ثلاث قواعد لحياة زوجية ولا أروع....

*أسير الشوق* · #1 11-26-2009, 06:58 PM

السلام عليكم ....

ما بطول عليكم بس هذا ما جادت به قريحتي ومن اطلاعي الجدا محدود..خخ

القاعدة الأولى: ابتسم على كل أحوالك...

أحلى شي يوم تستقبل الزوجة زوجها بابتسامه أو العكس..حتى لو ما كان الطرف الثاني مبتسم راح يبتسم بس من يشوف خليله مبتسم..مهما تكون المشاكل مهما تكون الظروف مفعول البسمة على المشاكل نفس مفعول البندول على الألم..ما يلغيه بس يخفف منه..(صدق اني بليغ خخ)..ومهما يكون تراك مب خسران شي بالعكس يوم تجبر نفس على الابتسام راح تكتمل بروحها طبيعي وراح تحس براحة (أهم شي الراحة النفسية)

القاعدة الثانية: خلك أقرب ما تكون من خلك...

فكر فيها من الناس اللي تقترب منهم أكثر شي..أبوك ..أمك ...أخوانك..وزوجك أو زوجتك..الاقتراب من شخص العادة تربطك به روابط قوية..ومجرد الاقتراب واللمس تولد أحاسيس مب طبيعية..عن نفسي مثلا أحلى شعور عندي يوم يحط أبوي يده على كتفي..والزوج يوم يلمس زوجته تننتقل أحاسيس المودة والحب عن طريق هاللمسة وأتوقع مفعولها على الزوجة أكبر من مفعولها على الزوج..فالزوجة مثلا بتحس بالأمان..الود..الحب..(وأتوقع الثقة بعد).

القاعدة الثالثة: أدهن لسانك كل صبح بملعقة عسل

طبعا معروف تأثير الكلام واللسان..في ناس ماتت بسبة هاللسان ..في حروب قامت بسبة هاللسان..وفي نفس الوقت في أساطير من الحب كان بطلها اللسان..الكلمة الحلوة له تأثير مب طبيعي على العلاقة الزوجية..وخاصة المرأة ..أعتقد الكلمة الطيبة تغني المرأة عن أشياء كثيرة (شباب لا تفرحوا ..ما أتوقع تغنيها عن الفلوس..خخ)..فكل طرف لازم يحرص على الكلام (اللي ينقط عسل) شوف شو أحلى ما فيها وأجلس تغزل فيه ..إذا انت مب شاعر احفظ شعر..وانت راد من الدوام رتب لها جملة غزل..طرش لها مسج غرام..(إحنا نبدل زيت السيارة من فترة للثانية..وبدون التزيت تروس المكينة تجف وتخترب..الكلام الحلو هو زيت العلاقة الزوجية اللي بدونه العلاقة تجف)...

أتمنى القواعد اللي سردتها كانت مفيدة....تحياتي لكم ..أسير الشوق __DEFINE_LIKE_SHARE__

porshcia · 11-26-2009, 10:15 PM

بسم الله الرحمن الرحيم

السلام عليكم ورحمة الله وبركاته

أحلى شي يوم تستقبل الزوجة زوجها بابتسامه أو العكس

الابتسامه صدقه فابتسم في وجه الجميع..

الابتسامه تصفي القلوب وتنشر الود والحب والاحترام..

لاتحرموني من ابتسامتكم...

أحلى شعور عندي يوم يحط أبوي يده على كتفي

فديت رووح اهلي هي والله شعور لايوصف ولا يقدر بثمن..!!

فلا تحرم كل شخص محتاج لهذا الشي..

..إذا انت مب شاعر احفظ شعر

اذا انت اتحب الشخص بتحس الكلمات الحلوة روحها تطلع..

خخخخ

تقبل طلتي

والسموحة جان طوولت عليكم..!! __DEFINE_LIKE_SHARE__

*أسير الشوق* · 11-26-2009, 10:24 PM

راعية البورش..أشكر لك مرورك...أنا بديت بالبسمة لأنها بداية كل شي وكل شي يتبعها..الحياة فن..والانسان متى ما كان إيجابي بشوف الحياة من منظار زهري....ومتى ما كان سلبي راح يشوف الحياة من منظار أسود..

تحياتي لك.. __DEFINE_LIKE_SHARE__

яôǾô7-έłĢsёёđ · 11-27-2009, 08:28 PM

وعليكم السلآم

صدقفت اخوي في كل كلمه قلتهىآ بس وين حقوق الزوج لازم يبارد بنفس الشي مب كله ع الحرمه .
ولا راحت الحرمه وطي ..

الحرمه مثل النىآر .. لو زيدت الحطب زودت حبهآ وشوقهآ وعطفهآ وعطاهآ ودفآئهآ
بس لو قليت الحطب .. نطفت ع شوي شوي كل حاجه حلوه فيهآآ __DEFINE_LIKE_SHARE__

*أسير الشوق* · 11-29-2009, 12:57 AM

هلا بك اختي...المرأة ..المسألة برمتها أخذ وعطى..والحب والود بالطبع لازم يكون شي تبادلي..والأنانية ما لها مكان في العلاقة الزوجية...تحياتي لك __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لحياة زوجية سعيدة	محروم.كوم	منتدى أخبار المواقع والمنتديات العربية والأجنبية	0	06-30-2010 07:00 PM
الحــــــــــوار طريقك لحياة زوجية سعيـــــــــدهـ	الحياة الزوجية+18	عالم الحياة الزوجية +18	0	03-16-2010 12:57 PM
كلام رائع لحياة أروع...!!!	محروم.كوم	منتدى أخبار المواقع والمنتديات العربية والأجنبية	0	06-22-2009 03:40 AM
لحياة زوجية سعيدة	matadoor	الإستراحه العامة	7	04-07-2008 01:46 AM