كلمات ألبوم عبدالمجيد اليديد 2008

غاااليه · #1 06-01-2008, 03:47 PM

ودي اكون
كلمات : العاليه
الحان : سهم
توزيع : توما

ودّي أكــون أي شخص ثاني أي شـخـص عـابــر والتقـاك
وبأســـالـك وش منـك جـاني وبالمقــــابـل شــاللـي جــاك
إنت مـاتـــذكــر حــنــــــاني كــيـف كنت أشـــري رضـاك
كـنـت أشــوف العـمر فـــاني واللـــي يـبـقـــالـي هـــــواك

كـنـت أحـسـب الله عـطـــاني مـادريـت إنّــه عـطــــــــــاك
الله بــشــــرّك بـــــــــــلاني وانـت بالخـــيـر إبــتــــــلاك
كـنـت عـايـش بـالأمـــــاني كـنـت أعـدّيـــلـك خــطــــاك
لـي مـتـى بامسـك لســاني واكـــتـم الـعـبـره مـعـــــاك

كـنـت أعـانـد بــك زمــاني واتحـــــــــــدّاه بـوفـــــــــاك
إنت رحــت وهــو بــكــاني قـــال انـا بـــوقــف مـعـــاك
إكـتـشــفت إنـّك أنـــــــاني وانــّـي اكبـر من خـطــــــاك
حـظـّـــك اللـــي ما قـواني جابـــك ورد وخــــــــــــذاك

مليون خاطر

كلمات : فيصل بن خالد بن سلطان
الحان : محمد بودله
توزيع : عمر عبدالعزيز

بـس قـول أبغـى وانـا اقـول حاضـر
إنـت الـوحـيـد الـلـي كـلامـك أوامـر
خاطـرك عنّدي تـرى مومثـل غيرك
خاطـرك يسوى ترى ملـيون خاطـر

الـــقــوي الله وحـبـّـي لـك قــــــوي
شـوف إيش أعمل إذا تطلبني شـي
يـنـشـغــل بـالــــي وادوّر لـك عـليه
وعـيني ماتغـمّض ولاحتـّى شــوي

تهـمّـني طبعـاً حــبـيـبــي تهــــمّـني
إنت بـس اللـي بـعـمــري هـــزّنـي
إنت مـن حـقـّـك إذا تــامـــر عـلــــي
وانـا مـن حـقــّـي أبـيــك تـحـبّـنــي

مرتاح

كلمات : سعود بابطين
الحان : سهم
توزيع : خالد عزة
مـرتــاح والاّ يـتـصنّع قـلـبـك الراحه
شـايـل فخـاطـرك والا الـبال متهـنّـي
مجــروح والا شـفا قلبك من جراحه
زعــلان للحــيـن والا راضـيٍ عـنّـي

شخبار قـلـبـك عسى مافارق افراحه
ادري جرحـتـك وشلت بخاطرك منّي
خسران بعدك وقلبي ضاعت ارباحه
غـلطـان ادري وابي منّـك تسامحني

جـيتك من الشـوق والاشـواق ذبّاحه
اسـأل عيـونك عسـى للحـين تذكرني
راضـي بجرحـك وانا ماتصنّع الراحه
تكفى عشاني ابي ترجع وتسمعـني
تدري عيوني بـغـيابك ماهي مرتاحه
تبكي على فراق طيفك وانت ذابحني
ياللي ذبحني غـلا شكرا على رماحه
الـلــي طـعـنــي بـهـا مايـوم ريـحـنّي

ياما حاولت
كلمات : العاليه
الحان : سهم
توزيع : توما

يـامـا حـاولـت الـفراق وما قويت
كـنـت ابـي أنـسـاه لـكـن مانـسـيـت
ماعـصـانـي قـلـبـي بـعـمـره ولـكن
إلأكـيــد إنـّي أنا الـلي ما اشـتهـيـت
إبـتـديـنـا بـلـيـلـه مـن لـيـل الـبعــاد
والهـوى والشّوق في القـلبين عاد
قـلـتـلـه ماغـيـّرك بـعــدي حــبيبـي
قــــــال حـبــّـك ماتـغـــــيــّر إلاّ زاد
صـرنا نسترجع هـوانا والـلي فـات
وابـتـدت ترجـع لـبـسـمتـنا الحـيـاه
قـلـتـلـه وشــلـون فــرّطنـا بهــوانا
قال لي إنسى تـرى الـلي فـات مات
مـرطـعـم الـبـعـد واحـساس الغياب
الـدّقـيـقـه طـول شـهـر مـن العذاب
طـالـبـك مابـي نـكــرّرهـا حـبـيـبـي
لـيـه نـفـتـح لـلـحـزن والـهــم بـاب

تالي تقديرك

كلمات : عبدالله بو دله
الحان : سهم
توزيع : حسن الشافي

هـــذا تــالـي تــقــديــــــرك
تـجـرحـنــي بـتـقـصـــيـرك
لــيـت الـجــــرح مـومــنّـك
لـيـت الـجــرح مــن غـيرك

من غـيـرك يـكـون أهـــون
يــمـكــن يـــــوم ويـهـــوّن
لـكـــن مـانــي مـتـخـيــــّـل
إنــّـك بـالـظـــهـر تطـعــــن

حـبـّيـتــك وذي غـلــــطـــه
حسافة حبـّي واحـسـاســي
وعــمــري مـاتـخــيّـلـتـــك
تكون أقسى من الـقـاســي

يحلمون

كلمات : علي الفضلي
الحان : سهم
توزيع : حسن الشافي

يحـلمون ويحــلمون اللي فيك يفكــرون
ياخذونك إنت منـّي والله لـو يتجــنّنون
ياخذوا بقلبك مكـاني أو ينسّـونك حـناني
قلّـهم هذي أمـاني والاّ هم مايقـدرون

لو يغـيرونك عـليّه أو تجـاملهـم شـويّه
خللي بالك إنت ليّه غيرك إنت يـدوّرون
ما أحـد يقدر يحبّك والاّ ياخذ منّي حبّك
لو يشوفوا شوي قلبك فيـه إسـمي يلمحون

يكتبونك يرسـمونـك والاّ هـم يتخيلونك
لاحشـا ما يلمسونـك فيك لالا يـحاولون
لو يمدوا لك إيديهـم ضحكتك راحت عليهم
وحتى لو إنت تبيهـم إنت معـهم تحـلمون
سلامتك

كلمات : تركي
الحان : طارق محمد
توزيع : عصام الشريطي

ســـــلامـتـك حـبـّيـت
تـوّي سـمعـت بهالخـبـر ماكـنت تسـتاهـل
قــبـــلـك أنـا عـانـيـت
قـبـلك عـلي الـهــم بـسـم الفـرح متحـايـل

كل شي تركت وجيت
مـاردّنـي الــردّاد عـنــّك جـيـت بالعـاجـــل
بـلـحـق علـيك أبطيت
كـان الـهـوى سـبـّاق وانـت كنت متساهـل

ماتـنـفـعــــك يـالـيـت
قدها وزت والـفاس شـقّ الـرّاس يالجاهل
لـوشـلـت لـوحـطـّيـت
ماعاد أمرك لك وشـاللـي يعــدل الـمــايــل

معقوله

كلمات : فيصل البراك
الحان : سهم
توزيع : سيروس

مـعـقــولـه كـلـمـه
تـغــيـّر حـالـي معــاك تـشــكـك بـي وبـغــلاك
وإنـت الـــرّوح فــي قــلـــــبــي ووريـــــــده
تـقــول إنـسـى خـلاص والـكـل منـّـا له طـريـق
مـعـقــولـه هذي النّهـايه
مـاعــادك انـت مـعــــايـا
ماني حــبـيـبـك حـبـيـبي
أوهــذا انـا مـن الـبــدايه

هـذا جـزا الـلي يصـونـك
وان خـان نـفـسه يخونك
بـسـألـكْ حـاول تـجــاوب
وانـت عـيـونـي بعـيـونك

أموت بحبك

كلمات : فيصل بن خالد بن سلطان
الحان : وليد شامي
توزيع : عصام الشريطي
قـرّرت امـوت بحـبـّـك وامشي معـاك فـدربك
إنـتـا يا سـاكـن قـلـبي إسمحلي اعيش بقلبك
قـربـك تــرا يحــيينــي وصـوتك أنـا يهـدّينـي
وبُعــدك تـرا يبـكـّينـي لاتغــيـب عنـّي وربـّـك
بنسى معاك هـمـومـي واسهـر واخلّي نومـي
واعيش وقتي ويومي كـــلـّه وانــا بـجـنـبـّـك
مثـلـك أنـا مـاالاقـــــي يصعـب علـيـك فراقـي
صــادق أنـا بشـواقــي ولوتكذب أعشق كذبك

جيت

كلمات : تركي
الحان : سهم
توزيع : خالد عزة

جـيت مع قلبي يـبي قلبك بشي
بـيـنهـم مـيعـاد ماهــانـوا علي
صــد عـنـّهم خـلّهم
لاتــراقـب نبـضـهم
الزّعـل بيني وبينك والاّهـم وش ذنبهم
جـــيـّتـي إيـّـاك تحـسـبهـا علي
غصب عنّي جـيتلك ماهو بيدي
لاتـفسّـرها خضوع
خطّه منّي للرّجوع
الزّعـل بيني وبينك والاّهـم وش ذنبهم
هـم حبايب والخصوم إنت وانا
لـيـه نجـــعـلهـم ضـحـيـه بـيننا
لـيـه نحرمهم سلام
لـيـه نظـلمهم حرام
الزّعـل بيني وبينك والاّهـم وش ذنبهم

لازاد

كلمات : العاليه
الحان : سهم
توزيع : عصام الشريطي

لازاد فــيـنـي الــحـــــزن
أكــتـــم دمـوعــــي واون
واقــول ابــــد مـا أبـيـــك
واذكــرهـــوانــا واحــــن
ويــن انـت عــنــّي أنــــا
وكـّــلــتــنــــي لـلـعــنــــا
ماكـــنـّي اللــي هــويــت
ولـكــنـّـنـا نـفـــســــــنـــا
عـيـّشـــتـنـــي بالـوهــــم
قـتـلــتـنــــي بـالألــــــــم
عــوّدتــنـي عـالـدّمــــوع
عـرّفـتـنــي عـالـــنــــــدم
قـلـبــي مـعـك رجـّـعــــــه
كـلامــك بـيـســـمـــعــــــه
قـــلـّه يشـــــوف الحـيــاة
وانّ انـت مــاتـنـفـــــعـــه

الف مره

كلمات : تركي
الحان : طارق محمد
توزيع : خالد عزة

ألـف مـرّه قـلـتـلـك
بعــيـونـي لامـن قـلـت بـسـري عــي إمنعني
تــرا ودّي أقـضـّي الـعـمـر ياعـمـري معــاك
ألـف مـرّه قـلـتـلـك
لاقلت مقدر قصدي مقدرأحيا لولحـظه بـلاك

ألـف مـرّه خـنتني
طاوعتني خاب ظـن الشّـوق بك صـابه قهـر
ألـف مـره أرجــــع الــــدّرب إلـلـــي جـيـتـه
والمسافه ضعف بين الخطوه والخطوه سفر

لي متـى والوقت ضايع بين أمس وبين باكر
لي متـى واحنا مثل مااحنا من اوّل يوم فاكر
لاخـلـص كـل الكـلام إللـي مانخـجـل نقــولـه
مابــقـى إلاّ الـــــلـــي مـابـيـن الســّـــــطــور

حدك هنا

كلمات : اسير الشوق
الحان : سهم
توزيع : عصام الشريطي
حـــدّك هـنـا
لاتـقـربي مـنّي أنا الله خـلـقـنـي حــــــر
مهما ظـروفي تمر ومهـما لقيت صـدود
أبقى أنا الموعـود مابين يأسي والمنـى
حـــدّك هـنـا
يامشغـله نفسك معي هدّي
ردّي خطـاك وارجعي ردّي
إللي إنكسر ماينجبر ومافي داعي ننتظر
حنا خسـرنا حبّنا والمنتصر هو جرحنا
حـــدّك هـنـا
دمعتك ماغـيـّرت فـي القـلـب شي
وشمعتك مازوّدت في الضّي ضي
ياأجمل أحبابي خلاص
قـفّـلت انا بابي خلاص
خــلـي حـبـيـبـك للعـنـا
حـــدّك هـنـا
الخاين الكذاب

كلمات : تركي
الحان : طارق محمد
توزيع : عصام الشريطي

أبـي يـوصـــل خــبـر عــنــّـي
لـحــــدّه قـصـــد مـتـعــنــــّــي
نســيـت وجـرح قـلـبـي طــاب
وأصــبـح لــي ســواه أحـبـاب
ويـوم انهــم طــرولـي إســمـه
ضــحـكـــت وقــلــت مـن منهو
هـــذاك الخـــايــن الــكــــــذّاب

حــــمــدت الله هـــــلالـو غـاب

أبــي يـدري انـّي صرت اقــوى
وعــلى نـفـســي قـدرت اقــوى
تـعـــــدّيـتــه ســــطـر فـكـتــاب
هـــذاك الخـــايــن الــكــــــذّاب

طــردتــه خـــارج ضــــلـوعـي
حـــشــــا ماهــلــّـت دمـــوعـي
ولاحــــرّك بـــي الأهـــــــــداب
هـــذاك الخـــايــن الــكــــــذّاب

ماظنتي
كلمات :واحد
الحان : ياسر بو علي
توزيع : خالد عزة
الله كـتب لــي في الماضــي وداعـك
كن ضياعي إنكـتب لي من ضـياعك
ضـيـّعــتـنـي حـســبــي الله عـلـيـــك
وتقـول إنّ الـوفـا هـو من طـبـاعـك
ماظنتي
مـاضـنّـتـي هالعـمـر بنعيشه سـوى
مانـلـتـقـي ولاعـاد يجـمعنا الهــوى
كـنـت اظنـّك إنت لـجـروحـــــي دوا
ماظنتي
دامـك انت الـلــي بعــذابـي إبتـديـت
وانا بجـروحـي وفـي هـمّي رضيت
ومثل ماتقوى على الـفـرقـا قــويت
ماظنتي

حظ عينك

كلمات :خالد بن يزيد
الحان : صالح الشهري
توزيع : سيروس

يـاحــظ عـيـنـك تـنـام الـلـيـل مـرتـاحــــه
ماكـنـّهـا الـلي خـذت ممسـاي من عـينـي
ماكـنـّهـا الـلي خـذت من قـلـبـي الـرّاحــه
من يـوم شـفـتـك نـوت بالحيـل تشـقـينـي

عـلـّقـت الآمــال في نظـرات مـزّاحـــــــه
طــويـلــة الـرمـش تـبـعـدنــي وتــدنينـي
مــــرٍّ تـسـلـهـم ومـــرٍّ حـيـــل ذبـّاحــــــه
مــــرٍّ تـواعـــد ومــرّاتٍ تـجـــافــيـنـــــي

وشــلـون تسـلـب شـجيّ النّفس وافراحه
وتـعــلـّقـه بالأمـــل حـيـنٍ ورا حـيـنـــــي
عـذري الـمـودّه ومن نظــرات لـمّـاحـــه
شفت اسود الرّمش رغم الخوف يغريني __DEFINE_LIKE_SHARE__

• ™ мαяỉαмч «| · 06-01-2008, 06:41 PM

مشكوووورهـ أختي ع كلمآت الألبوم

وربي يعطيج العآفيهـ

ونترقب يديدج ^^

__DEFINE_LIKE_SHARE__

ღشمـوس دبـيღ · 06-01-2008, 06:49 PM

يـ،ـامرحبـ،ـاا تـ،ـرحيبـ،ـة الـ،ـ،ـبدو للعيـ،ــد تـ،ـباشـ،ـرو بـ،ـه حيـ،ـن شـ،ـافو هـ،ـلالـ،ـهـ،ـ
يامرحـ،ـباا مـ،ـليون وانـ،ـ زاد لابـ،ـ،ـاس والـ،ـزود لاهـ،ـل الـ،ـزود يسـ،ـتاهلونه
يامرحـ،ـبا عـ،ـد ماهلـ،ـ،ـت مـ،ـ،ـ،ــزون ..
واعـ،ـداد طـ،ـير فـ،ـي السمـ،ـا حـ،ـلق وحـ،ـام

رووعه الالبوووم كلماته طرررررر

تسلم يمناج ختيه ع الطرح

ربيه يعطيييج الف عاافيهـ،ـ

لاعدمنااااااااااااااج

__DEFINE_LIKE_SHARE__

الـروح دايـم · 06-02-2008, 12:17 AM

يسلمو علي الكلمات الغاويه

الله يعطيج العافيه __DEFINE_LIKE_SHARE__

qayed · 06-02-2008, 11:11 AM

يسلمو على الطرح الاكثر من رايع __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كلمات ألبوم - محمد حماقي - ناويها - 2008	• ™ мαяỉαмч «\|	كلمات الاغاني	10	08-23-2008 10:44 PM
كلمات اغاني البوم عبدالمجيد عبدالله 2008	м!sS Gα\|αҳcy	المواضيع المكرره	3	08-08-2008 11:44 PM
أموت بحبك ,. من ألبوم عبدالمجيد عبدالله 2008	qayed	كلمات الاغاني	21	07-07-2008 03:27 AM
كلمات ألبوم عبدالمجيد عبدالله 2008 " مليون خاطر"	غلا البحرين	المواضيع المكرره	9	06-01-2008 02:19 AM
§¤°~®~°¤§ كلمات ألبوم ميامي 2008 §¤°~®~°¤§	Dxbya Prestige	كلمات الاغاني	31	02-07-2008 07:05 PM