¤-¦ حط ابيات الـقـصيـد واهديهــا ¦-¤ - الصفحة 301

{,.בرايّـر.,» · 03-08-2009, 05:31 PM

اي بالله اخطوا و الخطا اللي جابهم عين الصواب
مبطي وانا اشوف الطمع يكشف رداهم و استره

ما يملي عيون الحسود بهالزمن غير التراب
ومن لا يتوب من الخطا تحرم عليه المعذره

اللي من اولها خراب اكيد تاليها خراب
و البندق اللي ما تثوّر في هدفها تذعره

ودك اليامن جاتك الغلطه من الناس القراب
الصاحب اللي ما كسبت محبته .. ما تخسره

مشكلتي اني ماعرفت احسب لصدتهم حساب
قلطتهم صدري على ذكرى قصيد و حنجره

صوتٍ يصول بمنبره و اخطاب ما بعده خطاب
والطيبه اللي زعزعت صوت الخطيب و منبره

ما فيه دمعٍ صوبوه احبابي بوجهي و خاب
ولا زرق حزني على غالي ولا فج انحره

كل الزهاب اللي معي ذكرى من اصحاب الزهاب
واللي بقى لي من عذاب اشرس طريقي و اخطره

لأني تجنبت الغرق .. عديت من فوق السحاب
لأن اكثر اصحابي ورق .. ماشفت للطيب اثمره

والله ما حطيت بين الحقد و الخوه حجاب
حتى غدوا ربعي يحدّوني على الضيق أشكره

البارحه ثارت علي رقاب و آوتني رقاب
البارحه يا ثقل دم البارح ويا محقره

اهب يا وجه الحسد وشلون جمعهم وغاب
كيف السنين اللي عطتني .. بعثرتهم بعثره

أثر المصايب ما تجيك إلا من الناس القراب
وبهالزمن حتى الخوي اللي تثق فيه إحذره

لا بارك الله في رفيقٍ تزعله كلمة عتاب
ولا جمّع الله الرجال اللي تفرّقهم مرَه

عوّدت نفسي كل ما شددت لليمّه ركاب
ما اصد وجهي عن طريق إلا ليا جبت اخبره

الصاحب اللي مايجي من صحبته غير العذاب
نذرٍ علي إن ماهجرني ولا انا اللي با اهجره

من يفتح لفرقاي باب افك له عشرين باب
و اذا خويي ما يقدّر خوتي ما اقدّره

أن روّحوا فأنا بري منهم ليوم الحساب
وان جرّحوا قولوا لهم ماحركوا في اشعره

شفهم لهم حول السنه ولا خذوا مني جواب
احسن دوا للي يحاول يستفزك .. تحقره

انا جمعت اوراقهم بكتاب و اغلقت الكتاب
يا وقت لم اللي تلمه وانثر اللي تنثره

ماكنت احاتيهم صغيّر .. عاد احاتيهم شباب
اما ذخرني صاحبي لليوم الاسود مذخره

عقب اكتئاب البارحه ماعاد انا حمل اكتئاب
الطيب جرجرني وانا ماني بناقص جرجره

اللي يخاف من الظما يترك لنا طرد السراب
واللي ماهو بقد الظلام و وحشته لا يسهره

انا تجرعت الظما لين احترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعالمٍ ما تستحق المغفره

انا اكثر انسان تعلم من كثر ما اخطا وصاب
انا آخر لسان يتكلم في زمان الثرثره

انا القصيد اللي نزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر .. حيلي و هدّته الصعاب
دمعي هدر .. ضحكي ندر .. عمري و ضيّعت اكثره

شّيبت بعقول العرب .. هيبت روسٍ ما تهاب
جمهرت ناسٍ عمرهم ما يعرفون الجمهره

ما صرت ذيب إلا لأن اللي حوليني ذياب
ما كنت اغيب إلا لأن العفو عند المقدره

ترى حلاتك لا حملت لصاحبك كلمة عتاب
ان ما نطقت بها بوجهه ما تذمه بظهره

في هالزمن ما يملي عيون الحسود إلا التراب
ولا الحظيظ .. الطلقه اللي ما تصيبه تذعره

ودك اليامن جاتك الغلطه من الناس القراب
الصاحب اللي ما كسبت محبته .. ماتخسره __DEFINE_LIKE_SHARE__

مستر حبوب · 03-10-2009, 10:32 PM

كل ماقلت بهونها وتهون
عانق الدمع رمشي وانتثر! __DEFINE_LIKE_SHARE__

qayed · 03-11-2009, 04:52 AM

حافظ على أهل القلوب الوفيه..

مو كل يوم(ن) تلاقي واحد يحبك..! __DEFINE_LIKE_SHARE__

مستر حبوب · 03-13-2009, 11:43 PM

ولا أدري لوين أوصل كأني بدنيتي مجهول..

لناس و نااس ._.. __DEFINE_LIKE_SHARE__

Єcтαтσôят_αŁ_qαŁв∂ · 03-16-2009, 01:47 AM

في شرعي حب ڪل آلبشر سنه ۉ حبڪ فرض .. آحبه بخيره ۉ شره __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ابيات بالطير هنا فقط	محروم.كوم	منتدى أخبار المواقع والمنتديات العربية والأجنبية	0	06-22-2010 01:30 PM
ابيات من الواقع	محروم.كوم	منتدى أخبار المواقع والمنتديات العربية والأجنبية	0	06-14-2010 09:10 AM
ابيات اعجبتني	محروم.كوم	منتدى أخبار المواقع والمنتديات العربية والأجنبية	0	12-15-2009 12:20 PM
ابيات شعر	اسير العذاب	الشعر المنقول	9	02-21-2009 01:20 AM
ابيات شعر	alshamsi	شعر و خواطر	2	01-13-2008 10:27 PM