السلام عليكم ورحمه الله وبركاتهبتعمد اني ماراح اذكر اسماء في الموضوع لان الغرض مش تشهير ولكن الغرض الاساسي هو نصيحه والله يوفق كل واحد من تجارنا بتجارتهقبل كمن يوم وانا اتصفح منتدانا الغالي لفت نظري موضوع معين وسلعه معينه .. قلت يابوحمدان جرب واطلب وان شاء الله اتحصل السلعه واتكون على قد الطموحه .على طول طرشت مسج على الرقم الواضح في الموضوع .. والرد كان فوري .. كان الاتفاق ان التوصيل بيكون مستعجل يعني خلال ٢٤ ساعه :075:عاد انا يوم قالو لي ٢٤ ساعه قلت هاييل بيغطون على ام بوست وارامكس .. وعادي يتصل فيني الساعه ٤ الفجر عشان يوصلي لان الوقت باين عليه مهم عندهم .. وقبل ما انسى التوصيل المستعجل رسومه دبل عن العادي !!ثاني يوم ياني مسج ان المندوب مادري شو فيه وماقدر ايي .. ! رديت بمسج انه مب مشكله واترياه اي يوم ثاني ..اليوم اللي بعده لاحس ولاخبر .. اليوم الثالث ياني الاتصال العجيب ..المندوب : الو بوحمدان :sahem1:انا : نعم معاك المندوب : في لك اغراض عندي انا: اوكي وين انته ؟المندوب : في المنطقه (.....) انا ليش ياخي انا طلبت التوصيل لمكاني اللي هو المنطقه (....) والمنطقه اللي انت فيها تبعد عن بيتنا ٥٠ كلم وانا توني ياي من الدوام وبصراحه ماقدر ايك .. انت لازم اتي للمكان اللي انا خبرتهم يوم طلبت الاغراض !المندوب: اوكي انا بتصل فيك عقب ! انا : متى اخويه ؟المندوب : انا بييك يوم اتدق في راسي !:ajeeb1:انا : كيف كيف ؟ يوم بتدق في راسك ؟المندوب : نعم !انا : الله الغني عنك وعن الاغراض اللي يايبنها .. وتسكيره في الويه .عقب شويه ياني رقم ثاني ..من نفس المندوب وبنفس الصوت بس من رقم ثاني المندوب : اخوي اسمح لنا وامسحها في ويهي .انا : ماعليه حصل خير ياخويه ،، بس مب جنك انت اللي تكلمني قبل شوي ؟ المندوب : لا ها ربيعي (( مع اني متاكد انهم نفس الشخص )) :075:انا : اوكي حصل خير شو احينه ؟المندوب : انا بييك لين عندك في مكانك .بس بروح اكثر من مكان والساعه ٤ ونص بكون عندك انا : اوكي اترياك طبعا مرت الساعه اربع وخمس واليوم كله والحبيب ماياني ولا شي ..فالليل ياني مسج يسألوني انت جي ما استلمت الطلب :075:واذا تبا طلبك تعال الى (......) طبعا ٢٠٠ كلم عن بيتي ..هاي قصتي مع الشراء من النت .. وشكلها بتكون اخر تجربه لي اخواني واخواتي التجار .. اذا انتو فعلا تبون تربحون والله يرزقكم اكسبو الناس اللي تشتري من عندكم ولا تنفرونهم منكم .. واختارو شركه توصل مميزه .. اتوصل للناس وتحترمهم وتتعامل معاهم باحترام .. فالنهايه في سؤال للجميع ابغى رايكم واتمنى يكون صريح .. شو اللي يميز البضاعه من النت ؟ هل هيه القيمه ولا الجوده ؟ ولا قله الوقت بان هالشخص نفسه يشتريها من برع ؟اخوكم اللي ما اشترا من النت بوحمدان