-:: تجهيزات الانارة للكشتات - حصريا على مكشات :: تجهيز شروكي :: وكل الجيوب ::-

محروم.كوم · #1 11-02-2009, 11:30 AM

بسم الله الرحمن الرحيم ..

السلام عليكم ورحمة الله وبركاته ..

بصراحة الفكرة من زمان كانت ببالي والحمد لله سويتها بموتري السنه اللي طافت وطلعت مضبوطه 100%

والفكرة عبارة عن ( انارة كشته ثابته على السياره – بطريقه حرفيه ومخفيه )

وما أطول عليكم اعرض لكم الفكر وان شاء الله الكل يستفيد ..

أولا : الأدوات المستخدمة ..

1- هلولدر حق اللمبات مع براغي + صبغ رش (حتى يكون مثل لون السيارة )

2- لمبات 12 فولت عدد 2 (موجودة بأي محطة بسعر 8 ريال سعودي )

3- واير مزدوج (حق التوصيل )

4- مسكات حق نهاية الواير ( رأس اشتراك صغير ب 5 ريال )

شباب بصراحة للأسف إني ما صورت الشغل خطوة بخطوة لكن انتوا من تشوفون الطريقة راح تفهمونها لأنها سهلة جدا ..

ثانيا : طريقة العمل ..

1- يتم ثقب الديكور ( لكل هولدر 3 ثقوب – واحد للواير و 2 للبراغي )
2- إدخال الوايرات من الثقب المخصص لهم ..
3- تركيب الهولدرات بالديكور بشكل مرتب ومخفي .. وهذي النتيجة

لاحظوهم فوق وانا تعمدت اني ما احط عليهم دوائر ..

4- تمديد الوايرات من داخل الديكور ثم إغلاق الديكور وتركيب اللمبات .. وهذي النتيجة

5- واخير تركيب الاشتراك على بطارية السيارة او بطارية اضافية ( على راحتك – والافضل بطارة خارجية ) .. للاسف البطارية كانت فاضيه

وهذي صورة لأحد الكشتات .. شوفوا الانارة ماشاء الله ..

اتمنى اني قدمت شي يفيد الكواشيت

لا تنسون التقيييييييييييم ترى يهمني حيل

بارك

الله

فيكم .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تكفون ياهل الجيوب ابي تجهيز جيب	محروم.كوم	منتدى أخبار المواقع والمنتديات العربية والأجنبية	0	05-04-2010 05:04 PM
تجهيز مراكز التجميل،تجهيز المشاغل،باجهزة الليزر للتجميل	محروم.كوم	منتدى أخبار المواقع والمنتديات العربية والأجنبية	0	01-31-2010 03:20 PM
تجهيز مراكز التجميل،تجهيز المشاغل،تجهيز عيادات التجميل باجهزة الليزر لازالة الشعر،	محروم.كوم	منتدى أخبار المواقع والمنتديات العربية والأجنبية	0	01-28-2010 04:50 AM
تجهيز الجيوب حسب الطلب‎	محروم.كوم	منتدى أخبار المواقع والمنتديات العربية والأجنبية	0	12-29-2009 10:20 PM
تجهيز الجيوب حسب الطلب	محروم.كوم	منتدى أخبار المواقع والمنتديات العربية والأجنبية	0	12-25-2009 05:50 PM