××(( خيانه عمرهـــآآآ سبع سنوآآآتـــ))×× - الصفحة 9

♥دمعه الشوقـ♥ · #1 06-03-2008, 09:06 AM

[align=center]السلام عليكم ورحمه الله وبركــــــــــــآآآته

ادري العنوآآآن وآآآيد مخيف بس هاي السالفه فعلا حقيقيه وهي لوحده

قلتلها رآآيي وعيت ومعنده بس ابي اعرف هل انا شرت عليها بالصح او

ضريتها بنصيحتي ويعلم الله مابي لها الا الخير

المهم هالبنت مثلها مثل اي بنت تقدم لها واحد بس لما ملجت كانت

تبكي وتحس بضيقه ماتدري من شووو هالضيقه قالت لي تحسبين اني فرحانه

والله يادمعه فرحه الملجه موحاسه فيها مادري شو فيني واهلها قالوا

لها ماعليه يابنتي باجر تحبينه وتعاشرينه ويصير كل شي اوكي

المهم صار العرس وكل شي المهم بعدها كانت تحس انه بالمره فيه شي

مضايقها ويابت له يهال يمكن يتعدل الحال والحمدلله ويحبهم ويحب مرته

انما مادري كيف هالحب من صوب هالريال المهم هي عليها 3 اولاد والحين

المشكله انها في يوم من الايام اكتشفت مصييييييبه شي حطمها وحطم

نفسيتها لانه كان يتصرف بطريقه غريبه يعني حست انه خاش عنها شي

وقررت الا ماتكتشف هالشي بعد عمر داااام سبع سنوات اكتشفت انه مدمن

مخدرات الله يكافينا الشر قالت لي تحطمت وخلاص اسودت الدنيا بويهيي

وكرهته كره ولاحتى اطيق اطالع بويهه سيييييييده رحت عند اهلي وطلبت

الطلاق لكنه مارضي لانه مايبي على عياله وعايشين معلقين الاثنين هي

عند اهلهاوهو عايش بالسم الهاري هذا

قلت لها يابنت الحلال انتي ربي عطاج نصيب بهالدنيا ولازم ترضين فيه

مو تهربين منه اصلا لو هربتي وطلبتي الطلاق مامنه فايده اتذكري ان لج

منه عيال لازم يتربون ويا ام وابو حراام تعلقينهم وحتى لو هربتي

عيالج راح يذكرونج بويه ريلج لو هربتي الحين عيالج راح يسألونج

باجر لا اكبروا يمه وين ابوي يمه شو شغله بالدنيا يمه علميني كل شي

عن ابوي سكتت وحرقت قلبي بسكوتها قالت لي بس انا ماقدر يادمعه صعب

هالشي قلتلها انها لازم توقف معاه في محنته وتحاول تساعده يطلع من

هالشي وتذكره بعياله لو فعلا يحبهم راح يبطل من هالزفت اللي عايش

عليه سبحان الله الحرمه احيانا تنجبر انها تقدم تنازلات غصب عنها

ابي اعرف شو ممكن يكون رده فعلكم مثلا لو كنتوا بمثل جذي وضع لاسمح

الله وانا رايي اللي قلته كان نابع من تخيلي باني مكان هالبنيه

ولاتحرمونا من رايكم وتعليقكم عالموضووع

تحياتي لكم دمعه الشــوق[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نكات خيانه	ήoOήY	المسنجر وملحقاته , توبيكات , ماسنجر بلس , msn	23	03-11-2009 12:59 PM
،،،، هجر و خيانه ،،،،	mahyous	شعر و خواطر	2	02-14-2009 12:44 PM
خيانه حبيبتي!!	قـلب دبـي	الشعر المنقول	4	09-18-2008 06:11 PM
شعر خيانه صديق	vip1010	شعر و خواطر	9	09-03-2008 02:26 PM
خيانه	جُ ـنونْ	الحوار والنقاش - الرأي والرأي الآخر	11	05-10-2008 12:40 PM