المرجله حزم..وعزم..وفعايل

دبر عمرك · #1 06-02-2008, 10:11 PM

[align=center]فكـرت بالدنيـا وبرّقـت بالحـال

وقلّبتهـا مابيـن عـدلٍ ومـايـل

جلست أفكـر وأتفكـر بالاحـوال

أجمـع وأفـرّق دقهّـا والجلايـل

في ساعةٍ مافيه من حولـي أزوال

إلا أنـا والنـار تشعـل شعـايـل

مركي على جال الجمر خمسة إدلال

يقدح سناها مثـل بـرق المخايـل

وأخذت لي منهن على الكيف فنجال

يجلي همومٍ وسط فكـري تشايـل

في صحصح ٍ مافيه حاسد وعـذّال

أهل القلـوب المبغضـات الغلايـل

في صحصح ٍ يطرد على بيده أللال

قفرٍ خـلا مافيـه غيـر الهمايـل

أخذت أراجع ماعرفته مـن أمثـال

ماضي العلـوم موثّقـات الدلايـل

لقيت في دنيـاي مايزعـج البـال

ممّا يريب النفس شفـت الهوايـل

سنّدت برقا نايف الرجـم والجـال

وزلت قدم رجلي برجـف وتهايـل

وطيتها شعبـان وحـزوم وجبـال

وسرّيتها مسري وصبـح وقوايـل

خاويت أنا رجال من الناس ورجال

ومال الرّخم ماكر على رأس طايـل

شفت الحصاني تعتلي روس الاقذال

والذيب يمشـي يتقّـي بالمسايـل

والبوم له ماكر على رأس ما طـال

والحر ينزل بيـن قشـع وخمايـل

صارت على الأجواد هـمٍ وغربـال

فيها تسـاوت بالفضيلـة رذايـل

ضاعت مفاهيمٍِ عريضات وطـوال

فيها أختلف درب السنع والوسايـل

دنيا غريبة ماعرفنا لهـا أشكـال

منها لبيب العقـل شـاف العلايـل

دنيا تقلّب بيـن الاقفـاي وأقبـال

ضاعت بها الحسبة بكل المسايـل

كلّ غـدى للحـق ناقـض وفتّـال

من يوم صارت هرج قيل ٍ وقايـل

حتى الكرم شبّه مع الناس بخبـال

والحق عند النـاس عدلـه تمايـل

منها نشف حالي غدى كنه اخـلال

هذي عظامي تحت ثوبـي نحايـل

ماكل من يلبس له اعقـال رجـال

ولا كل عسّافٍ يعسّـف الاصايـل

المرجلة ما هـي سواليّـف دجّـال

المرجلـة جـزمٍ وعـزم وفعايـل

والشور مايؤخذ من عقـول جهّـال

والحـق مايقبـل عليـه البدايـل

أصد وجهي عن بعض شوف الانذال

وأقبل على راعي الوفا والجمايـل

ماعاد لي رغبة ولا عنـدي اّمـال

ولأني من اللي للردى هـد عايـل

لي رغبة وحده سجـود بالاصـال

اخّط لي مسجـد وأصلـي نفايـل [/align] __DEFINE_LIKE_SHARE__

ساحر القلوب · 06-03-2008, 04:26 AM

اخّط لي مسجـد وأصلـي نفايـل

هيه هيه صح السانك الشاعر

والرب لاهانك ع القصيده __DEFINE_LIKE_SHARE__

دبر عمرك · 06-03-2008, 05:46 PM

[align=center]هلا بك ياساحر القلوب

صـح بدنك

ولاتهون..اشكرك على مرورك الطيب

آخـوك:

الخـآلــدي[/align] __DEFINE_LIKE_SHARE__

At3abne _ glah · 06-03-2008, 09:01 PM

تسلم أخوي عالقصيدة ...

ربي لاهان مغليك ..~~
ونرقب الزوود من صوبك دوومــي ..}

أختك .. عذابوهـ ... __DEFINE_LIKE_SHARE__

نسايم العناب · 06-05-2008, 08:31 PM

.

×

.

[mark=FF9900]-------- [ [/mark]

يآ مرحبآ بالطرح وأهلهـ ..

ثآنكس ع الإختيآر الموفق

و صح الله لسآن الشآعر

و تسلم الأيآدي ع الطرح

لآ خلآ ولآ عدم

[mark=FF9900]]--------------------[/mark]

.

×

.

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المرجله ميحد حمد	βō 7šĕēŋ	نغمــات للهــواتف	17	12-24-2009 11:56 PM
عروض على عسل السدر الجبلي الوصابي وعسل الطلح وعسل الشوكة (يوجد تحليل كيميائي ) وصور	محروم.كوم	منتدى أخبار المواقع والمنتديات العربية والأجنبية	0	11-22-2009 09:10 PM
عسل سدر جبلي وعسل سدر فاخر وعسل طلح وشوكةمضمون100 %( تحليل كيميائي)	محروم.كوم	منتدى أخبار المواقع والمنتديات العربية والأجنبية	0	10-16-2009 10:30 AM
عسل سدر جبلي وعسل سدر فاخر وعسل طلح وشوكةمضمون100 %( تحليل كيميائي)	محروم.كوم	منتدى أخبار المواقع والمنتديات العربية والأجنبية	0	10-16-2009 10:20 AM
الهرب نص المرجله	محروم.كوم	منتدى أخبار المواقع والمنتديات العربية والأجنبية	0	06-07-2009 05:22 PM