هذا اهداء لكل واحد يفكر يرمي امه في دار العجزة

~~راعي الفراري الاحمر~~ · #1 06-01-2008, 01:54 AM

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال والبيت أعلاه يبكي حتى القلب القاسي

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا
(حسبي الله ونعم الوكيــــــــــــــل)
الله يكون فعونها آميــــــــــــــــن __DEFINE_LIKE_SHARE__

ولهانة · 06-01-2008, 10:52 AM

تسلم ااخوي ع القصيدة وربي اثرت فيني

دوووووووووووووووووووووم ممتميز في طرح مواضيعك يالغالي

كلمات غاية في الابداع مؤثرة وايد

ما عندي اي كلام اقوله القصيدة تتكلم عن نفسها

ما اقول الا حسبي الله ونعم الوكيل __DEFINE_LIKE_SHARE__

♥دمعه الشوقـ♥ · 06-02-2008, 06:14 AM

الله على قلوووب امهاتنا الله والله دين مانقدر نوفيه لو شو ماسوينا

والقصيده روعه ومؤثره

يـا ليتنـي خدامـة بيـن اياديـك .. من شان اشوفك كل يوم برضايـا

سبحان الله تدوس على المها وتشوف ابنها وبنتها اسعد الناس

تسلم خيوو وعل وعسى هالقصيده توعي المقصر وتزيد البار بر بامه __DEFINE_LIKE_SHARE__

همس الحراآير · 06-02-2008, 02:43 PM

[align=center]تسلم أخوي على القصيدة ...

الله يعينها...
القصيدة كفت وفت مالنا رمسة زود...[/align] __DEFINE_LIKE_SHARE__

حرف القصيد · 06-04-2008, 03:17 PM

الله يكون بعونهااااااااااااااااااااا وانا استغرب من اللي يحط امه وابوه في دار المسنين شو يستفيد هل نسى ما كن يفعلوف في صغره الا جزاء الاحسان الا الاحسان ..... الله يكون بعون الجميع ومشكور اخوي . __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شاب يرمي المصحف في وجه والده	عنودي	قصص و روايات	3	09-05-2012 09:03 PM
سيل الخياله وادي تربة الخميس 1\|5\|1431 اهداء للمغتربين من ابناء المنطقة في بريطانيا	محروم.كوم	منتدى أخبار المواقع والمنتديات العربية والأجنبية	0	04-15-2010 10:30 PM
يرمي ثوب الفلاح	محروم.كوم	منتدى أخبار المواقع والمنتديات العربية والأجنبية	0	03-02-2010 05:40 PM
" صورة واحد يفكر يشتري دبي ..!!!!!!!!! " وصور معبرة غيرها ^_^ .. حيااااااااااكم ..	BiN_RaSHiD	عدسة الاعضاء , كاميرا الاعضاء	70	11-18-2009 05:02 PM
اهداء مني لكل وحدهـ ترمس واحد من ورى أهلها ..	خفوق الامارات	الشعر المنقول	5	08-09-2009 05:42 PM