرحمهم الله قبل ثمانيه اشهر شاركت بموضوع عن**


الطير اللي طرحته فطلبت من الاعضاء المشاركه بما عندهم فشارك **


من شارك فكرما لهم جمعت مشاركاتهم في موضوع واحد ليسهل للشخص**


المشاهده فأطلب منكم كرما ليس امرا المشاركه من لديه قصه مثل **
هالقصص الطيبه يذكرها لنا**


*


*


*


*


((سالفه للصقار الفيتو))


هذي صوره ودي تشوفوها ويشوفونها اعضاء الخيمه من اغلى الطيوروالصورعندي سبب غلاها مع طيرمن اأطيب الطيور اللي نقلتها كانت بعد ازمة الخليج . الطير هذا ساهم في قرض الحبارىهههههههه طلع ولحوق .

هديته على جول حباري ما عديتها لكن واجد الطير راح في جرة الجول ولهينا مع حباري في الأرض عقبها الموتر والتفتنا يمها انثبتها وعقب لحقنا الطير وحباريه وكانت الشمس تمنعنا من تحديدالطير وحباراه والآرض وعر لكن الجول الطيار نشوفه بعد شوي وحنا نمشي على وجيهنا لقينا الطير موقع على حصاه وطاملته الحبارى من راسه لاشغره.صبيت الماء عليه في مكانه وحطيتالحباري اللي صادها والأرنب جنبه وجيت معهم وأخذت الصوره وقررنا (مساء وهداء ) واللي راح اليوم باذن الله نلقاه بكره ..

أيام يا عساها تعودأنا كل ما هب الهوى يا هلي ونيت* *تذكرت ايام الهنا اللي مضت ليه








*


*


*


*


((سالفه للصقار ابورداد))


****

ضحويه في مقناص الجزيره في العراق عام 2001النتيجه 11 حبارا خلال 2 ساعهولاحباره من هذي الحباري تم صيدها فالتراب !!!
كلهن تعليق او كسر فيالنجوم ...

الحبارا واجده اصغر جول حصلناه مايقل عن 7 حباريالي ماعنده طيرسبوق سبوق غداه وعشاه لحم خرفانوسلامتكم

****



*


*


*


*


((سالفه للصقار القرناس المهاجر))


اليسر بعدالعسر



وهذي كانت قبل سنين وحينها لميكن لدي وظيفة ..



ذيك السنةقنصت وطردت شمال وجنوب ماعينت شي حتى ذقت ذرعاً وبلغ بي العسر مبلغه وفي آخر يوم كنت انوي الذهاب لأهلي والعودة ولم يكن في جيبي ذلك اليوم إلا5ريالات فقط .. توجهت من خبت الدوايا على حفار وزودت بتلك الخمسة بنزين !! وتوكلت على الله بالتجاه صبخة الدوج ومن ثم إلى الليث ويوم وصلت لشاطئ البحر حول عزبة الحويطي صليت الظهر ورفعت يدي وقلت ( اللهم إنه قد بلغ بي الأمر مابلغ وأنت الذي تعلم وترى اللهم انت الغني ونحن الفقراء .. فأكرمني ياأكرم الأكرمين)ثم إنطلقت على بركة الله .. وتوجهت لصبخة الدوج طبعاً حنا بآخر الوقت والبحر فاض وتغطت الصباخ ومافيه طريق .. والدورية مسوية طريق مع القشع وبعيد عن البحر واضطريت للمشي معه .. يعني كونك تمشي بالظهـيرة وبعيد عن الشاطئ أكيد يصبح الأمل في وجود الطير معدوم .. لكن كانت لي مع الأمل مفاجئة .. والله يخوان إني ماشي واشوف مع السراب وعلى حافةالخط سواد اشوفه مع السراب كبير وقلت هذا يمكن خشبة والا كولة من اثر المعدات شوي إلا وهو يتحرك قلت أجل يمكن عقاب لكن وش جابه في هذه الساعة وقلت ابقرب منه واشوف.. شوي إلا وهو يوم افتر والا والله والحركة والوجه إللي يحبه قلبك فرخ شياهين كبيره .. ثم طارت وبدأت تحوم طلّعت سمانه قلت احذفها .. وان الله يثبتني وقمت وجهزت قطاه بثقاله ورميتها .. إلا وهي نازله عليها مثل الصاروخ .. قلت يالله سترك لاتقطع الثقالة وان الله يستر وتخمها وترتفع ويلتوي الخيط على الجناح وهي تحول وبدأت تعلف خليتها شوي ودرت عليها والا وهي عالق وضفيتها والا ريشه من الجناح مكسورة من القاع من أثر خيط الثقالة رحت لمخيم منيس بن صلهام رحمة الله عليه وكان في صبخة المملحة فوجدته مع اسرته شادين عفشهم ومسافرين فاستحيت وماقدرت اكلمه ثم اتجهت لصبخة خالد فماوجدت احد وقالو لي ان الشريطيه كلهم سافروا .. فواصلت على جده ومنها على الرياض وبعتها على شارع الحبابي رحمة الله عليه .. والحمد لله الذي جعل لي من بعد العسر يسرى واعتذر لعدم وجود صور في ذلك الوقت



اخوكم / القرناس المهاجر


*


*


*


*


((سالفه للصقار نبع الدموع))

يعطيكم الف عافية هالقصص و اذا الله كتبلك رزق ماحد بيردة اخوي بالنسبة للممشى عكس التيار على قولتهم سلمك الله هذي قصة صارت ليفي مقناص 1417 وقتها كنت موظف براتب الله يعلم بحالة و معي خويالله يستر علية يعول 10 افراد و راتبة ما يكملة لخمس ايام من الشهر المهم صرنا في اخرالوقت وكنا نقنص على موترة رنج روفر مديل من قبل التاريخ كان الباب حق الراكب مايفتح المهم يوم تسهلنا الصبح انا طلبتة الساحل و هوا يبي عواميد ينبع النخل يبيالجبليات و وكارىاخر الوقت نبي نفك ازمتنا خصوصا ان البوك فااااااضي و قطتنا على الاخير و الصدق انة صادقو انا توني صغير و احلامي كبيرة المهم هوا يقولعواميد و انا اقول ساحل و يوم تناصفنا قلتلة خلنا نروح تفيدة و نقسم الراي بالنص وهي منطقة خلف مطار ينبع فيها مصنع طوباحمر و مهجورة و في المصنع حمام معشش المهم ولالكم في طويلتها يوم تعدينا المطار و مشينا على الجرة الي تودي للمصنع وشوي و تعدينا المصنعولا ذاك الكتاب الابيض الي يهوووش من فوقنا و قسم الله انبياض منحرة يخليك تفسرة منمن مد النظر و هوا يتعدانا و من يوم شفناة و الموتر بداء يتعتع (يقطع) معنا ماهوا من عطل لا و الله من ربشة خويههههههههههههههههههالمهم ديورنا ولا الطير طايح ورانا على الارض و ناخذ السمانة من الربشة بدل ما ناخذ ريشتين معها عشان ينتبهلها الطير الظاهر شلعنا منحرهاهههههههههههههههههههههولا الطير يحول معها على طوووووووووول و هذا ولا قدرنا نقطع على الطير هوا شيهانة ولا حر لاكن الطير واضح جرررمة كبير صرنا نفتر بالموتر على الطير و كانة يقول ابد ماني معلق و ندور لين جاوبت معنا كفرين فيالسيارة و قام صوت الكفرات يطلعو شوي ولا جونا قنوص على حس فرتنا علىالطير ولا الطير تعشى و هوا ما علق المهم حاول الطير يقومولا العيون الجيدة مجودة الطير و انا افك الباب الي عندي و امسك شماغي (ما معنىمهاد)
هههههههههههههههههههه من الطفرة واضف الطير بالمهاد و اطالع في العينو لاهوا مظفر بس (العين ماسكة بظفر الطير) و انا امسك باقي الشبكة وادحسها دحس في كفوف الطير ههههههههههههههههههههههههههما حسبنا انة يجيهههههههههههههههههولا فرخ شيهانة قمرة (بيضاء) تذبح من زييييييينها و كانت ذيكاول مرة اشوف القمرة المهم سلمكم الله رجعنا دربنا بكفراتنا المبنشرة للمحطة وسبقنا و و برقعنا الطير لاكن تصدقون اني للحين و يوم اقابل خوي اسالة و اسالنفسي شلون فك الباب حقييوم نزلت و ضفيت الطيرههههههههههههههههههههههههههه

*


*


*


*


((سالفه للصقار صياد ليبيا))


وحبيت ان اشارك بصورتين الحقيقة الاولى لاحسن صقر فرخ شافته عينى وطبعا اتكلم عا الفعل الطيريااخى من يوم جانا بوعه وحركاته طير حذر ونشيط ودايما فاردطوله حتى وهو مبرقع طير من مراكز طيورواخذ الحبارى من غير درجة وهذى صورته لابس ثوب صقر وسرعته سرعة فرخ شاهين






وهذى صورة لمقناص عام 2003 م لقينا الحبارى شى لا يوصف وفيهاالرحلة ثلاث صقارةانتقلوا الي رحمة الله من عز الرفاق وهم حامدالمريمى وعلى ادرينة وصالح بوالطيعةالله يرحمهم ويجعل مثواهم الجنة امين يا ربالعالمينوهذى بس حصيلة يوم واحد قبل العصرعزلنا8 طيور حبارى حيةوكانت هذه الصورة

*

*


*


*


((سالفه للصقار عوق الخريش))


بشارك طال عمرك بصورة عادية بس لها سالفة مستحيل أنساها فى حياتي هههههههذا طالعمرك مرة نقنص ولاحصلنا صيد واللحم خلص علينا وقرب المعشاءقلنا ياولد خلنا بسنروح لديرة الفلانية نشتري لنا ذبيحة المهم اتفقنا على الراي وحنا نتلة موجهين لديرة وحنا برض حروة لظبي وألأرنبوالحباري مدرين الايوم صاح الصياح من موتر ثاني قال واحد من الربع الظبي الظبي قدامي فى الشعيب رابض يوم اشتغلالرمي هههههه المهم روحنا لخوينا وبيض الله وجيههم هذيالعنود مسدوحة على النور وهذي من بعض المواقف لنافى المقناص وحبت اشارك فى هذة الصورة المتواضعة تحياتي لك...وعذرني على القصور.....وشكراّّ***



*


*


*


*


((صوره طير طيب من الصقار ابوفارس5350))


السلام عليكم ورحمة الله وبركاته هذا الطير احبه ومن الغلا والطيب الطيور الي مرت علي يلحق الي تشوف عينه مشاءالله عليه ويوفق راعيه





*


*


*


*


((وهذي سالفتي مع الطير اللي طرحته))

وهذي هي صوره الطير فرخ حمر كاشف 16 ونصفي 16 ونص واللي شايل الطير سعد الجهني الثاني ولد العم محمدالحربي





وفي يوم 28/11/1429هـتم الأفراج عني من لا تحسبونه سجن تراها دورة عسكريةههههههه



بعد 35 يوم خرجت من هذاك المكان وأنا كني سجين لي 20 سنه ذابحني الشوق يم هلي وربعي وطيري ردام طبعا مانسيته كان في الساحل مع خوي هاشم الحرازي قنصبه شهر ما قصر وأكيد كان خروجي مع نهاية هجرة الطيور ودخولي هالمكان المبروك 24/10/1429هـ في عزها وكان خروجي يوم الأربعاء وفي يوم الخميس رحت عند خويي هاشم تقهويت عنده وقلت له أبسري قال على وين قلت الساحل عسى الله يرزقنا قال الله يرزق بس حنا في إقفاية المقناص قلت الله كريم ومشيت أنا وخويي أبوعرادة وكان في جبال صلى حر يحاولونه أسبوع ما طرحوه وما دريت عنه إلين طرحته وفي صباح يوم الجمعه قنصت بهاك الديرة إلى الساعة 11 ورجعت يم العزبة وكان عندنا حمام وكانت العزبه بالقرب من صلى إسمها جبال العد وكنا الحمام مطيرنه كالعاده لجذب الطيور وكنت جالس أسولف أنا وخوياني وكان ردام في وسط المجلس لحظات والا هو يتهايق من على وكره يبصر يم الحمام شوي ويطيح من على وكره ويلتفت أبوعراده ويشوف ظل الطير من جنبنا والطير كان يهد على الحمام كان مار من فوق العزبه ومن الله كنت مجهز الزريق ولا فكيته ويروح خويي ويحذف للطير سمانه مشبكه بدون ثقاله وهذا أكبر غلط نحذفله وسط الجبال بدون ثقاله وهذي من الربكه ولكن الله لا كتب رزق للعبد يجيه و يحول عليها الطير ويضفها ويرتفع ويعلف منها والطير بدا يحوم وحنا نجهزالزريق ونثقله ونحذف ولا حياة لمن تنادي وهي لحظات والطير يطش العلفه وهي عالقه فيه طشها من لسعة النايلون وحول من ورى الجبل في الوادي وجيت في حروته ومعاد أدري وينهي أرضه وأفرع عن ردام لعله يطلعه وكان يقف ردام ومعاد تحرك وأنظر يم شوفه ولاالطير بين الحصى شفته من بعيد وردام ما هوب بشايف العلفه مدروقه بين الحصى وأقربله بالموتر وكان يلبد الطير أنشهد إن ذكي وأنزله وردام ما هو بطالبه وأترجى في طيري الله يرحم أبوك هد وكان أرميه في الهوى من القهر وقلت في بالي ياتجيبه يا تروح عني وكان يطير الحر وشافه ردام والعلفه منه مطوحه وكان يحول عليه ويعلقه وأجي وأضف الطير تذكرت كلام الفيتو عن ضفت الطير شعور لايوصف إيه والله ما أقدر أعبر عن ذيك اللحظه وتجمعوا القنوص من مجيرمه والشعيبه وأول الحاضرين رجال معروف بالساحل شاف الطير وقال مثلوث ومشي وعلم القنوص بالجهاز إن الطي رمثلوث وكانو عيال هاشم الحرازي موجودين وقتها وقالوا إن الطير تام ما فيه شك وجانا إبن العود بنفسه وقال إن الطيرتام وكل القنوص تماموه وحددنا في اليوم الثاني المزاد وشرها أبو ظفر القحطاني وراح الطير عند معزبه الله يباركلهم فيه واللي عذرب فيه الله يسامحه وأقول :



أناليا شفت أحمر الريش*** ينطرب بالي على شوفه طرب



صافي ظهر بلا رش ونقاريش*** نادر ما به عذاريب مثل الذهب




*
*
*
في وداعة الله
__DEFINE_LIKE_SHARE__
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
مغاليـــــــــس ويوسف الخليفه وجميع الصقاقير اعضاء ومشرفين حياكم الله..... ذراع الذيب محروم.كوم منتدى أخبار المواقع والمنتديات العربية والأجنبية 0 06-08-2010 10:50 PM
حر صايد 18*17 للبيع******************ذراع الذيب محروم.كوم منتدى أخبار المواقع والمنتديات العربية والأجنبية 0 12-23-2009 03:40 AM
اروع القصص واجمل الصور والذكريات ذكروها لي اعضاء مكشات********ذراع الذيب محروم.كوم منتدى أخبار المواقع والمنتديات العربية والأجنبية 0 12-06-2009 02:20 AM
عوق الكراوين للبيع****************ذراع الذيب محروم.كوم منتدى أخبار المواقع والمنتديات العربية والأجنبية 0 09-29-2009 11:40 PM
إلى ذراع الذيب .. مع التحية محروم.كوم منتدى أخبار المواقع والمنتديات العربية والأجنبية 0 09-17-2009 01:10 PM


الساعة الآن 01:22 PM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML