|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
بسم الله الرحمن الرحيم اخواني الاعزاء السلام عليكم ورحمة الله وبركاته منذ القديم وانا فيني حب للشواص وكان اول شاص اشتريته موديل 83 وهذا هو اما الان فلدي سياره عزيزه جدا جدا على قلبي وهي شاص 92 ديزل فاكه على ايدي من الوكاله ولكنه كان في وقتها ملك للشركه اللي اعمل بها وكنت انا الي استعمله باستمرار وبعد خدمة 7 او 8سنوات قررت الشركه بيعه والاستغناء عنه وكنت انا له بالمرصاد بحكم انه موتري وانا ابخص به واعرفه زين وشريته من الشركه عام2000 واول شي سويته له ركبت شراع من نوع البي في سيPVCمن مصنع القاضي للخيام وهالنوعيه تستعمل لمظلات السيارات وهي قويه جدا اتوقع الان لو تقص طرف الشراع بمقص وتبي تكمل على القص بايدك مثل شغل راعين الاقمشه ماينقص ابد واليكم بعض المواصفات و الصور التعليق اعلى كل صوره من اقاصي عمان وحتى حدود لبنان المواصفات اللون بيج ماشي 467000 أربعمائه وسبعه وستون الف كلم مركب له ونش مركب له مروحه كهرب تشتغل مع تشغيل المكيف مركب فيه تانكي ستنليس ستيل تحت الصندوق وفوق السبير مركب له فرارات من السليماني مركب له انوار اماميه ماركة هيلاHELLA مسوي له تنجيد بسوريا لكامل الغماره اسيات*سقف*وابواب والقماش نوع شموا(دلع) الارضيه ملبسه بلاستك من يومه جديد مرشوش قار (اسفلت)بخاخ من الاسفل وكل سنه ارشه مرتين تقريبا بزيت جديد الصندوق كنت مركب له تلبيسه صاج حديد مقلفن(قلفنايز) من يومه جديد (قبل يجي الفيبر او البلاستك) وفكيته خوف انه يكون مصدي بين الصاج والصندوق ولله الحمد كان كأنه جديد جنوط مقاس 15 وكفرات دنلوب مسحب سست مغير له زيت ومشيك زيوت القير والدفرشات قبل اسبوع بطاريه 90 امبير جديده ماله 10 ايام فلتر ديزل وفلتر هواء جدد العذاريب البدي مايخفى عليكم طول هالـ16 او 17 سنه لابد ويجيه شي من حكوك ودقشات باب السائق من الامام طقه وسمكرته بدون حتى افك استيكر الباب طعجتين صغار بالرفارف الاماميه صدمه خفيفه من الخلف اثرت على باب الصندوق وصلحته تصليح ممتاز طعوج صغيره بجوانب الصندوق من الخلف صرفية الزيت من يوم انه جديد وهو ينقص زيته والوكاله تقول طبيعي ومن اخذته وانا كل 5000كلم اغير زيت وفلتر المكيف فيه تهريب فريون فيه تهريب زيت مكينه من الصوفه اللي بين المكينه والقير(اذا قدم الزيت) الاستماره باقي به حتى27-8-1431 والفحص منتهي وبفحصه باقرب فرصه هاليومين ان شاء الله وبكل صراحه وصدق الموتر برمضان الماضي وبعد وقفه طويله جيت اشغله وعيا وكتبت موضوع استفسر عن المشكله هنا بمكشات وكنت خايف ان المشكله من سير التوقيت وبعد ما وديته بسطحه للورشه وفكو غطاء التايمنق قالو مابه شي كأنه جديد وقالو مانعرف للديزل وبنوديه لجارنا وبالفعل ودووه وسألت راعي الورشه قال العصر ارد لك خبر اتصلت عليه قال جب فلتر ديزل وفلتر هوا (قلت اجل الامور سهاله) وبالفعل ركب الفلاتر وبس وعقبه اشتغل ولا به الا العافيه وكان لبعض الاصدقاء تحليل طريف ان الشاص وبعد هالعشره زعل عقب ماشريت ونيت فورد قبل رمضان بكم يوم والا والله اني ماخبره خرب علي وعيا يشتغل الا مرتين اول مره وهو جديد اخذه واحد وعباه بنزين وعقب ماخلص الديزل اللي بالتانكي طفا وعيا يشتغل وكنت وقته بالبر نزلت البنزين اللي بالتانكي كله وعبيت ديزل واشتغل مابه الا العافيه والمره الثانيه هي اللي برمضان الماضي والا غيره ماعمره عيا يشتغل او طفى لحاله الا اللهم كان ضعف البطاريه وهذا شي طبيعي والان مع الصور هذه الصور كانت ضمن شعار صفحات مكشات قبل كم سنه(القديمين يذكرونه) وكانت في منطقه حول روضة هباس عام 1415هـ 94م تقريبا وبعد ماطلعناه من الطين كانت هذه الصوره من بكرا الفجر وهذه في شعيب الحستسي وهذه دلاله على احد امرين اما ان الموتر ممتاز والا ان سواقه هو الممتاز وهذي من الصور اللي عاجبتن __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ماعمره حصل لك مثل هالموقف ؟ | altoro | نكت , سوالف للشباب والبنات | 13 | 12-05-2009 07:37 PM |
من اقاصي عُمان الى حدود لبنان ماعمره وقف خربان -شاص ديزل 92 | محروم.كوم | منتدى أخبار المواقع والمنتديات العربية والأجنبية | 0 | 11-14-2009 01:50 AM |
الباجيرو خربان :( | محروم.كوم | منتدى أخبار المواقع والمنتديات العربية والأجنبية | 0 | 08-29-2009 01:20 PM |
للذكاء حدود ولكن ليس للغباء حدود | محروم.كوم | منتدى أخبار المواقع والمنتديات العربية والأجنبية | 0 | 08-01-2009 12:20 PM |
من لبنان في لبنان عن لبنان .. فإلى لبنان | محروم.كوم | منتدى أخبار المواقع والمنتديات العربية والأجنبية | 0 | 07-19-2009 02:40 PM |