°؛ღ شكيت من الهوى ღ؛°

♥ روحي تحبك♥ · #1 12-31-2007, 01:19 AM

السلام عليكم ،،شحالكم يالطيبين

حبيت اليوم انقل الكم قصه عيبتني "وهاي ترى اول مره اشارك وياكم في قسم القصص" يعني هالله هالله بردودكم الحلوه اللي تشرح الصدر وتفرح
واليوم انا بس بحط جزء واحد عشان أعرف رايكم اذا عيبتكم بكملها واذا لا خلاص بوقفها...

"وأحب أهدي دور خليفه اللي هو واحد من أبطال القصه الي العضو "عامري خريش" " ههههههه حسيت انه يشبه قلت بنربش عامري شوي بالقصه

الجزء الاول

°؛ღ ان شكيت من الهوى قالوا فضيحه .. وان سكت استنقظوا جرحي عليه ღ؛°

خليفه : تعال حمود شوف هالايميل .. تعرف منو راعيه ؟؟!!!
محمد : اشوف !! .. لا والله ما اعرفه .. بس شكله ايميل بنت ..
خليفه : ظنك ايميل وحده ..
محمد : انت شو خسران سولها ادد .. وبعدين بنشوف ..
خليفه : انزين .. ( وسوالها خليفه ادد )
محمد : هاااااااه دخلت .. !!!
خليفه : لحظه .. تدري النك نيم مالها قوي .. ( ان ذكرتك اليوم .. حثي في وجهي تراب .. ) ظنك ليش حاطه هالنك نيم ..
محمد : انت شو عليك من النك نيم مالها .. ترى رزه الفيس من طبايع ..... وانت اتعرف التكمله ..
خليفه : كيفيه انا ملقوف انت شولك خص ..
وشوي ان راعيت الايميل داخله .. وخليفه ما صدق عمره على طول كلمها ..
خليفه : مرحبا ملاين ولا يكفن ..
......: مرحبا
خليفه : شحالج ..
......: بخير الحمد الله .. شحالج انت ..
خليفه : حمود .. الحق تتحراني وحده ..
محمد : انزين قولها انها مغلطه .. وسولها دليت و بلوك ..
خليفه : مينون انا مثلك .. اريد ايب راسها .. با ستهبل عليها ..
ويرد خليفه على الب توب ماله ..
خليفه : بخير الحمد الله ..
......: يالسباله .. انتي وين .. من متى وانا استناج اتسويلي ادد عندج .. شو مذله هيه .. وسويتلج انا ادد .. والله تدرين كنت خايفه اكون مغلطه .. واطيح بواحد .. بس ربج ستر ..
خليفه : اسمحيلي .. نسيت الايميل مالج ..
.....: ما علينا الحين .. انت ليش فاتحه هالايميل .. اللي يشوفه يقول مال ولد مش بنت .. مع انه ايميلج الجديم .. حلو ..
خليفه : وله لا عت جبدي من هذاك الايميل .. كل شوي ان حد داخل علي وانا ما عرف منو هذه .. قلت اغيره عشان اذا دخل علي ريال على هالايميل يتحراني ريال و ما يتحرش فيه ..
ومحمد يشوف اللي خليفه يكتبه ..
محمد: والله انك عجيب .. عرفت كيف اتمشي معاها في السالفه .. لا وهي مصدقه .. الله يعينها عليك ..
......: انزين اخبارج انت .. واخبار الكليه معاج ..
خليفه : والله يسرج الحال ..
......: انزين .. ما كلمتي .. شيخوه .. من زمان اعديبها .. والله الها وحشه هالدبه ..
وخليفه ومحمد يقرون ويضحكون على رمستها ..
محمد: شكلها لسانها طويل ومب هينه ..
خليفه: ما عليك باروضها ..
خليفه وهو يرد على كلامها ..
خليفه : لا والله ما كلمتها .. هذي مقاطعه الكل .. شكلها رافعه خشمها علينا ...
........: هيه والله من دخلت جامعه زايد وهي ما اتكلم حد ..
ولف خليفه على محمد ..
خليفه : طالعوا طلعت البنت اللي راعيت الايميل تتكلم عنها .. تدرس في جامعه زايد ..
محمد : انزين شو يعني .. انا اختي في جامعه زايد ( وملامح العزه والكرامه على ويهه )
خليف : على شو هالنفخه اللي انت فيه .. يوم انت نسبتك كانت 75%
محمد : انزين من زين نسبتك انت عاده .. يوم انت يايب 65% .. لا ترمس .. انا احسن عنك ..
ونسى خليفه البنت على المسنجر .. ويلس يتواقع مع محمد ..
.....: شكلج مشغوله .. خلاص انا باطلع .. وان شاء الله بنتلاقا .. بس هاه لا تغدين مثل هذيج العنز اللي ما تسال ..
خليفه : حمود انجب خلني ارمس البنت ..
خليفه: لا الغاليه انا مش مشغوله .. بس كنت اكلم وحده .. وخلصت منها ..
وراعيت الايميل ما ردت .. وخليفه يتحرقص يباها ترد ..
خليفه : حوووووووووووووووووووو ... انقوووووووووووح ..
...... : اش عندج .. وبعدين شو انقوح بقره شايفتنيه ..
خليفه : لا عنز ..
.....: والله وطلعلج السان يا مريوم ..
خليفه : حمود طلعت مريوم وانا ما ادري ..

محمد : مبروك عليك الاسم .. ( وهو يضحك عليه )
خليفه : ( نظره الاحتقار على ويهه حق محمد ) ... تاج راسج مريوم .. شو نسيتي انا منو ؟؟
.....: لا ما نسيت .. الا مريوم .. منوتتحرين عمرج .. العنود ..
خليفه : منو العنود ..؟!! (بسلوب الاستهزاء ) .. لا تصدقين عمرج وااااااايد ..
....: والله انا مش امصدقه عمري على الفاضي .. والكل يشهد .. واولهم الجواز ..
خليفه : ( وهو متشقق ) حمود طلع اسمها العنود ..
محمد : وانت شو دراك ..
خليفه : تعال اقرى وشوف ..
محمد وهو يقرى اللي مكتوب : طالعوا صدقك والله ... نطقتها اسمها وهي ما تدري ..
خليف : ولا يهمك .. با يبلك رقم الجواز لو تبى بعد
محمد : لا ادريبك انك تقدر .. امطيح نص بنات ابوظبي .. محد قدك شو عليك ..
خليفه : ههههههههههههه .. وليش اتقولها جي .. وبحسره ..
محمد : لا ماشي عادي .. انا وحده ومب راضيه تعطيني ويه ..
خليفه : خلاص يا حمود .. انسى .. واللي ما يباك لا تباه .. واللي خلقها خلق عشره غيرها .. انت اشر وبتلاقيهن تحت ريولك ..
محمد : والله يا خالوف .. اني احبها .. بس ما ادري احس انها في يوم .. بتي اتقولي ( احبك )
والبنت ناقعه على المسنجر .. وخليفه قاعد يواسي في محمد ..
.......: ( امطرشه ويه امعصب ) وانتي بعدين معاج .. كل ساعه منقعتني .. قولي فولي منو اتكلمين هاااااه !!!!
خليفه : ما اكلم حد بس قاعده افكر فيج ..
.....: يا ويلي انا .. من متى ؟؟ ..
خليفه : من اول ما كلمتج ..
.....: بسج عن الخراطه .. ويله انا باطلع .. تامريني بشي ..
خليفه : لا فديتج .. الله يحفظج .. باي
.....: باي
ويسكر خليفه الاب توب .. ومحمد بعد .. ويقومون .. بيروحون بيت محمد ..

في بيت محمد ..
محمد : هووووووود .. هوووووووود ..
بو محمد : هدى هدى .. اقرب ..
محمد وخليفه : السلام عليكم ..
وكان في ميلس الريايل .. بو محمد .. وعم محمد ... وخوانه الصغار .. راشد وسيف .. ووايهوا اللي في الميلس .. ويلسوا ..
محمد :اقول خليفه .. انا بادخل اتسبح وبرجع ..
خليفه : ( وهو يتفلسف ) تيك يور تايم ..
بو محمد : محمد .. ترى حرمه عمك وبنات عمك داخل .. لا تنسى تنحنح .. قبل ما تدخل ..
محمد : ( وهو طاير من الفرح بيشوف بنت عمه اللي من اجازه الصيف ما شافها من بعد ما انتقل عمه دبي.. وفي نفس الوقت .. مرتفع ضغطه على رمسه ابوه ) .. ان شاء الله .. ادري اني صرت ريال ..

وهو في الممر .. يقول في خاطره .. ياله فديتها .. والله اني متوله عليها .. بس متى ترحمني .. وتنطق ..

محمد : احم احم .. هوووووووود
وبسرعه البنات لبسن شيلهن ..
ام محمد : وايه فديتك .. تعال .. محد غريب .. الا بنات عمك ( خلود .. البجر .. ورفعه.. اخر العنقود .. وبنهم .. سلطان .. )وعمتك .. وخواتك
محمد : السلام عليكم ..
وقفن البنات وردن السلام .. وعليكم السلام ..
محمد : شحالكن .. ربكن بخير ..
خلود : بخير الحمد الله شحالك انت
ومحمد متشقق .. ويقول في خاطره .. يالله فديت هالصوت .. : بخير الله يسلمج
ندى : شحالك حمود ..
ام خلود : واااااااابويه .. ندوي ما تستحين .. ريال بلحيته .. تقوليله حمود ( وهي تنحزها )
محمد : لا عادي عمتيه .. خاليها على راحتها .. ندى هذي .. مش أي حد ..
وندى متشققه من الوناسه ..
مزنه ووضحى ( خوات محمد .. مزنه اصغر من محمد بسنتين .. ووضحى اصغر من مزنه بثلاث سنين .. واللي وايد قريبه من محمد هي مزنه .. ) : القوم .. هيه عادي بس نحنا يوم انقولك حمود .. تغسل شراعنا ..
محمد : جب انتن مالكن خص .. انا وبنت عميه ونتفاهم ..
وخلود ساكته .. ما علقت على أي شي ..
ومحمد خطر عليه يموت من القهر .. والسبب برود خلود .. يباها تعلق على أي شي.. بس هي من النوع الهادي ..

متى تفهم التلميح وتبادل المجروح .... مشاعر خفوقٍ ما شعر يوم بالراحه
يجي لين حدك والحيا يمنعه ويروح .... حزينٍ يخفي جاير الشوق واجراحه
ويصبر عسى شمس الهنا في سماه ولوح .... طيور الفرح تملي لياليه سواحه
تمادى بك الغفله وهو مشفيٍ مشفوح .... تنام بهنا ويساهر الليل واشباحه
ويلعب به الهاجوس لعب البحر باللوح .... ولو حاول النسيان ذكراك تجتاحه
ويرسم عنا دنياه في دمعه المسفوح .... ولوعه جفاك تبان في كثره اواجه
ويجحد عن العال خبر شوقه المذبوح .... دروب الدموع اللي على الخد فضاحه
ويعيش بلظى نارين نار الصبر والبوح .... وطيفك يوقف له بغدوه ومرواحه

ظنكم شو بيصير بين خليفه وراعيت الايميل .. بتعطيه ويه او لا ..

ومحمد وخلود .. شو ظنكم يصير .. خلود بتنطق وله .. بتم ساكته ..
وشو .. سالفه ندى .. !!!!!!!!!!!!!

*********
وسلامتكم .. اذا عجبكم هذا الجزء برد اكمل باقي القصه .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ღღ ياقلب لاتحزن ღღ راشد الماجد ღღ	خـوار تلي	نغمــات للهــواتف	18	08-22-2011 10:03 PM
ღღღ الدفعة الثانية من عدسات باربي خلي عيونج مثل الدمية بسعر منافسღღღ	محروم.كوم	منتدى أخبار المواقع والمنتديات العربية والأجنبية	0	06-01-2010 03:20 PM
ஹღˆ¨°ღ♥ღّأكواب القهوة والشاي و الشوكلاه الساخنه احجزي اكوابج الآن ღˆ¨°ღ♥ღஹ	محروم.كوم	منتدى أخبار المواقع والمنتديات العربية والأجنبية	0	04-10-2010 09:30 PM
ღ ღ ღ تأهبوا ليومٍ تترادف فيه العَبَرات، ღ ღ ღ	محروم.كوم	منتدى أخبار المواقع والمنتديات العربية والأجنبية	0	02-28-2010 09:40 AM
[ برنامج ] : ღღღ تخلص من إزعاج الذباب و الحشرات مع هذا البرنامج ღღღ برنامج مضاد للذباب ღღღ	محروم.كوم	منتدى أخبار المواقع والمنتديات العربية والأجنبية	0	05-09-2009 09:00 PM