الثقافة الجنسية كحصة دراسية في المدارس !!

,,SwaN}~ · 06-06-2008, 12:55 AM

صح الله لسانك يا اخويه النعيمي

انا يايه مشتطه وكنت بكتب نفس رمستك

بالفعل هذي فطرة فطر عليها الانسان

ما في داعي نشوه ونخرب في قيمنا اكثر عن جيه

ما يحتاي.. الشباب والبنات يعرفون احينه اكثر عن الام والاب في هالامور

للاسف يعني لانه كل شي متوفر ومباح وموجود جدام عيونهم

هالفكره دخيله وما لها اي تبرير بس الغرب يبون ينشرون الفتن بالغصب اكثر مما هي منتشره

بذكر لكم مثال يؤكد هالشي

اكيد كلنا نعرف فلم شريك مال والت ديزني صح؟؟

وكلنا شفنا الجزء الثالث من هالفلم

طبعا كان شي واضح انه كان في تركيز على الجنس الثالث الله يعز السامعين

من خلال شخصية من الشخصيات

ووصلنا الفلم في الدول العربيه بدون استثناء في السينمات وانعرض على اساس انه فلم للاطفال

بينما في بلادهم هناك في الغرب كانوا دارجين الفلم ضمن فئة عمرية محددة ومانعينه عن الاطفال!!

برايكم ليش يعني؟؟

هم بعد الانفتاح عندهم واصل حده ولا حدود للمباح

لكن يوم يتعلق الموضوع بتربية الاطفال وفكرهم يكونون حريصين على هالشي

وطبعا ما عندهم مانع اذا بينضرون عيال العرب لانه هذا عز الطلب عندهم

فليش نتبنا افكارهم من غير دراسه ومن غير ما نرجع لاصولنا وعاداتنا وتقاليدنا واحكام دينا؟؟

الامور هاي اللي تبون تسوونها حصه دراسيه اللي ما تنطرى اصلن

اذا كان ولابد.. اذا الشباب والبنات المقبلين عالزواج يحتاجون لبعض النصايح العامه

ممكن مثلا يكون في محاضرات دينية او توعوية من وزارة الصحه ولا وزارة الاوقاف

يتناولونها من ناحية دينية ومن ناحية علمية وصحية بس طبعا في حدود معقولة ومعينة

وتكون فقط للي مقبلين عالزواج يعني للي خلاص خطب او ملج مب لعيال المدارس

والله هذي بتكون اكبر اهانه للعرب لو وزارة التربية تجرات وفرضت مثل هالمناهج في مدارسنا

والله عيب.. واذا الله لا قال صار هالشي وتعمم لازم يكون في ردة فعل عمليه وعنيفة والكل يعارض

لانه هذا مستقبل اجيال يايه مب لعبه يعني

مب ناقصين بلاوي اكثر من اللي نشوفه كل يوم

طبعا ارفض بشده وتم التصويت __DEFINE_LIKE_SHARE__

مشاهدة نتائج الإستطلاع: هل انت ؟؟
مؤيد	26	28.26%
معارض	66	71.74%
المصوتون: 92. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
"\|وين اخيك ياعريجين :رآح يصيد بالبرآن سوالييف الليل[هع] كحشة عرآآجين ياتحلق ياماتلحق	محروم.كوم	منتدى أخبار المواقع والمنتديات العربية والأجنبية	0	01-19-2010 10:50 PM
ارجو المساعدة فى تجميع كيسة	محروم.كوم	منتدى أخبار المواقع والمنتديات العربية والأجنبية	0	06-19-2009 05:20 AM
طلب منحة دراسية	محروم.كوم	منتدى أخبار المواقع والمنتديات العربية والأجنبية	0	06-07-2009 10:10 AM
هل يمكن تشغيل باور سبلاي مباشرة من الكهرباء دون وجوده في كيسة؟	محروم.كوم	منتدى أخبار المواقع والمنتديات العربية والأجنبية	0	05-13-2009 08:40 AM
>> ما هي أجمل مرحله دراسية مريت بها ؟!	داعمة دورية	الطلاب والتعليم والجامعات	63	04-19-2008 10:30 PM