شو الي صــآير في مدآرسنــآ

~~راعي الفراري الاحمر~~ · #1 06-01-2008, 01:38 AM

بسم اللهـ الرحمن الرحيم ..

اخواني واخواتي ..

اظن الموضووع الي بكتبهـ مــآراح تسكتوون عنهـ ..

كلنــآ عرفنــآ عن المدرسين و المدرســآت الاجــآنب الي يــآيبيينهم عشــآن يدرسونــآ ..

و التصرفــآت الي يتصرفوون بهــآ في مدارسنــآ ..

واللهـ وقـــآمت تستوي وايد اشيــآ في دولتنــآ ..

وهالاجــآنب وايد مــآخذين راحتهم ترا ..

اوكي يبوون يتموون هني في بلادنــآ حيــآهم بس مب انهم يسيؤوون لنــآ و لــدينــآ ..

نحن اهل الامــآرات مــآنرضى باللي يصر ..

و بعدين هذيل الاجــآنب الي يــآيبينهم عشــآن يعلموونـآ !!

شو بيعلموونــــآ اصلا !! بيعملوونــآ هالاشيــآ الي الواحد يستحي يسويهــآ وينطق بهــآ ؟؟

اللهـ يستر من اليــآي ..

واللهـ حرآم اتضيعوون مستقبلنــآ بهالاجــآنب ..

كنــآ مرتــآحين ويــآ المعلمــآت المواطنــآت ..

ويــآ وزير التربيهـ والتعليم بأيدك بتضيع مستقبلنــآ .. وبس عشــآن اونه اونه اونه اتطور اللغه الانجليزيهـ ..

اظن لغتنــآ الرسميهـ هي اللغه العربيهـ .. صح ولا لاء ؟؟

ودينــآ هو الاسلام ..

بذمتكم الحين نحن فالمدرسهـ عندنــآ حصص الانجليزي اكثر عن التربيه الاسلاميهـ ..

شوفوو والفرق حصتين في الاسبووع ندرس تربيهـ اسلاميهـ !!

و اسبوع 4 حصص انجليزي و اسبووع 5 حصص ..

شو هالمصخرهـ ؟؟

شو الي صــآر في امة محمد !!!!!

يـــــــــآ نـــــــــآس يـــــــــــآعــــــــــآلم نشوو ..

ترا على فكرهـ هــآي الدول الاجنبيهـ يــآلسهـ تستعمرنــآ بطرق غير مبــآشرهـ ..

الحين كل شي صــآر لهم !! ونحن سكــآن الامــآرآت .. عيــآل زايد وين رحنــآ ليش ســآكتين ..

و اصلا هذيل خلووهم يطوروون من عمــآرهم وبعدين يطوروونــآ ..

ابوي زايد - اللهـ يرحمهـ - مــآقصر بشي .. و طور الامــآرات بأيدهـ و بمســآعدهـ شعبهـ ..

والحين بعد ما اتطورت الامــآرآت و استوت احسن عن وايد دول والحمد اللهـ .. هذيل الاجــآنب يوو و بيتفلسفوون علينـــــــــآ !!!!!

بعد مــآ سبو رسوولنــآ و اســآؤو لنــآ وبعد يقوولوون يطوروونـــــآ !!

و وزاره التربيه والتعليم تبدا بالتربيهـ واحط تحت التربيه مليوون الف خط ..

يــآعـــــــــــــــــــــــــآلم ترضوون الاجــآنب يربوونكم ؟؟ ترضووووووووووون ؟؟

رسوولنــآ عليهـ الصلاه والسلام عربي و انســآن عظيييم بخلقهـ و هالشي معرووف ..

ليش يبوون يغيروون كل شي ؟؟ تبوونــآ يعني انكوون اجــآنب ؟؟ تبوونــآ نتخلى عن دينــــــــــآ ؟؟؟

مستحيــــــــــــــــــــــــــــــــــــــــ ـــــ ـــــــــــــــل ..

واتريــآ آرائكم ..

الاختلاف في الرأي لا يفسد للود قضيهـ ..

والسمووحهـ عالاطــآلهـ .. __DEFINE_LIKE_SHARE__

ضــيّ · 06-01-2008, 12:09 PM

السلام عليكم
حبيت أعلق على الموضوع و اتمنى تتقبلين ردي بصدر رحب
ع الأقل انتو تدرسون 4 حصص انجليزي
نحن ف الخاص ندرس 7 أو 8 حصص ف الأسبوع
و 4 حصص دين
لكن بصراحه ... ف هالزمن اللي ما يعرف انجليزي "ولا شي" السموحه يعني
كل شي اليوم يحتاج اللغه الانجليزيه
يعني حتى في شيشه البترول-الجمعيه-الدكان-الصالون-المحلات-الخدم-المدرسين نرمسهم انجليزي
هذا الواقع ليش محتجين؟
دام الوزاره تحاول ترفع من مستوى التعليم ف الدوله
المفروض انتو يا المواطنين اللي توقفون وياهم
إذا محتجين على حصص الدين طالبوا انهم يزيدونهن و بس
و صدقوني بدون اللغات ما بتتطور الدوله
يعني إذا ياكم شخص أجنبي وما عرفتو تتفاهمون وياه
بيقول انه العرب تفكيرهم سطحي
و جهله و مب متعلمين ولا يعرفون ثقافات الشعوب
هذا رايي و أتمنى محد يزعل
و عن موضوع "سبهم"للرسول صلى الله عليه و سلم
ترا مب كل الأجانب سبوه لا تجمعين ختيه
لازم نكون واقعيين و نحارب اللي ضد الاسلام
لكن العلم فريضه على كل مسلم و مسلمه
و في شي كلنا نعرفه انه لازم نعرف لغه أعداءنا عشان نسلم من شرهم
هذا هو الواقع ....
تقبلي مروري
إختلاف الرأي لا يفسد للود قضيه و السموحه ع الإطاله __DEFINE_LIKE_SHARE__

شيطونة الـ ع ـين · 06-01-2008, 07:15 PM

بس بعض الاجانب يخربون الاخلاق ... وياما شفنا وسمعنا ... واحد ياينج المدرسه سكران والثاني الله يستر وووو ..

بنتعلم على حساب نخرب اخلاقنا ودينا ... والله نشوف بعض الشباب والبنات لا عطس واحد رد عليه بالانجليزي .. حتى صعب عليه ينطق هالكلمه يرحمك الله... ..

صحيح حلو الواحد يجدد لغاته بس مب على حساب دينا ...

وانا ويا الاخت .. الي منزله الموضوع .. __DEFINE_LIKE_SHARE__

secret code xxx · 06-02-2008, 03:31 PM

مممممم

بالنسبه لي اننااااا اشوووف انه صراااحه الللغه الانجليزيه استوووت واايد مهمه الحين وكل الناااس يستخدمووونها في التواصل مع الجنسيات الثانيه و حتى في السفر ماتعرفوون ترمسونهم الا بالنجليزي و هالشي مب بس في المدارس بتستفيدون منها بعد في الاماكن العامه و البلاد الثانيه و بالنسبه للمدرسين فأظن انه اذا الوزارة عرفت مابتسكت لانها مش مقصرة ويانا

ومشكووورة عالمرووور و تقبلي المرووور __DEFINE_LIKE_SHARE__

النعيمي · 06-02-2008, 05:16 PM

السلام عليكم ورحمة الله وبركاتة

بالنسبة لي ، وعلاجا لهذه المشاكل ...
فالبداية احب اوضّح ان الكثير من المؤهلات المواطنة"المدرسيين والمدرسات " مازالت بحاجة الى ( التأهيل التربوي ) من حيث تدريس الطلاب والطالبات ..
يعني الحينه غير عن لول ، صارت الأنظمة غير ، والطلبة والطالبات غير ، ونحن بحاجة ماسة الى مهارات فالتدريس
هب بس ادخل وعق الرمسة وعطهم اوراق ويالله ( احفظوا الدرس )
مافيها شي لو ندمج الأجانب مع المواطنين في دورات تنظمها وزارة التربية والتعليم بحيث يكون هناك تبادل فالخبرات
ومنها نسوي ملتقى للمدرسين الجدد ( الأجانب) شرات الملتقيات الجامعية ..
يعني في ها الملتقيات تشرح لهم انظمة الدولة والعادات والتقاليد ، وتكون هناك جلسات نقاش او ورش عمل عن هذه الأمور التربوية ... وهذا المفروض تسوية الوزارة وترفعه لـ وزير التربية والتعليم الموقر ...

لاتنسون الحينه اللغات مهمه لنا فالدولة والواحد لازم يقوي عمره في مهارات التحدث والإتصال ...
انت وغيرك باجر بتخرج من الثانوية وراك كليه وجامعات وكلها بحاجة الى لغات حتى التخصصات الاعلامية والتاريخ صارت لغات
وخصة اللغه الإنجليزية ..
شي منهم يسيرون برع البلاد دورات من 6-12 شهر لتعلم اللغة الإنجليزية والتقوية فيها ..
نحن شو نبا نسفر عيالنا برع يختربون ونحن انروم انييب لهم كفاءات فالدولة ونغطي اكبر شريحة تستفيد وتفيد مستقبلا وتتعلم اساسيات اللغة الإنجليزية ( بدال ماتنسى اللي درستة ) ....

ع العموم احيانا اكون واقف في صف جلب الأساتذة الأجانب بسبب حاجتنا لهم وحاجة لخبراتهم ولكن بشرط احترام الدولة ودينها وعاداتها وتقاليدها السامية
الدولة ممثلة بشيوخنا الكرام "الله يحفظهم "مهتمين في امور المواطن حتى الطفل والشيبة في عدة مجالات

وبالتوفيج لكم اخواني الكرام

اخوك / غديّر النعيمي __DEFINE_LIKE_SHARE__