|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناالحوار والنقاش - الرأي والرأي الآخر مواضيع ساخنة , مواضيع نقاش , مواضيع جريئة , نقاش جاد يمنع المنقول والردود السطحية |
| LinkBack | أدوات الموضوع | انواع عرض الموضوع |
#1
| |
السلام عليكم ورحمة الله وبركاتـه
__DEFINE_LIKE_SHARE__
اتكلم فيموضوعي هذا عن المجاملات وتسعدني مداخلاتكم فيه بكل صراحــه.. إلى متى هذه المجاملات والمبالغه في المدح هالظاهره منتشره واجد في المنتديات للأسف يجيك عضو كاتب موضوع مهم وتلقى الردود اللي يستحقها الموضوع واحد ولا اثنين والباقي يسلمو،وشكراً......الخ من الردود اللي شبعنا منها.. ويجيك عضو آخر كاتب موضوع عادي وعليه من المديح لاقبل من وين يجيبون هالكلام والمجاملات ماادري؟؟؟! واحد يكتب موضوع ويتعب عليه نفس الشي مايحصل الردود اللي كان متوقعها ليه لأنه عضو عادي في المقابل يجيك مراقب ولا مدير وينقل موضوع وتعال شف المجاملات اللي ماتخلص وماشي الموضوع على اساس انه هو الكاتب واذا جاء عضو عارف ان هالموضوع منقول وعقب وفي الاخير كتب(سلمت على النقل الطيب) تجي وتشوف الرد محذوف ولا تسلم على النقل محذوف.. ليه زين؟؟؟ عشانه مراقب واذا شاللي يخليني نجامل ونكذب عليه؟؟ ولا واحد مهب شاعر بس عنده محاولات شعريه يكتب من شعره في المنتدى وانواع التحطيم من قبل المستشعرين واللي قاصين على عمارهم انهم على علم بالشعر واذا جاء واحد غيره سواء عضو قديم+مشرف+مراقب وكتب سوالف يعني انه شعر كتبوا له رد من 20 سطر كله مدح بهالبيتين اللي كتبهم عذراً((السالفتين)).. للأسف فيه ناس مايدخلون المنتدى عشان يفيدون ويستفيدون ياانهم يتصيدون لبنات خلق الله ولا يجاملون ويتملقون عشان مصلحه سواء عند مدير ولا مراقب.. آخيراً: كفايه مجاملات ونحن هنا نسعى لإنجاح المنتدى ويازين الرد لاجاك صريح وبسيط وشي حلو انك تنتقد بأسلوب راقـي يقدر يتقبله الطرف الثاني ولا اننا نستخدم المجامله اللتي تعد ضرب من ضرب النفاق.. نحن هـنـآ: نلتقي لنرتقي آخــوكم الخالــدي
●●انا ربتني الدنيا علـى جـزل العطـا والجـــــود ونفسي للوفا والطيـب وفعـل الخيـر جزّامـﮧ وأعارض منهج الهابط وأوافق للصعود صعـود وأسيّر نفسي بعقلي مـدام النفـس هدامـﮧ●● |
05-24-2008, 07:20 PM | رقم المشاركة : [ 2 ] | |
عضو ماسي | ياعين جدي أنت على هالتسكينه الطيبه أشعدني بحطها زاويه تسعين أنا معاك بكل كلمه واللي نشوفه وبكثره بكل منتدى المنافقين والمنافقات والمجاملين والمجاملات ومع الاسف مثل ماقلت وأنا بعقب وأبدي رأيي تحتها الباب الاول أنا أصلا ما أأيد فكرة المنقول البعض يجتهد ويقولك حك منقول بعدين ؟ ماني كاتب منقول بكتب ملطوش ؟ شوف طيب تبي النقل ؟ خل أحط رابط المنتدى اللي نقثلت منه ؟ <<<<< بهذي يقولولك لاء ماتحط المنتدى ليش طيب يقولك دعايه الله وكبر عليكم أنا ليوم الدين أتبع الاتي الايات تبي مستند الاحادبث تبي المصدر القصص ولا الاحاديث بعض الضعيفه أو الروايات تبي ما يتناقل عن الاثر طيب شعندي اجيبلكم سالفه واكتب منقول ؟ خالفت شرع ربي ؟ لا والله ماخالفت طيب وانا شضمني ان اللي نقلته منه مو ناقله ؟ نروح للباب الثاني برائة الاختراع ؟ شعند اخوانا العرب صواريخ نوويه ولا تركيبات فيزيائيه ؟ عشان اكتب منقول كلها سالفه ولا ثوطيين سانكست وخيط وعودين ثقاب ويصيل تلفون بدائي ؟ هذي ابسط طريقه وصلنا لها حنا ؟ اكيد لاء فهذا تشبيه بسيط بس ندخل بباب المجاملات والمنافقين والمنافقات وهذي أفا ما نقدر نقضي عليها الى أنا ننبذ المعنيين فيها بالعلن تبون نسويها ؟ أنا أبداها وربي الناس ماتستحي اللي تسوي هالشي أبي المراقب الفلاني ينتبه لمديحي له ؟ قبحك الله تدور المنصب ولا تدور التميز ؟ المراقب لونه صالح مايلتفتلك يكافيء من هو أجدر مو من هو يتمصلح بس شتسوي الحين كلنا وأنا معاكم نقرأ هالكلام نقول مو فينا الحمد لله طيب من فيه أجل ؟ هذا حالنا وعلاجها اما انا ننبذهم بالعلن وننعتهم فيه بالبرهان نقتبس رده أو أنا بصدد موضوع أن شاء الله بالعلن مو بالخفاء كل واحد عنده معلومه يدزها لي وأنا أوصل للتعقيب المقصود وجيبه بموضوع مخصص للنقد ولا أقول من منو وأذا النقد كان علانيه ياهلا ومرحبا فيه اذا القصد التعديل أما أن كان حقد وضغينه أكيد مانبليه عشان مايثير نعرات وعلى المتظرر اللجوء للاداره حنا نساعد ما ننقض بالنوايا وبنخليها بالعلن وههو قيد الدراسه ياويل اللي بيقلدني ترى أشتكي خلصنا من المنافقين والمنافقات نجي على الردود البسيطه اللي لا تغني ولا تسمن هذي طرناها ورأيي واضح فيها أما الحين للشعر أما عن الشعر فهو أتشوق وأحبه وأموت فيه ودخلت الاقسام المخصصه وكان لي حسب اعتقادي الشخصي والبسيط ملاحظات نقلتها لذوو الشأن وهم لهم الرأي الاول والاخير فيها لمن دخلت انصدمت ؟ فيه قصائد جميله وفيه محاولات جميله ويــــــــــــاكـــــثـــــــــــــــر المسروق والمستنسخ والممسوخ والمغتبس ماراح نختلف على التسميه كلها واحد ثلت خل نتدرج مع بعض هالمعنيين باللي ذكرته من مشتقات السرقه ونزلت هالموضوع من زمان وعقبها غسلت يدي من مايكتب فيه ونزلت هالموضوع >>>>>>> هــــنــــــــــــــــا http://vb.ma7room.com/t18749.html لان شفت كم كبير منها وتعال شوف عاد من يدورون زيادة عدة المشاركات وردودهم صح منطوقك صح لسانك أبيات روعه عشتها بلحظات طيبه وجميله اللللللللللللللللله كلمات حلوه ياسلام يالشاعر أبدعت يسلمو على هالاحساس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هذي ردود لهالشخبطات ؟غسر موزون ومافيه من ريحة الشعر ذره ؟ والله لا أبوي ولا أبوكم قالوها ولا أمي ولا أمكم قالوها ليش الحين البعض يقولها لمن باجر نردها بالايراني ولا الهندي شعر نبطي خلو السرقه انتو ما يمن علقتو استمتعتم بالقصيده ؟ موزونه بنظركم ؟ تعرفون تقييمها شفتو قافيتها ؟ انا اشك الغالبيه بحور الشعر ماتعرفه قمت احط ملاحظات مبهمه بس ماعمري قلت لحد سارق ؟ ماعمري جرحت احد رغم سرقاتهم وبوقهم . اتبع اول مره رد ولا سؤال ودز مسج ان استجابو وصلحو غلطتهم يا نعمت الله ما استجابو ادز اذكر الاخت الميثه المشرفه وادز روابطي واسم الشاعر تتأكد وتشيلهم والبعض اكتبلهم شكرا على النقل والبعض اقولهم القصيده لفلان الفلاني وناقص منها بيت او بيتين وكتبهم حنا ندور الذوق ندور الجزاله ندور الكلمات ندور القراءه الطيبه بالقصيد مو كل من شخبط قال انا شاعر الشعر له جمهور والشعر له محبينه والشعر له الذويقه فيه مانسمحلك تطرح شي وتحسبه علينا كشعر خشه عندك ببيتك ولا اكتبه بكشكول لا تحطه وتبي رودنا واذا انتقدنا بطريقه مهذبه زعلو ؟ انا افتخر وقولها كان لي بصمات بهالشي وياكثر ماعطيت مشاركات وتقارير مسروقه وحطيت الروابط بل بعضهم يتكابرون حتى على انفسهم وينتصرون للمحسوبين عليهم وبفضل من الله الله عانا عليهم وبينا الحجه بالحجه وهم من انتصرو اكبر مغتبسين وردينا الاع لهم بثنين بس مو بحقك بل بطيب ورفع شأن وكسبنا أجرنا من ربنا بس مايمنع نعود ونغط عن الساحه ونعري المسروقات من يخطيء ولا يأخذ شي مو له يتحمل والحمد لله فيه عدة مشاركات حطيت استفسارات عليهم ؟ وهلهم ماردو وعرفو الرساله وانا واثق فهمو القصد ومتنعو عن الشعر ؟ ليش لانهم محترفين نسخ ومسخ وغتباس وسرقه بس حسو ان لو اقدمو عليها مره اخرى بتعرون نفس غيرهم الشعر مورث طيب توارثناه وحبيناه ابا عن جد مانسمح انه يكون بشكل سيء شنو يقولون الشعار لدخلو القسم وشافو هالشخابيط الحاليه ؟ اول شي بقول لا طبنا ولا غدا شرنا ولا نبي هالقسم ويطلعون زين انتو كأعضاء خافو ربكم شقدمتو لمنتدى محروم ؟ قدمتو شي يرفع الرأس عشان ننقله للخارج ؟ عطوني واقولها لكم شي انتقل من محروم للخارج بقسم الشعر ؟ حنا مانصيد ولا نعذرب ولا نحرض بس نقول مستقبلا نبي نشوف الشي الطيب وبدايته منكم يا أعضاء فلا يزعل من نقوله قصيدتك مو موزونه ؟ اذا تبلغ يرد ويسأل بينلي وين الكسر او شنهو اللي مهو موزون ؟ وخل يرد عليه السائل ترى الشاعر ما يطرح اللي عنده للعامه الا جاهز للنقد ولا للمديح وأذا سأل مايبي أحد يرد عن الشاعر لا مشرف ولا عضو لان المغزى والعلم بين ضلوع الشاعر فكفايه نصره وكفايه تسلق على ظهور الغير كم واحد طفشتو بهالنصره ؟ خلو الشاعر هو يرد محد يتكلم عنه ولا يدافع طالما فيه ناقد له يستبين او يستعلم او ينتقد اما اذا سب او غلط وخرج عن المؤلوف هذيك الساعه يجي دور الاشراف وتذكر اخوي الخالدي وتذكرو يارواد المنتدى يا اخوان واخوات طرح اسم قبل فتره وانا اعرف منو هو وبنك ماراح اقولكم بنت ولا ولد وبيطرح قصائد بوقت ماء وبتكون مغتبسه وغير موزونه ولا فيها ذره من الاحساس الطيب وبتنمدح وراح يرد بعدين ويعقب على كل رد وهذا من حقه خبزن خبزتيه يالرفله اكليه وشفت واحد من الاخوه يمشي وينتقد كيفه النقد مباح ودخل على كاتب جديد وقاله تقول قصيده حلوه بس مو موزونه وتسكت غلط رديت عليه قلتله ملاحظه طيبه اخوي ممكن تورينا وتعلمنا وين انكسر الوزن او انحرف وشنو ودك بداله ؟ مارد علي وشفته قرأ الرد داخل الموضوع خليته وعدة له بقصيده وعطيته من نفس الكأس اللي عطاه للكاتب الجديد وقلت لبو النقد قصيده حلوه بس مو موزونه وسكت ولا رفع عقب ردي اي رد ؟ لان عارف مايكتبه ما يرضي العامه ولا هو بقصيد وانا اذكر انتقد واحد من الاخوه احد الاشخاص بملاحظه بسيطه انا يعني مابين اايده ومابين لان لان الشطر حده ومو هذيك الجسامه اللي يستاهل التوبيخ او النقد حاولت ابيله ماطاعني هالناقد (قلتله الاخ كسره بسيط بس انت بيتين الشعر بتوقيعك مالهم لا طعم ولا وزن ولا متقيد بالقافيه ) كان توقيع حاطه وشاف ردي وسكت فالشعر له الله الشعر يدمي له القلب وأن دشيت بعض المنتديات بأقسامهم تشوف القسم الرئيسي للكتاب (ومنهم المحترفون) بالاغتباس والمسخ والنسخ والسرقه عندهم دكتواراه بتطويا الاحرف ومدها وتغيير اللفظ ببساطه بس مايدرون لو أنصادو مايرحمون ويستاهلون مايجيهم الاقسام دائما تجي بشكل منظم القسم الرئيسي للمورث والشعراء الجزال من الشعر النبطي مو اي شاعر ويحاسب المشرف على اي طرح غير جزل وافرح للخواطر لكتاب المنتدى للمنقول للمحاوره للميدان هذي التقسيمه اللي تفتح النفس نعطي واجهه للمضمون نعطي واجهه للفطاحله نعطي واجهه للقصص والقصائد ان كنا نبيها مرجعيه لنا اكثر الناس تعشق النبطي وتدوره دواره وانا واحد منهم وفيه من المنتديات على مدار 24 ساعه مستحيل تشوفه اقل من 100 زائة ويوصل الى 500 زائر من كل مشارق الارض هذا ماعندي حاليا واذا فيه شي بجيكم عقب وأعقب حاضر والكم الى طيبة الخاطر هالشي أنا شفته وأنا لمسته وأنا شهدة عليه ناس حتى من الاداره مشكورين وأنا لمن أقول هالكلام مالي فيه ولا مشاركه ولا أصلا بشارك بهالحاله هذي يعني مالي مغزه لا تطرحون شي بالعامه وتقولون مانبي تعليقات او نقد ماتبي دز لنفسك مسج وكتب لنفسك بعيد عن اعينا ولا حط ملاحظه كبيره رجاءا امدحوني ولا تنتقدوني هنيه بنسكت ونترفع اتمنى من ربي نشوف الشي اللي اخوانا وخواتنا يقدمونه للشعر ونفتخر فيه وخير الكلام ننهيه بهالبيتين وصدق الفرزدق الخالدي لمن قال وما الناس بالناس الذين عهدتهم $$ولا الدار بالدار التي كنت تعرف وصدق أمري القيس الخالدي يوم قال : وقوفا بها صحبى على مطيهم $$ يقولون لا تهلك اسى و تجمل مو تصدقون الفرزدق وامري القيس خوالد ترى مو خوالد كنت بغتبسهم وحطهم بسمي مثل البعض همسه كيبوردي اسود وانا اكتب وحدي متعب من الصخونه اذا فيه بدليات ولا غلطات أملائيه طوفولي كاني نوهت | |
التعديل الأخير تم بواسطة كويتي ; 05-24-2008 الساعة 08:41 PM | ||
05-24-2008, 07:29 PM | رقم المشاركة : [ 3 ] | |
عضو ماسي | وعليك السلام ورحمة الله وبركاتة يالخالدي صدقت في كل كلمة قلتها ، [motfrk]بصراحة ذكرتني بسالفة شخص اعرفة عدنا فالدوام [/motfrk]عنده منصب وجذه ، من يوصل بقعتنا ( هلوا به ورحبوا به وكلام غاااوي )-ماشالله [S]الجماعة مرحبانيين[/S]- ومن يظهر يواقعونة ويرمسون عليه.. هذا حالنا هنا فالإنترنت والمنتديات ، واللي انا شخصياً اعتبرها بيئة الكترونية .. فيها الصالح والطالح فيها الصدق والكذاب والمجامل .. نحن لو نتعامل مع كل موضوع عندنا هنا فالإستراحة بمصداقية (بغض النظر عن الشخص ) يعني بدون تحيز لاشخاص معينين ، راح نحقق هدف اللي نرمي اليه وهو ( اعطاء كل واحد حقة ) في الردود من خلال مواضيعه .. انا صدق احيانا انزل مواضيع اشوف ناس تاخذه من زوايا عده وتتشعب فيه ، وشي منهم من زاوية وحده ومنهم من يكتفي بالشكر ( انا شو اباااه الشكر بدون لا اعرف وجهة النظر ؟!!) وشي منهم طال عمرك تمدح فالأشخاص اللي (ينقلون مواضيع) يعني لاابداع ولاجهد او تعب فكري .. كوبي بيست ويالله البق كلمتين الشكر والزينة ورووووح.... ياريااال ، نحن نتمنى نوصل للكمال (والكامل رب العالمين وحده لاشريك له ) ولكن مع هذه المواضيع واللي مثلك وشرواك ، راح تتضح الرؤية ، لأني فالفترة الأخيره استشفيت ان بعض الاعضاء مسجلين يزيدون مشاركاتهم فقط ..."للأسف " بارك الله فيك يالخووووي، واسمح لي هالمره هب مجاملة فيك بس اني مرتاح لمواضيعك وخاصة يوم تكون منك ومن افكارك ، ونحن نرحب بمواضيعكم التي هي من مجهودكم.. اخوك / غديّر النعيمي __DEFINE_LIKE_SHARE__ | |
التعديل الأخير تم بواسطة النعيمي ; 05-25-2008 الساعة 06:26 PM سبب آخر: تم اضافة التفاصيل من بعد الحجز | ||
05-24-2008, 08:52 PM | رقم المشاركة : [ 4 ] | |
● " سٌـۈد المِدآمـِع زهّـتْ لـوّ مـًآ تِكحّلهَـآ " ● | السلام عليكم ورحمة الله وبركاته مرحبااااااااااااا والله بخوو نووره خخخخخ..^^ والله انك صادق في كلمه الواحد يتعب ويكتب موضوع واخر شي محد يدخل عليه وان دخل حد قالك يسلموووووو يا خي اللي ما يبغي يقرا شي لا يحدر ويتعب عمره في اقسام عندك تروم تعبر عن شعورك بكمله يسلموو نحن هب قاعدين نشوف صوره ولا نلعب لعبه نحن في هالقسم ناقش قضايا مهمه.. بالنسبه للمجاملات والله الغالي انك صدقت البعض يرد عسب انه خويه هو اللي كتب الموضوع ولا عسب ان مشرف القسم حط الموضوع ولا يمكن شخصيه العضو الفلاني تعيبه وقال انا بدخل ارد ع موضوعه..^^ وبوووووووو حمد هههههههههههههه مشاء الله عليه ما خلالنا شي كله الكلام عنده..^^ عسانا ما ننحرم من شوف هالمواضيع سلمت الأيادي والله يعطييييييك الف عافيه وتقبل مروي,...^^ __DEFINE_LIKE_SHARE__ | |
| ||
05-24-2008, 09:30 PM | رقم المشاركة : [ 5 ] | |
عضو ماسي | السلام عليكم ورحمة الله وبركااته.. ماشاءالله...اخ كويتــــــــي ابدا ما قصـــــــــــر كلامك صحيح يا اخوي انه واحد يتعب و يكتب بس فى الاخير ما نشوف اي شي من التعب الى سويتهاااا..و كلمه "لا تعليق" او "شكر" و "يسلوو"...كالعااااده..و كم من مرة تناااقشنا فى هالموضوع..و فى كم من الاعضااء بس يردوون ع الاعضااء الى هما يعرفونهم او فى منهم ما راح يجاوب ع البعض اخر..بي سببأ ما... و عن المجاملاااااااااااااااات...ماشاءالله..لا اله الا الله...واااااااااااااايد..عيني عينك بي تشوف الاعضااء يجاااملوووووووووون... اتمنااا انه الاعضااء يفهمون و يستفيدون من هالموضوع.. و اشكرك يا اخوي ع هالموضوع الحسااس..لاهنت... ابدعت فى طرحك المميز. __DEFINE_LIKE_SHARE__ | |
| ||
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سـبـاق لـخـيـمـة الـصـيـد بالـصـقــور ... ( دعـوه للإجـتـمـاع والـنـقـاش ) | محروم.كوم | منتدى أخبار المواقع والمنتديات العربية والأجنبية | 0 | 05-02-2010 05:10 PM |
((( مزاين أم رقيبه))) دعـوه حـــوار ونــقـاش هـــــادف | محروم.كوم | منتدى أخبار المواقع والمنتديات العربية والأجنبية | 0 | 02-10-2010 01:10 PM |
دعـوه مـفـتـّـّـوحـه لـتـعـذيـب((((صـاحـب الـمـنـتـدي)))) يــلا ادخـّـّـّـّـّـّــلـوا | محروم.كوم | منتدى أخبار المواقع والمنتديات العربية والأجنبية | 0 | 04-10-2009 04:40 PM |